T20 World Cup 2024: ਸਪੋਰਟਸ ਡੈਸਕ। 29 ਜੂਨ 2024 ਭਾਰਤੀ ਕ੍ਰਿਕੇਟ ਟੀਮ ਲਈ ਇੱਕ ਯਾਦਗਾਰੀ ਦਿਨ ਹੈ ਕਿਉਂਕਿ ਇੱਕ ਸਾਲ ਪਹਿਲਾਂ ਅੱਜ ਹੀ ਦੇ ਦਿਨ, ਰੋਹਿਤ ਸ਼ਰਮਾ ਦੀ ਅਗਵਾਈ ਵਾਲੀ ਟੀਮ ਨੇ ਟੀ-20 ਵਿਸ਼ਵ ਕੱਪ ਦਾ ਖਿਤਾਬ ਆਪਣੇ ਨਾਂਅ ਕੀਤਾ ਸੀ। ਭਾਰਤ ਨੇ ਬਾਰਬਾਡੋਸ ’ਚ ਖੇਡੇ ਗਏ ਫਾਈਨਲ ਮੈਚ ’ਚ ਦੱਖਣੀ ਅਫਰੀਕਾ ਨੂੰ 7 ਦੌੜਾਂ ਨਾਲ ਹਰਾ ਕੇ ਆਈਸੀਸੀ ਟਰਾਫੀ ਜਿੱਤਣ ਦੇ ਸੋਕੇ ਨੂੰ ਖਤਮ ਕੀਤਾ ਸੀ ਤੇ ਕਰੋੜਾਂ ਦੇਸ਼ ਵਾਸੀਆਂ ਨੂੰ ਖੁਸ਼ ਹੋਣ ਦਾ ਮੌਕਾ ਦਿੱਤਾ ਸੀ। ਰੋਹਿਤ ਦੀ ਟੀਮ ਨੇ ਬਾਰਬਾਡੋਸ ’ਚ ਤਿਰੰਗਾ ਲਹਿਰਾਇਆ ਸੀ। T20 World Cup 2024

ਇਹ ਖਬਰ ਵੀ ਪੜ੍ਹੋ : Yamunotri Cloudburst News: ਯਮੁਨੋਤਰੀ ਹਾਈਵੇਅ ’ਤੇ ਸਿਲਾਈ ਬੈਂਡ ਨੇੜੇ ਬੱਦਲ ਫਟਿਆ… ਕਈ ਮਜ਼ਦੂਰ ਲਾਪਤਾ, ਰੈਸਕ…

ਰੋਹਿਤ-ਕੋਹਲੀ ਹੋ ਗਏ ਸਨ ਭਾਵੁਕ | T20 World Cup 2024

ਇਹ ਸਿਰਫ਼ ਇੱਕ ਖਿਤਾਬ ਜਿੱਤ ਨਹੀਂ ਸੀ, ਇਹ ਭਾਰਤੀ ਟੀਮ ਦੇ ਕਰੋੜਾਂ ਪ੍ਰਸ਼ੰਸਕਾਂ ਲਈ ਇੱਕ ਯਾਦਗਾਰੀ ਜਿੱਤ ਸੀ ਜਿਸਨੂੰ ਭੁਲਾਇਆ ਨਹੀਂ ਜਾ ਸਕਦਾ। 17 ਸਾਲਾਂ ਬਾਅਦ, ਭਾਰਤ ਨੇ ਰੋਹਿਤ ਸ਼ਰਮਾ ਦੀ ਅਗਵਾਈ ’ਚ ਟੀ-20 ਵਿਸ਼ਵ ਕੱਪ ਦਾ ਖਿਤਾਬ ਜਿੱਤਿਆ। ਇਸ ਜਿੱਤ ਤੋਂ ਬਾਅਦ, ਭਾਰਤੀ ਖਿਡਾਰੀਆਂ ਦੀਆਂ ਅੱਖਾਂ ਨਮ ਹੋ ਗਈਆਂ। ਰੋਹਿਤ ਸ਼ਰਮਾ ਤੇ ਵਿਰਾਟ ਕੋਹਲੀ ਇੱਕ ਦੂਜੇ ਨੂੰ ਜੱਫੀ ਪਾਉਂਦੇ ਵੇਖੇ ਗਏ। ਇਸ ਦੌਰਾਨ, ਦੋਵੇਂ ਭਾਵੁਕ ਦਿਖਾਈ ਦਿੱਤੇ।

ਦੂਜੀ ਵਾਰ ਜਿੱਤਿਆ ਸੀ ਖਿਤਾਬ | T20 World Cup 2024

ਭਾਰਤ ਨੇ ਦੂਜੀ ਵਾਰ ਟੀ-20 ਵਿਸ਼ਵ ਕੱਪ ਦਾ ਖਿਤਾਬ ਜਿੱਤਿਆ। ਫਾਈਨਲ ਮੈਚ ’ਚ, ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਤੋਂ ਬਾਅਦ, ਭਾਰਤ ਨੇ 20 ਓਵਰਾਂ ’ਚ 7 ਵਿਕਟਾਂ ਦੇ ਨੁਕਸਾਨ ’ਤੇ 176 ਦੌੜਾਂ ਬਣਾਈਆਂ। ਜਿਸ ਵਿੱਚ ਮਹਾਨ ਖਿਡਾਰੀ ਵਿਰਾਟ ਕੋਹਲੀ ਦੀ 76 ਦੌੜਾਂ ਦੀ ਪਾਰੀ ਸ਼ਾਮਲ ਰਹੀ ਸੀ, ਪੂਰੇ ਟੀ20 ਵਿਸ਼ਵ ਕੱਪ ’ਚ ਵਿਰਾਟ ਦਾ ਬੱਲਾ ਨਹੀਂ ਚੱਲਿਆ ਸੀ, ਅਜਿਹੇ ’ਚ ਲੋਕ ਸੁਆਲ ਚੁੱਕ ਰਹੇ ਸਨ ਕਿ ਵਿਰਾਟ ਦਾ ਬੱਲਾ ਨਹੀਂ ਚੱਲ ਰਿਹਾ। T20 World Cup 2024

ਪਰ ਵਿਰਾਟ ਨੇ ਫਾਈਨਲ ’ਚ ਸਭ ਨੂੰ ਮੂੰਹ ਤੋੜ ਜਵਾਬ ਦਿੱਤੇ ਤੇ 76 ਦੌੜਾਂ ਦੀ ਪਾਰੀ ਖੇਡੀ। ਜਵਾਬ ’ਚ, ਦੱਖਣੀ ਅਫਰੀਕਾ ਦੀ ਟੀਮ 20 ਓਵਰਾਂ ’ਚ 8 ਵਿਕਟਾਂ ਦੇ ਨੁਕਸਾਨ ’ਤੇ 169 ਦੌੜਾਂ ਹੀ ਬਣਾ ਸਕੀ। ਇਸ ਜਿੱਤ ਨਾਲ, ਭਾਰਤ ਨੇ 11 ਸਾਲਾਂ ਦੇ ਆਈਸੀਸੀ ਟਰਾਫੀ ਦੇ ਸੋਕੇ ਨੂੰ ਖਤਮ ਕਰ ਦਿੱਤਾ। ਭਾਰਤ ਨੇ ਇਸ ਤੋਂ ਪਹਿਲਾਂ 2013 ’ਚ ਚੈਂਪੀਅਨਜ਼ ਟਰਾਫੀ ਜਿੱਤੀ ਸੀ। ਇਸ ਦੇ ਨਾਲ ਹੀ, ਭਾਰਤ ਨੇ 17 ਸਾਲਾਂ ਬਾਅਦ ਟੀ-20 ਵਿਸ਼ਵ ਕੱਪ ਤੇ 13 ਸਾਲਾਂ ਬਾਅਦ ਇੱਕ ਵਿਸ਼ਵ ਕੱਪ ਜਿੱਤਿਆ ਸੀ। ਭਾਰਤ ਨੇ 2011 ’ਚ ਇੱਕ ਰੋਜ਼ਾ ਵਿਸ਼ਵ ਕੱਪ ਜਿੱਤਿਆ ਸੀ। T20 World Cup

ਟੀ-20 ਵਿਸ਼ਵ ਕੱਪ 2024 ’ਚ ਭਾਰਤ ਦਾ ਸਫ਼ਰ | T20 World Cup 2024

ਟੀ-20 ਵਿਸ਼ਵ ਕੱਪ ’ਚ ਭਾਰਤੀ ਟੀਮ ਨੂੰ ਗਰੁੱਪ-ਏ ’ਚ ਸ਼ਾਮਲ ਕੀਤਾ ਗਿਆ ਸੀ, ਜਿਸ ’ਚ ਪਾਕਿਸਤਾਨ, ਆਇਰਲੈਂਡ, ਅਮਰੀਕਾ ਤੇ ਕੈਨੇਡਾ ਸ਼ਾਮਲ ਸਨ। ਟੂਰਨਾਮੈਂਟ ਸ਼ੁਰੂ ਹੋਣ ਤੋਂ ਪਹਿਲਾਂ, ਭਾਰਤ ਨੇ ਬੰਗਲਾਦੇਸ਼ ਵਿਰੁੱਧ ਇੱਕੋ-ਇੱਕ ਅਭਿਆਸ ਮੈਚ ਖੇਡਿਆ ਜਿਸ ’ਚ ਉਸਨੇ ਜਿੱਤ ਹਾਸਲ ਕੀਤੀ। ਭਾਰਤ ਨੇ ਗਰੁੱਪ ਪੜਾਅ ਦੇ ਆਪਣੇ ਸਾਰੇ ਮੈਚ ਅਮਰੀਕਾ ’ਚ ਖੇਡੇ। ਟੂਰਨਾਮੈਂਟ ’ਚ ਭਾਰਤ ਦਾ ਪਹਿਲਾ ਮੈਚ 5 ਜੂਨ ਨੂੰ ਆਇਰਲੈਂਡ ਵਿਰੁੱਧ ਸੀ, ਜਿਸ ’ਚ ਟੀਮ ਨੇ 8 ਵਿਕਟਾਂ ਨਾਲ ਜਿੱਤ ਹਾਸਲ ਕੀਤੀ ਸੀ।

ਇਸ ਤੋਂ ਬਾਅਦ, ਟੀਮ ਨੇ 9 ਜੂਨ ਨੂੰ ਨਿਊਯਾਰਕ ’ਚ ਆਪਣੇ ਕੱਟੜ ਵਿਰੋਧੀ ਪਾਕਿਸਤਾਨ ਦਾ ਸਾਹਮਣਾ ਕੀਤਾ। ਇਸ ਮੈਚ ’ਚ ਭਾਰਤੀ ਟੀਮ ਚੰਗੀ ਸਥਿਤੀ ’ਚ ਨਹੀਂ ਸੀ, ਪਰ ਅਖੀਰ ’ਚ, ਗੇਂਦਬਾਜ਼ਾਂ ਦੇ ਜ਼ਬਰਦਸਤ ਪ੍ਰਦਰਸ਼ਨ ਕਾਰਨ ਜਿਸ ਵਿੱਚ ਜਸਪ੍ਰੀਤ ਬੁਮਰਾਹ ਦਾ ਵੱਡਾ ਯੋਗਦਾਨ ਰਿਹਾ, ਭਾਰਤ ਨੇ ਪਾਕਿਸਤਾਨ ਨੂੰ ਛੇ ਦੌੜਾਂ ਨਾਲ ਹਰਾ ਦਿੱਤਾ। ਫਿਰ ਟੀਮ ਦਾ ਸਾਹਮਣਾ 12 ਜੂਨ ਨੂੰ ਅਮਰੀਕਾ ਨਾਲ ਹੋਇਆ, ਜਿੱਥੇ ਭਾਰਤ ਨੇ 7 ਵਿਕਟਾਂ ਨਾਲ ਜਿੱਤ ਹਾਸਲ ਕੀਤੀ ਤੇ ਸੁਪਰ-8 ਪੜਾਅ ਲਈ ਕੁਆਲੀਫਾਈ ਕੀਤਾ।

ਭਾਰਤ ਦਾ ਗਰੁੱਪ ਪੜਾਅ ਦਾ ਆਖਰੀ ਮੈਚ ਫਲੋਰੀਡਾ ’ਚ ਕੈਨੇਡਾ ਵਿਰੁੱਧ ਸੀ, ਜੋ ਮੀਂਹ ਕਾਰਨ ਰੱਦ ਹੋ ਗਿਆ। ਭਾਰਤ ਅਗਲੇ ਦੌਰ ਲਈ ਵੈਸਟਇੰਡੀਜ਼ ਗਿਆ, ਜਿੱਥੇ ਟੀਮ ਇੰਡੀਆ ਦਾ ਪਹਿਲਾ ਮੈਚ 20 ਜੂਨ ਨੂੰ ਅਫਗਾਨਿਸਤਾਨ ਵਿਰੁੱਧ ਸੀ। ਭਾਰਤੀ ਟੀਮ ਨੇ ਇਸ ਮੈਚ ’ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਤੇ 47 ਦੌੜਾਂ ਨਾਲ ਜਿੱਤ ਹਾਸਲ ਕੀਤੀ। ਇਸ ਤੋਂ ਬਾਅਦ, ਟੀਮ ਨੇ 22 ਜੂਨ ਨੂੰ ਬੰਗਲਾਦੇਸ਼ ਨੂੰ 50 ਦੌੜਾਂ ਨਾਲ ਹਰਾਇਆ। ਫਿਰ ਭਾਰਤ ਦਾ ਸਾਹਮਣਾ 24 ਜੂਨ ਨੂੰ ਇੱਕ ਰੋਜ਼ਾ ਵਿਸ਼ਵ ਕੱਪ ਜੇਤੂ ਅਸਟਰੇਲੀਆ ਨਾਲ ਹੋਇਆ। ਇਹ ਇਸ ਟੂਰਨਾਮੈਂਟ ’ਚ ਭਾਰਤ ਦਾ ਸਭ ਤੋਂ ਮਹੱਤਵਪੂਰਨ ਮੈਚ ਸੀ।

ਭਾਰਤੀ ਟੀਮ ਨੇ ਕਪਤਾਨ ਰੋਹਿਤ ਸ਼ਰਮਾ ਦੀ ਤੂਫਾਨੀ ਪਾਰੀ ਦੀ ਬਦੌਲਤ ਇਹ ਮੈਚ 24 ਦੌੜਾਂ ਨਾਲ ਜਿੱਤਿਆ ਤੇ ਸੈਮੀਫਾਈਨਲ ’ਚ ਜਗ੍ਹਾ ਬਣਾਈ। ਫਿਰ ਸੈਮੀਫਾਈਨਲ ’ਚ ਭਾਰਤ ਦਾ ਮੁਕਾਬਲਾ ਪਿਛਲੀ ਵਾਰ ਦੀ ਟੀ20 ਚੈਂਪੀਅਨ ਟੀਮ ਇੰਗਲੈਂਡ ਨਾਲ ਹੋਇਆ, ਇਹ ਇੰਗਲੈਂਡ ਹੀ ਸੀ ਜਿਸ ਨੇ 2022 ’ਚ ਸੈਮੀਫਾਈਨਲ ’ਚ ਭਾਰਤ ਨੂੰ ਹਰਾ ਕੇ ਟੂਰਨਾਮੈਂਟ ਤੋਂ ਬਾਹਰ ਕੀਤਾ ਸੀ। ਭਾਰਤ ਨੇ ਇਸ ਦਾ ਬਦਲਾ ਮੌਜ਼ੂਦਾ ਚੈਂਪੀਅਨ ਟੀਮ ਨੂੰ 68 ਦੌੜਾਂ ਨਾਲ ਹਰਾ ਕੇ ਲਿਆ ਤੇ ਫਾਈਨਲ ’ਚ ਦਾਖਲ ਹੋਏ। ਅੰਤ ’ਚ, ਭਾਰਤ ਨੇ ਫਾਈਨਲ ਦੀ ਰੁਕਾਵਟ ਨੂੰ ਵੀ ਪਾਰ ਕੀਤਾ ਤੇ ਖਿਤਾਬ ਜਿੱਤ ਕੇ ਸੋਕੇ ਨੂੰ ਖਤਮ ਕੀਤਾ।

ਰੋਹਿਤ ਤੇ ਕੋਹਲੀ ਨੇ ਕਿਹਾ ਸੀ ਟੀ20 ਅੰਤਰਰਾਸ਼ਟਰੀ ਨੂੰ ਅਲਵਿਦਾ

ਜਦੋਂ ਭਾਰਤੀ ਪ੍ਰਸ਼ੰਸਕ ਇਸ ਖਿਤਾਬ ਜਿੱਤ ਦੇ ਜਸ਼ਨ ’ਚ ਡੁੱਬੇ ਹੋਏ ਸਨ, ਵਿਰਾਟ ਕੋਹਲੀ ਨੇ ਟੀ-20 ਅੰਤਰਰਾਸ਼ਟਰੀ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕਰਕੇ ਸਭ ਨੂੰ ਹੈਰਾਨ ਕਰ ਦਿੱਤਾ। ਭਾਰਤ ਦੀ ਜਿੱਤ ਤੋਂ ਬਾਅਦ ਹੀ ਕੋਹਲੀ ਨੇ ਐਲਾਨ ਕੀਤਾ ਸੀ ਕਿ ਉਹ ਹੁਣ ਭਾਰਤ ਲਈ ਇਸ ਫਾਰਮੈਟ ’ਚ ਨਹੀਂ ਖੇਡਣਗੇ, ਪਰ ਆਈਪੀਐਲ ’ਚ ਖੇਡਣਾ ਜਾਰੀ ਰੱਖਣਗੇ।

ਇਸ ਤੋਂ ਬਾਅਦ, ਪ੍ਰੈਸ ਕਾਨਫਰੰਸ ’ਚ, ਰੋਹਿਤ ਨੇ ਟੀ-20 ਅੰਤਰਰਾਸ਼ਟਰੀ ਨੂੰ ਅਲਵਿਦਾ ਕਹਿ ਕੇ ਪ੍ਰਸ਼ੰਸਕਾਂ ਨੂੰ ਦੋਹਰਾ ਝਟਕਾ ਦਿੱਤਾ। ਇਨ੍ਹਾਂ ਦੋ ਸਟਾਰ ਖਿਡਾਰੀਆਂ ਤੋਂ ਇਲਾਵਾ, ਇਹ ਉਸ ਸਮੇਂ ਦੇ ਭਾਰਤੀ ਕੋਚ ਰਾਹੁਲ ਦ੍ਰਾਵਿੜ ਦਾ ਕੋਚ ਵਜੋਂ ਆਖਰੀ ਮੈਚ ਵੀ ਸੀ ਕਿਉਂਕਿ ਇਸ ਤੋਂ ਬਾਅਦ ਉਨ੍ਹਾਂ ਦਾ ਕਾਰਜਕਾਲ ਖਤਮ ਹੋ ਗਿਆ ਸੀ। ਦ੍ਰਾਵਿੜ ਅੱਗੇ ਅਹੁਦੇ ’ਤੇ ਨਹੀਂ ਰਹਿਣਾ ਚਾਹੁੰਦੇ ਸਨ। ਇਸ ਤਰ੍ਹਾਂ, ਰੋਹਿਤ-ਕੋਹਲੀ ਤੇ ਦ੍ਰਾਵਿੜ ਦੀ ਤਿੱਕੜੀ ਨੇ ਖਿਤਾਬ ਜਿੱਤ ਨਾਲ ਅਲਵਿਦਾ ਕਹਿ ਦਿੱਤਾ।

ਫਾਈਨਲ ਮੈਚ ਦੀ ਪਿੱਚ ਨੂੰ ਦੱਸਿਆ ‘ਬਹੁਤ ਵਧੀਆ’ | New York

• ਅਫਗਾਨਿਸਤਾਨ ਦਾ ਸੈਮੀਫਾਈਨਲ ਵੀ ਖਰਾਬ ਵਿਕਟ ’ਤੇ ਹੋਇਆ | New York
• ਦਿੱਗਜ਼ਾਂ ਨੇ ਕੀਤੀ ਸੀ ਸਖਤ ਆਲੋਚਨਾ

ਸਪੋਰਟਸ ਡੈਸਕ। New York: ਨਿਊਯਾਰਕ ਦੇ ਨਸਾਓ ਕਾਊਂਟੀ ਸਟੇਡੀਅਮ ਦੀ ਪਿੱਚ ਨੂੰ ਅੰਤਰਰਾਸ਼ਟਰੀ ਕ੍ਰਿਕੇਟ ਕੌਂਸਲ (ਆਈਸੀਸੀ) ਨੇ ਖਰਾਬ ਦੱਸਿਆ ਹੈ। ਇੱਥੇ ਟੀ-20 ਵਿਸ਼ਵ ਕੱਪ ’ਚ ਗਰੁੱਪ ਪੜਾਅ ਦੇ ਮੈਚ ਖੇਡੇ ਗਏ ਸਨ। ਆਈਸੀਸੀ ਨੇ ਟੂਰਨਾਮੈਂਟ ਦੇ 2 ਮਹੀਨਿਆਂ ਬਾਅਦ ਪਿੱਚਾਂ ਦਾ ਦਰਜਾ ਦਿੱਤਾ। ਆਈਸੀਸੀ ਨੇ ਤ੍ਰਿਨੀਦਾਦ ’ਚ ਅਫਗਾਨਿਸਤਾਨ ਤੇ ਦੱਖਣੀ ਅਫਰੀਕਾ ਵਿਚਕਾਰ ਸੈਮੀਫਾਈਨਲ ਦੀ ਪਿੱਚ ਨੂੰ ਵੀ ਖਰਾਬ ਦੱਸਿਆ ਹੈ। ਜਦੋਂ ਕਿ ਆਈਸੀਸੀ ਨੇ ਨਿਊਯਾਰਕ ’ਚ ਭਾਰਤ ਤੇ ਪਾਕਿਸਤਾਨ ਵਿਚਕਾਰ ਮੈਚ ਦੀ ਪਿੱਚ ਨੂੰ ਠੀਕ ਮੰਨਿਆ ਹੈ। ਜਿੱਥੇ ਭਾਰਤ ਨੇ ਕਰੀਬੀ ਮੈਚ 6 ਦੌੜਾਂ ਨਾਲ ਜਿੱਤਿਆ ਸੀ। New York

ਰੋਹਿਤ, ਪੰਤ ਨਿਊਯਾਰਕ ’ਚ ਹੋਏ ਸਨ ਜਖਮੀ | New York

ਵਿਸ਼ਵ ਕੱਪ ਦੇ 8 ਮੈਚ ਨਿਊਯਾਰਕ ’ਚ ਖੇਡੇ ਗਏ ਸਨ ਪਰ ਆਈਸੀਸੀ ਨੇ ਪਹਿਲੇ 2 ਮੈਚਾਂ ਦੀ ਪਿੱਚ ਨੂੰ ਖਰਾਬ ਦੱਸਿਆ ਹੈ। ਇਹ ਮੈਚ ਸ਼੍ਰੀਲੰਕਾ-ਦੱਖਣੀ ਅਫਰੀਕਾ ਤੇ ਭਾਰਤ-ਆਇਰਲੈਂਡ ਵਿਚਕਾਰ ਹੋਏ। ਸ਼੍ਰੀਲੰਕਾ ਜਿੱਥੇ ਸਿਰਫ 77 ਦੌੜਾਂ ਹੀ ਬਣਾ ਸਕਿਆ, ਉੱਥੇ ਆਇਰਲੈਂਡ 96 ਦੌੜਾਂ ਤੱਕ ਹੀ ਸੀਮਤ ਰਿਹਾ। ਆਇਰਲੈਂਡ ਖਿਲਾਫ ਮੈਚ ’ਚ, ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਆਪਣਾ ਅਰਧ ਸੈਂਕੜਾ ਜੜਨ ਤੋਂ ਬਾਅਦ ਰਿਟਾਇਰ ਹੋ ਗਏ ਕਿਉਂਕਿ ਉਨ੍ਹਾਂ ਦੇ ਸਰੀਰ ’ਤੇ ਕੱੁਝ ਗੇਂਦਾਂ ਲੱਗੀਆਂ ਸਨ। ਇਸੇ ਮੈਚ ’ਚ ਰਿਸ਼ਭ ਪੰਤ ਵੀ ਜ਼ਖਮੀ ਹੋ ਗਏ ਸਨ, ਕੁਝ ਗੇਂਦਾਂ ਉਨ੍ਹਾਂ ਦੇ ਸਰੀਰ ’ਤੇ ਸਿੱਧੀਆਂ ਲੱਗੀਆਂ ਸਨ। ਆਇਰਲੈਂਡ ਦੇ ਹੈਰੀ ਟੇਕਟਰ ਵੀ ਭਾਰਤ ਦੇ ਜਸਪ੍ਰੀਤ ਬੁਮਰਾਹ ਦੀ ਗੇਂਦ ਨਾਲ ਜਖਮੀ ਹੋਏ ਸਨ। New York

Read This : Yuvraj Singh : ਇਸ ਬੱਲੇਬਾਜ਼ ਨੇ ਇੱਕ ਓਵਰ ’ਚ 39 ਦੌੜਾਂ ਬਣਾ ਕੇ ਤੋੜਿਆ ਯੁਵਰਾਜ ਦਾ ਰਿਕਾਰਡ

ਮਾਹਿਰਾਂ ਨੇ ਦੱਸਿਆ ਇਸ ਨੂੰ ਖਤਰਨਾਕ | New York

ਟੂਰਨਾਮੈਂਟ ਦੌਰਾਨ ਜ਼ਿੰਬਾਬਵੇ ਦੇ ਸਾਬਕਾ ਕ੍ਰਿਕੇਟਰ ਐਂਡੀ ਫਲਾਵਰ ਨੇ ਪਿੱਚ ਦੀ ਆਲੋਚਨਾ ਕੀਤੀ ਸੀ। ਉਨ੍ਹਾਂ ਕਿਹਾ ਸੀ ਕਿ ਨਿਊਯਾਰਕ ਦੀ ਪਿੱਚ ਲਗਾਤਾਰ ਖਤਰਨਾਕ ਹੁੰਦੀ ਜਾ ਰਹੀ ਹੈ। ਉਥੇ ਹੀ ਇੰਗਲੈਂਡ ਦੇ ਸਾਬਕਾ ਕਪਤਾਨ ਮਾਈਕਲ ਵਾਨ ਨੇ ਪਿੱਚ ਨੂੰ ‘ਹੈਰਾਨ ਕਰਨ ਵਾਲੀ’ ਦੱਸਿਆ ਸੀ। New York

ਭਾਰਤ-ਪਾਕਿ ਮੈਚ ਦੀ ਪਿੱਚ ਠੀਕ ਦੱਸੀ | New York

ਨਿਊਯਾਰਕ ’ਚ ਪਹਿਲੇ ਦੋ ਮੈਚਾਂ ’ਚ ਦਿੱਕਤਾਂ ਆਉਣ ਤੋਂ ਬਾਅਦ ਪਿੱਚ ਦੀ ਮੁਰੰਮਤ ਦਾ ਕੰਮ ਕੀਤਾ ਗਿਆ। ਜਿਸ ਤੋਂ ਬਾਅਦ ਬਾਕੀ ਮੈਚਾਂ ’ਚ ਖਿਡਾਰੀਆਂ ਦੇ ਜ਼ਖਮੀ ਹੋਣ ਦਾ ਕੋਈ ਮਾਮਲਾ ਸਾਹਮਣੇ ਨਹੀਂ ਆਇਆ। ਹਾਲਾਂਕਿ ਉਥੇ ਵੀ ਦੌੜਾਂ ਬਣਾਉਣਾ ਮੁਸ਼ਕਲ ਸੀ। ਭਾਰਤ ਤੇ ਪਾਕਿਸਤਾਨ ਵਿਚਕਾਰ ਮੈਚ ਘੱਟ ਸਕੋਰ ਵਾਲਾ ਰਿਹਾ, ਜਿੱਥੇ ਟੀਮ ਇੰਡੀਆ ਨੇ 119 ਦੌੜਾਂ ਦਾ ਬਚਾਅ ਕਰਦੇ ਹੋਏ ਇਹ ਮੈਚ 6 ਦੌੜਾਂ ਨਾਲ ਜਿੱਤ ਲਿਆ। ਆਈਸੀਸੀ ਨੇ ਇਸ ਪਿੱਚ ਨੂੰ ਠੀਕ ਦੱਸਿਆ ਹੈ। New York

ਨਿਊਯਾਰਕ ’ਚ ਕਿਉਂ ਆਈਆਂ ਸਨ ਸਮੱਸਿਆਵਾਂ? | New York

ਨਸਾਓ ਕਾਉਂਟੀ, ਨਿਊਯਾਰਕ ’ਚ 2023 ਤੱਕ ਕ੍ਰਿਕੇਟ ਸਟੇਡੀਅਮ ਨਹੀਂ ਸੀ। ਉੱਥੇ ਆਈਸੀਸੀ ਨੇ ਇੱਕ ਮਾਡਿਊਲਰ ਸਟੇਡੀਅਮ ਬਣਾਇਆ, ਜਿਸ ਲਈ ਅਸਟਰੇਲੀਆ ਤੋਂ 10 ਡਰਾਪ-ਇਨ ਪਿੱਚਾਂ ਲਿਆਂਦੀਆਂ ਗਈਆਂ। ਜਿਸ ’ਚੋਂ 4 ’ਤੇ ਮੈਚ ਹੋਏ। ਡਰਾਪ-ਇਨ ਪਿੱਚਾਂ ਨੂੰ ਤਿਆਰ ਕਰਨ ’ਚ ਲਗਭਗ 8 ਮਹੀਨੇ ਲੱਗਦੇ ਹਨ, ਪਰ ਨਿਊਯਾਰਕ ’ਚ, ਮੈਚ ਸਿਰਫ 5 ਮਹੀਨਿਆਂ ਬਾਅਦ ਆਯੋਜਿਤ ਕੀਤੇ ਗਏ ਸਨ। ਜਿਸ ਨਾਲ ਸਮੱਸਿਆਵਾਂ ਵੀ ਪੈਦਾ ਹੁੰਦੀਆਂ ਹਨ। ਆਈਸੀਸੀ ਨੇ ਅਸਟਰੇਲੀਆ ਦੇ ਐਡੀਲੇਡ ਓਵਲ ਮੈਦਾਨ ਦੇ ਮੁੱਖ ਕਿਊਰੇਟਰ ਡੈਮੀਅਨ ਹੌਗ ਨੂੰ ਨਿਊਯਾਰਕ ’ਚ ਪਿੱਚ ਤਿਆਰ ਕਰਨ ਦਾ ਕੰਮ ਸੌਂਪਿਆ ਗਿਆ ਸੀ। ਉਨ੍ਹਾਂ ਕਿਹਾ ਸੀ ਕਿ ਸਮੇਂ ਦੀ ਘਾਟ ਕਾਰਨ ਪਿੱਚਾਂ ਦਾ ਨਿਪਟਾਰਾ ਨਹੀਂ ਹੋ ਸਕਿਆ। ਨਿਊਯਾਰਕ ’ਚ 14 ਦਿਨਾਂ ’ਚ 8 ਮੈਚ ਹੋਏ, ਜਿਸ ਕਾਰਨ ਸਮੱਸਿਆ ਹੋਰ ਵੀ ਵਧ ਗਈ।

ਸਭ ਤੋਂ ਵੱਡਾ ਮੁੱਦਾ ਸੈਮੀਫਾਈਨਲ ਦੀ ਪਿੱਚ ਦਾ

ਰੇਟਿੰਗ ’ਚ ਸਭ ਤੋਂ ਵੱਡੀ ਗੱਲ ਇਹ ਸਾਹਮਣੇ ਆਈ ਕਿ ਅਫਗਾਨਿਸਤਾਨ ਤੇ ਦੱਖਣੀ ਅਫਰੀਕਾ ਵਿਚਕਾਰ ਤ੍ਰਿਨੀਦਾਦ ’ਚ ਹੋਏ ਸੈਮੀਫਾਈਨਲ ਦੀ ਪਿੱਚ ਨੂੰ ਵੀ ਖਰਾਬ ਰੇਟਿੰਗ ਦਿੱਤੀ ਗਈ ਹੈ। ਜਿੱਥੇ ਅਫਗਾਨਿਸਤਾਨ ਸਿਰਫ 56 ਦੌੜਾਂ ’ਤੇ ਸਿਮਟ ਗਿਆ, ਜਿਸ ਤੋਂ ਬਾਅਦ ਦੱਖਣੀ ਅਫਰੀਕਾ ਨੇ ਆਸਾਨੀ ਨਾਲ ਮੈਚ ਜਿੱਤ ਲਿਆ। ਸੈਮੀਫਾਈਨਲ ਤੋਂ ਬਾਅਦ ਅਫਗਾਨਿਸਤਾਨ ਦੇ ਕੋਚ ਜੋਨਾਥਨ ਟ੍ਰੌਟ ਨੇ ਪਿੱਚ ਨੂੰ ਲੈ ਕੇ ਗੁੱਸਾ ਜਾਹਰ ਕੀਤਾ ਸੀ। ਉਸ ਨੇ ਕਿਹਾ ਸੀ ਕਿ ਵਿਸ਼ਵ ਕੱਪ ਸੈਮੀਫਾਈਨਲ ਅਜਿਹੀ ਪਿੱਚ ’ਤੇ ਨਹੀਂ ਹੋਣਾ ਚਾਹੀਦਾ। ਤ੍ਰਿਨੀਦਾਦ ਦੇ ਬ੍ਰਾਇਨ ਲਾਰਾ ਕ੍ਰਿਕੇਟ ਸਟੇਡੀਅਮ ਦੀ ਪਿੱਚ ਵੀ ਗਰੁੱਪ ਪੜਾਅ ’ਚ ਘੱਟ ਸਕੋਰ ਵਾਲੀ ਸੀ। ਜਿੱਥੇ ਮੇਜਬਾਨ ਵੈਸਟਇੰਡੀਜ ਨੇ ਨਿਊਜੀਲੈਂਡ ਖਿਲਾਫ 149 ਦੌੜਾਂ ਦਾ ਬਚਾਅ ਕੀਤਾ ਸੀ।

ਫਾਈਨਲ ਮੈਚ ਦੀ ਪਿੱਚ ਨੂੰ ਦੱਸਿਆ ਬਹੁਤ ਵਧੀਆ

ਆਈਸੀਸੀ ਨੇ ਗੁਆਨਾ ’ਚ ਭਾਰਤ ਤੇ ਇੰਗਲੈਂਡ ਵਿਚਕਾਰ ਸੈਮੀਫਾਈਨਲ ਦੀ ਪਿੱਚ ਨੂੰ ਵਧੀਆ ਦੱਸਿਆ ਹੈ। ਆਈਸੀਸੀ ਨੇ ਬਾਰਬਾਡੋਸ ’ਚ ਦੱਖਣੀ ਅਫਰੀਕਾ ਤੇ ਭਾਰਤ ਵਿਚਕਾਰ ਫਾਈਨਲ ਦੀ ਪਿੱਚ ਨੂੰ ਬਹੁਤ ਵਧੀਆ ਦੱਸਿਆ ਹੈ। ਟੂਰਨਾਮੈਂਟ ਦੀਆਂ ਸਿਰਫ 3 ਪਿੱਚਾਂ ਨੂੰ ਹੀ ਮਾੜੀ ਰੇਟਿੰਗ ਮਿਲੀ, ਜਦੋਂ ਕਿ ਜ਼ਿਆਦਾਤਰ ਪਿੱਚਾਂ ਦੀ ਰੇਟਿੰਗ ਆਈਸੀਸੀ ਨੂੰ ਕੋਈ ਸਮੱਸਿਆ ਨਹੀਂ ਆਈ।

ਕਿਨੇਂ ਤਰ੍ਹਾਂ ਦੀ ਹੁੰਦੀ ਹੈ ਪਿੱਚ ਰੇਟਿੰਗ?

ਆਈਸੀਸੀ ਮੈਚ ਰੈਫਰੀ ਦੀ ਰਿਪੋਰਟ ਦੇ ਆਧਾਰ ’ਤੇ ਹਰ ਅੰਤਰਰਾਸ਼ਟਰੀ ਮੈਚ ਦੀ ਪਿੱਚ, ਆਊਟਫੀਲਡ ਤੇ ਮੈਦਾਨ ਨੂੰ ਰੇਟ ਕਰਦੀ ਹੈ। ਪਿੱਚ ਨੂੰ 5 ਤਰੀਕਿਆਂ ਨਾਲ ਦਰਜਾ ਦਿੱਤਾ ਗਿਆ ਹੈ। ਬਹੁਤ ਵਧੀਆ, ਚੰਗਾ, ਠੀਕ, ਮਾੜਾ ਤੇ ਅਯੋਗ। ਚੰਗੀ ਅਤੇ ਬਹੁਤ ਵਧੀਆ ਰੇਟਿੰਗਾਂ ਨੂੰ ਸ਼ਾਨਦਾਰ ਮੰਨਿਆ ਜਾਂਦਾ ਹੈ ਤੇ ਠੀਕ ਹੈ ਔਸਤ ਰੇਟਿੰਗ। ਕਿਸੇ ਗਰਾਊਂਡ ਨੂੰ ਡੀਮੈਰਿਟ ਪੁਆਇੰਟ ਦਿੱਤੇ ਜਾਂਦੇ ਹਨ ਜੇਕਰ ਉਸਦੀ ਰੇਟਿੰਗ ਮਾੜੀ ਜਾਂ ਅਨਫਿਟ ਹੈ। ਜੇਕਰ 3 ਸਾਲਾਂ ’ਚ 5 ਤੋਂ ਜ਼ਿਆਦਾ ਡੀਮੈਰਿਟ ਪੁਆਇੰਟ ਹਾਸਲ ਕੀਤੇ ਜਾਂਦੇ ਹਨ ਤਾਂ ਗਰਾਊਂਡ ’ਤੇ 1 ਜਾਂ 2 ਸਾਲ ਲਈ ਪਾਬੰਦੀ ਵੀ ਲੱਗ ਸਕਦੀ ਹੈ।

ਸਪੋਰਟਸ ਡੈਸਕ। ਟੀ-20 ਵਿਸ਼ਵ ਕੱਪ 2024 ਦਾ ਫਾਈਨਲ ਮੁਕਾਬਲਾ ਭਾਰਤੀ ਟੀਮ ਨੇ 7 ਦੌੜਾਂ ਨਾਲ ਆਪਣੇ ਨਾਂਅ ਕਰ ਲਿਆ ਹੈ ਤੇ 17 ਸਾਲਾਂ ਬਾਅਦ ਵਿਸ਼ਵ ਕੱਪ ਜਿੱਤ ਲਿਆ ਹੈ। ਇਸ ਮੈਚ ’ਚ ਭਾਰਤੀ ਟੀਮ ਨੇ ਅਫਰੀਕਾ ਨੂੰ 7 ਦੌੜਾਂ ਨਾਲ ਹਰਾਇਆ। ਪਰ ਜਦੋਂ ਪਾਰੀ ਦਾ ਆਖਿਰੀ ਓਵਰ ਸੁੱਟਿਆ ਜਾ ਰਿਹਾ ਸੀ ਤਾਂ ਆਖਿਰੀ ਓਵਰ ਦੀ ਪਹਿਲੀ ਗੇਂਦ ’ਤੇ ਸੂਰਿਆਕੁਮਾਰ ਯਾਦਵ ਨੇ ਆਖਰੀ ਓਵਰ ’ਚ ਡੇਵਿਡ ਮਿਲਰ ਦਾ ਕੈਚ ਫੜਿਆ ਸੀ, ਤਾਂ ਇਹ ਕੈਚ ਵੱਡੇ ਵਿਵਾਦ ਦਾ ਕਾਰਨ ਬਣ ਗਿਆ ਸੀ। (Team India)

ਹਾਲਾਂਕਿ ਭਾਰਤ ਚੈਂਪੀਅਨ ਬਣ ਗਿਆ ਸੀ। ਅਗਲੇ ਦਿਨ ਇੱਕ ਵੀਡੀਓ ਵੀ ਸਾਹਮਣੇ ਆਇਆ, ਜਿਸ ’ਚ ਦਾਅਵਾ ਕੀਤਾ ਗਿਆ ਸੀ ਕਿ ਕੈਚ ਲੈਂਦੇ ਸਮੇਂ ਸੂਰਿਆਕੁਮਾਰ ਦਾ ਖੱਬਾ ਪੈਰ ਬਾਊਂਡਰੀ ਨੂੰ ਛੂਹ ਰਿਹਾ ਸੀ, ਇਹ ਤਸਵੀਰ ਸੋਸ਼ਲ ਮੀਡੀਆ ’ਤੇ ਕਾਫੀ ਵਾਇਰਲ ਹੋਈ, ਜਿਸ ਕਾਰਨ ਲੋਕ ਦੋ ਧੜਿਆਂ ’ਚ ਵੰਡੇ ਗਏ, ਹੁਣ ਦੱਖਣੀ ਅਫਰੀਕਾ ਦੇ ਸਪਿਨ ਗੇਂਦਬਾਜ ਕੇਸ਼ਵ ਮਹਾਰਾਜ ਨੇ ਇਸ ਮਾਮਲੇ ’ਤੇ ਵੱਡਾ ਬਿਆਨ ਦਿੱਤਾ ਹੈ। ਇੱਕ ਮੀਡੀਆ ਇੰਟਰਵਿਊ ’ਚ ਅਫਰੀਕੀ ਸਪਿਨਰ ਕੇਸ਼ਵ ਮਹਾਰਾਜ ਨੇ ਕਿਹਾ ਕਿ ਉਨ੍ਹਾਂ ਨੂੰ ਮੌਜ਼ੂਦਾ ਸਥਿਤੀ ’ਤੇ ਧਿਆਨ ਕੇਂਦਰਿਤ ਕਰਨਾ ਚਾਹੀਦਾ ਹੈ ਤੇ ਫੈਸਲੇ ਨੂੰ ਬਦਲਿਆ ਨਹੀਂ ਜਾ ਸਕਦਾ। (Team India)

ਇਹ ਵੀ ਪੜ੍ਹੋ : INDW vs SAW: ਦੂਜਾ ਮਹਿਲਾ ਟੀ20 ਮੈਚ ਮੀਂਹ ਕਾਰਨ ਬੇਨਤੀਜਾ

ਉਨ੍ਹਾਂ ਕਿਹਾ ਕਿ ਉਹ ਵੀ ਹਾਰ ਤੋਂ ਬਹੁਤ ਦੁਖੀ ਹਨ, ਪਰ ਜੋ ਵੀ ਫੈਸਲਾ ਲਿਆ ਗਿਆ ਜਾ ਨਹੀਂ ਲਿਆ ਗਿਆ, ਉਹ ਹੁਣ ਬਦਲਿਆ ਨਹੀਂ ਜਾ ਸਕਦਾ। ਨਕਾਰਾਤਮਕ ਗੱਲਾਂ ’ਤੇ ਚਰਚਾ ਕਰਨ ਨਾਲ ਕਦੇ ਵੀ ਕਿਸੇ ਨੂੰ ਫਾਇਦਾ ਨਹੀਂ ਹੋਇਆ, ਇੱਕ ਸਮਾਂ ਆਵੇਗਾ ਜਦੋਂ ਅਸੀਂ ਕੁਝ ਮਹੱਤਵਪੂਰਨ ਮੁੱਦਿਆਂ ’ਤੇ ਚਰਚਾ ਕਰਾਂਗੇ, ਅਸੀਂ ਕਿਸੇ ਸਮੇਂ ਅਜਿਹਾ ਜਰੂਰ ਕਰਾਂਗੇ, ਜੋ ਹੋਇਆ ਹੈ, ਸਾਨੂੰ ਭੁੱਲਣਾ ਪਵੇਗਾ ਤੇ ਅੱਗੇ ਵਧਣਾ ਹੋਵੇਗਾ। (Team India)

ਟੀ20 ਵਿਸ਼ਵ ਕੱਪ 2024 ਦੇ ਫਾਈਨਲ ਮੈਚ ਦੇ ਆਖਿਰੀ ਓਵਰ ਦਾ ਲੇਖਾ-ਜੋਖਾ

ਭਾਰਤ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਸਾਬਕਾ ਕਪਤਾਨ ਵਿਰਾਟ ਕੋਹਲੀ ਦੇ ਅਰਧਸੈਂਕੜੇ ਵਾਲੀ ਪਾਰੀ ਦੀ ਮੱਦਦ ਨਾਲ ਸਕੋਰ ਬੋਰਡ ’ਤੇ 176 ਦੌੜਾਂ ਲਾਈਆਂ ਸਨ, ਟੀਚੇ ਦਾ ਪਿੱਛਾ ਕਰਨ ਉਤਰੀ ਦੱਖਣੀ ਅਫਰੀਕਾ ਦੀ ਟੀਮ ਨੂੰ ਆਖਰੀ ਓਵਰ ’ਚ ਜਿੱਤ ਲਈ 16 ਦੌੜਾਂ ਚਾਹੀਦੀਆਂ ਸਨ, ਪਰ ਸਾਹਮਣੇ ਆਖਿਰੀ ਓਵਰ ਲੈ ਕੇ ਹਾਰਦਿਕ ਪੰਡਯਾ ਆਏ ਤੇ ਉਨ੍ਹਾਂ ਦੀ ਪਹਿਲੀ ਗੇਂਦ ਫੁੱਟ-ਟੌਸ ਹੋ ਗਈ, ਜਿਸ ਕਾਰਨ ਜਿਸ ਨੂੰ ਡੇਵਿਡ ਮਿਲਰ ਨੇ ਇੱਕ ਵੱਡਾ ਸ਼ਾਟ ਖੇਡਣ ਲਈ ਬੱਲੇ ਨੂੰ ਸਵਿੰਗ ਕੀਤਾ। (Team India)

ਅਜਿਹਾ ਲੱਗ ਰਿਹਾ ਸੀ ਕਿ ਗੇਂਦ ਬਾਊਂਡਰੀ ਤੋਂ ਪਾਰ ਚਲੀ ਜਾਵੇਗੀ, ਪਰ ਲੌਂਗ ਆਫ ’ਤੇ ਸੂਰਿਆਕੁਮਾਰ ਯਾਦਵ ਨੇ ਸ਼ਾਨਦਾਰ ਅਥਲੈਟਿਕ ਸਮਰੱਥਾ ਦਿਖਾਉਂਦੇ ਹੋਏ ਕੈਚ ਨੂੰ ਸ਼ਾਨਦਾਰ ਢੰਗ ਨਾਲ ਫੜਿਆ, ਹਾਲਾਂਕਿ, ਆਖਿਰੀ ਓਵਰ ਦੀ ਦੂਜੀ ਹੀ ਗੇਂਦ ’ਤੇ ਕੈਗਿਸੋ ਰਬਾਡਾ ਨੇ ਚੌਕਾ ਜੜਿਆ ਪਰ ਉਹ ਟੀਮ ਨੂੰ 7 ਦੌੜਾਂ ਨਾਲ ਜਿੱਤ ਨਹੀਂ ਦਿਵਾ ਸਕੇ ਤੇ ਟੀਮ 7 ਦੌੜਾਂ ਨਾਲ ਮੈਚ ਹਾਰ ਗਈ ਤੇ ਭਾਰਤੀ ਟੀਮ ਨੇ ਟਰਾਫੀ ਆਪਣੀ ਨਾਂਅ ਕਰ ਲਈ। (Team India)

PM ਨੂੰ ਮਿਲਣ ਤੋਂ ਬਾਅਦ ਭਾਰਤੀ ਟੀਮ ਦਿੱਲੀ ਏਅਰਪੋਰਟ ਪਹੁੰਚੀ | Team India Celebration

• 29 ਜੂਨ ਨੂੰ ਵਿਸ਼ਵ ਚੈਂਪੀਅਨ ਬਣੀ ਹੈ ਭਾਰਤੀ ਟੀਮ | Team India Celebration

ਨਵੀਂ ਦਿੱਲੀ (ਏਜੰਸੀ)। ਵਿਸ਼ਵ ਚੈਂਪੀਅਨ ਬਣਨ ਤੋਂ ਬਾਅਦ ਬਾਰਬਾਡੋਸ ਤੋਂ ਪਰਤੀ ਭਾਰਤੀ ਟੀਮ ਨੇ ਕੁੱਝ ਸਮਾਂ ਪਹਿਲਾਂ ਪੀਐੱਮ ਮੋਦੀ ਨਾਲ ਮੁਲਾਕਾਤ ਕੀਤੀ। ਇਹ ਮੁਲਾਕਾਤ ਕਰੀਬ ਡੇਢ ਘੰਟਾ ਤੱਕ ਚੱਲੀ। ਇਸ ਤੋਂ ਬਾਅਦ ਸਾਰੇ ਖਿਡਾਰੀ ਏਅਰਪੋਰਟ ਲਈ ਰਵਾਨਾ ਹੋ ਗਏ ਹਨ। ਹੁਣ ਭਾਰਤੀ ਟੀਮ ਮੁੰਬਈ ਲਈ ਜਾਵੇਗੀ। ਅੱਜ ਸ਼ਾਮ 5 ਵਜੇ ਮੁੰਬਈ ’ਚ ਨਰੀਮਨ ਪੁਆਇੰਟ ਤੋਂ ਵਾਨਖੇੜੇ ਸਟੇਡੀਅਮ ਤੱਕ ਖੁੱਲ੍ਹੀ ਬੱਸ ’ਚ ਜਿੱਤ ਦੀ ਪਰੇਡ ਕਰੇਗੀ। ਇਸ ਤੋਂ ਬਾਅਦ ਸਟੇਡੀਅਮ ’ਚ ਕੈਸ਼ ਪ੍ਰਾਈਜ ਦਿੱਤਾ ਜਾਵੇਗਾ, ਸਟੇਡੀਅਮ ’ਚ ਪ੍ਰਸ਼ੰਸਕਾਂ ਦੀ ਮੁਫ਼ਤ ਐਂਟਰੀ ਕੀਤੀ ਜਾਵੇਗੀ। ਟੀਮ ਅੱਜ ਸਵੇਰੇ 6:10 ਵਜੇ ਚਾਰਟਰਡ ਫਲਾਈਟ ਰਾਹੀਂ ਦਿੱਲੀ ਏਅਰਪੋਰਟ ਪਹੁੰਚੀ ਸੀ। (Team India Celebration)

ਇਹ ਵੀ ਪੜ੍ਹੋ : Welcome Team India: ‘ਵਿਸ਼ਵ ਚੈਂਪੀਅਨ’ ਤੁਹਾਡਾ ਸੁਆਗਤ ਹੈ, ਬਾਰਬਾਡੋਸ ਫਤਿਹ ਕਰਕੇ ਦਿੱਲੀ ਪਹੁੰਚੀ ਰੋਹਿਤ ਦੀ ਫੌਜ

ਟਰਮਿਨਸ ਤੋਂ ਬਾਹਹਰ ਆ ਕੇ ਕਪਤਾਨ ਰੋਹਿਤ ਸ਼ਰਮਾ, ਬੀਸੀਸੀਆਈ ਸਕੱਤਰ ਜੈ ਸ਼ਾਹ ਤੇ ਪ੍ਰਧਾਨ ਰੋਜ਼ਰ ਬਿੰਨੀ ਨੇ ਕੇਟ ਕੱਟਿਆ। ਇਸ ਦੌਰਾਨ ਭਾਰਤੀ ਪ੍ਰਸ਼ੰਸਕ ਆਪਣੇ ਚਹੇਤੇ ਹੀਰੋ ਦੀ ਝਲਕ ਪਾਉਣ ਲਈ ਬੇਤਾਬ ਸਨ। ਏਅਰਪੋਰਟ ਤੋਂ ਬਾਅਦ ਟੀਮ ਹੋਟਲ ਆਈਟੀਸੀ ਮੌਰਿਆ ਪਹੁੰਚੀ। ਇੱਥੇ ਕਪਤਾਨ ਰੋਹਿਤ ਸ਼ਰਮਾ ਸਮੇਤ ਰਿਸ਼ਭ ਪੰਤ, ਸੂਰਿਆਕੁਮਾਰ ਯਾਦਵ ਤੇ ਹਾਰਦਿਕ ਪਾਂਡਿਆ ਨੇ ਭੰਗੜਾ ਪਾਇਆ। ਹੋਟਲ ’ਚ ਵੀ ਇੱਕ ਸਪੈਸ਼ਲ ਕੇਕ ਕੱਟਿਆ ਗਿਆ। ਇੱਥੋਂ ਟੀਮ ਪ੍ਰਧਾਨ ਮੰਤਰੀ ਨਿਵਾਸ ਲਈ ਰਵਾਨਾ ਹੋਈ। ਟੀਮ ਇੰਡੀਆ ਤੂਫਾਨ ਕਾਰਨ ਬਾਰਬਾਡੋਸ ’ਚ ਤਿੰਨ ਦਿਨਾਂ ਤੋਂ ਫਸੀ ਹੋਈ ਸੀ। ਬੀਸੀਸੀਆਈ ਨੇ ਟੀਮ ਨੂੰ ਲਿਆਉਣ ਲਈ ਸਪੈਸ਼ਲ ਜ਼ਹਾਜ਼ ਭੇਜਿਆ ਸੀ। ਇਸ ਜਹਾਜ਼ ਦਾ ਨਾਂਅ ‘ਚੈਂਪੀਅਨਜ਼ 24 ਵਿਸ਼ਵ ਕੱਪ’ ਰੱਖਿਆ ਗਿਆ ਸੀ। (Team India Celebration)

29 ਜੂਨ ਨੂੰ ਵਿਸ਼ਵ ਚੈਂਪੀਅਨ ਬਣੀ ਹੈ ਭਾਰਤੀ ਟੀਮ | Team India Celebration

ਭਾਰਤੀ ਟੀਮ ਨੇ 29 ਜੂਨ ਨੂੰ ਟੀ20 ਵਿਸ਼ਵ ਕੱਪ ਜਿੱਤਿਆ ਹੈ। ਭਾਰਤੀ ਟੀਮ ਇਸ ਟੂਰਨਾਮੈਂਟ ’ਚ 17 ਸਾਲਾਂ ਬਾਅਦ ਚੈਂਪੀਅਨ ਬਣੀ ਹੈ। ਇਨ੍ਹਾਂ ਹੀ ਨਹੀਂ, ਭਾਰਤ ਨੇ 11 ਸਾਲਾਂ ਤੋਂ ਜਿਹੜਾ ਆਈਸੀਸੀ ਟਰਾਫੀ ਦਾ ਇੰਤਜ਼ਾਰ ਸੀ ਉਸ ਦਾ ਇੰਤਜ਼ਾਰ ਵੀ ਖਤਮ ਕੀਤਾ ਹੈ। ਬਾਰਬਾਡੋਸ ਦੇ ਕੇਨਸਿੰਗਟਨ ਓਪਲ ਮੈਦਾਨ ’ਤੇ ਖੇਡੇ ਗਏ ਭਾਰਤ ਦੇ ਦੱਖਣੀ ਅਫਰੀਕਾ ਫਾਈਨਲ ‘ਚ ਭਾਰਤ ਨੇ ਦੱਖਣੀ ਅਫਰੀਕਾ ਨੂੰ 7 ਦੌੜਾਂ ਨਾਲ ਹਰਾ ਕੇ 17 ਸਾਲਾਂ ਬਾਅਦ ਟੀ20 ਵਿਸ਼ਵ ਕੱਪ ਦਾ ਖਿਤਾਬ ਆਪਣੇ ਨਾਂਅ ਕੀਤਾ ਹੈ। (Team India Celebration)

https://twitter.com/BCCI/status/1808785148705714317

ਹਾਰਦਿਕ ਪੰਡਯਾ ਬਣੇ ਨੰਬਰ-1 ਆਲਰਾਊਂਡਰ | ICC T20 Players Ranking 2024

• ਸੂਰਿਆਕੁਮਾਰ ਯਾਦਵ ਬੱਲੇਬਾਜ਼ੀ ’ਚ ਨੰਬਰ-2 ਦੇ ਕਾਇਮ
• ਗੇਂਦਬਾਜ਼ੀ ਦੇ ਟਾਪ-10 ’ਚ ਦੋ ਭਾਰਤੀ ਖਿਡਾਰੀ ਸ਼ਾਮਲ

ਸਪੋਰਟਸ ਡੈਸਕ। ਟੀ-20 ਵਿਸ਼ਵ ਕੱਪ ਤੋਂ ਬਾਅਦ ਟੀਮ ਇੰਡੀਆ ਦੇ ਹਰਫਨਮੌਲਾ ਹਾਰਦਿਕ ਪੰਡਯਾ ਨੇ ਅੰਤਰਰਾਸ਼ਟਰੀ ਕ੍ਰਿਕੇਟ ਪਰੀਸ਼ਦ (ਆਈਸੀਸੀ) ਦੀ ਤਾਜਾ ਟੀ-20 ਖਿਡਾਰੀਆਂ ਦੀ ਰੈਂਕਿੰਗ ’ਚ ਦੋ ਸਥਾਨਾਂ ਦਾ ਫਾਇਦਾ ਲਿਆ ਹੈ। ਪੰਡਯਾ ਆਲਰਾਊਂਡਰ ਰੈਂਕਿੰਗ ’ਚ ਸਿਖਰ ’ਤੇ ਪਹੁੰਚ ਗਏ ਹਨ। ਬੁੱਧਵਾਰ ਨੂੰ ਜਾਰੀ ਕੀਤੀ ਗਈ ਰੈਂਕਿੰਗ ’ਚ ਸੂਰਿਆਕੁਮਾਰ ਯਾਦਵ ਟੀ-20 ਫਾਰਮੈਟ ’ਚ ਬੱਲੇਬਾਜੀ ’ਚ ਦੂਜੇ ਸਥਾਨ ’ਤੇ ਬਰਕਰਾਰ ਹੈ। (ICC T20 Players Ranking 2024)

ਪੰਡਯਾ ਤੇ ਹਸਾਰੰਗਾ ਦੀ ਬਰਾਬਰ ਦਰਜਾਬੰਦੀ | ICC T20 Players Ranking 2024

ਹਾਰਦਿਕ ਪੰਡਯਾ 222 ਦੀ ਰੇਟਿੰਗ ਨਾਲ ਆਈਸੀਸੀ ਵੱਲੋਂ ਜਾਰੀ ਟੀ-20 ’ਚ ਆਲਰਾਊਂਡਰਾਂ ਦੀ ਰੈਂਕਿੰਗ ’ਚ ਨੰਬਰ ਇੱਕ ’ਤੇ ਪਹੁੰਚ ਗਏ ਹਨ। ਉਨ੍ਹਾਂ ਨੇ ਦੋ ਸਥਾਨਾਂ ਦੀ ਛਾਲ ਮਾਰੀ ਹੈ। ਪੰਡਯਾ ਨੇ ਟੀ-20 ਵਿਸ਼ਵ ਕੱਪ ਦੇ ਸੈਮੀਫਾਈਨਲ ਤੇ ਉਸ ਤੋਂ ਬਾਅਦ ਦੇ ਫਾਈਨਲ ’ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਸੀ। ਭਾਰਤੀ ਟੀਮ ਦੇ ਚੈਂਪੀਅਨ ਬਣਨ ’ਚ ਉਨ੍ਹਾਂ ਦਾ ਵੀ ਵੱਡਾ ਤੇ ਅਹਿਮ ਯੋਗਦਾਨ ਸੀ, ਜਦੋਂ ਉਹ ਮੈਚ ਦਾ ਆਖਰੀ ਓਵਰ ਗੇਂਦਬਾਜੀ ਕਰ ਰਹੇ ਸਨ। (ICC T20 Players Ranking 2024)

https://twitter.com/BCCI/status/1808454731108381130

ਟ੍ਰੈਵਿਸ ਹੈੱਡ ਰੈਂਕਿੰਗ ’ਚ ਚੋਟੀ ’ਤੇ ਬਰਕਰਾਰ

ਬੱਲੇਬਾਜਾਂ ਦੀ ਟੀ-20 ਰੈਂਕਿੰਗ ’ਚ ਅਸਟਰੇਲੀਆ ਦੇ ਟ੍ਰੈਵਿਸ ਹੈੱਡ ਅਜੇ ਵੀ ਨੰਬਰ ਇੱਕ ’ਤੇ ਕਾਬਜ ਹਨ। ਪਿਛਲੀ ਵਾਰ ਹੈੱਡ ਪਹਿਲੇ ਨੰਬਰ ’ਤੇ ਬਣੇ ਸਨ, ਜਦੋਂ ਉਨ੍ਹਾਂ ਦੀ ਰੇਟਿੰਗ 844 ਸੀ, ਜੋ ਅਜੇ ਵੀ ਉਹੀ ਹੈ। ਭਾਰਤੀ ਬੱਲੇਬਾਜ ਸੂਰਿਆਕੁਮਾਰ ਯਾਦਵ 838 ਰੇਟਿੰਗ ਨਾਲ ਦੂਜੇ ਸਥਾਨ ’ਤੇ ਹਨ। (ICC T20 Players Ranking 2024)

ਇਹ ਵੀ ਪੜ੍ਹੋ : ਅਸੀਂ ਆ ਰਹੇ ਹਾਂ: ‘ਵਿਸ਼ਵ ਚੈਂਪੀਅਨ’ ਭਾਰਤੀ ਟੀਮ ਬਾਰਬਾਡੋਸ ਤੋਂ ਰਵਾਨਾ

ਬੁਮਰਾਹ ਨੇ ਲਾਈ ਲੰਬੀ ਛਾਲ

ਟੀ-20 ਵਿਸ਼ਵ ਕੱਪ ’ਚ ਸ਼ਾਨਦਾਰ ਗੇਂਦਬਾਜੀ ਕਰਨ ਵਾਲੇ ਭਾਰਤੀ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਨੇ ਗੇਂਦਬਾਜੀ ਰੈਂਕਿੰਗ ’ਚ ਵੱਡੀ ਛਾਲ ਮਾਰੀ ਹੈ। ਟੂਰਨਾਮੈਂਟ ਦੇ ਸਰਵੋਤਮ ਖਿਡਾਰੀ ਰਹੇ ਬੁਮਰਾਹ 12 ਸਥਾਨਾਂ ਦੀ ਛਲਾਂਗ ਲਾ ਕੇ 12ਵੇਂ ਸਥਾਨ ’ਤੇ ਪਹੁੰਚ ਗਏ ਹਨ। ਗੇਂਦਬਾਜੀ ਰੈਂਕਿੰਗ ’ਚ ਟਾਪ-10 ’ਚ ਦੋ ਭਾਰਤੀ ਖਿਡਾਰੀ ਹਨ। (ICC T20 Players Ranking 2024)

ਭਾਰਤ ਆਉਣ ਲਈ ਅੱਜ ਭਰੀ ਹੈ ਉਡਾਣ

• ਪਿਛਲੇ ਤਿੰਨ ਦਿਨਾਂ ਤੋਂ ਬਾਰਬਾਡੋਸ ’ਚ ਤੂਫਾਨ ਕਾਰਨ ਫਸੀ ਸੀ ਟੀਮ ਇੰਡੀਆ
• 29 ਜੂਨ ਨੂੰ ਚੈਂਪੀਅਨ ਬਣੀ ਸੀ ਭਾਰਤੀ ਟੀਮ

ਸਪੋਰਟਸ ਡੈਸਕ। ਟੀ-20 ਵਿਸ਼ਵ ਕੱਪ 2024 ’ਚ ਜਿੱਤਣ ਵਾਲੀ ਟੀਮ ਇੰਡੀਆ ਏਅਰ ਇੰਡੀਆ ਦੀ ਚਾਰਟਰਡ ਫਲਾਈਟ ’ਚ ਬਾਰਬਾਡੋਸ ਤੋਂ ਭਾਰਤ ਆਉਣ ਲਈ ਰਵਾਨਾ ਹੋ ਗਈ ਹੈ। ਏਐਨਆਈ ਵੱਲੋਂ ਟਵੀਟ ਕੀਤਾ ਗਿਆ ਹੈ, ਜਿਸ ’ਚ ਖਿਡਾਰੀਆਂ ਨੂੰ ਫਲਾਈਟ ’ਚ ਸਵਾਰ ਹੁੰਦੇ ਹੋਏ ਵੇਖਿਆ ਜਾ ਸਕਦਾ ਹੈ। ਕਪਤਾਨ ਰੋਹਿਤ ਸ਼ਰਮਾ ਤੇ ਆਲਰਾਊਂਡਰ ਸ਼ਿਵਮ ਦੂਬੇ ਸਮੇਤ ਕਈ ਖਿਡਾਰੀਆਂ ਨੇ ਫਲਾਈਟ ਤੋਂ ਟਰਾਫੀ ਦੇ ਨਾਲ ਫੋਟੋਆਂ ਪੋਸ਼ਟ ਕੀਤੀਆਂ ਹਨ। ਜਿਸ ਵਿੱਚ ਯੁਜਵਿੰਦਰ ਚਹਿਲ ਦੀ ਫੋਟੋ ਵੀ ਸ਼ਾਮਲ ਹੈ। ਹੁਣ ਭਾਰਤੀ ਟੀਮ ਦੇ ਭਲਕੇ 6 ਵਜੇ ਤੱਕ ਦਿੱਲੀ ਪਹੁੰਚਣ ਦੀ ਉਮੀਦ ਹੈ। (India T20 World Cup Players Return Update)

ਇਹ ਵੀ ਪੜ੍ਹੋ : Team India: ‘ਵਿਸ਼ਵ ਚੈਂਪੀਅਨ’ ਦੀ ਘਰ ਵਾਪਸੀ ਸਬੰਧੀ ਆਈ ਵੱਡੀ ਅਪਡੇਟ

ਭਾਰਤੀ ਟੀਮ ਦੇ ਸਿੱਧਾ ਬ੍ਰਿਜਟਾਊਟ ਤੋਂ ਦਿੱਲੀ ਪਹੁੰਚਣ ਦੀ ਉਮੀਦ ਹੈ।  ਇੱਥੇ ਪਹੁੰਚਣ ਤੋਂ ਬਾਅਦ ਖਿਡਾਰੀਆਂ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੱਲੋਂ ਸਨਮਾਨਿਤ ਕੀਤਾ ਜਾਵੇਗਾ, ਪਰ ਇਸ ਪ੍ਰੋਗਰਾਮ ਦੀ ਅਜੇ ਤੱਕ ਕੋਈ ਪੁਸ਼ਟੀ ਨਹੀਂ ਹੋਈ ਹੈ। ਬੀਸੀਸੀਆਈ ਵੱਲੋਂ ਵੀ ਕੋਈ ਅਜੇ ਤੱਕ ਅਧਿਕਾਰਿਕ ਬਿਆਨ ਨਹੀਂ ਆਇਆ ਹੈ। ਤਾਜ਼ਾ ਸ਼ੈਡਊਲ ਮੁਤਾਬਕ, ਜੇਕਰ ਹੁਣ ਸ਼ਡਿਊਲ ’ਚ ਕੋਈ ਬਦਲਾਅ ਨਹੀਂ ਹੁੰਦਾ ਹੈ ਤਾਂ, ਫਲਾਈਟ ਦੇ ਬਾਰਬਾਡੋਸ ਤੋਂ ਸਵੇਰੇ 4:30 ਵਜੇ (ਭਾਰਤੀ ਸਮੇਂ ਮੁਤਾਬਕ ਦੁਪਹਿਰ 2 ਵਜੇ) ਉੜਾਨ ਭਰਨ ਦੀ ਉਮੀਦ ਹੈ। ਦਿੱਲੀ ਪਹੁੰਚਣ ’ਚ 16 ਘੰਟਿਆਂ ਦਾ ਸਮਾਂ ਲੱਗੇਗਾ, ਜਿੱਥੇ ਟੀਮ ਵੀਰਵਾਰ ਨੂੰ ਸਵੇਰੇ 6 ਵਜੇ ਤੱਕ (ਭਾਰਤੀ ਸਮੇਂ ਮੁਤਾਬਕ) ਆਵੇਗੀ। (India T20 World Cup Players Return Update)

#WATCH | Indian cricket team leave from Barbados. The team will reach Delhi on July 4, early morning.

The flight arranged by BCCI's Jay Shah is also carrying the members of Indian media who were stranded in Barbados pic.twitter.com/V0ScaaojBv

— ANI (@ANI) July 3, 2024

ਸਵੇਰੇ 11 ਵਜੇ ਪੀਐੱਮ ਮੋਦੀ ਨਾਲ ਮਿਲਣਗੇ ਭਾਰਤੀ ਟੀਮ ਦੇ ਖਿਡਾਰੀ

ਸਵੇਰੇ ਦਿੱਲੀ ਪਹੁੰਚਣ ਤੋਂ ਬਾਅਦ ਭਾਰਤੀ ਟੀਮ ਦੇ ਖਿਡਾਰੀ 11 ਵਜੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਮੁਲਾਕਾਤ ਕਰਨਗੇ। ਦੱਸਿਆ ਜਾ ਰਿਹਾ ਹੈ ਕਿ ਪ੍ਰਧਾਨ ਮੰਤਰੀ ਖਿਡਾਰੀਆਂ ਦਾ ਸਨਮਾਨ ਕਰਨਗੇ, ਹਾਲਾਂਕਿ ਇਸ ਪ੍ਰੋਗਰਾਮ ਦੀ ਅਜੇ ਪੁਸ਼ਟੀ ਨਹੀਂ ਹੋਈ ਹੈ। ਬੀਸੀਸੀਆਈ ਵੱਲੋਂ ਵੀ ਇਸ ਬਾਰੇ ਕੋਈ ਅਧਿਕਾਰਤ ਬਿਆਨ ਨਹੀਂ ਆਇਆ ਹੈ।

ਸਪੈਸ਼ਲ ਫਲਾਈਟ ਰਾਹੀਂ ਦਿੱਲੀ ਪਹੁੰਚਣਾ ਸੀ ਭਾਰਤੀ ਟੀਮ ਨੂੰ | India T20 World Cup Players Return Update

ਬ੍ਰਿਜਟਾਊਨ ਦੇ ਗ੍ਰਾਂਟਲੀ ਐੱਡਮਸ ਕੌਮਾਂਤਰੀ ਏਅਰਪੋਰਟ ਨੇ ਮੰਗਲਵਾਰ ਨੂੰ ਆਪਣਾ ਆਪ੍ਰੇਸ਼ਨ ਫਿਰ ਤੋਂ ਸ਼ੁਰੂ ਕਰ ਦਿੱਤਾ ਹੈ। ਇਸ ਤੋਂ ਪਹਿਲਾਂ, ਟੀਮ ਨੂੰ ਬ੍ਰਿਜਟਾਊਨ ਤੋਂ ਸ਼ਾਮ 6 ਵਜੇ ਉਸ ਦੇ ਹੀ ਸਮੇਂ ਮੁਤਾਬਕ (3 ਜੁਲਾਈ, 3:30 ਸਵੇਰੇ ਭਾਰਤੀ ਸਮੇਂ ਮੁਤਾਬਕ) ਰਵਾਨਾ ਹੋਣ ਤੇ ਬੁੱਧਵਾਰ ਨੂੰ ਸ਼ਾਮ 7:45 ਵਜੇ (ਭਾਰਤੀ ਸਮੇਂ ਮੁਤਾਬਕ) ਦਿੱਲੀ ਪਹੁੰਚਣ ਦੀ ਉਮੀਦ ਸੀ। ਤੂਫਾਨ ਬੇਰਿਲ ਹੁਣ ਕੈਟੇਗਰੀ 5 ਤੋਂ ਹੇਠਾਂ ਆ ਕੇ 4 ਦਾ ਤੂਫਾਨ ਬਣ ਗਿਆ ਹੈ ਤੇ ਜਮੈਕਾ ਵੱਲ ਵੱਧ ਰਿਹਾ ਹੈ। (India T20 World Cup Players Return Update)

1 ਜੁਲਾਈ ਨੂੰ ਹੀ ਵਾਪਸ ਆਉਣਾ ਸੀ

ਭਾਰਤੀ ਟੀਮ ਨੂੰ ਸੋਮਵਾਰ ਨੂੰ ਭਾਰਤ ਆਉਣ ਲਈ ਨਿਊਯਾਰਕ ਲਈ ਉੜਾਨ ਭਰਨੀ ਸੀ, ਪਰ ਖਰਾਬ ਮੌਸਮ ਕਾਰਨ ਟੀਮ ਦਾ ਸ਼ਡਿਊਲ ਪ੍ਰਭਾਵਿਤ ਹੋਇਆ। ਮਿਲੀ ਜਾਣਕਾਰੀ ਮੁਤਾਬਕ ਅੰਟਲਾਟਿਕ ’ਚ ਆਉਣ ਵਾਲੇ ਬੇਰਿਲ ਤੂਫਾਨ ਕਾਰਨ 210 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਹਵਾਵਾਂ ਚੱਲ ਰਹੀਆਂ ਸਨ। ਕੈਟੇਗਰੀ 4 ਦਾ ਇਹ ਤੂਫਾਨ ਬਾਰਬਾਡੋਸ ਤੋਂ ਲਗਭਗ 570 ਕਿਲੋਮੀਟਰ ਪੂਰਬ-ਦੱਖਣ ਪੂਰਬ ’ਚ ਸੀ ਤੇ ਇਸ ਕਾਰਨ ਏਅਰਪੋਰਟ ’ਤੇ ਆਪ੍ਰੇਸ਼ਨ ਰੋਕ ਦਿੱਤੇ ਗਏ ਸਨ। (India T20 World Cup Players Return Update)

29 ਜੂਨ ਨੂੰ ਵਿਸ਼ਵ ਚੈਂਪੀਅਨ ਬਣੀ ਹੈ ਭਾਰਤੀ ਟੀਮ

ਭਾਰਤੀ ਟੀਮ ਨੇ 29 ਜੂਨ ਨੂੰ ਟੀ20 ਵਿਸ਼ਵ ਕੱਪ ਜਿੱਤਿਆ ਹੈ। ਭਾਰਤੀ ਟੀਮ ਇਸ ਟੂਰਨਾਮੈਂਟ ’ਚ 17 ਸਾਲਾਂ ਬਾਅਦ ਚੈਂਪੀਅਨ ਬਣੀ ਹੈ। ਇਨ੍ਹਾਂ ਹੀ ਨਹੀਂ, ਭਾਰਤ ਨੇ 11 ਸਾਲਾਂ ਤੋਂ ਜਿਹੜਾ ਆਈਸੀਸੀ ਟਰਾਫੀ ਦਾ ਇੰਤਜ਼ਾਰ ਸੀ ਉਸ ਦਾ ਇੰਤਜ਼ਾਰ ਵੀ ਖਤਮ ਕੀਤਾ ਹੈ। ਬਾਰਬਾਡੋਸ ਦੇ ਕੇਨਸਿੰਗਟਨ ਓਪਲ ਮੈਦਾਨ ’ਤੇ ਖੇਡੇ ਗਏ ਭਾਰਤ ਦੇ ਦੱਖਣੀ ਅਫਰੀਕਾ ਦੇ ਫਾਈਨਲ ਮੁਕਾਬਲੇ ’ਚ ਭਾਰਤੀ ਟੀਮ ਨੇ ਦੱਖਣੀ ਅਫਰੀਕਾ ਨੂੰ 7 ਦੌੜਾਂ ਨਾਲ ਹਰਾ ਕੇ ਵਿਸ਼ਵ ਕੱਪ ਜਿੱਤਿਆ ਹੈ।

ਭਾਰਤੀ ਟੀਮ ਨੂੰ ਚਾਰਟਰਡ ਫਲਾਈਟ ਰਾਹੀਂ ਭਾਰਤ ਲਿਆਵੇਗੀ BCCI

• ਤੂਫਾਨੀ ਕਾਰਨ ਬਾਰਬਾਡੋਸ ’ਚ ਫਸੀ ਹੋਈ ਹੈ ਭਾਰਤੀ ਟੀਮ
• ਹਵਾਈ ਅੱਡੇ ’ਤੇ ਹੈ ਕਾਰਵਾਈ ਕੀਤੀ ਗਈ ਹੈ ਬੰਦ
• ਜੈ ਸ਼ਾਹ ਨੇ ਚੁੱਕਿਆ ਹੈ ਇਹ ਕਦਮ

ਸਪੋਰਟਸ ਡੈਸਕ। ਵਿਸ਼ਵ ਚੈਂਪੀਅਨ ਭਾਰਤੀ ਟੀਮ 29 ਜੂਨ ਨੂੰ ਚੈਂਪੀਅਨ ਬਣਨ ਤੋਂ ਬਾਅਦ ਬਾਰਬਾਡੋਸ ’ਚ ਤੂਫਾਨ ਕਾਰਨ ਫਸੀ ਹੋਈ ਹੈ। ਤੂਫਾਨ ਬੇਰੀਲ ਕਾਰਨ ਟੀਮ ਇੰਡੀਆ ਬਾਰਬਾਡੋਸ ’ਚ ਫਸ ਗਈ ਹੈ। ਟੀ-20 ਵਿਸ਼ਵ ਕੱਪ 2024 ’ਚ ਰੋਮਾਂਚਕ ਜਿੱਤ ਦੇ ਅਗਲੇ ਦਿਨ ਟੀਮ ਇੰਡੀਆ ਨੇ ਵਾਪਸੀ ਕਰਨੀ ਸੀ ਪਰ ਤੂਫਾਨ ਕਾਰਨ ਟੀਮ ਇੰਡੀਆ ਭਾਰਤ ਲਈ ਰਵਾਨਾ ਨਹੀਂ ਹੋ ਸਕੀ। ਰਿਪੋਰਟ ਮੁਤਾਬਕ ਬੀਸੀਸੀਆਈ ਚਾਰਟਰਡ ਫਲਾਈਟ ਰਾਹੀਂ ਟੀਮ ਇੰਡੀਆ ਨੂੰ ਵਾਪਸ ਲਿਆਏਗਾ। ਮੀਡੀਆ ਰਿਪੋਰਟਾਂ ਮੁਤਾਬਕ ਦੱਸਿਆ ਜਾ ਰਿਹਾ ਹੈ ਕਿ ਟੀਮ ਦੇ ਸਥਾਨਕ ਸਮੇਂ ਅਨੁਸਾਰ ਸ਼ਾਮ 6 ਵਜੇ (3 ਜੁਲਾਈ, 3:30 ਸਵੇਰੇ) ਬ੍ਰਿਜਟਾਊਨ ਤੋਂ ਰਵਾਨਾ ਹੋਣ। (Team India)

ਬੁੱਧਵਾਰ ਨੂੰ ਸ਼ਾਮ 7.45 ਵਜੇ (ਭਾਰਤੀ ਸਮੇਂ ਮੁਤਾਬਕ) ਦਿੱਲੀ ਪਹੁੰਚਣ ਦੀ ਉਮੀਦ ਹੈ। ਇੱਥੇ ਪਹੁੰਚਣ ਤੋਂ ਬਾਅਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੱਲੋਂ ਖਿਡਾਰੀਆਂ ਨੂੰ ਸਨਮਾਨਿਤ ਕੀਤਾ ਜਾਵੇਗਾ, ਪਰ ਅਜੇ ਤੱਕ ਉਸ ਪ੍ਰੋਗਰਾਮ ਦੀ ਕੋਈ ਪੁਸ਼ਟੀ ਨਹੀਂ ਹੋਈ ਹੈ। ਹਾਲਾਂਕਿ BCCI ਵੱਲੋਂ ਅਜੇ ਤੱਕ ਕੋਈ ਅਧਿਕਾਰਤ ਬਿਆਨ ਨਹੀਂ ਆਇਆ ਹੈ। ਬਾਰਬਾਡੋਸ ਦੇ ਪ੍ਰਧਾਨ ਮੰਤਰੀ ਮੀਆ ਮੋਟਲੀ ਨੇ ਦੱਸਿਆ, ‘ਮੈਂ ਅਸਲ ’ਚ ਹਵਾਈ ਅੱਡੇ ਦੇ ਸਟਾਫ ਨਾਲ ਸੰਪਰਕ ’ਚ ਹਾਂ ਤੇ ਉਹ ਹੁਣ ਆਪਣੀ ਅੰਤਿਮ ਜਾਂਚ ਕਰ ਰਹੇ ਹਨ ਤੇ ਅਸੀਂ ਜਲਦੀ ਤੋਂ ਜਲਦੀ ਆਮ ਉਡਾਣਾਂ ਨੂੰ ਮੁੜ ਸ਼ੁਰੂ ਕਰਨ ਦੀ ਉਮੀਦ ਕਰਦੇ ਹਾਂ।’ (Team India)

ਇਹ ਵੀ ਪੜ੍ਹੋ : INDW vs SAW: ਭਾਰਤੀ ਮਹਿਲਾ ਟੀਮ ਦੀ ਇਤਿਹਾਸਕ ਜਿੱਤ, ਇਕਲੌਤੇ ਟੈਸਟ ਮੈਚ ’ਚ ਅਫਰੀਕਾ ਨੂੰ 10 ਵਿਕਟਾਂ ਨਾਲ ਹਰਾਇਆ

1 ਜੁਲਾਈ ਨੂੰ ਹੀ ਵਾਪਸ ਆਉਣਾ ਸੀ | Team India

ਭਾਰਤੀ ਟੀਮ ਨੇ ਸੋਮਵਾਰ ਨੂੰ ਭਾਰਤ ਆਉਣ ਲਈ ਨਿਊਯਾਰਕ ਲਈ ਉਡਾਣ ਭਰਨੀ ਸੀ ਪਰ ਖਰਾਬ ਮੌਸਮ ਕਾਰਨ ਟੀਮ ਦਾ ਸਮਾਂ ਵਿਗੜ ਗਿਆ। ਮੀਡੀਆ ਰਿਪੋਰਟਾਂ ’ਚ ਕਿਹਾ ਗਿਆ ਹੈ ਕਿ ਐਟਲਾਂਟਿਕ ’ਚ ਆਉਣ ਵਾਲੇ ਤੂਫਾਨ ਬੇਰੀਲ ਕਾਰਨ 210 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਹਵਾਵਾਂ ਚੱਲ ਰਹੀਆਂ ਹਨ। ਇਹ ਸ਼੍ਰੇਣੀ 4 ਦਾ ਤੂਫਾਨ ਬਾਰਬਾਡੋਸ ਤੋਂ ਲਗਭਗ 570 ਕਿਲੋਮੀਟਰ ਪੂਰਬ-ਦੱਖਣ-ਪੂਰਬ ਵੱਲ ਸੀ ਤੇ ਇਸ ਕਾਰਨ ਹਵਾਈ ਅੱਡੇ ’ਤੇ ਕੰਮਕਾਜ ਰੋਕ ਦਿੱਤਾ ਗਿਆ ਹੈ। (Team India)

29 ਜੂਨ ਨੂੰ ਵਿਸ਼ਵ ਚੈਂਪੀਅਨ ਬਣੀ ਹੈ ਭਾਰਤੀ ਟੀਮ | Team India

ਟੀਮ ਨੇ 29 ਜੂਨ ਨੂੰ ਟੀ-20 ਵਿਸ਼ਵ ਕੱਪ ਜਿੱਤਿਆ ਸੀ। ਭਾਰਤੀ ਟੀਮ 17 ਸਾਲ ਬਾਅਦ ਇਸ ਟੂਰਨਾਮੈਂਟ ’ਚ ਚੈਂਪੀਅਨ ਬਣੀ ਹੈ। ਇੰਨਾ ਹੀ ਨਹੀਂ ਭਾਰਤ ਨੇ 11 ਸਾਲ ਬਾਅਦ ਆਈਸੀਸੀ ਟਰਾਫੀ ਦਾ ਸੋਕਾ ਵੀ ਖਤਮ ਕੀਤਾ ਹੈ। ਬਾਰਬਾਡੋਸ ’ਚ ਖੇਡੇ ਗਏ ਭਾਰਤ ਤੇ ਦੱਖਣੀ ਅਫਰੀਕਾ ਵਿਚਕਾਰ ਫਾਈਨਲ ਮੁਕਾਬਲੇ ’ਚ ਭਾਰਤੀ ਟੀਮ ਨੇ ਦੱਖਣੀ ਅਰਫੀਕਾ ਨੂੰ 7 ਦੌੜਾਂ ਨਾਲ ਹਰਾ ਕੇ 17 ਸਾਲਾਂ ਬਾਅਦ ਟੀ20 ਵਿਸ਼ਵ ਕੱਪ ਆਪਣੇ ਨਾਂਅ ਕੀਤਾ ਹੈ।

ਬੇਰਿਲ ਤੂਫਾਨ ’ਚ ਫਸੀ ਭਾਰਤੀ ਟੀਮ | T20 World Cup 2024

• ਬਾਰਬਾਡੋਸ ’ਚ 210 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਚੱਲ ਰਹੀਆਂ ਹਵਾਵਾਂ | T20 World Cup 2024
• ਹਵਾਈ ਅੱਡੇ ’ਚ ਕੰਮਕਾਜ਼ ਵੀ ਬੰਦ

ਸਪੋਰਟਸ ਡੈਸਕ। ਟੀ-20 ਵਿਸ਼ਵ ਕੱਪ 2024 ਦੀ ਚੈਂਪੀਅਨ ਟੀਮ ਇੰਡੀਆ ਬੇਰੀਲ ਤੂਫਾਨ ਕਾਰਨ ਬਾਰਬਾਡੋਸ ’ਚ ਫਸੀ ਹੋਈ ਹੈ। ਭਾਰਤੀ ਟੀਮ ਨੇ ਸੋਮਵਾਰ ਭਾਵ ਅੱਜ ਭਾਰਤ ਆਉਣ ਲਈ ਨਿਊਯਾਰਕ ਲਈ ਉਡਾਣ ਭਰਨੀ ਸੀ। ਪਰ, ਖਰਾਬ ਮੌਸਮ ਕਾਰਨ ਟੀਮ ਦਾ ਸਮਾਂ ਵਿਘਨ ਪਿਆ ਹੈ। ਰਿਪੋਰਟ ’ਚ ਕਿਹਾ ਗਿਆ ਹੈ ਕਿ ਐਟਲਾਂਟਿਕ ’ਚ ਆਉਣ ਵਾਲਾ ਤੂਫਾਨ ਬੇਰੀਲ 210 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਵਗ ਰਿਹਾ ਹੈ। ਇਹ ਸ਼੍ਰੇਣੀ 4 ਦਾ ਤੂਫਾਨ ਬਾਰਬਾਡੋਸ ਤੋਂ ਲਗਭਗ 570 ਕਿਲੋਮੀਟਰ ਪੂਰਬ-ਦੱਖਣ ਪੂਰਬ ਵੱਲ ਸੀ ਤੇ ਇਸ ਕਾਰਨ ਹਵਾਈ ਅੱਡੇ ’ਤੇ ਕੰਮਕਾਜ ਫਿਲਹਾਲ ਰੁਕਿਆ ਹੋਇਆ ਹੈ। ਹਾਲਾਤ ਅਜਿਹੇ ਹਨ ਕਿ ਹਵਾਈ ਅੱਡੇ ਨੂੰ ਇੱਕ ਦਿਨ ਲਈ ਬੰਦ ਕਰਨਾ ਪੈ ਸਕਦਾ ਹੈ। ਹਾਲਾਂਕਿ ਭਾਰਤੀ ਕ੍ਰਿਕੇਟ ਕੰਟਰੋਲ ਬੋਰਡ (ਬੀਸੀਸੀਆਈ) ਵੱਲੋਂ ਇਸ ’ਤੇ ਕੋਈ ਅਧਿਕਾਰਤ ਬਿਆਨ ਨਹੀਂ ਆਇਆ ਹੈ। (T20 World Cup 2024)

ਇਹ ਵੀ ਪੜ੍ਹੋ : BREAKING: ਵਿਰਾਟ-ਰੋਹਿਤ ਤੋਂ ਬਾਅਦ ਹੁਣ ਇਸ ਦਿੱਗਜ਼ ਖਿਡਾਰੀ ਨੇ ਵੀ ਲਿਆ ਸੰਨਿਆਸ

ਭਾਰਤ ਪਰਤਣ ’ਚ ਹੋ ਸਕਦੀ ਹੈ ਦੇਰੀ | T20 World Cup 2024

ਇੱਕ ਸੂਤਰ ਨੇ ਪੀਟੀਆਈ ਨੂੰ ਦੱਸਿਆ ਕਿ ਪ੍ਰੋਗਰਾਮ ਦੇ ਮੁਤਾਬਕ ਟੀਮ ਨੇ ਇੱਥੋਂ (ਬ੍ਰਿਜਟਾਊਨ) ਤੋਂ ਨਿਊਯਾਰਕ ਜਾਣਾ ਸੀ ਤੇ ਫਿਰ ਦੁਬਈ ਰਸਤੇ ਭਾਰਤ ਪਹੁੰਚਣਾ ਸੀ। ਪਰ ਹੁਣ ਦਿੱਲੀ ਤੋਂ ਸਿੱਧੀ ਚਾਰਟਰਡ ਫਲਾਈਟ ਲੈਣ ਦੀ ਯੋਜਨਾ ਹੈ। ਉੱਥੇ ਪੁੱਜਣ ਤੋਂ ਬਾਅਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਮੁਲਾਕਾਤ ਕਰਨ ’ਤੇ ਵੀ ਵਿਚਾਰ ਕੀਤਾ ਜਾ ਰਿਹਾ ਹੈ। ਸਹਾਇਕ ਸਟਾਫ, ਪਰਿਵਾਰ ਤੇ ਅਧਿਕਾਰੀਆਂ ਸਮੇਤ ਲਗਭਗ 70 ਮੈਂਬਰ ਹਨ। (T20 World Cup 2024)

29 ਜੂਨ ਨੂੰ ਵਿਸ਼ਵ ਚੈਂਪੀਅਨ ਬਣਿਆ ਸੀ ਭਾਰਤ | T20 World Cup 2024

ਭਾਰਤੀ ਟੀਮ ਨੇ 29 ਜੂਨ ਨੂੰ ਟੀ-20 ਵਿਸ਼ਵ ਕੱਪ ਜਿੱਤਿਆ ਸੀ। ਭਾਰਤੀ ਟੀਮ 17 ਸਾਲ ਬਾਅਦ ਇਸ ਟੂਰਨਾਮੈਂਟ ’ਚ ਚੈਂਪੀਅਨ ਬਣੀ ਹੈ। ਇੰਨਾ ਹੀ ਨਹੀਂ ਭਾਰਤ ਨੇ 11 ਸਾਲ ਦਾ ਆਈਸੀਸੀ ਟਰਾਫੀ ਦਾ ਸੋਕਾ ਵੀ ਖਤਮ ਕੀਤਾ ਹੈ। ਬਾਰਬਾਡੋਸ ’ਚ ਭਾਰਤ ਨੇ ਫਾਈਨਲ ਮੈਚ ’ਚ ਦੱਖਣੀ ਅਫਰੀਕਾ ਨੂੰ 7 ਦੌੜਾਂ ਨਾਲ ਹਰਾਇਆ ਹੈ ਤੇ ਜਿਸ ਵਿੱਚ ਭਾਰਤ ਦੇ ਸਾਬਕਾ ਕਪਤਾਨ ਵਿਰਾਟ ਕੋਹਲੀ ਨੂੰ ‘ਪਲੇਅਰ ਆਫ ਦੀ ਮੈਚ’ ਦਾ ਅਵਾਰਡ ਦਿੱਤਾ ਗਿਆ ਤੇ ਜਸਪ੍ਰੀਤ ਬੁਮਰਾਹ ਨੂੰ ‘ਪਲੇਅਰ ਆਫ ਦੀ ਟੂਰਨਾਮੈਂਟ’ ਦਾ ਅਵਾਰਡ ਦਿੱਤਾ ਗਿਆ ਹੈ।

ਵਿਰਾਟ ਕੋਹਲੀ ਨੇ ਟੀ20 ਕ੍ਰਿਕੇਟ ਤੋਂ ਲਿਆ ਸੰਨਿਆਸ | Virat Kohli

• ਕਿਹਾ, ਨਵੀਂ ਪੀੜ੍ਹੀ ਸੰਭਾਲੇ ਹੁਣ ਕਮਾਨ | Virat Kohli
• ਫਾਈਨਲ ’ਚ ਖੇਡੀ ਵਿਰਾਟ ਨੇ ‘ਵਿਰਾਟ ਪਾਰੀ’
• ਸ਼ਾਨਦਾਰ ਰਿਹਾ ਟੀ20 ਕਰੀਆ

ਸਪੋਰਟਸ ਡੈਸਕ। ਟੀ20 ਵਿਸ਼ਵ ਕੱਪ 2024 ਦਾ ਫਾਈਨਲ ਮੁਕਾਬਲਾ ਅੱਜ ਭਾਰਤ ਤੇ ਅਫਰੀਕਾ ’ਚ ਵੈਸਟਇੰਡੀਜ਼ ਦੇ ਬਾਰਬਾਡੋਸ ’ਚ ਖੇਡਿਆ ਗਿਆ। ਜਿਸ ਮੈਚ ’ਚ ਭਾਰਤੀ ਟੀਮ ਨੇ ਅਫਰੀਕਾ ਨੂੰ 7 ਦੌੜਾਂ ਨਾਲ ਹਰਾ ਕੇ ਮੈਚ ਤੇ ਟਰਾਫੀ ਆਪਣੇ ਨਾਂਅ ਕਰ ਲਏ। ਇਸ ਵਿਚਕਾਰ ਵੱਡੀ ਖਬਰ ਸਾਹਮਣੇ ਆ ਰਹੀ ਹੈ। ਟੀ20 ਵਿਸ਼ਵ ਕੱਪ ਜਿੱਤਣ ਤੋਂ ਬਾਅਦ ਭਾਰਤ ਦੇ ਸਾਬਕਾ ਕਪਤਾਨ ਵਿਰਾਟ ਕੋਹਲੀ ਨੇ ਟੀ20 ਤੋਂ ਸੰਨਿਆਸ ਦਾ ਐਲਾਨ ਕਰ ਦਿੱਤਾ ਹੈ। (Virat Kohli)

ਉਨ੍ਹਾਂ ਕਿਹਾ ਕਿ ਇਹ ਮੇਰਾ ਆਖਿਰੀ ਟੀ20 ਮੈਚ ਸੀ, ਉਨ੍ਹਾਂ ਕਿਹਾ ਕਿ ਹੁਣ ਨਵੀਂ ਪੀੜ੍ਹੀ ਨੂੰ ਕਮਾਨ ਸੰਭਾਲਣੀ ਚਾਹੀਦੀ ਹੈ। ਇਸ ਵਿਚਕਾਰ ਵਿਰਾਟ ਕੋਹਲੀ ਨੇ ਆਪਣੇ ਕਰੀਅਰ ਦੇ ਆਖਿਰੀ ਟੀ20 ਮੁਕਾਬਲੇ ਫਾਈਨਲ ’ਚ 77 ਦੌੜਾਂ ਦੀ ਜਬਰਦਸਤ ਪਾਰੀ ਖੇਡੀ। ਉਹ ਅਫਰੀਕਾ ਖਿਲਾਫ ਹੋਏ ਫਾਈਨਲ ਮੈਚ ’ਚ ‘ਪਲੇਆਰ ਆਫ ਦਾ ਮੈਚ’ ਬਣੇ। ਵਿਰਾਟ ਕੋਹਲੀ ਨੇ ਅਫਰੀਕਾ ਖਿਲਾਫ ਫਾਈਨਲ ’ਚ ਹੀਰੋ ਦੀ ਭੂਮਿਕਾ ਨਿਭਾਈ। ਇਸ ਤੋਂ ਪਹਿਲਾਂ ਵਿਸ਼ਵ ਕੱਪ ਦੇ 7 ਮੈਚਾਂ ’ਚ ਉਨ੍ਹਾਂ ਦਾ ਟੋਟਲ ਸਕੋਰ 75 ਦੌੜਾਂ ਦਾ ਸੀ। ਪਰ ਉਨ੍ਹਾਂ ਫਾਈਨਲ ’ਚ 76 ਦੌੜਾਂ ਦੀ ਪਾਰੀ ਖੇਡੀ। (Virat Kohli)

ਇਹ ਵੀ ਪੜ੍ਹੋ : IND vs SA: ਅੱਧੀ ਰਾਤ ਭਾਰਤ ‘ਚ ਮਨਾਈ ਗਈ ਦੀਵਾਲੀ, 17 ਸਾਲਾਂ ਬਾਅਦ ਭਾਰਤ ਬਣਿਆ ਟੀ20 ਵਿਸ਼ਵ ਚੈਂਪੀਅਨ

ਕੋਹਲੀ ਦੇ 5 ਮੈਚ ਜਿੱਤਣ ਵਾਲੇ ਪ੍ਰਦਰਸ਼ਨ | Virat Kohli

1. ਇੱਕਰੋਜ਼ਾ ਵਿਸ਼ਵ ਕੱਪ ਫਾਈਨਲ 2011 | Virat Kohli

ਭਾਰਤ ਨੇ ਮੁੰਬਈ ਦੇ ਵਾਨਖੇੜੇ ’ਚ ਸ੍ਰੀਲੰਕਾ ਖਿਲਾਫ 275 ਦੌੜਾਂ ਦਾ ਪਿੱਛਾ ਕੀਤਾ ਸੀ। ਸਚਿਨ ਤੇਂਦੁਲਕਰ ਤੇ ਵਰਿੰਦਰ ਸਹਿਵਾਗ ਆਊਟ ਹੋਏ। ਸਿਰਫ 31 ਦੌੜਾਂ ਹੀ ਬਣਾ ਸਕੇ। ਸਾਂਝੇਦਾਰੀ ਦੀ ਜ਼ਰੂਰਤ ਸੀ। ਕੋਹਲੀ ਨੇ ਸਿਰਫ 35 ਦੌੜਾਂ ਦੀ ਪਾਰੀ ਖੇਡੀ ਪਰ ਗੰਭੀਰ ਨਾਲ 83 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਦੌੜਾਂ ਦਾ ਪਿੱਛਾ ਕਰਦੇ ਹੋਏ ਭਾਰਤ ਦੀ ਸ਼ੁਰੂਆਤ ਖਰਾਬ ਰਹੀ।

2. ਚੈਂਪੀਅਨਜ ਟਰਾਫੀ ਫਾਈਨਲ 2013 | Virat Kohli

ਇੰਗਲੈਂਡ ਤੇ ਭਾਰਤ ਵਿਚਕਾਰ 50-50 ਓਵਰਾਂ ਦਾ ਇਹ ਮੈਚ ਮੀਂਹ ਕਾਰਨ 20-20 ਓਵਰਾਂ ਦਾ ਕਰ ਦਿੱਤਾ ਗਿਆ। ਭਾਰਤੀ ਟੀਮ 7 ਵਿਕਟਾਂ ’ਤੇ 129 ਦੌੜਾਂ ਹੀ ਬਣਾ ਸਕੀ। ਇਸ ’ਚ ਕੋਹਲੀ ਦਾ ਯੋਗਦਾਨ 43 ਦੌੜਾਂ ਦਾ ਰਿਹਾ। ਦੋਵਾਂ ਟੀਮਾਂ ਵੱਲੋਂ ਕੋਹਲੀ ਸਭ ਤੋਂ ਜ਼ਿਆਦਾ ਦੌੜਾਂ ਦਾ ਸਕੋਰ ਰਿਹਾ। ਭਾਰਤ ਨੇ ਇਹ ਮੈਚ ਜਿੱਤ ਲਿਆ।

3. ਟੀ-20 ਵਿਸ਼ਵ ਕੱਪ 2014 ਦਾ ਸੈਮੀਫਾਈਨਲ | Virat Kohli

ਇਹ ਸੈਮੀਫਾਈਨਲ ਭਾਰਤ ਤੇ ਦੱਖਣੀ ਅਫਰੀਕਾ ਵਿਚਕਾਰ ਖੇਡਿਆ ਗਿਆ। ਦੱਖਣੀ ਅਫਰੀਕਾ ਨੇ ਭਾਰਤ ਨੂੰ ਕੁੱਲ 173 ਦੌੜਾਂ ਦਿੱਤੀਆਂ ਸਨ। ਵਿਰਾਟ ਕੋਹਲੀ ਨੇ 72 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ। 19ਵੇਂ ਓਵਰ ’ਚ ਟੀਮ ਨੇ ਟੀਚੇ ਨੂੰ ਹਾਸਲ ਕਰ ਲਿਆ।

4. ਟੀ-20 ਵਿਸ਼ਵ ਕੱਪ 2016 | Virat Kohli

ਸੁਪਰ 10 ਮੈਚ ’ਚ ਭਾਰਤ ਅਸਟਰੇਲੀਆ ਨਾਲ ਖੇਡ ਰਿਹਾ ਸੀ। ਭਾਰਤ ਨੂੰ ਸੈਮੀਫਾਈਨਲ ’ਚ ਪਹੁੰਚਣ ਲਈ ਜਿੱਤ ਦੀ ਲੋੜ ਸੀ। ਅਸਟਰੇਲੀਆ ਨੂੰ 161 ਦੌੜਾਂ ਦਾ ਟੀਚਾ ਦਿੱਤਾ ਸੀ। ਭਾਰਤ ਨੇ 14 ਓਵਰਾਂ ’ਚ 94 ਦੌੜਾਂ ਬਣਾਈਆਂ ਸਨ। ਭਾਰਤ ਦਾ ਸਕੋਰ 6 ਓਵਰਾਂ ’ਚ 23 ਦੌੜਾਂ ਸੀ। ਜਿੱਤ ਲਈ 138 ਦੌੜਾਂ ਦੀ ਲੋੜ ਸੀ ਅਤੇ ਕੋਹਲੀ ਬੱਲੇਬਾਜੀ ਕਰਨ ਆਏ। ਸ਼ੁਰੂਆਤ ’ਚ ਸਮਾਂ ਲੱਗਾ ਪਰ ਬਾਅਦ ’ਚ ਤੇਜੀ ਨਾਲ ਬੱਲੇਬਾਜੀ ਕੀਤੀ। 9 ਚੌਕੇ ਤੇ 2 ਛੱਕੇ ਜੜੇ। ਕੋਹਲੀ ਨੇ 82 ਦੌੜਾਂ ਦੀ ਅਜੇਤੂ ਪਾਰੀ ਖੇਡ ਕੇ ਜਿੱਤ ਦਿਵਾਈ।

5. ਟੀ-20 ਵਿਸ਼ਵ ਕੱਪ 2022 | Virat Kohli

ਗਰੁੱਪ-2 ਦੇ ਮੈਚ ’ਚ ਭਾਰਤ ਤੇ ਪਾਕਿਸਤਾਨ ਆਹਮੋ-ਸਾਹਮਣੇ ਸਨ। ਪਾਕਿਸਤਾਨ ਨੇ ਭਾਰਤ ਨੂੰ 160 ਦੌੜਾਂ ਦਾ ਟੀਚਾ ਦਿੱਤਾ ਸੀ। ਪਾਕਿਸਤਾਨੀ ਤੇਜ ਗੇਂਦਬਾਜਾਂ ਨੇ ਭਾਰਤ ਦੀਆਂ 4 ਵਿਕਟਾਂ 31 ਦੌੜਾਂ ’ਤੇ ਘਟਾ ਦਿੱਤੀਆਂ ਸਨ। ਕੋਹਲੀ 82 ਦੌੜਾਂ ਦੀ ਅਜੇਤੂ ਪਾਰੀ ਖੇਡ ਰਹੇ ਸਨ। ਕੋਹਲੀ ਨੇ ਹਾਰਦਿਕ ਨਾਲ 113 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਤੇ ਭਾਰਤ ਨੂੰ ਅਸੰਭਵ ਜਿੱਤ ਦਿਵਾਈ। (Virat Kohli)

ਰੋਮਾਂਚਕ ਫਾਈਨਲ ਮੁਕਾਬਲੇ ‘ਚ ਅਫਰੀਕਾ ਨੂੰ 7 ਦੌੜਾਂ ਨਾਲ ਹਰਾਇਆ | IND vs SA

• ਹਾਰੀ ਹੋਈ ਬਾਜ਼ੀ ਜਿੱਤੀ ਭਾਰਤ ਨੇ, ਤੇਜ਼ ਗੇਂਦਬਾਜ਼ਾਂ ਨੇ ਪਲਟਿਆ ਮੈਚ
• ਕੋਹਲੀ ਦੀ ਅਰਧਸੈਂਕੜੇ ਵਾਲੀ ਪਾਰੀ

ਸਪੋਰਟਸ ਡੈਸਕ। ਭਾਰਤ ‘ਚ ਅੱਜ ਅੱਧੀ ਰਾਤ ਦੀਵਾਲੀ ਮਨਾਈ ਜਾ ਰਹੀ ਹੈ। ਰੋਹਿਤ ਸ਼ਰਮਾ ਦੀ ਫੌਜ ਨੇ ਉਹ ਸੁਪਨਾ ਪੂਰਾ ਕਰ ਦਿੱਤਾ ਜਿਸ ਨੂੰ 17 ਸਾਲ ਪਹਿਲਾਂ ਮਹਿੰਦਰ ਸਿੰਘ ਧੋਨੀ ਨੇ ਸੱਚ ਕੀਤਾ ਸੀ। ਟੀ20 ਵਿਸ਼ਵ ਕੱਪ 2024 ਦਾ ਫਾਈਨਲ ਮੁਕਾਬਲਾ ਭਾਰਤ ਤੇ ਦੱਖਣੀ ਅਫਰੀਕਾ ਵਿਚਕਾਰ ਵੈਸਟਇੰਡੀਜ਼ ਦੇ ਬਾਰਬਾਡੋਸ ‘ਚ ਖੇਡਿਆ ਗਿਆ। ਇਸ ਮੁਕਾਬਲੇ ‘ਚ ਭਾਰਤੀ ਟੀਮ ਨੇ ਟਾਸ ਜਿੱਤਿਆ ਸੀ ਤੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਵਿਰਾਟ ਕੋਹਲੀ ਦੀਆਂ 72 ਦੌੜਾਂ ਦੀ ਪਾਰੀ ਦੀ ਦਮ ਤੇ ਉਨ੍ਹਾਂ ਦੀ ਅਕਸ਼ਰ ਪਟੇਲ ਨਾਲ ਹੋਈ ਜਬਰਦਸਤ ਸਾਂਝੇਦਾਰੀ ਦੀ ਮੱਦਦ ਨਾਲ ਭਾਰਤੀ ਟੀਮ ਨੇ ਆਪਣੇ 20 ਓਵਰਾਂ ‘ਚ 176 ਦੌੜਾਂ ਦਾ ਚੁਣੌਤੀਪੂਰਨ ਸਕੋਰ ਬਣਾਇਆ। ਅਫਰੀਕਾ ਵੱਲੋਂ ਸਭ ਤੋਂ ਜਿਆਦਾ ਐਨਰਿਕ ਨੌਰਟਜੇ ਤੇ ਕੇਸ਼ਵ ਮਹਾਰਾਜ਼ ਨੇ 2-2 ਵਿਕਟਾਂ ਲਈਆਂ। ਮਾਰਕੋ ਯਾਨਸਨ ਤੇ ਕੈਗਿਸੋ ਰਬਾਡਾ ਨੂੰ 1-1 ਵਿਕਟ ਮਿਲੀ। (IND vs SA)

https://twitter.com/ICC/status/1807118357973360848

ਜਵਾਬ ‘ਚ ਟੀਚੇ ਦਾ ਪਿੱਛਾ ਕਰਨ ਆਈ ਅਫਰੀਕਾ ਟੀਮ ਦੀ ਸ਼ੁਰੂਆਤ ਖਰਾਬ ਰਹੀ ਤੇ ਟੀਮ ਨੇ ਦੂਜੇ ਹੀ ਓਵਰ ‘ਚ ਓਪਨਰ ਬੱਲੇਬਾਜ਼ ਰੀਜ਼ਾ ਹੈਂਡ੍ਰਿਕਸ ਦੀ ਵਿਕਟ ਗੁਆ ਦਿੱਤੀ, ਬਾਅਦ ‘ਚ ਕਪਤਾਨ ਏਡਨ ਮਾਰਕ੍ਰਮ ਵੀ ਕੁਝ ਜਿਆਦਾ ਨਹੀਂ ਕਰ ਸਕੇ ਤੇ ਸਿਰਫ 4 ਦੌੜਾਂ ਬਣਾ ਕੇ ਚਲਦੇ ਬਣੇ। ਬਾਅਦ ‘ਚ ਟ੍ਰਿਸਟਨ ਸਟੱਬਸ ਤੇ ਡੀ ਕਾਕ ਵਿਚਕਾਰ ਚੌਥੇ ਵਿਕਟ ਲਈ ਵੱਡੀ ਸਾਂਝੇਦਾਰੀ ਹੋਈ। ਸਟੱਬਸ ਨੂੰ ਅਕਸ਼ਰ ਪਟੇਲ ਨੇ ਆਊਟ ਕਰ ਦਿੱਤਾ, ਫਿਰ ਕਲਾਸੇਨ ਨੇ ਡੀ ਕਾਕ ਨੇ ਤੂਫਾਨੀ ਬੱਲੇਬਾਜ਼ੀ ਕੀਤੀ ਤੇ ਮੈਚ ‘ਚ ਅਫਰੀਕਾ ਦੀ ਵਾਪਸੀ ਕਰ ਦਿੱਤੀ। ਇੱਕ ਸਮੇਂ ਅਫਰੀਕਾ ਨੂੰ 36 ਗੇਂਦਾਂ ‘ਚ 34 ਦੌੜਾਂ ਦੀ ਜ਼ਰੂਰਤ ਸੀ। (IND vs SA)

ਇਹ ਵੀ ਪੜ੍ਹੋ : IND Vs SA Final : ਭਾਰਤ ਨੇ ਦੱਖਣੀ ਅਫਰੀਕਾ ਨੂੰ ਦਿੱਤਾ 177 ਦੌੜਾਂ ਦਾ ਟੀਚਾ

ਪਰ ਗੇਂਦਬਾਜ਼ੀ ਕਰਨ ਆਏ ਹਾਰਦਿਕ ਪਾਂਡਿਆ ਨੇ ਮੈਚ ਦਾ ਰੁੱਖ ਪਲਟ ਦਿੱਤਾ। ਬਾਅਦ ‘ਚ ਜਸਪ੍ਰੀਤ ਬੁਮਰਾਹ ਦਾ ਸਪੈਲ ਸਭ ਤੋਂ ਚੰਗਾ ਗਿਆ ਤੇ ਬੁਮਰਾਹ ਨੇ ਸਿਰਫ 18 ਦੌੜਾਂ ਦੇ ਕੇ 2 ਵਿਕਟਾਂ ਲਈਆਂ। ਬਾਅਦ ‘ਚ ਹਾਰਦਿਕ ਪਾਂਡਿਆ ਨੇ ਆਪਣੇ 3 ਓਵਰਾਂ ‘ਚ 20 ਦੌੜਾਂ ਦੇ ਕੇ ਵੱਡੀਆਂ 3 ਵਿਕਟਾਂ ਲਈਆਂ ਤੇ ਮੈਚ ਦਾ ਰੁੱਖ ਭਾਰਤ ਵੱਲ ਕਰ ਦਿੱਤਾ। ਆਖਿਰੀ ਓਵਰ ‘ਚ ਅਫਰੀਕਾ ਨੂੰ 16 ਦੌੜਾਂ ਚਾਹੀਦੀਆਂ ਸਨ ਪਰ ਹਾਰਦਿਕ ਅੱਗੇ ਉਹ ਟੀਮ ਪਾਰ ਨਹੀਂ ਕਰ ਸਕੀ ਤੇ 7 ਦੌੜਾਂ ਨਾਲ ਮੈਚ ਗੁਆ ਬੈਠੀ। ਇਸ ਦੇ ਨਾਲ ਹੀ ਅਫਰੀਕਾ ਦਾ ਪਹਿਲੀ ਵਾਰ ਕੋਈ ਵਿਸ਼ਵ ਕੱਪ ਜਿੱਤਣ ਦਾ ਸੁਪਨਾ ਵੀ ਟੁੱਟ ਗਿਆ ਤੇ ਭਾਰਤੀ ਟੀਮ ਨੇ 17 ਸਾਲਾਂ ਬਾਅਦ ਟੀ20 ਵਿਸ਼ਵ ਕੱਪ ਜਿੱਤ ਲਿਆ। ਇਸ ਤੋਂ ਪਹਿਲਾਂ ਭਾਰਤੀ ਟੀਮ ਨੇ 2007 ‘ਚ ਮਹਿੰਦਰ ਸਿੰਘ ਧੋਨੀ ਦੀ ਕਪਤਾਨੀ ‘ਚ ਵਿਸ਼ਵ ਕੱਪ ਜਿੱਤਿਆ ਸੀ। (IND vs SA)

https://twitter.com/ICC/status/1807114462895157381

ਬਾਰਬਾਡੋਸ । IND Vs SA Final ਵਿਸ਼ਵ ਕੱਪ ਫਾਈਨਲ ਵਿੱਚ ਰੋਹਿਤ ਸ਼ਰਮਾ ਨੇ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਟਾਸ ਤੋਂ ਬਾਅਦ ਦੱਖਣੀ ਅਫਰੀਕਾ ਦੇ ਕਪਤਾਨ ਏਡਨ ਮਾਰਕਰਮ ਨੇ ਕਿਹਾ ਕਿ ਜੇਕਰ ਉਹ ਜਿੱਤ ਜਾਂਦੇ ਤਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕਰਦੇ। ਭਾਰਤ ਅਤੇ ਦੱਖਣੀ ਅਫਰੀਕਾ ਨੇ ਆਪਣੀਆਂ ਟੀਮਾਂ ‘ਚ ਕੋਈ ਬਦਲਾਅ ਨਹੀਂ ਕੀਤਾ ਹੈ।

ਵਿਸ਼ਵ ਕੱਪ 2024 ਦੌਰਾਨ ਮੀਂਹ ਦਾ ਅਸਰ | IND Vs SA Final

ਬਾਰਬਾਡੋਸ ਦੇ ਮੈਦਾਨ ’ਤੇ ਇਸ ਵਿਸ਼ਵ ਕੱਪ ’ਚ ਕਾਫੀ ਮੈਚ ਖੇਡੇ ਗਏ ਹਨ। ਇਸ ਮੈਦਾਨ ’ਤੇ ਮੀਂਹ ਕਾਰਨ 8 ਮੈਚ ਪ੍ਰਭਾਵਿਤ ਹੋਏ ਹਨ। ਇਸ ਮੈਦਾਨ ’ਤੇ ਮੀਂਹ ਦੌਰਾਨ 4 ਮੈਚਾਂ ਦਾ ਨਤੀਜਾ ਤਾਂ ਡੀਐੱਲਐੱਸ ਨਿਯਮ ਤਹਿਤ ਕੱਢਿਆ ਗਿਆ ਹੈ ਤੇ 4 ਹੀ ਮੈਚ ਇਸ ਮੈਦਾਨ ’ਤੇ ਮੀਂਹ ਕਾਰਨ ਪ੍ਰਭਾਵਿਤ ਹੋ ਕੇ ਬੇਨਤੀਜਾ ਨਿਕਲੇ ਹਨ। ਅੱਜ ਵਾਲਾ ਫਾਈਨਲ ਮੁਕਾਬਲਾ ਇਸ ਜਗ੍ਹਾ ’ਤੇ 9ਵਾਂ ਮੁਕਾਬਲਾ ਹੋਵੇਗਾ। ਜਿਹੜਾ ਕਿ ਭਾਰਤ ਤੇ ਦੱਖਣੀ ਅਫਰੀਕਾ ਵਿਚਕਾਰ ਖੇਡਿਆ ਜਾਵੇਗਾ। (Barbados Weather)

ਹੁਣ ਮੌਸਮ ਕਿਵੇਂ, 5 AM ਸਵੇਰੇ | Barbados Weather

ਫਿਲਹਾਲ ਬਾਰਬਾਡੋਸ ’ਚ ਅਜੇ ਸਵੇਰੇ ਦੇ 5 ਵਜੇ ਹਨ। ਮੌਸਮ ਵਿਭਾਗ ਤੋਂ ਮਿਲੀ ਜਾਣਕਾਰੀ ਮੁਤਾਬਕ, ਮੀਂਹ ਪਿਛਲੇ 4 ਘੰਟਿਆਂ ਤੋਂ ਰੂਕਿਆ ਹੋਇਆ ਹੈ ਤੇ ਬੱਦਲ ਵੀ ਸਾਫ ਹੋਣੇ ਸ਼ੁਰੂ ਹੋ ਗਏ ਹਨ। ਤਾਪਮਾਨ ਫਿਲਹਾਲ 27 ਡਿਗਰੀ ਸੈਲਸੀਅਸ ਦਰਜ਼ ਕੀਤਾ ਗਿਆ ਹੈ।

ਹੁਣ ਬਾਰਬਾਡੋਸ ’ਚ ਫਿਲਹਾਲ ਸਵੇਰੇ ਦੇ 6 ਵਜੇ ਹਨ। ਐਕਯੂ ਮੌਸਮ ਦੇ ਅਨੁਸਾਰ, ਬਾਰਿਸ਼ ਬਿਲਕੁਲ ਨਹੀਂ ਹੋ ਰਹੀ ਹੈ ਤੇ ਅਸਮਾਨ ਸਾਫ ਹੈ। ਸੂਰਜ ਵੀ ਨਿਕਲ ਗਿਆ ਹੈ। ਤਾਪਮਾਨ 28 ਡਿਗਰੀ ਸੈਲਸੀਅਸ ਹੈ।

ਜੇਕਰ ਅੱਜ ਮੈਚ ਨਹੀਂ ਹੋਇਆ ਤਾਂ ਭਲਕੇ ਹੋਵੇਗਾ ਮੈਚ | Barbados Weather

• ਫਾਈਨਲ ਲਈ ਰੱਖਿਆ ਗਿਆ ਹੈ ਰਿਜ਼ਰਵ ਦਿਨ

ਸਪੋਰਟਸ ਡੈਸਕ। T20 ਵਿਸ਼ਵ ਕੱਪ 2024 ਦਾ ਫਾਈਨਲ ਅੱਜ ਰਾਤ 8 ਵਜੇ ਭਾਰਤ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਬ੍ਰਿਜਟਾਊਨ, ਬਾਰਬਾਡੋਸ ਵਿੱਚ ਖੇਡਿਆ ਜਾਵੇਗਾ। ਬਾਰਬਾਡੋਸ ਵਿੱਚ ਅਜੇ ਸਵੇਰ ਹੋਈ ਹੈ। ਮੀਂਹ ਬਿਲਕੁਲ ਨਹੀਂ ਪੈ ਰਿਹਾ ਹੈ ਅਤੇ ਅਸਮਾਨ ਸਾਫ਼ ਹੈ। ਸੂਰਜ ਵੀ ਨਿਕਲ ਗਿਆ ਹੈ। ਟਾਸ ਸਮੇਂ ‘ਤੇ ਹੋਣ ਦੀ ਜ਼ਿਆਦਾ ਸੰਭਾਵਨਾ ਹੈ। ਹਾਲਾਂਕਿ, ਫਾਈਨਲ ਮੈਚ ਦੌਰਾਨ ਮੀਂਹ ਦੀ ਸਭ ਤੋਂ ਵੱਧ ਸੰਭਾਵਨਾ 51% ਹੈ (ਵੈਸਟਇੰਡੀਜ਼ ਲਈ ਸਥਾਨਕ ਸਮੇਂ ਅਨੁਸਾਰ 1:30 ਵਜੇ ਅਤੇ ਭਾਰਤ ਲਈ ਦੁਪਹਿਰ 11 ਵਜੇ)। ਜੇਕਰ ਇਹ ਮੈਚ ਮੀਂਹ ਕਾਰਨ ਅੱਜ ਪੂਰਾ ਨਹੀਂ ਹੋ ਸਕਿਆ ਤਾਂ ਇਸ ਨੂੰ ਰਿਜ਼ਰਵ ਡੇਅ ਯਾਨੀ 30 ਜੂਨ ਨੂੰ ਦੁਬਾਰਾ ਉਸੇ ਸਟੇਡੀਅਮ ‘ਚ ਖੇਡਿਆ ਜਾਵੇਗਾ।

ਬਾਰਬਾਡੋਸ ’ਚ ਹੁਣ ਸਵੇਰ ਦੇ 7:14 ਵੱਜ ਚੁੱਕੇ ਹਨ। ਮੀਂਹ ਬਿਲਕੁਲ ਨਹੀਂ ਪੈ ਰਿਹਾ ਹੈ ਤੇ ਅਸਮਾਨ ਸਾਫ ਹੈ। ਸੂਰਜ ਵੀ ਨਿਕਲ ਗਿਆ ਹੈ। ਟਾਸ ਸਮੇਂ ’ਤੇ ਹੋਣ ਦੀ ਹੋਣ ਦੀ ਸੰਭਾਵਨਾ ਘੰਟ ਹੈ। ਜੇਕਰ ਇਹ ਮੈਚ ਮੀਂਹ ਕਾਰਨ ਅੱਜ ਪੂਰਾ ਨਹੀਂ ਹੋ ਸਕਿਆ ਤਾਂ ਇਸ ਨੂੰ ਰਿਜਰਵ ਡੇਅ ਭਾਵ 30 ਜੂਨ ਨੂੰ ਦੁਬਾਰਾ ਉਸੇ ਸਟੇਡੀਅਮ ’ਚ ਖੇਡਿਆ ਜਾਵੇਗਾ। ਜੇਕਰ ਮੀਂਹ ਦੇ ਚੱਲਦੇ ਇਹ ਮੈਚ ਨਹੀਂ ਹੁੰਦਾ ਤਾਂ ਰਿਜ਼ਰਵ-ਦਿਨ ਭਾਵ 30 ਜੂਨ ਨੂੰ ਸਟੇਡੀਅਮ ’ਚ ਫਿਰ ਤੋਂ ਮੈਚ ਖੇਡਿਆ ਜਾਵੇਗਾ। ਹੁਣ ਮੌਸਮ ਵਿਭਾਗ ਤੋਂ ਮਿਲੀ ਜਾਣਕਾਰੀ ਮੁਤਾਬਕ, ਬਾਰਬਾਡੋਸ ‘ਚ ਪਿਛਲੇ 5 ਘੰਟਿਆਂ ਤੋਂ ਮੀਂਹ ਰੁਕਿਆ ਹੋਇਆ ਹੈ ਤੇ ਬੱਦਲ ਵੀ ਸਾਫ਼ ਹੋਣੇ ਸ਼ੁਰੂ ਹੋ ਗਏ ਹਨ। ਉੱਥੇ ਹੁਣ ਸਵੇਰ ਦੇ 7:14 ਵਜੇ ਹਨ। (Barbados Weather)

ਇਹ ਵੀ ਪੜ੍ਹੋ : IND vs SA: ਫਾਈਨਲ ’ਤੇ ‘ਵੱਡਾ ਖਤਰਾ’! ਕਿਸ ਨੂੰ ਮਿਲੇਗੀ ਟਰਾਫੀ, ਦੋਵੇਂ ਟੀਮਾਂ ਤਿਆਰ

ਵਿਸ਼ਵ ਕੱਪ 2024 ਦੌਰਾਨ ਮੀਂਹ ਦਾ ਅਸਰ | Barbados Weather

ਬਾਰਬਾਡੋਸ ਦੇ ਮੈਦਾਨ ’ਤੇ ਇਸ ਵਿਸ਼ਵ ਕੱਪ ’ਚ ਕਾਫੀ ਮੈਚ ਖੇਡੇ ਗਏ ਹਨ। ਇਸ ਮੈਦਾਨ ’ਤੇ ਮੀਂਹ ਕਾਰਨ 8 ਮੈਚ ਪ੍ਰਭਾਵਿਤ ਹੋਏ ਹਨ। ਇਸ ਮੈਦਾਨ ’ਤੇ ਮੀਂਹ ਦੌਰਾਨ 4 ਮੈਚਾਂ ਦਾ ਨਤੀਜਾ ਤਾਂ ਡੀਐੱਲਐੱਸ ਨਿਯਮ ਤਹਿਤ ਕੱਢਿਆ ਗਿਆ ਹੈ ਤੇ 4 ਹੀ ਮੈਚ ਇਸ ਮੈਦਾਨ ’ਤੇ ਮੀਂਹ ਕਾਰਨ ਪ੍ਰਭਾਵਿਤ ਹੋ ਕੇ ਬੇਨਤੀਜਾ ਨਿਕਲੇ ਹਨ। ਅੱਜ ਵਾਲਾ ਫਾਈਨਲ ਮੁਕਾਬਲਾ ਇਸ ਜਗ੍ਹਾ ’ਤੇ 9ਵਾਂ ਮੁਕਾਬਲਾ ਹੋਵੇਗਾ। ਜਿਹੜਾ ਕਿ ਭਾਰਤ ਤੇ ਦੱਖਣੀ ਅਫਰੀਕਾ ਵਿਚਕਾਰ ਖੇਡਿਆ ਜਾਵੇਗਾ। (Barbados Weather)

ਹੁਣ ਮੌਸਮ ਕਿਵੇਂ, 5 AM ਸਵੇਰੇ | Barbados Weather

ਫਿਲਹਾਲ ਬਾਰਬਾਡੋਸ ’ਚ ਅਜੇ ਸਵੇਰੇ ਦੇ 5 ਵਜੇ ਹਨ। ਮੌਸਮ ਵਿਭਾਗ ਤੋਂ ਮਿਲੀ ਜਾਣਕਾਰੀ ਮੁਤਾਬਕ, ਮੀਂਹ ਪਿਛਲੇ 4 ਘੰਟਿਆਂ ਤੋਂ ਰੂਕਿਆ ਹੋਇਆ ਹੈ ਤੇ ਬੱਦਲ ਵੀ ਸਾਫ ਹੋਣੇ ਸ਼ੁਰੂ ਹੋ ਗਏ ਹਨ। ਤਾਪਮਾਨ ਫਿਲਹਾਲ 27 ਡਿਗਰੀ ਸੈਲਸੀਅਸ ਦਰਜ਼ ਕੀਤਾ ਗਿਆ ਹੈ।

ਹੁਣ ਮੌਸਮ ਕਿਵੇਂ, ਸਵੇਰ ਦੇ 6 AM

ਹੁਣ ਬਾਰਬਾਡੋਸ ’ਚ ਫਿਲਹਾਲ ਸਵੇਰੇ ਦੇ 6 ਵਜੇ ਹਨ। ਐਕਯੂ ਮੌਸਮ ਦੇ ਅਨੁਸਾਰ, ਬਾਰਿਸ਼ ਬਿਲਕੁਲ ਨਹੀਂ ਹੋ ਰਹੀ ਹੈ ਤੇ ਅਸਮਾਨ ਸਾਫ ਹੈ। ਸੂਰਜ ਵੀ ਨਿਕਲ ਗਿਆ ਹੈ। ਤਾਪਮਾਨ 28 ਡਿਗਰੀ ਸੈਲਸੀਅਸ ਹੈ।