Vande Bharat Express: ਚੰਡੀਗੜ੍ਹ (ਸੱਚ ਕਹੂੰ ਨਿਊਜ਼)। ਵੰਦੇ ਭਾਰਤ ’ਚ ਸਫਰ ਕਰਨ ਵਾਲਿਆਂ ਲਈ ਜ਼ਰੂਰੀ ਖਬਰ ਸਾਹਮਣੇ ਆ ਰਹੀ ਹੈ। ਉੱਤਰ ਰੇਲਵੇ ਦੇ ਫਿਰੋਜ਼ਪੁਰ ਰੇਲ ਡਿਵੀਜ਼ਨ ਵੱਲੋਂ ਵੀਰਵਾਰ ਨੂੰ ਜਾਰੀ ਪ੍ਰੈਸ ਰਿਲੀਜ਼ ’ਚ ਕਿਹਾ ਹੈ ਕਿ ਰੇਲਵੇ ਵਿਭਾਗ ਨੇ ਰੇਲ ਯਾਤਰੀਆਂ ਦੀ ਸਹੂਲਤ ਨੂੰ ਧਿਆਨ ’ਚ ਰੱਖਦੇ ਹੋਏ ਵੰਦੇ ਭਾਰਤ ਐਕਸਪ੍ਰੈੱਸ ਟ੍ਰੇਨ ਨੰਬਰ 26462/26461 ਫਿਰੋਜ਼ਪੁਰ ਕੈਂਟ-ਦਿੱਲੀ-ਫਿਰੋਜ਼ਪੁਰ ਕੈਂਟ ਵਾਇਆ ਬਠਿੰਡਾ ਦਾ ਬਰਨਾਲਾ ਰੇਲਵੇ ਸਟੇਸ਼ਨ ’ਤੇ ਠਹਿਰਾਅ ਪ੍ਰਦਾਨ ਕੀਤਾ ਜਾ ਰਿਹਾ ਹੈ। ਇਹ ਠਹਿਰਾਅ 20 ਫਰਵਰੀ 2026 ਤੋਂ ਪ੍ਰਯੋਗਾਤਮਕ ਆਧਾਰ ’ਤੇ ਪ੍ਰਦਾਨ ਕੀਤਾ ਗਿਆ ਹੈ। Vande Bharat New Stoppage

ਇਹ ਖਬਰ ਵੀ ਪੜ੍ਹੋ : India Dhaka Relations: ਭਾਰਤ-ਢਾਕਾ ਸਹਿਯੋਗ ਦੇ ਸੰਕੇਤ ਵਧੇ

ਹਲਕਾ ਵਿਧਾਇਕ ਸਮੇਤ ਬੀਜੇਪੀ ਜ਼ਿਲ੍ਹਾ ਪ੍ਰਧਾਨ ਨੇ ਵਿਖਾਈ ਹਰੀ ਝੰਡੀ

Vande Bharat Welcome Faridkot: (ਗੁਰਪ੍ਰੀਤ ਪੱਕਾ) ਫ਼ਰੀਦਕੋਟ। ਫਿਰੋਜ਼ਪੁਰ ਤੋਂ ਦਿੱਲੀ ਲਈ ਸ਼ੁਰੂ ਕੀਤੀ ਗਈ ਵੰਦੇ ਭਾਰਤ ਐਕਸਪ੍ਰੈਸ ਦਾ ਫਰੀਦਕੋਟ ਰੇਲਵੇ ਸਟੇਸ਼ਨ ‘ਤੇ ਇਲਾਕਾ ਨਿਵਾਸੀਆਂ ਵੱਲੋਂ ਭਰਵਾਂ ਸਵਾਗਤ ਕੀਤਾ ਗਿਆ। ਇਸ ਮੌਕੇ ਹਲਕਾ ਵਿਧਾਇਕ ਗੁਰਦਿੱਤ ਸਿੰਘ ਸੇਖੋ, ਬੀਜੇਪੀ ਦੇ ਜ਼ਿਲ੍ਹਾ ਪ੍ਰਧਾਨ ਗੌਰਵ ਕੱਕੜ ਸਮੇਤ ਹੋਰ ਰਾਜਸੀ, ਸਮਾਜਿਕ ਅਤੇ ਧਾਰਮਿਕ ਆਗੂਆਂ ਵੱਲੋਂ ਟ੍ਰੇਨ ਨੂੰ ਹਰੀ ਝੰਡੀ ਦੇ ਕੇ ਅਗਲੇ ਪੜਾਅ ਲਈ ਰਵਾਨਾ ਕੀਤਾ ਗਿਆ।

ਇਲਾਕਾ ਨਿਵਾਸੀਆਂ ਵੱਲੋਂ ਲੰਮੇ ਸਮੇਂ ਤੋਂ ਫਰੀਦਕੋਟ ਰਾਹੀਂ ਤੇਜ਼ ਗਤੀ ਵਾਲੀਆਂ ਟ੍ਰੇਨਾਂ ਚਲਾਉਣ ਦੀ ਮੰਗ ਕੀਤੀ ਜਾ ਰਹੀ ਸੀ, ਜਿਸ ਨੂੰ ਕੇਂਦਰ ਸਰਕਾਰ ਨੇ ਪੂਰਾ ਕਰ ਦਿੱਤਾ ਹੈ। ਅੱਜ ਸਵੇਰੇ ਹੀ ਇਸ ਟ੍ਰੇਨ ਨੂੰ ਫਿਰੋਜ਼ਪੁਰ ਤੋਂ ਰਵਾਨਾ ਕੀਤਾ ਗਿਆ ਅਤੇ ਵਾਰਾਨਸੀ ਵਿਖੇ ਹੋਏ ਰਾਸ਼ਟਰੀ ਸਮਾਗਮ ਦੌਰਾਨ ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੱਲੋਂ ਇਸ ਨੂੰ ਹਰੀ ਝੰਡੀ ਦਿਖਾਈ ਗਈ।

ਇਹ ਵੀ ਪੜ੍ਹੋ: Diabetes Health Tips: ਸਿਰਫ਼ ਮਠਿਆਈਆਂ ਖਾਣ ਨਾਲ ਨਹੀਂ ਹੁੰਦੀ ਸ਼ੂਗਰ, ਜਾਣੋ ਇਸਦੇ ਅਸਲ ਕਾਰਨ

ਫਰੀਦਕੋਟ ਰੇਲਵੇ ਸਟੇਸ਼ਨ ‘ਤੇ ਰੇਲਵੇ ਵਿਭਾਗ ਵੱਲੋਂ ਕਰਵਾਏ ਸਵਾਗਤੀ ਸਮਾਰੋਹ ਵਿੱਚ ਵੱਖ-ਵੱਖ ਜਥੇਬੰਦੀਆਂ ਦੇ ਨੁਮਾਇੰਦਿਆਂ ਨੇ ਭਾਗ ਲਿਆ ਅਤੇ ਟ੍ਰੇਨ ਦੇ ਪਹਿਲੀ ਵਾਰ ਫਰੀਦਕੋਟ ਪਹੁੰਚਣ ‘ਤੇ ਖੁਸ਼ੀ ਜ਼ਾਹਿਰ ਕੀਤੀ। ਲੋਕਾਂ ਨੇ ਕਿਹਾ ਕਿ ਇਸ ਟ੍ਰੇਨ ਨਾਲ ਇਲਾਕੇ ਦੇ ਵਾਸੀਆਂ ਦੀ ਪੁਰਾਣੀ ਮੰਗ ਪੂਰੀ ਹੋਈ ਹੈ ਅਤੇ ਉਹ ਇਸ ਲਈ ਕੇਂਦਰ ਸਰਕਾਰ ਦਾ ਧੰਨਵਾਦ ਕਰਦੇ ਹਨ। ਇਸੇ ਦੌਰਾਨ ਰੇਲਵੇ ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਟ੍ਰੇਨ ਬੁੱਧਵਾਰ ਤੋਂ ਇਲਾਵਾ ਹਫਤੇ ਦੇ ਬਾਕੀ ਸਾਰੇ ਦਿਨ ਚੱਲਿਆ ਕਰੇਗੀ। ਹਲਕਾ ਵਿਧਾਇਕ ਗੁਰਦਿੱਤ ਸਿੰਘ ਸੇਖੋ ਨੇ ਕਿਹਾ ਕਿ ਵੰਦੇ ਭਾਰਤ ਐਕਸਪ੍ਰੈਸ ਨਾਲ ਮਾਲਵਾ ਇਲਾਕੇ ਦੇ ਲੋਕਾਂ ਨੂੰ ਸਹੂਲਤ ਅਤੇ ਸਮੇਂ ਦੀ ਬੱਚਤ ਦੋਵੇਂ ਮਿਲਣਗੀਆਂ।

Vande Bharat Punjab: ਫਿਰੋਜ਼ਪੁਰ (ਸੱਚ ਕਹੂੰ ਨਿਊਜ਼)। ਸ਼ਨਿੱਚਰਵਾਰ ਨੂੰ ਉੱਤਰੀ ਰੇਲਵੇ ਦੀ ਫਿਰੋਜ਼ਪੁਰ ਤੇ ਨਵੀਂ ਦਿੱਲੀ ਵਿਚਕਾਰ ਇੱਕ ਨਵੀਂ ਵੰਦੇ ਭਾਰਤ ਐਕਸਪ੍ਰੈਸ ਟ੍ਰੇਨ ਚੱਲਣੀ ਸ਼ੁਰੂ ਹੋ ਗਈ ਹੈ, ਜਿਸ ਦਾ ਉਦਘਾਟਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵੀਡੀਓ ਕਾਨਫਰੰਸਿੰਗ ਰਾਹੀਂ ਹਰੀ ਝੰਡੀ ਦਿਖਾ ਕੇ ਕੀਤਾ। ਰੇਲਵੇ ਵਿਭਾਗ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਫਿਰੋਜ਼ਪੁਰ-ਦਿੱਲੀ ਵੰਦੇ ਭਾਰਤ ਐਕਸਪ੍ਰੈਸ ਇਸ ਰੂਟ ’ਤੇ ਪਹਿਲੀ ਸਭ ਤੋਂ ਤੇਜ਼ ਟ੍ਰੇਨ ਹੈ, ਜੋ ਆਪਣੀ ਯਾਤਰਾ 6 ਘੰਟੇ 40 ਮਿੰਟ ’ਚ ਪੂਰੀ ਕਰੇਗੀ। ਹਾਸਲ ਹੋਏ ਵੇਰਵਿਆਂ ਮੁਤਾਬਕ ਨਵੀਂ ਟ੍ਰੇਨ ਨੰਬਰ 26461-26462 ਫਿਰੋਜ਼ਪੁਰ-ਨਵੀਂ ਦਿੱਲੀ ਵਿਚਕਾਰ ਫਰੀਦਕੋਟ-ਬਠਿੰਡਾ ਰਾਹੀਂ ਚੱਲੇਗੀ। ਇਹ ਟ੍ਰੇਨ ਫਰੀਦਕੋਟ, ਬਠਿੰਡਾ, ਧੂਰੀ, ਪਟਿਆਲਾ, ਅੰਬਾਲਾ ਕੈਂਟ, ਪਾਣੀਪਤ ਤੇ ਨਵੀਂ ਦਿੱਲੀ ਸਟੇਸ਼ਨਾਂ ’ਤੇ ਦੋਵਾਂ ਦਿਸ਼ਾਵਾਂ ’ਚ ਰੁਕੇਗੀ।

ਇਹ ਖਬਰ ਵੀ ਪੜ੍ਹੋ : Vande Bharat Trains: ਪੀਐਮ ਮੋਦੀ ਨੇ ਕਾਸ਼ੀ ਤੋਂ 4 ਵੰਦੇ ਭਾਰਤ ਟ੍ਰੇਨਾਂ ਨੂੰ ਦਿਖਾਈ ਹਰੀ ਝੰਡੀ

ਇਹ ਟ੍ਰੇਨ ਫਿਰੋਜ਼ਪੁਰ ਤੋਂ ਸਵੇਰੇ 7.35 ਵਜੇ ਰਵਾਨਾ ਹੋਵੇਗੀ ਤੇ ਦੁਪਹਿਰ 2.35 ਵਜੇ ਨਵੀਂ ਦਿੱਲੀ ਪਹੁੰਚੇਗੀ, ਜਦੋਂ ਕਿ ਨਵੀਂ ਦਿੱਲੀ ਤੋਂ ਇਹ ਸ਼ਾਮ 4 ਵਜੇ ਫਿਰੋਜ਼ਪੁਰ ਲਈ ਰਵਾਨਾ ਹੋਵੇਗੀ ਤੇ ਰਾਤ 10.35 ਵਜੇ ਉੱਥੇ ਪਹੁੰਚੇਗੀ। ਰੇਲਵੇ ਮੰਤਰਾਲੇ ਦਾ ਕਹਿਣਾ ਹੈ ਕਿ ਇਸ ਨਵੀਂ ਰੇਲਗੱਡੀ ਤੋਂ ਵਪਾਰ, ਸੈਰ-ਸਪਾਟਾ ਤੇ ਰੁਜ਼ਗਾਰ ਦੇ ਮੌਕਿਆਂ ਨੂੰ ਹੁਲਾਰਾ ਮਿਲਣ, ਸਰਹੱਦੀ ਖੇਤਰਾਂ ਦੇ ਸਮਾਜਿਕ ਤੇ ਆਰਥਿਕ ਵਿਕਾਸ ’ਚ ਯੋਗਦਾਨ ਪਾਉਣ ਤੇ ਰਾਸ਼ਟਰੀ ਬਾਜ਼ਾਰਾਂ ਨਾਲ ਬਿਹਤਰ ਏਕੀਕਰਨ ਨੂੰ ਉਤਸ਼ਾਹਿਤ ਕਰਨ ਦੀ ਉਮੀਦ ਹੈ। ਇਸ ਦੇ ਨਾਲ ਹੀ, ਰੇਲਵੇ ਵਿਭਾਗ ਨੇ ਟ੍ਰੇਨ ਨੰਬਰ 22485-22486 ਨਵੀਂ ਦਿੱਲੀ – ਮੋਗਾ ਵਾਇਆ ਲੁਧਿਆਣਾ ਇੰਟਰਸਿਟੀ ਐਕਸਪ੍ਰੈਸ ਰੇਲਗੱਡੀ ਨੂੰ ਫਿਰੋਜ਼ਪੁਰ ਤੱਕ ਵਧਾਉਣ ਲਈ ਵੀ ਸਹਿਮਤੀ ਦੇ ਦਿੱਤੀ ਹੈ, ਜੋ ਕਿ ਅੱਜ ਤੋਂ ਸ਼ੁਰੂ ਹੋ ਗਈ ਹੈ। Vande Bharat Punjab

Vande Bharat Train: ਚੰਡੀਗੜ੍ਹ (ਸੱਚ ਕਹੂੰ ਨਿਊਜ਼)। ਜਿੱਥੇ ਲੰਬੀ ਦੂਰੀ ਦੀਆਂ ਰੇਲਗੱਡੀਆਂ ’ਚ ਦੇਰੀ ਯਾਤਰੀਆਂ ਨੂੰ ਅਸੁਵਿਧਾ ਦਾ ਕਾਰਨ ਬਣ ਰਹੀ ਹੈ, ਉੱਥੇ ਹੀ ਪੰਜਾਬ ਦੇ ਅੰਦਰ ਵੱਖ-ਵੱਖ ਸਥਾਨਕ ਰੇਲਗੱਡੀਆਂ ’ਚ ਦੇਰੀ ਵੀ ਕੰਮ ’ਤੇ ਜਾਣ ਵਾਲੇ ਯਾਤਰੀਆਂ ਲਈ ਵਾਧੂ ਸਮਾਂ ਦਾ ਕਾਰਨ ਬਣ ਰਹੀ ਹੈ। ਇਸ ਸੰਦਰਭ ’ਚ, ਪਠਾਨਕੋਟ ਤੋਂ 54622 ਜਲੰਧਰ ਸਿਟੀ ਸਟੇਸ਼ਨ ’ਤੇ ਲਗਭਗ 55 ਮਿੰਟ ਦੀ ਦੇਰੀ ਨਾਲ ਪਹੁੰਚੀ। ਨਵਾਂਸ਼ਹਿਰ ਦੋਆਬਾ ਤੋਂ 74953 ਲਗਭਗ ਪੌਣੇ ਤਿੰਨ ਘੰਟੇ ਦੀ ਦੇਰੀ ਨਾਲ ਪਹੁੰਚੀ।

ਇਹ ਖਬਰ ਵੀ ਪੜ੍ਹੋ : Canola Mustard Cultivation: ਖੇਤੀ ਵਿਭਿੰਨਤਾ ’ਚ ਅਹਿਮ ਯੋਗਦਾਨ, ਕਨੋਲਾ ਗੋਭੀ ਸਰ੍ਹੋਂ

ਫੈਸਟੀਵਲ ਸਪੈਸ਼ਲ, ਜਿਸ ਨੂੰ ਢਾਈ ਘੰਟੇ ਲਈ ਮੁੜ ਸ਼ਡਿਊਲ ਕੀਤਾ ਗਿਆ ਸੀ, ਤਿੰਨ ਘੰਟੇ ਦੀ ਦੇਰੀ ਨਾਲ ਜਲੰਧਰ ਪਹੁੰਚਿਆ। ਰੇਲਗੱਡੀ ਦੇ ਪੁਨਰ ਸ਼ਡਿਊਲ ਸੰਬੰਧੀ ਜਾਣਕਾਰੀ ਦੀ ਘਾਟ ਕਾਰਨ ਯਾਤਰੀਆਂ ਨੂੰ ਲੰਬੇ ਸਮੇਂ ਲਈ ਸਟੇਸ਼ਨ ’ਤੇ ਉਡੀਕ ਕਰਨ ਲਈ ਮਜਬੂਰ ਹੋਣਾ ਪਿਆ। ਇਸੇ ਤਰ੍ਹਾਂ, ਅੰਮ੍ਰਿਤਸਰ ਤੋਂ ਵੈਸ਼ਨੋ ਦੇਵੀ (ਕਟੜਾ) ਤੱਕ ਚੱਲਣ ਵਾਲੀ ਵੰਦੇ ਭਾਰਤ 26405/26406, 31 ਅਕਤੂਬਰ ਨੂੰ ਰੱਦ ਕਰ ਦਿੱਤੀ ਜਾਵੇਗੀ। Vande Bharat Train

PM ਨੇ ਜਿਸ ਨੂੰ ਦਿਖਾਈ ਹਰੀ ਝੰਡੀ, ਉਹ ਟਰੇਨ ਅਜੇ ਤੱਕ ਪੂਰੀ ਖਾਲੀ

Bihar News: ਪਟਨਾ (ਏਜੰਸੀ)। ਪਟਨਾ ਨੂੰ ਤਿਰਹੁਤ, ਮਿਥਿਲਾ ਤੇ ਸੀਮਾਂਚਲ ਨਾਲ ਜੋੜਨ ਵਾਲੀ ਵੰਦੇ ਭਾਰਤ ਐਕਸਪ੍ਰੈਸ ਅੱਜ ਤੋਂ ਕੰਮ ਸ਼ੁਰੂ ਕਰ ਰਹੀ ਹੈ। ਪੂਰਬੀ ਕੇਂਦਰੀ ਰੇਲਵੇ ਇਸ ਰੇਲਗੱਡੀ ਨੂੰ ਢੁਕਵੇਂ ਢੰਗ ਨਾਲ ਪ੍ਰਚਾਰ ਕਰਨ ’ਚ ਅਸਫਲ ਰਿਹਾ ਹੈ, ਜੋ ਕਿ ਪਟਨਾ ਦੇ ਦਾਨਾਪੁਰ ਤੋਂ ਜੋਗਬਨੀ ਤੱਕ ਚੱਲਦੀ ਹੈ। ਇਸੇ ਕਰਕੇ ਇਹ ਰੇਲਗੱਡੀ ਅਜੇ ਵੀ ਲਗਭਗ ਖਾਲੀ ਹੈ। ਵੰਦੇ ਭਾਰਤ ਐਕਸਪ੍ਰੈਸ ਦੀ ਚੇਅਰ ਕਾਰ ’ਚ 419 ਸੀਟਾਂ ਹਨ, ਜਿਨ੍ਹਾਂ ਵਿੱਚੋਂ 17 ਸਤੰਬਰ ਨੂੰ ਸਵੇਰੇ 7:25 ਵਜੇ ਤੱਕ ਸਿਰਫ਼ 61 ਸੀਟਾਂ ਰਾਖਵੀਆਂ ਸਨ। ਇਸੇ ਤਰ੍ਹਾਂ, 40 ਐਗਜ਼ੀਕਿਊਟਿਵ ਕਲਾਸ ਸੀਟਾਂ ’ਚੋਂ ਸਿਰਫ਼ ਛੇ ਹੀ ਬੁੱਕ ਕੀਤੀਆਂ ਗਈਆਂ ਹਨ। ਜੇਕਰ ਤੁਸੀਂ ਚਾਹੋ, ਤਾਂ ਤੁਸੀਂ ਆਸਾਨੀ ਨਾਲ ਟਿਕਟ ਬੁੱਕ ਕਰ ਸਕਦੇ ਹੋ ਤੇ ਇਸ ਰੇਲਗੱਡੀ ’ਚ ਯਾਤਰਾ ਕਰ ਸਕਦੇ ਹੋ। Bihar News

ਇਹ ਖਬਰ ਵੀ ਪੜ੍ਹੋ : Drug Abuse: ਨਸ਼ੇ ਆਦਰਸ਼ ਸਮਾਜ ਨੂੰ ਖੋਖਲਾ ਕਰਦੇ ਤੇ ਰਾਸ਼ਟਰ ਨਿਰਮਾਣ ’ਚ ਸਭ ਤੋਂ ਵੱਡੀ ਰੁਕਾਵਟ

ਦਾਨਾਪੁਰ ਤੋਂ ਅੱਜ ਖੁੱਲ੍ਹੇਗੀ, ਵੰਦੇ ਭਾਰਤ ਦੀਆਂ ਜ਼ਿਆਦਾ ਸੀਟਾਂ ਖਾਲੀ ਹਨ | Bihar News

ਦਾਨਾਪੁਰ-ਜੋਗਬਨੀ ਚੇਅਰ ਕਾਰ ਟਿਕਟ ਦੀ ਕੀਮਤ 1310 ਰੁਪਏ ਹੈ, ਜਿਸ ’ਚ 308 ਰੁਪਏ ਦਾ ਕੇਟਰਿੰਗ ਚਾਰਜ ਸ਼ਾਮਲ ਹੈ। ਹੋਰ ਸਟੇਸ਼ਨਾਂ ਲਈ ਟਿਕਟਾਂ ਦੀ ਜਾਂਚ ਉਸੇ ਅਨੁਸਾਰ ਕੀਤੀ ਜਾ ਸਕਦੀ ਹੈ। ਦਾਨਾਪੁਰ-ਜੋਗਬਨੀ ਵੰਦੇ ਭਾਰਤ ਮੰਗਲਵਾਰ ਨੂੰ ਛੱਡ ਕੇ ਹਫ਼ਤੇ ’ਚ ਛੇ ਦਿਨ ਚੱਲੇਗੀ। ਇਹ ਰੇਲਗੱਡੀ ਵੀਰਵਾਰ, 18 ਸਤੰਬਰ ਨੂੰ ਜੋਗਬਨੀ ਤੋਂ ਚੱਲਣੀ ਸ਼ੁਰੂ ਕਰੇਗੀ। ਇਹ ਰੇਲਗੱਡੀ ਬੁੱਧਵਾਰ ਨੂੰ ਛੱਡ ਕੇ ਹਫ਼ਤੇ ’ਚ ਛੇ ਦਿਨ ਉੱਥੋਂ ਚੱਲੇਗੀ। ਜੋਗਬਨੀ ਤੋਂ ਦਾਨਾਪੁਰ ਤੱਕ ਚੱਲਣ ਵਾਲੀ ਵੰਦੇ ਭਾਰਤ ਐਕਸਪ੍ਰੈਸ ਕੱਲ੍ਹ ਰਵਾਨਾ ਹੋਵੇਗੀ, ਪਰ ਵੀਰਵਾਰ ਸਵੇਰੇ 7:25 ਵਜੇ ਤੱਕ, ਸਿਰਫ਼ 37 ਚੇਅਰ ਕਾਰ ਟਿਕਟਾਂ ਤੇ ਛੇ ਐਗਜ਼ੀਕਿਊਟਿਵ ਕਲਾਸ ਟਿਕਟਾਂ ਬੁੱਕ ਕੀਤੀਆਂ ਗਈਆਂ ਸਨ। ਉੱਥੋਂ ਯਾਤਰਾ ਦਾ ਕਿਰਾਇਆ 1,145 ਰੁਪਏ ਹੈ, ਜਿਸ ’ਚ 142 ਰੁਪਏ ਕੇਟਰਿੰਗ ਚਾਰਜ ਸ਼ਾਮਲ ਹੈ।

ਚੰਡੀਗੜ੍ਹ (ਸੱਚ ਕਹੂੰ ਨਿਊਜ਼)। Vande Bharat Train: ਜੂਨ ’ਚ ਜੰਮੂ-ਕਸ਼ਮੀਰ ’ਚ ਸ਼ੁਰੂ ਹੋਈਆਂ ਵੰਦੇ ਭਾਰਤ ਟ੍ਰੇਨਾਂ ਨੂੰ ਯਾਤਰੀਆਂ ਵੱਲੋਂ ਜ਼ਬਰਦਸਤ ਹੁੰਗਾਰਾ ਮਿਲ ਰਿਹਾ ਹੈ। ਰੇਲਵੇ ਮੰਤਰਾਲੇ ਦੇ ਅੰਕੜਿਆਂ ਤੋਂ ਪਤਾ ਚੱਲਦਾ ਹੈ ਕਿ ਕਟੜਾ-ਸ਼੍ਰੀਨਗਰ ਰੂਟ ’ਤੇ ਚੱਲਣ ਵਾਲੀਆਂ ਚਾਰੋਂ ਵੰਦੇ ਭਾਰਤ ਟ੍ਰੇਨਾਂ ਲਗਾਤਾਰ ਹਾਊਸਫੁੱਲ ਚੱਲ ਰਹੀਆਂ ਹਨ। ਅਗਸਤ ਲਈ ਲਗਭਗ ਸਾਰੀਆਂ ਸੀਟਾਂ ਪਹਿਲਾਂ ਹੀ ਬੁੱਕ ਹੋ ਚੁੱਕੀਆਂ ਹਨ। ਪਹਿਲੀ ਟ੍ਰੇਨ ਜੂਨ ਵਿੱਚ 100 ਪ੍ਰਤੀਸ਼ਤ ਭਰੀ ਹੋਈ ਸੀ, ਜੁਲਾਈ ’ਚ 102 ਪ੍ਰਤੀਸ਼ਤ ਤੇ ਅਗਸਤ ’ਚ 98 ਫੀਸਦੀ ਤੱਕ ਪਹੁੰਚ ਗਈ ਸੀ। Vande Bharat Train

ਇਹ ਖਬਰ ਵੀ ਪੜ੍ਹੋ : Ludhiana News: ਨਸ਼ੀਲੇ ਪਦਾਰਥ ਤੇ ਅਸਲੇ ਸਣੇ ਇੱਕ ਵਿਅਕਤੀ ਗ੍ਰਿਫ਼ਤਾਰ

ਵਾਪਸੀ ਟ੍ਰੇਨ ਤਿੰਨਾਂ ਮਹੀਨਿਆਂ ਵਿੱਚ 101 ਪ੍ਰਤੀਸ਼ਤ ਓਕੂਪੈਂਸੀ ’ਤੇ ਸੀ। ਦੂਜੀ ਜੋੜਾ ਟ੍ਰੇਨਾਂ ਵੀ ਲਗਭਗ ਭਰੀਆਂ ਹੋਈਆਂ ਸਨ, ਜੂਨ ’ਚ 94 ਪ੍ਰਤੀਸ਼ਤ ਤੋਂ ਸ਼ੁਰੂ ਹੋ ਕੇ, ਜੁਲਾਈ ’ਚ 100 ਫੀਸਦੀ ਤੇ ਅਗਸਤ ਵਿੱਚ 98 ਪ੍ਰਤੀਸ਼ਤ ਤੱਕ ਪਹੁੰਚ ਗਈ। ਰੇਲਵੇ ਅਧਿਕਾਰੀਆਂ ਨੇ ਕਿਹਾ ਕਿ 100 ਪ੍ਰਤੀਸ਼ਤ ਤੋਂ ਵੱਧ ਓਕੂਪੈਂਸੀ ਦਾ ਮਤਲਬ ਹੈ ਕਿ ਸਮਰੱਥਾ ਨਾਲੋਂ ਜ਼ਿਆਦਾ ਮੰਗ ਹੈ ਤੇ ਇਸ ਵਿੱਚ ਉਡੀਕ ਟਿਕਟਾਂ ਵੀ ਸ਼ਾਮਲ ਹਨ। ਅੰਜਨੀ ਤੇ ਚੇਨਾਬ ਪੁਲਾਂ ਦੇ ਖੁੱਲ੍ਹਣ ਤੋਂ ਬਾਅਦ ਜੂਨ ’ਚ ਸ਼੍ਰੀਨਗਰ ਸਿੱਧੇ ਤੌਰ ’ਤੇ ਰੇਲ ਨੈੱਟਵਰਕ ਨਾਲ ਜੁੜਿਆ ਹੋਇਆ ਸੀ। ਵਰਤਮਾਨ ’ਚ, ਹਰ ਰੋਜ਼ ਕਟੜਾ-ਸ਼੍ਰੀਨਗਰ ਵਿਚਕਾਰ ਦੋ ਜੋੜੇ (ਕੁੱਲ 4) ਵੰਦੇ ਭਾਰਤ ਟ੍ਰੇਨਾਂ ਚੱਲ ਰਹੀਆਂ ਹਨ।

ਇਹ ਟ੍ਰੇਨ ਕਟੜਾ ਤੋਂ ਸਵੇਰੇ 8:10 ਵਜੇ ਚੱਲਦੀ ਹੈ ਤੇ ਸਵੇਰੇ 11 ਵਜੇ ਸ੍ਰੀਨਗਰ ਪਹੁੰਚਦੀ ਹੈ। ਇਹ ਵਿਚਕਾਰ ਸਿਰਫ਼ ਬਨਿਹਾਲ ਸਟੇਸ਼ਨ ’ਤੇ ਰੁਕਦੀ ਹੈ। ਚੇਅਰ ਕਾਰ ਦਾ ਕਿਰਾਇਆ 715 ਰੁਪਏ ਹੈ ਤੇ ਐਗਜ਼ੀਕਿਊਟਿਵ ਕਲਾਸ ਦਾ ਕਿਰਾਇਆ 1,320 ਰੁਪਏ ਹੈ। ਵਾਪਸੀ ਦੀ ਯਾਤਰਾ ’ਤੇ, ਟ੍ਰੇਨ ਸ਼੍ਰੀਨਗਰ ਤੋਂ ਦੁਪਹਿਰ 2 ਵਜੇ ਚੱਲਦੀ ਹੈ ਤੇ ਸ਼ਾਮ 4:58 ਵਜੇ ਕਟੜਾ ਪਹੁੰਚਦੀ ਹੈ। ਇਸ ਦਾ ਕਿਰਾਇਆ ਚੇਅਰ ਕਾਰ ਲਈ 880 ਰੁਪਏ ਤੇ ਐਗਜ਼ੀਕਿਊਟਿਵ ਕਲਾਸ ਲਈ 1,515 ਰੁਪਏ ਹੈ। ਸ਼੍ਰੀਨਗਰ-ਕਟੜਾ ਵੰਦੇ ਭਾਰਤ ਟ੍ਰੇਨ ਸ਼ੁਰੂ ਹੁੰਦੇ ਹੀ ਯਾਤਰੀਆਂ ਦੀ ਪਹਿਲੀ ਪਸੰਦ ਬਣ ਗਈ ਹੈ। ਇਸ ਦਾ ਪ੍ਰਭਾਵ ਉਡਾਣਾਂ ’ਤੇ ਵੀ ਦਿਖਾਈ ਦੇ ਰਿਹਾ ਹੈ। ਪਹਿਲਾਂ ਹਵਾਈ ਟਿਕਟਾਂ 10 ਤੋਂ 15 ਹਜ਼ਾਰ ਰੁਪਏ ’ਚ ਮਿਲਦੀਆਂ ਸਨ, ਪਰ ਹੁਣ ਇੱਕ ਦਿਨ ਬਾਅਦ ਦੀ ਟਿਕਟ ਸਿਰਫ਼ 2,500 ਰੁਪਏ ’ਚ ਮਿਲਦੀ ਹੈ। ਵੰਦੇ ਭਾਰਤ ਟ੍ਰੇਨ ਨੇ ਲੋਕਾਂ ਦੇ ਦਿਲਾਂ ’ਚ ਇੱਕ ਖਾਸ ਜਗ੍ਹਾ ਬਣਾਈ ਹੈ। Vande Bharat Train

ਚੰਡੀਗੜ੍ਹ (ਸੱਚ ਕਹੂੰ ਨਿਊਜ਼)। Vande Bharat Express: ਰੇਲਵੇ ਸਟੇਸ਼ਨ ਤੋਂ ਸੰਪਰਕ ਵਧਾਉਣ ਦੇ ਉਦੇਸ਼ ਨਾਲ, ਸਰਦੀਆਂ ਦੇ ਮੌਸਮ ’ਚ ਬਰੇਲੀ ਲਈ ਸਲੀਪਰ ਵੰਦੇ ਭਾਰਤ ਟ੍ਰੇਨ ਚਲਾਉਣ ਦਾ ਫੈਸਲਾ ਕੀਤਾ ਗਿਆ ਹੈ। ਜਾਣਕਾਰੀ ਅਨੁਸਾਰ, ਅੰਬਾਲਾ ਡਿਵੀਜ਼ਨ ਨੇ ਰੇਲਵੇ ਨੂੰ ਇੱਕ ਪੱਤਰ ਲਿਖ ਕੇ ਮੰਗ ਕੀਤੀ ਹੈ ਕਿ ਇਹ ਟ੍ਰੇਨ ਬਰੇਲੀ ਜ਼ਿਲ੍ਹੇ ’ਚ ਸਥਿਤ ਇੱਜ਼ਤਨਗਰ ਤੱਕ ਚੱਲੇਗੀ। ਵੰਦੇ ਭਾਰਤ ਟ੍ਰੇਨ ’ਚ ਤਿੰਨ ਤਰ੍ਹਾਂ ਦੇ ਕੋਚ ਲਾਏ ਜਾਣਗੇ ਅਤੇ ਤੀਜੀ, ਦੂਜੀ ਏਸੀ ਤੇ ਪਹਿਲੀ ਸ਼੍ਰੇਣੀ ਦੇ 16 ਸਲੀਪਰ ਹੋਣਗੇ। ਹਾਲਾਂਕਿ ਰੇਲਵੇ ਵੱਲੋਂ ਇਸ ਦਾ ਸ਼ਡਿਊਲ ਅਜੇ ਜਾਰੀ ਨਹੀਂ ਕੀਤਾ ਗਿਆ ਹੈ, ਪਰ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਹ ਟਰੇਨ ਸਰਦੀਆਂ ਦੇ ਸ਼ਡਿਊਲ ਵਿੱਚ ਸ਼ੁਰੂ ਕੀਤੀ ਜਾਵੇਗੀ। ਇਹ ਟਰੇਨ ਇੱਜ਼ਤਨਗਰ, ਮੁਰਾਦਾਬਾਦ, ਸਹਾਰਨਪੁਰ, ਅੰਬਾਲਾ ਤੇ ਚੰਡੀਗੜ੍ਹ ਵਰਗੇ ਮਹੱਤਵਪੂਰਨ ਸ਼ਹਿਰਾਂ ਨੂੰ ਜੋੜੇਗੀ।

ਇਹ ਖਬਰ ਵੀ ਪੜ੍ਹੋ : Yamuna Water Level Rise: ਯਮੁਨਾ ’ਚ ਪਾਣੀ ਦਾ ਪੱਧਰ ਵਧਿਆ, ਅਗਲੇ 30 ਘੰਟਿਆਂ ਲਈ ਖਤਰੇ ਦੀ ਘੰਟੀ

ਚੰਡੀਗੜ੍ਹ ਤੋਂ ਚੱਲਣ ਵਾਲੀ ਤੀਜੀ ਵੰਦੇ ਭਾਰਤ ਟਰੇਨ

ਇਹ ਚੰਡੀਗੜ੍ਹ ਰੇਲਵੇ ਸਟੇਸ਼ਨ ਤੋਂ ਚੱਲਣ ਵਾਲੀ ਤੀਜੀ ਵੰਦੇ ਭਾਰਤ ਟ੍ਰੇਨ ਹੋਵੇਗੀ, ਪਰ ਇਹ ਉੱਤਰ ਪ੍ਰਦੇਸ਼ ਲਈ ਐਲਾਨੀ ਗਈ ਪਹਿਲੀ ਟ੍ਰੇਨ ਹੈ, ਇਸ ਤੋਂ ਪਹਿਲਾਂ ਅੰਬ-ਅੰਦੌਰਾ ਵੰਦੇ ਭਾਰਤ ਟ੍ਰੇਨ ਦਿੱਲੀ ਤੋਂ ਚੰਡੀਗੜ੍ਹ ਰਾਹੀਂ ਚੱਲ ਰਹੀ ਹੈ ਤੇ ਦੂਜੀ ਚੰਡੀਗੜ੍ਹ-ਅਜਮੇਰ ਵੰਦੇ ਭਾਰਤ ਟ੍ਰੇਨ ਚੱਲ ਰਹੀ ਹੈ। ਇਨ੍ਹਾਂ ਦੋਵਾਂ ਟ੍ਰੇਨ ’ਚ ਯਾਤਰੀਆਂ ਦੀ ਆਮਦ ਕਾਫ਼ੀ ਚੰਗੀ ਹੈ, ਜਿਸ ਕਾਰਨ ਅੰਬਾਲਾ ਡਿਵੀਜ਼ਨ ਤੀਜੀ ਵੰਦੇ ਭਾਰਤ ਟ੍ਰੇਨ ਦੀ ਮੰਗ ਕਰ ਰਿਹਾ ਹੈ। ਇਸ ਟ੍ਰੇਨ ਦੇ ਚੱਲਣ ਨਾਲ ਉੱਤਰ ਪ੍ਰਦੇਸ਼ ਤੇ ਬਿਹਾਰ ਦੇ ਲੋਕਾਂ ਨੂੰ ਬਹੁਤ ਫਾਇਦਾ ਹੋਵੇਗਾ।

ਕੋਚ ’ਚ ਆਧੁਨਿਕ ਸਹੂਲਤਾਂ | Vande Bharat Express

ਚੰਡੀਗੜ੍ਹ ਤੋਂ ਪਹਿਲੀਆਂ ਦੋ ਵੰਦੇ ਭਾਰਤ ’ਚ ਚੇਅਰ ਕਾਰ ਹਨ, ਪਰ ਇਸ ’ਚ ਸਲੀਪਰ ਕੋਚ ਹਨ। ਵਾਈ-ਫਾਈ, ਜੀਪੀਐਸ ਅਧਾਰਤ ਯਾਤਰੀ ਸੂਚਨਾ ਪ੍ਰਣਾਲੀ ਤੇ ਆਰਾਮਦਾਇਕ ਸੀਟਾਂ ਤੇ ਮੋਬਾਈਲ ਚਾਰਜਿੰਗ ਪੁਆਇੰਟ ਵਰਗੀਆਂ ਆਧੁਨਿਕ ਸਹੂਲਤਾਂ ਸ਼ਾਮਲ ਹਨ। ਕਿਰਾਇਆ ਵੀ ਤੈਅ ਕੀਤਾ ਗਿਆ ਹੈ, ਸਿਰਫ ਸਮਾਂ-ਸਾਰਣੀ ਦਾ ਐਲਾਨ ਹੋਣਾ ਬਾਕੀ ਹੈ। ਸਲੀਪਰ ਕੋਚ ਦਾ ਕਿਰਾਇਆ ਚੇਅਰ ਕਾਰ ਨਾਲੋਂ ਵੱਧ ਹੋਵੇਗਾ। ਥਰਡ ਏਸੀ ਲਈ 1800 ਰੁਪਏ, ਸੈਕਿੰਡ ਲਈ 2300 ਰੁਪਏ ਤੇ ਫਸਟ ਕਲਾਸ ਲਈ 3300 ਰੁਪਏ ਹੋਣ ਦੀ ਉਮੀਦ ਹੈ, ਇਸ ਵਿੱਚ 16 ਕੋਚ ਹੋਣਗੇ, ਜਿਨ੍ਹਾਂ ਵਿੱਚ 11 ਏਸੀ 3 ਟੀਅਰ, 4 ਏਸੀ 2 ਟੀਅਰ ਤੇ 1 ਏਸੀ ਫਸਟ ਕਲਾਸ ਕੋਚ ਸ਼ਾਮਲ ਹਨ। Vande Bharat Express

Vande Bharat Express: ਜੰਮੂ ਕਸ਼ਮੀਰ (ਏਜੰਸੀ)। ਕਟੜਾ ਤੋਂ ਸ਼੍ਰੀਨਗਰ ਤੱਕ ਰੇਲ ਰਾਹੀਂ ਯਾਤਰਾ ਕਰਨ ਦਾ ਸੁਪਨਾ ਹੁਣ ਪੂਰਾ ਹੋਣ ਜਾ ਰਿਹਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਰੇਲ ਸੇਵਾ ਫਰਵਰੀ ਮਹੀਨੇ ’ਚ ਹੀ ਸ਼ੁਰੂ ਹੋ ਰਹੀ ਹੈ। ਹਾਸਲ ਹੋਏ ਵੇਰਵਿਆਂ ਮੁਤਾਬਕ, ਵੰਦੇ ਭਾਰਤ ਐਕਸਪ੍ਰੈਸ 17 ਫਰਵਰੀ ਨੂੰ ਕਸ਼ਮੀਰ ਲਈ ਸ਼ੁਰੂ ਕੀਤੀ ਜਾਵੇਗੀ ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਇਸ ਟਰੇਨ ਦਾ ਉਦਘਾਟਨ ਕਰਨਗੇ। ਜੋ ਕਿ ਊਧਮਪੁਰ-ਸ਼੍ਰੀਨਗਰ-ਬਾਰਾਮੂਲਾ ਰੇਲ ਲਿੰਕ ਪ੍ਰੋਜੈਕਟ ਦਾ ਹਿੱਸਾ ਹੈ। ਇਹ ਪ੍ਰੋਜੈਕਟ ਕਸ਼ਮੀਰ ਦੇ ਰੇਲ ਸੰਪਰਕ ਲਈ ਇੱਕ ਮਹੱਤਵਪੂਰਨ ਮੀਲ ਪੱਥਰ ਹੈ, ਜਿਸਦੀ ਲੰਬੇ ਸਮੇਂ ਤੋਂ ਉਡੀਕ ਕੀਤੀ ਜਾ ਰਹੀ ਸੀ।

ਇਹ ਖਬਰ ਵੀ ਪੜ੍ਹੋ : Rajasthan New Highway: ਰਾਜਸਥਾਨ ਦੇ 5 ਸ਼ਹਿਰਾਂ ਦੀ ਬੱਲੇ-ਬੱਲੇ ਕਰ ਦੇਵੇਗਾ ਇਹ ਨਵਾਂ ਐੱਕਸਪ੍ਰੈੱਸਵੇਅ ਹਾਈਵੇਅ, ਜਾਣੋ…

ਇਸ ਰੇਲਗੱਡੀ ਦੇ ਸੁਰੱਖਿਆ ਮਾਪਦੰਡਾਂ ਸੰਬੰਧੀ ਸਾਰੀਆਂ ਜ਼ਰੂਰੀ ਜਾਂਚਾਂ ਪੂਰੀਆਂ ਕਰ ਲਈਆਂ ਗਈਆਂ ਹਨ। ਵੰਦੇ ਭਾਰਤ ਐਕਸਪ੍ਰੈਸ ਨੂੰ ਖਾਸ ਤੌਰ ’ਤੇ ਜੰਮੂ ਤੇ ਕਸ਼ਮੀਰ ਦੇ ਕਠੋਰ ਸਰਦੀਆਂ ਦੇ ਹਾਲਾਤਾਂ ’ਚ ਚਲਾਉਣ ਲਈ ਤਿਆਰ ਕੀਤਾ ਗਿਆ ਹੈ। ਇਸ ’ਚ ਉੱਨਤ ਜਲਵਾਯੂ-ਰੋਧਕ ਤਕਨਾਲੋਜੀਆਂ ਤੇ ਹੀਟਿੰਗ ਸਿਸਟਮ ਸ਼ਾਮਲ ਹਨ ਜੋ ਪਾਣੀ ਤੇ ਬਾਇਓ-ਟਾਇਲਟ ਟੈਂਕਾਂ ਨੂੰ ਜੰਮਣ ਤੋਂ ਰੋਕਦੇ ਹਨ। ਇਸ ਤੋਂ ਇਲਾਵਾ, ਟਰੇਨ ਦੇ ਏਅਰ ਬ੍ਰੇਕ ਸਿਸਟਮ ਨੂੰ ਵੀ ਜ਼ੀਰੋ ਤੋਂ ਘੱਟ ਤਾਪਮਾਨ ’ਚ ਸੁਚਾਰੂ ਢੰਗ ਨਾਲ ਕੰਮ ਕਰਨ ਲਈ ਅਨੁਕੂਲ ਬਣਾਇਆ ਗਿਆ ਹੈ। ਇਸ ਟਰੇਨ ’ਚ ਡਰਾਈਵਰ ਦੇ ਅਗਲੇ ਲੁੱਕਆਊਟ ਸ਼ੀਸ਼ੇ ਲਈ ਵਿੰਡਸ਼ੀਲਡ ’ਚ ਹੀਟਿੰਗ ਐਲੀਮੈਂਟ ਲੱਗੇ ਹੋਏ ਹਨ।

ਜੋ ਸਰਦੀਆਂ ’ਚ ਸਪੱਸ਼ਟ ਦ੍ਰਿਸ਼ਟੀ ਨੂੰ ਯਕੀਨੀ ਬਣਾਉਂਦੇ ਹਨ। ਇਸ ਰੇਲਗੱਡੀ ਦੇ ਚੱਲਣ ਨਾਲ, ਕਸ਼ਮੀਰ ਦੀ ਯਾਤਰਾ ਨੂੰ ਹੋਰ ਸੁਵਿਧਾਜਨਕ ਤੇ ਆਸਾਨ ਬਣਾਉਣ ਦਾ ਸੁਪਨਾ ਸਾਕਾਰ ਹੋਵੇਗਾ। ਪ੍ਰਧਾਨ ਮੰਤਰੀ ਮੋਦੀ ਵੱਲੋਂ ਇਸ ਰੇਲਗੱਡੀ ਨੂੰ ਹਰੀ ਝੰਡੀ ਦਿਖਾਏ ਜਾਣ ਤੋਂ ਬਾਅਦ, ਇਹ ਸੇਵਾ ਜਨਤਾ ਲਈ ਉਪਲਬਧ ਹੋਵੇਗੀ। ਇਸ ਨਾਲ ਕਸ਼ਮੀਰ ਖੇਤਰ ’ਚ ਆਵਾਜਾਈ ਨੂੰ ਨਵੀਂ ਗਤੀ ਮਿਲੇਗੀ ਤੇ ਇਸਦੇ ਵਿਕਾਸ ’ਚ ਮਦਦ ਮਿਲੇਗੀ। Vande Bharat Express

ਇਹ ਰਹੇਗਾ ਰਸਤਾ | Vande Bharat Express

ਸ਼ੁਰੂ ’ਚ ਇਹ ਰੇਲਗੱਡੀ ਕਟੜਾ ਤੇ ਸ੍ਰੀਨਗਰ ਵਿਚਕਾਰ ਚੱਲੇਗੀ। ਕੁਝ ਮਹੀਨਿਆਂ ਬਾਅਦ, ਇਹ ਰਸਤਾ ਜੰਮੂ ਤੋਂ ਸ਼੍ਰੀਨਗਰ ਤੱਕ ਵਧਾਇਆ ਜਾਵੇਗਾ। ਇਸ ਰੂਟ ’ਤੇ ਰੇਲਗੱਡੀ ਲਗਭਗ ਢਾਈ ਤੋਂ ਤਿੰਨ ਘੰਟਿਆਂ ’ਚ ਯਾਤਰਾ ਪੂਰੀ ਕਰੇਗੀ। ਦਿੱਲੀ ਜਾਂ ਹੋਰ ਸ਼ਹਿਰਾਂ ਤੋਂ ਆਉਣ ਵਾਲੇ ਯਾਤਰੀਆਂ ਨੂੰ ਪਹਿਲਾਂ ਕਟੜਾ ਪਹੁੰਚਣਾ ਪਵੇਗਾ ਤੇ ਫਿਰ ਉੱਥੋਂ ਵੰਦੇ ਭਾਰਤ ਟਰੇਨ ਰਾਹੀਂ ਸ਼੍ਰੀਨਗਰ ਜਾਣਾ ਪਵੇਗਾ।

ਟਰੇਨ ਦਾ ਕਿਰਾਇਆ | Vande Bharat Express

ਇਸ ਟਰੇਨ ’ਚ ਸਿਰਫ਼ ਚੇਅਰ ਕਾਰ ਕੋਚ ਹੋਣਗੇ, ਜਿਸ ’ਚ ਜਨਰਲ ਚੇਅਰ ਕਾਰ ਤੇ ਐਗਜ਼ੀਕਿਊਟਿਵ ਚੇਅਰ ਕਾਰ ਸ਼ਾਮਲ ਹੋਣਗੇ। ਰੇਲਗੱਡੀ ਦਾ ਕਿਰਾਇਆ ਏਸੀ ਚੇਅਰ ਕਾਰ ਲਈ 1500 ਰੁਪਏ ਤੋਂ 1700 ਰੁਪਏ ਤੇ ਐਗਜ਼ੀਕਿਊਟਿਵ ਚੇਅਰ ਕਾਰ ਲਈ 2400 ਰੁਪਏ ਤੋਂ 2600 ਰੁਪਏ ਤੱਕ ਨਿਰਧਾਰਤ ਕੀਤਾ ਗਿਆ ਹੈ।

ਕਿੱਥੇ-ਕਿੱਥੇ ਹੋਵੇਗਾ ਠਹਿਰਾਅ? | Vande Bharat Express

ਇਹ ਟਰੇਨ ਕਈ ਸਟੇਸ਼ਨਾਂ ’ਤੇ ਚੱਲਦੀ ਹੈ ਜਿਵੇਂ ਕਿ

• ਰਿਆਸੀ
• ਬਕਲ
• ਦੁੱਗਾ
• ਸਾਵਲਕੋਟ
• ਸੰਗਲਦਾਨ
• ਸਰੋਤ
• ਨਮਕੀਨ
• ਬਨਿਹਾਲ
• ਕਾਜ਼ੀਗੁੰਡ
• ਸਦੁਰਾ
• ਅਨੰਤਨਾਗ
• ਬਿਜਬੇਹਾੜਾ
• ਪੰਜਗਾਮ
• ਅਵੰਤੀਪੋਰਾ
• ਰਤਨੀਪੋਰਾ
• ਕਾਕਾਪੋਰਾ
• ਅਤੇ ਪੰਪੋਰ।

ਪ੍ਰਮੁੱਖ ਸਟੇਸ਼ਨਾਂ ’ਤੇ ਰੁਕੇਗੀ।

(ਸੱਚ ਕਹੂੰ ਨਿਊਜ਼) ਨਵੀਂ ਦਿੱਲੀ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ 9 ਵੰਦੇ ਭਾਰਤ ਟਰੇਨਾਂ ਨੂੰ ਹਰੀ ਝੰਡੀ ਦਿਖਾਈ। ਨਵੀਂ ਵੰਦੇ ਭਾਰਤ ਟ੍ਰੇਨ ਪੁਰੀ, ਮਦੁਰਾਈ ਅਤੇ ਤਿਰੂਪਤੀ ਵਰਗੇ ਮਹੱਤਵਪੂਰਨ ਧਾਰਮਿਕ ਸਥਾਨਾਂ ਨੂੰ ਜੋੜੇਗੀ। (Vande Bharat Express) ਇਹ ਰਾਜਸਥਾਨ, ਤਾਮਿਲਨਾਡੂ, ਤੇਲੰਗਾਨਾ, ਆਂਧਰਾ ਪ੍ਰਦੇਸ਼, ਕਰਨਾਟਕ, ਬਿਹਾਰ, ਪੱਛਮੀ ਬੰਗਾਲ, ਕੇਰਲ, ਉੜੀਸਾ, ਝਾਰਖੰਡ ਅਤੇ ਗੁਜਰਾਤ ਵਿੱਚੋਂ ਹੋ ਲੰਘੇਗੀ। ਇਹ ਵੰਦੇ ਭਾਰਤ ਟਰੇਨਾਂ ਨਾ ਸਿਰਫ ਇਨ੍ਹਾਂ ਰਾਜਾਂ ਦਰਮਿਆਨ ਬਿਹਤਰ ਕਨੈਕਟੀਵਿਟੀ ਵਧੇਗੀ ਸਗੋਂ ਸਫਲਦ ਦੇ ਸਮੇਂ ਨੂੰ ਵੀ ਘਟਾਏਗੀ।

ਇਹ ਵੀ ਪੜ੍ਹੋ : ਰੌਣੀ ਕਿਸਾਨ ਮੇਲਾ : ਕਿਸਾਨਾਂ ਨੇ ਕੁਝ ਹੀ ਘੰਟਿਆਂ ’ਚ 22 ਲੱਖ ਤੋਂ ਵੱਧ ਦੇ ਬੀਜ ਖਰੀਦੇ

ਪੀਐਮ ਮੋਦੀ ਨੇ ਵੀਡੀਓ ਕਾਨਫਰੰਸਿੰਗ ਰਾਹੀਂ ਇਨ੍ਹਾਂ ਵੰਦੇ ਭਾਰਤ ਟਰੇਨਾਂ ਦਾ ਉਦਘਾਟਨ ਕੀਤਾ। ਉਨ੍ਹਾਂ ਕਿਹਾ ਕਿ ਦੇਸ਼ ਵਿੱਚ ਆਧੁਨਿਕ ਸੰਪਰਕ ਵਿਸਥਾਰ ਹੋਵੇਗਾ। ਜਿਨ੍ਹਾਂ ਰਾਜਾਂ ਨੂੰ ਇਨ੍ਹਾਂ ਵੰਦੇ ਭਾਰਤ ਟਰੇਨਾਂ ਦਾ ਤੋਹਫਾ ਮਿਲਿਆ ਹੈ, ਉਨ੍ਹਾਂ ਵਿੱਚ ਰਾਜਸਥਾਨ, ਤਾਮਿਲਨਾਡੂ, ਤੇਲੰਗਾਨਾ, ਆਂਧਰਾ ਪ੍ਰਦੇਸ਼, ਕਰਨਾਟਕ, ਬਿਹਾਰ, ਪੱਛਮੀ ਬੰਗਾਲ, ਕੇਰਲ, ਉੜੀਸਾ, ਝਾਰਖੰਡ ਅਤੇ ਗੁਜਰਾਤ ਸ਼ਾਮਲ ਹਨ।

ਇਨ੍ਹਾਂ ਰੂਟਾਂ ‘ਤੇ ਇਹ ਟਰੇਨਾਂ ਚੱਲਣਗੀਆਂ (Vande Bharat Express)

• ਉਦੈਪੁਰ-ਜੈਪੁਰ ਵੰਦੇ ਭਾਰਤ ਐਕਸਪ੍ਰੈਸ
• ਹੈਦਰਾਬਾਦ-ਬੰਗਲੁਰੂ ਵੰਦੇ ਭਾਰਤ ਐਕਸਪ੍ਰੈਸ
• ਪਟਨਾ-ਹਾਵੜਾ ਵੰਦੇ ਭਾਰਤ ਐਕਸਪ੍ਰੈਸ
• ਰਾਊਰਕੇਲਾ-ਭੁਵਨੇਸ਼ਵਰ-ਪੁਰੀ ਵੰਦੇ ਭਾਰਤ ਐਕਸਪ੍ਰੈਸ
• ਜਾਮਨਗਰ-ਅਹਿਮਦਾਬਾਦ ਵੰਦੇ ਭਾਰਤ ਐਕਸਪ੍ਰੈਸ
• ਰਾਂਚੀ-ਹਾਵੜਾ ਵੰਦੇ ਭਾਰਤ ਐਕਸਪ੍ਰੈਸ
• ਤਿਰੂਨੇਲਵੇਲੀ-ਮਦੁਰਾਈ-ਚੇਨਈ ਵੰਦੇ ਭਾਰਤ ਐਕਸਪ੍ਰੈਸ
• ਵਿਜੇਵਾੜਾ-ਰੇਨੀਗੁੰਟਾ-ਚੇਨਈ ਵੰਦੇ ਭਾਰਤ ਐਕਸਪ੍ਰੈਸ
• ਕਾਸਰਗੋਡ-ਤਿਰੂਵਨੰਤਪੁਰਮ ਵੰਦੇ ਭਾਰਤ ਐਕਸਪ੍ਰੈਸ