ਮੰਤਰੀ ਸਿੰਧੀਆ ਤੇ ਸੰਸਦ ਮੈਂਬਰ ਨਿਸ਼ੀਕਾਂਤ ਨਾਲ ਜ਼ੋਰਦਾਰ ਬਹਿਸ | Monsoon Session

ਅੰਮ੍ਰਿਤਸਰ (ਰਾਜਨ ਮਾਨ)। Monsoon Session :  ਸੰਸਦ ਮੈਂਬਰ ਗੁਰਜੀਤ ਸਿੰਘ ਔਜਲਾ ਨੇ ਕੱਲ੍ਹ ਸੰਸਦ ਵਿੱਚ ਏਅਰਲਾਈਨਜ਼ ਵੱਲੋਂ ਨਿੱਜੀਕਰਨ ਅਤੇ ਲੁੱਟ ਦਾ ਮੁੱਦਾ ਉਠਾਇਆ ਸੀ। ਇਨ੍ਹਾਂ ਮੁੱਦਿਆਂ ’ਤੇ ਟੈਲੀਕਾਮ ਮਿਨਿਸਟਰ ਜੋਤੀਰਿਧਿਅ ਸਿੰਧੀਆ ਅਤੇ ਨਿਸ਼ੀਕਾਂਤ ਦੂਬੇ ਨਾਲ ਜੋਰਦਾਰ ਬਹਿਸ ਵੀ ਹੋਈ। ਜਿਸ ’ਤੇ ਗੁਰਜੀਤ ਸਿੰਘ ਔਜਲਾ ਨੇ ਕਿਹਾ ਕਿ ਭਾਜਪਾ ਦੀ ਸਰਕਾਰ ਪਿਛਲੇ 10 ਸਾਲਾਂ ਤੋਂ ਸੱਤਾ ’ਚ ਹੈ ਤਾਂ ਊੰਗਲੀ ਚੁਕਣ ਦੀ ਥਾਂ ਇਨ੍ਹਾਂ ਗੱਲਾਂ ਨੂੰ ਠੀਕ ਕਿਉਂ ਨਹੀਂ ਕੀਤਾ ਗਿਆ।

ਸੰਸਦ ਮੈਂਬਰ ਗੁਰਜੀਤ ਸਿੰਘ ਔਜਲਾ ਨੇ ਮਾਨਸੂਨ ਸੈਸ਼ਨ ਦੌਰਾਨ ਏਅਰਲਾਈਨਜ਼ ਵੱਲੋਂ ਵਸੂਲੇ ਜਾ ਰਹੇ ਨਾਜਾਇਜ਼ ਟਿਕਟਾਂ ਦੇ ਰੇਟਾਂ ਦਾ ਮੁੱਦਾ ਸੰਸਦ ਵਿੱਚ ਉਠਾਇਆ। ਉਨ੍ਹਾਂ ਕਿਹਾ ਕਿ ਏਅਰਲਾਈਨਜ਼ ਦੀ ਲੁੱਟ ਕਾਰਨ ਕਈ ਲੋੜਵੰਦ ਲੋਕ ਆਪਣਾ ਸਫ਼ਰ ਮੁਲਤਵੀ ਕਰ ਦਿੰਦੇ ਹਨ। ਉਨ੍ਹਾਂ ਕਿਹਾ ਕਿ 10 ਅਗਸਤ 2023 ਨੂੰ ਇਸ ਮੁੱਦੇ ’ਤੇ ਬਣੀ ਸਥਾਈ ਕਮੇਟੀ ਅਤੇ ਰਿਪੋਰਟ ਮਿਲਣ ਤੋਂ ਬਾਅਦ ਵੀ ਕੋਈ ਬਦਲਾਅ ਨਹੀਂ ਹੋਇਆ ਹੈ।

Monsoon Session

 ਕੋਰੋਨਾ ਦੇ ਦੌਰ ’ਚ ਏਅਰਲਾਈਨਜ਼ ਨੇ ਹਵਾਈ ਯਾਤਰਾ ਦੀਆਂ ਟਿਕਟਾਂ ਦੀਆਂ ਕੀਮਤਾਂ ’ਚ ਕਈ ਵਾਰ ਵਾਧਾ ਕੀਤਾ ਸੀ ਪਰ ਹੁਣ ਸਥਿਤੀ ਆਮ ਵਾਂਗ ਹੋਣ ਦੇ ਬਾਵਜੂਦ ਵਧੇ ਹੋਏ ਪੈਸੇ ਨੂੰ ਘੱਟ ਨਹੀਂ ਕੀਤਾ ਗਿਆ ਹੈ। ਗੁਰਜੀਤ ਸਿੰਘ ਔਜਲਾ ਨੇ ਉਦਾਹਰਨ ਦਿੰਦਿਆਂ ਦੱਸਿਆ ਕਿ ਚੰਡੀਗੜ੍ਹ ਤੱਕ ਦਾ ਕਿਰਾਇਆ ਵੀ ਐਮਰਜੈਂਸੀ ਦੇ ਹਾਲਾਤਾਂ ਵਿੱਚ 70 ਹਜ਼ਾਰ ਰੁਪਏ ਵਸੂਲਿਆ ਜਾਂਦਾ ਹੈ। ਉਨ੍ਹਾਂ ਕਿਹਾ ਕਿ ਲੱਖਾਂ ਲੋਕ ਅੰਮ੍ਰਿਤਸਰ ਜਾਂਦੇ ਹਨ ਪਰ ਟਿਕਟਾਂ ਬਿਨਾਂ ਮਨਜ਼ੂਰੀ ਤੋਂ ਮਹਿੰਗੀਆਂ ਹੁੰਦੀਆਂ ਰਹਿੰਦੀਆਂ ਹਨ ਅਤੇ ਸੈਲਾਨੀ ਨਹੀਂ ਆ ਸਕਦੇ। (Monsoon Session)

Read Also : Punjab News: ਪੰਜਾਬ ਦੇ ਇਸ ਇਲਾਕੇ ਨੂੰ ਮੁੱਖ ਮੰਤਰੀ ਮਾਨ ਦਾ ਵੱਡਾ ਤੋਹਫ਼ਾ, ਜ਼ਮੀਨਾਂ ਦੇ ਵਧਣਗੇ ਭਾਅ

ਅੰਤਰਰਾਸ਼ਟਰੀ ਉਡਾਣਾਂ ਦੀ ਗੱਲ ਕਰੀਏ ਤਾਂ ਸਿੰਗਾਪੁਰ ਦੀ ਟਿਕਟ ਜੋ ਇੰਟਰਨੈਸ਼ਨਲ ਏਅਰਲਾਈਨਜ਼ ਹੋਟਲ ਦੇ ਨਾਲ 20,000 ਰੁਪਏ ਵਿੱਚ ਦਿੰਦੀ ਹੈ, ਘਰੇਲੂ ਏਅਰਲਾਈਨ 28,000 ਰੁਪਏ ਵਿੱਚ ਇੱਕ ਤਰਫਾ ਟਿਕਟ ਦਿੰਦੀ ਹੈ। ਪੰਜਾਬ ਤੋਂ ਬਹੁਤ ਸਾਰੇ ਲੋਕ ਯੂਏਆਈ ਜਾਂਦੇ ਹਨ ਪਰ ਅੰਮ੍ਰਿਤਸਰ ਤੋਂ ਏਅਰ ਇੰਡੀਆ ਐਕਸਪ੍ਰੈਸ ਦੀਆਂ ਟਿਕਟਾਂ 25 ਤੋਂ 35 ਫੀਸਦੀ ਮਹਿੰਗੀਆਂ ਹਨ ਜਦੋਂਕਿ ਦਿੱਲੀ ਤੋਂ ਸਸਤੀਆਂ ਹਨ। ਅੰਮ੍ਰਿਤਸਰ ਦਿੱਲੀ ਨਾਲੋਂ 400 ਕਿਲੋਮੀਟਰ ਘੱਟ ਹੈ ਪਰ ਟਿਕਟ ਮਹਿੰਗੀ ਹੈ। ਇਸ ਮੁੱਦੇ ’ਤੇ ਉਨ੍ਹਾਂ ਸਾੰਸਦ ਨਿਸ਼ੀਕਾਂਤ ਦੂਬੇ ਨੂੰ ਘੇਰਦਿਆਂ ਕਿਹਾ ਕਿ ਜੇਕਰ ਭਾਜਪਾ ਦੀ ਸਰਕਾਰ 10 ਸਾਲ ਤੋਂ ਸੱਤਾ ’ਚ ਹੈ ਤਾਂ ਇਸ ’ਚ ਕੋਈ ਬਦਲਾਅ ਕਿਉਂ ਨਹੀਂ ਕੀਤਾ ਗਿਆ। ਉਨ੍ਹਾਂ ਕਿਹਾ ਕਿ ਨਿਸ਼ੀਕਾਂਤ ਜੀ ਹਰ ਭਾਸ਼ਣ ਵਿੱਚ ਕਾਂਗਰਸ ਤੋਂ ਸ਼ੁਰੂ ਹੋ ਕੇ ਕਾਂਗਰਸ ਨੂੰ ਕੋਸਦੇ ਹਨ, ਫਿਰ ਹੁਣ ਉਨ੍ਹਾਂ ਕੋਲ ਪੂਰੀ ਤਾਕਤ ਹੈ, ਫਿਰ ਇਸ ਨੂੰ ਕਿਉਂ ਨਹੀਂ ਸੁਧਾਰਿਆ ਗਿਆ।

Monsoon Session

ਉਨ੍ਹਾਂ ਕਿਹਾ ਕਿ ਜਦੋਂ 370 ਵਰਗੀਆਂ ਧਾਰਾਵਾਂ ਲਾਗੂ ਹੋ ਰਹੀਆਂ ਹਨ ਤਾਂ ਇਸ ਨੂੰ ਬਦਲਿਆ ਕਿਉਂ ਨਹੀਂ ਜਾ ਸਕਦਾ। ਉਨ੍ਹਾਂ ਕਿਹਾ ਕਿ ਪੂਰੇ ਦੇਸ਼ ਦਾ ਨਿੱਜੀਕਰਨ ਹੋ ਚੁੱਕਾ ਹੈ, ਸਾਰੇ ਦੇਸ਼ ਨੂੰ ਪ੍ਰਾਇਵੇਟ ਲੋਕਾਂ ਦੇ ਹਥ ਚ ਬੇਚਿਆ ਜਾ ਚੁਕਾ ਹੈ। ਉਨ੍ਹਾਂ ਕਿਹਾ ਕਿ ਉਹ ਸੰਸਦ ਮੈਂਬਰ ਸ਼ਫੀ ਪਾਰਮਬਿਲ ਵੱਲੋਂ ਲਿਆਂਦੇ ਪ੍ਰਾਈਵੇਟ ਬਿੱਲ ਦਾ ਸਮਰਥਨ ਕਰਦੇ ਹਨ ਪਰ ਇਸ ਨੂੰ ਸਖ਼ਤੀ ਨਾਲ ਲਾਗੂ ਕੀਤਾ ਜਾਣਾ ਚਾਹੀਦਾ ਹੈ। ਜਿਸ ਤੋਂ ਬਾਅਦ ਟੇਲੀਕੋਮ ਮੰਤਰੀ ਸਾਂਸਦ ਜੋਤੀ ਧਰਿਤਿਆ ਸਿੰਧੀਆ ਨੇ ਕਿਹਾ ਕਿ ਇਹ ਸੰਭਵ ਨਹੀਂ ਹੋਵੇਗਾ ਕਿ ਚਿਟ ਵੀ ਉਹਨਾਂ ਦੀ ਤੇ ਪਟ ਵੀ ਉਹਨਾਂ ਦੀ। ਤਾਂ ਔਜਲਾ ਨੇ ਕਿਹਾ ਕਿ 2006 ’ਚ ਜਦੋਂ ਇਸ ਦਾ ਵਿਰੋਧ ਹੋਇਆ ਸੀ ਤਾਂ ਤੁਸੀਂ ਹੀ ਸੀ ਤੇ ਤੁਸੀਂ ਹੀ ਸੀ ਜਿਸ ਨੇ ਰਸਤਾ ਦਿਖਾਇਆ ਸੀ। ਔਜਲਾ ਨੇ ਕਿਹਾ ਕਿ ਬੀਐਸਐਨਐਲ ਦੀ ਗਲ ਕੀਤੀ ਗਈ ਪਰ ਕਦੇ ਉਹਨਾਂ ਨੇ ਬੀਐਸਐਨਐਲ ਦਾ ਹਾਲ ਵੀ ਪੁਛਿਆ ਹੈ।

ਗੁਰਜੀਤ ਸਿੰਘ ਔਜਲਾ ਨੇ ਮੰਗ ਕੀਤੀ ਕਿ ਇਨ੍ਹਾਂ ਚੀਜ਼ਾਂ ’ਤੇ ਕਾਬੂ ਪਾਉਣ ਲਈ ਸਖ਼ਤੀ ਦਿਖਾਉਣੀ ਪਵੇਗੀ ਅਤੇ ਸਰਕਾਰ ਨੂੰ ਰੈਗੂਲੇਟਰੀ ਕਮੇਟੀ ਦੀ ਤਾਕਤ ਵਧਾ ਕੇ ਇਸ ਲਈ ਸਖ਼ਤ ਕਦਮ ਚੁੱਕਣੇ ਚਾਹੀਦੇ ਹਨ। ਉਨ੍ਹਾਂ ਇਹ ਵੀ ਮੰਗ ਕੀਤੀ ਹੈ ਕਿ ਸੀਨੀਅਰ ਸਿਟੀਜ਼ਨਾਂ ਨੂੰ ਵਿਸ਼ੇਸ਼ ਰਿਆਇਤਾਂ ਦਿੱਤੀਆਂ ਜਾਣ ਅਤੇ ਦਰਾਂ ’ਤੇ ਰੈਗੂਲੇਟਰੀ ਕਮੇਟੀ ਬਣਾਈ ਜਾਵੇ।

ਪਹਿਲੀ ਬੈਠਕ ਵਿੱਚ ਸ਼ਰਧਾਂਜਲੀ ਅਤੇ ਅਗਲੀ ਬੈਠਕ ਵਿੱਚ ਹੀ ਹੋਵੇਗਾ ਕੰਮਕਾਜ | Monsoon Session

ਚੰਡੀਗੜ੍ਹ (ਅਸ਼ਵਨੀ ਚਾਵਲਾ)। ਪੰਜਾਬ ਵਿੱਚ ਆਮ ਆਦਮੀ ਪਾਰਟੀ ਦੀ ਸਰਕਾਰ 20 ਅਤੇ 21 ਅਕਤੂਬਰ ਨੂੰ ਰਿਕਾਰਡ ਛੋਟਾ ਮਾਨਸੂਨ ਸੈਸ਼ਨ ਸੱਦ ਲਿਆ ਗਿਆ ਹੈ, ਜਿਹੜਾ ਕਿ ਸਿਰਫ਼ 2 ਦਿਨਾਂ ਵਿੱਚ ਹੀ ਖ਼ਤਮ ਹੋ ਜਾਵੇਗਾ। ਪਹਿਲੀ ਬੈਠਕ ਵਿੱਚ ਸ਼ਰਧਾਂਜਲੀ ਨਾਲ ਸਮਾਪਤੀ ਹੋ ਜਾਵੇਗੀ ਅਤੇ ਅਗਲੀ ਬੈਠਕ ਵਿੱਚ ਹੀ ਵਿਧਾਇਕਾਂ ਵੱਲੋਂ ਕੰਮਕਾਜ ਕੀਤਾ ਜਾਵੇਗਾ। ਇਸ ਰਿਕਾਰਡ ਛੋਟੇ ਵਿਧਾਨ ਸਭਾ ਦੇ ਸੈਸ਼ਨ ਨੂੰ ਮਾਨਸੂਨ ਸੈਸ਼ਨ ਵੀ ਕਿਹਾ ਨਹੀਂ ਜਾ ਸਕਦਾ ਹੈ, ਕਿਉਂਕਿ ਇਹ ਪਿੱਛਲੇ ਵਿਧਾਨ ਸਭਾ ਬਜਟ ਸੈਸ਼ਨ ਦਾ ਹੀ ਹਿੱਸਾ ਹੋਵੇਗਾ। (Monsoon Session)

ਇਸ ਛੋਟੇ ਸੈਸ਼ਨ ਨਾਲ ਸਭ ਤੋਂ ਜ਼ਿਆਦਾ ਨੁਕਸਾਨ ਸੱਤਾ ਧਿਰ ਅਤੇ ਵਿਰੋਧੀ ਧਿਰ ਦੇ ਵਿਧਾਇਕਾਂ ਨੂੰ ਹੋਣ ਜਾ ਰਿਹਾ ਹੈ, ਕਿਉਂਕਿ ਉਹ ਆਪਣੇ ਵਿਧਾਨ ਸਭਾ ਹਲਕੇ ਦੇ ਮਸਲੇ ਹੀ ਨਹੀਂ ਚੁੱਕ ਸਕਣਗੇ, ਕਿਉਂਕਿ ਇਸ ਦੋ ਦਿਨਾਂ ਸੈਸ਼ਨ ਵਿੱਚ ਜੇਕਰ ਸ਼ਰਧਾਂਜਲੀ ਤੋਂ ਕੁਝ ਬਾਅਦ ਅਗਲੀ ਬੈਠਕ ਸੱਦੀ ਗਈ ਤਾਂ ਸ਼ੱੁਕਰਵਾਰ ਬਾਅਦ ਦੁਪਹਿਰ ਤੇ ਸ਼ਨਿੱਚਰਵਾਰ ਸਵੇਰੇ ਦੀ ਬੈਠਕ ਵਿੱਚ ਸਿਰਫ਼ 40 ਸੁਆਲ ਹੀ ਲੱਗ ਸਕਣਗੇ ਜਿਸ ਕਾਰਨ ਕੈਬਨਿਟ ਮੰਤਰੀਆਂ ਨੂੰ ਛੱਡ ਕੇ 100 ਵਿਧਾਇਕਾਂ ਵਾਲੀ ਵਿਧਾਨ ਸਭਾ ਵਿੱਚ 40 ਤੋਂ ਘੱਟ ਵਿਧਾਇਕਾਂ ਨੂੰ ਹੀ ਸੁਆਲ ਪੁੱਛਣ ਦਾ ਮੌਕਾ ਮਿਲੇਗਾ, ਬਾਕੀ ਹੱਥ ਮਲਦੇ ਹੀ ਰਹਿ ਜਾਣਗੇ, ਕਿਉਂਕਿ ਉਨ੍ਹਾਂ ਦੇ ਸੁਆਲ ਦਾ ਇਸ ਛੋਟੇ ਵਿਧਾਨ ਸਭਾ ਦੇ ਸੈਸ਼ਨ ਵਿੱਚ ਨੰਬਰ ਨਹੀਂ ਆਵੇਗਾ।

2 ਬੈਠਕਾਂ ਦੇ ਸੈਸ਼ਨ ’ਚ 40 ਤੋਂ ਜ਼ਿਆਦਾ ਨਹੀਂ ਲੱਗ ਪਾਉਣਗੇ ਸੁਆਲ, 100 ਵਿਧਾਇਕਾਂ ਵਿੱਚੋਂ ਮਿਲੇਗਾ ਸਿਰਫ਼ 40 ਨੂੰ ਮੌਕਾ | Monsoon Session

ਜਾਣਕਾਰੀ ਅਨੁਸਾਰ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਵੱਲੋਂ ਬੀਤੇ ਹਫ਼ਤੇ ਹੀ ਐਲਾਨ ਕੀਤਾ ਗਿਆ ਸੀ ਕਿ ਜਲਦ ਹੀ ਵਿਧਾਨ ਸਭਾ ਦਾ ਸੈਸ਼ਨ ਸੱਦਿਆ ਜਾਵੇਗਾ, ਜਿਸ ਵਿੱਚ ਐੱਸਵਾਈਐੱਲ ਨਹਿਰ ਦੇ ਨਾਲ ਹੀ ਪੰਜਾਬ ਦੇ ਕਈ ਹੋਰ ਮੁੱਦਿਆ ’ਤੇ ਚਰਚਾ ਕੀਤੀ ਜਾਵੇਗੀ। ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਵੱਲੋਂ ਜਦੋਂ ਇਹ ਐਲਾਨ ਕੀਤਾ ਗਿਆ ਸੀ ਤਾਂ ਉਸ ਸਮੇਂ ਇਹ ਜਾਣਕਾਰੀ ਨਹੀਂ ਦਿੱਤੀ ਗਈ ਸੀ ਕਿ ਇਹ ਵਿਧਾਨ ਸਭਾ ਦਾ ਸੈਸ਼ਨ ਕਿੰਨੇ ਦਿਨ ਦਾ ਹੋਵੇਗਾ ਪਰ ਹੁਣ ਵਿਧਾਨ ਸਭਾ ਦੇ ਸਕੱਤਰ ਵਲੋਂ ਜਾਰੀ ਕੀਤੇ ਗਏ ਨੋਟਿਸ ਰਾਹੀਂ ਇਹ ਸਪਸ਼ਟ ਹੋ ਗਿਆ ਹੈ ਕਿ ਵਿਧਾਨ ਸਭਾ ਦਾ ਸੈਸ਼ਨ 20 ਅਕਤੂਬਰ ਨੂੰ 11 ਵਜੇ ਸ਼ੁਰੂ ਹੋਵੇਗਾ, ਜਦੋਂ ਕਿ ਇਸ ਨੋਟਿਸ ਵਿੱਚ 21 ਅਕਤੂਬਰ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਪਰ ਦੱਸਿਆ ਜਾ ਰਿਹਾ ਹੈ ਕਿ ਇਹ ਸਿਰਫ਼ 2 ਦਿਨ ਦਾ ਹੀ ਵਿਧਾਨ ਸਭਾ ਦਾ ਸੈਸ਼ਨ ਹੋਵੇਗਾ।

ਵਿਧਾਨ ਸਭਾ ਦੇ ਇਸ ਛੋਟੇ ਜਿਹੇ ਸੈਸ਼ਨ ਵਿੱਚ ਸੱਤਾਧਿਰ ਅਤੇ ਵਿਰੋਧੀ ਧਿਰ ਦੇ ਵਿਧਾਇਕਾਂ ਨੂੰ ਆਪਣੀ ਗੱਲ ਰੱਖਣ ਦਾ ਵੀ ਜ਼ਿਆਦਾ ਸਮਾਂ ਨਹੀਂ ਮਿਲੇਗਾ। ਵਿਧਾਨ ਸਭਾ ਦੇ ਨਿਯਮਾਂ ਅਨੁਸਾਰ ਇੱਕ ਬੈਠਕ ਵਿੱਚ ਸਾਰੇ ਵਿਧਾਇਕਾਂ ਵੱਲੋਂ ਆਏ ਸੁਆਲਾਂ ਵਿੱਚੋਂ 20 ਸੁਆਲਾਂ ਨੂੰ ਹੀ ਲਾਇਆ ਜਾਂਦਾ ਹੈ, ਇਸ ਵਿੱਚ ਵੀ ਕੁਝ ਵਿਧਾਇਕਾਂ ਦੇ ਇੱਕ ਤੋਂ ਜ਼ਿਆਦਾ ਸੁਆਲ ਲੱਗ ਜਾਂਦੇ ਹਨ। ਜੇਕਰ ਇੱਕ ਵਿਧਾਇਕ ਦਾ ਇੱਕ ਸੁਆਲ ਹੀ ਲਾਇਆ ਗਿਆ ਤਾਂ ਵੀ ਇੱਕ ਬੈਠਕ ਵਿੱਚ 20 ਵਿਧਾਇਕਾਂ ਦੇ ਹੀ ਸੁਆਲ ਲੱਗਣਗੇ ਤਾਂ ਅਗਲੇ ਬੈਠਕ ਵਿੱਚ ਵੀ 20 ਵਿਧਾਇਕਾਂ ਨੂੰ ਹੀ ਮੌਕਾ ਮਿਲੇਗਾ।

15 ਦਿਨਾਂ ਦਾ ਨੋਟਿਸ ਜ਼ਰੂਰੀ, ਸੈਸ਼ਨ ਲਈ ਮਿਲੇ ਸਿਰਫ਼ 10 ਦਿਨ, ਕਿਵੇਂ ਲੱਗਣਗੇ ਸੁਆਲ

ਵਿਧਾਨ ਸਭਾ ਦੇ ਨਿਯਮਾਂ ਅਨੁਸਾਰ ਕਿਸੇ ਵੀ ਵਿਧਾਨ ਸਭਾ ਦੀ ਬੈਠਕ ਵਿੱਚ ਸੁਆਲ ਨੂੰ ਲੱਗਾਉਣ ਲਈ ਘੱਟ ਤੋਂ ਘੱਟ 15 ਦਿਨ ਪਹਿਲਾਂ ਸੁਆਲ ਨੂੰ ਵਿਧਾਇਕ ਵੱਲੋਂ ਭੇਜਣਾ ਜ਼ਰੂਰੀ ਹੁੰਦਾ ਹੈ, ਜਿਸ ਤੋਂ ਬਾਅਦ ਹੀ ਵਿਧਾਇਕ ਦਾ ਸੁਆਲ ਵਿਧਾਨ ਸਭਾ ਵਿੱਚ ਲੱਗ ਸਕਦਾ ਹੈ ਪਰ 20 ਅਕਤੂਬਰ ਨੂੰ ਸ਼ੁਰੂ ਹੋ ਰਹੇ ਵਿਧਾਨ ਸਭਾ ਦੇ ਇਸ ਸੈਸ਼ਨ ਵਿੱਚ ਜੇਕਰ ਕੋਈ ਵਿਧਾਇਕ ਹੁਣ ਸੁਆਲ ਭੇਜੇਗਾ ਤਾਂ ਉਸ ਦੇ ਸੁਆਲ ਨੂੰ ਨਹੀਂ ਲਗਾਇਆ ਜਾਵੇਗਾ, ਕਿਉਂਕਿ ਵਿਧਾਨ ਸਭਾ ਸੈਸ਼ਨ ਨੂੰ ਸ਼ੁਰੂ ਹੋਣ ਵਿੱਚ ਹੀ ਸਿਰਫ਼ 10 ਦਿਨਾਂ ਦਾ ਸਮਾਂ ਰਹਿ ਗਿਆ ਹੈ।

ਇਹ ਵੀ ਪੜ੍ਹੋ : ਪੰਜਾਬ ਵਿਧਾਨ ਸਭਾ ਦਾ ਸੱਦਿਆ ਵਿਸ਼ੇਸ਼ ਸੈਸ਼ਨ

ਜਿਸ ਕਰਕੇ ਕਿਸੇ ਵੀ ਵਿਧਾਇਕ ਨੂੰ ਨਵਾਂ ਸੁਆਲ ਲਗਾਉਣ ਦਾ ਫਾਇਦਾ ਹੀ ਨਹੀਂ ਹੋਵੇਗਾ, ਕਿਉਂਕਿ ਉਸ ਦੇ ਸੁਆਲ ਨੂੰ ਵਿਧਾਨ ਸਭਾ ਵਿੱਚ ਲਗਾਉਣ ਦੀ ਇਜ਼ਾਜਤ ਨਹੀਂ ਮਿਲੇਗੀ। ਜੇਕਰ ਵਿਧਾਨ ਸਭਾ ਦੇ ਸਪੀਕਰ ਆਪਣੀ ਸ਼ਕਤੀ ਦੀ ਵਰਤੋਂ ਕਰਦੇ ਹੋਏ ਕਿਸੇ ਵਿਧਾਇਕ ਨੂੰ ਖ਼ਾਸ ਇਜ਼ਾਜਤ ਦੇ ਦੇਣ ਤਾਂ ਹੀ ਉਸ ਵਿਧਾਇਕ ਦਾ ਸੁਆਲ ਲੱਗ ਸਕਦਾ ਹੈ ਪਰ ਇਹ ਇੱਕਾ- ਦੁਕਾ ਨਾਲ ਹੁੰਦਾ ਹੈ, ਇਸ ਵਿੱਚ ਸਾਰਿਆਂ ਨੂੰ ਫਾਇਦਾ ਨਹੀਂ ਮਿਲਣ ਵਾਲਾ ਹੈ।

ਨਵੀਂ ਦਿੱਲੀ (ਸੱਚ ਕਹੂੰ ਨਿਊਜ਼)। ਲੋਕ ਸਭਾ (Monsoon Session) ਦੇ ਵਿਰੋਧੀ ਮੈਂਬਰਾਂ ਨੇ ਮਣੀਪੁਰ ਮੁੱਦੇ ਨੂੰ ਲੈ ਕੇ ਅੱਜ ਵੀ ਹੰਗਾਮਾ ਕੀਤਾ ਜਿਸ ਕਾਰਨ ਮਾਨਸੂਨ ਸੈਸ਼ਨ ’ਚ ਲਗਾਾਤਰ ਚੌਣੇ ਦਿਨ ਪ੍ਰਸ਼ਨ ਕਾਲ ਰੁਕਿਆ ਰਿਹਾ ਅਤੇ ਸਪੀਕਰ ਓਮ ਬਿਰਲਾ ਨੂੰ ਹੰਗਾਮੇ ਦੇ ਕਾਰਨ ਸਦਨ ਦੀ ਕਾਰਵਾਈ ਦੁਪਹਿਰ ਦੋ ਵਜੇ ਤੱਕ ਮੁਲਤਵੀ ਕਰਨੀ ਪਈ। ਬਿਰਲਾ ਨੇ ਜਿਵੇਂ ਹੀ ਪ੍ਰਸ਼ਨ ਕਾਲ ਸ਼ੁਰੂ ਕੀਤਾ ਵਿਰੋਧੀ ਧਿਰ ਦੇ ਮੈਂਬਰ ਹੰਗਾਮਾ ਕਰਦੇ ਹੋਏ ਸਾਹਮਣੇ ਆ ਗਏ ਅਤੇ ਨਾਅਰੇਬਾਜ਼ੀ ਕਰਨ ਲੱਗੇ। ਸਪੀਕਰ ਨੇ ਪ੍ਰਸ਼ਨ ਕਾਲ ਚਲਾਉਣ ਦਾ ਯਤਨ ਕੀਤਾ ਪਰ ਵਿਰੋਧੀ ਧਿਰ ਦੇ ਮੈਂਬਰ ਹੰਗਾਮਾ ਕਰਦੇ ਰਹੇ।

ਹੰਗਾਮਾ ਵਧਦਾ ਦੇਖ ਲੋਕ ਸਭਾ ਸਪੀਕਰ ਨੇ ਮੈਂਬਰਾਂ ਨੂੰ ਕਿਹਾ ਕਿ ਪ੍ਰਸ਼ਨ ਕਾਲ ਵਰਗਾ ਮਹੱਤਵਪੂਰਨ ਕਾਲ ਤੁਸੀਂ ਨਹੀਂ ਚਲਾਉਣ ਦੇ ਰਹੇ ਹੋ। ਦੁਨੀਆਂ ਦੇ ਸਭ ਤੋਂ ਵੱਡੇ ਲੋਕਤੰਤਰ ’ਚ ਨਾਅਰੇਬਾਜ਼ੀ ਕਰ ਰਹੇ ਹੋ। ਹੰਗਾਮਾ ਕਿਸੇ ਸਮੱਸਿਆ ਦਾ ਹੱਲ ਨਹੀਂ ਹੰੁਦਾ। ਤੁਸੀਂ ਆਪਣੀਆਂ ਸੀਟਾਂ ’ਤੇ ਬੈਠੋ। ਮੈਂ ਹਰ ਮੁੰਦੇ ’ਤੇ ਤੁਹਾਨੂੰ ਬੋਲਣ ਦਾ ਪੂਰਾ ਸਮਾਂ ਦੇਵਾਂਗਾ। (Monsoon Session)

ਇਹ ਵੀ ਪੜ੍ਹੋ : ਗੀਤਿਕਾ ਸ਼ਰਮਾ ਆਤਮਹੱਤਿਆ ਕੇਸ ’ਚ ਸਾਬਕਾ ਗ੍ਰਹਿ ਮੰਤਰੀ ਗੋਪਾਲ ਕਾਂਡਾ ਬਰੀ

ਮੇਰੀ ਤੁਹਾਨੂੰ ਅਪੀਲ ਹੈ ਕਿ ਸੰਸਦ ਦੀ ਮਰਿਆਦਾ ਨੂੰ ਬਣਾਈ ਰੱਖੋ। ਪਲੇਅ ਕਾਰਡ ਸਦਨ ਨੇ ਲੈ ਕੇ ਆਉਣਾ ਸੰਸਦੀ ਪਰੰਪਰਾ ਦੇ ਅਨੁਸਾਰ ਨਹੀਂ ਹੈ। ਮੈਂ ਪਹਿਲਾਂ ਵੀ ਤੁਹਾਨੂੰ ਅਪੀਲ ਕੀਤੀ ਹੈ। ਤੁਸੀਂ ਸਾਰੇ ਸੀਨੀਅਰ ਮੈਂਬਰ ਹੋ, ਸੰਸਦ ਦੀ ਮਰਿਆਦਾ ਨੂੰ ਬਣਾਈ ਰੱਖੋ। ਤੁਸੀਂ ਸਦਨ ਨਹੀਂ ਚਲਾਉਣਾ ਚਾਹੁੰਦੇ, ਪ੍ਰਸ਼ਨ ਕਾਲ ਨਹੀਂ ਚਲਾਉਣਾ ਚਾਹੁੰਦੇ, ਗੰਭੀਰ ਮੁੱਦਿਆਂ ’ਤੇ ਚਰਚਾ ਨਹੀਂ ਕਰਨਾ ਚਾਹੁੰਦੇ। ਬਿਰਲਾ ਦੀ ਗੱਲ ਦਾ ਮੈਂਬਰ ’ਤੇ ਕੋਈ ਅਸਰ ਨਹੀਂ ਹੋਇਆ ਤਾਂ ਉਨ੍ਹਾਂ ਸਦਨ ਦੀ ਕਾਰਵਾਈ ਦੁਪਹਿਰ ਦੋ ਵਜੇ ਤੱਕ ਮੁਲਤਵੀ ਕਰ ਦਿੱਤੀ।

ਮਾਨਸੂਨ ਸੈਸ਼ਨ’ਚ ਅਸਲ ਮੁੱਦਿਆਂ’ਤੇ ਸਾਰਥਿਕ ਬਹਿਸ ਹੋਵੇ

ਸੰਸਦ ਦਾ ਮਾਨਸੂਨ ਸੈਸ਼ਨ 18 ਜੁਲਾਈ ਤੋਂ ਸ਼ੁਰੂ ਹੋ ਕੇ 12 ਅਗਸਤ ਤੱਕ ਚੱਲੇਗਾ ਮਾਨਸੂਨ ਸੈਸ਼ਨ ਕਈ ਵਜ੍ਹਾ ਨਾਲ ਮਹੱਤਵਪੂਰਨ ਹੈ, ਅਜ਼ਾਦੀ ਦੇ ਅੰਮ੍ਰਿਤ ਮਹਾਂਉਤਸਵ ਦਾ ਮਾਨਸੂਨ ਸੈਸ਼ਨ ਅੰਮ੍ਰਿਤਮਈ ਹੋਣਾ ਚਾਹੀਦਾ ਹੈ ਇਹ ਸੈਸ਼ਨ ਇਸ ਲਈ ਵੀ ਮਹੱਤਵਪੂਰਨ ਹੈ ਕਿ ਇਸ ਸਮੇਂ ਰਾਸ਼ਟਰਪਤੀ ਅਹੁਦੇ ਅਤੇ ਉਪ ਰਾਸ਼ਟਰਪਤੀ ਅਹੁਦੇ ਦੀ ਚੋਣ ਹੋ ਕੇ ਦੇਸ਼ ਨੂੰ ਨਵੇਂ ਰਾਸ਼ਟਰਪਤੀ, ਨਵੇਂ ਉਪ ਰਾਸ਼ਟਰਪਤੀ ਦਾ ਮਾਰਗਦਰਸ਼ਨ ਮਿਲਣਾ ਸ਼ੁਰੂ ਹੋ ਜਾਵੇਗਾ

ਸੈਸ਼ਨ ਦੀ ਸ਼ੁਰੂਆਤ ਟਕਰਾਅ ਨਾਲ ਨਾ ਹੋ ਕੇ ਸਕਾਰਾਤਮਕ ਸੰਵਾਦ ਨਾਲ ਹੋਵੇ, ਇਹ ਉਮੀਦ ਹੈ ਇਸ ਲਈ ਹਰ ਪਾਰਟੀ ਦਾ ਹਰੇਕ ਸਾਂਸਦ ਆਪਣੇ ਦਿਮਾਗ ’ਚ ਆਈਸ ਦੀ ਫੈਕਟਰੀ ਅਤੇ ਜ਼ੁਬਾਨ ’ਤੇ ਸ਼ੂਗਰ ਫੈਕਟਰੀ ਸਥਾਪਤ ਕਰੇ, ਭਾਵ ਠੰਢੇ ਦਿਮਾਗ ਅਤੇ ਮਧੁਰ ਸੰਵਾਦ ਜਰੀਏ ਸੈਸ਼ਨ ਦੀ ਕਾਰਵਾਈ ਨੂੰ ਸਕਾਰਾਤਮਕ ਬਣਾਵੇ ਅਤੇ ਦੇਸ਼ ਲਈ ਨਵੀਂ ਊਰਜਾ ਭਰਦਿਆਂ ਵਿਕਾਸ ਦੀ ਨਵੀਂ ਬਹਾਰ ਲਿਆਵੇ

ਹਰ ਸੰਸਦੀ ਸੈਸ਼ਨ ਦੀ ਸ਼ੁਰੂਆਤ ਤੋਂ ਪਹਿਲਾਂ ਹੀ ਸੱਤਾ ਧਿਰ ਅਤੇ ਵਿਰੋਧੀ ਧਿਰ ਵਿਚਕਾਰ ਟਕਰਾਅ ਸ਼ੁਰੂ ਹੋ ਜਾਂਦਾ ਹੈ, ਇੱਕ-ਦੂਜੇ ’ਤੇ ਦੂਸ਼ਣਬਾਜੀ ਦੀ ਲੰਮੀ ਫੇਹਰਿਸਤ ਤਿਆਰ ਕਰ ਲਈ ਜਾਂਦੀ ਹੈ, ਸਕਾਰਾਤਮਕ ਮੁੱਦਿਆਂ ਦੀ ਬਜਾਇ ਸਿਆਸੀ ਨਜ਼ਰੀਏ ਨਾਲ ਪ੍ਰੇਰਿਤ ਸਵਾਰਥਾਂ ਨਾਲ ਲਬਾਲਬ ਹੋ ਕੇ ਸੰਸਦ ਦੇ ਮਹੱਤਵਪੂਰਨ ਸਮੇਂ ਨੂੰ ਤਬਾਹਕਾਰੀ ਬਹਿਸ ’ਚ ਵਿਅਰਥ ਗਵਾ ਦੇਣ ਦੀ ਤਿਆਰੀ ਹੁੰਦੀ ਹੈ
ਇਸ ਸੈਸ਼ਨ ਵਿਚ ਅਜਿਹਾ ਹੀ ਹੁੰਦਾ ਹੋਇਆ ਦਿਸ ਰਿਹਾ ਹੈ,

ਜਦੋਂ ਕਿ ਸੰਸਦ ’ਚ ਸਿਹਤਮੰਦ ਚਰਚਾ ਅਤੇ ਆਲੋਚਨਾ ਹੋੋਣਾ ਲੋਕਤੰਤਰ ਦੀ ਜਿੰਦਾ ਹੋਣ ਦਾ ਸਬੂਤ ਹੈ ਪਰ ਅਜਿਹਾ ਨਾ ਹੋ ਕੇ ਮਾੜੀ ਕਿਸਮਤ ਨੂੰ ਟਕਰਾਅ-ਬਿਖਰਾਅ-ਈਰਖ਼ਾ ਦੀਆਂ ਸਥਿਤੀਆਂ ਦੇਖਣ ਨੂੰ ਮਿਲਦੀਆਂ ਹਨ, ਜਿਸ ਵਿਚ ਜਨਤਾ ਨਾਲ ਜੁੜੇ ਮੁੱਦਿਆਂ ਨੂੰ ਘੱਟ ਹੀ ਸਥਾਨ ਮਿਲ ਸਕਦਾ ਹੈ ਇਸ ਵਾਰ ਵੀ ਅਜਿਹਾ ਹੀ ਹੁੰਦਾ ਦਿਸ ਰਿਹਾ ਹੈ ਵਿਰੋਧੀ ਧਿਰ ਦੀ ਨਜ਼ਾਰਗੀ ਉਨ੍ਹਾਂ ਸ਼ਬਦਾਂ ਨੂੰ ਅਸੰਸਦੀ ਐਲਾਨ ਕਰਨ ਨੂੰ ਲੈ ਕੇ ਹੈ, ਜਿਨ੍ਹਾਂ ਦਾ ਇਸਤੇਮਾਲ ਉਹ ਸਦਨ ’ਚ ਸਰਕਾਰ ਦੀ ਘੇਰਾਬੰਦੀ ਲਈ ਕਰਦਾ ਹੈ

ਨਰਾਜ਼ਗੀ ਦੀ ਇੱਕ ਹੋਰ ਵਜ੍ਹਾ ਸੰਸਦ ਭਵਨ ਕੰਪਲੈਕਸ ’ਚ ਸਾਂਸਦਾਂ ਵੱਲੋਂ ਕੀਤੇ ਜਾਣ ਵਾਲੇ ਧਰਨਾ ਪ੍ਰਦਰਸ਼ਨ ’ਤੇ ਰੋਕ ਲਾਉਣ ਸਬੰਧੀ ਵੀ ਹੈ ਇਨ੍ਹਾਂ ਮੁੱਦਿਆਂ ’ਤੇ ਵਿਰੋਧੀ ਧਿਰ ਦੇ ਹਮਲਾਵਰ ਰੁਖ ਨਾਲ ਇਹ ਤੈਅ ਮੰਨਿਆ ਜਾ ਰਿਹਾ ਹੈ ਕਿ ਸੰਸਦ ਅੰਦਰ ਵੀ ਇਹੀ ਮੁੱਦੇ ਹਾਵੀ ਰਹਿਣਗੇ ਜੇਕਰ ਅਜਿਹਾ ਹੁੰਦਾ ਹੈ, ਤਾਂ ਮਹਿੰਗਾਈ, ਬੇਰੁਜ਼ਗਾਰੀ, ਗਰੀਬੀ, ਘਾਟਾਂ, ਹੜ੍ਹ, ਕੁਦਰਤੀ ਆਫ਼ਤ ਅਤੇ ਵਾਤਾਵਰਨ ਵਰਗੇ ਮੁੱਦੇ ਪਿੱਛੇ ਛੁੱਟਦੇ ਹੋਏ ਦਿਖਾਈ ਦੇ ਰਹੇ ਹਨ

ਮਾਨਸੂਨ ਸੈਸ਼ਨ ਦੌਰਾਨ 18 ਬੈਠਕਾਂ ਹੋਣਗੀਆਂ ਅਤੇ ਕੁੱਲ 108 ਘੰਟੇ ਦਾ ਸਮਾਂ ਮੁਹੱਈਆ ਹੋਵੇਗਾ, ਸੈਸ਼ਨ ਦੇ ਕੰਮ ’ਚ 14 ਪੈਂਡਿੰਗ ਬਿੱਲ ਅਤੇ 24 ਨਵੇਂ ਬਿੱਲ ਸ਼ਾਮਲ ਹੋਣਗੇ, ਇਨ੍ਹਾਂ ਸਭ ਨੂੰ ਬਿਨਾਂ ਰੋਕੇ ਅਤੇ ਬਿਨਾਂ ਵਿਰੋਧ ਚਲਾਉਣ ’ਚ ਸੱਤਾ ਧਿਰ ਨੂੰ ਕਈ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ ਸੰਸਦ ਦਾ ਸੈਸ਼ਨ ਇਨ੍ਹਾਂ ਮਕਸਦਾਂ ਨੂੰ ਪ੍ਰਾਪਤ ਕਰਨ ’ਚ ਟਕਰਾਅਮੁਕਤ ਹੋਵੇ, ਸੱਭਿਅਕ ਅਤੇ ਮਰਿਆਦਾਮਈ ਹੋਵੇ, ਇਸ ਲਈ ਸੈਸ਼ਨ ਦੀ ਸ਼ੁਰੂਆਤ ਤੋਂ ਪਹਿਲਾਂ ਲੋਕ ਸਭਾ ਸਪੀਕਰ ਓਮ ਬਿਰਲਾ ਨੇ ਸ਼ਨਿੱਚਰਵਾਰ ਨੂੰ ਸਰਬ ਪਾਰਟੀ ਬੈਠਕ ਕੀਤੀ,

ਜਿਸ ਵਿਚ ਉਨ੍ਹਾਂ ਨੇ ਆਗੂਆਂ ਨੂੰ ਸੈਸ਼ਨ ਦੀਆਂ ਤਿਆਰੀਆਂ ਦੀ ਜਾਣਕਾਰੀ ਦਿੱਤੀ, ਬੈਠਕ ਦੌਰਾਨ ਬਿਰਲਾ ਨੇ ‘ਨਰਮਾਈ, ਮਰਿਆਦਾ ਅਤੇ ਅਨੁਸ਼ਾਸਨ’ ਨਾਲ ਕਾਰਵਾਈ ਦੇ ਸੁਚਾਰੂੁ ਸੰਚਾਲਨ ਲਈ ਸਾਰੇ ਪੱਖਾਂ ਤੋਂ ਸਹਿਯੋਗ ਮੰਗਿਆ ਪਰ ਮੰਦਭਾਗ ਨਾਲ ਇਸ ਮਹੱਤਵਪੂਰਨ ਬੈਠਕ ’ਚ ਤ੍ਰਿਣਮੂਲ ਕਾਂਗਰਸ, ਤੇਲੰਗਾਨਾ ਰਾਸ਼ਟਰ ਸਮਿਤੀ ਸ਼ਿਵਸੈਨਾ, ਰਾਸ਼ਟਰਵਾਦੀ ਕਾਂਗਰਸ ਪਾਰਟੀ, ਬਹੁਜਨ ਸਮਾਜ ਪਾਰਟੀ, ਸਮਾਜਵਾਦੀ ਪਾਰਟੀ, ਤੇਲਗੂ ਦੇਸ਼ਮ ਪਾਰਟੀ, ਸ਼੍ਰੋਮਣੀ ਅਕਾਲੀ ਦਲ ਅਤੇ ਖੱਬੇਪੱਖੀ ਪਾਰਟੀਆਂ ਸਮੇਤ ਕਈ ਵਿਰੋਧੀ ਸਿਆਸੀ ਪਾਰਟੀਆਂ ਨੇ ਹਿੱਸਾ ਨਹੀਂ ਲਿਆ,

ਉੱਥੇ ਬੀਜੂ ਜਨਤਾ ਪਾਰਟੀ ਦੀ ਵੀ ਕੋਈ ਅਗਵਾਈ ਨਹੀਂ ਸੀ ਹਾਲਾਂਕਿ, ਕਾਂਗਰਸ ਅਤੇ ਉਸ ਦੇ ਸਹਿਯੋਗੀ ਦ੍ਰਵਿੜ ਮੁਨੇਤਰ ਕੜਗਮ ਅਤੇ ਇੰਡੀਅਨ ਯੂਨੀਅਨ ਮੁਸਲਿਮ ਲੀਗ, ਡੀਐਮਕੇ ਕੇ ਟੀਆਰ ਬਾਲੂ, ਵਾਈਐਸਆਰ ਕਾਂਗਰਸ, ਐਨਡੀਏ ਅਤੇ ਘਟਕ ਲੋਕ ਜਨਸ਼ਕਤੀ ਪਾਰਟੀ ਅਤੇ ਆਪਣਾ ਦਲ ਨੇ ਵੀ ਬੈਠਕ ’ਚ ਹਿੱਸਾ ਲਿਆ ਸੰਸਦ ਦੀ ਮਰਿਆਦਾ ਅਤੇ ਅਨੁਸ਼ਾਸਨ ਨੂੰ ਕਾਇਮ ਰੱਖਣਾ ਜਿੱਥੇ ਵਿਰੋਧੀ ਧਿਰ ਦੀ ਜਿੰਮੇਵਾਰੀ ਹੈ,

ਉੁਥੇ ਸਰਕਾਰ ਦੀ ਜਿੰਮੇਵਾਰੀ ਹੈ ਕਿ ਉਹ ਲੋਕਤੰਤਰਿਕ ਪਰੰਪਰਾਵਾਂ ਦਾ ਪਾਲਣ ਕਰਦਿਆਂ ਵਿਰੋਧੀ ਧਿਰ ਨੂੰ ਵੀ ਗੱਲ ਰੱਖਣ ਦਾ ਪੂਰਾ ਮੌਕਾ ਦੇਵੇ ਜੇਕਰ ਸੰਸਦ ਅੰਦਰ ਸੱਤਾ ਧਿਰ ਜਾਂ ਸਰਕਾਰ ਵਿਰੋਧੀ ਧਿਰ ਨੂੰ ਆਪਣੀ ਗੱਲ ਹੀ ਕਹਿਣ ਦਾ ਮੌਕਾ ਨਾ ਦੇਵੇ, ਤਾਂ ਇਹ ਸੰਸਦੀ ਨਿਯਮਾਂ ਅਤੇ ਪਰੰਪਰਾਵਾਂ ਖਿਲਾਫ਼ ਹੋਵੇਗਾ, ਅਲੋਕਤੰਤਰਿਕ ਹੋਵੇਗਾ ਅਜਿਹੀ ਸਥਿਤੀ ’ਚ ਵਿਰੋਧੀ ਧਿਰ ਜੇਕਰ ਸੰਸਦੀ ਮਰਿਆਦਾਵਾਂ ਨੂੰ ਧਿਆਨ ’ਚ ਰੱਖਦਿਆਂ ਸੰਸਦ ਅੰਦਰ ਅਤੇ ਬਾਹਰ ਵਿਰੋਧ ਕਰਦਾ ਹੈ,

ਉਦੋਂ ਦੇਸ਼ ਦੀ ਜਨਤਾ ਵਿਰੋਧੀ ਧਿਰ ’ਤੇ ਨਹੀਂ, ਸਰਕਾਰ ’ਤੇ ਸਵਾਲ ਚੁੱਕੇਗੀ ਨਹੀਂ ਤਾਂ ਬਿਨਾਂ ਵਜ੍ਹਾ ਹੰਗਾਮਾ ਕਰਨਾ ਵਿਰੋਧੀ ਧਿਰ ਨੂੰ ਹੀ ਨੁਕਸਾਨ ਪਹੁੰਚਾਉਂਦਾ ਹੈ ਵਿਰੋਧੀ ਧਿਰ ਦੀ ਜਿੰਮੇਵਾਰੀ ਹੈ ਕਿ ਉਹ ਲੋਕਤੰਤਰ ਦੀ ਮਜ਼ਬੂਤੀ ਲਈ ਆਪਣੀ ਭੂਮਿਕਾ ਨੂੰ ਮਜ਼ਬੂਤ ਬਣਾਵੇ ਜਨਤਾ ਨਾਲ ਜੁੜੇ ਮੁੱਦਿਆਂ ਨੂੰ ਪ੍ਰਮੁੱਖਤਾ ਨਾਲ ਸੰਸਦ ’ਚ ਚੁੱਕੇ ਇਸ ਲਈ ਉਸ ਕੋਲ ਸ਼ਬਦਾਂ ਦੀ ਕਮੀ ਨਹੀਂ ਹੋਣੀ ਚਾਹੀਦੀ ਫ਼ਿਰ, ਸਰਕਾਰ ਦੀਆਂ ਕਮੀਆਂ ਨੂੰ ਸੰਸਦੀ ਸ਼ਬਦਾਂ ਦੀ ਵਰਤੋਂ ਕਰਕੇ ਵੀ ਉਜਾਗਰ ਕੀਤਾ ਜਾ ਸਕਦਾ ਹੈ

ਸੰਤੁਲਿਤ ਸ਼ਬਦਾਂ ਅਤੇ ਭਾਸ਼ਾ ਦੀ ਵਰਤੋਂ ਨਾਲ ਸੰਸਦ ਦੀ ਮਰਿਆਦਾ ਵੀ ਕਾਇਮ ਰੱਖਣੀ ਚਾਹੀਦੀ ਹੈ ਸੰਸਦ ’ਚ ਖੁੱਲ੍ਹੇ ਮਨ ਨਾਲ ਸੰਵਾਦ ਹੋਵੇ, ਲੋੜ ਪਏ ਤਾਂ ਵਾਦ-ਵਿਵਾਦ ਹੋਵੇ ਆਲੋਚਨਾ ਵੀ ਹੋਵੇ ਬਹੁਤ ਉੱਤਮ ਪ੍ਰਕਾਰ ਦਾ ਵਿਸ਼ਲੇਸ਼ਣ ਕਰਕੇ ਚੀਜਾਂ ਦਾ ਬਰੀਕੀਆਂ ਨਾਲ ਵਿਸ਼ਲੇਸ਼ਣ ਹੋਵੇ ਤਾਂ ਕਿ ਨੀਤੀ ਅਤੇ ਨਿਰਣਿਆਂ ’ਚ ਬਹੁਤ ਹੀ ਸਕਾਰਾਤਮਕ ਯੋਗਦਾਨ ਹੋ ਸਕੇ ਇਹ ਸੱਤਾ ਧਿਰ-ਵਿਰੋਧੀ ਧਿਰ, ਦੋਵਾਂ ਦੀ ਜਿੰਮੇਵਾਰੀ ਹੈ ਸੰਸਦ ਸਕਾਰਾਤਮਕ ਬਹਿਸ ਦਾ ਜ਼ਰੀਆ ਹੈ, ਇਨ੍ਹਾਂ ਬਹਿਸਾਂ ਨਾਲ ਹੀ ਦੇਸ਼ ਦੇ ਨਵ-ਨਿਰਮਾਣ ਅਤੇ ਵਿਕਾਸ ਨੂੰ ਨਵੇਂ ਖੰਭ ਲੱਗ ਸਕਦੇ ਹਨ, ਦੇਸ਼ ਮਜ਼ਬੂਤ ਬਣ ਸਕਦਾ ਹੈ

ਸੰਸਦ ਦਾ ਇਹ ਮਾਨਸੂਨ ਸੈਸ਼ਨ ਕੁਝ ਨਵੀਆਂ ਸੰਭਾਵਨਾਵਾਂ ਦੇ ਦੁਆਰ ਖੋਲ੍ਹੇ, ਦੇਸ਼-ਸਮਾਜ ਦੀਆਂ ਤਮਾਮ ਸਮੱਸਿਆਵਾਂ ਦੇ ਹੱਲ ਦਾ ਰਸਤਾ ਦਿਖਾਵੇ, ਮੂੰਹ ਅੱਡੀ ਖੜ੍ਹੀ ਮਹਿੰਗਾਈ, ਗਰੀਬੀ, ਅਨਪੜ੍ਹਤਾ, ਬੇਰੁਜ਼ਗਾਰੀ ਅਤੇ ਅਪਰਾਧਾਂ ’ਤੇ ਰੋਕ ਲਾਉਣ ਦਾ ਰੋਡਮੈਪ ਪੇਸ਼ ਕਰੇ, ਸਰਕਾਰ ਦੀਆਂ ਨਵੀਆਂ ਆਰਥਿਕ ਨੀਤੀਆਂ ਨਾਲ ਆਮ ਆਦਮੀ ਅਤੇ ਕਾਰੋਬਾਰੀਆਂ ਨੂੰ ਹੋ ਰਹੀਆਂ ਪ੍ਰੇਸ਼ਾਨੀਆਂ ਨੂੰ ਚੁੱਕੇ ਤਾਂ ਉਸ ਦੀ ਸਵੀਕਾਰਤਾ ਖੁਦ ਵਧ ਜਾਵੇਗੀ, ਸੈਸ਼ਨ ਖੁਦ ਸਕਾਰਾਤਮਕ ਹੋ ਜਾਵੇਗਾ ਵਪਾਰ, ਅਰਥਵਿਵਸਥਾ, ਬੇਰੁਜ਼ਗਾਰੀ, ਮਹਿੰਗਾਈ, ਪੇਂਡੂ ਜੀਵਨ ਅਤੇ ਕਿਸਾਨਾਂ ਦੀ ਖਰਾਬ ਸਥਿਤੀ ਦੀ ਵਿਰੋਧੀ ਧਿਰ ਨੂੰ ਜੇਕਰ ਚਿੰਤਾ ਹੈ ਤਾਂ ਇਸ ਨੂੰ ਸੈਸ਼ਨ ਦੀ ਕਾਰਵਾਈ ਵਿਚ ਦਿਸਣਾ ਚਾਹੀਦਾ ਹੈ

ਸਰਕਾਰ ਅਤੇ ਉਨ੍ਹਾਂ ਦੀ ਕਾਰਜਪ੍ਰਣਾਲੀ ਨੂੰ ਆਪਣੇ ਤਰਕਾਂ ਅਤੇ ਜਾਗਰੂਕਤਾ ਨਾਲ ਦਬਾਅ ’ਚ ਰੱਖਦੇ ਹੋਏ ਸਿਹਤ ਅਤੇ ਸ਼ਾਲੀਨ ਚਰਚਾਵਾਂ ਦਾ ਮਾਹੌਲ ਬਣਾਵੇ, ਆਪਣੀ ਜੀਵੰਤ ਅਤੇ ਪ੍ਰਭਾਵਸ਼ਾਲੀ ਭੂਮਿਕਾ ਨਾਲ ਸੱਤਾ ’ਤੇ ਦਬਾਅ ਬਣਾਉਣ, ਇਹੀ ਲੋਕਤੰਤਰ ਦੀ ਜੀਵੰਤਤਾ ਦਾ ਸਬੂਤ ਹੈ ਦੇਸ਼ ’ਚ ਦਰਜਨ ਭਰ ਤੋਂ ਵੀ ਜ਼ਿਆਦਾ ਵਿਰੋਧੀ ਪਾਰਟੀਆਂ ਕੋਲ ਕੋਈ ਠੋਸ ਅਤੇ ਬੁਨਿਆਦੀ ਮੁੱਦਾ ਨਹੀਂ ਰਿਹਾ ਹੈ, ਦੇਸ਼ ਨੂੰ ਬਣਾਉਣ ਦਾ ਸੰਕਲਪ ਨਹੀਂ ਹੈ, ਤਾਂ ਹੀ ਉਹ ਆਲੋਚਨਾ, ਸੁਚੱਜੀ ਸਮੀਖਿਆ ਅਤੇ ਸੰਵਾਦ ਦੀ ਥਾਂ ਟਕਰਾਅ, ਦੂਸ਼ਣਬਾਜ਼ੀ ਦਾ ਰਸਤਾ ਚੁਣਦੇ ਹਨ, ਜੋ ਵਿਰੋਧੀ ਧਿਰ ਦੀ ਅਗਵਾਈ ਦੀ ਬਿਡੰਬਨਾ ਅਤੇ ਵਿਕਾਰਾਂ ਨੂੰ ਹੀ ਉਜਾਗਰ ਕਰਦਾ ਹੈ

ਅਜਿਹਾ ਲੱਗ ਰਿਹਾ ਹੈ ਕਿ ਵਿਸ਼ਵ ਦੇ ਸਭ ਤੋਂ ਵੱਡੇ ਲੋਕਤੰਤਰ ਭਾਰਤ ’ਚ ਹੁਣ ਅਗਵਾਈ ਦੀ ਨੈਤਿਕਤਾ ਅਤੇ ਨੀਤੀਆਂ ਨੂੰ ਮੁੱਖ ਮੁੱਦਾ ਨਾ ਬਣਾਉਣ ਕਾਰਨ ਵਿਰੋਧੀ ਧਿਰ ਨਾਕਾਰਾ ਸਾਬਤ ਹੋ ਰਿਹਾ ਹੈ, ਆਪਣੀ ਪਾਤਰਤਾ ਨੂੰ ਗੁਆ ਰਿਹਾ ਹੈ, ਇਹੀ ਕਾਰਨ ਹੈ ਕਿ ਨਾ ਵਿਰੋਧੀ ਧਿਰ ਸਾਰਥਿਕ ਅਤੇ ਜ਼ਰੂਰੀ ਮੁੱਦੇ ਉਠਾ ਰਿਹਾ ਹੈ ਅਤੇ ਨਾ ਹੀ ਸਾਰਥਿਕ ਵਿਰੋਧੀ ਧਿਰ ਦਾ ਅਹਿਸਾਸ ਕਰਵਾ ਰਿਹਾ ਹੈ ਵਿਰੋਧੀ ਧਿਰ ਨੇ ਮਜ਼ਬੂਤੀ ਨਾਲ ਆਪਣੀ ਸਾਰਥਿਕ ਅਤੇ ਪ੍ਰਭਾਵੀ ਭੂਮਿਕਾ ਦਾ ਪਾਲਣ ਨਾ ਕੀਤਾ ਤਾਂ ਉਸ ਦੇ ਸਾਹਮਣੇ ਅੱਗੇ ਹਨ੍ਹੇਰਾ ਹੀ ਹਨ੍ਹੇਰਾ ਹੈ, ਜੋ ਭਾਰਤੀ ਲੋਕਤੰਤਰ ਲਈ ਵੀ ਸ਼ੁੱਭ ਦਾ ਸੂਚਕ ਨਹੀਂ ਹੈ

ਲਲਿਤ ਗਰਗ

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

ਸੰਸਦ ਦਾ ਮਾਨਸੂਨ ਸੈਸ਼ਨ 18 ਜੁਲਾਈ ਤੋਂ

(ਸੱਚ ਕਹੂੰ ਨਿਊਜ਼)
ਨਵੀਂ ਦਿੱਲੀ। ਰਾਸ਼ਟਰਪਤੀ ਰਾਮ ਨਾਥ ਕੋਵਿੰਦ ਨੇ 18 ਜੁਲਾਈ ਤੋਂ ਸੰਸਦ ਦਾ ਮਾਨਸੂਨ ਸੈਸ਼ਨ ਬੁਲਾਉਣ ਦੀ ਮਨਜ਼ੂਰੀ ਦੇ ਦਿੱਤੀ ਹੈ। ਲੋਕ ਸਭਾ ਅਤੇ ਰਾਜ ਸਭਾ ਸਕੱਤਰੇਤ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਮਾਨਸੂਨ ਸੈਸ਼ਨ 18 ਜੁਲਾਈ ਨੂੰ ਸ਼ੁਰੂ ਹੋਵੇਗਾ ਅਤੇ 12 ਅਗਸਤ ਤੱਕ ਚੱਲੇਗਾ। ਲੋਕ ਸਭਾ ਸਕੱਤਰੇਤ ਨੇ ਅੱਜ ਇੱਕ ਨੋਟੀਫਿਕੇਸ਼ਨ ਜਾਰੀ ਕਰਦਿਆਂ ਕਿਹਾ ਕਿ ਰਾਸ਼ਟਰਪਤੀ ਨੇ ਸੰਵਿਧਾਨ ਦੇ ਅਨੁਛੇਦ 85 ਦੀ ਧਾਰਾ 1 ਵਿੱਚ ਦਿੱਤੀਆਂ ਸ਼ਕਤੀਆਂ ਦੀ ਵਰਤੋਂ ਕਰਦੇ ਹੋਏ ਮਾਨਸੂਨ ਸੈਸ਼ਨ ਬੁਲਾਉਣ ਲਈ ਆਪਣੀ ਸਹਿਮਤੀ ਦੇ ਦਿੱਤੀ ਹੈ। ਰਾਜ ਸਭਾ ਸਕੱਤਰੇਤ ਵੱਲੋਂ ਦਿੱਤੀ ਗਈ ਜਾਣਕਾਰੀ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਸਦਨ ਦਾ 257ਵਾਂ ਸੈਸ਼ਨ 18 ਜੁਲਾਈ ਤੋਂ ਸ਼ੁਰੂ ਹੋਵੇਗਾ ਅਤੇ 12 ਅਗਸਤ ਤੱਕ ਚੱਲੇਗਾ। ਇਤਫ਼ਾਕ ਦੀ ਗੱਲ ਹੈ ਕਿ ਰਾਸ਼ਟਰਪਤੀ ਦੀ ਚੋਣ ਲਈ ਵੀ 18 ਜੁਲਾਈ ਨੂੰ ਵੋਟਿੰਗ ਹੋਣੀ ਹੈ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

ਹਰਿਆਣਾ ਵਿਧਾਨ ਸਭਾ ਦਾ ਮਾਨਸੂਨ ਸੈਸ਼ਨ 20 ਤੋਂ

ਚੰਡੀਗੜ੍ਹ (ਸੱਚ ਕਹੂੰ ਨਿਊਜ਼)। ਹਰਿਆਣਾ ਵਿਧਾਨ ਸਭਾ ਦਾ ਮਾਨਸੂਨ ਸੈਸ਼ਨ 20 ਅਗਸਤ ਤੋਂ ਸ਼ੁਰੂ ਹੋਣ ਵਾਲਾ ਹੈ। ਸੈਸ਼ਨ ਦੇ ਪ੍ਰਸ਼ਨ ਕਾਲ ਵਿੱਚ ਪ੍ਰਸ਼ਨਾਂ ਦੀ ਚੋਣ ਕਰਨ ਲਈ ਪਹਿਲੇ ਤਿੰਨ ਦਿਨਾਂ ਲਈ ਡਰਾਅ ਆਯੋਜਿਤ ਕੀਤੇ ਗਏ ਸਨ। ਇਸ ਦੌਰਾਨ, ਤਾਰਾਬੱਧ ਪ੍ਰਸ਼ਨਾਂ ਲਈ 60 ਵਿਧਾਇਕਾਂ ਦੇ ਨਾਵਾਂ ਦੀਆਂ ਪਰਚੀਆਂ ਕਢੱੀਆਂ ਗਈਆਂ। ਇਸ ਦੌਰਾਨ ਵਿਧਾਨ ਸਭਾ ਦੇ ਸਪੀਕਰ ਗਿਆਨ ਚੰਦ ਗੁਪਤਾ, ਡਿਪਟੀ ਸਪੀਕਰ ਰਣਬੀਰ ਸਿੰਘ ਗੰਗਵਾ, ਕਾਂਗਰਸੀ ਵਿਧਾਇਕ ਵWਣ ਚੌਧਰੀ, ਵਿਧਾਨ ਸਭਾ ਸਕੱਤਰ ਰਾਜਿੰਦਰ ਨੰਡਲ ਸਮੇਤ ਵਿਧਾਨ ਸਭਾ ਦੇ ਸੀਨੀਅਰ ਅਧਿਕਾਰੀ ਮੌਜੂਦ ਸਨ।

ਵਿਧਾਨ ਸਭਾ ਸਕੱਤਰੇਤ ਨੂੰ ਮਾਨਸੂਨ ਸੈਸ਼ਨ ਲਈ 47 ਵਿਧਾਇਕਾਂ ਤੋਂ 238 ਤਾਰਾਬੱਧ ਅਤੇ 120 ਤਾਰਾ ਰਹਿਤ ਪ੍ਰਸ਼ਨ ਨੋਟਿਸ ਪ੍ਰਾਪਤ ਹੋਏ ਹਨ। ਇਹ ਧਿਆਨ ਦੇਣ ਯੋਗ ਹੈ ਕਿ ਵਿਧਾਨ ਸਭਾ ਦੇ ਸੰਮੇਲਨ ਦੇ ਅਨੁਸਾਰ, ਦਿਨ ਦਾ ਪਹਿਲਾ ਘੰਟਾ ਸੈਸ਼ਨ ਦੇ ਦੌਰਾਨ ਪ੍ਰਸ਼ਨ ਕਾਲ ਲਈ ਹੁੰਦਾ ਹੈ। ਇਸ ਦੌਰਾਨ, ਵਿਧਾਇਕ ਆਪਣੇ ਸਵਾਲਾਂ ਨੂੰ ਸਦਨ ਵਿੱਚ ਰੱਖਦੇ ਹਨ ਅਤੇ ਸਬੰਧਤ ਮੰਤਰੀ ਸਰਕਾਰ ਵੱਲੋਂ ਉਨ੍ਹਾਂ ਦੇ ਜਵਾਬ ਦਿੰਦੇ ਹਨ। ਨਵੀਂ ਪ੍ਰਣਾਲੀ ਵਿੱਚ, ਡਰਾਅ ਸੱਤਾਧਾਰੀ ਪਾਰਟੀ ਅਤੇ ਵਿਰੋਧੀ ਧਿਰ ਦੇ ਵਿਧਾਇਕਾਂ ਦੀ ਮੌਜੂਦਗੀ ਵਿੱਚ ਕੀਤਾ ਜਾਂਦਾ ਹੈ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, linkedin , YouTube‘ਤੇ ਫਾਲੋ ਕਰੋ

ਮੌਨਸੂਨ ਸੈਸ਼ਨ : ਪੇਗਾਸਸ ’ਤੇ ਚਰਚਾ ਦੀ ਮੰਗ ’ਤੇ ਅੜੀ ਕਾਂਗਰਸ

ਨਵੀਂ ਦਿੱਲੀ (ਏਜੰਸੀ)। ਮੌਨਸੂਨ ਸੈਸ਼ਨ ਦਾ ਇਹ ਆਖਰੀ ਹਫ਼ਤਾ ਹੈ ਹਾਲਾਂਕਿ ਪੇਗਾਸਸ ’ਤੇ ਚਰਚਾ ਦੀ ਮੰਗ ਸਬੰਘੀ ਵਿਰੋਧੀਆਂ ਦਾ ਹੰਗਾਮਾ ਲਗਾਤਾਰ ਦੋਵੇਂ ਸਦਨਾਂ ਦੀ ਕਾਰਵਾਈ ਪ੍ਰਭਾਵਿਤ ਕਰ ਰਿਹਾ ਹੈ ਇੱਕ ਪਾਸੇ ਜਿੱਥੇ ਕਾਂਗਰਸ ਨੇ ਸਾਫ਼ ਕਿਹਾ ਹੈ ਕਿ ਵਿਰੋਧੀ ਆਪਣੀ ਮੰਗ ਤੋਂ ਪਿੱਛੇ ਨਹੀਂ ਹਟੇਗਾ ਤਾਂ ਉੱਥੇ ਦੂਜੇ ਪਾਸੇ ਕੇਂਦਰ ਸਰਕਾਰ ਹੋਰ ਪੱਛੜਾ ਵਰਗ (ਓਬੀਸੀ) ਦੀ ਪਛਾਣ ਕਰਨ ਲਈ ਸੂਬਿਆਂ ਦੀ ਸ਼ਕਤੀ ਨੂੰ ਬਹਾਲ ਕਰਨ ਵਾਲਾ ਇੱਕ ਮਹੱਤਵਪੂਰਨ ਬਿੱਲ ਪੇਸ਼ ਕਰਨਾ ਚਾਹੁੰਦਾ ਹੈ । ਇਸ ਦੇ ਲਈ ਇੱਕ ਸੰਵਿਧਾਨਿਕ ਸੋਧ ਦੀ ਜ਼ਰੂਰਤ ਹੋਵੇਗੀ, ਜਿਸ ’ਚ ਘੱਟ ਤੋਂ ਘੱਟ 50 ਫੀਸਦੀ ਮੌਜ਼ੂਦਗੀ ਦੇ ਨਾਲ ਕਾਰਵਾਈ ਦੌਰਾਨ ਮੌਜ਼ੂਦ ਰਹਿਣ ਵਾਲੇ ਦੋ ਤਿਹਾਈ ਬਹੁਮਤ ਦੀ ਹਮਾਇਤ ਦੀ ਜ਼ਰੂਰਤ ਹੋਵੇਗੀ।

ਰਾਜ ਸਭਾ ’ਚ ਹੁਣ ਤੱਕ 60 ਘੰਟੇ 28 ਮਿੰਟ ਦਾ ਸਮਾਂ ਬਰਬਾਦ ਹੋਇਆ

ਰਾਜ ਸਭਾ ’ਚ ਤੀਜੇ ਹਫ਼ਤੇ ਹੰਗਾਮੇ ਕਾਰਨ 21 ਘੰਟੇ 36 ਮਿੰਟਾਂ ਦਾ ਸਮਾਂ ਬਰਬਾਦ ਹੋਇਆ ਹੈ ਅੰਕੜਿਆਂ ਅਨੁਸਾਰ ਮੌਨਸੂਨ ਸੈਸ਼ਨ ਸ਼ੁਰੂ ਹੋਣ ਤੱਕ ਕੁੱਲ 78 ਘੰਟੇ 30 ਮਿੰਟਾਂ ਦੇ ਸਮੇਂ ’ਚ 60 ਘੰਟੇ 28 ਮਿੰਟ ਹੰਗਾਮੇ ਦੀ ਵਜ੍ਹਾ ਕਾਰਨ ਬਰਬਾਦ ਹੋਏ ਹਨ। ਅਧਿਕਾਰੀਆਂ ਨੇ ਦੱਸਿਆ ਕਿ ਬੀਤੇ ਤਿੰਨ ਹਫ਼ਤਿਆਂ ਦੌਰਾਨ ਸਦਨ ’ਚ ਕੁੱਲ 17 ਘੰਟੇ 44 ਮਿੰਟ ਕੰਮ ਹੋਇਆ ਹੈ ਜਿਨ੍ਹਾਂ ’ਚੋਂ ਚਾਰ ਘੰਟੇ 49 ਮਿੰਟ ਸਰਕਾਰੀ ਬਿੱਲਾਂ ’ਤੇ ਖਰਚ ਹੋਇਆ, ਤਿੰਨ ਘੰਟੇ 19 ਮਿੰਟ ਪ੍ਰਸ਼ਨਕਾਲ ’ਚ ਬਤੀਤ ਹੋਏ ਤੇ ਚਾਰ ਘੰਟੇ 37 ਮਿੰਟਾਂ ’ਚ ਕੋਵਿਡ-19 ਸਬੰਧੀ ਮੁੱਦਿਆਂ ’ਤੇ ਛੋਟੀ ਚਰਚਾ ਹੋਈ।

ਛੇ ਬਿੱਲ ਪੇਸ਼ ਕਰੇਗੀ ਸਰਕਾਰ

ਲੋਕ ਸਭਾ ’ਚ ਕੁੱਲ 6 ਬਿੱਲ ਪੇਸ਼ ਕੀਤੇ ਜਾਣੇ ਹਨ ਇਨ੍ਹਾਂ ’ਚ ਓਬੀਸੀ ਰਾਖਵਾਂਕਰਨ ਬਿੱਲ ਤੋਂ ਇਲਾਵਾ ਲਿਮਟਿਡ ਲਾਈਬਿਲੀਟੀ ਪਾਟਰਨਰਸ਼ਿਪ ਬਿੱਲ, ਡਿਪਾਜਿਟ ਤੇ ਇੰਸਓਰੇਂਸ ਕ੍ਰੇਡਿਟ ਗਾਰੰਟੀ ਬਿੱਲ, ਨੈਸ਼ਨਲ ਕਮਿਸ਼ਨ ਫਾਰ ਹੋਮਓਪੈਥੀ ਬਿੱਲ, ਨੈਸ਼ਨਲ ਕਮਿਸ਼ਨ ਫਾਰ ਇੰਡੀਅਨ ਸਿਸਟਮ ਫਾਰ ਮੈਡੀਸੀਨ ਬਿੱਲ ਤੇ ਦ ਕਾਂਸਟੀਟਿਊਸ਼ਨ ਏਮੇਂਡਮੇਂਟ ਸ਼ਿਡਿਊਲ ਟ੍ਰਾਈਬਸ ਆਰਡਰ ਬਿੱਲ ਸ਼ਾਮਲ ਹਨ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

ਮਾਨਸੂਨ ਸੈਸ਼ਨ : ਸਰਕਾਰ ਪੇਸ਼ ਕਰੇਗੀ ਅੱਜ 5 ਹੋਰ ਬਿੱਲ

ਨਵੀਂ ਦਿੱਲੀ (ਸੱਚ ਕਹੂੰ ਨਿਊਜ਼)। ਪਿਛਲੇ ਕਈ ਦਿਨਾਂ ਤੋਂ, ਪੇਗਾਸਸ ਜਾਸੂਸੀ ਮਾਮਲੇ ਅਤੇ ਹੋਰ ਮੁੱਦਿਆਂ ਨੂੰ ਲੈ ਕੇ ਵਿਰੋਧੀ ਧਿਰ ਦੇ ਹੰਗਾਮੇ ਕਾਰਨ ਦੋਵਾਂ ਸਦਨਾਂ ਵਿੱਚ ਕਾਰਵਾਈ ਨਹੀਂ ਹੋ ਸਕੀ। ਸਦਨ ਦੀ ਕਾਰਵਾਈ ਸ਼ੁਰੂ ਹੁੰਦੇ ਹੀ ਵਿਰੋਧੀ ਧਿਰ ਦਾ ਹੰਗਾਮਾ ਸ਼ੁਰੂ ਹੋ ਜਾਂਦਾ ਹੈ। ਇਸ ਦੇ ਨਾਲ ਹੀ ਪ੍ਰਧਾਨ ਮੰਤਰੀ ਕੋਰ ਗਰੁੱਪ ਨਾਲ ਮੁਲਾਕਾਤ ਕਰ ਰਹੇ ਹਨ। ਰੱਖਿਆ ਮੰਤਰੀ ਰਾਜਨਾਥ ਸਿੰਘ, ਨਿਤਿਨ ਗਡਕਰੀ, ਪੀਯੂਸ਼ ਗੋਇਲ, ਨਿਰਮਲਾ ਸੀਤਾਰਮਨ, ਅਨੁਰਾਗ ਠਾਕੁਰ ਅਤੇ ਸੰਸਦੀ ਕਾਰਜ ਮੰਤਰੀ ਜੋਸ਼ੀ ਮੀਟਿੰਗ ਵਿੱਚ ਮੌਜੂਦ ਹਨ। ਬੈਠਕ ’ਚ ਸੰਸਦ ਦੇ ਕੰਮਕਾਜ ਅਤੇ ਰਣਨੀਤੀ ’ਤੇ ਚਰਚਾ ਕੀਤੀ ਜਾ ਰਹੀ ਹੈ।

ਦਿੱਲੀ ਦੀ ਬੱਚੀ ਦਾ ਮੁੱਦਾ ਅੱਜ ਸੰਸਦ ਵਿੱਚ ਉੱਠ ਸਕਦਾ ਹੈ

ਦੇਸ਼ ਦੀ ਰਾਜਧਾਨੀ ਦਿੱਲੀ ਵਿੱਚ 9 ਸਾਲਾ ਬੱਚੀ ਨਾਲ ਦੁਰਾਚਾਰ ਅਤੇ ਮੌਤ ਦਾ ਮਾਮਲਾ ਸੰਸਦ ਵਿੱਚ ਵੀ ਉੱਠ ਸਕਦਾ ਹੈ। ਅੱਜ ਸਵੇਰੇ ਰਾਹੁਲ ਗਾਂਧੀ ਲੜਕੀ ਦੇ ਪਰਿਵਾਰ ਨੂੰ ਮਿਲੇ ਹਨ। ।

ਸਰਕਾਰ ਅੱਜ ਰਾਜ ਸਭਾ ਵਿੱਚ 5 ਬਿੱਲ ਪੇਸ਼ ਕਰੇਗੀ

ਸਰਕਾਰ ਅੱਜ ਰਾਜ ਸਭਾ ਵਿੱਚ ਪੰਜ ਬਿੱਲ ਪੇਸ਼ ਕਰੇਗੀ। ਇਹ ਬਿੱਲ ਸੀਮਤ ਦੇਣਦਾਰੀ ਭਾਈਵਾਲੀ (ਸੋਧ) ਬਿੱਲ 2021, ਡਿਪਾਜ਼ਿਟ ਬੀਮਾ ਅਤੇ ਕ੍ਰੈਡਿਟ ਗਾਰੰਟੀ ਕਾਰਪੋਰੇਸ਼ਨ (ਸੋਧ) ਬਿੱਲ 2021, ਸੰਵਿਧਾਨ (ਅਨੁਸੂਚਿਤ ਜਨਜਾਤੀ) ਆਦੇਸ਼ (ਸੋਧ) ਬਿੱਲ 2021, ਏਅਰਪੋਰਟਸ ਇਕਨਾਮਿਕ ਰੈਗੂਲੇਟਰੀ ਅਥਾਰਟੀ ਆਫ਼ ਇੰਡੀਆ ਸੋਧ) ਬਿੱਲ 2021, ਆਮ ਬੀਮਾ ਕਾਰੋਬਾਰ ਹਨ। (ਰਾਸ਼ਟਰੀਕਰਨ)।) ਸੋਧ ਬਿੱਲ 2021 ਵਿੱਤ ਮੰਤਰਾਲੇ ਨਾਲ ਜੁੜੇ ਤਿੰਨ ਬਿੱਲ ਨਿਰਮਲਾ ਸੀਤਾਰਮਨ ਦੁਆਰਾ ਪੇਸ਼ ਕੀਤੇ ਜਾਣਗੇ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, linkedin , YouTube‘ਤੇ ਫਾਲੋ ਕਰੋ

ਮਾਨਸੂਨ ਸੈਸ਼ਨ : ਪੇਗਾਸਸ ਜਾਸੂਸੀ ਮਾਮਲੇ ‘ਤੇ ਅੱਜ ਫਿਰ ਹੰਗਾਮੇ ਦੇ ਆਸਾਰ

ਨਵੀਂ ਦਿੱਲੀ (ਸੱਚ ਕਹੂੰ ਨਿਊਜ਼)। ਸੰਸਦ ਦਾ ਮਾਨਸੂਨ ਸੈਸ਼ਨ ਚੱਲ ਰਿਹਾ ਹੈ ਅਤੇ ਪਿਛਲੇ ਹਫਤੇ ਵੀ, ਵਿਰੋਧੀ ਧਿਰ ਨੇ ਪੇਗਾਸਸ ਜਾਸੂਸੀ, ਖੇਤੀਬਾੜੀ ਕਾਨੂੰਨਾਂ ਅਤੇ ਮਹਿੰਗਾਈ ਦੇ ਮੁੱਦੇ ਤੇ ਸੰਸਦ ਵਿੱਚ ਹੰਗਾਮਾ ਕੀਤਾ ਸੀ, ਜਿਸ ਕਾਰਨ ਸਦਨ ਦੀ ਕਾਰਵਾਈ ਨਹੀਂ ਚੱਲ ਸਕੀ। ਅੱਜ ਵੀ ਵਿਰੋਧੀ ਧਿਰ ਜਾਸੂਸੀ ਮਾਮਲੇ ਤੇ ਚਰਚਾ ਦੀ ਮੰਗ ਨਾਲ ਉਤਰ ਰਹੀ ਹੈ। ਕਾਂਗਰਸ ਦੇ ਦੋ ਸੰਸਦ ਮੈਂਬਰਾਂ ਨੇ ਮੁਲਤਵੀ ਪ੍ਰਸਤਾਵ ਦੇ ਕੇ ਲੋਕ ਸਭਾ ਵਿੱਚ ਇਸ ਮੁੱਦੇ ਤੇ ਚਰਚਾ ਦੀ ਮੰਗ ਕੀਤੀ ਹੈ। ਇਸ ਵਿਵਾਦ ਤੇ ਪ੍ਰਧਾਨ ਮੰਤਰੀ ਦੀ ਮੌਜੂਦਗੀ ਚ ਚਰਚਾ ਦੀ ਮੰਗ ਕੀਤੀ ਗਈ ਹੈ।

ਖੜਗੇ ਨੇ ਕਿਹਾ ਕਿ ਸਰਕਾਰ ਪੇਗਾਸਸ ਤੇ ਚਰਚਾ ਨਹੀਂ ਚਾਹੁੰਦੀ

ਰਾਜ ਸਭਾ ਵਿੱਚ ਵਿਰੋਧੀ ਧਿਰ ਦੇ ਨੇਤਾ ਮਲਿਕਾਰਜੁਨ ਖੜਗੇ ਨੇ ਕਿਹਾ ਕਿ ਸੈਸ਼ਨ ਨਾ ਚੱਲਣ ਲਈ ਸਰਕਾਰ ਜ਼ਿੰਮੇਵਾਰ ਹੈ। ਉਨ੍ਹਾਂ ਕਿਹਾ ਕਿ ਸਰਕਾਰ ਨਹੀਂ ਚਾਹੁੰਦੀ ਕਿ ਇਸ ਮਾਮਲੇ ਤੇ ਚਰਚਾ ਹੋਵੇ, ਸਰਕਾਰ ਸਿਰਫ ਇਹ ਚਾਹੁੰਦੀ ਹੈ ਕਿ ਅਜਿਹੇ ਬਿੱਲ ਪਾਸ ਕੀਤੇ ਜਾਣ ਅਤੇ ਮਹਿੰਗਾਈ, ਕੋਵਿਡ, ਰਾਫੇਲ ਵਰਗੇ ਮੁੱਦੇ ਪਿੱਛੇ ਰਹਿ ਜਾਣ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, linkedin , YouTube‘ਤੇ ਫਾਲੋ ਕਰੋ

ਮਾਨਸੂਨ ਸੈਸ਼ਨ : ਸੰਸਦ ਵਿੱਚ ਭਾਜਪਾ ਸੰਸਦੀ ਦਲ ਦੀ ਬੈਠਕ ਸ਼ੁਰੂ, ਪ੍ਰਧਾਨ ਮੰਤਰੀ ਮੌਜੂਦ

ਨਵੀਂ ਦਿੱਲੀ (ਸੱਚ ਕਹੂੰ ਨਿਊਜ਼)। ਮੰਗਲਵਾਰ ਮੌਨਸੂਨ ਸੈਸ਼ਨ ਦਾ ਦੂਜਾ ਦਿਨ ਹੈ। ਕੱਲ੍ਹ ਫੋਨ ਹੈਕਿੰਗ ਦੇ ਮਾਮਲੇ ਨੂੰ ਲੈ ਕੇ ਸੰਸਦ ਵਿੱਚ ਕਾਫ਼ੀ ਹੰਗਾਮਾ ਹੋਇਆ ਸੀ। ਹੰਗਾਮੇ ਕਾਰਨ ਸੰਸਦੀ ਕਾਰਵਾਈ ਮੁਲਤਵੀ ਕਰਨੀ ਪਈ। ਵਿਰੋਧੀ ਧਿਰ ਅੱਜ ਫਿਰ ਫੋਨ ਹੈਕਿੰਗ ਮਾਮਲੇ ਤੇ ਹੰਗਾਮਾ ਪੈਦਾ ਕਰ ਸਕਦਾ ਹੈ। ਸੰਸਦ ਦੀ ਕਾਰਵਾਈ ਸ਼ੁਰੂ ਹੋਣ ਤੋਂ ਪਹਿਲਾਂ ‘ਆਪ’ ਦੇ ਸੰਸਦ ਮੈਂਬਰ ਸੰਜੇ ਸਿੰਘ ਨੇ ਰਾਜ ਸਭਾ ਵਿੱਚ ਰਾਜ ਸਭਾ ਪੇਗਾਸਸ ਪ੍ਰੋਜੈਕਟ ਮੀਡੀਆ ਰਿਪੋਰਟ ਵਿੱਚ ਜ਼ੀਰੋ ਅਵਰ ਨੋਟਿਸ ਦਿੱਤਾ ਹੈ। ਇਸ ਦੇ ਨਾਲ ਹੀ ਭਾਜਪਾ ਪਾਰਲੀਮਾਨੀ ਪਾਰਟੀ ਦੀ ਬੈਠਕ ਸੰਸਦ ਭਵਨ ਵਿੱਚ ਸ਼ੁਰੂ ਹੋਈ ਜਿਸ ਵਿੱਚ ਪ੍ਰਧਾਨ ਮੰਤਰੀ ਵੀ ਮੌਜੂਦ ਹਨ।

ਕੱਲ੍ਹ ਹੋਈ ਹੰਗਾਮੇ ਕਾਰਨ ਪ੍ਰਧਾਨ ਮੰਤਰੀ ਨਵੇਂ ਮੰਤਰੀਆਂ ਨੂੰ ਪੇਸ਼ ਨਹੀਂ ਕਰ ਸਕੇ

ਸੰਸਦ ਦੇ ਮਾਨਸੂਨ ਸੈਸ਼ਨ ਦੇ ਪਹਿਲੇ ਦਿਨ ਲੋਕ ਸਭਾ ਵਿੱਚ ਹੋਈ ਹੰਗਾਮੇ ਕਾਰਨ, ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸਦਨ ਵਿੱਚ ਆਪਣੀ ਮੰਤਰੀ ਮੰਡਲ ਵਿੱਚ ਨਵੇਂ ਮੰਤਰੀਆਂ ਨੂੰ ਰਸਮੀ ਤੌਰ ‘ਤੇ ਪੇਸ਼ ਨਹੀਂ ਕਰ ਸਕੇ ਅਤੇ ਉਨ੍ਹਾਂ ਨੂੰ ਪੇਸ਼ ਕਰਨ ਦੇ ਦਸਤਾਵੇਜ਼ ਰੱਖਣੇ ਪਏ। ਸਦਨ ਦੀ ਮੇਜ਼ ਤੇ ਮੰਤਰੀ ਜਿਵੇਂ ਹੀ ਸਦਨ ਵਿੱਚ 11 ਦੀ ਕਾਰਵਾਈ ਸ਼ੁਰੂ ਹੋਈ, ਪਹਿਲਾਂ ਰਾਸ਼ਟਰੀ ਗਾਨ ਵਜਾਇਆ ਗਿਆ ਅਤੇ ਫਿਰ ਨਵੇਂ ਚੁਣੇ ਗਏ ਮੈਂਬਰਾਂ ਨੂੰ ਸਹੁੰ ਚੁਕਾਈ ਗਈ।

ਇਸ ਤੋਂ ਬਾਅਦ ਸਪੀਕਰ ਓਮ ਬਿਰਲਾ ਨੇ ਪ੍ਰਧਾਨ ਮੰਤਰੀ ਨੂੰ ਨਵੇਂ ਮੰਤਰੀਆਂ ਨੂੰ ਸਦਨ ਵਿਚ ਜਾਣ ਦੀ ਮੰਗ ਕੀਤੀ। ਪਰ ਵਿਰੋਧੀ ਮੈਂਬਰਾਂ ਨੇ ਹੰਗਾਮਾ ਸ਼ੁਰੂ ਕਰ ਦਿੱਤਾ। ਤਿੰਨ ਖੇਤੀਬਾੜੀ ਕਾਨੂੰਨਾਂ ਨੂੰ ਵਾਪਸ ਲੈਣ ਦੀ ਮੰਗ ਨੂੰ ਲੈ ਕੇ ਹੋਏ ਹੰਗਾਮੇ ਦੇ ਵਿਚਕਾਰ ਸਪੀਕਰ ਨੇ ਵਿਰੋਧੀ ਧਿਰ ਦੇ ਮੈਂਬਰਾਂ ਨੂੰ ਅਪੀਲ ਕੀਤੀ ਕਿ ਸਦਨ ਦੀ ਇੱਜ਼ਤ ਅਤੇ ਰਵਾਇਤ ਉੱਚੀ ਹੈ। ਇਸ ਨੂੰ ਨਾ ਤੋੜੋ, ਪਰੰਪਰਾ ਦੀ ਇੱਜ਼ਤ ਨੂੰ ਘੱਟ ਨਾ ਕਰੋ।

ਕਾਂਗਰਸ ਨੇ ਕੱਲ੍ਹ ਸਰਕਾਰ ‘ਤੇ ਵੱਡਾ ਦੋਸ਼ ਲਗਾਇਆ ਸੀ: ਰਾਹੁਲ ਗਾਂਧੀ ਦਾ ਫੋਨ ਟੈਪਿੰਗ

ਕਾਂਗਰਸ ਦੇ ਬੁਲਾਰੇ ਰਣਦੀਪ ਸੁਰਜੇਵਾਲਾ ਨੇ ਕਿਹਾ ਕਿ ਸਰਕਾਰ ਨੂੰ ਰਾਹੁਲ ਗਾਂਧੀ ਸਮੇਤ ਉਨ੍ਹਾਂ ਦੇ ਆਪਣੇ ਮੰਤਰੀ ਮੰਡਲ ਵਿੱਚ ਬੈਠੇ ਮੰਤਰੀਆਂ ਦੇ ਫੋਨ ਟੈਪਿੰਗ ਮਿਲ ਗਈ ਹੈ। ਉਨ੍ਹਾਂ ਕੇਂਦਰ ਸਰਕਾਰ ’ਤੇ ਨਾਗਰਿਕਾਂ ਦੇ ਬੁਨਿਆਦੀ ਅਧਿਕਾਰਾਂ ਨੂੰ ਦਬਾਉਣ ਦਾ ਦੋਸ਼ ਲਾਉਂਦਿਆਂ ਕਿਹਾ ਕਿ ਕੇਂਦਰ ਨੇ ਦੇਸ਼ ਦੀ ਸੁਰੱਖਿਆ ਨਾਲ ਖੇਡਣ ਦਾ ਕੰਮ ਕੀਤਾ ਹੈ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, linkedin , YouTube‘ਤੇ ਫਾਲੋ ਕਰੋ

19 ਜੁਲਾਈ ਤੋਂ 13 ਅਗਸਤ ਤੱਕ ਚੱਲੇਗਾ ਸੰਸਦ ਦਾ ਮਾਨਸੂਨ ਸੈਸ਼ਨ

ਨਵੀਂ ਦਿੱਲੀ (ਸੱਚ ਕਹੂੰ ਨਿਊਜ਼)। ਲੋਕ ਸਭਾ ਸਪੀਕਰ ਓਮ ਬਿਰਲਾ ਨੇ 19 ਜੁਲਾਈ ਤੋਂ ਸੰਸਦ ਦੇ ਆਉਣ ਵਾਲੇ ਮੌਨਸੂਨ ਸੈਸ਼ਨ ਦੀਆਂ ਤਿਆਰੀਆਂ ਦਾ ਜਾਇਜ਼ਾ ਲਿਆ। ਉਨ੍ਹਾਂ ਕਿਹਾ ਕਿ ਸੰਸਦ ਦਾ ਮਾਨਸੂਨ ਸੈਸ਼ਨ 19 ਜੁਲਾਈ ਤੋਂ 13 ਅਗਸਤ ਤੱਕ ਹੋਵੇਗਾ। ਇਹ 19 ਕਾਰੋਬਾਰੀ ਦਿਨ ਲਵੇਗਾ। ਲੋਕ ਸਭਾ ਸਪੀਕਰ ਓਮ ਬਿਰਲਾ ਨੇ ਕਿਹਾ ਕਿ ਕੋਵਿਡ ਦੇ ਨਿਯਮਾਂ ਅਨੁਸਾਰ ਸਾਰੇ ਮੈਂਬਰਾਂ ਅਤੇ ਮੀਡੀਆ ਨੂੰ ਇਜਾਜ਼ਤ ਦਿੱਤੀ ਜਾਵੇਗੀ। ਆਰਟੀਪੀਸੀਆਰ ਟੈਸਟ ਲਾਜ਼ਮੀ ਨਹੀਂ ਹੈ। ਪਰ ਅਸੀਂ ਉਨ੍ਹਾਂ ਲੋਕਾਂ ਨੂੰ ਬੇਨਤੀ ਕਰਾਂਗੇ ਜਿਨ੍ਹਾਂ ਨੂੰ ਅਜੇ ਤੱਕ ਟੀਕਾ ਨਹੀਂ ਲਗਾਇਆ ਗਿਆ ਹੈ, ਟੈਸਟ ਕਰਵਾਉਣ ਲਈ। ਕੋਰੋਨਾ ਦੀ ਦੂਸਰੀ ਲਹਿਰ ਦੇ ਵਿਚਕਾਰ, ਸੈਸ਼ਨ ਦਾ ਆਯੋਜਨ ਕੋਵਿਡ ਪ੍ਰੋਟੋਕੋਲ ਨੂੰ ਧਿਆਨ ਵਿੱਚ ਰੱਖਦਿਆਂ ਕੀਤਾ ਜਾਵੇਗਾ। ਪਿਛਲੇ ਸੈਸ਼ਨ ਦੀ ਤਰ੍ਹਾਂ, ਸੰਸਦ ਮੈਂਬਰਾਂ ਨੂੰ ਸਮਾਜਿਕ ਦੂਰੀਆਂ ਦੇ ਅਧਾਰ ਤੇ ਬਿਠਾਉਣ ਦੇ ਪ੍ਰਬੰਧ ਕੀਤੇ ਜਾ ਰਹੇ ਹਨ।

ਸੰਸਦ ਅਤੇ ਅਸੈਂਬਲੀਆਂ ਇਕ ਡਿਜੀਟਲ ਪਲੇਟਫਾਰਮ ਤੇ ਆਉਣਗੀਆਂ

ਇਕੋ ਡਿਜੀਟਲ ਪਲੇਟਫਾਰਮ ‘ਤੇ ਲੋਕ ਸਭਾ ਅਤੇ ਸਾਰੀਆਂ ਰਾਜ ਅਸੈਂਬਲੀਜ਼ ਲਿਆਉਣ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ। ਸਦਨ ਦੀ ਕਾਰਵਾਈ ਅਤੇ ਹਰ ਕਿਸਮ ਦੀ ਸਮੱਗਰੀ ਦਾ ਸਿੱਧਾ ਪ੍ਰਸਾਰਣ ਇੰਟਰਨੈਟ ਅਤੇ ਮੋਬਾਈਲ ਐਪ ਤੇ ਦੇਸ਼ ਦੀ ਜਨਤਾ ਕਿਸੇ ਵੀ ਸਮੇਂ ਵੇਖ ਸਕਦਾ ਹੈ। ਲੋਕ ਸਭਾ ਸਪੀਕਰ ਓਮ ਬਿਰਲਾ ਨੇ ਇਥੇ ਇੱਕ ਪ੍ਰੈਸ ਕਾਨਫਰੰਸ ਵਿੱਚ ਕਿਹਾ ਕਿ ਲੋਕ ਸਭਾ ਦੀ ਕਾਰਜ ਪ੍ਰਣਾਲੀ ਦਾ ਸਿੱਧਾ ਪ੍ਰਸਾਰਣ ਅਤੇ ਸਮੱਗਰੀ ਨੂੰ ਕਿਸੇ ਵੀ ਥਾਂ ਤੋਂ ਕਿਸੇ ਵੀ ਸਮੇਂ ਇੱਕ ਡਿਜੀਟਲ ਪਲੇਟਫਾਰਮ ਅਤੇ ਇੱਕ ਮੋਬਾਈਲ ਐਪ ਰਾਹੀਂ ਵੇਖਿਆ ਜਾ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਦੇਸ਼ ਦੀਆਂ ਵੱਖ ਵੱਖ ਰਾਜ ਵਿਧਾਨ ਸਭਾਵਾਂ ਦੀ ਕਾਰਵਾਈ ਅਤੇ ਸਮੱਗਰੀ ਨੂੰ ਵੀ ਇਸ ਡਿਜੀਟਲ ਪਲੇਟਫਾਰਮ ‘ਤੇ ਜੋੜਿਆ ਜਾਵੇਗਾ।

ਸ੍ਰੀ ਬਿਰਲਾ ਨੇ ਇੱਕ ਸਵਾਲ ਦੇ ਜਵਾਬ ਵਿੱਚ ਕਿਹਾ, ਅਸਾਮ ਵਿਧਾਨ ਸਭਾ ਦੇ ਸਪੀਕਰ ਹਿਤੇਸ਼ ਗੋਸਵਾਮੀ ਦੀ ਅਗਵਾਈ ਵਾਲੀ ਇੱਕ ਈ ਵਿਧਾਨ ਕਮੇਟੀ ਨੂੰ ਦੇਹਰਾਦੂਨ ਵਿੱਚ ਆਯੋਜਤ ਪ੍ਰਧਾਨਗੀ ਅਧਿਕਾਰੀਆਂ ਦੀ ਕਾਨਫਰੰਸ ਵਿੱਚ ਇਸ ਸਬੰਧ ਵਿੱਚ ਇੱਕ ਰਿਪੋਰਟ ਪੇਸ਼ ਕਰਨ ਲਈ ਕਿਹਾ ਗਿਆ। ਗੋਸਵਾਮੀ ਨੇ ਇਹ ਰਿਪੋਰਟ ਦਿੱਤੀ ਹੈ। ਇਸ ਰਿਪੋਰਟ ਤੇ ਪ੍ਰਵਾਨਗੀ 15 ਅਗਸਤ ਤੋਂ ਬਾਅਦ ਪ੍ਰੀਜ਼ਾਇਡਿੰਗ ਅਧਿਕਾਰੀਆਂ ਦੀ ਅਗਲੀ ਬੈਠਕ ਵਿਚ ਲਈ ਜਾਵੇਗੀ। ਇਸ ਤੋਂ ਬਾਅਦ ਇਸ ਨੂੰ ਜਲਦੀ ਹੀ ਲਾਗੂ ਕਰ ਦਿੱਤਾ ਜਾਵੇਗਾ। ਇਸ ਦੌਰਾਨ, ਇਸ ਪ੍ਰਸਤਾਵ ਨੂੰ ਲਾਗੂ ਕਰਨ ਲਈ ਇੱਕ ਕਾਰਜ ਯੋਜਨਾ ਤਿਆਰ ਕੀਤੀ ਗਈ ਹੈ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, linkedin , YouTube‘ਤੇ ਫਾਲੋ ਕਰੋ।

ਬੈਠਕਾਂ ਵਿੱਚ 761 ਘੰਟੇ ਹੋਇਆ ਕੰਮਕਾਜ, ਚਰਚਾ ਵਿੱਚ ਪਾਸ ਹੋਏ 14 ਬਿੱਲ

ਨਵੀਂ ਦਿੱਲੀ: ਲੋਕ ਸਭਾ ਦਾ ਮਾਨਸੂਨ ਸੈਸ਼ਨ ਸ਼ੁੱਕਰਵਾਰ ਨੂੰ ਅਣਮਿਥੇ ਸਮੇਂ ਲਈ ਮੁਲਤਵੀ ਕਰ ਦਿੱਤਾ ਗਿਆ। ਇਸ ਸੈਸ਼ਨ ਵਿੱਚ 19 ਬੈਠਕਾਂ ਵਿੱਚ ਕਰੀਬ 71 ਘੰਟੇ ਕੰਮ ਹੋਇਆ ਅਤੇ ਸਦਨ ਨੇ ਭਾਰਤੀ ਸੂਚਨਾ ਤਕਨਾਲੋਜੀ ਸੰਸਥਾ (ਪੀਪੀਪੀ) ਬਿੱਲ, 2017, ਕੰਪਨੀ ਸੋਧ ਬਿੱਲ 2016 ਵਰਗੇ ਕੁਝ ਮਹੱਤਵਪੂਰਨ ਬਿੱਲਾਂ ਸਮੇਤ 14 ਬਿੱਲ ਪਾਸ ਕੀਤੇ।

ਰੌਲੇ-ਰੱਖੇ ‘ਚ ਹੋਏ 30 ਘੰਟੇ ਬਰਬਾਦ

ਉੱਥੇ ਸਦਨ ਵਿੱਚ ਮੈਂਬਰਾਂ ਦੀ ਰੁਕਾਵਟ ਕਾਰਨ ਕੰਮਕਾਜ ਦੇ ਕਰੀਬ 30 ਘੰਟੇ ਬਰਬਾਦ ਹੋਏ। ਭਾਵੇਂ ਸਦਨ ਨੇ ਕਰੀਬ ਸਾਢੇ ਦਸ ਘੰਟੇ ਵਾਧੂ ਕੰਮ ਕਰਕੇ ਮਹੱਤਵਪੂਰਨ ਵਿਸ਼ਿਆਂ ‘ਤੇ ਚਰਚਾ ਕੀਤੀ। ਸੈਸ਼ਨ ਵਿੱਚ ਸਦਨ ਨੇਦੇਸ਼ ਵਿੱਚ ਖੇਤੀ ਖੇਤਰ ਦੀ ਸਥਿਤੀ ਅਤੇ ਭੀੜ ਵੱਲੋਂ ਕੁੱਟਮਾਰ ਕਰਕੇ ਕੀਤੇ ਗਏ ਕਤਲਾਂ ਦੀਆਂ ਘਟਨਾਵਾਂ ਨਾਲ ਪੈਦਾ ਹੋਈ ਸਥਿਤੀ ‘ਤੇ ਵਿਸਥਾਰ ਨਾਲ ਚਰਚਾ ਕੀਤੀ।

ਸਪੀਕਰ ਸੁਮਿੱਤਰਾ ਮਹਾਜਨ ਨੇ ਸਦਨ ਦੀ ਕਾਰਵਾਈ ਸ਼ੁੱਕਰਵਾਰ ਬਾਅਦ ਦੁਪਹਿਰ ਅਣਮਿਥੇ ਸਮੇ ਲਈ ਮੁਲਤਵੀ ਕਰਨ ਦਾ ਐਲਾਨ ਕਰਦੇ ਹੋਏ ਕਿ 17 ਜੁਲਾਈ ਤੋਂ ਸ਼ੁਰੂ ਹੋਏ ਇਸ ਸੈਸ਼ਨ ਦੌਰਾਨ 19 ਬੈਠਕਾਂ ਵਿੱਚ ਕਰੀਬ 71 ਘੰਟੇ ਕੰਮਕਾਜ ਹੋਇਆ। ਉਨ੍ਹਾਂ ਕਿਹਾ ਕਿ ਸੈਸ਼ਨ ਵਿੱਚ ਰੁਕਾਵਟਾਂ ਅਤੇ ਉਨ੍ਹਾਂ ਕਾਰਨ ਕਾਰਵਾਈ ਮੁਲਤਵੀ ਕੀਤੇ ਜਾਣ ਨਾਲ 29 ਘੰਟੇ 58 ਮਿੰਟ ਦਾ ਸਮਾਂ ਬਰਬਾਦ ਹੋਇਆ। ਭਾਵੇਂ ਸਦਨ ਨੇ 10 ਘੰਟੇ 28 ਮਿੰਟ ਦੇਰ ਤੱਕ ਬੈਠ ਕੇ ਵੱਖ-ਵੱਖ ਮੁੱਦਿਆਂ ‘ਤੇ ਚਰਚਾ ਵੀ ਕੀਤੀ।

ਰਾਜ ਸਭਾ: 80 ਘੰਟੇ ਹੋਈ ਚਰਚਾ, 9 ਬਿੱਲ ਪਾਸ

ਰਾਜ ਸਭਾ ਦੇ ਮਾਨਸੂਨ ਸੈਸ਼ਨ ਦੀ ਕਾਰਵਾਈ ਸ਼ੁੱਕਰਵਾਰ ਨੂੰ ਅਣਮਿਥੇ ਸਮੇਂ ਲਈ ਮੁਲਤਵੀ ਕਰ ਦਿੱਤੀ ਗਈ। ਇਸ ਦੌਰਾਨ ਵੱਖ-ਵੱਖ ਮੁੱਦਿਆਂ ‘ਤੇ ਵਿਰੋਧੀ ਧਿਰ ਦੇ ਹੰਗਾਮੇ ਕਾਰਨ ਕਰੀਬ 25 ਘੰਟਿਆਂ ਦਾ ਕੰਮਕਾਜ ਰੁਕਿਆ। ਇਸ ਦੌਰਾਨ ਜਿੱਥੇ ਹਾਮਿਦ ਅੰਸਾਰੀ ਦਾ ਕਾਰਜਕਾਲ ਪਾਰ ਹੋਣ ‘ਤੇ ਉਨ੍ਹਾਂ ਨੂੰ ਵਿਦਾਇਗੀ ਦਿੱਤੀ ਗਈ, ਉੱਥੇ ਸ਼ੁੱਕਰਵਾਰ ਨੂੰ ਨਵੇਂ ਸਭਾਪਤੀ ਐਮ. ਵੈਂਕਈਆ ਨਾਇਡੂ ਦਾ ਸਵਾਗਤ ਕੀਤਾ ਗਿਆ।

ਨਾਇਡੂ ਨੇ ਦੱਸਿਆ ਕਿ ਮਾਨਸੂਨ ਸੈਸ਼ਨ 17 ਜੁਲਾਈ ਤੋਂ ਸ਼ੁਰੂ ਹੋਏ ਸਦਨ ਵਿੱਚ 19 ਬੈਠਕਾਂ ਹੋਈਆਂ, ਜਿਨ੍ਹਾਂ ਵਿੱਚ 13 ਬਿੱਲ ਪੇਸ਼ ਕੀਤੇ ਗਏ। ਇਨ੍ਹਾਂ ਵਿੱਚੋਂ 9 ਮਹੱਤਵਪੂਰਨ ਬਿੱਲ ਪਾਸ ਕੀਤੇ ਗਏ ਅਤੇ ਤਿੰਨ ਬਿੱਲ ਵਾਪਸ ਲਏ ਗਏ। ਸਦਨ ਵਿੱਚ ਕੁੱਲ ਮਿਲਾ ਕੇ 80 ਘੰਟੇ ਚਰਚਾ ਹੋਈ। ਸਦਨ ਦੇ ਦੋ ਨਵੇਂ ਮੈਂਬਰਾਂ ਨੇ ਵੀ ਮੈਂਬਰਸ਼ਿਪ ਦੀ ਸਹੁੰ ਚੁੱਕੀ, ਜਦੋਂਕਿ 10 ਨੂੰ ਵਿਦਾਇਗੀ ਦਿੱਤੀ ਗਈ, ਜਿਨ੍ਹਾਂ ਵਿੱਚ ਸੀਤਾ ਰਾਮ ਯੇਚੁਰੀ, ਦਿਲੀਪ ਭਾਈ ਪਾਂਡਾ, ਡੀ ਬੰਦੋਪਾਧਿਆਏ ਆਦਿ ਸ਼ਾਮਲ ਹਨ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।