Sach Kahoon Punjabi RSS Feed Generator Precious word - Sach Kahoon Punjabi https://sachkahoonpunjabi.com/tag/2801/rss Precious word RSS Feed ਜ਼ਰੇ-ਜ਼ਰੇ ‘ਚ ਮੌਜ਼ੂਦ ਹੈ ਪਰਮ ਪਿਤਾ ਪਰਮਾਤਮਾ : ਡਾ. ਐੱਮਐੱਸਜੀ

ਸਰਸਾ (ਸੱਚ ਕਹੂੰ ਨਿਊਜ਼)। ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਫ਼ਰਮਾਉਂਦੇ ਹਨ ਕਿ  ਪਰਮ ਪਿਤਾ ਪਰਮਾਤਮਾ ਉਹ ਸ਼ਕਤੀ ਹੈ ਜੋ ਸਾਰਿਆਂ ਦੇ ਅੰਦਰ ਰਹਿੰਦੀ ਹੈ, ਉਹ ਜ਼ਿੰਦਾ ਤਸਵੀਰ, ਕਣ-ਕਣ, ਜ਼ੱਰੇ-ਜ਼ੱਰੇ ‘ਚ ਮੌਜ਼ੂਦ ਹੈ ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਪਰਮ ਪਿਤਾ  ਨੂੰ ਪਾਉਣ ਦਾ ਤਰੀਕਾ ਜੇਕਰ ਕੋਈ ਦੱਸ ਸਕਦਾ ਹੈ ਤਾਂ ਉਹ ਪੀਰ-ਫ਼ਕੀਰ ਹੀ ਹੈ, ਕਿਉਂਕਿ ਉਹ ਪਰਮ ਪਿਤਾ ਪਰਮਾਤਮਾ ਆਪਣੇ ਪੀਰ-ਪੈਗੰਬਰ ਭੇਜਦਾ ਹੈ, ਜੋ ਜੀਵਾਂ ਨੂੰ ਸਹੀ ਰਾਹ ਦਿਖਾਉਂਦੇ ਹਨ ਉਨ੍ਹਾਂ ਦਾ ਸੰਦੇਸ਼ ਸੁਣਾਉਂਦੇ ਹਨ ਤੇ ਜੋ ਸੁਣ ਕੇ  ਮੰਨ ਲੈਂਦੇ ਹਨ ਉਨ੍ਹਾਂ ਦਾ ਬੇੜਾ ਪਾਰ ਹੋ ਜਾਂਦਾ ਹੈ। (Saint Dr. MSG)

ਮਾਲਕ ਨੂੰ ਵੇਖਣ ਲਈ ਸਿਮਰਨ ਜ਼ਰੂਰੀ | Saint Dr. MSG

ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਉਸ ਪਰਮ ਪਿਤਾ ਪਰਮਾਤਮਾ ਨੂੰ ਪਾਉਣ ਲਈ , ਦੇਖਣ ਲਈ, ਸਿਮਰਨ ਕਰਨਾ ਅਤੀ ਜ਼ਰੂਰੀ ਹੈ ਸਿਮਰਨ ਦੇ ਬਿਨਾਂ ਉਹ ਪ੍ਰਤੱਖ ਨਜ਼ਰ ਨਹੀਂ ਆਉਂਦਾ ਸਿਮਰਨ ਤੋਂ ਬਿਨਾ ਉਸ ਦੇ ਨੂਰਾਨੀ ਨਜ਼ਾਰੇ ਨਹੀਂ ਮਿਲਦੇ  ਸਿਮਰਨ ਦੇ ਬਿਨਾਂ ਮਨ ਨਹੀਂ ਰੁਕਦਾ ਤੇ ਸਿਮਰਨ ਦੇ ਬਿਨਾ ਇਨਸਾਨ ਦੇ ਅੰਦਰੋਂ ਕਾਮ, ਕ੍ਰੋਧ, ਮੋਹ, ਲੋਭ, ਹੰਕਾਰ , ਮਨ ਅਤੇ ਮਾਇਆ ਕਦੇ ਨਹੀਂ ਰੁਕਦੇ

ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਸੇਵਾ ਕਰੋ ਤਾਂ ਕਿ ਸਿਮਰਨ ‘ਚ ਮਨ ਜ਼ਿਆਦਾ ਲੱਗੇ ਅਤੇ ਸਿਮਰਨ ਕਰੋ ਤਾਂਕਿ ਮਾਲਕ ਦੇ ਨੂਰੀ ਸਰੂਪ ਦੇ ਦਰਸ਼ਨ ਕਰ ਸਕੋ ਇਸ ਤਰ੍ਹਾਂ ਨਾਲ ਕਾਲ ਤੇ ਕਾਲ ਦੇ ਪੰਜ ਚੋਰਾਂ ਤੋਂ ਤੁਸੀਂ ਬਚ ਜਾਵੋਗੇ  ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਸੇਵਾ ਅਤੇ ਸਿਮਰਨ ਜੋ ਜੀਵ ਕਰਦੇ ਹਨ, ਬਚਨਾਂ ‘ਤੇ ਪੱਕੇ ਰਹਿੰਦੇ ਹਨ ਉਨ੍ਹਾਂ ਨੂੰ ਮਾਲਕ ਅੰਦਰੋਂ-ਬਾਹਰੋਂ ਕਮੀ ਨਹੀਂ ਛੱਡਦਾ ਬਚਨ ਮੰਨਦੇ ਹੋਏ ਸਿਮਰਨ ਕਰਨਾ ਚਾਹੀਦਾ ਹੈ ਜਿਸ ਨਾਲ ਮਾਲਕ ਦੀ ਦਇਆ-ਮਿਹਰ ਮਿਲਦੀ ਹੈ, ਜਨਮਾਂ-ਜਨਮਾਂ ਦੇ ਪਾਪ ਕਰਮ ਕਟ ਜਾਂਦੇ ਹਨ ਤੇ ਆਉਣ ਵਾਲੇ ਪਹਾੜ ਵਰਗੇ ਕਰਮ ਕੰਕਰ ‘ਚ ਬਦਲ ਜਾਂਦੇ ਹਨ। (Saint Dr. MSG)

]]> Breaking News ਅਨਮੋਲ ਬਚਨ ਰੂਹਾਨੀਅਤ ਇੱਕ ਨਜ਼ਰ https://sachkahoonpunjabi.com/%E0%A8%B0%E0%A9%82%E0%A8%B9%E0%A8%BE%E0%A8%A8%E0%A9%80%E0%A8%85%E0%A8%A4/%E0%A8%85%E0%A8%A8%E0%A8%AE%E0%A9%8B%E0%A8%B2-%E0%A8%AC%E0%A8%9A%E0%A8%A8/god-is-everywhere-dr-msg/article-40161 https://sachkahoonpunjabi.com/%E0%A8%B0%E0%A9%82%E0%A8%B9%E0%A8%BE%E0%A8%A8%E0%A9%80%E0%A8%85%E0%A8%A4/%E0%A8%85%E0%A8%A8%E0%A8%AE%E0%A9%8B%E0%A8%B2-%E0%A8%AC%E0%A8%9A%E0%A8%A8/god-is-everywhere-dr-msg/article-40161 Tue, 26 Dec 2023 06:00:33 +0530 ਨੇਕ ਕਾਰਜਾਂ ‘ਚ ਸਮਾਂ ਲਗਾਓ : ਪੂਜਨੀਕ ਗੁਰੂ ਜੀ

(ਸੱਚ ਕਹੂੰ ਨਿਊਜ਼)ਸਰਸਾ। ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਫ਼ਰਮਾਉਂਦੇ ਹਨ ਕਿ ਅੱਜ ਇਨਸਾਨ ਦੇ ਜੀਵਨ ਦਾ ਉਦੇਸ਼ ਇੱਕ ਹੀ ਹੈ, ਸਰੀਰਕ ਤੇ ਪਰਿਵਾਰਕ ਸੁਖ ਹਾਸਲ ਕਰਨਾ, ਜਿਸ ਨੂੰ ਪਾਉਣ ਲਈ ਸਾਰਾ ਦਿਨ ਝੂਠ, ਠੱਗੀ, ਕੁਫ਼ਰ, ਬੇਈਮਾਨੀ, ਰਿਸ਼ਵਤਖੋਰੀ, ਭ੍ਰਿਸ਼ਟਾਚਾਰ ਦਾ ਸਹਾਰਾ ਲੈਂਦਾ ਹੈ ਗੱਲ-ਗੱਲ ‘ਤੇ ਝੂਠ ਬੋਲਦਾ ਹੈ ਗੱਲ-ਗੱਲ ‘ਤੇ ਈਮਾਨ ਡੋਲਦਾ ਹੈ ਧਰਮਾਂ ਦੀਆਂ ਕਸਮਾਂ ਖਾਂਦਾ ਹੈ ਤੇ ਢੀਠ ਬਣਿਆ ਰਹਿੰਦਾ ਹੈ ਇਨਸਾਨ ਦੁਨੀਆਂਦਾਰੀ ‘ਚ ਇੰਨਾ ਫਸ ਜਾਂਦਾ ਹੈ ਕਿ ਉਸ ਨੂੰ ਕਿਸੇ ਗੱਲ ਦੀ ਪਰਵਾਹ ਨਹੀਂ ਰਹਿੰਦੀ ਸੁਪਨਿਆਂ ‘ਚ ਮਹਿਲ ਬਣਾ ਲੈਂਦਾ ਹੈ ਤੇ ਖ਼ਿਆਲਾਂ ਦੇ ਜਹਾਜ਼ ‘ਤੇ ਚੜ੍ਹਿਆ ਨਜ਼ਰ ਆਉਂਦਾ ਹੈ ਪਰ ਜਦੋਂ ਅੱਖ ਖੁੱਲ੍ਹਦੀ ਹੈ ਤਾਂ ਮੰਜ਼ੀ ‘ਤੇ ਪਿਆ ਹੁੰਦਾ ਹੈ ਕਹਿਣ ਦਾ ਮਤਲਬ ਹੈ ਕਿ ਇਨਸਾਨ ਦਿਨ-ਰਾਤ ਮਾਰੋ-ਮਾਰ ਕਰਦਾ ਫਿਰਦਾ ਹੈ, ਜਿਸ ਤਰ੍ਹਾਂ ਕੀੜੀਆਂ ਖੁੱਡ ‘ਚੋਂ ਨਿਕਲਦੀਆਂ ਹਨ ਤੇ ਦੌੜੀਆਂ-ਭੱਜਦੀਆਂ ਰਹਿੰਦੀਆਂ ਹਨ,  ਮਧੂ-ਮੱਖੀਆਂ ਵੀ ਛੱਤਾ ਬਣਾਉਂਦੀਆਂ ਹਨ।

ਪਰ ਆਖ਼ਰ ‘ਚ ਉਸ ਨੂੰ ਕੋਈ ਹੋਰ ਹੀ ਲੈ ਜਾਂਦਾ ਹੈ ਉਸੇ ਤਰ੍ਹਾਂ ਇਸ ਕਲਿਯੁਗ ‘ਚ ਇਨਸਾਨ ਬੁਰੇ ਕਰਮ ਕਰਦਾ ਹੈ, ਪਾਪ ਕਰਮਾਂ ਨਾਲ ਪੈਸਾ, ਧਨ ਦੌਲਤ, ਜ਼ਮੀਨ-ਜਾਇਦਾਦ ਬਣਾਉਂਦਾ ਹੈ, ਪਰ ਆਖ਼ਰ ‘ਚ ਨਤੀਜਾ ਸਾਰਾ ਕੁਝ ਛੱਡ ਕੇ ਇਸ ਜਹਾਨ ਤੋਂ ਚਲਿਆ ਜਾਂਦਾ ਹੈ ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਇਨਸਾਨ ਦੀ ਇਹ ਕਿਹੋ ਜਿਹੀ ਕਹਾਣੀ ਹੈ? ਬਚਪਨ ਖੇਡਣ-ਕੁੱਦਣ ‘ਚ ਗੁਜ਼ਾਰਿਆ, ਜਵਾਨੀ ਨਾਦਾਨੀ ‘ਚ, ਵਿਸ਼ੇ-ਵਿਕਾਰਾਂ ‘ਚ ਤੇ ਘਰ ਵਾਲਿਆਂ ਨੇ ਵੀ ਸੋਚਿਆ ਕਿ ਇਸ ਨੂੰ ਨੱਥ ਪਾਉਣੀ ਚਾਹੀਦੀ ਹੈ ਤਾਂ ਫਿਰ ਵਿਆਹ ਹੋ ਗਿਆ ਫਿਰ ਜਦੋਂ ਬਾਲ-ਬੱਚੇ ਹੋ ਗਏ, ਖ਼ੂਬ ਢੋਲ-ਢਮੱਕੇ ਵਜਾਏ, ਪਰ ਜਦੋਂ ਉਹ ਵੱਡੇ ਹੋ ਗਏ ਤਾਂ ਢੋਲ-ਢਮੱਕੇ ਤਾਂ ਕੀ ਤਾੜੀ ਨਹੀਂ ਵੱਜੀ ਤਾਂ ਕਿ ਮੱਖੀ ਉੱਡ ਸਕੇ ਸਾਰਾ ਦਿਨ ਉਨ੍ਹਾਂ ਦੀ ਚਿੰਤਾ ਪੈਸਾ ਕਿੱਧਰੋਂ ਆਵੇ।

ਨੇਕ ਕਾਰਜਾਂ ‘ਚ ਸਮਾਂ ਲਗਾਓ : Saint Dr MSG

ਕਿਵੇਂ ਬਣਾਵਾਂ, ਬੈਂਕ ‘ਚ ਜਮ੍ਹਾਂ ਕਰਵਾਵਾਂ, ਅਜਿਹਾ ਕਰਾਂ, ਉਸ ਤਰ੍ਹਾਂ ਕਰਾਂ, ਇਹ ਅਜਿਹਾ ਬਣੇ, ਉਸ ਤਰ੍ਹਾਂ ਬਣੇ ਕਈਆਂ ਨੂੰ ਵਿਸ਼ੇ-ਵਿਕਾਰ ਤਾਂ ਬਜ਼ੁਰਗ ਹੋਣ ‘ਤੇ ਵੀ ਨਹੀਂ ਛੱਡਦੇ ਕਈਆਂ ਦੀ ਗੰਦੀ ਆਦਤ, ਗੰਦਗੀ ਦੇ ਕੀੜੇ ਹੁੰਦੇ ਹਨ, ਉਹ ਲੱਗੇ ਰਹਿੰਦੇ ਹਨ, ਉਨ੍ਹਾਂ ਨੂੰ ਕੋਈ ਜਵਾਨੀ-ਬੁਢਾਪੇ ਨਾਲ, ਉਮਰ ਨਾਲ ਲੈਣਾ-ਦੇਣਾ ਨਹੀਂ ਹੁੰਦਾ, ਗਿਰ ਜਾਂਦੇ ਹਨ ਉਹ ਹੱਦ ਤੋਂ ਜ਼ਿਆਦਾ ਜਿਵੇਂ ਅਸੀਂ ਇੱਕ ਕਿਤਾਬ ਪੜ੍ਹਦੇ ਹਾਂ ਬੜੀ ਖੁਸ਼ੀ-ਖੁਸ਼ੀ ਪੜ੍ਹਦੇ ਹਾਂ, ਪੜ੍ਹ ਲਈ ਤੇ ਬਾਅਦ ‘ਚ ਛੱਡ ਦਿੰਦੇ ਹਾਂ, ਉਸ ਨੂੰ ਵਾਰ-ਵਾਰ ਕੌਣ ਦੁਹਰਾਏ, ਚੈਪਟਰ ਖ਼ਤਮ ਹੋ ਗਿਆ ਤਾਂ  ਓਕੇ, ਰੱਖ ਦਿੱਤੀ ਕਿਤੇ ਵੀ ਉਸੇ ਤਰ੍ਹਾਂ ਤੁਹਾਡੀ ਜ਼ਿੰਦਗੀ ਦਾ ਜਦੋਂ ਚੈਪਟਰ ਸਮਾਪਤ ਹੋ ਗਿਆ ਤੇ ਚਲੋ ਜੀ, ਜਦੋਂ ਪਟਾਖ਼ਾ ਜਿਹਾ ਬੋਲ ਗਿਆ,  ਘਰ ਵਾਲੇ ਵੀ ਝੱਟ ਨਾਲ ਮੰਜ਼ੀ ਤੋਂ ਹੇਠਾਂ ਲਾਹ ਦਿੰਦੇ ਹਨ।

ਆਪ ਜੀ ਫ਼ਰਮਾਉਂਦੇ ਹਨ ਕਿ ਇਨਸਾਨ ਨੂੰ ਇਹ ਸਾਰਾ ਕੁਝ ਦੇਖ ਕੇ ਵੀ ਸਮਝ ਨਹੀਂ ਆਉਂਦੀ ਜਦੋਂ ਤੱਕ ਆਤਮਾ ਹੈ, ਹਰ ਕੋਈ ਸਤਿਕਾਰ ਕਰਦਾ ਹੈ ਤੇ ਬਾਅਦ ‘ਚ ਕੱਪੜੇ ਵੀ ਢੰਗ ਦੇ ਨਹੀਂ ਦਿੰਦੇ ਇੱਕ ਹੀ ਚਬੂਤਰਾ ਬਣਿਆ ਹੈ, ਉਸ ‘ਤੇ ਕੰਮ ਤਮਾਮ ਕੀਤਾ, ਰਾਖ ਝਾੜ ਦਿੱਤੀ, ਦੂਜੇ ਦਾ ਇੰਤਜ਼ਾਰ ਕੀਤਾ ਇਸ ਤਰ੍ਹਾਂ ਚਲਦੀ ਰਹਿੰਦੀ ਹੈ ਜ਼ਿੰਦਗੀ ਤੇ ਬਸ ਜੋ ਆਏ ਸਨ ਉਹ ਚਲੇ ਗਏ ਤੇ ਜੋ ਹਨ ਉਨ੍ਹਾਂ ਇੱਕ ਦਿਨ ਜਾਣਾ ਹੈ, ਪਰ ਕਿਸੇ ਨੂੰ ਇਸ ਚੀਜ਼ ਦੀ ਪਰਵਾਹ ਨਹੀਂ ਕਿ ਕਿਉਂ ਨਾ ਜ਼ਿੰਦਗੀ ਨੂੰ ਇਸ ਤਰ੍ਹਾਂ ਰੌਸ਼ਨ ਕਰ ਜਾਈਏ ਕਿ ਆਉਣ ਵਾਲੀਆਂ ਪੀੜ੍ਹੀਆਂ ਤੱਕ ਲੋਕ ਉਨ੍ਹਾਂ ਦੇ ਨਾਂਅ ਨੂੰ ਯਾਦ ਰੱਖਣ ਇਸ ਲਈ ਜ਼ਰੂਰੀ ਹੈ ਕਿ ਚੰਗੇ ਨੇਕ ਕੰਮ ਕਰਕੇ ਜਾਓ ਤਾਂਕਿ  ਆਉਣ ਵਾਲੀਆਂ ਪੀੜ੍ਹੀਆਂ ਸਤਿਕਾਰ-ਅਦਬ ਨਾਲ ਤੁਹਾਨੂੰ ਯਾਦ ਕਰਨ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

]]> ਅਨਮੋਲ ਬਚਨ ਰੂਹਾਨੀਅਤ https://sachkahoonpunjabi.com/%E0%A8%B0%E0%A9%82%E0%A8%B9%E0%A8%BE%E0%A8%A8%E0%A9%80%E0%A8%85%E0%A8%A4/%E0%A8%85%E0%A8%A8%E0%A8%AE%E0%A9%8B%E0%A8%B2-%E0%A8%AC%E0%A8%9A%E0%A8%A8/invest-time-in-noble-works-saint-dr-msg/article-33808 https://sachkahoonpunjabi.com/%E0%A8%B0%E0%A9%82%E0%A8%B9%E0%A8%BE%E0%A8%A8%E0%A9%80%E0%A8%85%E0%A8%A4/%E0%A8%85%E0%A8%A8%E0%A8%AE%E0%A9%8B%E0%A8%B2-%E0%A8%AC%E0%A8%9A%E0%A8%A8/invest-time-in-noble-works-saint-dr-msg/article-33808 Thu, 23 Mar 2023 05:59:12 +0530 ਕਿਸੇ ਵੀ ਖੇਤਰ ‘ਚ ਈਰਖਾ, ਨਫ਼ਰਤ ਨਹੀਂ ਕਰਨੀ ਚਾਹੀਦੀ : ਸੰਤ ਡਾ. ਐੱਮਐੱਸਜੀ

(ਸੱੱਚ ਕਹੂੰ ਨਿਊਜ਼। ਸਰਸਾ। ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ (Saint Dr MSG) ਫਰਮਾਉਂਦੇ ਹਨ ਕਿ ਜੋ ਲੋਕ ਈਸ਼ਵਰ ਦਾ ਨਾਮ ਲੈਂਦੇ ਹਨ, ਉਨ੍ਹਾਂ ਨੂੰ ਅੰਦਰ-ਬਾਹਰ ਕਿਸੇ ਚੀਜ਼ ਦੀ ਕੋਈ ਕਮੀ ਤਾਂ ਕੀ ਆਉਣੀ ਸੀ, ਕਦੇ ਮਹਿਸੂਸ ਵੀ ਨਹੀਂ ਹੁੰਦੀ ਹੈ ਰਾਮ-ਨਾਮ ਇੱਕ ਅਲੋਕਿਕ ਟਾਨਿਕ ਹੈ, ਜੋ ਵੀ ਇਸ ਨੂੰ ਲੈਂਦਾ ਹੈ, ਉਹ ਖੰਡਾਂ, ਬ੍ਰਹਿਮੰਡਾਂ ਦੀ ਸੈਰ ਕਰਦਾ ਹੈ ਇਸ ਧਰਤੀ ‘ਤੇ ਜ਼ਿੰਦਗੀ ਜਿਉਣ ਦਾ ਆਨੰਦ ਹੀ ਉਸਨੂੰ ਆਉਂਦਾ ਹੈ।

ਪੂਜਨੀਕ ਗੁਰੂ ਜੀ (Saint Dr MSG) ਫਰਮਾਉਂਦੇ ਹਨ ਕਿ ਹਰ ਇਨਸਾਨ ਇਸ ਧਰਤੀ ‘ਤੇ ਆ ਕੇ ਆਪਣਾ ਜੀਵਨ ਬਤੀਤ ਕਰ ਰਿਹਾ ਹੈ ਸਵੇਰ ਹੁੰਦੀ ਹੈ, ਦਿਨ ਗੁਜ਼ਰਦਾ ਹੈ, ਰਾਤ ਹੋ ਜਾਂਦੀ ਹੈ! ਨੀਂਦ ਲੈਂਦਾ ਹੈ, ਸਵੇਰੇ ਉੱਠਦਾ ਹੈ, ਦਿਨ ਗੁਜ਼ਰਦਾ ਹੈ, ਤੇ ਫਿਰ ਤੋਂ ਰਾਤ ਹੋ ਜਾਂਦੀ ਹੈ! ਇਹ ਚੱਕਰ ਚੱਲਦਾ ਰਹਿੰਦਾ ਹੈ ਤੇ ਇਨਸਾਨ ਨੂੰ ਪਤਾ ਹੀ ਨਹੀਂ ਚੱਲਦਾ ਕਿ ਕਦੋਂ ਉਸਦੀ ਉਮਰ ਕਿੰਨੀ ਹੋ ਗਈ ਸਮਾਂ ਗੁਜ਼ਰਦਾ ਚਲਾ ਜਾਂਦਾ ਹੈ, ਕਈ ਲਾਪਰਵਾਹੀ ਨਾਲ, ਤੇ ਕੋਈ ਬੇਹੱਦ ਪਰਵਾਹੀ ਨਾਲ ਦੁਖੀ ਰਹਿੰਦੇ  ਹਨ ਲਾਪਰਵਾਹ ਹੋ ਗਏ, ਸੁਆਸ ਚਲੇ ਗਏ, ਜ਼ਿੰਦਗੀ ਬੀਤ ਗਈ, ਇੰਜ ਲੱਗਦਾ ਹੈ, ਜਿਵੇਂ ਇੱਕ ਸਮਾਂ ਪੂਰਾ ਕਰਨ ਆਏ ਹਾਂ! …ਤੇ ਜ਼ਿਆਦਾ ਟੈਨਸ਼ਨ, ਜ਼ਿਆਦਾ ਚਿੰਤਾ, ਜ਼ਿਆਦਾ ਪਰਵਾਹ ਕਰਨਾ, ਇਹ ਵੀ ਦੁੱਖ ਦਾ ਕਾਰਨ ਹੈ।

ਇਨਸਾਨ ਜਦੋਂ ਰਾਮ ਦੇ ਨਾਮ ਨਾਲ ਜੁੜਦਾ ਹੈ ਤਾਂ ਨਜ਼ਾਰੇ ਆਉਂਣੇ ਸ਼ੁਰੂ ਹੋ ਜਾਂਦੇ ਹਨ

ਪੂਜਨੀਕ ਗੁਰੂ ਜੀ ਫਰਮਾਉਂਦੇ ਹਨ ਕਿ ਇਨਸਾਨ ਜਦੋਂ ਰਾਮ ਦੇ ਨਾਮ ਨਾਲ ਜੁੜਦਾ ਹੈ, ਤਾਂ ਉਸ ਨੂੰ ਪਤਾ ਚੱਲਦਾ ਹੈ ਕਿ ਹਾਂ, ਘੰਟੇ, ਮਹੀਨੇ, ਸਾਲ ਜੋ ਗੁਜ਼ਰ ਰਹੇ ਹਨ ਤੇ ਕੁੱਲ ਉਮਰ ‘ਚੋਂ ਘੱਟ ਹੋ ਰਹੇ ਹਨ ਅਜਿਹੇ ‘ਚ, ਇੱਕ ਤਾਂ ਰਾਮ-ਨਾਮ ਦਾ ਜਾਪ ਹੋ ਜਾਵੇ, ਤਾਂ ਕਿ ਜ਼ਿੰਦਗੀ ਦਾ ਜੋ ਮਕਸਦ ਹੈ, ਜੋ ਮਨੁੱਖੀ ਸਰੀਰ ਦਾ ਫ਼ਰਜ਼ ਹੈ,

ਉਹ ਪੂਰਾ ਹੋਵੇ! ਤੇ ਦੂਜਾ, ਮਨੁੱਖੀ ਸਰੀਰ ਦੇ ਜੋ ਫ਼ਰਜ਼ ਹਨ, ਉਨ੍ਹਾਂ ਦਾ ਨਿਰਵਾਹ ਕਰਦੇ ਜਾਓ! ਜੋ ਵੀ ਰਿਸ਼ਤੇ-ਨਾਤੇ ਹਨ, ਉਨ੍ਹਾਂ ਪ੍ਰਤੀ ਵਫ਼ਦਾਰ ਬਣ ਕੇ, ਉਨ੍ਹਾਂ ਪ੍ਰਤੀ ਜ਼ਿੰਮੇਵਾਰੀ ਨੂੰ ਸਮਝਦੇ ਹੋਏ ਉਨ੍ਹਾਂ ਨੂੰ ਪੂਰਾ ਕਰਦੇ ਚਲੋ, ਫਿਰ ਜੋ ਦਿਨ ਗੁਜ਼ਰੇ, ਉਸ ਨੂੰ ਖੁਸ਼ੀ ਨਾਲ ਗੁਜ਼ਾਰੋ! ਕਿਉਂਕਿ ਤੁਹਾਡੀ ਜ਼ਿੰਦਗੀ ‘ਚ ਜੋ ਅੱਜ ਦਾ ਦਿਨ ਗੁਜ਼ਰ ਰਿਹਾ ਹੈ, ਇਹ ਦਿਨ ਫਿਰ ਤੋਂ ਆਉਣ ਵਾਲਾ ਨਹੀਂ ਹੈ ਹਰ ਦਿਨ ਤੁਹਾਡੇ ਲਈ ਕੁਝ ਨਾ ਕੁਝ ਨਵਾਂ ਹੈ ਤੇ ਹਰ ਦਿਨ ਜੋ ਗੁਜ਼ਰ ਗਿਆ, ਉਹ ਮੁੜ ਕੇ ਆਉਣ ਵਾਲਾ ਨਹੀਂ ਹੈ

ਤੁਸੀਂ ਦੇਖੋ ਤੁਹਾਡੇ ਬਚਪਨ ਦੇ ਉਹ ਦਿਨ, ਅੱਜ ਵੀ ਤੁਸੀਂ ਯਾਦ ਕਰਦੇ ਹੋਵੋਗੇ! ਉਹ ਮੁੜ ਕੇ ਆਏ ਨਹੀਂ! ਤੁਸੀਂ ਜਿੰਨਾ ਮਰਜ਼ੀ ਚਾਹੋ, ਪਰ ਉਹ ਦਿਨ ਕਦੇ ਵਾਪਸ ਨਹੀਂ ਆ ਸਕਦੇ ਅੱਜ ਤੁਹਾਨੂੰ ਲੱਗਦਾ ਹੋਵੇਗਾ ਕਿ ਕਿੰਨਾ ਬੇਫ਼ਿਕਰੇ ਹੁੰਦੇ ਸੀ! ਭੁੱਖ ਲੱਗਦੀ ਸੀ, ਰੋ ਲੈਂਦੇ ਸੀ, ਮਾਂ ਖਾਣਾ ਖੁਆ ਦਿੰਦੀ ਸੀ! ਕੋਈ ਟੈਨਸ਼ਨ ਨਹੀਂ ਸੀ! ਪਰ ਉਹ ਬਚਪਨ ਤੁਹਾਡੇ ਕਹਿਣ ਨਾਲ ਜਾਂ ਕਿਸੇ ਦੇ ਕਹਿਣ ‘ਤੇ ਉਹ ਸਮਾਂ ਕਦੇ ਵਾਪਸ ਆਉਣ ਵਾਲਾ ਨਹੀਂ ਹੈ ਦੂਜੇ ਪਾਸੇ ਜਿਨ੍ਹਾਂ ਦਾ ਬਚਪਨ ਬੁਰਾ ਗੁਜ਼ਰਿਆ ਹੈ, ਉਹ ਦੁਬਾਰਾ ਲਿਆਉਣਾ ਹੀ ਨਹੀਂ ਚਾਹੁਣਗੇ! ਤੇ ਉਹ ਸਮਾਂ ਉਂਜ ਵੀ ਆਵੇਗਾ ਹੀ ਨਹੀਂ, ਤਾਂ ਜੋ ਸਮਾਂ ਗੁਜ਼ਰਦਾ ਜਾ ਰਿਹਾ ਹੈ, ਉਹ ਕਦੇ ਵੀ ਮੁੜ ਕੇ ਆਉਣ ਵਾਲਾ ਨਹੀਂ ਹੈ।

ਸਮੇਂ ਦੀ ਕਦਰ ਕਰਨਾ ਸਿੱਖੋ

ਇਸ ਲਈ ਸਮੇਂ ਦੀ ਕਦਰ ਕਰਨਾ ਸਿੱਖੋ ਜਿੰਦਗੀ ਦੇ ਹਰ ਦਿਨ ਨੂੰ ਖੁਸ਼ੀ-ਖੁਸ਼ੀ ਬਤੀਤ ਕਰਨਾ ਸਿੱਖੋ ਈਰਖਾ, ਨਫ਼ਰਤ, ਭੇਦ-ਭਾਵ ਇਹ ਜੋ ਤੁਹਾਡੇ ਅੰਦਰ ਭਾਵਨਾਵਾਂ ਹਨ, ਉਨ੍ਹਾਂ ਦਾ ਤਿਆਗ ਕਰ ਦਿਓ ਇਹ ਕਿਸੇ ਹੋਰ ਨੂੰ ਨਹੀਂ, ਸਗੋਂ ਤੁਹਾਨੂੰ ਹੀ ਦੁਖੀ ਕਰਦੇ ਰਹਿੰਦੇ ਹਨ ਇਹ ਕਿਸੇ ਹੋਰ ਦਾ ਨਹੀਂ, ਸਗੋਂ ਤੁਹਾਡਾ ਹੀ ਘਾਤ ਕਰਦੇ ਹਨ ਤੁਹਾਡੇ ਅੰਦਰ ਕੋਈ ਭਾਵਨਾ ਆਈ, ਤੁਹਾਡੇ ਅੰਦਰ ਕੋਈ ਗਲਤ ਵਿਚਾਰ ਆਏ, ਉਹ ਵਿਚਾਰ ਤੁਹਾਨੂੰ ਲੈ ਡੁੱਬਦੇ ਹਨ ਤੁਸੀਂ ਸੜਦੇ, ਤੜਫ਼ਦੇ, ਵਿਆਕੁਲ ਰਹਿੰਦੇ ਹੋ, ਕਿਉਂਕਿ ਗਲਤ ਭਾਵਨਾ ਨਾਲ ਕਿਸੇ ਦਾ ਕੋਈ ਫਾਇਦਾ ਨਹੀਂ ਹੋਣ ਵਾਲਾ ਹੈ, ਸਗੋਂ ਤੁਹਾਡਾ ਨੁਕਸਾਨ ਹੈ  ਗਲਤ ਸੋਚ ਤੁਹਾਡੇ ਅੰਦਰ ਆ ਗਈ, ਗਲਤ ਵਿਚਾਰ ਤੁਹਾਡੇ ਅੰਦਰ ਆ ਗਏ, ਉਸ ਨਾਲ ਤੁਹਾਡੀ ਆਤਮਾ ਨੂੰ ਦੁੱਖ ਮਿਲਦਾ ਹੈ, ਉਸ ਨਾਲ ਤੁਹਾਡੇ ਦਿਮਾਗ ‘ਚ ਪਰੇਸ਼ਾਨੀਆਂ ਹੁੰਦੀਆਂ ਹਨ, ਸਰੀਰ ਨੂੰ ਦੁੱਖ ਮਿਲਦਾ ਹੈ ਇਸ ਲਈ ਈਰਖਾ, ਨਫ਼ਰਤ, ਭੇਦ-ਭਾਵ ਤਿਆਗ ਦਿਓ।

ਜਿਹੋ ਜਿਹਾ ਭਾਂਡਾ ਹੁੰਦਾ ਹੈ, ਉਹੋ ਜਿਹਾ ਸਮਾਨ ਉਸ ‘ਚ ਆਉਂਦਾ ਹੈ

ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਕਿ ਇਨਸਾਨ ਦਾ ਜਿਹੋ ਜਿਹਾ ਭਾਂਡਾ ਹੁੰਦਾ ਹੈ, ਉਹੋ ਜਿਹਾ ਸਮਾਨ ਉਸ ‘ਚ ਆਉਂਦਾ ਹੈ ਸਾਰੇ ਭਾਂਡੇ ਇੱਕੋ ਜਿਹੇ ਨਹੀਂ ਹੁੰਦੇ ਹੁਣ ਜੇਕਰ ਗਿਲਾਸ ਕਹੇ ਕਿ ਬਾਲਟੀ ‘ਚ ਜ਼ਿਆਦਾ ਪਾਣੀ ਕਿਉਂ ਆਉਂਦਾ ਹੈ, ਤਾਂ ਸਾਰੀ ਉਮਰ ਕਹਿੰਦੇ ਰਹੇ! ਤਾਂ ਕੀ ਬਾਲਟੀ ਜਿੰਨਾ ਪਾਣੀ ਲੈ ਲਵੇਗਾ? ਨਹੀਂ ਲੈ ਸਕੇਗਾ ਪਰ ਤੁਹਾਡਾ ਸਰੀਰ ਰੂਪੀ ਗਿਲਾਸ ਬਾਲਟੀ ਦਾ ਪਾਣੀ ਲੈ ਸਕਦਾ ਹੈ, ਜੇਕਰ ਈਰਖਾ ਛੱਡ ਕੇ ਰਾਮ ਦਾ ਨਾਮ ਜਪੋ! ਕਹਿਣ ਦਾ ਭਾਵ, ਤੁਸੀਂ ਕਿਸੇ ਨੂੰ ਭਗਤ ਸਮਝਦੇ ਹੋ ਕਿ ਇਹ ਤਾਂ ਬਹੁਤ ਵੱਡਾ ਭਗਤ ਹੈ ਤਾਂ ਤੁਸੀਂ ਸਿਮਰਨ ਕਰੋ, ਭਗਤੀ ਕਰੋ, ਤਾਂ ਤਾਂ ਤੁਸੀਂ ਗਿਲਾਸ ਤੋਂ ਬਾਲਟੀ ਬਣ ਸਕਦੇ ਹੋ

ਦੀਨਤਾ-ਨਿਮਰਤਾ ਜੇਕਰ ਤੁਹਾਡੇ ‘ਚ ਹੈ, ਤਾਂ ਤੁਸੀਂ ਭਾਗਾਂਵਾਲੇ ਹੋ

ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਕਿ ਦੀਨਤਾ-ਨਿਮਰਤਾ ਜੇਕਰ ਤੁਹਾਡੇ ‘ਚ ਹੈ, ਤਾਂ ਤੁਸੀਂ ਭਾਗਾਂਵਾਲੇ ਹੋ, ਨਸੀਬਾਂ ਵਾਲੇ ਹੋ ਅੱਜ-ਕੱਲ੍ਹ ਲੋਕਾਂ ਨੂੰ ਗੱਪ (ਝੂਠ) ਮਾਰਨ ਦੀ ਆਦਤ ਇੰਨੀ ਪੈ ਗਈ ਹੈ ਕਿ ਚੱਲਦੇ-ਚੱਲਦੇ ਗੱਪ ਛੱਡਦੇ ਰਹਿੰਦੇ ਹਨ ਪਤਾ ਨਹੀਂ, ਉਨ੍ਹਾਂ ਨੂੰ ਅਜਿਹਾ ਕਰਨ ‘ਤੇ ਮਿਲਦਾ ਕੀ ਹੈ ਕਈ ਤਾਂ ਰਾਮ ਦੇ ਨਾਮ ‘ਤੇ ਗੱਪ ਮਾਰਦੇ ਹਨ! ਸਾਹਮਣੇ ਵਾਲਾ ਕੁਝ ਬੋਲ ਵੀ ਨਹੀਂ ਸਕਦਾ! ਗੁਰੂ, ਪੀਰ-ਫ਼ਕੀਰ ਦੇ ਨਾਂਅ ‘ਤੇ ਗੱਪ ਮਾਰਦੇ ਹਨ ਤੇ ਉਹ ਆਪਣੀ ਬੇੜੀ ‘ਚ ਵੱਟੇ ਪਾਉਂਦੇ ਰਹਿੰਦੇ ਹਨ ਤੇ ਮਾਲਕ ਤੋਂ ਦੂਰ ਹੁੰਦੇ ਰਹਿੰਦੇ ਹਨ ਉਨ੍ਹਾਂ ਤੋਂ ਖੁਸ਼ੀਆਂ ਕੋਹਾਂ ਦੂਰ ਚਲੀਆਂ ਜਾਂਦੀਆਂ ਹਨ ਤੇ ਮਿਲਦਾ ਕੀ ਹੈ ਲੋਕਾਂ ਦੀ ਥੋੜ੍ਹੀ ਜਿਹੀ ਵਡਿਆਈ! ਵਾਹ-ਵਾਹ! ਇਸ ਲਈ ਇਨਸਾਨ ਦੇ ਅੰਦਰ ਦੀਨਤਾ-ਨਿਮਰਤਾ ਵੀ ਜ਼ਰੂਰੀ ਹੈ, ਸ਼ੁੱਧ ਭਾਵਨਾ ਵੀ ਜ਼ਰੂਰੀ ਹੈ।

ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਕਿ ਕਿਸੇ ਵੀ ਗੱਲ ਦਾ ਕੋਈ ਵੀ ਮਤਲਬ ਨਿਕਲ ਸਕਦਾ ਹੈ, ਇਸ ਲਈ ਜਲਦਬਾਜ਼ੀ ਨਾ ਕਰੋ ਕਈ ਵਾਰ ਲੋਕ ਦੇਖਦੇ ਹੀ ਨਹੀਂ ਹੋ ਕੀ ਰਿਹਾ ਹੈ! ਬਿਨਾ ਸੋਚੇ-ਸਮਝੇ ਗਲਤ ਕਦਮ ਚੁੱਕ ਲੈਂਦੇ ਹਨ, ਜਿਸ ਦੀ ਵਜ੍ਹਾ ਨਾਲ ਸਾਰੀ ਜ਼ਿੰਦਗੀ ਪਛਤਾਉਣਾ ਪੈਂਦਾ ਹੈ ਇਸ ਲਈ ਈਰਖਾ, ਨਫ਼ਰਤ ਛੱਡ ਕੇ ਭਾਵਨਾ ਨੂੰ ਸ਼ੁੱਧ ਕਰਦੇ ਹੋਏ ਜੇਕਰ ਤੁਸੀਂ ਰਸਤਾ ਤੈਅ ਕਰੋਗੇ ਤਾਂ ਮਾਲਕ ਜ਼ਰੂਰ ਤੁਹਾਡੇ ਲਈ ਉਸ ਰਸਤੇ ‘ਚ ਮਖਮਲ ਵਿਛਾ ਦੇਵੇਗਾ, ਕੰਡਿਆਂ ਨੂੰ ਚੁਣ ਦੇਵੇਗਾ।

ਦੂਜਿਆਂ ਦੀ ਥਾਲੀ ‘ਚ ਲੱਡੂ ਵੱਡਾ ਨਜ਼ਰ ਆਉਂਦਾ ਹੈ’

ਇੱਕ ਕਹਾਵਤ ਤੁਹਾਨੂੰ ਕਈ ਵਾਰ ਸੁਣਾਈ ਹੈ ਕਿ ‘ਦੂਜਿਆਂ ਦੀ ਥਾਲੀ ‘ਚ ਲੱਡੂ ਵੱਡਾ ਨਜ਼ਰ ਆਉਂਦਾ ਹੈ’ ਤੇ ਇਹ ਸੱਚ ਹੈ ਇਸ ਕਹਾਵਤ ਬਾਰੇ ਅੱਜ-ਕੱਲ੍ਹ ਦੇ ਬੱਚਿਆਂ ਨੂੰ ਸ਼ਾਇਦ ਇੰਨਾ ਨਹੀਂ ਪਤਾ, ਜੋ ਲੋਕ ਪਿੰਡਾਂ ‘ਚ ਰਹਿੰਦੇ ਹਨ ਉਨ੍ਹਾਂ ਨੂੰ ਪਤਾ ਹੋਵੇਗਾ!

ਅਸੀਂ ਇਹ ਚੀਜ਼ਾਂ ਬਿਲਕੁਲ ਕੋਲ ਬੈਠ ਕੇ ਦੇਖੀਆਂ ਹੋਈਆਂ ਹਨ ਆਮ ਤੌਰ ‘ਤੇ ਇਹ ਹੁੰਦਾ ਸੀ ਕਿ ਪਿੰਡ ‘ਚ ਸਾਰੇ ਲੋਕਾਂ ਦਾ ਆਪਸ ‘ਚ ਭਾਈਚਾਰਾ ਹੁੰਦਾ ਸੀ ਕਿਸੇ ਦੇ ਵਿਆਹ-ਸ਼ਾਦੀ ਹੁੰਦੀ, ਤਾਂ ਉੱਥੇ ਮਿਠਾਈਆਂ ਵਗੈਰਾ ਬਣਦੀਆਂ ਸਨ ਤੇ ਘਰੋ-ਘਰੀ ਲੋਕ ਦੁੱਧ ਲੈ ਕੇ ਜਾਂਦੇ ਸਨ ਬਦਲੇ ‘ਚ ਜਦੋਂ ਸ਼ਾਦੀ ਦੇ ਦਿਨ ਨਜ਼ਦੀਕ ਆਉਂਦੇ, ਤਾਂ ਉਨ੍ਹਾਂ ਨੂੰ ਇੱਕ ਚਾਹ ਦਾ ਗਿਲਾਸ ਤੇ ਇੱਕ ਲੱਡੂ ਜਾਂ ਜਲੇਬੀਆਂ, ਉਨ੍ਹਾਂ ਨੂੰ ਦਿੱਤੀਆਂ ਜਾਂਦੀਆਂ ਸੀ ਤੇ ਉਹ ਵੀ ਬਹੁਤ ਵੱਡੀ ਥਾਲੀ ‘ਚ ਲੱਡੂ-ਜਲੇਬੀਆਂ ਰੱਖ ਦਿੱਤੀਆਂ ਜਾਂਦੀਆਂ ਖਾਣ ਵਾਲਾ ਇਹ ਨਹੀਂ ਦੇਖਦਾ ਸੀ ਕਿ ਮੇਰੇ ਵਾਲਾ ਕਿਹੋ ਜਿਹਾ ਹੈ, ਸਗੋਂ ਸਭ ਨੂੰ ਇਹੀ ਹੁੰਦਾ ਸੀ ਕਿ ਮੈਨੂੰ ਛੋਟਾ ਲੱਡੂ ਲਿਆ ਕੇ ਦਿੱਤਾ ਤੇ ਉਸਨੂੰ ਵੱਡਾ ਲੱਡੂ ਲਿਆ ਕੇ ਦਿੱਤਾ!

ਅਜਿਹਾ ਹੋਣ ‘ਤੇ ਅਗਲੀ ਵਾਰ ਪੰਜ ਕਿੱਲੋ ਦੁੱਧ ਦੀ ਜਗ੍ਹਾ, ਉਹ ਦੋ ਕਿੱਲੋ ਹੀ ਦੁੱਧ ਆਉਂਦਾ  ਤਾਂ ਉਹ ਕਹਾਵਤ ਬਣ ਗਈ ਕਿ ‘ਦੂਜਿਆਂ ਦੀ ਥਾਲੀ ‘ਚ ਲੱਡੂ ਵੱਡਾ ਨਜ਼ਰ ਆਉਂਦਾ ਹੈ’ ਅਜਿਹੇ ਹੀ ਕਈ ਸਤਿਸੰਗ ਵੀ ਹੁੰਦੇ ਹਨ ਕਿਉਂਕਿ ਅਸੀਂ ਸੇਵਾ ‘ਚ ਸ਼ੁਰੂ ਤੋਂ ਹੀ ਆਇਆ ਕਰਦੇ ਤੇ ਅਸੀਂ ਸੇਵਾਦਾਰਾਂ ਨੂੰ ਕਹਿੰਦੇ ਸੁਣਿਆ ਹੈ ਕਿ ਦੇਖੋ, ਪਿਤਾ ਜੀ ਨੇ ਉਸਨੂੰ ਤਾਂ ਕੱਪੜੇ ਦੇ ਦਿੱਤੇ ਤੇ ਮੈਨੂੰ ਛੋਟਾ ਜਿਹਾ ਰੁਮਾਲ ਹੀ ਦਿੱਤਾ ਹੈ! ਤੇ ਕਈ, ਜਿਨ੍ਹਾਂ ਨੂੰ ਦ੍ਰਿੜ ਯਕੀਨ ਹੁੰਦਾ ਹੈ, ਉਹ ਕਹਿੰਦੇ ਹਨ ਕਿ ਵਾਹ! ਰੁਮਾਲ ਮਿਲ ਗਿਆ! ਤੇ ਉਹ ਵੀ ਸਤਿਗੁਰੂ ਦੇ ਹੱਥ ਲੱਗਿਆ ਹੋਇਆ! ਤਾਂ ਉਹ ਸੇਵਾਦਾਰ ਉਸ ਰੁਮਾਲ ਨੂੰ ਛਾਤੀ ‘ਤੇ ਲਾਉਂਦੇ, ਚੁੰਮਦੇ, ਦਿਲ ਨਾਲ ਲਾ ਕੇ ਰੱਖਦੇ ਹਨ, ਉਨ੍ਹਾਂ ਨੂੰ ਕਿਸੇ ਤੋਂ ਕੋਈ ਲੈਣਾ-ਦੇਣਾ ਨਹੀਂ ਕਿ ਕਿਸੇ ਨੂੰ ਕੀ ਮਿਲ ਰਿਹਾ ਹੈ!

ਕਿਸੇ ਵੀ ਖੇਤਰ ‘ਚ ਈਰਖਾ, ਨਫ਼ਰਤ ਨਹੀਂ ਕਰਨੀ ਚਾਹੀਦੀ

ਉਨ੍ਹਾਂ ਨੂੰ ਜੋ ਮਿਲਿਆ, ਉਸ ਤੋਂ ਉਹ ਬੇਇੰਤਾਹ ਖੁਸ਼ ਹਨ ਤੇ ਜੋ ਲੋਕ ਦੂਜਿਆਂ ਨਾਲ ਈਰਖਾ ਕਰ-ਕਰਕੇ ਜੋ ਉਨ੍ਹਾਂ ਦੀਆਂ ਖੁਸ਼ੀਆਂ ਹੁੰਦੀਆਂ ਹਨ, ਜੋ ਸਤਿਗੁਰੂ ਨੇ ਉਹਨਾਂ ਨੂੰ ਖੁਸ਼ੀਆਂ ਬਖਸ਼ੀਆਂ ਹੁੰਦੀਆਂ ਹਨ, ਉਹ ਸਾਰੀਆਂ ਗੁਆ ਕੇ ਚਲੇ ਜਾਂਦੇ ਹਨ ਇਹ ਸੱਚਾਈ ਹੈ, ਇਹ ਅਸਲੀਅਤ ਹੈ ਇਸ ਲਈ ਕਿਸੇ ਵੀ ਖੇਤਰ ‘ਚ ਈਰਖਾ, ਨਫ਼ਰਤ ਨਹੀਂ ਕਰਨੀ ਚਾਹੀਦੀ ਭਾਵੇਂ ਦੁਨੀਆਦਾਰੀ ਦਾ ਖੇਤਰ ਹੈ, ਭਾਵੇਂ ਰੂਹਾਨੀਅਤ ਦਾ, ਤੁਸੀਂ ਆਪਣੇ ਭਾਂਡੇ ਅਨੁਸਾਰ ਹੀ ਸਮਾਨ ਪਾਉਂਦੇ ਹੋ ਦੂਜੇ ਪਾਸੇ ਪੀਰ-ਫ਼ਕੀਰ ਖੁਸ਼ੀ ‘ਚ ਤੁਹਾਡੇ ਲਈ ਜੋ ਕੁਝ ਵੀ ਬਖ਼ਸ਼ ਦਿੰਦਾ ਹੈ ਤਾਂ ਸਮਝੋ ਉਹ ਤੁਹਾਡੇ ਲਈ ਬੇਹੱਦ ਵੱਡੀ ਦਾਤ ਹੈ

ਜੋ ਲੋਕ ਦ੍ਰਿੜ ਯਕੀਨ ਹਨ ਉਹ ਮਾਲਕ ਦੀਆਂ ਖੁਸ਼ੀਆਂ ਨਾਲ ਝੋਲੀਆਂ ਭਰਦੇ ਹੋਏ ਜ਼ਿੰਦਗੀ ਗੁਜ਼ਾਰਦੇ ਰਹਿੰਦੇ ਹਨ

ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਕਿ ਕਈ ਵਾਰ ਇਨਸਾਨ ਦੇ ਨਾਲ ਉਸਦੇ ਘਰ-ਪਰਿਵਾਰ ‘ਚ ਅਜਿਹਾ ਵਾਪਰ ਜਾਂਦਾ ਹੈ, ਜਿਸ ਨਾਲ ਇਨਸਾਨ ਝਿੰਜੋੜਿਆ ਜਾਦਾ ਹੈ, ਹਿੱਲ ਜਾਂਦਾ ਹੈ, ਪਰ ਕਹਿੰਦੇ ਹਨ ਕਿ ਪਰਮਾਤਮਾ ਕਈ ਵਾਰ ਅਜਿਹਾ ਕਰਦਾ ਹੈ, ਪਰ ਪਿੱਛੇ ਪਤਾ ਨਹੀਂ ਕੀ ਲੁਕਿਆ ਹੁੰਦਾ ਹੈ! ਪਤਾ ਨਹੀਂ, ਉਸ ਨੂੰ ਕੀ ਦੇਣਾ ਹੁੰਦਾ ਹੈ? ਉਹ ਰਾਮ ਜਾਣੇ! ਕਈ ਵਾਰ ਉਸਦੇ ਭਿਆਨਕ ਕਰਮ ਵੀ ਹੁੰਦੇ ਹਨ, ਜਿਸ ਦੀ ਸਜ਼ਾ ਉਸਨੂੰ ਮਿਲਦੀ ਹੈ ਤੇ ਜੇਕਰ ਉਹ ਸਤਿਸੰਗੀ, ਰਾਮ ਦਾ ਨਾਮ ਲੈਣ ਵਾਲਾ ਹੈ, ਤਾਂ ਉਹੀ ਕਹਿੰਦਾ ਕਿ ਮਾਲਕਾ, ਤੂੰ ਜਾਣ, ਤੇਰਾ ਕੰਮ ਜਾਣੇ! ਮੈਂ ਤਾਂ ਤੇਰਾ ਬੱਚਾ ਹਾਂ, ਮੇਰੇ ਲਈ ਕੀ ਸਹੀ ਹੈ, ਕੀ ਗਲਤ, ਉਹ ਤੂੰ ਜਾਣਦਾ ਹੈ! ਜੇਕਰ ਮੇਰੇ ਲਈ ਇਹੀ ਸਹੀ ਹੈ, ਤਾਂ ਸਤਿ ਬਚਨ! ਜੋ ਲੋਕ ਦ੍ਰਿੜ ਯਕੀਨ ਨਾਲ ਅਜਿਹਾ ਕਰਦੇ ਹਨ, ਉਨ੍ਹਾਂ ਨੂੰ ਕਦੇ ਟੈਨਸ਼ਨ, ਦੁੱਖ, ਪਰੇਸ਼ਾਨੀ ਨਹੀਂ ਆਉਂਦੀ ਤੇ ਉਹ ਮਾਲਕ ਦੀਆਂ ਖੁਸ਼ੀਆਂ ਨਾਲ ਝੋਲੀਆਂ ਭਰਦੇ ਹੋਏ ਜ਼ਿੰਦਗੀ ਗੁਜ਼ਾਰਦੇ ਰਹਿੰਦੇ ਹਨ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter, Instagram, Linkedin , YouTube ‘ਤੇ ਫਾਲੋ ਕਰੋ।

]]> ਦੇਸ਼ Breaking News ਸਤਿਸੰਗ ਅਨਮੋਲ ਬਚਨ ਰੂਹਾਨੀਅਤ https://sachkahoonpunjabi.com/%E0%A8%B0%E0%A9%82%E0%A8%B9%E0%A8%BE%E0%A8%A8%E0%A9%80%E0%A8%85%E0%A8%A4/%E0%A8%85%E0%A8%A8%E0%A8%AE%E0%A9%8B%E0%A8%B2-%E0%A8%AC%E0%A8%9A%E0%A8%A8/jealousy-and-hatred-should-not-be-done-in-any-field-saint-dr-msg/article-33774 https://sachkahoonpunjabi.com/%E0%A8%B0%E0%A9%82%E0%A8%B9%E0%A8%BE%E0%A8%A8%E0%A9%80%E0%A8%85%E0%A8%A4/%E0%A8%85%E0%A8%A8%E0%A8%AE%E0%A9%8B%E0%A8%B2-%E0%A8%AC%E0%A8%9A%E0%A8%A8/jealousy-and-hatred-should-not-be-done-in-any-field-saint-dr-msg/article-33774 Wed, 22 Mar 2023 05:00:12 +0530