ਸਪੋਰਟਸ ਡੈਸਕ। ਭਾਰਤੀ ਮਹਿਲਾ ਟੀਮ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਸ਼੍ਰੀਲੰਕਾ ਨੂੰ ਹਰਾ ਕੇ ਅੱਠਵੀਂ ਵਾਰ ਏਸ਼ੀਆ ਕੱਪ ਦਾ ਖਿਤਾਬ ਜਿੱਤ ਲਿਆ ਹੈ। ਭਾਰਤ ਨੇ ਦੁਬਈ ’ਚ ਸ਼੍ਰੀਲੰਕਾ ਨੂੰ 72 ਦੌੜਾਂ ਨਾਲ ਹਰਾਇਆ। ਭਾਰਤੀ ਟੀਮ ਪੂਰੇ ਟੂਰਨਾਮੈਂਟ ਦੌਰਾਨ ਅਜੇਤੂ ਰਹੀ, ਗਰੁੱਪ ਪੜਾਅ ਤੋਂ ਲੈ ਕੇ ਫਾਈਨਲ ਤੱਕ ਜ਼ਬਰਦਸਤ ਪ੍ਰਦਰਸ਼ਨ ਕੀਤਾ। ਭਾਰਤ ਨੇ 20 ਓਵਰਾਂ ’ਚ ਪੰਜ ਵਿਕਟਾਂ ’ਤੇ 183 ਦੌੜਾਂ ਬਣਾਈਆਂ। ਭਾਰਤ ਲਈ ਸ਼ੈਫਾਲੀ ਵਰਮਾ (Shefali Verma) ਤੇ ਸਮ੍ਰਿਤੀ ਮੰਧਾਨਾ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ, ਅਰਧ ਸੈਂਕੜੇ ਲਾਏ। ਜਵਾਬ ’ਚ, ਸ਼੍ਰੀਲੰਕਾ 20 ਓਵਰਾਂ ’ਚ 111 ਦੌੜਾਂ ’ਤੇ ਆਲ ਆਊਟ ਹੋ ਗਿਆ। ਇਸ ਤਰ੍ਹਾਂ ਭਾਰਤ ਨੇ ਸ਼੍ਰੀਲੰਕਾ ਨਾਲ ਆਪਣਾ ਪੁਰਾਣਾ ਹਿਸਾਬ ਬਰਾਬਰ ਕਰ ਲਿਆ।

ਮਹਿਲਾ ਏਸ਼ੀਆ ਕੱਪ ’ਚ ਭਾਰਤ ਦਾ ਦਬਦਬਾ

ਭਾਰਤੀ ਮਹਿਲਾ ਟੀਮ ਏਸ਼ੀਆ ਕੱਪ ’ਚ ਦਬਦਬਾ ਬਣਾਈ ਰੱਖਦੀ ਹੈ। ਭਾਵੇਂ ਉਹ ਇੱਕ ਰੋਜ਼ਾ ਹੋਵੇ ਜਾਂ ਟੀ-20, ਭਾਰਤੀ ਟੀਮ ਹਮੇਸ਼ਾ ਹਰ ਫਾਰਮੈਟ ਵਿੱਚ ਟੂਰਨਾਮੈਂਟ ਦੇ ਫਾਈਨਲ ’ਚ ਪਹੁੰਚੀ ਹੈ। ਭਾਰਤ ਨੇ ਰਿਕਾਰਡ ਅੱਠ ਵਾਰ ਖਿਤਾਬ ਜਿੱਤਿਆ ਹੈ। ਭਾਰਤ ਨੇ 2004, 2005, 2006, ਤੇ 2008 ’ਚ ਇੱਕ ਰੋਜ਼ਾ ’ਚ ਏਸ਼ੀਆ ਕੱਪ ਤੇ 2012, 2016, 2022 ਤੇ 2026 ’ਚ ਟੀ-20 ਮੈਚ ਜਿੱਤੇ। ਉਹ 2018 ਤੇ 2024 ਵਿੱਚ ਫਾਈਨਲ ’ਚ ਹਾਰ ਗਏ ਸਨ।

ਸ਼ੁਰੂਆਤੀ ਝਟਕਿਆਂ ਤੋਂ ਬਾਅਦ ਸੰਭਲਿਆ ਸ਼੍ਰੀਲੰਕਾ | IND vs SL

ਸ਼੍ਰੀਲੰਕਾ ਟੀਚੇ ਦਾ ਪਿੱਛਾ ਕਰਦੇ ਸਮੇਂ ਇੱਕ ਮਾੜੀ ਸ਼ੁਰੂਆਤ ਦਾ ਸਾਹਮਣਾ ਕਰ ਰਿਹਾ ਸੀ। ਕ੍ਰਾਂਤੀ ਗੌਡ ਨੇ ਇਮਿਸ਼ਾ ਦੁਲਾਨੀ ਨੂੰ ਗੇਂਦਬਾਜ਼ੀ ਕਰਕੇ ਸ਼੍ਰੀਲੰਕਾ ਨੂੰ ਪਹਿਲਾ ਝਟਕਾ ਦਿੱਤਾ। ਦੁਲਾਨੀ ਚਾਰ ਦੌੜਾਂ ਬਣਾ ਕੇ ਆਊਟ ਹੋ ਗਈ ਸੀ। ਕਪਤਾਨ ਚਮਾਰੀ ਅਟਾਪੱਟੂ ਤੇ ਵਿਸ਼ਮਈ ਗੁਣਰਤਨੇ ਨੇ ਫਿਰ ਜ਼ਿੰਮੇਵਾਰੀ ਸੰਭਾਲੀ। ਦੋਵਾਂ ਬੱਲੇਬਾਜ਼ਾਂ ਨੇ ਦੂਜੀ ਵਿਕਟ ਲਈ 58 ਦੌੜਾਂ ਜੋੜੀਆਂ। ਇਹ ਸਾਂਝੇਦਾਰੀ ਦੀਪਤੀ ਦੇ ਅਟਾਪੱਟੂ ਨੂੰ ਆਊਟ ਕਰਨ ਨਾਲ ਟੁੱਟ ਗਈ। ਚਮਾਰੀ ਨੇ 32 ਗੇਂਦਾਂ ’ਚ 36 ਦੌੜਾਂ ਬਣਾਈਆਂ, ਜਿਸ ’ਚ ਚਾਰ ਚੌਕੇ ਤੇ ਦੋ ਛੱਕੇ ਲੱਗੇ।

ਇਹ ਵੀ ਪੜ੍ਹੋ : ਪੰਜਾਬ ਦੀ ਸਭ ਤੋਂ ਵੱਡੀ 'ਯੂਥ ਰਨ': 20,000 ਨੌਜਵਾਨਾਂ ਤੇ ਖਿਡਾਰੀਆਂ ਨੇ ਨਸ਼ਿਆਂ ਵਿਰੁੱਧ ਦਿੱਤਾ ਮਜ਼ਬੂਤ ਸੁਨੇਹਾ

ਭਾਰਤੀ ਗੇਂਦਬਾਜ਼ਾਂ ਨੇ ਕਰਵਾਈ ਵਾਪਸੀ | IND vs SL

ਭਾਰਤੀ ਗੇਂਦਬਾਜ਼ਾਂ ਨੇ ਫਿਰ ਸ਼੍ਰੀਲੰਕਾ ਨੂੰ ਕਈ ਝਟਕੇ ਦਿੱਤੇ ਤੇ ਟੀਮ ਨੂੰ ਮੈਚ ’ਚ ਵਾਪਸ ਲਿਆਂਦਾ। ਦੀਪਤੀ ਨੇ ਸ਼੍ਰੀਲੰਕਾ ਨੂੰ ਤੀਜਾ ਝਟਕਾ ਦਿੱਤਾ, ਵਿਸ਼ਮਾ ਨੂੰ ਆਊਟ ਕੀਤਾ, ਜੋ 22 ਗੇਂਦਾਂ ’ਤੇ 20 ਦੌੜਾਂ ਬਣਾ ਕੇ ਦੋ ਚੌਕਿਆਂ ਦੀ ਮਦਦ ਨਾਲ ਆਊਟ ਹੋ ਗਈ। ਫਿਰ, ਸ਼੍ਰੀ ਚਰਨੀ ਨੇ ਆਪਣੀ ਗੇਂਦਬਾਜ਼ੀ ਨਾਲ ਹਰਸ਼ਿਤਾ ਸਮਰਵਿਕਰਮਾ ਨੂੰ ਆਊਟ ਕੀਤਾ। ਹਰਸ਼ਿਤਾ ਨੌਂ ਦੌੜਾਂ ਬਣਾ ਕੇ ਆਊਟ ਹੋ ਗਈ। ਸ਼੍ਰੀ ਚਰਨੀ ਨੇ ਫਿਰ ਕਵੀਸ਼ਾ ਦਿਲਹਾਰੀ (7) ਤੇ ਨੀਲਾਕਸ਼ੀ ਸਿਲਵਾ ਨੂੰ ਆਊਟ ਕੀਤਾ। ਨੀਲਾਕਸ਼ੀ 22 ਦੌੜਾਂ ਬਣਾ ਕੇ ਆਊਟ ਹੋ ਗਈ। ਸ਼੍ਰੀਲੰਕਾ ਨੂੰ ਹਸੀਨੀ ਪਰੇਰਾ (1) ਦੇ ਰੂਪ ’ਚ ਆਪਣਾ ਸੱਤਵਾਂ ਝਟਕਾ ਲੱਗਾ। ਸੁਗੰਦਿਕਾ ਕੁਮਾਰੀ ਨੇ ਇੱਕ ਦੌੜ ਬਣਾਈ। ਭਾਰਤ ਲਈ, ਸ਼੍ਰੀ ਚਰਨੀ ਨੇ ਸਭ ਤੋਂ ਵੱਧ ਚਾਰ ਵਿਕਟਾਂ ਲਈਆਂ, ਜਦੋਂ ਕਿ ਦੀਪਤੀ ਸ਼ਰਮਾ ਨੇ ਤਿੰਨ ਵਿਕਟਾਂ ਲਈਆਂ। ਕ੍ਰਾਂਤੀ ਗੌੜ, ਸ਼ੇਫਾਲੀ ਵਰਮਾ ਤੇ ਪ੍ਰੇਮਾ ਰਾਵਤ ਨੇ ਇੱਕ-ਇੱਕ ਵਿਕਟ ਲਈ।

ਮੰਧਾਨਾ ਤੇ ਸ਼ੇਫਾਲੀ ਨੇ ਦਿਖਾਇਆ ਦਮ | IND vs SL

ਇਸ ਤੋਂ ਪਹਿਲਾਂ, ਟਾਸ ਜਿੱਤਣ ਤੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕਰਨ ਤੋਂ ਬਾਅਦ, ਭਾਰਤ ਨੇ ਸਮ੍ਰਿਤੀ ਮੰਧਾਨਾ ਤੇ ਸ਼ੇਫਾਲੀ ਵਰਮਾ ਨਾਲ ਮਜ਼ਬੂਤ ​​ਸ਼ੁਰੂਆਤ ਕੀਤੀ। ਉਨ੍ਹਾਂ ਨੇ ਪਹਿਲੀ ਵਿਕਟ ਲਈ 129 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਸ਼ੇਫਾਲੀ ਵਰਮਾ ਨੇ ਇਸ ਸਮੇਂ ਦੌਰਾਨ ਆਪਣਾ 21ਵਾਂ ਟੀ-20 ਅਰਧ ਸੈਂਕੜਾ ਬਣਾਇਆ। ਇਸ ਸਾਂਝੇਦਾਰੀ ਨੂੰ ਚਾਮੁਦੀ ਪ੍ਰਬੋਧ ਨੇ ਸ਼ੇਫਾਲੀ ਨੂੰ ਆਊਟ ਕਰਕੇ ਤੋੜਿਆ। ਸ਼ੇਫਾਲੀ 39 ਗੇਂਦਾਂ ’ਤੇ 68 ਦੌੜਾਂ ਬਣਾ ਕੇ ਆਊਟ ਹੋ ਗਈ, ਜਿਸ ’ਚ 9 ਚੌਕੇ ਤੇ 2 ਛੱਕੇ ਲੱਗੇ। ਇਸ ਤੋਂ ਥੋੜ੍ਹੀ ਦੇਰ ਬਾਅਦ, ਮੰਧਾਨਾ ਨੇ ਵੀ ਆਪਣੀ ਵਿਕਟ ਗੁਆ ਦਿੱਤੀ, ਉਸਨੇ 39 ਗੇਂਦਾਂ ’ਤੇ 59 ਦੌੜਾਂ ਬਣਾਈਆਂ, ਜਿਸ ’ਚ ਪੰਜ ਚੌਕੇ ਤੇ ਤਿੰਨ ਛੱਕੇ ਲੱਗੇ।

ਭਾਰਤ ਦੀ ਪਾਰੀ ਡਗਮਗਾਈ

ਮੰਧਾਨਾ ਤੇ ਸ਼ੇਫਾਲੀ ਨੇ ਭਾਰਤ ਨੂੰ ਮਜ਼ਬੂਤ ​​ਸ਼ੁਰੂਆਤ ਦਿੱਤੀ ਸੀ, ਪਰ ਇਸ ਸਾਂਝੇਦਾਰੀ ਟੁੱਟਣ ਤੋਂ ਬਾਅਦ, ਭਾਰਤੀ ਪਾਰੀ ਡਗਮਗਾ ਗਈ। ਜਦੋਂ ਮੰਧਾਨਾ ਤੇ ਸ਼ੇਫਾਲੀ ਕ੍ਰੀਜ਼ ’ਤੇ ਸਨ, ਤਾਂ ਅਜਿਹਾ ਲੱਗ ਰਿਹਾ ਸੀ ਕਿ ਭਾਰਤ ਆਸਾਨੀ ਨਾਲ 200 ਦੌੜਾਂ ਤੱਕ ਪਹੁੰਚ ਜਾਵੇਗਾ। ਹਾਲਾਂਕਿ, ਸ਼੍ਰੀਲੰਕਾ ਦੇ ਗੇਂਦਬਾਜ਼ਾਂ ਨੇ ਜ਼ੋਰਦਾਰ ਵਾਪਸੀ ਕੀਤੀ। ਭਾਰਤ ਦੀ ਪਹਿਲੀ ਵਿਕਟ 129 ਦੇ ਸਕੋਰ ’ਤੇ ਡਿੱਗੀ, ਪਰ ਟੀਮ ਇੰਡੀਆ ਨੇ ਅਗਲੀਆਂ ਚਾਰ ਵਿਕਟਾਂ 54 ਦੌੜਾਂ ਦੇ ਫਰਕ ’ਚ ਗੁਆ ਦਿੱਤੀਆਂ। ਮੰਧਾਨਾ ਤੇ ਸ਼ੇਫਾਲੀ ਤੋਂ ਇਲਾਵਾ, ਰਿਚਾ ਘੋਸ਼ ਨੇ 17, ਹਰਮਨਪ੍ਰੀਤ ਨੇ 14 ਤੇ ਦੀਪਤੀ ਸ਼ਰਮਾ ਨੇ ਪੰਜ ਦੌੜਾਂ ਬਣਾਈਆਂ, ਜਦੋਂ ਕਿ ਜੀ. ਕਮਲਿਨੀ 15 ਤੇ ਭਾਰਤੀ ਫੁਲਮਾਲੀ ਨੇ ਦੋ ਦੌੜਾਂ ਬਣਾ ਕੇ ਨਾਬਾਦ ਰਹੀਆਂ। ਸ਼੍ਰੀਲੰਕਾ ਲਈ ਮਿਤਾਲੀ ਅਯੋਧਿਆ, ਚਮਾਰੀ ਅਟਾਪੱਟੂ ਤੇ ਚਾਮੁਦੀ ਪ੍ਰਬੋਧਾ ਨੇ ਇੱਕ-ਇੱਕ ਵਿਕਟ ਲਈ।

ਸਪੋਰਟਸ ਡੈਸਕ। ਭਾਰਤ ਤੇ ਸ਼੍ਰੀਲੰਕਾ ਵਿਚਕਾਰ ਖੇਡੀ ਗਈ ਦੋ ਟੈਸਟ ਮੈਚਾਂ ਦੀ ਸੀਰੀਜ਼ ਦਾ ਆਖਰੀ ਟੈਸਟ ਮੈਚ ਕੋਲੰਬੋ ’ਚ ਖੇਡਿਆ ਗਿਆ। ਸੀਰੀਜ਼ ਦਾ ਆਖਰੀ ਤੇ ਦੂਜਾ ਟੈਸਟ ਮੈਚ ਅੱਜ ਡਰਾਅ ’ਤੇ ਸਮਾਪਤ ਹੋਇਆ। ਇਸ ਦੇ ਨਾਲ ਹੀ ਭਾਰਤ ਨੇ ਇਹ ਦੋ ਮੈਚਾਂ ਦੀ ਟੈਸਟ ਲੜੀ 1-0 ਨਾਲ ਜਿੱਤ ਲਈ। ਇਸ ਤੋਂ ਪਹਿਲਾਂ ਭਾਰਤੀ ਟੀਮ ਨੇ ਪਹਿਲਾ ਟੈਸਟ ਮੈਚ 165 ਦੌੜਾਂ ਨਾਲ ਜਿੱਤਿਆ ਸੀ। ਦੂਜੇ ਟੈਸਟ ਮੈਚ ’ਚ ਸ਼੍ਰੀਲੰਕਾ ਵੱਲੋਂ ਸੋਨਲ ਦਨੂਸ਼ਾ ਨੇ ਦੋਵੇਂ ਪਾਰੀਆਂ ’ਚ ਸੈਂਕੜੇ ਜੜੇ। ਕੋਲੰਬੋ ਕੌਮਾਂਤਰੀ ਕ੍ਰਿਕੇਟ ਸਟੇਡੀਅਮ ’ਚ ਪਹਿਲੀ ਪਾਰੀ ’ਚ 290 ਦੌੜਾਂ ’ਤੇ ਆਲਆਊਟ ਹੋਣ ਤੋਂ ਬਾਅਦ ਸ਼੍ਰੀਲੰਕਾਈ ਟੀਮ ਨੂੰ ਫਾਲੋਆਨ ਖੇਡਣ ਲਈ ਮਜ਼ਬੂਰ ਹੋਣਾ ਪਿਆ। ਇੱਕ ਸਮੇਂ ਲੱਗ ਰਿਹਾ ਸੀ ਕਿ ਮੈਚ ਭਾਰਤ ਦੇ ਪੱਖ ’ਚ ਚੱਲਿਆ ਗਿਆ ਹੈ। ਪਰ ਸੋਨਲ ਦਨੁਸ਼ਾ ਨੇ ਦੂਜੀ ਪਾਰੀ ’ਚ ਨਾਬਾਦ 133 ਦੌੜਾਂ ਦੀ ਪਾਰੀ ਖੇਡ ਕੇ ਮੈਚ ਬਚਾ ਲਿਆ। ਆਖਰੀ ਦਿਨ ਦੀ ਖੇਡ ਸਮਾਪਤ ਹੋਣ ’ਚ 17 ਓਵਰ ਬਾਕੀ ਸਨ। ਤਾਂ ਉਦੋਂ ਦੋਵੇਂ ਟੀਮਾਂ ਦੇ ਕਪਤਾਨਾਂ ਨੇ ਸਹਿਮਦੀ ਨਾਲ ਮੈਚ ਡਰਾਅ ਕਰ ਲਿਆ। ਉਸ ਮੌਕੇ ਨੇ ਸ਼੍ਰੀਲੰਕਾ ਦੀ ਟੀਮ ਨੇ ਦੂਜੀ ਪਾਰੀ ’ਚ 9 ਵਿਕਟਾਂ ਗੁਆ ਕੇ 429 ਦੌੜਾਂ ਬਣਾ ਲਈਆਂ ਸਨ। ਉਨ੍ਹਾਂ ਦੀ ਲੀਡ ਵੀ 216 ਦੌੜਾਂ ਦੀ ਹੋ ਗਈ ਸੀ। ਇਸ ਤੋਂ ਪਹਿਲਾਂ ਭਾਰਤੀ ਟੀਮ ਨੇ ਆਪਣੀ ਪਹਿਲੀ ਪਾਰੀ 503/9 ’ਤੇ ਐਲਾਨੀ ਸੀ। IND vs SL

ਇਹ ਵੀ ਪੜ੍ਹੋ : ICC Rankings: ਬੁਮਰਾਹ ਨੂੰ ਪਿੱਛੇ ਛੱਡ ਮਿਸ਼ੇਲ ਸਟਾਰਕ ਬਣੇ ਨੰਬਰ- 1 ਟੈਸਟ ਗੇਂਦਬਾਜ਼

ਸਪੋਰਟਸ ਡੈਸਕ। Colombo Test: ਕੋਲੰਬੋ ਟੈਸਟ ’ਚ, ਸ਼੍ਰੀਲੰਕਾ ਪਹਿਲੀ ਪਾਰੀ ’ਚ 290 ਦੌੜਾਂ ’ਤੇ ਆਲ ਆਊਟ ਹੋ ਗਈ ਹੈ। ਭਾਰਤ ਨੇ 213 ਦੌੜਾਂ ਦੀ ਲੀਡ ਲੈਣ ਤੋਂ ਬਾਅਦ ਸ਼੍ਰੀਲੰਕਾ ਨੂੰ ਫਾਲੋਆਨ ਦਿੱਤਾ। ਭਾਰਤ ਨੇ ਆਪਣੀ ਪਹਿਲੀ ਪਾਰੀ 503/9 ਦੇ ਸਕੋਰ ’ਤੇ ਐਲਾਨੀ ਸੀ। ਭਾਰਤ ਲਈ, ਪ੍ਰਸਿਧ ਕ੍ਰਿਸ਼ਨਾ ਤੇ ਮਾਨਵ ਸੁਥਾਰ ਨੇ 3-3 ਵਿਕਟਾਂ ਲਈਆਂ, ਜਦੋਂ ਕਿ ਸ਼੍ਰੀਲੰਕਾ ਲਈ, ਸੋਨਲ ਦਿਨੁਸ਼ਾ ਨੇ 103 ਦੌੜਾਂ ਦੀ ਸ਼ਾਨਦਾਰ ਸੈਂਕੜਾ ਪਾਰੀ ਖੇਡੀ। ਟੀਮ ਇੰਡੀਆ ਦੋ ਮੈਚਾਂ ਦੀ ਲੜੀ ’ਚ 1-0 ਨਾਲ ਅੱਗੇ ਹੈ। ਅੱਜ ਮੈਚ ਦਾ ਚੌਥਾ ਦਿਨ ਹੈ ਤੇ ਇਸ ਸਮੇਂ ਖੇਡ ਦਾ ਪਹਿਲਾ ਸੈਸ਼ਨ ਚੱਲ ਰਿਹਾ ਹੈ। ਸ਼੍ਰੀਲੰਕਾ ਦੀ ਦੂਜੀ ਪਾਰੀ ਸ਼ੁਰੂ ਹੋ ਗਈ ਹੈ ਤੇ ਟੀਮ ਨੇ 1 ਵਿਕਟ ਦੇ ਨੁਕਸਾਨ ’ਤੇ 11 ਦੌੜਾਂ ਬਣਾ ਲਈਆਂ ਹਨ।

ਇਹ ਵੀ ਪੜ੍ਹੋ : Jalandhar Road Accident: ਜਲੰਧਰ ’ਚ ਤੇਜ਼ ਰਫ਼ਤਾਰ ਸਕਾਰਪੀਓ ਦੀ ਟੱਕਰ, ਮਹਿਲਾ ਤੇ ਬੱਚੀ ਗੰਭੀਰ ਜ਼ਖ਼ਮੀ

ਸਪੋਰਟਸ ਡੈਸਕ। ਭਾਰਤ ਨੇ ਕੋਲੰਬੋ ’ਚ ਸ਼੍ਰੀਲੰਕਾ ਵਿਰੁੱਧ ਦੂਜੇ ਟੈਸਟ ਦੇ ਦੂਜੇ ਦਿਨ 8 ਵਿਕਟਾਂ ’ਤੇ 475 ਦੌੜਾਂ ਬਣਾ ਲਈਆਂ ਹਨ। ਚਾਹ ਦੇ ਬ੍ਰੇਕ ਤੋਂ ਬਾਅਦ ਤੀਜੇ ਸੈਸ਼ਨ ’ਚ ਮੀਂਹ ਕਾਰਨ ਖੇਡ ਸ਼ੁਰੂ ਨਹੀਂ ਹੋ ਸਕੀ। ਧਰੁਵ ਜੁਰੇਲ 95 ਦੌੜਾਂ ਬਣਾ ਕੇ ਨਾਬਾਦ ਹਨ, ਮੁਹੰਮਦ ਸਿਰਾਜ ਉਨ੍ਹਾਂ ਦਾ ਸਾਥ ਦੇ ਰਹੇ ਹਨ। ਮਾਨਵ ਸੁਥਾਰ 18 ਦੌੜਾਂ ਬਣਾ ਕੇ ਆਊਟ ਹੋਏ। ਇਸ ਤੋਂ ਪਹਿਲਾਂ ਰਿਸ਼ਭ ਪੰਤ 63 ਦੌੜਾਂ ਬਣਾ ਕੇ ਆਊਟ ਹੋਏ। ਪਹਿਲੇ ਦਿਨ 3 ਦੌੜਾਂ ’ਤੇ ਸੱਟ ਕਾਰਨ ਰਿਟਾਇਰਡ ਹਰਟ ਹੋਏ ਰਿਸ਼ਭ ਪੰਤ ਨੇ ਦੂਜੇ ਦਿਨ ਵਾਪਸੀ ਕੀਤੀ ਤੇ ਸ਼ਾਨਦਾਰ ਅਰਧਸੈਂਕੜਾ ਜੜਿਆ। ਪਰ ਲੰਚ ਤੋਂ ਬਾਅਦ ਪਹਿਲੀ ਹੀ ਗੇਂਦ ’ਤੇ ਆਊਟ ਹੋ ਗਏ। ਭਾਰਤ ਨੇ ਸਿੰਹਲੀਜ਼ ਸਪੋਰਟਸ ਕਲੱਬ ’ਚ ਦੂਜੇ ਦਿਨ ਦੀ ਸ਼ੁਰੂਆਤ 300/5 ਦੇ ਸਕੋਰ ਨਾਲ ਕੀਤੀ ਸੀ। ਟੀਮ ਨੇ ਪਹਿਲੇ ਸੈਸ਼ਨ ’ਚ ਇੱਕ ਵਿਕਟ ਗੁਆ ਕੇ 119 ਦੌੜਾਂ ਜੋੜੀਆਂ ਸਨ। ਡੈਬਿਊ ਕਰਨ ਵਾਲੇ ਸਰਾਂਸ਼ ਜੈਨ 6 ਦੌੜਾਂ ਬਣਾ ਕੇ ਆਊਟ ਹੋਏ। ਭਾਰਤ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਸੀ। ਗਾਲੇ ’ਚ ਪਹਿਲਾ ਟੈਸਟ 165 ਦੌੜਾਂ ਨਾਲ ਜਿੱਤ ਕੇ ਭਾਰਤੀ ਟੀਮ ਸੀਰੀਜ਼ ’ਚ 1-0 ਨਾਲ ਅੱਗੇ ਹੈ। IND vs SL

ਇਹ ਵੀ ਪੜ੍ਹੋ : Punjab News: ਮੁੱਖ ਮੰਤਰੀ ਦੀ ਭੈਣ ਦੇ ਸਹੁਰੇ ਦਾ ਦੇਹਾਂਤ, ਰਜਿੰਦਰਾ ਹਸਪਤਾਲ ’ਚ ਲਏ ਆਖਰੀ ਸਾਹ

ਸਪੋਰਟਸ ਡੈਸਕ। IND vs SL 2nd Test: ਭਾਰਤ ਤੇ ਸ਼੍ਰੀਲੰਕਾ ਵਿਚਕਾਰ ਦੋ ਟੈਸਟ ਮੈਚਾਂ ਦੀ ਲੜੀ ਦਾ ਦੂਜਾ ਮੈਚ ਅੱਜ ਕੋਲੰਬੋ ਦੇ ਸਿੰਹਲੀ ਸਪੋਰਟਸ ਕਲੱਬ ਵਿਖੇ ਖੇਡਿਆ ਜਾਵੇਗਾ। ਭਾਰਤ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਹੈ। ਗਾਲੇ ’ਚ ਪਹਿਲਾ ਟੈਸਟ 165 ਦੌੜਾਂ ਨਾਲ ਜਿੱਤਣ ਤੋਂ ਬਾਅਦ ਭਾਰਤ ਸੀਰੀਜ਼ ’ਚ 1-0 ਨਾਲ ਅੱਗੇ ਹੈ। ਟੀਮ ਹੁਣ 2-0 ਨਾਲ ਸੀਰੀਜ਼ ਜਿੱਤਣ ’ਤੇ ਨਜ਼ਰਾਂ ਲਾ ਰਹੀ ਹੈ। ਭਾਰਤ ਨੇ ਆਖਰੀ ਵਾਰ ਜੁਲਾਈ 2023 ’ਚ ਵੈਸਟਇੰਡੀਜ਼ ਵਿਰੁੱਧ ਵਿਦੇਸ਼ੀ ਧਰਤੀ ’ਤੇ ਟੈਸਟ ਸੀਰੀਜ਼ ਜਿੱਤੀ ਸੀ। ਕਪਤਾਨ ਸ਼ੁਭਮਨ ਗਿੱਲ ਕੋਲ ਇਸ ਮੈਚ ’ਚ ਦੋ ਰਿਕਾਰਡ ਤੋੜਨ ਦਾ ਮੌਕਾ ਹੈ। ਗਿੱਲ ਕੋਲ ਇਸ ਸਮੇਂ 2,993 ਟੈਸਟ ਦੌੜਾਂ ਹਨ। ਗਿੱਲ ਸੱਤ ਦੌੜਾਂ ਬਣਾਉਂਦੇ ਹੀ 3,000 ਦੌੜਾਂ ਪੂਰੀਆਂ ਕਰ ਲੈਣਗੀਆਂ। ਉਸਨੇ 47 ਟੈਸਟ ਛੱਕੇ ਵੀ ਲਾਏ ਹਨ ਤੇ 50 ਛੱਕੇ ਲਾਉਣ ਦੇ ਕਰੀਬ ਹਨ। ਤਿੰਨ ਛੱਕੇ ਉਸਨੂੰ 50 ਛੱਕਿਆਂ ਤੱਕ ਲੈ ਜਾਣਗੇ। IND vs SL 2nd Test

ਇਹ ਵੀ ਪੜ੍ਹੋ : ਵੰਦੇ ਮਾਤਰਮ ਦੇ ਸਨਮਾਨ, ਇਤਿਹਾਸਕ ਵਿਰਾਸਤ ਦੀ ਰੱਖਿਆ ਲਈ ਭਾਜਪਾ ਨੇ ਪ੍ਰਸਤਾਵ ਪਾਸ ਕੀਤਾ

ਸਪੋਰਟਸ ਡੈਸਕ। ਭਾਰਤ ਤੇ ਸ਼੍ਰੀਲੰਕਾ ਵਿਚਕਾਰ ਦੋ ਟੈਸਟ ਮੈਚਾਂ ਦੀ ਲੜੀ ਦਾ ਦੂਜਾ ਮੈਚ 23 ਅਗਸਤ ਤੋਂ ਕੋਲੰਬੋ ਦੇ ਸਿੰਹਲੀ ਸਪੋਰਟਸ ਕਲੱਬ ਮੈਦਾਨ ’ਤੇ ਖੇਡਿਆ ਜਾਵੇਗਾ। ਗਾਲੇ ’ਚ 165 ਦੌੜਾਂ ਨਾਲ ਪਹਿਲਾ ਮੁਕਾਬਲਾ ਜਿੱਤਣ ਤੋਂ ਬਾਅਦ ਭਾਰਤ ਹੁਣ ਸੀਰੀਜ਼ ’ਚ 1-0 ਨਾਲ ਅੱਗੇ ਹੈ। ਭਾਰਤ ਹੁਣ 2-0 ਨਾਲ ਸੀਰੀਜ਼ ਜਿੱਤਣ ਤੇ ਤਿੰਨ ਸਾਲਾਂ ’ਚ ਆਪਣੀ ਪਹਿਲੀ ਵਿਦੇਸ਼ੀ ਟੈਸਟ ਸੀਰੀਜ਼ ਜਿੱਤਣ ’ਤੇ ਨਜ਼ਰਾਂ ਲਾ ਰਿਹਾ ਹੈ। ਭਾਰਤ ਨੇ ਆਖਰੀ ਵਾਰ ਜੁਲਾਈ 2023 ’ਚ ਵੈਸਟਇੰਡੀਜ਼ ਵਿਰੁੱਧ ਵਿਦੇਸ਼ੀ ਟੈਸਟ ਸੀਰੀਜ਼ ਜਿੱਤੀ ਸੀ। ਕਪਤਾਨ ਸ਼ੁਭਮਨ ਗਿੱਲ ਦੀਆਂ ਇਸ ਸਮੇਂ ਟੈਸਟ ਕ੍ਰਿਕੇਅ ਵਿੱਚ 2,993 ਦੌੜਾਂ ਹਨ। ਉਹ ਸੱਤ ਦੌੜਾਂ ਬਣਾਉਂਦੇ ਹੀ 3,000 ਟੈਸਟ ਦੌੜਾਂ ਤੱਕ ਪਹੁੰਚ ਜਾਣਗੇ। ਗਿੱਲ ਪਹਿਲਾਂ ਹੀ 47 ਟੈਸਟ ਛੱਕੇ ਲਾ ਚੁੱਕੇ ਹਨ ਤੇ ਤਿੰਨ ਛੱਕੇ ਲਾਉਂਦੇ ਹੀ 50 ਛੱਕੇ ਪੂਰੇ ਕਰ ਦੇਣਗੇ। IND vs SL

ਜੈਸਵਾਲ ’ਤੇ ਵੱਡੀ ਪਾਰੀ ਖੇਡਣ ਦਾ ਦਬਾਅ | IND vs SL

ਸਲਾਮੀ ਬੱਲੇਬਾਜ਼ ਯਸ਼ਸਵੀ ਜਾਇਸਵਾਲ ਵੀ ਲੰਬੇ ਸਮੇਂ ਤੋਂ ਵੱਡੀ ਪਾਰੀ ਦੀ ਉਡੀਕ ਕਰ ਰਹੇ ਹਨ। ਪਿਛਲੇ ਸਾਲ ਵੈਸਟਇੰਡੀਜ਼ ਵਿਰੁੱਧ ਦਿੱਲੀ ਟੈਸਟ ’ਚ ਸੈਂਕੜਾ ਲਾਉਣ ਤੋਂ ਬਾਅਦ, ਉਸਨੇ ਆਪਣੀਆਂ ਆਖਰੀ ਅੱਠ ਪਾਰੀਆਂ ’ਚ ਸਿਰਫ ਇੱਕ ਅਰਧ ਸੈਂਕੜਾ ਲਾਇਆ ਹੈ। ਗਾਲੇ ਟੈਸਟ ਦੀ ਦੂਜੀ ਪਾਰੀ ’ਚ, ਤੇਜ਼ ਗੇਂਦਬਾਜ਼ ਅਸਿਤਾ ਫਰਨਾਂਡੋ ਦੀ ਇੱਕ ਛੋਟੀ ਗੇਂਦ ਨੂੰ ਕੱਟਣ ਦੀ ਕੋਸ਼ਿਸ਼ ਕਰਦੇ ਹੋਏ ਜਾਇਸਵਾਲ ਵਿਕਟ ਪਿੱਛੇ ਕੈਚ ਆਊਟ ਹੋਏ ਸਨ। ਉਨ੍ਹਾਂ ਕੋਲੰਬੋ ’ਚ ਨੈੱਟਸ ਵਿੱਚ ਵੀ ਇਸ ਸ਼ਾਟ ’ਤੇ ਕੰਮ ਕੀਤਾ। ਭਾਰਤੀ ਤੇਜ਼ ਗੇਂਦਬਾਜ਼ਾਂ ਤੇ ਗੇਂਦਬਾਜ਼ੀ ਕੋਚ ਮੋਰਨੇ ਮੋਰਕਲ ਨੇ ਆਫ-ਸਟੰਪ ਤੋਂ ਬਾਹਰ ਗੇਂਦਬਾਜ਼ੀ ਕਰਕੇ ਉਸਨੂੰ ਕੱਟ ਲਈ ਮਜਬੂਰ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਜਾਇਸਵਾਲ ਨੇ ਕਈ ਗੇਂਦਾਂ ਛੱਡ ਕੇ ਜਵਾਬ ਦਿੱਤਾ। IND vs SL

ਇਹ ਵੀ ਪੜ੍ਹੋ : Assam Flood: ਅਸਾਮ, ਹੜ੍ਹ ਨਾਲ 73 ਪਿੰਡਾਂ ਦੇ 15,512 ਨਾਗਰਿਕ ਅਜੇ ਵੀ ਪ੍ਰਭਾਵਿਤ

ਕੁਲਦੀਪ ਜਾਂ ਸਰਾਂਸ਼, ਤੀਜੇ ਸਪਿਨਰ ’ਤੇ ਫੈਸਲਾ ਅਜੇ ਬਾਕੀ

ਭਾਰਤੀ ਟੀਮ ਦੇ ਸਾਹਮਣੇ ਸਭ ਤੋਂ ਵੱਡਾ ਚੋਣ ਸਵਾਲ ਤੀਜੇ ਸਪਿਨਰ ਬਾਰੇ ਹੈ। ਗਾਲੇ ਟੈਸਟ ’ਚ, ਕੁਲਦੀਪ ਯਾਦਵ ਨੇ ਦੋਵਾਂ ਪਾਰੀਆਂ ’ਚ ਕੁੱਲ 25 ਓਵਰ ਗੇਂਦਬਾਜ਼ੀ ਕੀਤੀ ਤੇ ਸਿਰਫ ਇੱਕ ਵਿਕਟ ਲਈ। ਉਹ ਟੀਮ ਦੇ ਸਭ ਤੋਂ ਮਹਿੰਗੇ ਗੇਂਦਬਾਜ਼ ਵੀ ਬਣੇ ਹਨ। ਆਫ-ਸਪਿਨਰ ਸਰਾਂਸ਼ ਜੈਨ ਦੇ ਦੂਜੇ ਟੈਸਟ ’ਚ ਉਨ੍ਹਾਂ ਦੀ ਜਗ੍ਹਾ ਲੈਣ ਦੀ ਸੰਭਾਵਨਾ ਹੈ। ਉਸਨੇ ਸ਼ੁੱਕਰਵਾਰ ਨੂੰ ਨੈੱਟਸ ’ਚ ਇੱਕ ਲੰਮਾ ਸਪੈਲ ਗੇਂਦਬਾਜ਼ੀ ਕੀਤੀ, ਸ਼ੁਭਮਨ ਗਿੱਲ ਤੇ ਰਿਸ਼ਭ ਪੰਤ ਨੂੰ ਵੀ ਗੇਂਦਬਾਜ਼ੀ ਕੀਤੀ। ਸ਼੍ਰੀਲੰਕਾ ਟੀਮ ਵਿੱਚ ਖੱਬੇ ਹੱਥ ਦੇ ਬੱਲੇਬਾਜ਼ਾਂ ਦੀ ਗਿਣਤੀ ਨੂੰ ਵੇਖਦੇ ਹੋਏ, ਸਰਾਂਸ਼ ਨੂੰ ਮੌਕਾ ਮਿਲ ਸਕਦਾ ਹੈ। ਹਾਲਾਂਕਿ, ਕੁਲਦੀਪ ਨੂੰ ਬਾਹਰ ਕਰਨਾ ਅਜੇ ਵੀ ਅਨਿਸ਼ਚਿਤ ਹੈ। ਸਪਿਨ ਗੇਂਦਬਾਜ਼ੀ ਕੋਚ ਸਾਈਰਾਜ ਬਾਹੁਤੇਲੇ ਨੇ ਉਸਦਾ ਬਚਾਅ ਕੀਤਾ ਹੈ। ਉਹ ਕਹਿੰਦਾ ਹੈ ਕਿ ਇੱਕ ਖਿਡਾਰੀ ਨੂੰ ਇੱਕ ਮੈਚ ’ਚ ਉਸਦੇ ਪ੍ਰਦਰਸ਼ਨ ਤੋਂ ਨਹੀਂ ਪਰਖਿਆ ਜਾਣਾ ਚਾਹੀਦਾ। ਕੁਲਦੀਪ ਨੇ ਗਾਲੇ ’ਚ ਮੈਚ ਦੀਆਂ ਜ਼ਰੂਰਤਾਂ ਅਨੁਸਾਰ ਆਪਣੀ ਗੇਂਦਬਾਜ਼ੀ ਦੀ ਦਿਸ਼ਾ ਤੇ ਚਾਲ ਬਦਲਣ ਦੀ ਕੋਸ਼ਿਸ਼ ਕੀਤੀ। ਅੰਤਿਮ ਫੈਸਲਾ ਪਿੱਚ ਤੇ ਟੀਮ ਸੁਮੇਲ ’ਤੇ ਅਧਾਰਤ ਹੋਵੇਗਾ।

ਜਡੇਜਾ ਕੋਲ ਵੀ 2 ਰਿਕਾਰਡ ਬਣਾਉਣ ਦਾ ਵਧੀਆ ਮੌਕਾ

ਰਵਿੰਦਰ ਜਡੇਜਾ ਇਸ ਟੈਸਟ ’ਚ ਦੋ ਨਿੱਜੀ ਮੀਲ ਪੱਥਰ ਹਾਸਲ ਕਰ ਸਕਦੇ ਹਨ। ਟੈਸਟ ਕ੍ਰਿਕੇਟ ’ਚ ਉਨ੍ਹਾਂ ਦੇ 399 ਚੌਕੇ ਹਨ। ਇੱਕ ਹੋਰ ਚੌਕਾ ਮਾਰਨ ਨਾਲ ਉਹ 400 ਤੱਕ ਪਹੁੰਚ ਜਾਣਗੇ। ਜਡੇਜਾ ਨੇ 49 ਟੈਸਟ ਕੈਚ ਵੀ ਲਏ ਹਨ। ਇੱਕ ਹੋਰ ਕੈਚ ਉਨ੍ਹਾਂ ਨੂੰ 50 ਟੈਸਟ ਕੈਚ ਤੱਕ ਲੈ ਜਾਣਗੇ।

ਭਾਰਤੀ ਟੀਮ ਦੀਆਂ ਨਜ਼ਰਾਂ 2-0 ਨਾਲ ਜਿੱਤ ’ਤੇ

ਗਾਲੇ ’ਚ ਜਿੱਤ ਤੋਂ ਬਾਅਦ, ਭਾਰਤ ਮੌਜੂਦਾ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਚੱਕਰ ’ਚ 53.33 ਫੀਸਦੀ ਅੰਕਾਂ ਨਾਲ ਪੰਜਵੇਂ ਸਥਾਨ ’ਤੇ ਹੈ। ਜੇਕਰ ਭਾਰਤ ਕੋਲੰਬੋ ਟੈਸਟ ਜਿੱਤਦਾ ਹੈ ਤੇ 2-0 ਨਾਲ ਲੜੀ ’ਚ ਸਵੀਪ ਪੂਰਾ ਕਰਦਾ ਹੈ, ਤਾਂ ਇਸਦਾ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਅੰਕ ਫੀਸਦੀ 57.58 ਤੱਕ ਪਹੁੰਚ ਸਕਦਾ ਹੈ, ਜਿਸ ਨਾਲ ਟੀਮ ਦੇ ਚੌਥੇ ਸਥਾਨ ’ਤੇ ਜਾਣ ਦੀਆਂ ਸੰਭਾਵਨਾਵਾਂ ਵੱਧ ਜਾਂਦੀਆਂ ਹਨ।

ਸਪੋਰਟਸ ਡੈਸਕ। ਸ਼੍ਰੀਲੰਕਾ ’ਚ ਭਾਰਤ ਦੇ ਹਾਈ ਕਮਿਸ਼ਨਰ ਸੰਤੋਸ਼ ਝਾਅ ਨੇ ਸ਼੍ਰੀਲੰਕਾ ਵਿਰੁੱਧ ਚੱਲ ਰਹੀ ਦੋ ਮੈਚਾਂ ਦੀ ਟੈਸਟ ਲੜੀ ਦੇ ਦੂਜੇ ਮੈਚ ਤੋਂ ਪਹਿਲਾਂ ਕੋਲੰਬੋ ਦੇ ਇੰਡੀਆ ਹਾਊਸ ਵਿਖੇ ਭਾਰਤੀ ਪੁਰਸ਼ ਕ੍ਰਿਕੇਟ ਟੀਮ ਦੀ ਮੇਜ਼ਬਾਨੀ ਕੀਤੀ। ਭਾਰਤੀ ਹਾਈ ਕਮਿਸ਼ਨਰ ਨੇ ਮੈਚ ਤੋਂ ਪਹਿਲਾਂ ਸ਼੍ਰੀਲੰਕਾ ਟੀਮ ਦੀ ਮੇਜ਼ਬਾਨੀ ਵੀ ਕੀਤੀ। ਭਾਰਤ ਤੇ ਸ਼੍ਰੀਲੰਕਾ ਵਿਚਕਾਰ ਦੂਜਾ ਟੈਸਟ 23 ਅਗਸਤ ਤੋਂ ਸ਼ੁਰੂ ਹੋ ਰਿਹਾ ਹੈ। ਭਾਰਤ ਲੜੀ 1-0 ਨਾਲ ਅੱਗੇ ਹੈ।

ਬੀਸੀਸੀਆਈ ਨੇ ਫੋਟੋਆਂ ਕੀਤੀਆਂ ਸਾਂਝੀਆਂ | IND vs SL

ਭਾਰਤ ਕ੍ਰਿਕੇਟ ਕੰਟਰੋਲ ਬੋਰਡ (ਬੀਸੀਸੀਆਈ) ਨੇ ਐਕਸ ’ਤੇ ਇੱਕ ਪੋਸਟ ’ਚ ਕਿਹਾ ਕਿ ਹਾਈ ਕਮਿਸ਼ਨਰ ਸੰਤੋਸ਼ ਝਾਅ ਨੇ ਸ਼੍ਰੀਲੰਕਾ ਵਿਰੁੱਧ ਦੂਜੇ ਟੈਸਟ ਤੋਂ ਪਹਿਲਾਂ ਟੀਮ ਇੰਡੀਆ ਦੀ ਮੇਜ਼ਬਾਨੀ ਕੀਤੀ ਤੇ ਇਸ ਨੂੰ ਇੱਕ ਯਾਦਗਾਰੀ ਸ਼ਾਮ ਦੱਸਿਆ। ਬੀਸੀਸੀਆਈ ਨੇ ਐਕਸ ਪੋਸਟ ’ਚ ਕਿਹਾ, ‘ਕੋਲੰਬੋ ’ਚ ਇੱਕ ਯਾਦਗਾਰੀ ਸ਼ਾਮ’ ਸ਼੍ਰੀਲੰਕਾ ’ਚ ਭਾਰਤ ਦੇ ਹਾਈ ਕਮਿਸ਼ਨਰ ਸੰਤੋਸ਼ ਝਾਅ ਨੇ ਸ਼੍ਰੀਲੰਕਾ ਵਿਰੁੱਧ ਦੂਜੇ ਟੈਸਟ ਤੋਂ ਪਹਿਲਾਂ ਇੰਡੀਆ ਹਾਊਸ ਵਿਖੇ ਭਾਰਤੀ ਟੀਮ ਦੀ ਮੇਜ਼ਬਾਨੀ ਕੀਤੀ। IND vs SL

ਹਾਈ ਕਮਿਸ਼ਨਰ ਦੀਆਂ ਪੋਸਟਾਂ | IND vs SL

ਹਾਈ ਕਮਿਸ਼ਨਰ ਸੰਤੋਸ਼ ਝਾਅ ਨੇ ਐਕਸ ’ਤੇ ਇਹ ਵੀ ਕਿਹਾ ਕਿ ਉਹ ਭਾਰਤੀ ਤੇ ਸ਼੍ਰੀਲੰਕਾ ਕ੍ਰਿਕੇਟ ਟੀਮਾਂ ਦੀ ਮੇਜ਼ਬਾਨੀ ਕਰਕੇ ਖੁਸ਼ ਹਨ। ਉਨ੍ਹਾਂ ਨੇ ਇਸ ਬਾਰੇ ਗੱਲ ਕੀਤੀ ਕਿ ਕਿਵੇਂ ਕ੍ਰਿਕੇਟ ਪ੍ਰਤੀ ਜਨੂੰਨ ਦੋਵਾਂ ਦੇਸ਼ਾਂ ਵਿਚਕਾਰ ਲੰਬੇ ਸਮੇਂ ਤੋਂ ਚੱਲ ਰਹੇ ਸਬੰਧਾਂ ਨੂੰ ਮਜ਼ਬੂਤ ​​ਕਰਦਾ ਹੈ। ਆਪਣੀ ਪੋਸਟ ’ਚ, ਉਸਨੇ ਕਿਹਾ, ‘ਟੀਮ ਇੰਡੀਆ ਲਈ ਖੁਸ਼ੀ। ਸ਼੍ਰੀਲੰਕਾ ’ਚ ਚੱਲ ਰਹੀ ਟੈਸਟ ਲੜੀ ਦੌਰਾਨ ਭਾਰਤੀ ਤੇ ਸ਼੍ਰੀਲੰਕਾ ਦੀਆਂ ਪੁਰਸ਼ ਕ੍ਰਿਕੇਟ ਟੀਮਾਂ ਦੀ ਮੇਜ਼ਬਾਨੀ ਕਰਕੇ ਖੁਸ਼ ਹਾਂ। ਕ੍ਰਿਕੇਟ ਭਾਰਤ ਤੇ ਸ਼੍ਰੀਲੰਕਾ ਵਿਚਕਾਰ ਸਥਾਈ ਸਬੰਧਾਂ ਨੂੰ ਮਜ਼ਬੂਤ ​​ਕਰਦਾ ਹੈ।’

ਇਹ ਵੀ ਪੜ੍ਹੋ : NRI Death News: ਜਰਮਨ ’ਚ ਪੰਜਾਬੀ ਨੌਜਵਾਨ ਦੀ ਭੇਤਭਰੇ ਹਾਲਾਤਾਂ ’ਚ ਮੌਤ

ਟੀਮ ਇੰਡੀਆ ਸੀਰੀਜ਼ ’ਚ ਅੱਗੇ

ਭਾਰਤੀ ਟੀਮ ਸ਼੍ਰੀਲੰਕਾ ਵਿਰੁੱਧ ਦੂਜੇ ਟੈਸਟ ’ਚ 1-0 ਦੀ ਬੜ੍ਹਤ ਨਾਲ ਪ੍ਰਵੇਸ਼ ਕਰੇਗੀ ਤੇ ਲੜੀ 2-0 ਨਾਲ ਜਿੱਤਣ ਦੀ ਕੋਸ਼ਿਸ਼ ਕਰੇਗੀ। ਸ਼ੁਭਮਨ ਗਿੱਲ ਦੀ ਕਪਤਾਨੀ ਵਾਲੀ ਟੀਮ ਨੇ ਗਾਲੇ ’ਚ ਪਹਿਲੇ ਟੈਸਟ ’ਚ ਸ਼ਾਨਦਾਰ ਜਿੱਤ ਹਾਸਲ ਕੀਤੀ। ਪਹਿਲੇ ਟੈਸਟ ’ਚ, ਭਾਰਤ ਨੇ ਸ਼੍ਰੀਲੰਕਾ ਨੂੰ 165 ਦੌੜਾਂ ਨਾਲ ਹਰਾਇਆ। ਮਾਨਵ ਸੁਥਾਰ ਦੇ ਪਹਿਲੇ 10 ਵਿਕਟਾਂ ਤੇ ਪਹਿਲੀ ਪਾਰੀ ’ਚ ਦੇਵਦੱਤ ਪਡਿੱਕਲ ਦੇ 167 ਦੌੜਾਂ ਨੇ ਇਸ ਜਿੱਤ ’ਚ ਮੁੱਖ ਭੂਮਿਕਾ ਨਿਭਾਈ। ਭਾਰਤ ਤੇ ਸ਼੍ਰੀਲੰਕਾ ਵਿਚਕਾਰ ਦੂਜਾ ਤੇ ਆਖਰੀ ਟੈਸਟ 23 ਅਗਸਤ ਤੋਂ ਕੋਲੰਬੋ ਦੇ ਸਿੰਹਲੀ ਸਪੋਰਟਸ ਕਲੱਬ ’ਚ ਖੇਡਿਆ ਜਾਵੇਗਾ।

Devdutt Padikkal: ਸਪੋਰਟਸ ਡੈਸਕ। ਭਾਰਤ ਨੇ ਗਾਲੇ ’ਚ ਖੇਡੇ ਗਏ ਪਹਿਲੇ ਟੈਸਟ ਮੈਚ ’ਚ ਸ਼੍ਰੀਲੰਕਾ ਨੂੰ 165 ਦੌੜਾਂ ਨਾਲ ਹਰਾ ਕੇ ਆਪਣਾ 600ਵਾਂ ਟੈਸਟ ਮੁਕਾਬਲਾ ਜਿੱਤ ਲਿਆ। ਇਸ ਦੇ ਨਾਲ ਹੀ ਭਾਰਤ ਨੇ ਦੋ ਮੈਚਾਂ ਦੀ ਟੈਸਟ ਸੀਰੀਜ਼ ’ਚ 1-0 ਦੀ ਲੀਡ ਹਾਸਲ ਕਰ ਲਈ ਹੈ। ਦੱਸ ਦੇਈਏ ਕਿ ਇਹ ਭਾਰਤੀ ਟੀਮ ਦਾ 600ਵਾਂ ਟੈਸਟ ਮੁਕਾਬਲਾ ਸੀ। ਭਾਰਤੀ ਟੀਮ ਦੀ ਜਿੱਤ ਦੇ ਹੀਰੋ 24 ਸਾਲਾਂ ਦੇ ਸਪਿਨਰ ਮਾਨਵ ਸੁਥਾਰ ਰਹੇ। ਉਨ੍ਹਾਂ ਨੇ ਸ਼੍ਰੀਲੰਕਾ ਦੀ ਦੂਜੀ ਪਾਰੀ ’ਚ 6 ਵਿਕਟਾਂ ਹਾਸਲ ਕੀਤੀਆਂ ਤੇ ਪਹਿਲੀ ਪਾਰੀ ਸਮੇਤ ਕੁੱਲ ਮੈਚ ’ਚ 10 ਵਿਕਟਾਂ ਹਾਸਲ ਕੀਤੀਆਂ। ਦੇਵਦੱਤ ਪਡਿੱਕਲ ਨੂੰ ਪਲੇਅਰ ਆਫ ਦਾ ਮੈਚ ਚੁਣਿਆ ਗਿਆ। ਉਨ੍ਹਾਂ ਨੇ ਇਸ ਮੈਚ ’ਚ ਕੁੱਲ 211 ਦੌੜਾਂ ਬਣਾਈਆਂ। ਦੇਵਦੱਤ ਪਡਿੱਕਲ ਨੇ ਪਹਿਲੀ ਪਾਰੀ ’ਚ 167 ਦੌੜਾਂ ਤੇ ਦੂਜੀ ਪਾਰੀ ’ਚ 44 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ। Devdutt Padikkal

ਇਹ ਵੀ ਪੜ੍ਹੋ : JP Nadda Health: ਕੇਂਦਰੀ ਮੰਤਰੀ ਜੇਪੀ ਨੱਡਾ ਨੂੰ ਦਿੱਲੀ ਏਮਜ਼ ਤੋਂ ਮਿਲੀ ਛੁੱਟੀ

ਮਾਨਵ ਸੁਥਾਰ ਨੂੰ ਇੱਕ ਓਵਰ ’ਚ 3 ਵਿਕਟਾਂ | Devdutt Padikkal

ਮੈਚ ਦੇ ਪੰਜਵੇਂ ਤੇ ਆਖਰੀ ਦਿਨ ਬੁੱਧਵਾਰ ਨੂੰ ਦੂਜੀ ਪਾਰੀ ’ਚ ਸ਼੍ਰੀਲੰਕਾ ਦਾ ਸਕੋਰ 6 ਵਿਕਟਾਂ ’ਤੇ 199 ਦੌੜਾਂ ਸੀ। ਮਾਨਵ ਸੁਥਾਰ ਨੇ ਅਗਲੇ ਓਵਰ ’ਚ 3 ਵਿਕਟਾਂ ਕੱਢਕੇ ਭਾਰਤ ਦੀ ਜਿੱਤ ਲਗਭਗ ਤੈਅ ਕਰ ਦਿੱਤੀ। ਉਸ ਤੋਂ ਬਾਅਦ ਫਿਰ ਮਾਨਵ ਸੁਥਾਰ ਨੇ ਅਗਲੇ ਓਵਰ ’ਚ ਕੇਸ਼ਰਾ ਨੁਵਾਂਥਾ ਨੂੰ ਆਊਟ ਕਰਕੇ ਸ਼੍ਰੀਲੰਕਾ ਦੀ ਪਾਰੀ ਸਮੇਤ ਦਿੱਤੀ। Devdutt Padikkal

ਭਾਰਤ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ’ਚ 5ਵੇਂ ਸਥਾਨ ’ਤੇ

ਗਾਲੇ ਟੈਸਟ ਜਿੱਤਣ ਤੋਂ ਬਾਅਦ, ਭਾਰਤ 53.33 ਫੀਸਦੀ ਦੇ ਅੰਕ ਪ੍ਰਤੀਸ਼ਤ ਨਾਲ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਅੰਕ ਸੂਚੀ ’ਚ 5ਵੇਂ ਸਥਾਨ ’ਤੇ ਹੈ। ਭਾਰਤ ਨੇ 10 ਟੈਸਟਾਂ ’ਚ 5 ਜਿੱਤਾਂ, 4 ਹਾਰਾਂ ਤੇ 1 ਡਰਾਅ ਮੈਚ ਖੇਡਿਆ ਹੈ। ਉਨ੍ਹਾਂ ਦੇ 64 ਅੰਕ ਹਨ। ਭਾਰਤ ਕੋਲ ਹੁਣ 8 ਟੈਸਟ ਬਾਕੀ ਹਨ, ਸ਼੍ਰੀਲੰਕਾ ਵਿਰੁੱਧ ਇੱਕ, ਨਿਊਜ਼ੀਲੈਂਡ ਵਿਰੁੱਧ ਦੋ ਤੇ ਅਸਟਰੇਲੀਆ ਖਿਲਾਫ਼ 5 ਟੈਸਟ ਮੈਚ ਬਾਕੀ ਹਨ। ਇਸਦਾ ਮਤਲਬ ਹੈ ਕਿ ਭਾਰਤ ਕੋਲ ਜ਼ਿਆਦਾ ਤੋਂ ਜ਼ਿਆਦਾ 108 ਅੰਕ ਜੋੜਨ ਦਾ ਮੌਕਾ ਹੈ। ਡਬਲਯੂਟੀਸੀ ਅੰਕ ਸੂਚੀ ’ਚ ਇੱਕ ਜਿੱਤ 12 ਅੰਕ ਕਮਾਉਂਦੀ ਹੈ।

Rishabh Pant: ਸਪੋਰਟਸ ਡੈਸਕ। ਭਾਰਤ ਨੇ ਪਹਿਲੇ ਟੈਸਟ ’ਚ ਸ਼੍ਰੀਲੰਕਾ ਲਈ 372 ਦੌੜਾਂ ਦਾ ਟੀਚਾ ਰੱਖਿਆ ਹੈ। ਗਾਲੇ ’ਚ ਦੂਜੀ ਪਾਰੀ ’ਚ ਭਾਰਤ 193 ਦੌੜਾਂ ’ਤੇ ਆਲ ਆਊਟ ਹੋ ਗਿਆ। ਰਿਸ਼ਭ ਪੰਤ ਨੇ 66 ਦੌੜਾਂ ਬਣਾਈਆਂ। ਚੌਥੇ ਦਿਨ ਚਾਹ ਦੇ ਬ੍ਰੇਕ ਤੱਕ ਸ਼੍ਰੀਲੰਕਾ ਦੀ ਦੂਜੀ ਪਾਰੀ ਸ਼ੁਰੂ ਨਹੀਂ ਹੋਈ। ਰਿਸ਼ਭ ਪੰਤ ਨੇ 66 ਦੌੜਾਂ ਬਣਾਈਆਂ ਤੇ ਟੈਸਟ ਕ੍ਰਿਕੇਟ ’ਚ 100 ਛੱਕੇ ਲਾਉਣ ਵਾਲੇ ਪਹਿਲੇ ਭਾਰਤੀ ਬੱਲੇਬਾਜ਼ ਬਣੇ। ਪੰਤ ਤੋਂ ਇਲਾਵਾ, ਦੇਵਦੱਤ ਪਡਿੱਕਲ ਨੇ 44 ਦੌੜਾਂ ਤੇ ਕੇਐਲ ਰਾਹੁਲ ਨੇ 35 ਦੌੜਾਂ ਬਣਾਈਆਂ। ਸ਼੍ਰੀਲੰਕਾ ਲਈ, ਅਸਿਤਾ ਫਰਨਾਂਡੋ ਨੇ 4 ਵਿਕਟਾਂ, ਪ੍ਰਭਾਤ ਜੈਸੂਰੀਆ ਨੇ 3 ਵਿਕਟਾਂ ਤੇ ਲਾਹਿਰੂ ਕੁਮਾਰਾ ਨੇ 2 ਵਿਕਟਾਂ ਲਈਆਂ। ਭਾਰਤ ਨੇ ਪਹਿਲੀ ਪਾਰੀ ’ਚ 462 ਦੌੜਾਂ ਬਣਾਈਆਂ ਸਨ, ਜਦੋਂ ਕਿ ਸ਼੍ਰੀਲੰਕਾ ਦੀ ਪਹਿਲੀ ਪਾਰੀ 284 ਦੌੜਾਂ ’ਤੇ ਆਲ ਆਊਟ ਹੋ ਗਈ ਸੀ। ਭਾਰਤ ਨੂੰ ਪਹਿਲੀ ਪਾਰੀ ’ਚ 178 ਦੌੜਾਂ ਦੀ ਲੀਡ ਮਿਲੀ ਸੀ। ਦੂਜੀ ਪਾਰੀ ’ਚ 193 ਦੌੜਾਂ ਜੋੜਨ ਤੋਂ ਬਾਅਦ, ਭਾਰਤ ਦੀ ਕੁੱਲ ਲੀਡ 371 ਦੌੜਾਂ ’ਤੇ ਪਹੁੰਚ ਗਈ ਹੈ। Rishabh Pant

ਇਹ ਵੀ ਪੜ੍ਹੋ : YouTube Views Rule: ਯੂਟਿਊਬਰ ਦੇਣ ਧਿਆਨ, 24 ਅਗਸਤ ਤੋਂ ਹੋਣ ਜਾ ਰਿਹੈ ਵੱਡਾ ਬਦਲਾਅ, ਯੂਟਿਊਬ ਨੇ ਬਦਲੇ ਨਿਯਮ

ਸਪੋਰਟਸ ਡੈਸਕ। IND vs SL: ਭਾਰਤ ਤੇ ਸ਼੍ਰੀਲੰਕਾ ਵਿਚਕਾਰ ਪਹਿਲਾ ਟੈਸਟ ਗਾਲੇ ਇੰਟਰਨੈਸ਼ਨਲ ਸਟੇਡੀਅਮ ’ਚ ਖੇਡਿਆ ਜਾ ਰਿਹਾ ਹੈ। ਅੱਜ ਮੈਚ ਦਾ ਦੂਜਾ ਦਿਨ ਹੈ ਤੇ ਮੀਂਹ ਕਾਰਨ ਖੇਡ ਸ਼ੁਰੂ ਨਹੀਂ ਹੋ ਸਕੀ ਹੈ। ਟੀਮ ਇੰਡੀਆ 288/2 ’ਤੇ ਖੇਡਣਾ ਸ਼ੁਰੂ ਕਰੇਗੀ। ਦੇਵਦੱਤ ਪਡਿੱਕਲ 131 ਤੇ ਰਿਸ਼ਭ ਪੰਤ 27 ਦੌੜਾਂ ਤੋਂ ਆਪਣੀ ਪਾਰੀ ਦੀ ਸ਼ੁਰੂਆਤ ਕਰਨਗੇ। ਮੀਂਹ ਅੱਜ ਦੇ ਦਿਨ ਦੇ ਖੇਡ ’ਚ ਰੁਕਾਵਟ ਪਾ ਸਕਦਾ ਹੈ। ਮੌਸਮ ਵੈੱਬਸਾਈਟ ਅਨੁਸਾਰ, ਅੱਜ ਗਾਲੇ ’ਚ ਮੀਂਹ ਪੈਣ ਦੀ 73 ਫੀਸਦੀ ਸੰਭਾਵਨਾ ਹੈ। ਮੀਂਹ ਕਾਰਨ ਪਹਿਲੇ ਦਿਨ ਦੋ ਵਾਰ ਖੇਡ ਰੋਕਣੀ ਪਈ ਸੀ।

ਪੰਤ ਟੈਸਟ ’ਚ 100 ਛੱਕਿਆਂ ਦੇ ਨੇੜੇ | IND vs SL

IND vs SL ਵਿਕਟਕੀਪਰ-ਬੱਲੇਬਾਜ਼ ਰਿਸ਼ਭ ਪੰਤ ਕੋਲ 100 ਛੱਕਿਆਂ ਤੱਕ ਪਹੁੰਚਣ ਦਾ ਮੌਕਾ ਹੈ। ਉਸਨੇ 98 ਛੱਕੇ ਲਾਏ ਹਨ ਅਤੇ ਦੋ ਹੋਰ ਛੱਕਿਆਂ ਨਾਲ, ਉਹ ਟੈਸਟ ’ਚ 100 ਛੱਕੇ ਲਾਉਣ ਵਾਲੇ ਪਹਿਲੇ ਭਾਰਤੀ ਬਣ ਜਾਣਗੇ। ਸਾਬਕਾ ਭਾਰਤੀ ਸਲਾਮੀ ਬੱਲੇਬਾਜ਼ ਵਰਿੰਦਰ ਸਹਿਵਾਗ ਦੇ ਕੋਲ 91 ਛੱਕਿਆਂ ਦਾ ਰਿਕਾਰਡ ਹੈ। IND vs SL

ਇਹ ਵੀ ਪੜ੍ਹੋ : Arvind Kejriwal: ਪੰਜਾਬ ਦੇ ਲੋਕਾਂ ਦੇ ਨਾਲ-ਨਾਲ ਸ਼ਿਵ ਜੀ ਵੱਲੋਂ ਵੀ ਭਗਵੰਤ ਮਾਨ ਨੂੰ ਦੁਬਾਰਾ CM ਬਣਨ ਦਾ ਆਸ਼ੀਰਵਾਦ ਮਿਲਿਆ : ਕੇਜਰੀਵਾਲ

ਕੋਟਕ ਨੇ ਕਿਹਾ, ‘ਰਾਹੁਲ ਅੱਜ ਦੁਬਾਰਾ ਖੇਡ ਸਕਦੇ ਹੈ।’ 

ਭਾਰਤ ਦੇ ਬੱਲੇਬਾਜ਼ੀ ਕੋਚ, ਸੀਤਾਂਸ਼ੂ ਕੋਟਕ ਨੇ ਕਿਹਾ ਕਿ ਉਪ-ਕਪਤਾਨ ਕੇਐਲ ਰਾਹੁਲ ਨੂੰ ਸਿਰਫ਼ ਕੜਵੱਲ ਸੀ। ਜੇਕਰ ਉਹ ਠੀਕ ਹੋ ਜਾਂਦੇ ਹਨ, ਤਾਂ ਉਨ੍ਹਾਂ ਦੇ ਅੱਜ ਖੇਡਣ ਦੀ ਉਮੀਦ ਹੈ। ਰਾਹੁਲ ਪਹਿਲੇ ਦਿਨ ਵਾਰ-ਵਾਰ ਕੜਵੱਲ ਤੋਂ ਪਰੇਸ਼ਾਨ ਦਿਖਾਈ ਦੇ ਰਹੇ ਸਨ ਤੇ 77 ਦੇ ਸਕੋਰ ’ਤੇ ਰਿਟਾਇਰਡ ਹਰਟ ਹੋ ਗਏ ਸਨ। IND vs SL

ਸਪੋਰਟਸ ਡੈਸਕ। ਭਾਰਤ ਤੇ ਸ਼੍ਰੀਲੰਕਾ ਵਿਚਕਾਰ ਪਹਿਲਾ ਟੈਸਟ ਮੈਚ ਅੱਜ ਗਾਲੇ ਇੰਟਰਨੈਸ਼ਨਲ ਸਟੇਡੀਅਮ ’ਚ ਖੇਡਿਆ ਜਾ ਰਿਹਾ ਹੈ। ਭਾਰਤ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਹੈ। ਹਾਲਾਂਕਿ, ਮੈਚ ਦੇ ਪਹਿਲੇ ਦਿਨ ਮੀਂਹ ਪੈਣ ਦੀ 90 ਫੀਸਦੀ ਸੰਭਾਵਨਾ ਹੈ। ਮੌਸਮ ਵੈੱਬਸਾਈਟ ਅਨੁਸਾਰ, ਮੈਚ ਦੇ ਸਾਰੇ ਪੰਜ ਦਿਨਾਂ ’ਚ ਮੀਂਹ ਪੈਣ ਦੀ ਸੰਭਾਵਨਾ ਹੈ।

ਇਹ ਵੀ ਪੜ੍ਹੋ : Indonesia Earthquake: 7.7 ਦੇ ਭੂਚਾਲ ਨਾਲ ਹਿੱਲਿਆ ਇੰਡੋਨੇਸ਼ੀਆ, 5 ਮੌਤਾਂ, ਕਈ ਇਮਾਰਤਾਂ ਤਬਾਹ

ਦੋਵਾਂ ਟੀਮਾਂ ਦੀ ਪਲੇਇੰਗ-11

ਭਾਰਤ : ਯਸ਼ਸਵੀ ਜਾਇਸਵਾਲ, ਕੇਐਲ ਰਾਹੁਲ, ਦੇਵਦੱਤ ਪਡਿੱਕਲ, ਸ਼ੁਭਮਨ ਗਿੱਲ (ਕਪਤਾਨ), ਰਿਸ਼ਭ ਪੰਤ (ਵਿਕਟਕੀਪਰ), ਰਵਿੰਦਰ ਜਡੇਜਾ, ਧਰੁਵ ਜੁਰੇਲ, ਮਾਨਵ ਸੁਥਾਰ, ਕੁਲਦੀਪ ਯਾਦਵ, ਪ੍ਰਸਿਧ ਕ੍ਰਿਸ਼ਨਾ, ਮੁਹੰਮਦ ਸਿਰਾਜ।

ਸ਼੍ਰੀਲੰਕਾ : ਲਾਹਿਰੂ ਉਦਾਰਾ, ਨਿਸ਼ਾਨ ਫਰਨਾਂਡੋ, ਦਿਨੇਸ਼ ਚਾਂਦੀਮਲ, ਕਾਮਿੰਦੂ ਮੈਂਡਿਸ, ਧਨੰਜਯ ਡੀ ਸਿਲਵਾ (ਕਪਤਾਨ), ਨਿਰੋਸ਼ਨ ਡਿਕਵੇਲਾ (ਵਿਕਟਕੀਪਰ), ਸੋਨਲ ਦਿਨੁਸ਼ਾ, ਕੇਸਰਾ ਨੁਵੰਤਾ, ਪ੍ਰਭਾਤ ਜੈਸੂਰੀਆ, ਅਸਿਤਾ ਫਰਨਾਂਡੋ, ਲਾਹਿਰੂ ਕੁਮਾਰਾ।

IND vs SL: ਸਪੋਰਟਸ ਡੈਸਕ। ਭਾਰਤ 15 ਅਗਸਤ ਨੂੰ ਆਪਣਾ 600ਵਾਂ ਟੈਸਟ ਮੁਕਾਬਲਾ ਖੇਡੇਗਾ। ਇਹ ਮੈਚ ਸ਼੍ਰੀਲੰਕਾ ਵਿਰੁੱਧ ਗਾਲੇ ਇੰਟਰਨੈਸ਼ਨਲ ਸਟੇਡੀਅਮ ’ਚ ਸਵੇਰੇ 10:00 ਵਜੇ ਸ਼ੁਰੂ ਹੋਵੇਗਾ। ਜੇਕਰ ਭਾਰਤ ਇਹ ਮੈਚ ਜਿੱਤ ਜਾਂਦਾ ਹੈ, ਤਾਂ ਇਹ ਸਭ ਤੋਂ ਵੱਧ ਟੈਸਟ ਮੈਚ ਜਿੱਤਣ ਦੇ ਮਾਮਲੇ ’ਚ ਵੈਸਟਇੰਡੀਜ਼ ਦੀ ਬਰਾਬਰੀ ਕਰ ਲਵੇਗਾ।

ਭਾਰਤ ਨੇ ਸ਼੍ਰੀਲੰਕਾ ਵਿਰੁੱਧ 48 ਫੀਸਦੀ ਮੈਚ ਆਪਣੇ ਨਾਂਅ ਕੀਤੇ

ਭਾਰਤੀ ਟੀਮ ਨੇ ਸ਼੍ਰੀਲੰਕਾ ਵਿਰੁੱਧ 46 ਮੈਚ ਖੇਡੇ ਹਨ। ਇਨ੍ਹਾਂ ’ਚੋਂ, ਇਸਨੇ 22 ਜਿੱਤੇ ਹਨ, ਜੋ ਕਿ 48 ਫੀਸਦੀ ਹੈ, 7 ਹਾਰੇ ਹਨ, ਤੇ 17 ਮੈਚ ਡਰਾਅ ਹੋਏ ਹਨ। ਸ਼੍ਰੀਲੰਕਾ ਦੀਆਂ ਪਿੱਚਾਂ ’ਤੇ ਭਾਰਤ ਦਾ ਜਿੱਤ ਦਾ ਰਿਕਾਰਡ 38 ਫੀਸਦੀ ਹੈ। ਟੀਮ ਨੇ ਸ਼੍ਰੀਲੰਕਾ ’ਚ 24 ਮੈਚ ਖੇਡੇ ਹਨ, ਜਿਨ੍ਹਾਂ ’ਚੋਂ 9 ਜਿੱਤੇ ਹਨ ਤੇ 7 ਹਾਰੇ ਹਨ, ਜਿਨ੍ਹਾਂ ’ਚੋਂ 8 ਮੈਚ ਡਰਾਅ ਹੋਏ ਹਨ।

ਇਹ ਵੀ ਪੜ੍ਹੋ : Students’ Dignity: ਵਿਦਿਆਰਥੀਆਂ ਦੀ ਸ਼ਾਨ ਤੋਂ ਵੱਡਾ ਕੁਝ ਨਹੀਂ, ਵਿਵਸਥਾ ਨੂੰ ਬਦਲਣਾ ਪਵੇਗਾ

ਕੀ ਹੋਣਗੀਆਂ ਚੁਣੌਤੀਆਂ? | IND vs SL

• ਭਾਰਤੀ ਬੱਲੇਬਾਜ਼ਾਂ ਲਈ ਸਭ ਤੋਂ ਵੱਡੀ ਚੁਣੌਤੀ ਸਪਿਨ ਟਰੈਕਾਂ ’ਤੇ ਬੱਲੇਬਾਜ਼ੀ ਕਰਨਾ ਹੋਵੇਗਾ। ਉਨ੍ਹਾਂ ਨੇ ਘਾਹ ਵਾਲੀਆਂ ਪਿੱਚਾਂ ’ਤੇ ਅਭਿਆਸ ਮੈਚ ਖੇਡੇ, ਜਦੋਂ ਕਿ ਗਾਲੇ ਦੀ ਪਿੱਚ ਨੂੰ ਸਪਿਨ-ਅਨੁਕੂਲ ਮੰਨਿਆ ਜਾਂਦਾ ਹੈ। ਭਾਰਤੀ ਬੱਲੇਬਾਜ਼ 2021 ਤੋਂ ਸਪਿਨਰਾਂ ਵਿਰੁੱਧ ਸੰਘਰਸ਼ ਕਰ ਰਹੇ ਹਨ।
• ਟੀਮ ਸੱਟਾਂ ਨਾਲ ਜੂਝ ਰਹੀ ਹੈ। ਜਸਪ੍ਰੀਤ ਬੁਮਰਾਹ, ਵਾਸ਼ਿੰਗਟਨ ਸੁੰਦਰ, ਸਾਈ ਸੁਦਰਸ਼ਨ ਤੇ ਹਰਸ਼ਿਤ ਰਾਣਾ ਵਰਗੇ ਨਿਯਮਤ ਖਿਡਾਰੀ ਜ਼ਖਮੀ ਹਨ। ਸਰਾਂਸ਼ ਜੈਨ ਤੇ ਗੁਰਨੂਰ ਬਰਾੜ ਵਰਗੇ ਨਵੇਂ ਖਿਡਾਰੀਆਂ ਨੂੰ ਮੌਕੇ ਦਿੱਤੇ ਹਨ।
• ਕਪਤਾਨ ਸ਼ੁਭਮਨ ਗਿੱਲ ਸਮੇਤ 12 ਖਿਡਾਰੀਆਂ ਨੇ ਸ਼੍ਰੀਲੰਕਾ ’ਚ ਇੱਕ ਵੀ ਟੈਸਟ ਨਹੀਂ ਖੇਡਿਆ ਹੈ। ਸਿਰਫ ਚਾਰ ਖਿਡਾਰੀਆਂ ਨੂੰ ਸ਼੍ਰੀਲੰਕਾ ’ਚ ਖੇਡਣ ਦਾ ਤਜਰਬਾ ਹੈ।

ਕਿਹੜੇ ਖਿਡਾਰੀਆਂ ’ਤੇ ਰਹਿਣਗੀਆਂ ਨਜ਼ਰਾਂ

• ਸਰਫਰਾਜ਼ ਖਾਨ : ਸਰਫਰਾਜ਼ ਖਾਨ ਲਗਭਗ 2 ਸਾਲਾਂ ਬਾਅਦ ਟੈਸਟ ਟੀਮ ’ਚ ਵਾਪਸੀ ਕਰ ਰਹੇ ਹਨ। ਚੇਤੇਸ਼ਵਰ ਪੁਜਾਰਾ ਤੋਂ ਬਾਅਦ ਅਜੇ ਤੱਕ ਭਾਰਤੀ ਟੀਮ ਨੂੰ ਨੰਬਰ-3 ’ਤੇ ਬੱਲਬਾਜ਼ੀ ਕਰਨ ਵਾਲਾ ਬੱਲੇਬਾਜ਼ ਨਹੀਂ ਮਿਲਿਆ ਹੈ। ਨੰਬਰ-3 ’ਤੇ 4-5 ਖਿਡਾਰੀਆਂ ਨੂੰ ਮੌਕਾ ਦਿੱਤਾ ਗਿਆ ਹੈ ਪਰ ਕੋਈ ਵੀ ਬੱਲੇਬਾਜ਼ ਅਜੇ ਤੱਕ ਠੀਕ ਨਹੀਂ ਬੈਠਿਆ ਹੈ। ਇਸ ਲਈ, ਸਾਰੀਆਂ ਨਜ਼ਰਾਂ ਸਰਫਰਾਜ਼ ਦੇ ਪ੍ਰਦਰਸ਼ਨ ’ਤੇ ਹੋਣਗੀਆਂ।
• ਮੁਹੰਮਦ ਸਿਰਾਜ : ਜ਼ਖਮੀ ਜਸਪ੍ਰੀਤ ਬੁਮਰਾਹ ਇਸ ਦੌਰੇ ਦਾ ਹਿੱਸਾ ਨਹੀਂ ਹੈ। ਸਿਰਾਜ ਤੇਜ਼ ਗੇਂਦਬਾਜ਼ੀ ਹਮਲੇ ਦੀ ਅਗਵਾਈ ਕਰਨਗੇ।
• ਸਰਾਂਸ਼ ਜੈਨ : ਆਫ-ਸਪਿਨ ਗੇਂਦਬਾਜ਼ੀ ਕਰਦੇ ਹਨ। ਵਾਸ਼ਿੰਗਟਨ ਸੁੰਦਰ ਦੀ ਭੂਮਿਕਾ ਹੁਣ ਸਾਰਾਂਸ਼ ਜੈਨ ਨੂੰ ਨਿਭਾਉਣੀ ਹੋਵੇਗੀ। ਟੀਮ ਅਸ਼ਵਿਨ ਤੋਂ ਬਾਅਦ ਇੱਕ ਮਾਹਰ ਸਪਿਨਰ ਦੀ ਭਾਲ ਕਰ ਰਹੀ ਹੈ। ਹਾਲਾਂਕਿ, ਸੁੰਦਰ ਟੀਮ ਦੇ ਇੱਕ ਨਿਯਮਤ ਮੈਂਬਰ ਹੈ।

ਗਾਲੇ ’ਚ ਸਪਿਨਰਾਂ ਨੇ ਹਾਸਲ ਕੀਤੀਆਂ 68 ਫੀਸਦੀ ਵਿਕਟਾਂ

ਗਾਲੇ ਇੰਟਰਨੈਸ਼ਨਲ ਸਟੇਡੀਅਮ ਦੀ ਪਿੱਚ ਨੂੰ ਰਵਾਇਤੀ ਤੌਰ ’ਤੇ ਸਪਿਨ-ਅਨੁਕੂਲ ਪਿੱਚ ਮੰਨਿਆ ਜਾਂਦਾ ਹੈ। ਇਸ ਮੈਦਾਨ ’ਤੇ 49 ਮੈਚ ਖੇਡੇ ਗਏ ਹਨ, ਤੇ ਸਪਿਨਰਾਂ ਨੇ 68 ਫੀਸਦੀ ਵਿਕਟਾਂ ਲਈਆਂ ਹਨ। 26 ਮੈਚ ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਟੀਮ ਨੇ ਜਿੱਤੇ ਹਨ, ਜਦੋਂ ਕਿ 16 ਮੈਚ ਪਹਿਲਾਂ ਗੇਂਦਬਾਜ਼ੀ ਕਰਨ ਵਾਲੀ ਟੀਮ ਨੇ ਜਿੱਤੇ ਹਨ।

ਭਾਰਤ ਦੀ ਸੰਭਾਵਿਤ ਪਲੇਇੰਗ-11

ਯਸ਼ਸਵੀ ਜਾਇਸਵਾਲ, ਕੇਐਲ ਰਾਹੁਲ, ਦੇਵਦੱਤ ਪਡਿੱਕਲ, ਸ਼ੁਭਮਨ ਗਿੱਲ (ਕਪਤਾਨ), ਰਿਸ਼ਭ ਪੰਤ (ਵਿਕਟਕੀਪਰ), ਧਰੁਵ ਜੁਰੇਲ, ਰਵਿੰਦਰ ਜਡੇਜਾ, ਸਰਾਂਸ਼ ਜੈਨ/ਮਾਨਵ ਸੁਥਾਰ, ਕੁਲਦੀਪ ਯਾਦਵ, ਪ੍ਰਸਿਧ ਕ੍ਰਿਸ਼ਨਾ ਤੇ ਮੁਹੰਮਦ ਸਿਰਾਜ।