ਜਨਾਧਾਰ ਬਚਾਉਣ ‘ਚ ਲੱਗੇ ਮਾਇਆਵਤੀ

ਬਸਪਾ ਸੁਪਰੀਮੋ ਮਾਇਆਵਤੀ ਇਨ੍ਹੀਂ ਦਿਨੀਂ ਕਾਂਗਰਸ ਪਾਰਟੀ ‘ਤੇ ਗੁੱਸੇ ਹੋ ਰਹੇ ਹਨ ਇਸ ਕਾਰਨ ਉਨ੍ਹਾਂ ਨੇ ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਵੱਲੋਂ ਪਿਛਲੇ ਹਫ਼ਤੇ ਦਿੱਲੀ ‘ਚ ਕੇਂਦਰ ਸਰਕਾਰ ਖਿਲਾਫ਼ ਵਿਰੋਧੀ ਪਾਰਟੀਆਂ ਨੂੰ ਇਕੱਠੇ ਕਰਨ ਲਈ ਬੁਲਾਈ ਗਈ ਬੈਠਕ ‘ਚ ਭਾਗ ਨਹੀਂ ਲਿਆ    ਮਾਇਆਵਤੀ ਨੇ ਦੱਸਿਆ ਕਿ ਉਨ੍ਹਾਂ ਨੇ 10  ਸਾਲ ਤੱਕ ਕੇਂਦਰ ਦੀ ਮਨਮੋਹਨ ਸਿੰਘ ਸਰਕਾਰ ਨੂੰ ਬਿਨਾਂ ਕਿਸੇ ਸ਼ਰਤ ਦੇ ਬਾਹਰੋਂ ਹਮਾਇਤ ਦਿੱਤੀ ਸੀ ਇਸ ਤੋਂ ਇਲਾਵਾ ਰਾਜਸਥਾਨ, ਮੱਧ ਪ੍ਰਦੇਸ਼, ਛੱਤੀਸਗੜ੍ਹ, ਕਰਨਾਟਕ ਤੇ ਹੋਰ ਜਿੱਥੇ ਕਿਤੇ ਵੀ ਕਾਂਗਰਸ ਨੂੰ ਜ਼ਰੂਰਤ ਸੀ

ਉਸ ਦੀ ਪਾਰਟੀ ਨੇ ਬਿਨਾਂ ਸ਼ਰਤ ਹਮਾਇਤ ਦਿੱਤੀ ਪਰ ਕਾਂਗਰਸ ਪਾਰਟੀ ਨੂੰ ਜਦੋਂ ਵੀ ਮੌਕਾ ਮਿਲਦਾ ਹੈ ਉਹ ਬਹੁਜਨ ਸਮਾਜ ਪਾਰਟੀ ਦੇ ਵਿਧਾਇਕਾਂ ਨੂੰ ਤੋੜ ਕੇ ਪਾਰਟੀ ਨੂੰ ਕਮਜ਼ੋਰ ਕਰਨ ਦਾ ਯਤਨ ਕਰਦੀ ਹੈ ਮਾਇਆਵਤੀ ਨੇ ਕਿਹਾ ਕਿ 2018 ਦੀਆਂ ਵਿਧਾਨ ਸਭਾ ਚੋਣਾਂ ‘ਚ ਬਸਪਾ ਨੇ ਰਾਜਸਥਾਨ, ਮੱਧ ਪ੍ਰਦੇਸ਼ ਤੇ ਛੱਤੀਸ਼ਗੜ੍ਹ ‘ਚ ਕਾਂਗਰਸ ਨੂੰ ਬਿਨਾਂ ਸ਼ਰਤ ਹਮਾਇਤ ਦੇ ਕੇ ਉਨ੍ਹਾਂ ਦੀ ਸਰਕਾਰ ਬਣਵਾਉਣ ‘ਚ ਪੂਰੀ ਮੱਦਦ ਕੀਤੀ ਸੀ ਪਰ ਰਾਜਸਥਾਨ ਦੇ ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ ਨੇ ਉਨ੍ਹਾਂ ਦੀ ਪਾਰਟੀ ਦੇ ਸਾਰੇ 6 ਵਿਧਾਇਕਾਂ ਨੂੰ ਪਾਰਟੀ ਬਦਲਵਾ ਕੇ ਕਾਂਗਰਸ ‘ਚ ਸ਼ਾਮਲ ਕਰਵਾ ਲਿਆ

ਏਨਾ ਹੀ ਨਹੀਂ ਗਹਿਲੋਤ ਦੇ ਇਸ਼ਾਰੇ ‘ਤੇ ਹੀ ਉਨ੍ਹਾਂ ਦੀ ਪਾਰਟੀ ਦੇ ਰਾਸ਼ਟਰੀ ਕੋਆਰਡੀਨੇਟਰ ਤੇ ਰਾਜਸਥਾਨ ਸੂਬਾ ਇੰਚਾਰਜ ਰਾਮਜੀ ਗੌਤਮ ਅਤੇ ਰਾਜਸਥਾਨ ਸੁਬਾ ਕਨਵੀਨਰ ਸੀਤਾਰਾਮ ਮੇਘਵਾਲ ਦਾ ਬਸਪਾ ਪ੍ਰੋਗਰਾਮ ‘ਚ ਮੂੰਹ ਕਾਲਾ ਕਰਕੇ ਬਸਪਾ ਦੀ ਛਵੀ ਖਰਾਬ ਕਰਨ ਦਾ ਯਤਨ ਕੀਤਾ ਗਿਆ ਸੀ ਜਿਸ ਦੇ ਪਿੱਛੇ ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ ਦਾ ਹੀ ਹੱਥ ਸੀ ਗਹਿਲੋਤ ਨੇ 2008 ‘ਚ ਵੀ ਉਨ੍ਹਾਂ ਦੀ ਪਾਰਟੀ ਦੇ ਸਾਰੇ ਵਿਧਾਇਕਾਂ ਨੂੰ ਤੋੜ ਕੇ ਕਾਂਗਰਸ ‘ਚ ਸ਼ਾਮਲ ਕਰਵਾਇਆ ਸੀ ਇਸ ਤਰ੍ਹਾਂ ਵਾਰ-ਵਾਰ ਕਾਂਗਰਸ ਵੱਲੋਂ ਉਨ੍ਹਾਂ ਦੇ ਵਿਧਾਇਕਾਂ ਨੂੰ ਤੋੜ ਕੇ ਉਨ੍ਹਾਂ ਦੇ ਜਨਾਧਾਰ ਨੂੰ ਕਮਜ਼ੋਰ ਕਰਨ ਦਾ ਯਤਨ ਕੀਤਾ ਜਾ ਰਿਹਾ ਹੈ

ਸਰਕਾਰੀ ਹਸਪਤਾਲ ‘ਚ ਇੱਕ ਮਹੀਨੇ ‘ਚ 110 ਬੱਚਿਆਂ ਦੀ ਮੌਤ

ਉਨ੍ਹਾਂ ਨੇ ਰਾਜਸਥਾਨ ‘ਚ ਕੋਟਾ ਦੇ ਇੱਕ ਸਰਕਾਰੀ ਹਸਪਤਾਲ ‘ਚ ਇੱਕ ਮਹੀਨੇ ‘ਚ 110 ਬੱਚਿਆਂ ਦੀ ਮੌਤ ‘ਤੇ ਵੀ ਸਵਾਲ ਚੁੱਕਦੇ ਹੋਏ ਕਾਂਗਰਸ ਜਨਰਲ ਸਕੱਤਰ ਪ੍ਰਿਅੰਕਾ ਗਾਂਧੀ ਨੂੰ ਕਟਹਿਰੇ ‘ਚ ਖੜ੍ਹਾ ਕਰਦੇ ਹੋਏ ਕਿਹਾ ਕਿ ਉੱਤਰ ਪ੍ਰਦੇਸ਼ ‘ਚ ਤਾਂ ਪ੍ਰਿਅੰਕਾ ਗਾਂਧੀ ਛੋਟੀਆਂ-ਛੋਟੀਆਂ ਗੱਲਾਂ ‘ਤੇ ਧਿਆਨ ਦੇਣ ‘ਤੇ ਉਤਾਰੂ ਹੋ ਜਾਂਦੀ ਹੈ ਜਦੋਂ ਕਿ ਰਾਜਸਥਾਨ ‘ਚ ਉਹ ਜੈਪੁਰ ਜਾ ਕੇ ਪਰਤ ਆਈ ਉਨ੍ਹਾਂ ਨੇ ਕੋਟਾ ਜਾ ਕੇ ਪੀੜਤ ਪਰਿਵਾਰਾਂ ਨਾਲ ਮਿਲਣਾ ਮੁਨਾਸਿਬ ਨਹੀਂ ਸਮਝਿਆ ਉਨ੍ਹਾਂ ਨੇ ਪ੍ਰਿਅੰਕਾ ਗਾਂਧੀ ਦੀ ਅਜਿਹੀ ਦੋਹਰੀ ਨੀਤੀ ਦੀ ਵੀ ਆਚੋਲਨਾ ਕੀਤੀ

ਲੋਕ ਸਭਾ ਚੋਣਾਂ ਦੇ ਕੁਝ ਸਮੇਂ ਬਾਅਦ ਹੀ ਮਾਇਆਵਤੀ ਨੇ ਸਮਾਜਵਾਦੀ ਪਾਰਟੀ ‘ਚ ਆਪਣੇ ਸਾਰੇ ਤਰ੍ਹਾਂ ਦੇ ਗਠਜੋੜ ਨੂੰ ਖ਼ਤਮ ਕਰਦੇ ਹੋਏ ਇਕੱਲੇ ਚੱਲਣ ਦੀ ਰਣਨੀਤੀ ਅਪਣਾਈ ਸੀ ਪਰ ਉਸ ਤੋਂ ਬਾਅਦ ਉੱਤਰ ਪ੍ਰਦੇਸ਼ ‘ਚ ਜਿੰਨੀਆਂ ਵੀ ਉਪ ਚੋਣਾਂ ਹੋਈਆਂ ਉਸ ‘ਚ ਬਸਪਾ ਆਪਣੀ ਚੰਗੀ ਭੁਮਿਕਾ ਨਿਭਾਉਣ ‘ਚ ਸਫ਼ਲ ਨਹੀਂ ਹੋ ਸਕੀ ਇਸ ਤੋਂ ਚਿੰਤਿਤ ਮਾਇਆਵਤੀ ਨੂੰ ਲੱਗਦਾ ਹੈ ਕਿ ਜੇਕਰ ਉਸ ਨੇ ਕਾਂਗਰਸ ਦੇ ਪਿੱਛੇ ਲੱਗਣ ਦੀ ਛਵੀ ਤੋਂ ਪਿੱਛਾ ਨਹੀਂ ਛੁਡਵਾਇਆ ਤਾਂ ਆਉਣ ਵਾਲੇ ਸਮੇਂ ‘ਚ ਉਸ ਦਾ ਰਹਿੰਦਾ-ਖੂੰਹਦਾ ਜਨਾਧਾਰ ਵੀ ਜਾਂਦਾ ਰਹੇਗਾ

ਬਸਪਾ ਦਾ ਆਪਣਾ ਵੋਟ ਬੈਂਕ ਤਿਆਰ ਹੋਇਆ ਸੀ

ਕਾਂਗਰਸ ਦੀਆਂ ਦਲਿਤ ਵੋਟਾਂ ਦੇ ਜੋਰ ‘ਤੇ ਹੀ ਦੇਸ਼ ਭਰ ‘ਚ ਬਸਪਾ ਦਾ ਆਪਣਾ ਵੋਟ ਬੈਂਕ ਤਿਆਰ ਹੋਇਆ ਸੀ ਜੋ ਕਾਂਗਰਸ ਦੇ ਨਾਲ ਗਠਜੋੜ ਕਰਨ ਨਾਲ ਹੌਲੀ-ਹੌਲੀ ਫ਼ਿਰ ਤੋਂ ਕਾਂਗਰਸ ਵੱਲ ਖਿਸਕਣ ਲੱਗਾ ਹੈ ਜਿਸ ਨਾਲ ਬਸਪਾ ਦਾ ਜਨਾਧਾਰ ਵੀ ਘੱਟ ਹੁੰਦਾ ਜਾ ਰਿਹਾ ਹੈ ਬਸਪਾ ਦੇ ਸੰਸਥਾਪਕ ਕਾਂਸ਼ੀਰਾਮ ਨੇ ਆਪਣੇ ਜੀਵਨ ‘ਚ ਹੀ ਬਸਪਾ ਦੀ ਕਮਾਨ ਮਾਇਆਵਤੀ ਦੇ ਹੱਥ ਸੌਂਪ ਕੇ ਉਨ੍ਹਾਂ ਨੂੰ ਆਪਣਾ ਉੱਤਰਾ ਅਧਿਕਾਰੀ ਬਣਾ ਦਿੱਤਾ ਸੀ ਕਾਂਸ਼ੀਰਾਮ ਦੇ ਜਮਾਨੇ ‘ਚ ਬਸਪਾ ਦਾ ਦੇਸ਼ ਦੇ ਕਈ ਸੂਬਿਆਂ ‘ਚ ਪ੍ਰਭਾਵ ਸੀ ਜੋ ਹੁਣ ਸਿਮਟ ਕੇ ਉੱਤਰ ਪ੍ਰਦੇਸ਼ ਤੱਕ ਹੀ ਰਹਿ ਗਿਆ ਹੈ

ਬਸਪਾ ਨੇ 1989 ਤੋਂ ਲੈ ਕੇ 2019 ਤੱਕ ਦੀਆਂ ਲੋਕ ਸਭਾ ਚੋਣਾਂ ‘ਚ ਦੇਸ਼ ਭਰ ‘ਚ ਕੁੱਲ 86 ਲੋਕ ਸਭਾ ਸੀਟਾਂ ‘ਤੇ ਜਿੱਤ ਹਾਸਲ ਕੀਤੀ ਹੈ ਜਿਨ੍ਹਾਂ ‘ਚ ਪੰਜਾਬ ਦੀਆਂ ਪੰਜ, ਮੱਧ ਪ੍ਰਦੇਸ਼ ਦੀਆਂ ਚਾਰ, ਹਰਿਆਣਾ ਦੀ ਇੱਕ ਤੇ ਉੱਤਰ ਪ੍ਰਦੇਸ਼ ਦੀਆਂ 77 ਸੀਟਾਂ ਸ਼ਾਮਲ ਹਨ 2009 ਦੀਆਂ ਲੋਕ ਸਭਾ ਚੋਣਾਂ ‘ਚ ਬਸਪਾ ਨੂੰ 21 ਸੀਟਾਂ ‘ਤੇ ਜਿੱਤ ਹਾਸਲ ਹੋਈ ਸੀ ਤੇ ਉਸ ਨੂੰ ਪੂਰੇ ਦੇਸ਼ ‘ਚ 6.17 ਫੀਸਦੀ ਵੋਟਾਂ ਮਿਲੀਆਂ ਸਨ ਜੋ ਬਸਪਾ ਦਾ ਹੁਣ ਤੱਕ ਦਾ ਸਰਵਉੱਚ ਪ੍ਰਦਰਸ਼ਨ ਸੀ 2019 ਦੀਆਂ ਲੋਕ ਸਭਾ ਚੋਣਾਂ ‘ਚ ਬਸਪਾ ਨੇ 10 ਸੀਟਾਂ ‘ਤੇ ਜਿੱਤ ਹਾਸਲ ਕਰਕੇ ਦੇਸ਼ ‘ਚ 3.63 ਫੀਸਦੀ ਵੋਟਾਂ ਪ੍ਰਾਪਤ ਕੀਤੀਆਂ ਜੋ 1996 ਤੋਂ ਬਾਅਦ ਹੁਣ ਤੱਕ ਦਾ ਸਭ ਤੋਂ ਹਲਕਾ ਪ੍ਰਦਰਸ਼ਨ ਸੀ

ਬਸਪਾ ਉੱਤਰ ਪ੍ਰਦੇਸ਼ ‘ਚ ਹੁਣ ਤੱਕ ਚਾਰ ਵਾਰ ਸਰਕਾਰ ਬਣਾ ਚੁੱਕੀ

ਮਾਇਆਵਤੀ ਦੀ ਅਗਵਾਈ ‘ਚ ਬਸਪਾ ਉੱਤਰ ਪ੍ਰਦੇਸ਼ ‘ਚ ਹੁਣ ਤੱਕ ਚਾਰ ਵਾਰ ਸਰਕਾਰ ਬਣਾ ਚੁੱਕੀ ਹੈ ਤੇ 1993 ਤੋਂ 2017 ਤੱਕ ਉੱਥੇ ਕੁੱਲ 537 ਵਿਧਾਨ ਸਭਾ ਸੀਟਾਂ ਵੀ ਜਿੱਤ ਚੁੱਕੀ ਹੈ ਉਥੇ ਰਾਜਸਥਾਨ ‘ਚ ਬਸਪਾ ਦੇ 19, ਛੱਤੀਸਗੜ੍ਹ ‘ਚ 7, ਬਿਹਾਰ ‘ਚ 13, ਦਿੱਲੀ ‘ਚ 3, ਹਰਿਆਣਾ ‘ਚ 4, ਹਿਮਾਚਲ ਪ੍ਰਦੇਸ਼ ‘ਚ 1, ਜੰਮੂ ਅਤੇ ਕਸ਼ਮੀਰ ‘ਚ 5, ਝਾਰਖੰਡ ‘ਚ 1, ਕਰਨਾਟਕ ‘ਚ 1, ਪੰਜਾਬ ‘ਚ 10, ਤੇਲੰਗਾਨਾ ‘ਚ 2 ਤੇ ਉੱਤਰਾਖੰਡ ‘ਚ 18 ਵਿਧਾਇਕ ਜਿੱਤਣ ‘ਚ ਸਫ਼ਲ ਰਹੇ ਹਨ

ਲੋਕ ਸਭਾ ‘ਚ ਵਾਰ-ਵਾਰ ਬਸਪਾ ਦਾ ਆਗੂ ਨੂੰ ਬਦਲਣਾ ਮਾਇਆਵਤੀ ਅੰਦਰਲੀ ਅਸੁਰੱਖਿਆ ਦੀ ਭਾਵਨਾ ਨੂੰ ਹੀ ਦਰਸ਼ਾਉਂਦਾ ਹੈ ਬਸਪਾ ‘ਚ ਕਾਂਸ਼ੀਰਾਮ ਦੇ ਜਮਾਨੇ ਦੇ ਜਿਆਦਾਤਰ ਪੁਰਾਣੇ ਆਗੂਆਂ ਨੂੰ ਜਾਂ ਤਾਂ ਪਾਰਟੀ ਤੋਂ ਬਾਹਰ ਦਾ ਰਸਤਾ ਦਿਖਾ ਦਿੱਤਾ ਗਿਆ ਜਾਂ ਫਿਰ ਉਨ੍ਹਾਂ ਨੂੰ ਆਪਣੀ ਵੱਖਰੀ ਰਾਹ ਚੁਣਨ ‘ਤੇ ਮਜ਼ਬੂਰ ਕੀਤਾ ਗਿਆ ਜਿਸ ਕਾਰਨ ਅੱਜ ਬਸਪਾ ‘ਚ ਬਹੁਤ ਘੱਟ ਪੁਰਾਣੇ ਆਗੂ ਰਹਿ ਗਏ ਹਨ ਬਸਪਾ ‘ਚ ਹੁਣ ਹੋਰ ਪਾਰਟੀਆਂ ‘ਚੋਂ ਆਉਣ ਵਾਲੇ ਆਗੂਆਂ ਨੂੰ ਤਰਹੀਜ਼ ਦਿੱਤੀ ਜਾਣ ਲੱਗੀ ਹੈ ਜਿਸ ਕਾਰਨ ਬਸਪਾ ਦਾ ਮੂਲ ਕਾਡਰ ਖੁਦ ਨੂੰ ਅਣਦੇਖਿਆ ਮਹਿਸੂਸ ਕਰ ਰਿਹਾ ਹੈ ਇਹ ਬਸਪਾ ਲਈ ਚੰਗਾ ਸੰਕੇਤ ਨਹੀਂ ਮੰਨਿਆ ਜਾ ਸਕਦਾ ਹੈ

ਰਮੇਸ਼ ਸਰਾਫ਼ ਧਮੋਰਾ

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਡੇਰਾ ਬਾਬਾ ਨਾਨਕ (ਸੱਚ ਕਹੂੰ ਨਿਊਜ਼)। ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਆਪਣੇ ਸਿਆਸੀ ਸਲਾਹਕਾਰਾਂ ਦੀ ਵਿਧਾਇਕੀ ਨੂੰ ਬਚਾਉਣ ਲਈ ਜਲਦ ਹੀ ਆਰਡੀਨੈਂਸ ਲੈ ਕੇ ਆ ਰਹੇ ਹਨ ਤਾਂ ਕਿ ਇਨ੍ਹਾਂ ਨੂੰ ਲਾਭ ਦੇ ਅਹੁਦੇ ਤੋਂ ਬਾਹਰ ਕੱਢਣ ਨਾਲ ਵਿਧਾਇਕ ‘ਤੇ ਪੈਦਾ ਹੋ ਰਹੇ ਖਤਰੇ ਦੇ ਬਦਲਾਂ ਤੋਂ ਬਚਾਇਆ ਜਾ ਸਕੇ। ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਵਿੱਚ ਮੰਤਰੀ ਮੰਡਲ ਨੇ ਮੁੱਖ ਮੰਤਰੀ ਦੇ ਸਲਾਹਕਾਰ (ਰਾਜਨੀਤਿਕ) ਤੇ ਮੁੱਖ ਮੰਤਰੀ ਦੇ ਸਲਾਹਕਾਰ (ਯੋਜਨਾ) ਨੂੰ ‘ਦਾ ਪੰਜਾਬ ਸਟੇਟ ਲੈਜਿਸਲੇਚਰ (ਪ੍ਰੀਵੈਨਸ਼ਨ ਆਫ ਡਿਸਕੁਆਲੀਫੀਕੇਸ਼ਨ) ਐਕਟ-1952’ ਦੇ ਘੇਰੇ ‘ਚੋਂ ਬਾਹਰ ਕੱਢਣ ਲਈ ਆਰਡੀਨੈਂਸ ਲਿਆਉਣ ਦਾ ਐਲਾਨ ਕਰ ਦਿੱਤਾ ਗਿਆ ਹੈ।ਮੀਟਿੰਗ ਤੋਂ ਬਾਅਦ ਇੱਕ ਸਰਕਾਰੀ ਬੁਲਾਰੇ ਨੇ ਦੱਸਿਆ ਕਿ ਇਸ ਆਰਡੀਨੈਂਸ ਰਾਹੀਂ ਕਾਨੂੰਨ ‘ਚ ਸੋਧ ਲਿਆਂਦੀ ਜਾਵੇਗੀ ਕਿ ਇਹ ਅਹੁਦੇ ਉਨ੍ਹਾਂ ਅਹੁਦਿਆਂ ਦੀ ਸੂਚੀ ‘ਚ ਸ਼ਾਮਲ ਹੋਣਗੇ ਜੋ ਵਿਧਾਇਕਾਂ ਨੂੰ ਅਯੋਗ ਠਹਿਰਾਉਣ ਦੇ ਉਦੇਸ਼ ਲਈ ਲਾਭ ‘ਚ ਅਹੁਦੇ ਵਜੋਂ ਨਹੀਂ ਵਿਚਾਰੇ ਜਾਂਦੇ। ਇਸ ਸੋਧ ਨਾਲ ਇਨ੍ਹਾਂ ਵਿਧਾਇਕਾਂ ਨੂੰ ਅਯੋਗ ਨਹੀਂ ਠਹਿਰਾਇਆ ਜਾਵੇਗਾ। (Amarinder)

ਇਹ ਵੀ ਪੜ੍ਹੋ : ਪੁਲਿਸ ਨੇ ਸੁਖਪਾਲ ਖਹਿਰਾ ਨੂੰ ਕੀਤਾ ਗ੍ਰਿਫ਼ਤਾਰ, ਜਾਣੋ ਕੀ ਹੈ ਮਾਮਲਾ?

ਸੂਬਾਈ ਵਿਧਾਨ ਸਭਾ ਦੇ ਮੈਂਬਰ ਹੋਣ ਦੇ ਨਾਤੇ ਕੁਝ ਲਾਭ ਵਾਲੇ ਅਹੁਦਿਆਂ ਦੇ ਧਾਰਕਾਂ ਨੂੰ ਅਯੋਗ ਨਾ ਠਹਿਰਾਉਣ ਲਈ ਭਾਰਤੀ ਸੰਵਿਧਾਨ ਦੀ ਧਾਰਾ 191 ਅਧੀਨ ‘ਦਾ ਪੰਜਾਬ ਸਟੇਟ ਲੈਜਿਸਲੇਚਰ (ਪ੍ਰੀਵੈਨਸ਼ਨ ਆਫ ਡਿਸਕੁਆਲੀਫੀਕੇਸ਼ਨ) ਐਕਟ-1952’ ਬਣਾਇਆ ਗਿਆ ਸੀ। ਸਾਲ 1952 ‘ਚ ਬਣਾਏ ਗਏ ਇਸ ਐਕਟ ਵਿੱਚ ਸਮੇਂ-ਸਮੇਂ ‘ਤੇ ਛੋਟੀਆਂ ਸੋਧੀਆਂ ਕੀਤੀ ਗਈਆਂ ਪਰ ਅਜਿਹੀਆਂ ਸੋਧਾਂ ਕਰਦੇ ਸਮੇਂ ਅਜੋਕੇ ਸਮੇਂ ਦੀ ਪ੍ਰਸ਼ਾਸਨਿਕ ਗੁੰਝਲਤਾ ਨੂੰ ਧਿਆਨ ਵਿੱਚ ਨਹੀਂ ਰੱਖਿਆ ਗਿਆ। ਇਸ ਤੋਂ ਇਲਾਵਾ ਐਕਟ ਵਿੱਚ ਸੋਧ ਕਰਦਿਆਂ ਵੱਖ-ਵੱਖ ਸੰਸਦੀ ਕਮੇਟੀ ਦੀਆਂ ਲਾਭ ਵਾਲੇ ਅਹੁਦਿਆਂ ਨੂੰ ਸੰਬੋਧਿਤ ਰਿਪੋਰਟਾਂ ਤੇ ਪਰਖ ਨੂੰ ਨਹੀਂ ਵਿਚਾਰਿਆ ਗਿਆ।

ਇਸ ਲਈ ਇਹ ਵਿਚਾਰ ਕੀਤਾ ਗਿਆ ਕਿ ‘ਦਾ ਪੰਜਾਬ ਸਟੇਟ ਲੈਜਿਸਲੇਚਰ (ਪ੍ਰੀਵੈਨਸ਼ਨ ਆਫ ਡਿਸਕੁਆਲੀਫੀਕੇਸ਼ਨ) ਐਕਟ-1952’ ਦੇ ਸੈਕਸ਼ਨ-2 ‘ਚ ਸੋਧ ਦੀ ਲੋੜ ਹੈ। ਮੰਤਰੀ ਮੰਡਲ ਨੇ ਆਰਡੀਨੈਂਸ ਦੇ ਖਰੜੇ ਨੂੰ ਮਨਜ਼ੂਰੀ ਦੇਣ ਤੇ ਇਸ ਨੂੰ ਜਾਰੀ ਕਰਨ ਲਈ ਰਾਜਪਾਲ ਨੂੰ ਸਿਫਾਰਸ਼ ਕਰਨ ਲਈ ਅਧਿਕਾਰਤ ਕੀਤਾ ਹੈ। ਸੰਵਿਧਾਨ ਦੀ ਧਾਰਾ 213 ਤਹਿਤ ਜਦੋਂ ਵੀ ਪੰਜਾਬ ਵਿਧਾਨ ਸਭਾ ਦਾ ਸੈਸ਼ਨ ਹੋਵੇ, ਨੂੰ ਛੱਡ ਕੇ ਤੇ ਰਾਜਪਾਲ ਦੀ ਸੰਤੁਸ਼ਟੀ ਹੋਵੇ ਕਿ ਹਾਲਾਤ ਮੁਤਾਬਕ ਕਾਰਵਾਈ ਲਾਜ਼ਮੀ ਹੈ ਤਾਂ ਉਹ ਅਜਿਹੇ ਹਾਲਾਤ ਦੌਰਾਨ ਆਰਡੀਨੈਂਸ ਜਾਰੀ ਕਰ ਸਕਦਾ ਹੈ। ਪੰਜਾਬ ਵਿਧਾਨ ਸਭਾ ਦਾ ਇਜਲਾਸ ਨਾ ਚੱਲ ਰਹੇ ਹੋਣ ਦੀ ਸੂਰਤ ‘ਚ ਰਾਜਪਾਲ ਆਰਡੀਨੈਂਸ ਜਾਰੀ ਕਰਨ ਲਈ ਸਮਰੱਥ ਹੈ।

ਦੇਸ਼ ਵਿਚ ਪੀਣ ਵਾਲੇ ਪਾਣੀ ਦੀ ਕਮੀ ਭਿਆਨਕ ਰੂਪ ਧਾਰਨ ਕਰਦੀ ਜਾ ਰਹੀ ਹੈ ਅਵਾਮ, ਸਰਕਾਰ ਨੂੰ ਖ਼ਬਰ ਤੱਕ ਨਹੀਂ ਹੈ ਕਿ ਕਿਸ ਤਰ੍ਹਾਂ ਗਰਮੀ ਦਰ ਗਰਮੀ ਮੁਹੱਲਾ-ਮੁਹੱਲਾ, ਸ਼ਹਿਰ-ਸ਼ਹਿਰ ਵਿਚ ਪਾਣੀ ਸਪਲਾਈ ਟੈਂਕਰਾਂ ਦੀ ਗਿਣਤੀ ਵਧਦੀ ਜਾ ਰਹੀ ਹੈ ਇਹ ਪਾਣੀ ਵਾਲੇ ਟੈਂਕਰ ਇੱਕ ਪਲ ਲਈ ਲੋਕਾਂ ਵਿਚ ਸੁਕੂਨ ਤਾਂ ਭਰ ਰਹੇ ਹਨ, ਪਰ ਇਨ੍ਹਾਂ ਦੁਆਰਾ ਪਾਣੀ ਦੀ ਵਧ ਰਹੀ ਨਜਾਇਜ਼ ਵਿਕਰੀ ਅਸਹਿਣਯੋਗ ਹੁੰਦੀ ਜਾ ਰਹੀ ਹੈ ਪਾਣੀ ਘੱਟ ਹੀ ਨਹੀਂ ਹੋ ਰਿਹਾ ਸਗੋਂ ਉਹ ਮਹਿੰਗਾ ਵੀ ਹੁੰਦਾ ਜਾ ਰਿਹਾ ਹੈ ਚੇਨੱਈ ਵਿਚ ਇਸ ਸਮੇਂ ਹਾਲਾਤ ਇਹ ਹਨ ਕਿ ਇਸ ਮੈਟਰੋ ਸ਼ਹਿਰ ਵਿਚ ਰੋਜ਼ਾਨਾ 4500 ਟੈਂਕਰ ਪਾਣੀ ਢੋਹ ਰਹੇ ਹਨ, ਬਾਵਜ਼ੂਦ ਇਸਦੇ ਪਾਣੀ ਦੀ ਕਮੀ ਪੂਰੀ ਨਹੀਂ ਹੋ ਰਹੀ ਇੱਕ ਟੈਂਕਰ ਲਗਭਗ 5000 ਰੁਪਏ ਵਸੂਲ ਰਿਹਾ ਹੈ।

ਇੱਕ ਹੀ ਦਿਨ ਵਿਚ ਪੂਰਾ ਸਵਾ ਦੋ ਕਰੋੜ ਦਾ ਪਾਣੀ ਲੋਕ ਟੈਂਕਰਾਂ ਤੋਂ ਖਰੀਦ ਰਹੇ ਹਨ ਸ਼ਹਿਰ ਵਿਚ ਮਿਨਰਲ ਵਾਟਰ ਦੀਆਂ ਬੋਤਲਾਂ ਅਤੇ ਕੈਂਪਰ ਕਿੰਨੇ ਵਿਕ ਰਹੇ ਹਨ ਇਸਦਾ ਤਾਂ ਅੰਦਾਜਾ ਹੀ ਨਹੀਂ ਲੱਗ ਰਿਹਾ ਹੈ ਇਹ ਸਿਰਫ਼ ਇੱਕ ਮਹਾਂਨਗਰ ਦਾ ਹਾਲ ਹੈ ਦੇਸ਼ ਵਿਚ ਕੁੰਲ 206 ਮਹਾਂਨਗਰ ਹਨ, ਜਿਨ੍ਹਾਂ ਦੀ ਅਬਾਦੀ 10 ਲੱਖ ਤੋਂ ਉੱਪਰ ਹੈ ਆਉਣ ਵਾਲੇ ਸਮੇਂ ਵਿਚ ਲੋਕ ਪੈਟਰੋਲ ਤੋਂ ਵੀ ਮਹਿੰਗਾ ਪਾਣੀ ਖਰੀਦਣ ਲੱਗਣ ਤਾਂ ਹੈਰਾਨ ਨਾ ਹੋਇਆ ਜਾਵੇ ਦੇਸ਼ ਦੀ ਇਹ ਹਾਲਤ ਵੀ ਇਨ੍ਹਾਂ ਮਹਾਂਨਗਰਾਂ ਨੇ ਕੀਤੀ ਹੈ, ਹਾਲੇ ਵੀ ਦੇਸ਼ ਵਿਚ ਕਰੋੜਾਂ ਘਣ ਮੀਟਰ ਪਾਣੀ ਸੀਵਰੇਜ਼ ਵਿਚ ਬੇਲੋੜਾ ਰੋੜ੍ਹਿਆ ਜਾ ਰਿਹਾ ਹੈ, ਉਸ ‘ਤੇ ਕਾਰ ਵਾਸ਼ਿੰਗ, ਫੈਕਟਰੀਜ਼ ਵਿਚੋਂ ਨਿੱਕਲਣ ਵਾਲੀ ਰਹਿੰਦ-ਖੂੰਹਦ ਨੂੰ ਨਦੀਆਂ ਅਤੇ ਦਰਿਆਵਾਂ ਵਿਚ ਰੋੜ੍ਹ ਕੇ ਬੜੀ ਬੇਦਰਦੀ ਨਾਲ ਦੇਸ਼ ਪਾਣੀ ਨੂੰ ਬਰਬਾਦ ਕਰ ਰਿਹਾ ਹੈ ਪਾਣੀ ਦੀ ਇਹ ਬਰਬਾਦੀ ਜੇਕਰ ਛੇਤੀ ਨਾ ਰੁਕੀ ਤਾਂ ਯਕੀਨਨ ਸਾਡੇ ਮਹਾਂਨਗਰਾਂ ਨੂੰ ਇਹ ਪਾਣੀ ਬਰਬਾਦ ਕਰੇਗਾ ਆਵਾਜਾਈ, ਸੂਚਨਾ ਤਕਨੀਕੀ, ਸਿਹਤ ਆਦਿ ਖੇਤਰਾਂ ਵਿਚ ਦੇਸ਼ ਨੇ ਤੇਜ਼ੀ ਨਾਲ ਤਰੱਕੀ ਕੀਤੀ ਹੈ ਹੁਣ ਵਾਰੀ ਹੈ ਦੇਸ਼ ਦੇ ਕੁਦਰਤੀ ਵਸੀਲਿਆਂ ਨੂੰ ਬਚਾਉਣ ਅਤੇ ਉਨ੍ਹਾਂ ਨੂੰ ਵਧਾਉਣ ਦੀ, ਕਿਉਂਕਿ ਅੱਗੇ ਇਨ੍ਹਾਂ ਨੇ ਵਿਕਾਸ ਅਤੇ ਇਸਦੀ ਰਫ਼ਤਾਰ ਨੂੰ ਬਣਾਈ ਰੱਖਣਾ ਹੈ।

ਪਾਣੀ, ਹਵਾ, ਮਿੱਟੀ, ਵਣਸਪਤੀ ਆਉਣ ਵਾਲੇ ਸਮੇਂ ਵਿਚ ਇਨ੍ਹਾਂ ਦਾ ਮਹੱਤਵ ਕਾਰਾਂ, ਕੰਪਿਊਟਰ ਅਤੇ ਏਸੀ ਤੋਂ ਵੀ ਜ਼ਿਆਦਾ ਹੋਣ ਵਾਲਾ ਹੈ ਕੇਂਦਰ ਅਤੇ ਰਾਜ ਸਰਕਾਰਾਂ ਨੂੰ ਹੁਣ ਆਉਣ ਵਾਲੇ 100 ਸਾਲ ਤੱਕ ਪਾਣੀ ਅਤੇ ਹਵਾ ਦੇ ਪ੍ਰਾਜੈਕਟਰ ‘ਤੇ ਕੰਮ ਕਰਨਾ ਹੋਵੇਗਾ, ਜਿਸਦੀ ਸ਼ੁਰੂਆਤ ਇਸੇ ਗਰਮੀ ਤੋਂ ਹੋਵੇ ਤਾਂ ਚੰਗਾ ਨਹੀਂ ਤਾਂ ਲੇਟ ਤਾਂ ਲੇਟ ਹੀ ਹੈ ਯਕੀਨ ਮੰਨੋ ਜੇਕਰ ਹਰ ਸਾਲ ਮਾਨਸੂਨ ਦੇਰੀ ਨਾਲ ਆਉਣ ਲੱਗੀ ਤਾਂ ਅਗਲੇ ਦੋ-ਤਿੰਨ ਸਾਲਾਂ ਵਿਚ ਹੀ ਲੋਕਾਂ ਨੂੰ ਰੋ ਕੇ ਅੱਥਰੂਆਂ ਦਾ ਪਾਣੀ ਤਾਂ ਬੇਸ਼ੱਕ ਮਿਲ ਜਾਵੇ ਪਰ ਪੀਣ ਲਈ ਘਰਾਂ, ਤਲਾਬਾਂ, ਨਹਿਰਾਂ ਵਿਚ ਪਾਣੀ ਨਹੀਂ ਮਿਲੇਗਾ, ਵੱਡੇ-ਵੱਡੇ ਬੰਨ੍ਹਾਂ ਅਤੇ ਨਿਗਮ ਵਾਟਰ ਬੋਰਡਾਂ ਦਾ ਦਿਵਾਲਾ ਠੀਕ ਇਵੇਂ ਹੀ ਨਿੱਕਲ ਜਾਵੇਗਾ ਜਿਵੇਂ ਕਿ ਅੱਜ-ਕੱਲ੍ਹ ਅਸੀਂ ਦੇਸ਼ ਵਿਚ ਸਰਕਾਰੀ ਕੰਪਨੀਆਂ ਦੇ ਨਿੱਕਲ ਰਹੇ ਦਿਵਾਲੇ ਨੂੰ ਦੇਖ ਰਹੇ ਹਾਂ ਇਸ ਲਈ ਹਰ ਵਿਅਕਤੀ, ਸਥਾਨਕ ਸਰਕਾਰ ਨੂੰ ਪਾਣੀ ਬਚਾਉਣ ਲਈ ਹੁਣ ਅਗਵਾਈ ਕਰਨੀ ਹੋਵੇਗੀ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਏਜੰਸੀ, 6 ਸਤੰਬਰ

ਵਿਸ਼ਵ ਦੀ ਨੰਬਰ ਇੱਕ ਟੀਮ ਭਾਰਤ ਦੇ ਸਾਹਮਣੇ ਹੁਣ ਸਨਮਾਨ ਬਚਾਉਣ ਦੀ ਚੁਣੌਤੀ ਹੈ ਅਤੇ ਉਸਨੂੰ ਇਸ ਲਈ ਓਵਲ ਮੈਦਾਨ ‘ਚ ਸ਼ੁਰੂ ਹੋਣ ਵਾਲੇ ਪੰਜਵੇਂ ਅਤੇ ਆਖ਼ਰੀ ਟੈਸਟ ‘ਚ ਹਾਰ ਹਾਲ ‘ਚ ਜਿੱਤ ਹਾਸਲ ਕਰਨੀ ਹੋਵੇਗੀ ਇਸ ਟੈਸਟ ਮੈਚ ‘ਚ ਇੰਗਲੈਂਡ ਦਾ ਟੀਚਾ ਆਪਣੇ ਸਾਬਕਾ ਕਪਤਾਨ ਅਤੇ ਧੁਰੰਦਰ ਬੱਲੇਬਾਜ਼ ਅਲੇਸਟੇਰ ਕੁਕ ਨੂੰ ਜੇਤੂ ਦਿਵਾਈ ਦੇਣਾ ਹੋਵੇਗਾ ਕੁਕ ਨੇ ਚੌਥੇ ਟੈਸਟ ਤੋਂ ਬਾਅਦ ਐਲਾਨ ਕਰ ਦਿੱਤਾ ਸੀ ਕਿ ਉਹ ਪੰਜਵੇਂ ਮੈਚ ਤੋਂ ਬਾਅਦ ਅੰਤਰਰਾਸ਼ਟਰੀ ਕ੍ਰਿਕਟ ਨੂੰ ਅਲਵਿਦਾ ਕਹਿ ਦੇਣਗੇ ਲੜੀ ‘ਚ 3-1 ਦਾ ਅਜੇਤੂ ਵਾਧੇ ਨਾਲ ਨਿੱਤਰ ਰਹੀ ਇੰਗਲਿਸ਼ ਟੀਮ  ਕੁਕ ਨੂੰ 4-1 ਦੀ ਜਿੱਤ ਦਾ ਤੋਹਫ਼ਾ ਦੇਣਾ ਚਾਹੇਗੀ ਕੁਕ ਨੇ ਭਾਰਤ ਵਿਰੁੱਧ ਚਾਰ ਟੈਸਟਾਂ ‘ਚ ਨਿਰਾਸ਼ਾਜਨਕ ਪ੍ਰਦਰਸ਼ਨ ਕੀਤਾ ਹੈ ਅਤੇ 4 ਟੈਸਟ ਦੀਆਂ 7 ਪਾਰੀਆਂ ‘ਚ 109 ਦੌੜਾਂ ਹੀ ਬਣਾਈਆਂ ਹਨ ਹਾਲਾਂਕਿ ਉਹ ਆਪਣੇ ਆਖ਼ਰੀ ਟੈਸਟ ਨੂੰ ਯਾਦਗਾਰ ਬਣਾਉਣ ਦੀ ਕੋਸ਼ਿਸ਼ ਕਰਨਗੇ

ਇੰਗਲੈਂਡ ਨੇ ਆਖ਼ਰੀ ਟੈਸਟ ਲਈ ਬੁੱਧਵਾਰ ਨੂੰ 13 ਮੈਂਬਰੀ ਟੀਮ ਦਾ ਐਲਾਨ ਕਰ ਦਿੱਤਾ ਹੈ ਓਪਨਰ ਕੀਟਨ ਜੇਨਿੰਗਸ ਨੂੰ ਟੀਮ ‘ਚ ਵਾਪਸ ਬੁਲਾਇਆ ਗਿਆ ਹੈ ਤਾਂ ਉਹ ਆਪਣੀ ਉਪਯੋਗਤਾ ਸਾਬਤ ਕਰ ਸਕਣ ਕੀਟਨ ਨਾਲ ਓਪਨਿੰਗ ‘ਚ ਕੁਕ ਰਹਿਣਗੇ ਟੀਮ ‘ਚ ਓਲੀ ਪੋਪ ਦੀ ਵੀ ਵਾਪਸੀ ਹੋਈ ਹੈ ਚੌਥੇ ਟੈਸਟ ‘ਚ ਨਹੀਂ ਖੇਡ ਸਕੇ ਕ੍ਰਿਸ ਵੋਕਸ ਨੂੰ ਵੀ ਆਖ਼ਰੀ ਮੈਚ ਲਈ ਟੀਮ ‘ਚ ਸ਼ਾਮਲ ਕੀਤਾ ਗਿਆ ਹੈ

 
ਦੂਸਰੇ ਪਾਸ ਜੇਕਰ ਭਾਰਤ ਲੜੀ ਦਾ ਸਕੋਰ 2-3 ਕਰਨਾ ਚਾਹੁੰਦਾ ਹੈ ਤਾਂ ਉਸਦੇ ਬੱਲੇਬਾਜ਼ਾਂ ਨੂੰ ਧਾਕੜ ਪ੍ਰਦਰਸ਼ਨ ਕਰਨਾ ਹੋਵੇਗਾ ਲੜੀ ‘ਚ ਹੁਣ ਤੱਕ ਭਾਰਤੀ ਬੱਲੇਬਾਜ਼ਾਂ ਨੇ ਹੀ ਨਿਰਾਸ਼ ਕੀਤਾ ਹੈ ਨਹੀਂ ਤਾਂ ਇਹ ਲੜੀ ਇੰਗਲੈਂਡ ਦੀ ਬਜਾਏ ਭਾਰਤ ਦੇ ਨਾਂਅ ਹੋ ਚੁੱਕੀ ਹੁੰਦੀ ਪਿਛਲੇ ਮੁਕਾਬਲੇ ‘ਚ ਭਾਰਤ 245 ਦੌੜਾਂ ਦੇ ਟੀਚੇ ਪਿੱਛੇ ਇੱਕ ਸਕੇਮੀ 123 ਦੌੜਾਂ ਦੀ ਸੁਖ਼ਾਵੀਂ ਹਾਲਤ ਤੋਂ ਬਾਅਦ 184 ਦੌੜਾਂ ‘ਤੇ ਢੇਰ ਹੋ ਗਈ ਭਾਰਤ ਇਸ ਮੈਚ ‘ਚ ਰਾਹੁਲ ਦੇ ਲਗਾਤਾਰ ਚਾਰ ਮੈਚਾਂ ‘ ਨਾਕਾਮ ਹੋਣ ਦੇ ਬਾਅਦ ਇਸ ਸਾਲ ਦੇ ਸ਼ੁਰੂ ‘ਚ ਭਾਰਤ ਨੂੰ ਆਪਣੀ ਕਪਤਾਨੀ ‘ਚ ਅੰਡਰ 19 ਵਿਸ਼ਵ ਕੱਪ ਜਿਤਵਾ ਚੁੱਕੇ ਪ੍ਰਿਥਵੀ ਸ਼ਾੱ ਨੂੰ ਖਿਡਾਉਣ ਦਾ ਰਿਸਕ ਲੈ ਸਕਦਾ ਹੈ ਕਿਉਂਕਿ ਲੜੀ ਹੱਥੋਂ ਨਿਕਲ ਚੁੱਕੀ ਹੈ

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਨੋਇਡਾ ‘ਚ ਡਿੱਗੀਆਂ ਇਮਾਰਤਾਂ ਦੇ ਮਲਬੇ ‘ਚੋਂ ਜ਼ਿੰਦਗੀ ਬਚਾਉਣ ਦਾ ਕੰਮ ਤੀਜੇ ਦਿਨ ਵੀ ਜਾਰੀ | Dera Sacha Sauda

• ਤੀਜੇ ਦਿਨ ਵੀ ਜੁਟੇ ਰਹੇ ਸ਼ਾਹ ਸਤਿਨਾਮ ਜੀ ਗਰੀਨ ਐੱਸ ਵੈਲਫੇਅਰ ਫੋਰਸ ਵਿੰਗ ਦੇ ਜਵਾਨ | Dera Sacha Sauda

ਗ੍ਰੇਟਰ ਨੋਇਡਾ, (ਸੱਚ ਕਹੂੰ ਨਿਊਜ਼)। ਗ੍ਰੇਟਰ ਨੋਇਡਾ ਦੇ ਸ਼ਾਹਬੇਰੀ ਪਿੰਡ ‘ਚ ਡਿੱਗੀਆਂ ਇਮਾਰਤਾਂ ਦੇ ਮਲਬੇ ‘ਚੋਂ ਲੋਕਾਂ ਨੂੰ ਕੱਢਣ ਲਈ ਰਾਹਤ ਤੇ ਬਚਾਅ ਕਾਰਜ ਅੱਜ ਵੀ ਜੰਗੀ ਪੱਧਰ ‘ਤੇ ਜਾਰੀ ਰਿਹਾ। ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦੀ ਪ੍ਰੇਰਨਾ ਨਾਲ ਸ਼ਾਹ ਸਤਿਨਾਮ ਜੀ ਗਰੀਨ ਐੱਸ ਵੈੱਲਫੇਅਰ ਫੋਰਸ ਵਿੰਗ ਦੇ ਜਵਾਨਾਂ ਨੇ ਜੀਅ-ਜਾਨ ਲਾ ਕੇ ਵੱਡੀਆਂ-ਵੱਡੀਆਂ ਮਸ਼ੀਨਾਂ ਦੀ ਮੱਦਦ ਨਾਲ ਮਲਬਾ ਹਟਾਇਆ ਸਵੇਰੇ ਤੋਂ ਹੀ ਰਾਹਤ ਤੇ ਬਚਾਅ ਕਾਰਜ ਦੇਰ ਰਾਤ ਤੱਕ ਲਗਾਤਾਰ ਚੱਲਦਾ ਰਿਹਾ। ਇਸ ਦਰਮਿਆਨ ਹਾਦਸੇ ‘ਚ ਮਰਨ ਵਾਲਿਆਂ ਦੀ ਗਿਣਤੀ ਵੱਧ ਕੇ 9 ਪਹੁੰਚ ਗਈ ਢਹਿ-ਢੇਰੀ ਹੋਈ। ਇਮਾਰਤ ਨੂੰ ਦੇਖ ਮਲਬੇ ‘ਚ ਫਸੇ ਲੋਕਾਂ ਦੇ ਬਚੇ ਰਹਿਣ ਦੀਆਂ ਸੰਭਾਵਨਾਵਾਂ ਘੱਟ ਹੀ ਦਿਖਾਈ ਦੇ ਰਹੀਆਂ ਹਨ, ਪਰ ਜੀਵਨ ਬਚਾਉਣ ਦੀ ਉਮੀਦ ਨਾਲ ਬਚਾਅ ਅਭਿਆਨ ਜਾਰੀ ਹੈ।

ਅੱਜ ਭਿਆਨਕ ਗਰਮੀ ਦਰਮਿਆਨ ਐਨਡੀਆਰਐਫ ਨਾਲ ਦਾਦਰੀ, ਸੂਰਜਪੁਰ, ਗਾਜੀਆਬਾਦ, ਦਨਕੌਰ, ਬੁਲੰਦਸ਼ਹਿਰ, ਮੇਰਠ, ਨਵਾਦਾ ਸਮੇਤ ਵੱਖ-ਵੱਖ ਬਲਾਕਾਂ ਤੋਂ ਡੇਰਾ ਸੱਚਾ ਸੌਦਾ ਦੀ ਸ਼ਾਹ ਸਤਿਨਾਮ ਜੀ ਗਰੀਨ ਐਸ ਵੈੱਲਫੇਅਰ ਫੋਰਸ ਵਿੰਗ ਦੇ ਸੈਂਕੜੇ ਸੇਵਾਦਾਰ ਦਿਨ-ਰਾਤ ਇੱਕ ਕਰਕੇ ਮਲਬਾ ਹਟਾ ਕੇ ਜ਼ਿੰਦਗੀਆਂ ਬਚਾਉਣ ਦੀ ਮੁਹਿੰਮ ‘ਚ ਜੁਟੇ ਰਹੇ। ਇਨ੍ਹਾਂ ਸੇਵਾਦਾਰਾਂ ‘ਚ 45 ਮੈਂਬਰ ਟੇਕਰਾਮ ਨਾਗਰ ਇੰਸਾਂ, 45 ਮੈਂਬਰ ਨਰਿੰਦਰ ਇੰਸਾਂ, ਗਾਜੀਆਬਾਦ  ਭੰਗੀਦਾਸ ਡਾ. ਮਦਨ ਲਾਲ ਇੰਸਾਂ, ਸਵਰਾਜ ਇੰਸਾਂ, ਅਤਰ ਸਿੰਘ ਇੰਸਾਂ, ਸ਼ਿਵ ਕੁਮਾਰ ਇੰਸਾਂ, ਪ੍ਰਤਾਪ ਇੰਸਾਂ, ਰਾਜਪਾਲ ਇੰਸਾਂ, ਧਰਮਪਾਲ ਚੌਹਾਨ ਇੰਸਾਂ, ਸੂਰਜਪੁਰ ਦੇ ਬਲਾਕ ਭੰਗੀਦਾਸ ਮਹਿੰਦਰਪਾਲ ਇੰਸਾਂ, ਦਨਕੌਰ ਦੇ ਭੰਗੀਦਾਸ ਜਗਦੀਸ਼ ਇੰਸਾਂ, ਬੁਲੰਦ ਸ਼ਹਿਰ ਦੇ ਬਲਾਕ ਭੰਗੀਦਾਸ ਸੰਜੈ ਇੰਸਾਂ, ਮਾਮਰਾਜ ਇੰਸਾਂ, ਓਮਕਾਰ ਇੰਸਾਂ ਸ਼ਿਕਾਰਪੁਰ, ਮੇਰਠ ਤੋਂ ਰਾਧੇ ਸ਼ਿਆਮ ਇੰਸਾਂ, ਰਾਜਿੰਦਰ ਇੰਸਾਂ, ਈਸ਼ਵਰ ਇੰਸਾਂ, ਰਾਜੂ ਇੰਸਾਂ, ਨਵਾਦਾ ਤੋਂ ਭਗਤ ਸਿੰਘ ਸਮੇਤ ਵੱਡੀ ਗਿਣਤੀ ‘ਚ ਭਾਈ-ਭੈਣ ਸ਼ਾਮਲ ਰਹੇ।

ਡੇਰਾ ਸੱਚਾ ਸੌਦਾ ਦੇ ਸੇਵਾਦਾਰਾਂ ਦਾ ਜਜ਼ਬਾ ਕਾਬਿਲੇ-ਤਾਰੀਫ਼ | Dera Sacha Sauda

ਸ਼ਾਹ ਸਤਿਨਾਮ ਜੀ ਗਰੀਨ ਐਸ ਵੈਲਫੇਅਰ ਫੋਰਸ ਵਿੰਗ ਦੇ ਸੇਵਾਦਾਰਾਂ ਦੀ ਸੇਵਾ ਭਾਵਨਾ ਦੀ ਪ੍ਰਸੰਸਾ ਕਰਦਿਆਂ ਐਨਡੀਆਰਐਫ ਦੇ ਡਿਪਟੀ ਕਮਾਂਡੈਂਟ ਬੇਗਰਾਜ ਮੀਨਾ ਨੇ ਕਿਹਾ ਕਿ ਡੇਰਾ ਸੱਚਾ ਸੌਦਾ ਦੇ ਸੇਵਾਦਾਰਾਂ ਦਾ ਜਜ਼ਬਾ ਕਾਬਿਲੇ-ਤਾਰੀਫ਼ ਹੈ, ਮੁਸੀਬਤ ਦੇ ਸਮੇਂ ‘ਚ ਇਹ ਲੋਕ ਸਾਡੇ ਨਾਲ ਪੂਰਾ ਸਹਿਯੋਗ ਕਰ ਰਹੇ ਹਨ।

ਸਾਧ-ਸੰਗਤ ਨੇ ਪੀੜਤਾਂ ਲਈ ਕੀਤਾ ਭੋਜਨ-ਪਾਣੀ ਦਾ ਪ੍ਰਬੰਧ | Dera Sacha Sauda

ਡੇਰਾ ਸੱਚਾ ਸੌਦਾ ਦੇ ਸੇਵਾਦਾਰਾਂ ਨੇ ਨਾ ਸਿਰਫ਼ ਮਲਬਾ ਹਟਾਉਣ ‘ਚ ਸਹਿਯੋਗ ਦਿੱਤਾ ਸਗੋਂ ਪੀੜਤ ਪਰਿਵਾਰਾਂ ਨੂੰ ਹੌਂਸਲਾ ਦਿੰਦੇ ਹੋਏ ਹਰ ਸੰਭਵ ਮੱਦਦ ਦਾ ਭਰੋਸਾ ਵੀ ਦਿੱਤਾ। 45 ਮੈਂਬਰ ਟੇਕਰਾਮ ਨਾਗਰ ਇੰਸਾਂ ਨੇ ਦੱਸਿਆ ਕਿ ਗਾਜੀਆਬਾਦ ਸਮੇਤ ਵੱਖ-ਵੱਖ ਬਲਾਕਾਂ ਦੀ ਸਾਧ-ਸੰਗਤ ਵੱਲੋਂ ਪੀੜਤਾਂ ਲਈ ਭੋਜਨ ਤੇ ਪੀਣ ਦੇ ਪਾਣੀ ਦਾ ਪ੍ਰਬੰਧ ਕੀਤਾ ਗਿਆ ਹੈ।

ਹਾਦਸੇ ਦੀ ਜਾਂਚ ਕਰਾਂਗੇ : ਮੇਰਠ ਕਮਿਸ਼ਨਰ | Dera Sacha Sauda

ਬਿਲਡਿੰਗ ਡਿੱਗਣ ਦੇ ਮਾਮਲੇ ‘ਚ ਯੋਗੀ ਸਰਕਾਰ ਨੇ ਸਖ਼ਤ ਰਵੱਈਆ ਅਪਣਾਉਂਦਿਆਂ ਵਿਸ਼ੇਸ਼ ਕਾਰਜਅਧਿਕਾਰੀ ਡਾ. ਵਿਭਾ ਚਹਿਲ ਨੂੰ ਹਟਾ ਦਿੱਤਾ ਹੈ। ਉਨ੍ਹਾਂ ਪ੍ਰਸ਼ਾਸਨ ਨੇ ਖੇਤੀ ਉਤਪਾਦਨ ਬ੍ਰਾਂਚ ਦਾ ਵਿਸ਼ੇਸ਼ ਸਕੱਤਰ ਨਿਯੁਕਤ ਕੀਤਾ ਹੈ। ਪ੍ਰਸ਼ਾਸਨ ਸਹਾਇਕ ਪਰਿਯੋਜਨਾ ਅਖ਼ਤਰ ਅੱਬਾਸ ਜੈਦੀ ਤੇ ਪ੍ਰਬੰਧਨ ਯੋਜਨਾ ਵੀ. ਪੀ. ਸਿੰਘ ਨੂੰ ਤੁਰੰਤ ਬਰਖਾਸਤ ਕਰ ਦਿੱਤਾ ਹੈ। ਇਸ ਹਾਦਸੇ ਦੀ ਜਾਂਚ ਦੀ ਜ਼ਿੰਮੇਵਾਰੀ ਮੇਰਠ ਦੇ ਕਮਿਸ਼ਨਰ ਨੂੰ ਸੌਂਪੀ ਗਈ ਹੈ। ਉਹ ਸਰਕਾਰ ਨੂੰ ਇਸ ਮਾਮਲੇ ਨਾਲ ਸਬੰਧਿਤ ਜਾਣਕਾਰੀਆਂ ਸੌਂਪਣਗੇ।

ਇਸਰੋ ਨੇ ਅੱਜ ਸਵੇਰੇ 259 ਸੈਂਕਿੰਡ ‘ਚ ਕੀਤਾ ਸਫ਼ਲ ਪ੍ਰੀਖਣ

ਨਵੀਂ ਦਿੱਲੀ, (ਏਜੰਸੀ/ਸੱਚ ਕਹੂੰ ਨਿਊਜ਼)। ਇੰਡੀਅਨ ਸਪੇਸ ਰਿਸਰਚ ਆਰਗਨਾਈਜੇਸ਼ਨ (ਇਸਰੋ) ਨੇ ਅੱਜ ਸਵੇਰੇ ਪੁਲਾੜ ਦੇ ਖੇਤਰ ‘ਚ ਭਾਰਤ  ਲਈ ਇੱਕ ਹੋਰ ਵੱਡੀ ਪਹਿਲ ਕੀਤੀ ਇਸਰੋ ਨੇ ਇੱਕ ਕੈਪਸੂਲ ਦਾ ਸਫਲਤਾਪੂਰਵਕ ਪ੍ਰੀਖਣ ਕੀਤਾ, ਜਿਸ ਨੂੰ ਪੁਲਾੜ ਯਾਤਰੀ ਆਪਣੇ ਲੈ ਜਾ ਸਕਣਗੇ। ਸ੍ਰੀਹਰਿਕੋਟਾ ‘ਚ ਇਹ ਪ੍ਰੀਖਣ ਕੀਤਾ ਗਿਆ ਕੈਪਸੂਲ ਦੀ ਵਰਤੋਂ ਪੁਲਾੜ ਯਾਤਰੀ ਸਪੇਸ ‘ਚ ਕਿਸੇ ਹਾਦਸੇ ਸਮੇਂ ਆਪਣੀ ਸੁਰੱਖਿਆ ਲਈ ਕਰ ਸਕਣਗੇ। ਇਸ ਦੇ ਲਈ ਕਿਸੇ ਆਦਮੀ ਦੀ ਜਗ੍ਹਾ ‘ਤੇ ਕਰੂ ਮਾਡਲ ਦੀ ਵਰਤੋਂ ਕੀਤੀ ਗਈ ਸੀ।

ਮਾਡਲ ਕੈਪਸੂਲ ‘ਚ ਅਟੈਚ ਕੀਤਾ ਗਿਆ ਸੀ ਤੇ ਇਸ ਨੂੰ ਰਾਕੇਟ ਇੰਜਣ ਨਾਲ ਜੋੜਿਆ ਗਿਆ ਲਾਂਚ ਦੇ ਕੁਝ ਦੇਰ ਬਾਅਦ ਪੈਰਾਸ਼ੂਟ ਭੇਜਿਆ ਗਿਆ ਤੇ ਕੈਪਸੂਲ ਸੁਰੱਖਿਅਤ ਤਰੀਕੇ ਨਾਲ ਸਮੁੰਦਰ ‘ਚ ਤੈਅ ਸਥਾਨ ‘ਤੇ ਉੱਤਰ ਗਿਆ’ ਚੇਅਰਮੈਨ ਕੇ. ਸਿਵਾਨ ਨੇ ਦੱਸਿਆ ਕਿ 259 ਸੈਂਕਿੰਡ ਦੇ ਇਸ ਪ੍ਰੀਖਣ ‘ਚ ਸਭ ਕੁਝ ਸਫ਼ਲਤਾਪੂਰਵਕ ਤੇ ਯੋਜਨਾ ਦੇ ਅਨੁਸਾਰ ਹੋਇਆ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਇਸ ਕੈਪਸੂਲ ਦਾ ਮਕਸਦ ਸਪੇਸਕ੍ਰਾਫਟ ‘ਚ ਪੁਲਾੜ ਯਾਤਰੀਆਂ ਦੇ ਨਾਲ ਜੇਕਰ ਕੋਈ ਹਾਦਸਾ ਹੁੰਦਾ ਹੈ ਤਾਂ ਉਨ੍ਹਾਂ ਦੀ ਸੁਰੱਖਿਆ ਨੂੰ ਯਕੀਨੀ ਕਰਨਾ ਹੈ। ਉਨ੍ਹਾਂ ਕਿਹਾ ਕਿ ਭਵਿੱਖ ‘ਚ ਏਅਰਪਲੇਨ ਮੋਡ ਵਾਲੇ ਪੁਲਾੜ ਕੈਪਸੂਨ ਲਾਂਚ ਕਰਨ ਦੀ ਵੀ ਯੋਜਨਾ ਹੈ। (Capsule)

ਚੰਡੀਗੜ ਸਮੇਤ ਪੰਜਾਬ ਦੇ ਕੁਲ 9 ਬੱਸ ਡਿਪੂਆਂ ਨੂੰ ਸੌਂਪੀਆਂ ਜਾਣਗੀਆਂ

ਲੁਧਿਆਣਾ (ਸੱਚ ਕਹੂੰ ਨਿਊਜ਼) ਪੰਜਾਬ ਦੇ ਵੱਖ-ਵੱਖ ਸ਼ਹਿਰਾਂ ਦੇ ਬੱਸ ਯਾਤਰੀਆਂ ਨੂੰ ਸ਼ਾਨਦਾਰ ਸਫਰ ਦੀਆਂ ਸੁੱਖ ਸਹੂਲਤਾਂ ਦੇਣ ਤੇ ਗਰਮੀ ਤੋਂ ਬਚਾਉਣ ਲਈ ਟ੍ਰਾਂਸਪੋਰਟ ਵਿਭਾਗ ਪੰਜਾਬ ਅੰਤਰਰਾਸ਼ਟਰੀ ਪੱਧਰ ਦੀਆਂ ਅਤਿ-ਆਧੁਨਿਕ  ਸੁਪਰ ਇੰਟੈਗਰਲ ਬੱਸਾਂ ਦਾ ਫਲੀਟ ਪਾਉਣ ਜਾ ਰਿਹਾ ਹੈ। ਜਿਨਾਂ ਵਿਚ ਬੱਸਾਂ ਦੀ ਗਿਣਤੀ 31 ਹੋਵੇਗੀ ਅਤੇ ਇਹ ਚੰਡੀਗੜ ਸਮੇਤ ਪੰਜਾਬ ਦੇ ਕੁਲ 9 ਬੱਸ ਡਿਪੂਆਂ ਨੂੰ ਸੌਂਪੀਆਂ ਜਾਣਗੀਆਂ ਇਸ ਸਬੰਧੀ ਪੰਜਾਬ ਸਟੇਟ ਬੱਸ ਸਟੈਂਡ ਮੈਨੇਜਮੈਂਟ ਕਮੇਟੀ ਵਲੋਂ ਡਿਪੂ ਮੈਨੇਜਰਾਂ ਨੂੰ ਲਿਖੇ ਪੱਤਰ ਤੋਂ ਜਾਣਕਾਰੀ ਪ੍ਰਾਪਤ ਹੋਈ ਹੈ।

ਟ੍ਰਾਂਸਪੋਰਟ ਵਿਭਾਗ ਨੇ ਡਿੱਪੂ ਮੈਨੇਜਰਾਂ ਨੂੰ ਕਿਹਾ ਹੈ ਕਿ ਉਹ ਡਰਾਈਵਰਾਂ ਨੂੰ ਸਿਖਲਾਈ ਦੇ ਕੇ ਇਸ ਲਈ ਤਿਆਰ ਕਰਨ । ਇਹ ਟ੍ਰੇਨਿੰਗ ਡਿਪੂਆਂ ਵਿਚ ਠੇਕੇ ‘ਤੇ ਰੱਖੇ ਗਏ ਡਰਾਈਵਰਾਂ ਨੂੰ ਦਿੱਤੀ ਜਾਣੀ ਹੈ ਜਾਰੀ ਪੱਤਰ ਦੇ ਮੁਤਾਬਕ ਕੁਲ 31 ਬੱਸਾਂ ਨੂੰ ਚੰਡੀਗੜ ਸਮੇਤ ਪੰਜਾਬ ਦੇ ਚੰਡੀਗੜ, ਰੂਪ ਨਗਰ, ਲੁਧਿਆਣਾ, ਸ਼ਹੀਦ ਭਗਤ ਸਿੰਘ ਨਗਰ (ਨਵਾਂਸ਼ਹਿਰ), ਹੁਸ਼ਿਆਰਪੁਰ, ਪਠਾਨਕੋਟ, ਅੰਮ੍ਰਿਤਸਰ-1, ਅੰਮ੍ਰਿਤਸਰ-2, ਸ੍ਰੀ ਮੁਕਤਸਰ ਸਾਹਿਬ ਵਿਚ ਦਿੱਤੀਆਂ ਜਾਣਗੀਆਂ।

ਪਰ ਇਹ ਸਾਰੀਆਂ 31 ਬੱਸਾਂ ਵੱਖ-ਵੱਖ ਡੀਪੂਆਂ ਨੂੰ ਵੱਖ-ਵੱਖ ਗਿਣਤੀ ਵਿਚ ਦਿੱਤੀਆਂ ਜਾ ਰਹੀਆਂ ਹਨ, ਜਿਸ ਵਿਚ ਚੰਡੀਗੜ ਨੂੰ ਸਭ ਤੋਂ ਜ਼ਿਆਦਾ 8 ਬੱਸਾਂ ਦਿੱਤੀਆਂ ਜਾਣਗੀਆਂ, ਜਦੋਂਕਿ ਇਸੇ ਤਰਾਂ ਰੂਪਨਗਰ ਨੂੰ 4 ਬੱਸਾਂ, ਲੁਧਿਆਣਾ ਨੂੰ 2, ਨਵਾਂਸ਼ਹਿਰ ਨੂੰ 3, ਹੁਸ਼ਿਆਰਪੁਰ ਨੂੰ 6, ਪਠਾਨਕੋਟ ਨੂੰ 3,  ਅੰਮ੍ਰਿਤਸਰ-1 ਨੂੰ 2 ਅਤੇ ਅੰਮ੍ਰਿਤਸਰ-2 ਨੂੰ 1 ਬੱਸ ਮਿਲੇਗੀ, ਜਦੋਂਕਿ ਇਸੇ ਕੜੀ ਵਿਚ ਸ੍ਰੀ ਮੁਕਤਸਰ ਸਾਹਿਬ ਨੂੰ 2 ਸੁਪਰ ਏ. ਸੀ. ਇੰਟੈਗ੍ਰਲ ਬੱਸਾਂ ਮਿਲਣਗੀਆਂ, ਜੋ ਇਨਾਂ ਸ਼ਹਿਰਾਂ ਤੋਂ ਵੱਖ-ਵੱਖ ਰੂਟਾਂ ‘ਤੇ ਦੌੜਨਗੀਆਂ ਇਨਾਂ ਬੱਸਾਂ ਨੂੰ ਚਲਾਉਣ ਅਤੇ ਇਨਾਂ ਦੀ ਸਿਖਲਾਈ ਲਈ 155 ਡਰਾਈਵਰਾਂ ਦੀ ਮੰਗ ਕੀਤੀ ਗਈ ਹੈ।

ਇਹ ਵੀ ਪੜ੍ਹੋ : Weather Update : ਹਿਮਾਚਲ ’ਚ ਮਈ ਮਹੀਨੇ ’ਚ ਮੀਂਹ ਨੇ ਤੋੜੇ ਰਿਕਾਰਡ

ਲੜਕੀਆਂ ਨਾਲ ਛੇੜ-ਛਾੜ ਕਰਨ ਤੋਂ ਰੋਕਣ ‘ਤੇ ਮੁਨਸ਼ੀ ਦੀ ਕੁੱਟਮਾਰ | Save The Girl

ਫਿਰੋਜ਼ਪੁਰ, (ਸਤਪਾਲ ਥਿੰਦ/ਸੱਚ ਕਹੂੰ ਨਿਊਜ਼)। ਫਿਰੋਜ਼ਪੁਰ ਸ਼ਹਿਰ ‘ਚ ਇੱਕ ਦੁਕਾਨ ‘ਤੇ ਲੱਗੇ ਮੁਨਸ਼ੀ ਦੀ ਕੁਝ ਲੋਕਾਂ ਵੱਲੋਂ ਬੁਰੀ ਤਰ੍ਹਾਂ ਕੁੱਟਮਾਰ ਕੀਤੀ ਗਈ ਕਿਉਂਕਿ ਉਹ ਰਾਹ ਜਾਂਦੀਆਂ ਲੜਕੀਆਂ ਨੂੰ ਛੇੜਣ ਤੋਂ ਇੱਕ ਮੁੰਡੇ ਨੂੰ ਰੋਕਣ ਦੀ ਗਲਤੀ ਕਰ ਚੁੱਕਾ ਸੀ, ਜਿਸ ਦੇ ਬਾਅਦ ਮੁੰਡੇ ਨੇ ਆਪਣੇ ਸਾਥੀਆਂ ਨਾਲ ਰਲ ਕੇ ਮੁਨਸ਼ੀ ਦੀ ਕੁੱਟਮਾਰ ਕੀਤੀ, ਜਿਸ ਨੂੰ ਬਾਅਦ ‘ਚ ਸਿਵਲ ਹਸਪਤਾਲ ‘ਚ ਦਾਖਲ ਕਰਵਾਉਣਾ ਪਿਆ। ਇਸ ਸਬੰਧੀ ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।

ਰਜ਼ਨੀਸ਼ ਕੁਮਾਰ ਪੁੱਤਰ ਸਤਪਾਲ ਸਿੰਘ ਵਾਸੀ ਫਿਰੋਜ਼ਪੁਰ ਸ਼ਹਿਰ ਨੇ ਦੱÎਸਿਆ ਕਿ ਉਹ ਕਮਲ ਗਰਗ ਵਕੀਲ ਦੀ ਦੁਕਾਨ ‘ਤੇ ਮੁਨਸ਼ੀ ਲੱਗਾ ਹੋਇਆ ਹੈ ਤਾਂ ਸੰਦੀਪ ਸਿੰਘ ਪੁੱਤਰ ਅੰਗਰੇਜ਼ ਸਿੰਘ ਵਾਸੀ ਪਿੰਡ ਮਸਤੇ ਕੇ ਨੇ ਦੁਕਾਨ ‘ਤੇ ਆ ਕੇ ਰਾਹ ਜਾਂਦੀਆਂ ਲੜਕੀਆਂ ਨੂੰ ਛੇੜਦਾ ਸੀ ਤਾਂ ਉਸਨੇ ਸੰਦੀਪ ਨੂੰ ਅਜਿਹਾ ਕਰਨ ਤੋਂ ਰੋਕਿਆ, ਜਿਸਦੇ ਬਾਅਦ ਸੰਦੀਪ ਸਿੰਘ ਆਪਣੇ ਸਾਥੀਆਂ ਨਾਲ ਉਸ ਦੀ ਦੁਕਾਨ ਤੇ ਆਇਆ ਤੇ ਉਸ ਦੀ ਕੁੱਟਮਾਰ ਕਰਨ ਲੱਗੇ। ਇਸ ਮਾਮਲੇ ਦੀ ਜਾਂਚ ਕਰ ਰਹੇ ਥਾਣਾ ਫਿਰੋਜ਼ਪੁਰ ਸਿਟੀ ਤੋਂ ਏਐੱਸਆਈ ਅਜਮੇਰ ਸਿੰਘ ਨੇ ਦੱਸਿਆ ਕਿ ਰਜ਼ਨੀਸ਼ ਕੁਮਾਰ ਦੇ ਬਿਆਨਾਂ ‘ਤੇ ਸੰਦੀਪ ਸਿੰਘ ਅਤੇ 7 ਹੋਰ ਅਣਪਛਾਤਿਆਂ ਖਿਲਾਫ਼ ਆਈਪੀਸੀ ਤਹਿਤ ਮਾਮਲਾ ਦਰਜ ਕਰ ਲਿਆ ਹੈ।

ਵਾਤਾਵਰਨ ਸੁਰੱਖਿਆ ਅਤੇ ਜਲਵਾਯੂ ਬਦਲਾਅ ਨੂੰ ਲੈ ਕੇ ਜਾਗਰੂਕਤਾ ਵਧ ਰਹੀ ਹੈ ਕੁਦਰਤ ਨੂੰ ਬਚਾਉਣ ਦੀ ਇਸ ਮੁਹਿੰਮ ਦੇ ਨਤੀਜੇ ਵਜੋਂ ਗ੍ਰੀਨ ਜੌਬਸ ਦੀ ਇੱਕ ਵੱਡੀ ਮਾਰਕੀਟ ਖੜ੍ਹੀ ਹੋ ਰਹੀ ਹੈ, ਜਿੱਥੇ ਪੇ-ਪੈਕੇਜ਼ ਵੀ ਵਧੀਆ ਹੈ ਕੀ ਹਨ ਗ੍ਰੀਨ ਜੌਬਸ ਅਤੇ ਕਿਵੇਂ ਪਾ ਸਕਦੇ ਹੋ ਐਂਟਰੀ, ਆਓ ਜਾਣੀਏ ਇੱਕ ਜ਼ਮਾਨਾ ਸੀ ਜਦੋਂ ਵਿਦਿਆਰਥੀਆਂ ਦੀ ਪਹਿਲ ਦੀ ਸੂਚੀ ਵਿਚ ਸਭ ਤੋਂ ਆਖ਼ਰ ਵਿਚ ਆਉਂਦਾ ਸੀ ਵਾਤਾਵਰਨ ਵਿਗਿਆਨ ਭਾਵ ਇਨਵਾਇਰਮੈਂਟਲ ਸਾਇੰਸ ਪਰ ਹੁਣ ਇਸ ਸੂਚੀ ਵਿਚ ਇਹ ਉੱਪਰ ਵੱਲ ਕਦਮ ਵਧਾ ਰਿਹਾ ਹੈ

ਜਲਵਾਯੂ ਬਦਲਾਅ ਅਤੇ ਉਸ ਤੋਂ ਹੋਣ ਵਾਲੇ ਖ਼ਤਰਿਆਂ ਦੇ ਵਿਸ਼ੇ ਵਿਚ ਲਗਾਤਾਰ ਵਧ ਰਹੀ ਜਾਗਰੂਕਤਾ ਅਤੇ ਵਾਤਾਵਰਨ ਨੂੰ ਬਚਾਉਣ ਲਈ ਵਿਸ਼ਵ ਦੇ ਵੱਖ-ਵੱਖ ਹਿੱਸਿਆਂ ਵਿਚ ਚੱਲ ਰਹੇ ਅੰਦੋਲਨਾਂ ਕਾਰਨ ਹੁਣ ਵਿਦਿਆਰਥੀਆਂ ਵਿਚ ਵਿਸ਼ੇ ਦੇ ਰੂਪ ਵਿਚ ਵਾਤਾਵਰਨ ਵਿਗਿਆਨ ਦੀ ਹਰਮਨਪਿਆਰਤਾ ਵਧਣ ਲੱਗੀ ਹੈ ਵਾਤਾਵਰਨ ਵਿਗਿਆਨ ਪ੍ਰਤੀ ਵਿਦਿਆਰਥੀਆਂ ਦੀ ਵਧ ਰਹੀ ਰੂਚੀ ਦਾ ਇੱਕ ਕਾਰਨ ਇਹ ਵੀ ਹੈ ਕਿ ਹੁਣ ਵਾਤਾਵਰਨ ਨਾਲ ਜੁੜੇ ਫੀਲਡ ਵਿਚ ਨੌਕਰੀ ਦੀ ਸੰਭਾਵਨਾ ਵੀ ਕਾਫ਼ੀ ਤੇਜ਼ੀ ਨਾਲ ਵਧ ਰਹੀ ਹੈ

ਵਾਤਾਵਰਨ ਦੇ ਖੇਤਰ ਨਾਲ ਜੁੜੀਆਂ ਇਨ੍ਹਾਂ ਨੌਕਰੀਆਂ ਨੂੰ ਗ੍ਰੀਨ ਜੌਬਸ ਦਾ ਨਾਂਅ ਦਿੱਤਾ ਗਿਆ ਹੈ ਗ੍ਰੀਨ ਜੌਬਸ ਦੇ ਖੇਤਰ ਵਿਚ ਟਰੇਂਡ ਲੋਕਾਂ ਦੀ ਮੰਗ ਕਿੰਨੀ ਤੇਜ਼ੀ ਨਾਲ ਵਧ ਰਹੀ ਹੈ, ਇਸਦਾ ਅੰਦਾਜ਼ਾ ਇਸੇ ਗੱਲ ਤੋਂ ਲਾਇਆ ਜਾ ਸਕਦਾ ਹੈ ਕਿ ਸਤੰਬਰ 2009 ਵਿਚ ਦਿੱਲੀ ਵਿਚ ਦੇਸ਼ ਦਾ ਪਹਿਲਾ ਗ੍ਰੀਨ ਜੌਬਸ ਫੇਅਰ ਲਾਇਆ ਗਿਆ ਸੀ ਇਸ ਨੌਕਰੀ ਮੇਲੇ ਵਿਚ ਦੇਸ਼-ਵਿਦੇਸ਼ ਦੀਆਂ 25 ਤੋਂ ਜ਼ਿਆਦਾ ਕੰਪਨੀਆਂ ਨੇ ਹਿੱਸਾ ਲਿਆ ਸੀ

ਕੀ ਹੈ ਗ੍ਰੀਨ ਜੌਬਸ:

ਆਖ਼ਰ ਗ੍ਰੀਨ ਜੌਬਸ ਹੈ ਕੀ ਅਤੇ ਗ੍ਰੀਨ ਜੌਬਸ ਦੀ ਸ਼੍ਰੇਣੀ ਵਿਚ ਕਿਹੜੀਆਂ ਨੌਕਰੀਆਂ ਨੂੰ ਰੱਖਿਆ ਗਿਆ ਹੈ ਗ੍ਰੀਨ ਜੌਬਸ, ਕੰਮ ਦੀਆਂ ਅਜਿਹੀਆਂ ਵਿਧੀਆਂ ਹਨ, ਜਿੱਥੇ ਵਾਤਾਵਰਨ ਦੀ ਸੁਰੱਖਿਆ ਦਾ ਧਿਆਨ ਰੱਖਦੇ ਹੋਏ ਚੀਜ਼ਾਂ ਦਾ ਉਤਪਾਦਨ ਅਤੇ ਉਨ੍ਹਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ ਬਿਜਲੀ ਦੀ ਬੱਚਤ ਅਤੇ ਸੌਰ ਅਤੇ ਪੌਣ ਊਰਜਾ ਆਦਿ ਜ਼ਿਆਦਾ ਤੋਂ ਜ਼ਿਆਦਾ ਇਸਤੇਮਾਲ ਕਰਨ ਵਾਲੀ ਬਿਲਡਿੰਗ ਦਾ ਨਿਰਮਾਣ ਕਰਨ ਵਾਲਾ ਆਰਕੀਟੈਕਟ, ਵਾਟਰ ਰੀਸਾਈਕਲ ਸਿਸਟਮ ਲਾਉਣ ਵਾਲਾ ਪਲੰਬਰ, ਵੱਖ-ਵੱਖ ਕੰਪਨੀਆਂ ਵਿਚ ਵਾਤਾਵਰਨ ਦੀ ਸੁਰੱਖਿਆ ਨਾਲ ਸਬੰਧਿਤ ਖੋਜ ਕੰਮ ਅਤੇ ਸਲਾਹ ਦੇਣ ਵਾਲੇ ਲੋਕ, ਊਰਜਾ ਦੀ ਖ਼ਪਤ ਘੱਟ ਕਰਨ ਦੀ ਦਿਸ਼ਾ ਵਿਚ ਕੰਮ ਕਰਨ ਵਾਲੇ ਮਾਹਿਰ, ਹਾਲਾਤੀ ਤੰਤਰ ਅਤੇ ਜੈਵ-ਵਿਭਿੰਨਤਾ ਨੂੰ ਕਾਇਮ ਕਰਨ ਦੇ ਗੁਰ ਸਿਖਾਉਣ ਵਾਲੇ ਮਾਹਿਰ, ਪ੍ਰਦੂਸ਼ਣ ਦੀ ਮਾਤਰਾ ਅਤੇ ਗ੍ਰੀਨ ਹਾਊਸ ਗੈਸਾਂ ਦੀ ਨਿਕਾਸੀ ਨੂੰ ਘੱਟ ਕਰਨ ਦੇ ਤਰੀਕੇ ਦੱਸਣ ਵਾਲੇ ਮਾਹਿਰ ਆਦਿ ਦੇ ਕੰਮ ਗ੍ਰੀਨ ਜੌਬਸ ਦੀ ਸ਼੍ਰੇਣੀ ਵਿਚ ਆਉਂਦੇ ਹਨ

ਇਹ ਵੀ ਪੜ੍ਹੋ

ਮਾਹਿਰਾਂ ਦੀ ਮੰਨੀਏ ਤਾਂ ਆਉਣ ਵਾਲੇ ਸਮੇਂ ਵਿਚ ਹਰ ਨੌਕਰੀ ਵਿਚ ਇਹ ਸਮਰੱਥਾ ਹੋਵੇਗੀ ਕਿ ਉਹ ਗ੍ਰੀਨ ਜੌਬਸ ਵਿਚ ਤਬਦੀਲ ਹੋ ਸਕੇ ਇਸ ਸੈਕਟਰ ਵਿਚ ਹੌਲੀ-ਹੌਲੀ ਵਿਸਥਾਰ ਹੋ ਰਿਹਾ ਹੈ ਅਤੇ ਨਾਲ ਹੀ ਨਾਲ ਨੌਕਰੀ ਦੀਆਂ ਸੰਭਾਵਨਾਵਾਂ ਵੀ ਵਧ ਰਹੀਆਂ ਹਨ ਇਹ ਸੈਕਟਰ ਟਰੇਂਡ ਲੋਕਾਂ ਦੀ ਮੰਗ ਕਰਦਾ ਹੈ ਅਤੇ ਬਦਲੇ ਵਿਚ ਚੰਗੀ ਸੈਲਰੀ ਦਿੰਦਾ ਹੈ ਕਈ ਮਾਹਿਰਾਂ ਦੀ ਇਹ ਵੀ ਰਾਏ ਹੈ ਕਿ ਜਿਸ ਤਰ੍ਹਾਂ ਸੂਚਨਾ ਅਤੇ ਤਕਨੀਕੀ ਖੇਤਰ ਵਿਚ ਇੱਕ ਜ਼ਮਾਨੇ ਵਿਚ ਭਾਰੀ ਉਛਾਲ ਆਇਆ ਸੀ, ਉਵੇਂ ਹੀ ਆਉਣ ਵਾਲੇ ਸਮੇਂ ਵਿਚ ਗ੍ਰੀਨ ਜੌਬਸ ਦੇ ਖੇਤਰ ਵਿਚ ਹੋਵੇਗਾ ਭਾਰਤ ਤੇਜ਼ੀ ਨਾਲ ਸ਼ਹਿਰੀਕਰਨ ਵੱਲ ਵਧ ਰਿਹਾ ਹੈ

ਸਾਡੇ ਇੱਥੇ ਨਵੇਂ ਭਵਨਾਂ ਦਾ ਨਿਰਮਾਣ ਹੋ ਰਿਹਾ ਹੈ ਅਤੇ ਊਰਜਾ ਦੀ ਮੰਗ ਵੀ ਵਧ ਰਹੀ ਹੈ ਆਉਣ ਵਾਲੇ ਸਮੇਂ ਵਿਚ ਵਾਤਾਵਰਨ ਸੁਰੱਖਿਆ ਦੇ ਖੇਤਰ ਵਿਚ ਨਿਯਮ-ਕਾਇਦੇ ਹੋਰ ਵੀ ਸਪੱਸ਼ਟ ਅਤੇ ਕਰੜੇ ਹੋਣਗੇ ਅਤੇ ਵਾਤਾਵਰਨ ਸੁਰੱਖਿਆ ਦੇ ਨਾਲ-ਨਾਲ ਵਿਕਾਸ ਦੇ ਫਾਰਮੂਲੇ ਨੂੰ ਹਰ ਜਗ੍ਹਾ ਮਾਨਤਾ ਮਿਲੇਗੀ ਹੋਰ ਖੇਤਰਾਂ ਤੋਂ ਇਲਾਵਾ ਖੇਤੀ ਦੇ ਖੇਤਰ ਵਿਚ ਵੀ ਭਾਰਤੀ ਅਤੇ ਵਿਦੇਸ਼ੀ ਕੰਪਨੀਆਂ ਭਾਰਤ ਵਿਚ ਰਿਸਰਚ ਅਤੇ ਡਿਵੈਲਪਮੈਂਟ ਸੈਂਟਰ ਦੀ ਸਥਾਪਨਾ ਕਰ ਰਹੀਆਂ ਹਨ ਖੇਤੀ ਉਤਪਾਦਨ ਵਧਾਉਣ ਅਤੇ ਹਾਲਾਤੀ ਤੰਤਰ ਨੂੰ ਘੱਟ ਤੋਂ ਘੱਟ ਨੁਕਸਾਨ ਪਹੁੰਚਾਉਣ ਦੀ ਦਿਸ਼ਾ ਵਿਚ ਲਗਾਤਾਰ ਖੋਜ ਕਾਰਜ ਅਤੇ ਨਿਵੇਸ਼ ਹੋ ਰਿਹਾ ਹੈ

ਹਰ ਸਾਲ ਸਿਰਫ਼ ਇਨ੍ਹਾਂ ਮੰਗਾਂ ਨੂੰ ਪੂਰਾ ਕਰਨ ਲਈ 5000 ਟਰੇਂਡ ਲੋਕਾਂ ਦੀ ਲੋੜ ਹੋਵੇਗੀ ਆਉਣ ਵਾਲੇ ਸਮੇਂ ਵਿਚ ਦੇਸ਼ ਦੇ ਸਾਰੇ ਛੇ ਲੱਖ ਪਿੰਡਾਂ ਨੂੰ ਪਾਣੀ ਅਤੇ ਵੇਸਟ ਮੈਨੇਜ਼ਮੈਂਟ ਦੀ ਲੋੜ ਹੋਵੇਗੀ ਅਤੇ ਇਸ ਲੋੜ ਨੂੰ ਪੂਰਾ ਕਰਨ ਲਈ 1.2 ਕਰੋੜ ਟਰੇਂਡ ਲੋਕਾਂ ਦੀ ਲੋੜ ਹੋਵੇਗੀ ਜੇਕਰ ਤੁਸੀਂ ਗ੍ਰੀਨ ਜੌਬਸ ਕਰ ਰਹੇ ਹੋ ਤਾਂ ਇਸਦਾ ਮਤਲਬ ਇਹ ਹੈ ਕਿ ਤੁਸੀਂ ਨੌਕਰੀ ਦੇ ਨਾਲ ਵਾਤਾਵਰਨ ਸੁਰੱਖਿਆ ਦੀ ਦਿਸ਼ਾ ਵਿਚ ਵੀ ਆਪਣਾ ਮਹੱਤਵਪੂਰਨ ਯੋਗਦਾਨ ਦੇ ਰਹੇ ਹੋ

ਕਿਵੇਂ ਕਰੀਏ ਸ਼ੁਰੂਆਤ:

ਸੁਪਰੀਮ ਕੋਰਟ ਦੇ ਦਿਸ਼ਾ-ਨਿਰਦੇਸ਼ ਦੇ ਆਧਾਰ ‘ਤੇ ਯੂਜੀਸੀ ਨੇ ਗ੍ਰੈਜ਼ੂਏਸ਼ਨ ਦੇ ਪੱਧਰ ‘ਤੇ ਇਨਵਾਇਰਮੈਂਟਲ ਸਟੱਡੀਜ਼ ਨੂੰ ਲਾਜ਼ਮੀ ਬਣਾ ਦਿੱਤਾ ਹੈ ਸਕੂਲ ਅਤੇ ਟੈਕਨੀਕਲ ਪਾਠਕ੍ਰਮਾਂ ਦੇ ਪੱਧਰ ‘ਤੇ ਇਹ ਜਿੰਮੇਵਾਰੀ ਲੜੀਵਾਰ ਐਨਸੀਈਆਰਟੀ ਅਤੇ ਏਆਈਸੀਟੀਈ ਨੂੰ ਸੌਂਪੀ ਗਈ ਹੈ ਵਾਤਾਵਰਨ ਵਿਗਿਆਨ ਬੇਸਿਕ ਸਾਇੰਸ ਅਤੇ ਸੋਸ਼ਲ ਸਾਇੰਸ ਦੋਵਾਂ ਦਾ ਰਲਿਆ-ਮਿਲਿਆ ਰੂਪ ਹੈ ਰਿਸੋਰਸ ਮੈਨੇਜ਼ਮੈਂਟ ਅਤੇ ਰਿਸੋਰਸ ਟੈਕਨਾਲੋਜੀ ਵੀ ਵਾਤਾਵਰਨ ਵਿਗਿਆਨ ਦਾ ਇੱਕ ਮਹੱਤਵਪੂਰਨ ਅੰਗ ਹੈ ਵਾਤਾਵਰਨ ਨਾਲ ਜੁੜੇ ਵੱਖ-ਵੱਖ ਖੇਤਰਾਂ ਵਿਚ ਆਪਣਾ ਕਰੀਅਰ ਬਣਾਉਣ ਲਈ ਪੜ੍ਹਾਈ ਬਾਰ੍ਹਵੀਂ ਤੋਂ ਬਾਅਦ ਸ਼ੁਰੂ ਕੀਤੀ ਜਾ ਸਕਦੀ ਹੈ, ਪਰ ਇਸ ਪੱਧਰ ‘ਤੇ ਸੰਸਥਾਨਾਂ ਦੀ ਗਿਣਤੀ ਘੱਟ ਹੈ

ਗ੍ਰੀਨ ਜੌਬਸ ਦੇ ਖੇਤਰ ਵਿਚ ਬਿਹਤਰ ਕਰੀਅਰ ਬਣਾਉਣ ਲਈ ਵਾਤਾਵਰਨ ਵਿਗਿਆਨ ਵਿਚ ਉੱਚ ਸਿੱਖਿਆ ਪ੍ਰਾਪਤ ਕਰਨਾ ਤੁਹਾਡੇ ਲਈ ਭਵਿੱਖ ਵਿਚ ਚੰਗਾ ਹੋਵੇਗਾ ਵਾਤਾਵਰਨ ਨਾਲ ਸਬੰਧਿਤ ਨੀਤੀਆਂ ਦੇ ਨਿਰਮਾਣ ਵਿਚ ਦਿਲਚਸਪੀ ਰੱਖਣ ਵਾਲੇ ਸਧਾਰਨ ਗ੍ਰੈਜ਼ੂਏਟ ਲਈ ਵੀ ਇੱਥੇ ਮੌਕੇ ਹਨ ਜੀਵ ਵਿਗਿਆਨ ਦੇ ਨਾਲ ਬਾਰ੍ਹਵੀਂ ਦੀ ਪ੍ਰੀਖਿਆ ਪਾਸ ਕਰਨ ਵਾਲੇ ਵਿਦਿਆਰਥੀ ਗ੍ਰੈਜ਼ੂਏਸ਼ਨ ਦੇ ਪੱਧਰ ‘ਤੇ ਇਨਵਾਇਰਮੈਂਟਲ ਸਾਇੰਸ ਦੀ ਪੜ੍ਹਾਈ ਕਰ ਸਕਦੇ ਹਨ ਫ਼ਿਜ਼ੀਕਲ ਸਾਇੰਸ, ਲਾਈਫ਼ ਸਾਇੰਸ, ਇੰਜੀਨੀਅਰਿੰਗ ਜਾਂ ਮੈਡੀਕਲ ਸਾਇੰਸ ਆਦਿ ਵਿਗਿਆਨ ਵਿਸ਼ਿਆਂ ਨਾਲ ਗ੍ਰੈਜ਼ੂਏਸ਼ਨ ਕਰਨ ਤੋਂ ਬਾਅਦ ਇਨਵਾਇਰਮੈਂਟਲ ਸਾਇੰਸ ਵਿਚ ਪੋਸਟ ਗ੍ਰੈਜੂਏਸ਼ਨ ਕਰਨਾ ਬਿਹਤਰ ਹੋਵੇਗਾ

ਬੀਟੈਕ ਦਾ ਕੋਰਸ ਵੀ ਕਈ ਸੰਸਥਾਨਾਂ ਵਿਚ ਮੁਹੱਈਆ

ਇਨਵਾਇਮੈਂਟਲ ਸਾਇੰਸ ਵਿਚ ਬੀਟੈਕ ਦਾ ਕੋਰਸ ਵੀ ਕਈ ਸੰਸਥਾਨਾਂ ਵਿਚ ਮੁਹੱਈਆ ਹੈ ਸੈਂਟਰ ਫਾਰ ਸਾਇੰਸ ਐਂਡ ਇਨਵਾਇਰਮੈਂਟ, ਦਿੱਲੀ ਵਿਚ ਵਾਤਾਵਰਨ ਵਿਗਿਆਨ ਨਾਲ ਜੁੜੇ ਵਿਸ਼ਿਆਂ ਵਿਚ ਇੰਟਰਨਸ਼ਿਪ ਅਤੇ ਸਰਟੀਫਿਕੇਟ ਕੋਰਸ ਕਰਵਾਇਆ ਜਾਂਦਾ ਹੈ ਦੇਸ਼ ਵਿਚ ਵਾਤਾਵਰਨ ਵਿਗਿਆਨ ਨੂੰ ਸਮਰਪਿਤ ਦਿੱਲੀ ਸਥਿਤ ਇੱਕੋ-ਇੱਕ ਸੰਸਥਾਨ ਦ ਐਨਰਜ਼ੀ ਐਂਡ ਰਿਸੋਰਸ ਇੰਸਟੀਚਿਊਟ ਭਾਵ ਟੇਰੀ ਵਿਚ ਇਨਵਾਇਮੈਂਟਲ ਸਾਇੰਸ ਨਾਲ ਸਬੰਧਿਤ ਵਿਸ਼ਿਆਂ ਵਿਚ ਪੋਸਟ ਗ੍ਰੈਜ਼ੂਏਟ ਅਤੇ ਡਾਕਟੇਰਲ ਪੱਧਰ ਦੇ ਪਾਠਕ੍ਰਮਾਂ ਦੀ ਪੜ੍ਹਾਈ ਹੁੰਦੀ ਹੈ

ਟੇਰੀ ਵਾਤਾਵਰਨ ਵਿਗਿਆਨ ਦੇ ਖੇਤਰ ਵਿਚ ਸਕਾਲਰਸ਼ਿਪ ਵੀ ਦਿੰਦੀ ਹੈ ਇੰਡੀਅਨ ਸਕੂਲ ਆਫ਼ ਮਾਈਂਸ, ਧਨਬਾਦ ਵਿਚ ਇਨਵਾਇਰਮੈਂਟਲ ਇੰਜੀਨੀਅਰਿੰਗ ਵਿਚ ਬੀਟੈਕ ਦੀ ਪੜ੍ਹਾਈ ਹੁੰਦੀ ਹੈ ਯੂਨੀਵਰਸਿਟੀ ਆਫ਼ ਪੈਟਰੋਲੀਅਮ ਐਂਡ ਐਨਰਜ਼ੀ ਸਟੱਡੀਜ਼, ਦੇਹਰਾਦੂਨ ਵਿਚ ਇਨਵਾਇਰਮੈਂਟਲ ਇੰਜੀਨੀਅਰਿੰਗ ਵਿਚ ਬੀਈ ਦਾ ਕੋਰਸ ਮੁਹੱਈਆ ਹੈ ਇਗਨੂੰ ਵਿਚ ਇਨਵਾਇਰਮੈਂਟਲ ਸਟੱਡੀਜ਼ ਵਿਚ ਛੇ ਮਹੀਨੇ ਦਾ ਸਰਟੀਫਿਕੇਟ ਕੋਰਸ ਮੁਹੱਈਆ ਹੈ ਇਸ ਤੋਂ ਇਲਾਵਾ ਕਈ ਸਰਕਾਰੀ ਅਤੇ ਗੈਰ-ਸਰਕਾਰੀ ਸੰਸਥਾਵਾਂ ਵੀ ਵਾਤਾਵਰਨ ਸੁਰੱਖਿਆ ਦੀ ਦਿਸ਼ਾ ਵਿਚ ਟਰੇਨਿੰਗ ਦੇ ਰਹੀਆਂ ਹਨ

ਇਨ੍ਹਾਂ ਵਿਚ ਅਲਮੋਡਾ ਸਥਿਤ ਗੋਵਿੰਦ ਵੱਲਭ ਪੰਤ ਹਿਮਾਲਿਆ ਵਾਤਾਵਰਨ ਅਤੇ ਵਿਕਾਸ ਸੰਸਥਾਨ, ਦੇਹਰਾਦੂਨ ਸਥਿਤ ਇੰਡੀਅਨ ਕਾਊਂਸਿਲ ਆਫ਼ ਫਾਰੈਸਟਰੀ ਰਿਸਰਚ ਐਂਡ ਐਜ਼ੂਕੇਸ਼ਨ, ਇਲਾਹਾਬਾਦ ਸਥਿਤ ਸੈਂਟਰ ਫਾਰ ਸੋਸ਼ੀਅਲ ਫਾਰੈਸਟਰੀ ਐਂਡ ਈਕੋ-ਰੀਹੈਬਲੀਟੇਸ਼ਨ, ਬੈਂਗਲੁਰੂ ਸਥਿਤ ਸੈਂਟਰ ਫਾਰ ਇਨਵਾਇਰਮੈਂਟਲ ਐਜ਼ੂਕੇਸ਼ਨ ਅਤੇ ਚੇਨੱਈ ਸਥਿਤ ਸੀਪੀਆਈ ਇਨਵਾਇਰਮੈਂਟਲ ਐਜ਼ੂਕੇਸ਼ਨ ਮੁੱਖ ਹਨ ਇਨਵਾਇਰਮੈਂਟਲ ਸਾਇੰਸ ਵਿਚ ਪੋਸਟ ਗ੍ਰੈਜ਼ੂਏਸ਼ਨ ਤੋਂ ਬਾਅਦ ਬਦਲਾਂ ਦੀ ਭਰਮਾਰ ਹੈ

ਸਰਕਾਰੀ ਅਤੇ ਗੈਰ-ਸਰਕਾਰੀ ਖੇਤਰ ਵਿਚ ਇਨਵਾਇਰਮੈਂਟਲ ਬਾਇਓਲਾਜਿਸਟ, ਇਨਵਾਇਰਮੈਂਟਲ ਆਫ਼ੀਸਰ, ਇਨਵਾਇਰਮੈਂਟਲ ਮੈਨੇਜ਼ਰ, ਇਨਵਾਇਰਮੈਂਟਲ ਸਾਇੰਟਿਸਟ, ਇਨਵਾਇਰਮੈਂਟਲ ਕੰਸਲਟੈਂਟ, ਇਨਵਾਇਰਮੈਂਟਲ ਐਕਸਟੈਂਸਨ ਆਫ਼ੀਸਰ, ਇਨਵਾਇਰਮੈਂਟਲ ਲਾਅ ਆਫ਼ੀਸਰ ਆਦਿ ਅਹੁਦੇ ਮੁਹੱਈਆ ਹਨ ਵਰਤਮਾਨ ਸਮੇਂ ਵਿਚ ਟਰੇਂਡ ਇਨਵਾਇਰਮੈਂਟਲ ਦੀ ਦੇਸ਼-ਵਿਦੇਸ਼ ਵਿਚ ਕਾਫ਼ੀ ਮੰਗ ਹੈ ਹਰ ਰਾਜ ਵਿਚ ਪਾਲਿਊਸ਼ਨ ਕੰਟਰੋਲ ਅਤੇ ਇਨਵਾਇਰਮੈਂਟਲ ਪ੍ਰੋਟੈਕਸ਼ਨ ਬੋਰਡ ਹੁੰਦਾ ਹੈ ਇਨਵਾਇਰਮੈਂਟਲ ਸਾਇੰਸ ਵਿਚ ਕੋਈ ਵੀ ਪੋਸਟ ਗ੍ਰੈਜ਼ੂਏਟ ਇਨਵਾਇਰਮੈਂਟਲ ਆਫ਼ੀਸਰ ਅਤੇ ਸੀਨੀਅਰ ਇਨਵਾਇਰਮੈਂਟਲ ਆਫ਼ੀਸਰ ਦੇ ਅਹੁਦੇ ਲਈ ਅਪਲਾਈ ਕਰ ਸਕਦਾ ਹੈ

ਪ੍ਰਾਈਵੇਟ ਸੈਕਟਰ ਵਿਚ ਵੀ ਸ਼ੂਗਰ ਮਿੱਲ, ਖਾਦ ਦੀ ਫੈਕਟਰੀ, ਚੌਲ ਮਿੱਲ, ਆਟਾ ਮਿੱਲ, ਆਟੋਮੋਬਾਇਲ ਇੰਡਸਟ੍ਰੀ ਅਤੇ ਸੀਮੈਂਟ ਫੈਕਟਰੀ ਆਦਿ ਵਿਚ ਤੁਹਾਡੇ ਲਈ ਗ੍ਰੀਨ ਜੌਬਸ ਦੇ ਮੌਕੇ ਹਨ ਵਾਤਾਵਰਨ ਵਿਗਿਆਨ ਦੇ ਖੇਤਰ ਵਿਚ ਵਿਦਿਆਰਥੀਆਂ ਨੂੰ ਟਰੇਂਡ ਕਰਨ ਲਈ ਸਕੂਲ ਅਤੇ ਕਾਲਜ ਦੇ ਪੱਧਰ ‘ਤੇ ਅਧਿਆਪਕਾਂ ਦੀ ਵੀ ਲੋੜ ਹੋਵੇਗੀ

ਕਿੱਥੇ ਹੁੰਦੀ ਹੈ ਪੜ੍ਹਾਈ

• ਸਕੂਲ ਆਫ਼ ਇਨਵਾਇਰਮੈਂਟਲ ਸਾਇੰਸ, ਜੇਐਨਯੂ, ਨਵੀਂ ਦਿੱਲੀ
• ਦ ਐਨਰਜ਼ੀ ਐਂਡ ਰਿਸੋਰਸ ਇੰਸਟੀਚਿਊਟ (ਟੇਰੀ), ਨਵੀਂ ਦਿੱਲੀ
• ਸੈਂਟਰ ਫਾਰ ਈਕੋਲਾਜ਼ੀਕਲ ਸਾਇੰਸੇਜ਼, ਇੰਡੀਅਨ ਇੰਸਟੀਚਿਊਟ ਆਫ਼ ਸਾਇੰਸ, ਬੰਗਲੌਰ
• ਡਿਪਾਰਟਮੈਂਟ ਆਫ਼ ਇਨਵਾਇਰਮੈਂਟਲ ਸਾਇੰਸੇਜ਼, ਸ੍ਰੀਨਗਰ, ਗੜਵਾਲ
• ਡਿਪਾਰਟਮੈਂਟ ਆਫ਼ ਇਨਵਾਇਰਮੈਂਟਲ ਬਾਇਓਲਾਜੀ, ਯੂਨੀਵਰਸਿਟੀ ਆਫ਼ ਦਿੱਲੀ
  
  Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।