ਆਰਸੀਬੀ ਨੂੰ 7 ਵਿਕਟਾਂ ਨਾਲ ਹਰਾਇਆ (IPL 2022)

• ਰਾਜਸਥਾਨ ਦਾ ਅਗਲਾ ਮੁਕਾਬਲਾ ਟੂਰਨਾਮੈਂਟੀ ਦੀ ਸਭ ਤੋਂ ਤੱਕੜੀ ਟੀਮ ਗੁਜਰਾਤ ਨਾਲ ਹੋਵੇਗਾ

(ਸੱਚ ਕਹੂੰ ਨਿਊਜ਼) ਮੁੰਬਈ। ਆਈਪੀਐਲ 2022 (IPL 2022) ਦੇ ਦੂਜੇ ਕੁਆਲੀਫਾਈ ਮੈਚ ’ਚ ਰਾਜਸਥਾਨ ਨੇ 14 ਸਾਲਾਂ ਦਾ ਬਾਅਦ ਆਈਪੀਐਲ ਦੇ ਫਾਈਨਲ ’ਚ ਪਹੁੰਚਿਆ ਹੈ। ਰਾਜਸਥਾਨ ਨੇ ਬੰਗਲੁਰੂ ਨੂੰ 7 ਵਿਕਟਾਂ ਨਾਲ ਹਰਾ ਕੇ ਫਾਈਨਲ ਦੀ ਟਿਕਟ ਕਟਾਈ ਹੈ। ਰਾਜਸਥਾਨ ਕੋਲ ਇਸ ਵਾਰ ਆਈਪੀਐਲ ਚੈਂਪੀਅਨ ਬਣਨ ਦਾ ਮੌਕਾ ਹੈ। ਰਾਜਸਥਾਨ ਦੇ ਬੱਲੇਬਾਜ਼ ਵੀ ਸ਼ਾਨਦਾਰ ਫਾਰਮ ’ਚ ਹਨ। ਰਾਜਸਥਾਨ ਦੇ ਜੋਸ ਬਟਲਰ ਆਪਣੇ ਪੂਰੇ ਰੰਗ ’ਚ ਨਜ਼ਰ ਆ ਰਹੇ ਹਨ। ਜੇਕਰ ਬਟਲਰ ਦਾ ਬੱਲਾ ਇਸੇ ਤਰ੍ਹਾਂ ਚੱਲਦਾ ਰਿਹਾ ਤਾਂ ਉਸ ਨੂੰ ਟਰਾਫੀ ਜਿੱਤਣ ਤੋਂ ਕੋਈ ਨਹੀਂ ਰੋਕ ਸਕਦਾ। ਰਾਜਸਥਾਨ ਦਾ ਅਗਲਾ ਮੁਕਾਬਲਾ 29 ਮਈ ਨੂੰ ਇਸ ਆਈਪੀਐਲ ਦੀ ਸਭ ਤੋਂ ਤੱਕੜੀ ਟੀਮ ਗੁਜਰਾਤ ਨਾਲ ਹੋਵੇਗਾ। ਗੁਜਰਾਤ ਖਿਲਾਫ਼ ਰਾਜਸਥਾਨ ਦੀ ਰਾਹ ਸੌਖੀ ਨਹੀਂ ਹੋਵੇਗੀ। ਗੁਜਰਾਤ ਦੇ ਕਪਤਾਨ ਹਾਰਦਿਕ ਪਾਂਡਿਆ ਵੀ ਪੂਰੀ ਫਾਰਮ ’ਚ ਹਨ। ਰਾਜਸਥਾਨ ਨੂੰ ਗੁਜਰਾਤ ਤੋਂ ਪਾਰ ਪਾਉਣ ਲਈ ਅੱਡੀ ਚੋਟੀ ਦਾ ਜ਼ੋਰ ਲਾਉਣਾ ਪਵੇਗਾ।

ਵਿਰਾਟ ਕੋਹਲੀ ਦੀ ਟੀਮ ਬੰਗਲੁਰੂ ਦਾ ਸੁਫ਼ਨਾ ਟੁੱਟਿਆ

ਇਸ ਵਾਰ ਆਈਪੀਐਲ ’ਚ ਬੰਗਲੁਰੂ ਦਾ ਪ੍ਰਦਰਸ਼ਨ ਖਾਸ ਨਹੀਂ ਰਿਹਾ ਹੈ। ਇਸ ਵਾਰ ਆਈਪੀਐਲ ਜਿੱਤਣ ਦਾ ਸੁਫ਼ਨਾ ਵੇਖ ਰਹੀ ਬੰਗਲੁਰੂ ਦੀਆਂ ਉਮੀਦਾਂ ’ਤੇ ਜੋਸ ਬਟਲਰ ਨੇ ਪਾਣੀ ਫੇਰ ਦਿੱਤਾ। ਬਟਲਰ ਨੇ ਧਮਾਕੇਦਾਰ ਬੱਲੇਬਾਜ਼ੀ ਕਰਦਿਆਂ 66 ਗੇਂਦਾਂ ’ਚ 106 ਦੌੜਾਂ ਦੀ ਨਾਬਾਦ ਪਾਰੀ ਖੇਡੀ। ਮੈਚ ’ਚ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਬੰਗਲੁਰੂ ਨੇ 157 ਦੌੜਾਂ ਬਣਾਈਆਂ ਸਨ। ਰਾਜਸਥਾਨ ਦੇ ਬੱਲੇਬਾਜ਼ਾਂ ਅੱਗੇ ਇਹ ਟੀਚਾ ਬੌਣਾ ਸਾਬਿਤ ਹੋਇਆ।

https://twitter.com/IPL/status/1530243707772936192?ref_src=twsrc%5Etfw%7Ctwcamp%5Etweetembed%7Ctwterm%5E1530243707772936192%7Ctwgr%5E%7Ctwcon%5Es1_c10&ref_url=about%3Asrcdoc

ਜੋਸ ਬਟਲਰ ਤੇ ਯਸ਼ਸਵੀ ਜਾਇਸਵਾਲ ਨੇ ਪਹਿਲਾਂ ਵਿਕਟ ਲਈ 31 ਗੇਂਦਾਂ ’ਚ 61 ਦੌੜਾਂ ਜੋੜ ਦਿੱਤੀਆਂ ਸਨ। ਦੋਵਾਂ ਬੱਲੇਬਾਜ਼ਾਂ ਨੇ ਸ਼ਾਨਦਾਰੀ ਸਾਂਝੇਦਾਰੀ ਕਰਕੇ ਟੀਮ ਦੀ ਜਿੱਤ ਦੀ ਨੀਂਹ ਰੱਖ ਦਿੱਤੀ ਸੀ। ਬਟਲਰ ਨੇ ਬੰਗਲੁਰੂ ਦੇ ਗੇਂਦਬਾਜ਼ਾਂ ਦੀਆਂ ਜੰਮ ਕੇ ਧੱਜੀਆਂ ਉਡਾਉਦਿਆਂ ਇਸ ਆਈਪੀਐਲ ’ਚ ਆਪਣਾ ਚੌਥਾ ਸੈਂਕੜਾ ਜੜ੍ਹ ਦਿੱਤਾ। ਜੋਸ ਬਟਲਰ ਨੇ ਇਸ ਦੇ ਨਾਲ ਹੀ ਵਿਰਾਟ ਕੋਹਲੀ ਦੇ ਰਿਕਾਰਡ ਦੀ ਬਰਾਬਰੀ ਕਰ ਲਈ ਹੈ। ਵਿਰਾਟ ਕੋਹਲੀ ਨੇ 2016 ’ਚ ਚਾਰ ਸੈਂਕੜੇ ਲਾਏ ਸਨ। ਇਸ ਵਾਰ ਵਿਰਾਟ ਕੋਹਲੀ ਪੂਰੇ ਟੂਰਨਾਮੈਂਟ ’ਚ ਦੌੜਾਂ ਲਈ ਤਰਸਦੇ ਨਜ਼ਰ ਆਏ, ਜਿਸ ਕਾਰਨ ਟੀਮ ਫਾਈਨਲ ਤੱਕ ਨਹੀਂ ਪਹੁੰਚ ਸਕੀ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

(IPL-2022) ਪੰਜਾਬ ਨੂੰ 6 ਵਿਕਟਾਂ ਨਾਲ ਹਰਾਇਆ

• ਯਸ਼ਸਵੀ ਜਾਇਸਵਾਲ ਨੇ ਖੇਡੀ 68 ਦੌਰਾਂ ਦੀ ਸ਼ਾਨਦਾਰ ਪਾਰੀ

(ਸੱਚ ਕਹੂੰ ਨਿਊਜ਼) ਮੁੰਬਈ। ਆਈਪੀਐਲ-2022 (IPL-2022) ਦਾ 52ਵਾਂ ਮੈਚ ਰਾਜਸਥਾਨ ਰਾਇਲਜ਼ ਤੇ ਪੰਜਾਗ ਕਿੰਗਸ ਦਰਮਿਆਨ ਖੇਡਿਆ ਗਿਆ। ਇਹ ਮੈਚ ਰੋਮਾਂਚਕ ਨਾਲ ਭਰਪੂਰ ਸੀ। ਇਸ ਮੈਚ ’ਚ ਰਾਜਸਥਾਨ ਨੇ ਪੰਜਾਬ ਨੂੰ 6 ਵਿਕਟਾਂ ਨਾਲ ਹਰਾ ਦਿੱਤਾ। ਪੰਜਾਬ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਰਾਜਸਥਾਨ ਨੂੰ 190 ਦੌੜਾਂ ਦਾ ਮੁਸ਼ਕਲ ਟੀਚਾ ਦਿੱਤੀ ਸੀ ਪਰ ਰਾਜਸਥਾਨ ਦੇ ਬੱਲੇਬਾਜ਼ਾਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਇਹ ਟੀਚਾ ਆਸਾਨੀ ਨਾਲ ਹਾਸਲ ਕਰ ਲਿਆ। ਰਾਜਸਥਾਨ ਦੇ ਬੱਲੇਬਾਜ਼ ਜਾਇਸਵਾਲ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕਰਦਿਆਂ 41 ਗੇਂਦਾਂ ’ਚ 68 ਦੌੜਾਂ ਬਣਾਈਆਂ।

ਆਖਰੀ ਓਵਰ ’ਚ ਰਾਜਸਥਾਨ ਨੂੰ ਜਿੱਤ ਲਈ 7 ਦੌੜਾਂ ਬਣਾਉਣੀਆਂ ਸਨ ਪਰ ਹੇਟਮਾਇਰ ਨੇ ਸ਼ਾਨਦਾਰ ਛੱਕ ਲਾਇਆ ਤੇ ਉਸ ਤੋਂ ਬਾਅਦ ਇੱਕ ਸਿੰਗਲ ਲੈ ਕੇ ਮੈਚ ਰਾਜਸਥਾਨ ਦੇ ਨਾਂਅ ਕਰ ਦਿੱਤਾ। ਇਸ ਦੇ ਨਾਲ ਹੀ ਰਾਜਸਥਾਨ ਦੇ 14 ਅੰਕ ਹੋ ਗਏ ਹਨ। ਰਾਜਸਥਾਨ ਦੇ ਕਪਤਾਨ ਸੰਜੂ ਸੈਮਸਨ ਨੂੰ ਮੈਚ ’ਚ ਸ਼ੁਰੂਆਤ ਤਾਂ ਚੰਗੀ ਮਿਲੀ ਪਰ ਉਹ ਆਪਣੇ ਸਕੋਰ ਨੂੰ ਵੱਡੀ ਪਾਰੀ ’ਚ ਨਹੀਂ ਬਦਲ ਸਕੇ। ਸੰਜੂ ਨੇ ਸਿਰਫ 12 ਗੇਂਦਾਂ ’ਤੇ 23 ਦੌੜਾਂ ਬਣਾਈਆਂ।

ਯੁਜਵੇਂਦਰ ਚਹਿਲ ਨੇ ਸ਼ਾਨਦਾਰ ਗੇਂਦਬਾਜ਼ੀ ਕਰਦਿਆਂ 3 ਵਿਕਟਾਂ ਲਈਆਂ

ਰਾਜਸਥਾਨ ਵੱਲੋਂ ਯੁਜਵੇਂਦਰ ਚਹਿਲ ਨੇ ਸ਼ਾਨਦਾਰ ਗੇਂਦਬਾਜ਼ੀ ਕਰਦਿਆਂ 3 ਵਿਕਟਾਂ ਲਈਆਂ। ਚਹਿਲ ਨੇ ਰਾਜਪਕੇਸ਼ ਤੇ ਮਿਅੰਕ ਅਗਰਵਾਲ ਤੇ ਜਾਨੀ ਬੇਇਸਟੋ ਦੀਆਂ ਵਿਕਟਾਂ ਲਈਆਂ। ਇਸ ਦੇ ਨਾਲ ਹੀ ਭਾਨੁਕਾ ਰਾਜਪਕਸ਼ੇ ਆਪਣੀ ਸ਼ਾਨਦਾਰ ਫਲਿੱਪਰ ਗੇਂਦ ਨੂੰ ਸਮਝ ਨਹੀਂ ਸਕੇ। ਗੇਂਦ ਸਿੱਧੀ ਜਾ ਕੇ ਲੈੱਗ-ਸਟੰਪ ‘ਤੇ ਜਾ ਲੱਗੀ। ਚਹਿਲ ਨੇ ਵਿਕਟ ਲੈਣ ਤੋਂ ਬਾਅਦ ਖੁਸ਼ੀ ਮਨਾਈ। ਇਸ ਦੇ ਨਾਲ ਹੀ ਉਨ੍ਹਾਂ ਦੀ ਪਤਨੀ ਧਨਸ਼੍ਰੀ ਵੀ ਸਟੇਡੀਅਮ ’ਚ ਉਨ੍ਹਾਂ ਨੂੰ ਚੀਅਰ ਕਰਦੀ ਨਜ਼ਰ ਆਈ। ਚਹਿਲ ਨੇ 4 ਓਵਰਾਂ ’ਚ ਸਿਰਫ 28 ਦੌੜਾਂ ਦਿੱਤੀਆਂ। ਭਾਨੁਕਾ ਨੇ ਮੈਚ ਵਿੱਚ ਸਿਰਫ਼ 18 ਗੇਂਦਾਂ ਵਿੱਚ 27 ਦੌੜਾਂ ਬਣਾਈਆਂ। ਉਨ੍ਹਾਂ ਦੇ ਬੱਲੇ ‘ਚ 2 ਚੌਕੇ ਅਤੇ 2 ਛੱਕੇ ਲੱਗੇ। ਉਸ ਦਾ ਸਟ੍ਰਾਈਕ ਰੇਟ 150 ਸੀ।

ਇਸ ਤੋਂ ਪਹਿਲਾਂ ਪੰਜਾਬ ਦੇ ਓਪਨਰ ਬੱਲੇਬਾਜ਼ ਸ਼ਿਖਰ ਧਵਨ ਵੱਡੀ ਪਾਰੀ ਨਹੀਂ ਖੇਡ ਸਕੇ। ਉਹ 16 ਗੇਂਦਾਂ ’ਤੇ 12 ਦੌੜਾਂ ਬਣਾ ਕੇ ਆਊਟ ਹੋਏ। ਪੰਜਾਬ ਦੇ ਬੱਲੇਬਾਜ਼ ਜਾਨੀ ਬੇਇਸਟੋ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕਰਦਿਆਂ 40 ਗੇਂਦਾਂ ’ਚ 56 ਦੌੜਾਂ ਦੀ ਪਾਰੀ ਖੇਡੀ। ਜਤੇਸ਼ ਸ਼ਰਮਾ ਨੇ ਸ਼ਾਨਦਾਰ ਬੱਲੇਬਾਜ਼ ਕਰਦਿਆਂ 18 ਗੇਂਦਾਂ ’ਤੇ 38 ਦੌੜਾਂ ਬਣਾਈਆਂ ਤੇ ਪਾਰੀ ’ਚ 2 ਚੌਕੇ ਤੇ 2 ਛੱਕੇ ਵੀ ਲਾਏ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

IPL-2022 : 117 ਮੀਟਰ ਦਾ ਜੜਿਆ ਛੱਕਾ 

ਮੁੰਬਈ। ਆਈਪੀਐਲ-2022 (IPL-2022) ਦੇ 15ਵੇਂ ਸੀਜ਼ਨ ‘ਚ ਮੰਗਲਵਾਰ ਨੂੰ ਖੇਡੇ ਗਏ ਮੈਚ ਦੌਰਾਨ ਇੱਕ ਰਿਕਾਰਡ ਬਣ ਗਿਆ। ਗੁਜਰਾਤ ਟਾਈਟਨਸ ਅਤੇ ਪੰਜਾਬ ਕਿੰਗਜ਼ ਦਰਮਿਆਨ ਖੇਡੇ ਗਏ ਇਸ ਮੈਚ ‘ਚ ਪੰਜਾਬ ਦੇ ਬੱਲੇਬਾਜ਼ ਲਿਆਮ ਲਿਵਿੰਗਸਟੋਨ ਨੇ ਇਸ ਸੀਜ਼ਨ ਦਾ ਸਭ ਤੋਂ ਲੰਬਾ ਛੱਕਾ ਜੜ ਦਿੱਤਾ। ਜਿਸ ਨੂੰ ਵੇਖ ਕੇ ਹਰ ਕੋਈ ਦੰਗ ਰਹਿ ਗਿਆ। ਲਿਆਮ ਲਿਵਿੰਗਸਟੋਨ ਨੇ ਮੁਹੰਮਦ ਸ਼ਮੀ ਦੀ ਗੇਂਦ ‘ਤੇ 117 ਮੀਟਰ ਲੰਬਾ ਛੱਕਾ ਜੜਿਆ ਤੇ ਗੇਂਦ ਸਟੇਡੀਅਮ ਤੋਂ ਬਾਹਰ ਜੀ ਡਿੱਗੀ।

ਪੰਜਾਬ ਦੀ ਪਾਰੀ ਦੇ 16ਵੇਂ ਓਵਰ ‘ਚ ਗੇਂਦਬਾਜ਼ ਮੁਹੰਮਦ ਸ਼ਮੀ ਦੀ ਪਹਿਲੀ ਗੇਂਦ ‘ਤੇ ਲਿਵਿੰਗਸਟੋਨ ਨੇ ਡੀਪ ਸਕਵੇਅਰ ਲੈੱਗ ‘ਤੇ 117 ਮੀਟਰ ਛੱਕਾ ਲਗਾਇਆ। ਸ਼ਮੀ ਵੀ ਇਸ ਸ਼ਾਟ ਨੂੰ ਦੇਖ ਕੇ ਹੈਰਾਨ ਰਹਿ ਗਏ। ਦੂਜੇ ਪਾਸੇ ਰਾਸ਼ਿਦ ਖਾਨ ਮਜ਼ਾਕੀਆ ਅੰਦਾਜ਼ ‘ਚ ਲਿਵਿੰਗਸਟੋਨ ਦੇ ਬੱਲੇ ਨੂੰ ਚੈੱਕ ਕਰਨ ਲਈ ਵੀ ਪਹੁੰਚ ਗਏ ਸਨ। ਲਿਆਮ ਨੇ ਇਸ ਤੋਂ ਬਾਅਦ ਦੋ ਹੋਰ ਛੱਕੇ ਲਗਾਏ। ਇਸ ਓਵਰ ਵਿੱਚ ਉਸ ਨੇ 28 ਦੌੜਾਂ ਬਣਾਈਆਂ। ਲਿਆਮ ਨੇ ਆਪਣੀ ਪਾਰੀ ‘ਚ 10 ਗੇਂਦਾਂ ‘ਤੇ ਨਾਬਾਦ 30 ਦੌੜਾਂ ਬਣਾਈਆਂ। ਜਿਸ ਵਿੱਚ 3 ਛੱਕੇ ਅਤੇ 2 ਚੌਕੇ ਸ਼ਾਮਲ ਹਨ।

ਬ੍ਰੇਵਿਸ ਨੇ ਰਿਕਾਰਡ ਤੋੜਿਆ

ਇਸ ਸੀਜ਼ਨ ‘ਚ ਸਭ ਤੋਂ ਲੰਬਾ ਛੱਕਾ ਲਾਉਣ ਦਾ ਰਿਕਾਰਡ ਮੁੰਬਈ ਦੇ ਬੱਲੇਬਾਜ਼ ਡੇਵੋਲਡ ਬ੍ਰੇਵਿਸ ਦੇ ਨਾਂਅ ਸੀ। ਉਸ ਨੇ 112 ਮੀਟਰ ਲੰਬਾ ਛੱਕਾ ਲਗਾਇਆ ਸੀ। ਜਿਸ ਨੂੰ ਪੰਜਾਬ ਦੇ ਬੱਲੇਬਾਜ਼ ਲਿਆਮ ਲਿਵਿੰਗਸਟੋਨ ਨੇ ਤੋੜ ਦਿੱਤਾ ਹੈ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

IPL-2022 ਮੋਹਸਿਨ ਖਾਨ ਨੇ ਲਈਆਂ 4 ਵਿਕਟਾਂ

(ਸੱਚ ਕਹੂੰ ਨਿਊਜ਼) ਮੁੰਬਈ। ਆਈਪੀਐਲ (IPL-2022) ਦੇ 45ਵਾਂ ਮੈਚ ਰੋਮਾਂਚਕ ਨਾਲ ਭਰਪੂਰ ਰਿਹਾ ਹੈ। ਰੋਮਾਂਚਕ ਮੈਚ ’ਚ ਲਖਨਊ ਨੇ ਦਿੱਲੀ ਨੂੰ 6 ਦੌੜਾਂ ਨਾਲ ਹਰਾ ਦਿੱਤਾ। ਦਿੱਲੀ ਨੂੰ 20 ਓਵਰਾਂ ’ਚ 196 ਦੌੜਾਂ ਦਾ ਟੀਚਾ ਮਿਲਿਆ ਸੀ। ਜਵਾਬ ’ਚ ਦਿੱਲੀ ਦੀ ਟੀਮ ਟੀਚੇ ਨੇੜੇ ਤਾਂ ਪਹੁੰਚ ਗਈ ਪਰ ਉਸ ਨੂੰ 6 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਪਿਆ ਤੇ ਟੀਮ 189 ਦੌੜਾਂ ਹੀ ਬਣਾ ਸਕੀ। ਦਿੱਲੀ ਵੱਲੋਂ ਕਪਤਾਨ ਰਿਸ਼ਭ ਪੰਤ (44) ਨੇ ਸਭ ਤੋਂ ਵੱਧ ਦੌੜਾਂ ਬਣਾਈਆਂ, ਜਦੋਂਕਿ ਮਿਸ਼ੇਲ ਮਾਰਸ਼ ਨੇ 37 ਦੌੜਾਂ ਬਣਾਈਆਂ। ਲਖਨਊ ਦੇ ਗੇਂਦਬਾਜ਼ ਮੋਹਸਿਨ ਖਾਨ ਨੇ ਸ਼ਾਨਦਾਰ ਗੇਂਦਬਾਜ਼ੀ ਕਰਦਿਆਂ 4 ਓਵਰਾਂ ‘ਚ 16 ਦੌੜਾਂ ਦੇ ਕੇ 4 ਵਿਕਟਾਂ ਲਈਆਂ। ਦਿੱਲੀ ਸ਼ੁਰੂਆਤ ਖਰਾਬ ਰਹੀ ਤੇ ਉਸ ਦੇ ਦੋਵੋਂ ਓਪਨਰ ਬੱਲੇਬਾਜ਼ ਛੇਤੀ ਆਊਟ ਹੋ ਗਏ। ਪ੍ਰਿਥਵੀ ਸ਼ਾਅ 5 ਦੌੜਾਂ ਬਣਾ ਕੇ ਦੁਸ਼ਮੰਤ ਚਮੀਰਾ ਦਾ ਸ਼ਿਕਾਰ ਬਣੇ। ਇਸ ਦੇ ਨਾਲ ਹੀ ਵਾਰਨਰ ਦੇ ਬੱਲੇ ਤੋਂ ਸਿਰਫ਼ 4 ਦੌੜਾਂ ਹੀ ਬਣਾ ਸਕੇ। ਇਸ ਤੋਂ ਬਾਅਦ ਦਿੱਲੀ ਦੇ ਕਪਤਾਨ ਪੰਤ ਇਕ ਵਾਰ ਫਿਰ ਆਪਣੀ ਟੀਮ ਲਈ ਮੈਚ ਖਤਮ ਨਹੀਂ ਕਰ ਸਕੇ। ਉਸ ਨੇ 30 ਗੇਂਦਾਂ ਵਿੱਚ 44 ਦੌੜਾਂ ਬਣਾਈਆਂ। ਉਸ ਨੂੰ ਮੋਹਸਿਨ ਖਾਨ ਨੇ ਕਲੀਨ ਬੋਲਡ ਕੀਤਾ।

ਅਵੇਸ਼ ਖਾਨ ਦੀ ਥਾਂ ‘ਤੇ ਖੇਡ ਰਹੇ ਕੇ.ਗੌਤਮ ਨੇ ਮਿਸ਼ੇਲ ਮਾਰਸ਼ ਦਾ ਵਿਕਟ ਆਪਣੇ ਨਾਂਅ ਕੀਤਾ। ਹਾਲਾਂਕਿ ਮਾਰਸ਼ ਨਾਟ ਆਊਟ ਸੀ। ਦਰਅਸਲ, ਮਿਸ਼ੇਲ ਗੌਤਮ ਦੀ ਗੇਂਦ ‘ਤੇ ਵੱਡਾ ਸ਼ਾਟ ਖੇਡਣਾ ਚਾਹੁੰਦੇ ਸਨ, ਪਰ ਗੇਂਦ ਬੱਲੇ ‘ਤੇ ਨਹੀਂ ਆਈ ਅਤੇ ਵਿਕਟਕੀਪਰ ਡੀ ਕਾਕ ਦੇ ਕੋਲ ਚਲੀ ਗਈ। ਡੀ ਕਾਕ ਨੂੰ ਲੱਗਦਾ ਹੈ ਕਿ ਗੇਂਦ ਨੇ ਬੱਲੇ ਦਾ ਕਿਨਾਰਾ ਲੈ ਲਿਆ ਹੈ ਅਤੇ ਉਹ ਬਹੁਤ ਵਧੀਆ ਅਪੀਲ ਕਰਦਾ ਹੈ, ਮਿਸ਼ੇਲ ਨੂੰ ਵੀ ਲੱਗਦਾ ਹੈ ਕਿ ਗੇਂਦ ਨੇ ਬਾਹਰੀ ਕਿਨਾਰਾ ਲੈ ਲਿਆ ਹੈ। ਮਾਰਸ਼ ਨੂੰ ਕੁਝ ਸਮਝ ਨਹੀਂ ਆਇਆ ਅਤੇ ਪੈਵੇਲੀਅਨ ਵੱਲ ਚਲਾ ਗਿਆ। ਗੌਤਮ ਨੂੰ ਖੁਦ ਵੀ ਵਿਸ਼ਵਾਸ ਨਹੀਂ ਹੋ ਰਿਹਾ ਸੀ ਕਿ ਮਾਰਸ਼ ਆਊਟ ਹੋ ਗਿਆ ਹੈ। (IPL-2022)

ਰੀਪਲੇਅ ਸਪੱਸ਼ਟ ਤੌਰ ‘ਤੇ ਦਿਖਾਉਂਦੇ ਹਨ ਕਿ ਗੇਂਦ ਨੇ ਬੱਲੇ ਦਾ ਕਿਨਾਰਾ ਨਹੀਂ ਲਿਆ ਹੈ। ਮਾਰਸ਼ ਦੇ ਬੱਲੇ ਤੋਂ 20 ਗੇਂਦਾਂ ‘ਤੇ 37 ਦੌੜਾਂ ਆਈਆਂ। ਉਸ ਨੇ ਪੰਤ ਨਾਲ ਸਿਰਫ਼ 25 ਗੇਂਦਾਂ ਵਿੱਚ 60 ਦੌੜਾਂ ਜੋੜੀਆਂ। ਮਾਰਸ਼ ਦੇ ਆਊਟ ਹੋਣ ਤੋਂ ਬਾਅਦ ਲਲਿਤ ਯਾਦਵ ਵੀ ਜਲਦੀ ਆਊਟ ਹੋ ਗਏ। ਰਵੀ ਵਿਸ਼ਨੋਈ ਨੇ ਉਸ ਨੂੰ ਕਲੀਨ ਬੋਲਡ ਕੀਤਾ। ਉਸ ਦੇ ਬੱਲੇ ਤੋਂ ਸਿਰਫ਼ 3 ਦੌੜਾਂ ਹੀ ਨਿਕਲੀਆਂ।

ਇਸ ਤੋਂ ਪਹਿਲਾਂ ਲਖਨੂਊ ਵੱਲੋਂ ਕਪਤਾਨ ਕੇਐਲ ਰਾਹੁਲ ਨੇ ਸਭ ਤੋਂ ਵੱਧ 77 ਦੌੜਾਂ ਬਣਾਈਆਂ। ਉਨ੍ਹਾਂ ਦੇ ਬੱਲੇ ‘ਚ 4 ਚੌਕੇ ਅਤੇ 5 ਛੱਕੇ ਲੱਗੇ। ਰਾਹੁਲ ਤੋਂ ਇਲਾਵਾ ਦੀਪਕ ਹੁੱਡਾ ਨੇ 52 ਦੌੜਾਂ ਦੀ ਪਾਰੀ ਖੇਡੀ। ਦਿੱਲੀ ਲਈ ਸ਼ਾਰਦੁਲ ਠਾਕੁਰ ਨੇ ਸਭ ਤੋਂ ਵੱਧ 3 ਵਿਕਟਾਂ ਲਈਆਂ। ਕੇਐਲ ਰਾਹੁਲ ਅਤੇ ਦੀਪਕ ਨੇ ਦੂਜੀ ਵਿਕਟ ਲਈ 95 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਆਈਪੀਐਲ 2022 ਵਿੱਚ ਦੀਪਕ ਦਾ ਤੀਜਾ ਅਰਧ ਸੈਂਕੜਾ। ਉਸ ਦਾ ਅਰਧ ਸੈਂਕੜਾ ਸਿਰਫ਼ 32 ਗੇਂਦਾਂ ‘ਤੇ ਆਇਆ। ਇਸ ਦੇ ਨਾਲ ਹੀ ਉਸ ਨੇ ਆਈ.ਪੀ.ਐੱਲ. ‘ਚ 6ਵਾਂ ਅਰਧ ਸੈਂਕੜਾ ਲਗਾਇਆ ਹੈ।

ਸ਼ਾਰਦੁਲ ਠਾਕੁਰ ਨੇ ਖਤਰਨਾਕ ਦਿਖ ਰਹੇ ਕਵਿੰਟਨ ਡੀ ਕਾਕ ਨੂੰ ਆਪਣਾ ਸ਼ਿਕਾਰ ਬਣਾਇਆ। 5ਵੇਂ ਓਵਰ ‘ਚ ਉਸ ਨੇ ਬੱਲੇਬਾਜ਼ ਤੋਂ ਕਾਫੀ ਦੂਰ ਇਕ ਚੰਗੀ ਲੈਂਥ ਗੇਂਦ ਸੁੱਟ ਦਿੱਤੀ। ਡੀ ਕਾਕ ਇਸ ਨੂੰ ਕਵਰ ‘ਤੇ ਮਾਰਨਾ ਚਾਹੁੰਦਾ ਸੀ, ਪਰ ਲਲਿਤ ਯਾਦਵ ਨੇ ਉਸ ਨੂੰ ਕੈਚ ਕਰ ਲਿਆ। ਕੇਐਲ ਰਾਹੁਲ ਅਤੇ ਡੀ ਕਾਕ ਨੇ ਪਹਿਲੀ ਵਿਕਟ ਲਈ 42 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਡੀ ਕਾਕ ਦੇ ਬੱਲੇ ਤੋਂ 13 ਗੇਂਦਾਂ ‘ਤੇ 23 ਦੌੜਾਂ ਆਈਆਂ। ਉਸ ਨੇ 3 ਚੌਕੇ ਅਤੇ 1 ਛੱਕਾ ਲਗਾਇਆ।

ਕੈ ਐਲ ਰਾਹੁਲ ਦੀ ਸ਼ਾਨਦਾਰ ਫਾਰਮ ਜਾਰੀ

ਕੇਐਲ ਰਾਹੁਲ ਸ਼ਾਨਦਾਰ ਫਾਰਮ ਵਿੱਚ ਹਨ। ਦਿੱਲੀ ਦੇ ਖਿਲਾਫ ਮੈਚ ‘ਚ ਉਨ੍ਹਾਂ ਦੇ ਬੱਲੇ ਨੇ ਇਸ ਸੈਸ਼ਨ ਦਾ ਦੂਜਾ ਅਰਧ ਸੈਂਕੜਾ ਲਗਾਇਆ। ਇਸ ਦੇ ਨਾਲ ਹੀ ਉਹ ਹੁਣ ਤੱਕ 2 ਸੈਂਕੜੇ ਵੀ ਲਗਾ ਚੁੱਕੇ ਹਨ। ਇਹ ਰਾਹੁਲ ਦਾ ਆਈਪੀਐਲ ਵਿੱਚ 29ਵਾਂ ਅਰਧ ਸੈਂਕੜੇ ਹੈ। ਇਸ ਮੈਚ ‘ਚ ਕਪਤਾਨ ਰਾਹੁਲ ਤੋਂ ਇਲਾਵਾ ਦੀਪਕ ਹੁੱਡਾ ਨੇ ਵੀ ਸ਼ਾਨਦਾਰ ਪਾਰੀ ਖੇਡੀ। ਉਸ ਨੇ 34 ਗੇਂਦਾਂ ਵਿੱਚ 52 ਦੌੜਾਂ ਬਣਾਈਆਂ। ਦੀਪਕ ਨੂੰ ਸ਼ਾਰਦੁਲ ਠਾਕੁਰ ਨੇ ਆਊਟ ਕੀਤਾ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

(IPL-2022) ਗੁਜਰਾਤ ਅੰਕ ਸੂਚੀ ‘ਚ ਪਹਿਲੇ ਸਥਾਨ ‘ਤੇ ਪਹੁੰਚਿਆ

• ਰਾਸ਼ਿਦ ਖਾਨ ਪਲੇਅਰ ਆਫ ਦ ਮੈਚ ਬਣੇ

(ਸੱਚ ਕਹੂੰ ਨਿਊਜ਼) ਮੁੰਬਈ। ਆਈਪੀਐਲ-2022 (IPL-2022) ਦੇ 35ਵਾਂ ਮੈਚ ਕਾਫੀ ਰੋਮਾਂਚਕ ਰਿਹਾ। ਗੁਜਰਾਤ ਟਾਈਟਨਸ ਨੇ ਕੋਲਕਾਤਾ ਨਾਈਟ ਰਾਈਡਰਜ਼ ਨੂੰ 8 ਦੌੜਾਂ ਨਾਲ ਹਰਾਇਆ। ਦੋਵਾਂ ਟੀਮਾਂ ਦਰਮਿਆਨ ਮੁਕਾਬਲਾ ਕਾਫੀ ਰੋਮਾਂਚਕ ਰਿਹਾ ਤੇ ਮੈਚ ਦੇ ਆਖਰ ਤੱਕ ਮੁਕਾਬਲਾ ਕਦੇ ਇੱਕ ਪਾਸੇ ਤੇ ਕਦੇ ਦੂਜੇ ਪਾਸੇ ਹੋ ਜਾਂਦਾ। ਅਖੀਰ ’ਚ ਜਿੱਤ ਗੁਜਰਾਤ ਦੇ ਹੱਥ ਲੱਗੀ। ਮੈਚ ਜਿੱਤਣ ਲਈ ਕੋਲਕੱਤਾ ਨੂੰ 157 ਦੌੜਾਂ ਦਾ ਟੀਚਾ ਮਿਲਿਆ, ਜਿਸ ਦੇ ਜਵਾਬ ਵਿੱਚ ਟੀਮ 148/8 ਦੌੜਾਂ ਹੀ ਬਣਾ ਸਕੀ ਅਤੇ ਮੈਚ ਹਾਰ ਗਈ। ਕੇਕੇਆਰ ਦੀ ਇਹ ਲਗਾਤਾਰ ਚੌਥੀ ਹਾਰ ਹੈ। ਕੋਲਕੱਤਾ ਵੱਲੋਂ ਆਂਦਰੇ ਰਸਲ (ਸਭ ਤੋਂ ਸਫਲ ਬੱਲੇਬਾਜ਼ ਰਹੇ ਜਿਨ੍ਹਾਂ ਨੇ ਸਭ ਤੋਂ ਵੱਧ 48 ਦੌੜਾਂ ਬਣਾਈਆਂ।

ਗੁਜਰਾਤ ਦੀ ਇਹ 7 ਮੈਚਾਂ ਵਿੱਚ ਛੇਵੀਂ ਜਿੱਤ ਹੈ। ਇਸ ਦੇ ਨਾਲ ਹੀ ਟੀਮ 12 ਅੰਕਾਂ ਨਾਲ ਅੰਕ ਸੂਚੀ ਵਿੱਚ ਪਹਿਲੇ ਸਥਾਨ ‘ਤੇ ਆ ਗਈ ਹੈ। ਟੀਮ ਹੁਣ ਤੱਕ ਸਿਰਫ਼ ਇੱਕ ਮੈਚ ਹਾਰੀ ਹੈ। ਇਸ ਦੇ ਨਾਲ ਹੀ ਕੋਲਕਾਤਾ ਦੀ 8 ਮੈਚਾਂ ‘ਚ ਇਹ 5ਵੀਂ ਹਾਰ ਹੈ। ਕੇਕੇਆਰ ਨੇ ਹੁਣ ਤੱਕ ਸਿਰਫ਼ 3 ਮੈਚ ਜਿੱਤੇ ਹਨ।

ਇਸ ਤੋਂ ਪਹਿਲਾਂ ਟਾਸ ਜਿੱਤ ਕੇ ਬੱਲੇਬਾਜ਼ੀ ਕਰਦੇ ਹੋਏ ਗੁਜਰਾਤ ਟਾਈਟਨਸ ਨੇ 20 ਓਵਰਾਂ ‘ਚ 9 ਵਿਕਟਾਂ ਦੇ ਨੁਕਸਾਨ ‘ਤੇ 156 ਦੌੜਾਂ ਬਣਾਈਆਂ। ਕਪਤਾਨ ਹਾਰਦਿਕ ਪੰਡਿਆਂ ਨੇ ਲਗਾਤਾਰ ਤੀਜਾ ਅਰਧ ਸੈਂਕੜਾ ਜੜਿਆ ਅਤੇ ਸਭ ਤੋਂ ਵੱਧ 67 ਦੌੜਾਂ ਬਣਾਈਆਂ। ਕੇਕੇਆਰ ਲਈ ਆਂਦਰੇ ਰਸਲ ਨੇ 4 ਵਿਕਟਾਂ ਲਈਆਂ।

ਆਂਦਰੇ ਰਸਲ ਨੇ ਖੇਡੀ ਧਮਾਕੇਦਾਰ ਪਾਰੀ

https://twitter.com/KKRiders/status/1517860963240013824?ref_src=twsrc%5Etfw%7Ctwcamp%5Etweetembed%7Ctwterm%5E1517860963240013824%7Ctwgr%5E%7Ctwcon%5Es1_c10&ref_url=about%3Asrcdoc

ਕੋਲਕਾਤਾ ਦੇ ਆਂਦਰੇ ਰਸਲ ਨੇ ਮੈਚ ‘ਚ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ, ਇਕ ਸਮੇਂ ਤਾਂ ਅਜਿਹਾ ਲੱਗ ਰਿਹਾ ਸੀ ਕਿ ਉਹ ਮੈਚ ਜਿੱਤ ਜਾਵੇਗਾ। ਰਸਲ ਨੇ ਸਿਰਫ 25 ਗੇਂਦਾਂ ‘ਚ 48 ਦੌੜਾਂ ਬਣਾਈਆਂ। ਉਸ ਦੇ ਬੱਲੇ ਨੇ 6 ਛੱਕੇ ਅਤੇ 1 ਚੌਕਾ ਲਗਾਇਆ। ਰਸੇਲ ਨੇ 192 ਦੇ ਸਟ੍ਰਾਈਕ ਰੇਟ ਨਾਲ ਦੌੜਾਂ ਬਣਾਈਆਂ ਪਰ ਟੀਮ ਨੂੰ ਜਿੱਤ ਦਿਵਾ ਨਹੀਂ ਸਕੇ।

ਰਾਸ਼ਿਦ ਖਾਨ ਨੇ IPL ‘ਚ 100 ਵਿਕਟਾਂ ਪੂਰੀਆਂ ਕੀਤੀਆਂ

ਕੋਲਕੱਤਾ ਖਿਲਾਫ ਮੈਚ ‘ਚ 1 ਵਿਕਟ ਲੈਣ ਦੇ ਨਾਲ ਹੀ ਰਾਸ਼ਿਦ ਖਾਨ ਨੇ IPL ‘ਚ 100 ਵਿਕਟਾਂ ਪੂਰੀਆਂ ਕਰ ਲਈਆਂ ਹਨ। ਉਸ ਨੇ ਵੈਂਕਟੇਸ਼ ਅਈਅਰ (17) ਨੂੰ ਆਊਟ ਕਰਕੇ ਇਹ ਉਪਲਬਧੀ ਹਾਸਲ ਕੀਤੀ। ਰਾਸ਼ਿਦ ਆਈਪੀਐਲ ਵਿੱਚ ਵਿਕਟਾਂ ਦਾ ਸੈਂਕੜਾ ਲਗਾਉਣ ਵਾਲਾ ਕੁੱਲ ਮਿਲਾ ਕੇ 16ਵਾਂ ਅਤੇ ਚੌਥਾ ਵਿਦੇਸ਼ੀ ਖਿਡਾਰੀ ਬਣ ਗਿਆ ਹੈ। ਇਸ ਦੇ ਨਾਲ ਹੀ ਰਾਸ਼ਿਦ ਆਈਪੀਐਲ ਵਿੱਚ ਸਭ ਤੋਂ ਤੇਜ਼ 100 ਵਿਕਟਾਂ ਲੈਣ ਵਾਲੇ ਸਪਿਨਰ ਵੀ ਬਣ ਗਏ ਹਨ। ਉਸ ਨੇ ਇਹ ਰਿਕਾਰਡ 83 ਮੈਚਾਂ ਵਿੱਚ ਬਣਾਇਆ। ਅਮਿਤ ਮਿਸ਼ਰਾ ਨੇ ਵੀ 83 ਮੈਚਾਂ ‘ਚ 100 ਵਿਕਟਾਂ ਪੂਰੀਆਂ ਕੀਤੀਆਂ ਹਨ। ਰਾਸ਼ਿਦ ਨੇ ਮੈਚ ‘ਚ ਸ਼ਾਨਦਾਰ ਗੇਂਦਬਾਜ਼ੀ ਕਰਦੇ ਹੋਏ 2 ਵਿਕਟਾਂ ਲਈਆਂ। ਉਨ੍ਹਾਂ ਨੇ ਵੈਂਕਟੇਸ਼ ਅਤੇ ਸ਼ਿਵਮ ਮਾਵੀ ਨੂੰ ਆਊਟ ਕੀਤਾ। ਰਾਸ਼ਿਦ ਨੂੰ ਪਲੇਅਰ ਆਫ ਦ ਮੈਚ ਦਾ ਐਵਾਰਡ ਵੀ ਮਿਲਿਆ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

ਲਖਨਊ ਦੀ ਜਿੱਤ ‘ਚ ਅਵੇਸ਼ ਖਾਨ ਦੇ ਅਹਿਮ ਯੋਗਦਾਨ, 3 ਵਿਕਟਾਂ ਹਾਸਲ ਕੀਤੀਆਂ

ਮੁੰਬਈ। IPL 2022 ਦੇ 26ਵੇਂ ਮੈਚ ਵਿੱਚ ਲਖਨਊ ਸੁਪਰ ਜਾਇੰਟਸ ਨੇ ਮੁੰਬਈ ਇੰਡੀਅਨਜ਼ ਨੂੰ 18 ਦੌੜਾਂ ਨਾਲ ਹਰਾਇਆ। ਮੁੰਬਈ ਇਸ ਮੈਚ ਵੀ ਆਪਣੀ ਹਾਰ ਦਾ ਸਿਲਸਿਲਾ ਨਹੀਂ ਤੋੜ ਸਕੀ। ਮੁੰਬਈ ਦੇ ਸਾਹਮਣੇ 200 ਦੌੜਾਂ ਦਾ ਟੀਚਾ ਸੀ ਪਰ ਟੀਮ 181/9 ਦੌੜਾਂ ਹੀ ਬਣਾ ਸਕੀ ਅਤੇ ਮੈਚ ਹਾਰ ਗਈ। ਸੂਰਿਆਕੁਮਾਰ ਯਾਦਵ ਨੇ ਸਭ ਤੋਂ ਵੱਧ 37 ਦੌੜਾਂ ਬਣਾਈਆਂ। ਲਖਨਊ ਦੀ ਜਿੱਤ ‘ਚ ਅਵੇਸ਼ ਖਾਨ ਨੇ 3 ਵਿਕਟਾਂ ਹਾਸਲ ਕੀਤੀਆਂ।

ਮੌਜੂਦਾ ਟੂਰਨਾਮੈਂਟ ਵਿੱਚ 5 ਵਾਰ ਦੀ ਚੈਂਪੀਅਨ ਮੁੰਬਈ ਇੰਡੀਅਨਜ਼ ਦੀ ਇਹ ਲਗਾਤਾਰ ਛੇਵੀਂ ਹਾਰ ਹੈ। ਆਈਪੀਐਲ ਦੇ ਇਤਿਹਾਸ ਵਿੱਚ ਪਹਿਲੀ ਵਾਰ ਮੁੰਬਈ ਦੀ ਟੀਮ ਲਗਾਤਾਰ 6 ਮੈਚ ਹਾਰੀ ਹੈ। ਇਸ ਦੇ ਨਾਲ ਹੀ 6 ਮੈਚਾਂ ‘ਚ ਲਖਨਊ ਦੀ ਇਹ ਚੌਥੀ ਜਿੱਤ ਸੀ।

ਇਸ ਤੋਂ ਪਹਿਲਾਂ ਟਾਸ ਹਾਰ ਕੇ ਬੱਲੇਬਾਜ਼ੀ ਕਰਦੇ ਹੋਏ ਐਲਐਸਜੀ ਨੇ ਪਹਿਲਾਂ ਖੇਡਦੇ ਹੋਏ 20 ਓਵਰਾਂ ਵਿੱਚ 4 ਵਿਕਟਾਂ ਦੇ ਨੁਕਸਾਨ ‘ਤੇ 199 ਦੌੜਾਂ ਬਣਾਈਆਂ। ਕਪਤਾਨ ਕੇਐਲ ਰਾਹੁਲ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕਰਦੇ ਹੋਏ ਆਈਪੀਐਲ ਵਿੱਚ ਆਪਣਾ ਤੀਜਾ ਸੈਂਕੜਾ ਜੜਿਆ ਅਤੇ 103 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ। ਐਮਆਈ ਲਈ ਉਨਾਦਕਟ ਨੇ 2 ਵਿਕਟਾਂ ਹਾਸਲ ਕੀਤੀਆਂ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

ਰਾਜਸਥਾਨ ਨੇ ਬਣਾਈਆਂ 193 ਦੌੜਾਂ

ਮੁੰਬਈ। ਆਈਪੀਐਲ ਵਿੱਚ ਅੱਜ ਡਬਲ ਹੈਡਰ ਦੇ ਪਹਿਲੇ ਮੈਚ ਵਿੱਚ ਰਾਜਸਥਾਨ ਰਾਇਲ ਨੇ ਮੁੰਬਈ ਇੰਡੀਅਨਜ਼ ਨੂੰ ਹਰਾ ਦਿੱਤਾ। ਮੁੰਬਈ ਨੇ ਰਾਜਸਥਾਨ ਰਾਇਲਜ਼ (Mumbai v Rajasthan) ਵਿਰੁੱਧ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਰਾਜਸਥਾਨ ਨੇ 20 ਓਵਰਾਂ ਵਿੱਚ 194 ਦੌੜਾਂ ਬਣਾਈਆਂ। ਜਵਾਬ ’ਚ ਮੁੰਬਈ ਇੰਡੀਅਨ 20 ਓਵਰਾਂ ’ਚ 178 ਦੌਰਾਂ ਹੀ ਬਣਾ ਸਕੀ।

ਇਸ ਤੋਂ ਪਹਿਲਾਂ ਮੁੰਬਈ ਦੀ ਸ਼ੁਰੂਆਤ ਖਰਾਬ ਰਹੀ। ਟੀਮ ਨੇ 4 ਓਵਰਾਂ ਦੇ ਅੰਦਰ ਹੀ ਰੋਹਿਤ ਸ਼ਰਮਾ ਅਤੇ ਅਨਮੋਲ ਪ੍ਰੀਤ ਦੀਆਂ ਵਿਕਟਾਂ ਗੁਆ ਦਿੱਤੀਆਂ ਸਨ। ਜਿਸ ਤੋਂ ਬਾਅਦ ਇਸ਼ਾਨ ਕਿਸ਼ਨ ਤੇ ਤਿਲਕ ਵਰਮਾ ਨੇ ਪਾਰੀ ਨੂੰ ਸੰਭਾਇਆ। ਇਸ਼ਾਨ ਕਿਸ਼ਨ 54 ਦੌੜਾਂ ਬਣਾ ਕੇ ਆਊਟ ਹੋਏ।

ਇਸ ਤੋਂ ਪਹਿਲਾਂ ਰਰਾਜਸਥਾਨ ਰਾਇਲਜ਼ ਨੇ ਪਹਿਲਾਂ ਬੱਲੇਬਾਜ਼ੀ ਕੀਤੀ ਉਸਦੀ ਸ਼ੁਰੂਆਤ ਖਰਾਬ ਰਹੀ ਉਸ ਨੇ 48 ਦੌੜਾਂ ‘ਤੇ ਪਹਿਲੀਆਂ ਦੋ ਵਿਕਟਾਂ ਗੁਆ ਦਿੱਤੀਆਂ। ਇਸ ਤੋਂ ਬਾਅਦ ਜੋਸ ਬਟਲਰ ਅਤੇ ਕਪਤਾਨ ਸੰਜੂ ਸੈਮਸਨ ਨੇ ਰਾਇਲਜ਼ ਦੀ ਪਾਰੀ ਨੂੰ ਸੰਭਾਲਿਆ। ਤੀਜੇ ਵਿਕਟ ਲਈ ਇਸ ਜੋੜੀ ਨੇ 50 ਗੇਂਦਾਂ ਵਿੱਚ 82 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਇਸ ਸਾਂਝੇਦਾਰੀ ਨੂੰ ਕੀਰੋਨ ਪੋਲਾਰਡ ਨੇ ਸੈਮਸਨ (30) ਨੂੰ ਆਊਟ ਕਰਕੇ ਤੋੜਿਆ।

ਜੋਸ ਬਟਲਰ (100) ਅਤੇ ਹੇਟਮਾਇਰ (35) ਦੀ ਪਾਰੀ ਤੋਂ ਲੱਗ ਰਿਹਾ ਸੀ ਕਿ ਟੀਮ 200 ਤੱਕ ਪਹੁੰਚ ਜਾਵੇਗੀ ਪਰ 19ਵੇਂ ਓਵਰ ਵਿੱਚ ਬੁਮਰਾਹ ਨੇ ਸ਼ਾਨਦਾਰ ਗੇਂਦਬਾਜ਼ੀ ਕੀਤੀ। ਬੁਮਰਾਹ ਨੇ ਰਾਜਸਥਾਨ ਨੂੰ 2 ਝਟਕੇ ਦਿੱਤੇ ਅਤੇ ਉਸੇ ਓਵਰ ਵਿੱਚ ਇੱਕ ਰਨ ਆਊਟ ਵੀ ਹੋਇਆ। ਆਰਆਰ ਦੀ ਪਾਰੀ ਦੇ ਚੌਥੇ ਓਵਰ ਵਿੱਚ ਜੋਸ਼ ਬਟਲਰ ਨੇ ਬਾਸਿਲ ਥੰਪੀ ਦੇ ਇੱਕ ਓਵਰ ਵਿੱਚ 26 ਦੌੜਾਂ ਬਣਾਈਆਂ। ਬਟਲਰ ਨੇ ਇਸ ਓਵਰ ‘ਚ ਆਖਰੀ 5 ਗੇਂਦਾਂ ‘ਤੇ 3 ਛੱਕੇ ਅਤੇ 2 ਚੌਕੇ ਲਗਾਏ।

ਹੇਟਮਾਇਰ ਨੇ ਖੇਡੀ ਧਮਾਕੇਦਾਰ ਪਾਰੀ

ਸ਼ਿਮਰੋਨ ਹੇਟਮਾਇਰ 14 ਗੇਂਦਾਂ ‘ਤੇ 35 ਦੌੜਾਂ ਦੀ ਤੂਫਾਨੀ ਪਾਰੀ ਖੇਡਣ ਤੋਂ ਬਾਅਦ ਆਊਟ ਹੋ ਗਿਆ। ਉਨ੍ਹਾਂ ਨੇ ਆਪਣੀ ਪਾਰੀ ‘ਚ 3 ਚੌਕੇ ਅਤੇ 3 ਛੱਕੇ ਲਗਾਏ। ਉਸ ਦਾ ਸਟ੍ਰਾਈਕ ਰੇਟ 250 ਸੀ। ਆਊਟ ਹੋਣ ਤੋਂ ਪਹਿਲਾਂ ਹੇਟਮਾਇਰ ਨੇ ਪੋਲਾਰਡ ਦੇ ਇੱਕ ਓਵਰ ਵਿੱਚ ਲਗਾਤਾਰ ਦੋ ਛੱਕੇ ਅਤੇ ਦੋ ਚੌਕੇ ਜੜੇ ਸਨ। ਬਟਲਰ ਦੇ ਨਾਲ ਉਸ ਨੇ 24 ਗੇਂਦਾਂ ਵਿੱਚ 53 ਦੌੜਾਂ ਜੋੜੀਆਂ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

ਦੋਵਾਂ ਟੀਮਾਂ ਦਰਮਿਆਨ 29 ਵਾਰ ਹੋਇਆ ਹੈ ਮੁਕਾਬਲਾ 19 ਵਾਰ ਕੋਲਕਾਤਾ ਅਤੇ 10 ਵਾਰ ਪੰਜਾਬ ਜਿੱਤਿਆ

ਮੁੰਬਈ। ਆਈਪੀਐਲ (IPL-2022) ’ਚ ਅੱਜ ਪੰਜਾਬ ਕਿੰਗਜ਼ ਇਲੈਵਨ ਤੇ ਕੋਲਕਾਤਾ ਨਾਈਟ ਰਾਈਡਰਜ਼ ਟੀਮਾਂ ਦਰਮਿਆਨ ਸ਼ਾਮ 7:30 ਵਜੇ ਮੈਚ ਖੇਡਿਆ ਜਾਵੇਗਾ।  ਪਿਛਲੇ ਮੈਚ ‘ਚ ਰਾਇਲ ਚੈਲੰਜਰਜ਼ ਬੰਗਲੌਰੂ ਨੂੰ ਹਰਾਉਣ ਵਾਲੀ ਪੰਜਾਬ ਕਿੰਗਜ਼ ਇਲੈਵਨ ਦੀ ਟੀਮ ਇਸ ਮੈਚ ‘ਚ ਵੀ ਜਿੱਤ ਦੇ ਇਰਾਦੇ ਨਾਲ ਉਤਰੇਗੀ। ਪੰਜਾਬ ਨੇ ਬੰਗਲੌਰ ਰਾਇਲ ਚੈਲੰਜਰਜ਼ ਵੱਲੋਂ ਦਿੱਤੇ 206 ਦੌੜਾਂ ਦੀ ਚੁਣੌਤੀ ਦਾ ਪਿੱਛਾ ਕੀਤਾ ਸੀ। ਓਡੀਅਨ ਅਤੇ ਸ਼ਾਹਰੁਖ ਨੇ ਸ਼ਾਨਦਾਰ ਬੱਲੇਬਾਜ਼ੀ ਕਰਦੇ ਹੋਏ ਟੀਮ ਨੂੰ 19 ਓਵਰਾਂ ‘ਚ ਜਿੱਤ ਦਿਵਾਈ ਸੀ। ਪੰਜਾਬ ਦੀ ਟੀਮ ਇਸ ਇਸ ਸੀਜ਼ਨ ਇੱਕ ਵੱਖਰੀ ਐਨਰਜੀ ਨਾਲ ਉੱਤਰੀ ਹੈ। ਆਈਪੀਐਲ ਵਿੱਚ ਹੁਣ ਤੱਕ 29 ਮੈਚਾਂ ਵਿੱਚੋਂ ਕੋਲਕਾਤਾ ਦੀ ਟੀਮ 19 ਵਾਰ ਅਤੇ ਪੰਜਾਬ ਦੀ ਟੀਮ 10 ਵਾਰ ਜਿੱਤ ਚੁੱਕੀ ਹੈ। ਪਿਛਲੇ ਮੈਚ ’ਚ ਕੋਲਕੱਤਾ ਨੂੰ ਹਾਰ ਮਿਲੀ ਸੀ। ਕੋਲਕੱਤਾ ਇਸ ਮੈਚ ਨੂੰ ਜਿੱਤਣ ਲਈ ਕੋਈ ਕਸਰ ਬਾਕੀ ਨਹੀਂ ਛੱਡੇਗੀ। ਕੋਲਕੱਤਾ ਦੀ ਟੀਮ ਇਸ ਮੈਚ ਨੂੰ ਹਰ ਹਾਲ ’ਚ ਜਿੱਤਣਾ ਚਾਹੇਗੀ।

ਸ਼ੁਭਮਨ ਗਿੱਲ ਦੇ ਜਾਣ ਤੋਂ ਬਾਅਦ ਕੇਕੇਆਰ ਨੇ ਅਜਿੰਕਿਆ ਰਹਾਣੇ ਨੂੰ ਓਪਨਰ ਵਜੋਂ ਚੁਣਿਆ ਹੈ। ਪਹਿਲੇ ਮੈਚ ‘ਚ ਉਸ ਨੇ 44 ਦੌੜਾਂ ਬਣਾਈਆਂ ਪਰ ਦੂਜੇ ਮੈਚ ‘ਚ ਉਹ 9 ਦੌੜਾਂ ਬਣਾ ਕੇ ਆਊਟ ਹੋ ਗਿਆ। ਇਸ ਦੇ ਨਾਲ ਹੀ ਵੈਂਕਟੇਸ਼ ਅਈਅਰ ਦਾ ਬੱਲਾ ਵੀ ਦੋਵਾਂ ਮੈਚਾਂ ‘ਚ ਕੁਝ ਖਾਸ ਨਹੀਂ ਕਰ ਸਕਿਆ ਹੈ। ਸ਼੍ਰੇਅਸ ਅਈਅਰ ਯਕੀਨੀ ਤੌਰ ‘ਤੇ ਚੰਗੀ ਫਾਰਮ ‘ਚ ਚੱਲ ਰਿਹਾ ਹੈ ਪਰ ਉਸ ਨੂੰ ਆਪਣੀ ਵਿਕਟ ਦੀ ਮਹੱਤਤਾ ਨੂੰ ਸਮਝਣਾ ਪਵੇਗੀ। ਕੋਲਕਾਤਾ ਅੱਜ ਦੇ ਮੈਚ ਵਿੱਚ ਰਸੇਲ ਨੂੰ ਉਪਰ ਭੇਜ ਸਕਦੀ ਹੈ।

 (IPL-2022) ਪੰਜਾਬ ਕਿੰਗਜ਼ ਪਲੇਇੰਗ ਇਲੈਵਨ

ਮਿਅਂਕ ਅਗਰਵਾਲ, ਸ਼ਿਖਰ ਧਵਨ, ਭਾਨੁਕਾ ਰਾਜਪਕਸੇ, ਸ਼ਾਹਰੁਖ ਖਾਨ, ਲਿਆਮ ਲਿਵਿੰਗਸਟੋਨ, ​​ਰਾਜ ਬਾਵਾ, ਓਡੀਓਨ ਸਮਿਥ, ਅਰਸ਼ਦੀਪ ਸਿੰਘ, ਹਰਪ੍ਰੀਤ ਬਰਾੜ, ਕਾਗਿਸੋ ਰਬਾਡਾ, ਰਾਹੁਲ ਚਾਹਰ

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

IPL 2022 ਲਲਿਤ ਅਤੇ ਅਕਸ਼ਰ ਨੇ 75 ਦੌੜਾਂ ਦੀ ਸਾਂਝੇਦਾਰੀ ਕਰਕੇ ਜਿਤਾਇਆ ਮੈਚ

ਮੁੰਬਈ। ਅੱਜ IPL ‘ਚ ਪਹਿਲਾ ਡਬਲ ਹੈਡਰ ਯਾਨੀ ਦੋ ਮੈਚ ਹਨ। ਪਹਿਲਾ ਮੈਚ ਦਿੱਲੀ ਕੈਪੀਟਲਸ ਨੇ ਧਮਾਕੇਦਾਰ ਜਿੱਤ ਦਰਜ ਕੀਤੀ। ਦਿੱਲੀ ਨੇ ਰੋਮਾਂਚਕ ਮੈਚ ’ਚ ਮੁੰਬਈ ਇੰਡੀਅਨਜ਼ ਨੂੰ ਹਰਾ ਦਿੱਤਾ। ਦਿੱਲੀ ਦੇ ਜਿੱਤ ਦੇ ਹੀਰੋ ਅਕਸ਼ਰ ਅਤੇ ਲਲਿਤ ਰਹੇ। ਦਿੱਲੀ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਮੁੰਬਈ ਨੇ ਈਸ਼ਾਨ ਦੇ 81 ਦੌੜਾਂ ਦੀ ਬਦੌਲਤ 177 ਦੌੜਾਂ ਬਣਾਈਆਂ।

ਇਸ ਤੋਂ ਬਾਅਦ ਜਦੋਂ ਦਿੱਲੀ ਬੱਲੇਬਾਜ਼ੀ ਕਰਨ ਆਈ ਤਾਂ ਮੁਰੂਗਨ ਅਸ਼ਵਿਨ ਅਤੇ ਬਾਸਿਲ ਥੰਪੀ ਨੇ ਇਕ ਓਵਰ ‘ਚ 2-2 ਵਿਕਟਾਂ ਲੈ ਕੇ ਦਿੱਲੀ ਨੂੰ ਬੈਕ ਫੁੱਟ ‘ਤੇ ਲਿਆਂਦਾ। 100 ਦੌੜਾਂ ‘ਤੇ 6 ਵਿਕਟਾਂ ਗੁਆ ਚੁੱਕੀ ਦਿੱਲੀ ਦੀ ਹਾਰ ਯਕੀਨੀ ਲੱਗ ਰਹੀ ਸੀ ਪਰ ਅਕਸ਼ਰ ਅਤੇ ਲਲਿਤ ਵਿਚਾਲੇ 30 ਗੇਂਦਾਂ ‘ਚ 75 ਦੌੜਾਂ ਦੀ ਸਾਂਝੇਦਾਰੀ ਹੋਈ ਅਤੇ ਦਿੱਲੀ ਦੀ ਜਿੱਤ ਹੋਈ। ਦੋਵਾਂ ਨੇ ਆਖਰੀ ਓਵਰਾਂ ‘ਚ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ। ਇਸ ਦੌਰਾਨ ਉਨ੍ਹਾਂ ਨੇ 6 ਚੌਕੇ ਅਤੇ 6 ਛੱਕੇ ਲਗਾਏ। 3 ਓਵਰਾਂ ਵਿੱਚ 10 ਦੀ ਰਨ ਰੇਟ ਦੀ ਲੋੜ ਸੀ, ਪਰ 10 ਗੇਂਦਾਂ ਬਾਕੀ ਰਹਿੰਦਿਆਂ ਦੋਵੇਂ ਜਿੱਤ ਗਏ।

ਈਸ਼ਾਨ ਕਿਸ਼ਨ ਲਾਇਆ ਅਰਧ ਸੈਂਕੜਾ

ਈਸ਼ਾਨ ਕਿਸ਼ਨ ਮੁੰਬਈ ਇੰਡੀਅਨਜ਼ ਲਈ ਲਗਾਤਾਰ 3 ਪਾਰੀਆਂ ਵਿੱਚ ਅਰਧ ਸੈਂਕੜੇ ਲਗਾਉਣ ਵਾਲੇ ਤੀਜੇ ਖਿਡਾਰੀ ਬਣ ਗਏ। ਉਸ ਤੋਂ ਪਹਿਲਾਂ ਸਚਿਨ ਤੇਂਦੁਲਕਰ ਅਤੇ ਕਵਿੰਟਨ ਡੀ ਕਾਕ ਦਾ ਨਾਂ ਆਉਂਦਾ ਹੈ। ਪਿਛਲੇ ਸੀਜ਼ਨ ‘ਚ ਈਸ਼ਾਨ ਨੇ ਪਿਛਲੀਆਂ ਦੋ ਪਾਰੀਆਂ ‘ਚ ਰਾਜਸਥਾਨ ਰਾਇਲਜ਼ ਦੇ ਖਿਲਾਫ ਅਜੇਤੂ 50 ਅਤੇ ਸਨਰਾਈਜ਼ਰਸ ਹੈਦਰਾਬਾਦ ਖਿਲਾਫ 84 ਦੌੜਾਂ ਬਣਾਈਆਂ ਸਨ।

ਰੋਹਿਤ ਸ਼ਰਮਾ ਨੇ 32 ਗੇਂਦਾਂ ਵਿੱਚ 41 ਦੌੜਾਂ ਬਣਾਈਆਂ

ਰੋਹਿਤ ਸ਼ਰਮਾ ਨੇ 32 ਗੇਂਦਾਂ ਵਿੱਚ 41 ਦੌੜਾਂ ਬਣਾਈਆਂ ਅਤੇ ਕੁਲਦੀਪ ਯਾਦਵ ਨੇ ਆਊਟ ਕੀਤਾ। ਹਿਟਮੈਨ ਨੂੰ ਰੋਵਮੈਨ ਪਾਵੇਲ ਨੇ ਡੀਪ ਮਿਡਵਿਕਟ ‘ਤੇ ਕੈਚ ਕੀਤਾ। ਰੋਹਿਤ ਸ਼ਰਮਾ ਆਈਪੀਐਲ ਵਿੱਚ ਲਗਾਤਾਰ ਨੌਵੀਂ ਵਾਰ ਬਿਨਾਂ ਕੋਈ ਅਰਧ ਸੈਂਕੜਾ ਬਣਾਏ ਆਊਟ ਹੋ ਗਏ। ਆਖਰੀ ਅਰਧ ਸੈਂਕੜਾ ਪਿਛਲੇ ਸਾਲ 23 ਅਪ੍ਰੈਲ ਨੂੰ ਪੰਜਾਬ ਖਿਲਾਫ ਸੀ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

ਚੇੱਨਈ ਦੀ ਰਵਿੰਦਰ ਜਡੇਜਾ ਕਰਨਗੇ ਕਪਤਾਨੀ, ਕੋਲਕੱਤਾ ਦੇ ਕਪਤਾਨ ਸ਼੍ਰੇਅਸ ਅਈਅਰ ਦੀ ਹੋਵੇਗੀ ਪ੍ਰੀਖਿਆ

ਮੁੰਬਈ। ਅੱਜ ਤੋਂ ਕ੍ਰਿਕਟ ਦਾ ਮਹਾਂਕੁੰਭ ​ ਸ਼ੁਰੂ ਹੋਣ ਜਾ ਰਿਹਾ ਹੈ। ਆਈਪੀਐਲ 2022 (IPL-2022) ਦਾ ਅੱਜ ਪਹਿਲਾਂ ਮੁਕਾਬਲਾ ਪਿਛਲੇ ਸਾਲ ਦੀ ਚੈਂਪੀਅਨ ਚੇਨਈ ਸੁਪਰ ਕਿੰਗਜ਼ ਅਤੇ ਕੋਲਕਾਤਾ ਨਾਈਟ ਰਾਈਡਰਜ਼ ਵਿਚਾਲੇ ਸ਼ਾਮ 7:30 ਵਜੇ ਤੋਂ ਵਾਨਖੇੜੇ ਸਟੇਡੀਅਮ ‘ਚ ਖੇਡਿਆ ਜਾਵੇਗਾ। ਵੱਡੀ ਗਿਣਤੀ ’ਚ ਦਰਸ਼ਕ ਵੀ ਇਸ ਮੈਚ ਨੂੰ ਵੇਖਣ ਲਈ ਪਹੁੰਚੇ ਹਨ। ਮੈਚ ਤੋਂ ਦੋ ਦਿਨ ਪਹਿਲਾਂ ਚੇਨਈ ਦੀ ਟੀਮ ਵਿੱਚ ਵੀ ਵੱਡਾ ਬਦਲਾਅ ਹੋਇਆ ਹੈ। 14 ਸਾਲਾਂ ਤੋਂ ਟੀਮ ਦੀ ਕਪਤਾਨੀ ਕਰ ਰਹੇ ਮਹਿੰਦਰ ਸਿੰਘ ਧੋਨੀ ਹੁਣ ਕਪਤਾਨ ਨਹੀਂ ਰਹਿਣਗੇ। ਧੋਨੀ ਨੇ ਉਨ੍ਹਾਂ ਦੀ ਜਗ੍ਹਾ ਆਲਰਾਊਂਡਰ ਰਵਿੰਦਰ ਜਡੇਜਾ ਨੂੰ ਕਪਤਾਨੀ ਸੌਂਪੀ ਹੈ। 26 ਅਪ੍ਰੈਲ 2019 ਤੋਂ ਬਾਅਦ ਇਹ ਪਹਿਲਾ ਮੌਕਾ ਹੋਵੇਗਾ ਜਦੋਂ ਚੇਨਈ ਦੀ ਟੀਮ ਧੋਨੀ ਦੀ ਕਪਤਾਨੀ ਤੋਂ ਬਿਨਾਂ ਮੈਦਾਨ ‘ਤੇ ਉਤਰੇਗੀ। 2019 ਸੀਜ਼ਨ ਦੇ ਦੋ ਮੈਚ

(IPL-2022) ਕੋਲਕਾਤਾ ਦੀ ਗੱਲ ਕਰੀਏ ਤਾਂ ਇਹ ਟੀਮ ਨਵੇਂ ਕਪਤਾਨ ਸ਼੍ਰੇਅਸ ਅਈਅਰ ਦੇ ਨਾਲ ਮੈਦਾਨ ‘ਚ ਉਤਰੇਗੀ। ਪਿਛਲੇ ਸੀਜ਼ਨ ਵਿੱਚ ਟੀਮ ਦੀ ਅਗਵਾਈ ਇੰਗਲੈਂਡ ਦੇ ਇਓਨ ਮੋਰਗਨ ਨੇ ਕੀਤੀ ਸੀ, ਪਰ ਇਸ ਸਾਲ ਨਿਲਾਮੀ ਵਿੱਚ ਉਹ ਕਿਸੇ ਵੀ ਟੀਮ ਨਾਲ ਸ਼ਾਮਲ ਨਹੀਂ ਹੋਏ ਸਨ। ਅਈਅਰ ਦਿੱਲੀ ਦੇ ਕਪਤਾਨ ਰਹਿ ਚੁੱਕੇ ਹਨ ਅਤੇ 2020 ਦੇ ਫਾਈਨਲ ਵਿੱਚ ਵੀ ਦਿੱਲੀ ਦੀ ਅਗਵਾਈ ਕਰ ਚੁੱਕੇ ਹਨ।

ਕੋਲਕੱਤਾ ਰਿਹਾ ਹੈ ਚੇਨਈ ’ਤੇ ਭਾਰੂ

ਚੇਨਈ ਨੇ ਹੁਣ ਤੱਕ 12 ਵਾਰ ਆਈਪੀਐਲ ਦਾ ਪਹਿਲਾ ਮੈਚ ਖੇਡਿਆ ਹੈ ਅਤੇ 6 ਵਾਰ ਜਿੱਤ ਅਤੇ 6 ਵਾਰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਦੂਜੇ ਪਾਸੇ ਜੇਕਰ ਕੋਲਕਾਤਾ ਦੀ ਗੱਲ ਕਰੀਏ ਤਾਂ ਕੇਕੇਆਰ ਨੇ ਆਪਣੇ 14 ਮੈਚਾਂ ‘ਚੋਂ 10 ਸ਼ੁਰੂਆਤੀ ਮੈਚ ਜਿੱਤੇ ਹਨ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

ਧੋਨੀ ਨੇ ਚੇਨਈ ਸੁਪਰਕਿੰਗਜ਼ ਦੀ ਕਪਤਾਨੀ ਛੱਡੀ, ਰਵਿੰਦਰ ਜਡੇਜਾ ਬਣੇ ਕਪਤਾਨ

ਮੁੰਬਈ (ਏਜੰਸੀ)। ਆਈਪੀਐਲ 2022 (IPL 2022) ਸੀਜ਼ਨ ਸ਼ੁਰੂ ਹੋਣ ਤੋਂ ਸਿਰਫ਼ ਦੋ ਦਿਨ ਪਹਿਲਾਂ, ਮੌਜੂਦਾ ਚੈਂਪੀਅਨ ਚੇਨਈ ਸੁਪਰ ਕਿੰਗਜ਼ (ਸੀਐਸਕੇ) ਦੀ ਅਗਵਾਈ ਵਿੱਚ ਵੱਡਾ ਬਦਲਾਅ ਹੋਇਆ ਹੈ। CSK ਨੇ ਵੀਰਵਾਰ ਨੂੰ ਇਕ ਬਿਆਨ ‘ਚ ਕਿਹਾ ਕਿ ਮਹਿੰਦਰ ਸਿੰਘ ਧੋਨੀ ਨੇ ਚੇਨਈ ਸੁਪਰ ਕਿੰਗਜ਼ (CSK) ਦੀ ਕਮਾਨ ਟੀਮ ਦੇ ਤਜ਼ਰਬੇਕਾਰ ਅਤੇ ਸਭ ਤੋਂ ਪੁਰਾਣੇ ਖਿਡਾਰੀ ਰਵਿੰਦਰ ਜਡੇਜਾ ਨੂੰ ਸੌਂਪਣ ਦਾ ਫੈਸਲਾ ਕੀਤਾ ਹੈ। ਜਡੇਜਾ, ਜੋ 2012 ਤੋਂ ਚੇਨਈ ਸੁਪਰ ਕਿੰਗਜ਼ ਦੇ ਅਹਿਮ ਖਿਡਾਰੀ ਹਨ। ਸੀਐਸਕੇ ਦੀ ਅਗਵਾਈ ਕਰਨ ਵਾਲਾ ਸਿਰਫ ਤੀਜਾ ਖਿਡਾਰੀ ਹੋਵੇਗਾ। ਧੋਨੀ ਇਸ ਸੀਜ਼ਨ ਅਤੇ ਇਸ ਤੋਂ ਬਾਅਦ ਵੀ ਚੇਨਈ ਸੁਪਰ ਕਿੰਗਜ਼ ਦੀ ਪ੍ਰਤੀਨਿਧਤਾ ਕਰਦੇ ਰਹਿਣਗੇ।

ਜਿਕਰਯੋਗ ਹੈ ਕਿ ਸੀਐਸਕੇ 26 ਮਾਰਚ ਨੂੰ ਪਿਛਲੇ ਸੀਜ਼ਨ ਦੀ ਉਪ ਜੇਤੂ ਕੋਲਕਾਤਾ ਨਾਈਟ ਰਾਈਡਰਜ਼ ਦੇ ਖਿਲਾਫ 2022 ਦੀ ਆਈਪੀਐਲ ਮੁਹਿੰਮ ਦੀ ਸ਼ੁਰੂਆਤ ਕਰੇਗੀ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

ਸੇਨ ਵਾਟਸਨ (watsan) ਨੇ 2020 ਵਿੱਚ ਆਈਪੀਐਲ ਤੋਂ ਸੰਨਿਆਸ

(ਸੱਚ ਕਹੂੰ ਨਿਊਜ਼) ਕੋਲਕੱਤਾ। ਆਈਪੀਐਲ 2022 ਲਈ  ਦਿੱਲੀ ਕੈਪੀਟਲਸ ਨੇ ਆਸਟਰੇਲੀਆ ਦੇ ਸਾਬਕਾ ਆਲਰਾਊਂਡਰ ਸ਼ੇਨ ਵਾਟਸਨ (watsan) ਨੂੰ  ਟੀਮ ਦਾ ਸਹਾਇਕ ਕੋਚ ਬਣਾਇਆ ਗਿਆ ਹੈ। ਫਰੈਂਚਾਇਜ਼ੀ ਨੇ ਸੋਸ਼ਲ ਮੀਡੀਆ ਰਾਹੀਂ ਇਹ ਜਾਣਕਾਰੀ ਦਿੱਤੀ। ਆਈਪੀਐਲ ਵਿੱਚ ਰਾਜਸਥਾਨ ਰਾਇਲਜ਼, ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਅਤੇ ਚੇਨਈ ਸੁਪਰ ਕਿੰਗਜ਼ ਲਈ ਖੇਡ ਚੁੱਕੇ ਵਾਟਸਨ ਆਈਪੀਐਲ ਵਿੱਚ ਪਹਿਲੀ ਵਾਰ ਕੋਚ ਦੀ ਭੂਮਿਕਾ ਵਿੱਚ ਨਜ਼ਰ ਆਉਣਗੇ। ਵਾਟਸਨ ਇਸ ਹਫਤੇ ਦੇ ਅੰਤ ਤੱਕ ਦਿੱਲੀ ਕੈਪੀਟਲਸ ਨਾਲ ਜੁੜ ਜਾਵੇਗਾ। ਉਸ ਨੇ ਖੁਦ ਮੰਗਲਵਾਰ ਨੂੰ ਇਸ ਦੀ ਪੁਸ਼ਟੀ ਕੀਤੀ ਹੈ।

https://twitter.com/DelhiCapitals/status/1503661027786825734?ref_src=twsrc%5Etfw%7Ctwcamp%5Etweetembed%7Ctwterm%5E1503661027786825734%7Ctwgr%5E%7Ctwcon%5Es1_c10&ref_url=about%3Asrcdoc

ਆਸਟਰੇਲੀਆ ਦੇ ਇਸ ਖਿਡਾਰੀ ਨੇ ਆਈਪੀਐਲ 2020 ਤੋਂ ਬਾਅਦ ਪੇਸ਼ੇਵਰ ਕ੍ਰਿਕਟ ਤੋਂ ਸੰਨਿਆਸ ਲੈ ਲਿਆ। ਦਿੱਲੀ ਫਰੈਂਚਾਇਜ਼ੀ ਸ਼ੇਨ ਵਾਟਸਨ ਤੋਂ ਇਲਾਵਾ ਸਾਬਕਾ ਭਾਰਤੀ ਤੇਜ਼ ਗੇਂਦਬਾਜ਼ ਅਜੀਤ ਅਗਰਕਰ ਨੂੰ ਵੀ ਟੀਮ ਦਾ ਸਹਾਇਕ ਕੋਚ ਬਣਾਇਆ ਗਿਆ ਹੈ। ਟੀਮ ਦੇ ਮੁੱਖ ਕੋਚ ਰਿਕੀ ਪੋਂਟਿੰਗ ਅਤੇ ਕਪਤਾਨ ਰਿਸ਼ਭ ਪੰਤ ਹਨ।

ਇਸ ਦੇ ਨਾਲ ਹੀ ਜੇਮਸ ਹੋਪਸ ਗੇਂਦਬਾਜ਼ੀ ਕੋਚ ਦੇ ਰੂਪ ‘ਚ ਨਜ਼ਰ ਆਉਣਗੇ। ਦਿੱਲੀ ਕੈਪਟਲ ਦੀ ਟੀਮ ’ਚ ਨੌਜਵਾਨ ਖਿਡਾਰੀਆਂ ਦੀ ਭਰਮਾਰ ਹੈ ਤੇ ਇਸ ਵਾਰ ਟੀਮ ਪੂਰੇ ਜੋਸ਼ ਨਾਲ ਖੇਡੇਗੀ। ਇਸ ਵਾਰ ਦਿੱਲੀ ਦੀ ਟੀਮ ਦੀਆਂ ਨਜ਼ਰਾਂ ਖਿਤਾਬ ਜਿੱਤਣ ’ਤੇ ਹਨ। ਪਿਛਲੇ ਸੀਜ਼ਨ ’ਚ ਦਿੱਲੀ ਦੇ ਨੌਜਵਾਨ ਖਿਡਾਰੀਆਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਸੀ ਤੇ ਟੀਮ ਖਿਤਾਬ ਜਿੱਤਣ ਦੇ ਨੇੜੇ ਪਹੁੰਚ ਗਈ ਸੀ।

ਜੇਕਰ ਅਸੀਂ PSL ਨਿਲਾਮੀ ਕਰਾਉਂਦੇ ਹਾਂ ਤਾਂ ਕੋਈ ਵੀ IPL ਨਹੀਂ ਖੇਡੇਗਾ : ਰਮੀਜ਼ ਰਾਜਾ

ਪਾਕਿਸਤਾਨ ਕ੍ਰਿਕਟ ਬੋਰਡ ਦੇ ਪ੍ਰਧਾਨ ਰਮੀਜ਼ ਰਾਜਾ ਨੇ ਇਕ ਬਿਆਨ ‘ਚ ਕਿਹਾ ਕਿ ਜੇਕਰ ਪਾਕਿਸਤਾਨ ਸੁਪਰ ਲੀਗ (ਪੀ.ਐੱਸ.ਐੱਲ.) ਨਿਲਾਮੀ ਮਾਡਲ ‘ਚ ਉਤਾਰਿਆ ਜਾਂਦਾ ਹੈ ਤਾਂ ਕੋਈ ਵੀ ਆਈ.ਪੀ.ਐੱਲ. ਨਹੀਂ ਖੇਡੇਗਾ। ESPN Cricinfo ਨਾਲ ਗੱਲ ਕਰਦੇ ਹੋਏ, ਉਸਨੇ ਕਿਹਾ – ਹੁਣ PSL ਨੂੰ ਆਕਸ਼ਨ ਮਾਡਲ ’ਚ ਜਾਣ ਦੀ ਜ਼ਰੂਰਤ ਹੈ। ਮੈਂ ਅਗਲੇ ਸਾਲ ਤੋਂ ਨਿਲਾਮੀ ਮਾਡਲ ‘ਚ ਜਾਣਾ ਚਾਹੁੰਦਾ ਹਾਂ। ਅਸੀਂ ਇਸ ਮੁੱਦੇ ‘ਤੇ ਫਰੈਂਚਾਇਜ਼ੀ ਮਾਲਕਾਂ ਨਾਲ ਗੱਲ ਕਰਾਂਗੇ।

ਰਮੀਜ਼ ਰਾਜਾ ਨੇ ਅੱਗੇ ਕਿਹਾ – ਇਹ ਸਭ ਪੈਸੇ ਦੀ ਖੇਡ ਹੈ। ਜਦੋਂ ਪਾਕਿਸਤਾਨ ਵਿੱਚ ਕ੍ਰਿਕਟ ਦੀ ਆਰਥਿਕਤਾ ਵਧੇਗੀ ਤਾਂ ਪਾਕਿਸਤਾਨ ਦੀ ਇੱਜ਼ਤ ਵੀ ਵਧੇਗੀ। ਪੀਐਸਐਲ ਪੀਸੀਬੀ ਦੀ ਆਰਥਿਕ ਆਰਥਿਕਤਾ ਦਾ ਪ੍ਰਮੁੱਖ ਸਾਧਨ ਹੈ।