ਵੈਸਟਇੰਡੀਜ਼ ਦੂਜੀ ਪਾਰੀ ’ਚ 146 ਦੌੜਾਂ ’ਤੇ ਆਲਆਊਟ

• ਜਡੇਜ਼ਾ ਨੇ ਦੂਜੀ ਪਾਰੀ ’ਚ ਲਈਆਂ 4 ਵਿਕਟਾਂ

ਸਪੋਰਟਸ ਡੈਸਕ। IND vs WI: ਅਹਿਮਦਾਬਾਦ ਟੈਸਟ ’ਚ ਭਾਰਤੀ ਟੀਮ ਨੇ ਵੱਡੀ ਜਿੱਤ ਹਾਸਲ ਕਰ ਲਈ ਹੈ। ਭਾਰਤੀ ਟੀਮ ਨੇ ਅਹਿਮਦਾਬਾਦ ਟੈਸਟ ’ਚ ਵੈਸਟਇੰਡੀਜ਼ ਨੂੰ ਇੱਕ ਪਾਰੀ ਤੇ 140 ਦੌੜਾਂ ਨਾਲ ਹਰਾ ਕੇ ਸੀਰੀਜ਼ ’ਚ 1-0 ਦੀ ਲੀਡ ਲੈ ਲਈ ਹੈ। ਇਸ ਦੇ ਨਾਲ ਹੀ ਭਾਰਤ ਨੇ ਦੋ ਮੈਚਾਂ ਦੀ ਲੜੀ ’ਚ 1-0 ਦੀ ਬੜ੍ਹਤ ਬਣਾ ਲਈ। ਦੂਜਾ ਟੈਸਟ 10 ਅਕਤੂਬਰ ਤੋਂ ਨਵੀਂ ਦਿੱਲੀ ’ਚ ਖੇਡਿਆ ਜਾਵੇਗਾ। ਮੈਚ ਦੇ ਤੀਜੇ ਦਿਨ ਸ਼ਨਿੱਚਰਵਾਰ ਨੂੰ ਵੈਸਟਇੰਡੀਜ਼ ਦੂਜੀ ਪਾਰੀ ’ਚ 45.1 ਓਵਰਾਂ ’ਚ 146 ਦੌੜਾਂ ’ਤੇ ਆਲ ਆਊਟ ਹੋ ਗਿਆ।

ਇਹ ਖਬਰ ਵੀ ਪੜ੍ਹੋ : Cyclone Shakti Maharashtra: ਮਹਾਰਾਸ਼ਟਰ ’ਚ ਚੱਕਰਵਾਤ ਸ਼ਕਤੀ ਦੀ ਚਿਤਾਵਨੀ, ਚੱਲਣਗੀਆਂ ਤੇਜ਼ ਹਵਾਵਾ

ਐਲਿਕ ਅਥਾਨੇਸ 38, ਜਸਟਿਨ ਗ੍ਰੀਵਜ਼ 25 ਦੌੜਾਂ ’ਤੇ ਆਊਟ ਹੋਏ। ਰਵਿੰਦਰ ਜਡੇਜਾ ਨੇ 4 ਵਿਕਟਾਂ ਲਈਆਂ। ਮੁਹੰਮਦ ਸਿਰਾਜ ਨੂੰ ਦੂਜੀ ਪਾਰੀ ’ਚ 3 ਵਿਕਟਾਂ ਮਿਲੀਆਂ। ਕੁਲਦੀਪ ਯਾਦਵ ਨੂੰ 2 ਵਿਕਟਾਂ ਤੇ ਵਾਸ਼ਿੰਗਟਨ ਸੁੰਦਰ ਨੂੰ ਇੱਕ ਵਿਕਟ ਮਿਲੀ। ਇਸ ਤੋਂ ਪਹਿਲਾਂ, ਭਾਰਤੀ ਟੀਮ ਨੇ ਪਹਿਲੀ ਪਾਰੀ 448/5 ’ਤੇ ਐਲਾਨ ਦਿੱਤੀ ਸੀ। ਟੀਮ ਨੂੰ ਪਹਿਲੀ ਪਾਰੀ ਦੇ ਆਧਾਰ ’ਤੇ 286 ਦੌੜਾਂ ਦੀ ਬੜ੍ਹਤ ਮਿਲੀ ਸੀ। ਵੈਸਟਇੰਡੀਜ਼ ਮੈਚ ਦੇ ਪਹਿਲੇ ਦਿਨ ਸਿਰਫ਼ 162 ਦੌੜਾਂ ਹੀ ਬਣਾ ਸਕਿਆ ਸੀ। ਮੁਹੰਮਦ ਸਿਰਾਜ਼ ਨੇ ਪਹਿਲੀ ਪਾਰੀ ’ਚ 4 ਤੇ ਬੁਮਰਾਹ ਨੇ ਪਹਿਲੀ ਪਾਰੀ ’ਚ 3 ਵਿਕਟਾਂ ਹਾਸਲ ਕੀਤੀਆਂ ਸਨ। IND vs WI

ਟੀ ਬ੍ਰੇਕ ਤੱਕ ਭਾਰਤ ਦਾ ਸਕੋਰ 326/4

• ਵੈਸਟਇੰਡੀਜ਼ ’ਤੇ ਭਾਰਤੀ ਟੀਮ ਦੀ ਲੀੜ 164 ਦੌੜਾਂ ਦੀ

IND vs WI: ਸਪੋਰਟਸ ਡੈਸਕ। ਭਾਰਤ ਤੇ ਵੈਸਟਇੰਡੀਜ਼ ਵਿਚਕਾਰ ਪਹਿਲਾ ਟੈਸਟ ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ ’ਚ ਖੇਡਿਆ ਜਾ ਰਿਹਾ ਹੈ। ਸ਼ੁੱਕਰਵਾਰ ਨੂੰ ਮੈਚ ਦਾ ਦੂਜਾ ਦਿਨ ਹੈ, ਤੇ ਦੂਜਾ ਸੈਸ਼ਨ ਚੱਲ ਰਿਹਾ ਹੈ। ਭਾਰਤ ਨੇ ਪਹਿਲੀ ਪਾਰੀ ’ਚ 4 ਵਿਕਟਾਂ ’ਤੇ 326 ਦੌੜਾਂ ਬਣਾਈਆਂ ਹਨ, ਜਿਸ ਨਾਲ 164 ਦੌੜਾਂ ਦੀ ਲੀਡ ਹੈ। ਧਰੁਵ ਜੁਰੇਲ ਤੇ ਰਵਿੰਦਰ ਜਡੇਜਾ ਕ੍ਰੀਜ ’ਤੇ ਨਾਬਾਦ ਹਨ। ਦੋਵਾਂ ਨੇ ਸੈਂਕੜੇ ਵਾਲੀ ਸਾਂਝੇਦਾਰੀ ਕਰ ਲਈ ਹੈ, ਤੇ ਦੋਵਾਂ ਨੇ ਅਰਧ ਸੈਂਕੜੇ ਵੀ ਜੜ ਦਿੱਤੇ ਹਨ। IND vs WI

ਇਹ ਖਬਰ ਵੀ ਪੜ੍ਹੋ : Feelkhana Kitchen Garden: ਫੀਲਖਾਨਾ ਵਿਖੇ ਕਿਚਨ ਗਾਰਡਨ ਦੀ ਸ਼ੁਰੂਆਤ

ਕੇਐਲ ਰਾਹੁਲ 100 ਦੌੜਾਂ ਬਣਾਉਣ ਤੋਂ ਬਾਅਦ ਆਊਟ ਹੋ ਗਏ, ਜੋਮੇਲ ਵਾਰਿਕਨ ਦੀ ਗੇਂਦ ’ਤੇ ਜਸਟਿਨ ਗ੍ਰੀਵਜ਼ ਨੇ ਕੈਚ ਕੀਤਾ। ਕਪਤਾਨ ਸ਼ੁਭਮਨ ਗਿੱਲ (50 ਦੌੜਾਂ) ਨੂੰ ਰੋਸਟਨ ਚੇਜ਼ ਨੇ ਆਊਟ ਕੀਤਾ। ਭਾਰਤ ਨੇ ਦਿਨ ਦੀ ਸ਼ੁਰੂਆਤ 121/2 ਤੋਂ ਕੀਤੀ। ਵੀਰਵਾਰ ਨੂੰ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਵਾਲੀ ਕੈਰੇਬੀਅਨ ਟੀਮ ਸਿਰਫ਼ 162 ਦੌੜਾਂ ਹੀ ਬਣਾ ਸਕੀ। ਤੇਜ਼ ਗੇਂਦਬਾਜ਼ ਮੁਹੰਮਦ ਸਿਰਾਜ ਨੇ ਚਾਰ ਵਿਕਟਾਂ ਤੇ ਜਸਪ੍ਰੀਤ ਬੁਮਰਾਹ ਨੇ ਤਿੰਨ ਵਿਕਟਾਂ ਲਈਆਂ।

ਭਾਰਤ ਨੇ ਦੂਜਾ ਸੈਸ਼ਨ ਵੀ ਜਿੱਤਿਆ | IND vs WI

ਅਹਿਮਦਾਬਾਦ ਟੈਸਟ ਦੇ ਦੂਜੇ ਦਿਨ ਦਾ ਦੂਜਾ ਸੈਸ਼ਨ ਵੀ ਭਾਰਤ ਦੇ ਹੱਕ ’ਚ ਗਿਆ। ਇਸ ਸੈਸ਼ਨ ’ਚ, ਭਾਰਤ ਨੇ 29 ਓਵਰਾਂ ਤੱਕ ਬੱਲੇਬਾਜ਼ੀ ਕੀਤੀ ਤੇ ਇੱਕ ਵਿਕਟ ਦੇ ਨੁਕਸਾਨ ’ਤੇ 108 ਦੌੜਾਂ ਬਣਾਈਆਂ। ਟੀਮ ਇੰਡੀਆ ਨੇ ਸੈਸ਼ਨ ਦੇ ਸ਼ੁਰੂ ’ਚ ਹੀ ਕੇਐਲ ਰਾਹੁਲ ਦਾ ਵਿਕਟ ਗੁਆ ਦਿੱਤਾ। ਇਸ ਤੋਂ ਬਾਅਦ ਧਰੁਵ ਜੁਰੇਲ ਤੇ ਰਵਿੰਦਰ ਜਡੇਜਾ ਨੇ ਸੈਂਕੜਾ ਸਾਂਝੇਦਾਰੀ ਕਰਕੇ ਸਕੋਰ 300 ਤੋਂ ਪਾਰ ਪਹੁੰਚਾਇਆ।

ਮੀਂਹ ਕਾਰਨ ਟਾਸ ’ਚ ਦੇਰੀ, ਸ਼ੁਰੂ ਹੋਣ ਵਾਲਾ ਪੰਜਵਾਂ ਟੈਸਟ, ਬੁਮਰਾਹ ਬਾਹਰ

ਸਪੋਰਟਸ ਡੈਸਕ। IND vs ENG: ਭਾਰਤ ਅਤੇ ਇੰਗਲੈਂਡ ਵਿਚਕਾਰ ਚੱਲ ਰਹੀ ਐਂਡਰਸਨ-ਤੇਂਦੁਲਕਰ ਟਰਾਫੀ ਦਾ ਪੰਜਵਾਂ ਟੈਸਟ ਲੰਡਨ ਦੇ ਓਵਲ ਸਟੇਡੀਅਮ ਵਿੱਚ ਖੇਡਿਆ ਜਾ ਰਿਹਾ ਹੈ। ਇੰਗਲੈਂਡ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਇੱਥੇ ਭਾਰਤੀ ਟੀਮ ਲਗਾਤਾਰ 15ਵੀਂ ਵਾਰ ਟਾਸ ਹਾਰੀ ਹੈ। ਇਨ੍ਹਾਂ ਵਿੱਚ 2 ਟੀ-20, 8 ਵਨਡੇ ਅਤੇ 5 ਟੈਸਟ ਸ਼ਾਮਲ ਹਨ। ਇਸ ਦੇ ਨਾਲ ਹੀ ਭਾਰਤੀ ਕਪਤਾਨ ਸ਼ੁਭਮਨ ਗਿੱਲ ਇਸ ਲੜੀ ਵਿੱਚ ਲਗਾਤਾਰ 5ਵੀਂ ਵਾਰ ਟਾਸ ਹਾਰ ਗਏ ਹਨ। ਟੀਮ ਇੰਡੀਆ 5 ਟੈਸਟ ਮੈਚਾਂ ਦੀ ਲੜੀ ’ਚ 1-2 ਨਾਲ ਪਿਛੇ। ਇਹ ਮੈਚ ਦੋਵੇਂ ਟੀਮਾਂ ਲਈ ਮਹਤਵਪੂਰਨ ਹੈ।

ਇਹ ਖਬਰ ਵੀ ਪੜ੍ਹੋ : Sunam News: ਵਿਰੋਧ ਦੇ ਡਰੋਂ ਪੁਲਿਸ ਨੇ ਸੁਨਾਮ ਪਹੁੰਚਣ ਤੋਂ ਰੋਕੇ ਬੇਰੁਜ਼ਗਾਰ

ਭਾਰਤ ਇਸ ਨੂੰ ਜਿਤ ਕੇ ਸੀਰੀਜ਼ 2-2 ਨਾਲ ਡਰਾਅ ਕਰਵਾਉਣਾ ਚਾਹੇਗਾ| ਜਦੋਂਕਿ ਇੰਗਲੈਂਡ ਦੀ ਟੀਮ ਓਵਲ ਟੈਸਟ ਜਿੱਤ ਕੇ ਸੀਰੀਜ਼ ਆਪਣੇ ਨਾਂਅ ਕਰਨਾ ਚਾਹੇਗੀ। ਇੰਗਲੈਂਡ ਨੇ ਪਹਿਲਾ ਮੈਚ 5 ਵਿਕਟਾਂ ਨਾਲ ਤੇ ਤੀਜਾ 22 ਦੌੜਾਂ ਨਾਲ ਜਿਤਿਆ। ਇਸ ਦੇ ਨਾਲ ਹੀ, ਭਾਰਤ ਨੇ ਦੂਜਾ ਟੈਸਟ 336 ਦੌੜਾਂ ਨਾਲ ਜਿਤਿਆ, ਚੌਥਾ ਮੈਚ ਡਰਾਅ ਰਿਹਾ। ਪੰਜਵੇਂ ਟੈਸਟ ਤੋਂ ਇਕ ਦਿਨ ਪਹਿਲਾਂ, ਇੰਗਲੈਂਡ ਨੇ ਬੁਧਵਾਰ ਨੂੰ ਆਪਣੀ ਪਲੇਇੰਗ ਇਲੈਵਨ ਜਾਰੀ ਕਰ ਦਿ¾ਤੀ ਸੀ। ਟੀਮ ’ਚ ਚਾਰ ਬਦਲਾਅ ਕੀਤੇ ਗਏ ਸਨ| ਟੀਮ ਦੇ ਕਪਤਾਨ ਬੇਨ ਸਟੋਕਸ ਸਟ ਕਾਰਨ ਬਾਹਰ ਹਨ। ਓਲੀ ਪੋਪ ਪੰਜਵੇਂ ਤੇ ਆਖਿਰੀ ਮੈਚ ’ਚ ਕਪਤਾਨੀ ਕਰਨਗੇ।

ਓਲੀ ਪੋਪ ਕਰਨਗੇ ਪੰਜਵੇਂ ਟੈਸਟ ’ਚ ਕਪਤਾਨੀ | IND vs ENG

ਇੰਗਲੈਂਡ ਦੇ ਕਪਤਾਨ ਬੇਨ ਸਟੋਕਸ ਭਾਰਤ ਖਿਲਾਫ਼ ਆਖਰੀ ਟੈਸਟ ਨਹੀਂ ਖੇਡਣਗੇ, ਉਹ ਜਖਮੀ ਹਨ ਉਨ੍ਹਾਂ ਦੇ ਸਜੇ ਮੋਢੇ ’ਚ ਸਟ ਲਗੀ । ਉਅੰਗਰੇਜ਼ੀ ਕਪਤਾਨ ਨੇ ਮੈਨਚੈਸਟਰ ਟੈਸਟ ਦੇ ਚੌਥੇ ਦਿਨ ਗੇਂਦਬਾਜ਼ੀ ਨਹੀਂ ਕੀਤੀ, ਉਹ ਪੀੜਤ ਦਿਖਾਈ ਦੇ ਰਹੇ ਸਨ, ਉਨ੍ਹਾਂ ਦੀ ਗੈਰਹਾਜ਼ਰੀ ’ਚ, ਓਲੀ ਪੋਪ ਕਪਤਾਨੀ ਕਰਨਗੇ।

ਓਵਲ ’ਚ ਖੇਡਿਆ ਜਾਵੇਗਾ 108ਵਾਂ ਟੈਸਟ ਮੈਚ

ਓਵਲ ਦੀ ਪਿਚ ਉਛਾਲ ਵਾਲੀ ਹੈ, ਜਿਵੇਂ-ਜਿਵੇਂ ਮੈਚ ਅਗੇ ਵਧਦਾ ਹੈ, ਸਪਿੰਨਰਾਂ ਨੂੰ ਵੀ ਮਦਦ ਮਿਲਣੀ ਸ਼ੁਰੂ ਹੋ ਜਾਵੇਗੀ। ਇਥੇ ਧਿਆਨ ਨਾਲ ਬਲੇਬਾਜ਼ੀ ਕਰਨ ਵਾਲੇ ਬਲੇਬਾਜ਼ ਆਸਾਨੀ ਨਾਲ ਦੌੜਾਂ ਬਣਾ ਸਕਦੇ ਹਨ| ਹੁਣ ਇਥੇ 107 ਟੈਸਟ ਖੇਡੇ ਗਏ ਹਨ, ਪਹਿਲਾਂ ਬਲੇਬਾਜ਼ੀ ਕਰਨ ਵਾਲੀਆਂ ਟੀਮਾਂ ਨੇ 40 ਮੈਚ ਜਿਤੇ ਹਨ ਤੇ ਪਹਿਲਾਂ ਗੇਂਦਬਾਜ਼ੀ ਕਰਨ ਵਾਲੀਆਂ ਟੀਮਾਂ ਨੇ 30 ਮੈਚ ਜਿਤੇ ਹਨ ਜਦਕਿ 37 ਮੈਚ ਡਰਾਅ ਵੀ ਹੋਏ ਹਨ।

ਦੋਵੇਂ ਟੀਮਾਂ ਦੀ ਸੰਭਾਵਿਤ ਪਲੇਇੰਗ-11 | IND vs ENG

ਸ਼ੁਭਮਨ ਗਿੱਲ (ਕਪਤਾਨ), ਯਸ਼ਸਵੀ ਜੈਸਵਾਲ, ਕੇਐਲ ਰਾਹੁਲ, ਸਾਈ ਸੁਦਰਸ਼ਨ, ਕਰੁਣ ਨਾਇਰ, ਰਵਿੰਦਰ ਜਡੇਜਾ, ਧਰੁਵ ਜੁਰੇਲ (ਵਿਕਟਕੀਪਰ), ਵਾਸ਼ਿੰਗਟਨ ਸੁੰਦਰ, ਮੁਹੰਮਦ ਸਿਰਾਜ, ਆਕਾਸ਼ਦੀਪ, ਪ੍ਰਸਿਧ ਕ੍ਰਿਸ਼ਨ।

ਇੰਗਲੈਂਡ: ਓਲੀ ਪੋਪ (ਕਪਤਾਨ), ਜੈਕ ਕਰੌਲੀ, ਬੇਨ ਡਕੇਟ, ਜੋ ਰੂਟ, ਹੈਰੀ ਬਰੂਕ, ਜੈਕਬ ਬੈਥਲ, ਜੈਮੀ ਸਮਿਥ (ਵਿਕਟਕੀਪਰ), ਕ੍ਰਿਸ ਵੋਕਸ, ਗੁਸ ਐਟਕਿੰਸਨ, ਜੈਮੀ ਓਵਰਟਨ, ਜੋਸ਼ ਟੰਗ।

ਸ਼ੁਭਮਨ ਦੇ ਨਿਸ਼ਾਨੇ ’ਤੇ 3 ਵੱਡੇ ਰਿਕਾਰਡ | IND vs ENG

ਸਪੋਰਟਸ ਡੈਸਕ। IND vs ENG: ਭਾਰਤ ਤੇ ਇੰਗਲੈਂਡ ਵਿਚਕਾਰ ਐਂਡਰਸਨ-ਤੇਂਦੁਲਕਰ ਟਰਾਫੀ ਦਾ ਪੰਜਵਾਂ ਤੇ ਆਖਰੀ ਟੈਸਟ 31 ਜੁਲਾਈ ਤੋਂ ਖੇਡਿਆ ਜਾਵੇਗਾ। ਇਹ ਮੈਚ ਲੰਡਨ ਦੇ ਓਵਲ ਸਟੇਡੀਅਮ ’ਚ ਹੋਵੇਗਾ, ਜਿਸ ਲਈ ਦੋਵੇਂ ਟੀਮਾਂ ਲੰਡਨ ਪਹੁੰਚੀਆਂ ਹਨ। ਭਾਰਤ ਨੇ ਇੱਥੇ 15 ਟੈਸਟ ਖੇਡੇ ਤੇ ਸਿਰਫ਼ 2 ਜਿੱਤੇ। ਹਾਲਾਂਕਿ, ਆਖਰੀ ਜਿੱਤ 2021 ’ਚ ਹੀ ਸੀ। ਜੇਕਰ ਭਾਰਤ ਓਵਲ ਟੈਸਟ ਜਿੱਤਦਾ ਹੈ, ਤਾਂ ਟੀਮ ਸੀਰੀਜ਼ 2-2 ਨਾਲ ਬਰਾਬਰ ਕਰ ਲਵੇਗੀ। ਦੂਜੇ ਪਾਸੇ, ਜੇਕਰ ਮੈਚ ਡਰਾਅ ਹੁੰਦਾ ਹੈ ਜਾਂ ਇੰਗਲੈਂਡ ਜਿੱਤਦਾ ਹੈ, ਤਾਂ ਸੀਰੀਜ਼ ਵੀ ਘਰੇਲੂ ਟੀਮ ਦੇ ਨਾਂਅ ਹੋਵੇਗੀ। ਪੰਜਵੇਂ ਟੈਸਟ ’ਚ, ਭਾਰਤੀ ਕਪਤਾਨ ਸ਼ੁਭਮਨ ਗਿੱਲ ਕੋਲ ਵੀ 3 ਵੱਡੇ ਰਿਕਾਰਡ ਬਣਾਉਣ ਦਾ ਮੌਕਾ ਹੈ।

ਇਹ ਖਬਰ ਵੀ ਪੜ੍ਹੋ : Ayushman Card News: ਆਯੂਸ਼ਮਾਨ ਕਾਰਡ ਧਾਰਕਾਂ ਲਈ ਵੱਡੀ ਖਬਰ, ਇਸ ਤਰੀਕ ਤੋਂ ਬਾਅਦ ਨਹੀਂ ਹੋਵੇਗਾ ਇਲਾਜ, ਜਾਣੋ ਕਾਰਨ

ਭਾਰਤ ਨੇ ਓਵਲ ’ਚ 2 ਟੈਸਟ ਜਿੱਤੇ | IND vs ENG

ਭਾਰਤ ਨੇ 1936 ਵਿੱਚ ਲੰਡਨ ਦੇ ਓਵਲ ਸਟੇਡੀਅਮ ’ਚ ਪਹਿਲਾ ਟੈਸਟ ਖੇਡਿਆ ਸੀ, ਫਿਰ ਟੀਮ 9 ਵਿਕਟਾਂ ਨਾਲ ਹਾਰ ਗਈ। ਟੀਮ ਨੂੰ ਇਸ ਮੈਦਾਨ ’ਤੇ ਪਹਿਲਾ ਟੈਸਟ ਜਿੱਤਣ ’ਚ 35 ਸਾਲ ਲੱਗੇ। ਭਾਰਤ ਨੇ ਅਜੀਤ ਵਾਡੇਕਰ ਦੀ ਕਪਤਾਨੀ ’ਚ 1971 ਵਿੱਚ ਇੰਗਲੈਂਡ ਨੂੰ 4 ਵਿਕਟਾਂ ਨਾਲ ਹਰਾਇਆ ਸੀ। 1971 ਤੋਂ ਬਾਅਦ, ਭਾਰਤ ਨੇ ਓਵਲ ਵਿਖੇ 5 ਟੈਸਟ ਡਰਾਅ ਕੀਤੇ, ਜਦੋਂ ਕਿ 3 ਹਾਰੇ। ਟੀਮ ਨੂੰ ਵਿਰਾਟ ਕੋਹਲੀ ਦੀ ਕਪਤਾਨੀ ਹੇਠ 2021 ’ਚ ਇਸ ਮੈਦਾਨ ’ਤੇ ਆਪਣੀ ਦੂਜੀ ਜਿੱਤ ਮਿਲੀ। ਉਨ੍ਹਾਂ ਨੇ ਟੀਮ ਨੂੰ 157 ਦੌੜਾਂ ਨਾਲ ਜਿੱਤ ਦਿਵਾਈ। ਭਾਰਤ ਨੇ ਇਸ ਮੈਦਾਨ ’ਤੇ ਇੰਗਲੈਂਡ ਵਿਰੁੱਧ 14 ਟੈਸਟ ਖੇਡੇ, 2 ਜਿੱਤੇ ਤੇ 5 ਹਾਰੇ। ਇਸ ਦੌਰਾਨ 7 ਮੈਚ ਵੀ ਡਰਾਅ ਹੋਏ।

ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦਾ ਫਾਈਨਲ ਵੀ ਇੱਥੇ ਹੀ ਗੁਆਇਆ

ਭਾਰਤ ਨੇ 2023 ’ਚ ਕੰਗਾਰੂਆਂ ਖਿਲਾਫ਼ ਓਵਲ ਵਿਖੇ ਆਖਰੀ ਟੈਸਟ ਖੇਡਿਆ ਸੀ। ਇਹ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦਾ ਫਾਈਨਲ ਸੀ, ਜਿਸ ’ਚ ਭਾਰਤ ਨੂੰ 209 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਰੋਹਿਤ ਸ਼ਰਮਾ ਟੀਮ ਇੰਡੀਆ ਦੇ ਕਪਤਾਨ ਸਨ, ਜਿਨ੍ਹਾਂ ਨੇ ਇੰਗਲੈਂਡ ਵਿਰੁੱਧ ਲੜੀ ਲਈ ਟੀਮ ਦਾ ਐਲਾਨ ਹੋਣ ਤੋਂ ਪਹਿਲਾਂ ਹੀ ਇਸ ਫਾਰਮੈਟ ਨੂੰ ਅਲਵਿਦਾ ਕਹਿ ਦਿੱਤਾ ਸੀ।

ਇੰਗਲੈਂਡ ਨੇ ਓਵਲ ਸਟੇਡੀਅਮ ਵਿਖੇ 43 ਫੀਸਦੀ ਟੈਸਟ ਜਿੱਤੇ

ਇੰਗਲੈਂਡ ਨੇ ਓਵਲ ਸਟੇਡੀਅਮ ਵਿਖੇ 106 ਟੈਸਟ ਖੇਡੇ। ਟੀਮ ਨੇ 45 ਜਿੱਤੇ ਤੇ ਸਿਰਫ਼ 24 ਹਾਰੇ। ਇਸ ਦੌਰਾਨ, 37 ਮੈਚ ਵੀ ਡਰਾਅ ਹੋਏ। ਹਾਲਾਂਕਿ, ਇੰਗਲੈਂਡ ਵੀ ਇੱਥੇ 52 ਦੌੜਾਂ ’ਤੇ ਆਲ ਆਊਟ ਹੋ ਗਿਆ ਹੈ। ਟੀਮ 1948 ’ਚ ਕੰਗਾਰੂਆਂ ਵਿਰੁੱਧ ਇਸ ਸਕੋਰ ’ਤੇ ਆਊਟ ਹੋ ਗਈ ਸੀ। ਭਾਰਤ ਵਿਰੁੱਧ, 1971 ’ਚ ਇਸ ਮੈਦਾਨ ’ਤੇ ਟੀਮ 101 ’ਤੇ ਸਿਮਟ ਗਈ ਸੀ।

ਭਾਰਤ ਨੇ ਓਵਲ ’ਤੇ 3 ਵਾਰ 500 ਤੋਂ ਵੱਧ ਦੌੜਾਂ ਬਣਾਈਆਂ

ਭਾਰਤ ਨੇ ਓਵਲ ਸਟੇਡੀਅਮ ’ਤੇ 3 ਵਾਰ 500 ਤੋਂ ਵੱਧ ਦੌੜਾਂ ਬਣਾਈਆਂ, ਤਿੰਨੋਂ ਵਾਰ ਮੈਚ ਡਰਾਅ ਹੋਏ। ਇੱਥੇ ਭਾਰਤ ਦਾ ਸਭ ਤੋਂ ਵੱਧ ਸਕੋਰ 664 ਦੌੜਾਂ ਹੈ, ਜੋ ਟੀਮ ਨੇ 2007 ’ਚ ਇੰਗਲੈਂਡ ਵਿਰੁੱਧ ਬਣਾਇਆ ਸੀ। 2021 ’ਚ, ਭਾਰਤ ਨੇ ਆਪਣੀ ਦੂਜੀ ਪਾਰੀ ’ਚ 466 ਦੌੜਾਂ ਬਣਾ ਕੇ ਮੈਚ ਜਿੱਤਿਆ। ਇਸ ਮੈਦਾਨ ’ਤੇ ਇੰਗਲੈਂਡ ਦਾ ਸਭ ਤੋਂ ਵੱਧ ਸਕੋਰ 903 ਦੌੜਾਂ ਹੈ, ਜੋ ਟੀਮ ਨੇ 1938 ’ਚ ਅਸਟਰੇਲੀਆ ਵਿਰੁੱਧ ਬਣਾਈਆਂ ਸਨ। ਟੀਮ ਨੇ ਇੱਥੇ ਭਾਰਤ ਵਿਰੁੱਧ ਦੋ ਵਾਰ 590 ਤੋਂ ਵੱਧ ਦੌੜਾਂ ਬਣਾਈਆਂ ਹਨ। ਇੰਗਲੈਂਡ ਨੇ 1 ਵਿੱਚ ਜਿੱਤ ਪ੍ਰਾਪਤ ਕੀਤੀ, ਜਦੋਂ ਕਿ ਦੂਜਾ ਮੈਚ ਡਰਾਅ ਰਿਹਾ। ਇੰਗਲੈਂਡ ਨੇ 190 ਪਾਰੀਆਂ ’ਚ 10 ਵਾਰ ਇੱਥੇ 500 ਤੋਂ ਵੱਧ ਦੌੜਾਂ ਬਣਾਈਆਂ ਹਨ।

ਗਿੱਲ ਦੇ ਨਿਸ਼ਾਨੇ ’ਤੇ ਇਹ ਵੱਡੇ ਰਿਕਾਰਡ… | IND vs ENG

ਇੱਕ ਲੜੀ ’ਚ ਸਭ ਤੋਂ ਜਿਆਦਾ ਦੌੜਾਂ ਬਣਾਉਣ ਵਾਲੇ ਭਾਰਤੀ ਬੱਲੇਬਾਜ਼

ਸ਼ੁਭਮਨ ਗਿੱਲ ਨੇ ਲੜੀ ਦੇ 4 ਟੈਸਟਾਂ ਵਿੱਚ 722 ਦੌੜਾਂ ਬਣਾਈਆਂ ਹਨ। ਜਿਵੇਂ ਹੀ ਉਹ ਆਖਰੀ ਟੈਸਟ ’ਚ 53 ਦੌੜਾਂ ਬਣਾਉਂਦੇ ਹਨ, ਉਹ ਇੱਕ ਲੜੀ ’ਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਭਾਰਤੀ ਬੱਲੇਬਾਜ਼ ਬਣ ਜਾਣਗੇ। ਇਸ ਮਾਮਲੇ ਵਿੱਚ, ਉਹ ਸੁਨੀਲ ਗਾਵਸਕਰ ਨੂੰ ਪਿੱਛੇ ਛੱਡ ਦੇਣਗੇ, ਜਿਨ੍ਹਾਂ ਦੇ ਨਾਂਅ 774 ਦੌੜਾਂ ਹਨ। ਗਾਵਸਕਰ ਨੇ ਇਹ ਰਿਕਾਰਡ 1971 ’ਚ ਵੈਸਟਇੰਡੀਜ਼ ਵਿਰੁੱਧ ਬਣਾਇਆ ਸੀ।

ਇੱਕ ਲੜੀ ’ਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਕਪਤਾਨ

ਸ਼ੁਭਮਨ ਆਖਰੀ ਮੈਚ ’ਚ 89 ਦੌੜਾਂ ਬਣਾਉਂਦੇ ਹੀ ਇੱਕ ਟੈਸਟ ਲੜੀ ’ਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲਾ ਕਪਤਾਨ ਵੀ ਬਣ ਜਾਣਗੇ। ਇਸ ਮਾਮਲੇ ’ਚ, ਉਹ ਅਸਟਰੇਲੀਆ ਦੇ ਡੋਨਾਲਡ ਬ੍ਰੈਡਮੈਨ ਨੂੰ ਪਿੱਛੇ ਛੱਡ ਦੇਣਗੇ, ਜਿਨ੍ਹਾਂ ਨੇ 1936 ’ਚ ਇੰਗਲੈਂਡ ਵਿਰੁੱਧ 810 ਦੌੜਾਂ ਬਣਾਈਆਂ ਸਨ। ਜਿਵੇਂ ਹੀ ਗਿੱਲ 11 ਦੌੜਾਂ ਬਣਾਉਂਦੇ ਹਨ, ਉਹ ਇੱਕ ਲੜੀ ’ਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਭਾਰਤੀ ਕਪਤਾਨ ਵੀ ਬਣ ਜਾਣਗੇ। ਇਸ ਮਾਮਲੇ ’ਚ, ਉਹ ਸੁਨੀਲ ਗਾਵਸਕਰ ਨੂੰ ਪਿੱਛੇ ਛੱਡ ਦੇਣਗੇ, ਜਿਨ੍ਹਾਂ ਨੇ 1978 ਵਿੱਚ ਵੈਸਟਇੰਡੀਜ਼ ਵਿਰੁੱਧ 732 ਦੌੜਾਂ ਬਣਾਈਆਂ ਸਨ।

ਇੱਕ ਲੜੀ ’ਚ ਸਭ ਤੋਂ ਜਿਆਦਾ ਸੈਂਕੜੇ ਜੜਨ ਵਾਲੇ ਕਪਤਾਨ

ਸ਼ੁਭਮਨ ਗਿੱਲ ਨੇ ਲੜੀ ’ਚ 4 ਸੈਂਕੜੇ ਲਗਾਏ ਹਨ। ਗਿੱਲ ਇਸ ਸਮੇਂ ਇੱਕ ਟੈਸਟ ਲੜੀ ਵਿੱਚ ਸਭ ਤੋਂ ਵੱਧ ਸੈਂਕੜੇ ਵਾਲੇ ਕਪਤਾਨਾਂ ਦੀ ਸੂਚੀ ਵਿੱਚ ਡੌਨ ਬ੍ਰੈਡਮੈਨ ਤੇ ਸੁਨੀਲ ਗਾਵਸਕਰ ਦੇ ਬਰਾਬਰ ਹੈ। ਉਹ ਆਖਰੀ ਮੈਚ ’ਚ ਇੱਕ ਹੋਰ ਸੈਂਕੜਾ ਲਗਾਉਂਦੇ ਹੀ ਇਸ ਰਿਕਾਰਡ ਦੇ ਸਿਖਰ ’ਤੇ ਪਹੁੰਚ ਜਾਣਗੇ। ਜੇਕਰ ਗਿੱਲ ਦੋ ਸੈਂਕੜੇ ਜੜਦੇ ਹਨ, ਤਾਂ ਉਹ ਇੱਕ ਲੜੀ ’ਚ ਸਭ ਤੋਂ ਵੱਧ ਸੈਂਕੜੇ ਵਾਲੇ ਖਿਡਾਰੀ ਵੀ ਬਣ ਜਾਣਗੇ। IND vs ENG

ਕਪਤਾਨ ਗਿੱਲ ਕ੍ਰੀਜ ‘ਤੇ ਨਾਬਾਦ

• ਲੋਕੇਸ਼ ਰਾਹੁਲ 90 ਦੌੜਾਂ ਬਣਾ ਕੇ ਆਊਟ

ਸਪੋਰਟਸ ਡੈਸਕ। IND vs ENG: ਭਾਰਤ ਤੇ ਇੰਗਲੈਂਡ ਵਿਚਕਾਰ ਐਂਡਰਸਨ-ਤੇਂਦੁਲਕਰ ਟਰਾਫੀ ਦਾ ਚੌਥਾ ਟੈਸਟ ਮੈਚ ਮੈਨਚੈਸਟਰ ’ਚ ਖੇਡਿਆ ਜਾ ਰਿਹਾ ਹੈ। ਐਤਵਾਰ ਨੂੰ ਮੈਚ ਦਾ ਆਖਰੀ ਦਿਨ ਹੈ ਤੇ ਪਹਿਲਾ ਸੈਸ਼ਨ ਚੱਲ ਰਿਹਾ ਹੈ। ਭਾਰਤ ਨੇ ਦੂਜੀ ਪਾਰੀ ’ਚ 3 ਵਿਕਟਾਂ ਗੁਆ ਕੇ 213 ਦੌੜਾਂ ਬਣਾ ਲਈਆਂ ਹਨ। ਟੀਮ ਅਜੇ ਵੀ ਇੰਗਲੈਂਡ ਦੇ ਸਕੋਰ ਤੋਂ 98 ਦੌੜਾਂ ਪਿੱਛੇ ਹੈ। ਕਪਤਾਨ ਗਿੱਲ ਨੇ ਇਸ ਸੀਰੀਜ਼ ‘ਚ ਆਪਣਾ ਚੌਥਾ ਸੈਂਕੜਾ ਪੂਰਾ ਕਰ ਲਿਆ ਹੈ। ਕਪਤਾਨ ਸ਼ੁਭਮਨ ਗਿੱਲ ਦੇ ਨਾਲ ਆਲਰਾਊਂਡਰ ਵਾਸ਼ਿੰਗਟਨ ਸੁੰਦਰ ਕ੍ਰੀਜ ’ਤੇ ਨਾਬਾਦ ਹਨ। ਕਪਤਾਨ ਸ਼ੁਭਮਨ ਗਿੱਲ ਨੇ ਇਸ ਸੀਰੀਜ਼ ’ਚ 700 ਦੌੜਾਂ ਪੂਰੀਆਂ ਕਰ ਲਈਆਂ ਹਨ। IND vs ENG

ਇਹ ਖਬਰ ਵੀ ਪੜ੍ਹੋ : Sophia Qureshi: ਫੌਜ ਦੀ ਕਰਨਲ ਸੋਫੀਆ ਕੁਰੈਸ਼ੀ ਨਾਲ ਅਨੁਪਮ ਖੇਰ ਨੇ ਕੀਤੀ ਮੁਲਾਕਾਤ, ਦਿੱਤਾ ਇੱਕ ਖਾਸ ਤੋਹਫ਼ਾ

ਉਨ੍ਹਾਂ ਨੂੰ ਜੀਵਨ ਦਾ ਦੂਜਾ ਮੌਕਾ ਮਿਲਿਆ। ਓਲੀ ਪੋਪ ਨੇ ਬੇਨ ਸਟੋਕਸ ਦੀ ਗੇਂਦ ’ਤੇ ਕੈਚ ਛੱਡ ਦਿੱਤਾ। ਕੇਐਲ ਰਾਹੁਲ 90 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਉਨ੍ਹਾਂ ਨੂੰ ਬੇਨ ਸਟੋਕਸ ਨੇ ਐਲਬੀਡਬਲਯੂ ਆਊਟ ਕੀਤਾ। ਸਟੋਕਸ ਨੇ 188 ਦੌੜਾਂ ਦੀ ਓਪਨਿੰਗ ਸਾਂਝੇਦਾਰੀ ਤੋੜੀ। ਇੰਗਲੈਂਡ ਨੇ ਪਹਿਲੀ ਪਾਰੀ ’ਚ 311 ਦੌੜਾਂ ਦੀ ਲੀਡ ਲਈ। ਟੀਮ 669 ਦੌੜਾਂ ’ਤੇ ਆਲ ਆਊਟ ਹੋ ਗਈ, ਜਦੋਂ ਕਿ ਭਾਰਤੀ ਟੀਮ 358 ਦੌੜਾਂ ’ਤੇ ਆਲ ਆਊਟ ਹੋ ਗਈ ਸੀ। IND vs ENG

ਸਪੋਰਟਸ ਡੈਸਕ। IND vs ENG: ਲਾਰਡਜ਼ ਟੈਸਟ ’ਚ ਭਾਰਤੀ ਟੀਮ ਮੁਸ਼ਕਲ ਵਿੱਚ ਹੈ। ਇੰਗਲੈਂਡ ਵੱਲੋਂ ਦਿੱਤੇ ਗਏ 193 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦੇ ਹੋਏ, ਟੀਮ ਇੰਡੀਆ ਨੇ ਸਿਰਫ਼ 58 ਦੌੜਾਂ ’ਤੇ 4 ਵਿਕਟਾਂ ਗੁਆ ਦਿੱਤੀਆਂ ਹਨ। ਚੌਥੇ ਦਿਨ ਦੀ ਖੇਡ ਦੇ ਅੰਤ ’ਚ ਕੇਐਲ ਰਾਹੁਲ 33 ਦੌੜਾਂ ’ਤੇ ਨਾਬਾਦ ਸਨ। 193 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਭਾਰਤੀ ਟੀਮ ਦੀ ਸ਼ੁਰੂਆਤ ਖਰਾਬ ਰਹੀ। ਯਸ਼ਸਵੀ ਜਾਇਸਵਾਲ ਫਿਰ ਫਲਾਪ ਹੋ ਗਏ ਤੇ ਖਾਤਾ ਖੋਲ੍ਹੇ ਬਿਨਾਂ ਹੀ ਵਾਪਸ ਪਰਤ ਗਏ। IND vs ENG

ਇਹ ਖਬਰ ਵੀ ਪੜ੍ਹੋ : Bathinda News: ਤਿੰਨ ਸਾਲਾਂ ਤੋਂ ਬੰਦ ਪਏ ਗੋਦਾਮ ’ਚ ਚੌਲ ਲੈ ਕੇ ਆਏ ਟਰਾਲੇ ਲੋਕਾਂ ਨੇ ਰੋਕੇ

ਕਰੁਣ ਨਾਇਰ ਨੇ 14 ਦੌੜਾਂ ਬਣਾਈਆਂ, ਕਪਤਾਨ ਗਿੱਲ ਨੇ 6 ਦੌੜਾਂ ਬਣਾਈਆਂ ਤੇ ਨਾਈਟ ਵਾਚਮੈਨ ਵਜੋਂ ਆਏ ਆਕਾਸ਼ ਦੀਪ 1 ਦੌੜ ਬਣਾ ਕੇ ਆਊਟ ਹੋ ਗਏ। ਭਾਰਤੀ ਟੀਮ ਲਈ ਇੱਕੋ ਇੱਕ ਚੰਗੀ ਗੱਲ ਇਹ ਹੈ ਕਿ ਕੇਐਲ ਰਾਹੁਲ 33 ਦੌੜਾਂ ’ਤੇ ਨਾਬਾਦ ਹਨ। ਰਾਹੁਲ ਨੇ ਆਪਣੀ 47 ਗੇਂਦਾਂ ਦੀ ਪਾਰੀ ’ਚ 6 ਚੌਕੇ ਜੜੇ ਹਨ। ਪੰਜਵੇਂ ਦਿਨ ਭਾਰਤੀ ਟੀਮ ਲਈ ਰਾਹੁਲ ਦੀ ਭੂਮਿਕਾ ਮਹੱਤਵਪੂਰਨ ਹੋਣ ਵਾਲੀ ਹੈ। ਰਾਹੁਲ ਦੇ ਨਾਲ-ਨਾਲ ਰਿਸ਼ਭ ਪੰਤ ਤੇ ਰਵਿੰਦਰ ਜਡੇਜਾ ਦੀ ਭੂਮਿਕਾ ਵੀ ਮਹੱਤਵਪੂਰਨ ਹੋਣ ਵਾਲੀ ਹੈ।

ਦੋਵਾਂ ਨੇ ਇਸ ਲੜੀ ’ਚ ਚੰਗੀ ਬੱਲੇਬਾਜ਼ੀ ਕੀਤੀ ਹੈ। ਭਾਰਤ ਨੂੰ ਜਿੱਤਣ ਲਈ 135 ਦੌੜਾਂ ਦੀ ਲੋੜ ਹੈ। ਇੰਗਲੈਂਡ ਲਈ, ਬ੍ਰਾਇਡਨ ਕਾਰਸੇ ਨੇ 2 ਵਿਕਟਾਂ ਲਈਆਂ ਜਦੋਂ ਕਿ ਜੋਫਰਾ ਆਰਚਰ ਤੇ ਬੇਨ ਸਟੋਕਸ ਨੇ 1-1 ਵਿਕਟਾਂ ਲਈਆਂ। ਇਸ ਤੋਂ ਪਹਿਲਾਂ, ਭਾਰਤੀ ਟੀਮ ਦੇ ਗੇਂਦਬਾਜ਼ਾਂ ਨੇ ਇੰਗਲੈਂਡ ਨੂੰ ਸਿਰਫ਼ 192 ਦੌੜਾਂ ’ਤੇ ਰੋਕ ਕੇ ਟੀਮ ਦੀ ਜਿੱਤ ਲਈ ਇੱਕ ਆਦਰਸ਼ ਪੜਾਅ ਸਥਾਪਤ ਕੀਤਾ। ਇੰਗਲੈਂਡ ਦੀ ਦੂਜੀ ਪਾਰੀ ਵਿੱਚ, ਭਾਰਤੀ ਸਪਿਨਰ ਵਾਸ਼ਿੰਗਟਨ ਸੁੰਦਰ ਸਭ ਤੋਂ ਵੱਡੇ ਖ਼ਤਰੇ ਵਜੋਂ ਉਭਰਿਆ। ਸੁੰਦਰ ਨੇ 4 ਵਿਕਟਾਂ ਲੈ ਕੇ ਇੰਗਲੈਂਡ ਨੂੰ 192 ਦੌੜਾਂ ’ਤੇ ਰੋਕਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਈ। IND vs ENG

ਜਸਪ੍ਰੀਤ ਬੁਮਰਾਹ ਤੇ ਸਿਰਾਜ ਨੇ 2-2 ਵਿਕਟਾਂ ਲਈਆਂ ਜਦੋਂ ਕਿ ਰੈੱਡੀ ਤੇ ਆਕਾਸ਼ ਦੀਪ ਨੇ 1-1 ਵਿਕਟਾਂ ਲਈ। ਇਸ ਦੇ ਨਾਲ ਹੀ, ਭਾਰਤ ਤੇ ਇੰਗਲੈਂਡ ਦੋਵੇਂ ਟੀਮਾਂ ਆਪਣੀ ਪਹਿਲੀ ਪਾਰੀ ’ਚ 387 ਦੌੜਾਂ ’ਤੇ ਸਕੋਰ ਬਰਾਬਰ ਹੋ ਗਿਆ ਸੀ। ਟਾਸ ਜਿੱਤਣ ਤੋਂ ਬਾਅਦ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ, ਇੰਗਲੈਂਡ ਨੇ ਜੋ ਰੂਟ ਦੇ ਸੈਂਕੜੇ ਦੇ ਆਧਾਰ ’ਤੇ 387 ਦੌੜਾਂ ਬਣਾਈਆਂ। ਜਦੋਂ ਕਿ ਭਾਰਤ ਵੱਲੋਂ ਜਸਪ੍ਰੀਤ ਬੁਮਰਾਹ ਨੇ 5 ਵਿਕਟਾਂ ਲਈਆਂ। ਭਾਰਤ ਨੇ ਵੀ ਕੇਐਲ ਰਾਹੁਲ ਦੇ ਸੈਂਕੜੇ ਤੇ ਪੰਤ ਤੇ ਜਡੇਜਾ ਦੇ ਅਰਧ ਸੈਂਕੜੇ ਦੇ ਆਧਾਰ ’ਤੇ ਆਪਣੀ ਪਹਿਲੀ ਪਾਰੀ ’ਚ 387 ਦੌੜਾਂ ਬਣਾਈਆਂ। IND vs ENG

ਇੰਗਲੈਂਡ ਨੇ ਭਾਰਤ ਨੂੰ 5 ਵਿਕਟਾਂ ਨਾਲ ਹਰਾਇਆ

• ਦੂਜੀ ਪਾਰੀ ’ਚ ਇੰਗਲੈਂਡ ਵੱਲੋਂ ਓਪਨਰ ਬੇਨ ਡਕੇਟ ਦਾ ਸੈਂਕੜਾ
• ਜੈਕ ਕ੍ਰਾਲੀ ਤੇ ਜੋ ਰੂਟ ਨੇ ਜੜੇ ਅਰਧਸੈਂਕੜੇ

ਸਪੋਰਟਸ ਡੈਸਕ। IND vs ENG: ਬੇਨ ਡਕੇਟ ਦੇ ਸੈਂਕੜੇ ਤੇ ਜੈਕ ਕਰੌਲੀ ਤੇ ਜੋ ਰੂਟ ਦੇ ਅਰਧ ਸੈਂਕੜਿਆਂ ਦੀ ਮਦਦ ਨਾਲ, ਇੰਗਲੈਂਡ ਨੇ ਪਹਿਲੇ ਟੈਸਟ ਮੈਚ ਦੇ ਪੰਜਵੇਂ ਦਿਨ ਭਾਰਤ ਨੂੰ ਪੰਜ ਵਿਕਟਾਂ ਨਾਲ ਹਰਾ ਦਿੱਤਾ। ਇਸ ਤਰ੍ਹਾਂ ਇੰਗਲੈਂਡ ਨੇ ਪੰਜ ਮੈਚਾਂ ਦੀ ਟੈਸਟ ਲੜੀ ’ਚ 1-0 ਦੀ ਬੜ੍ਹਤ ਬਣਾ ਲਈ ਹੈ। ਭਾਰਤ ਨੇ ਇੰਗਲੈਂਡ ਦੇ ਸਾਹਮਣੇ 371 ਦੌੜਾਂ ਦਾ ਟੀਚਾ ਰੱਖਿਆ ਸੀ। ਇੰਗਲੈਂਡ ਨੇ ਦੂਜੀ ਪਾਰੀ ’ਚ ਪੰਜ ਵਿਕਟਾਂ ’ਤੇ 373 ਦੌੜਾਂ ਬਣਾ ਕੇ ਜਿੱਤ ਹਾਸਲ ਕੀਤੀ। ਇਸ ਤਰ੍ਹਾਂ, ਇੰਗਲੈਂਡ ਨੇ ਆਪਣੀ ਧਰਤੀ ’ਤੇ ਟੈਸਟ ’ਚ ਦੂਜਾ ਵੱਡਾ ਟੀਚਾ ਹਾਸਲ ਕੀਤਾ। IND vs ENG

ਇਹ ਖਬਰ ਵੀ ਪੜ੍ਹੋ : Arab Nations Iran Israel: ਅਰਬ ਦੇਸ਼ਾਂ ਦਾ ਇਰਾਨ ਤੇ ਇਜ਼ਰਾਈਲ ਜੰਗ ਤੋਂ ਕਿਨਾਰਾ

ਭਾਰਤੀ ਟੀਮ ਨੂੰ ਪਹਿਲੀ ਪਾਰੀ ’ਚ ਮਿਲੀ ਸੀ ਮਾਮੂਲੀ ਬੜ੍ਹਤ | IND vs ENG

ਇੰਗਲੈਂਡ ਨੇ ਇਸ ਮੈਚ ’ਚ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਭਾਰਤ ਨੇ ਪਹਿਲੀ ਪਾਰੀ ’ਚ 471 ਦੌੜਾਂ ਬਣਾਈਆਂ ਤੇ ਇੰਗਲੈਂਡ ਦੀ ਪਹਿਲੀ ਪਾਰੀ ਨੂੰ 465 ਦੌੜਾਂ ’ਤੇ ਆਊਟ ਕਰਕੇ 6 ਦੌੜਾਂ ਦੀ ਥੋੜ੍ਹੀ ਜਿਹੀ ਬੜ੍ਹਤ ਹਾਸਲ ਕੀਤੀ। ਭਾਰਤ ਦੀ ਦੂਜੀ ਪਾਰੀ ਚੌਥੇ ਦਿਨ 364 ਦੌੜਾਂ ’ਤੇ ਆਲ ਆਊਟ ਹੋ ਗਈ ਤੇ ਇਸਨੇ ਇੰਗਲੈਂਡ ਨੂੰ 370 ਦੌੜਾਂ ਦੀ ਕੁੱਲ ਬੜ੍ਹਤ ਹਾਸਲ ਕਰਕੇ 371 ਦੌੜਾਂ ਦਾ ਟੀਚਾ ਦਿੱਤਾ। ਇੰਗਲੈਂਡ ਨੇ ਆਖਰੀ ਦਿਨ ਆਸਾਨੀ ਨਾਲ ਟੀਚਾ ਹਾਸਲ ਕਰ ਲਿਆ ਤੇ ਲੜੀ ’ਚ ਲੀਡ ਲੈਣ ਵਿੱਚ ਸਫਲ ਰਿਹਾ। IND vs ENG

ਗਿੱਲ ਦੀ ਕਪਤਾਨੀ ਹੇਠ ਪਹਿਲੀ ਹਾਰ | IND vs ENG

ਭਾਰਤੀ ਟੀਮ ਰੋਹਿਤ ਸ਼ਰਮਾ ਤੇ ਵਿਰਾਟ ਕੋਹਲੀ ਦੇ ਸੰਨਿਆਸ ਤੋਂ ਬਾਅਦ ਟੀਮ ਇੰਡੀਆ ਇਹ ਲੜੀ ਖੇਡ ਰਹੀ ਹੈ ਜੋ ਹਾਲ ਹੀ ’ਚ ਟੈਸਟ ਕ੍ਰਿਕੇਟ ਤੋਂ ਸੰਨਿਆਸ ਲੈ ਚੁੱਕੇ ਹਨ। ਗਿੱਲ ਨੂੰ ਰੋਹਿਤ ਦੀ ਜਗ੍ਹਾ ਕਪਤਾਨੀ ਦਿੱਤੀ ਗਈ ਹੈ, ਪਰ ਉਹ ਕਪਤਾਨ ਵਜੋਂ ਆਪਣੇ ਪਹਿਲੇ ਮੈਚ ’ਚ ਗਿੱਲ ਦੀ ਹਾਰ ਹੋਈ ਹੈ। ਹਾਲਾਂਕਿ, ਭਾਰਤ ਕੋਲ ਅਜੇ ਵੀ ਇੱਕ ਮੌਕਾ ਹੈ ਕਿਉਂਕਿ ਇਹ ਲੜੀ ਦਾ ਪਹਿਲਾ ਮੈਚ ਸੀ। ਭਾਰਤ ਲਈ, ਹੇਠਲੇ ਲੜੀ ਨੇ ਪਹਿਲੀ ਪਾਰੀ ਤੇ ਦੂਜੀ ਪਾਰੀ ’ਚ ਬੱਲੇਬਾਜ਼ੀ ’ਚ ਚੰਗਾ ਯੋਗਦਾਨ ਨਹੀਂ ਪਾਇਆ, ਜੋ ਮਹਿੰਗਾ ਸਾਬਤ ਹੋਇਆ। ਇਸ ਦੇ ਨਾਲ ਹੀ, ਗੇਂਦਬਾਜ਼ ਦੂਜੀ ਪਾਰੀ ’ਚ ਵੀ ਵਧੀਆ ਪ੍ਰਦਰਸ਼ਨ ਨਹੀਂ ਕਰ ਸਕੇ, ਜੋ ਹਾਰ ਦਾ ਇੱਕ ਵੱਡਾ ਕਾਰਨ ਸੀ।

ਗੇਂਦਬਾਜ਼ਾਂ ਦਾ ਖਰਾਬ ਪ੍ਰਦਰਸ਼ਨ | IND vs ENG

ਭਾਰਤੀ ਟੀਮ ਪਹਿਲੀ ਪਾਰੀ ’ਚ ਲੀਡ ਲੈਣ ਦੇ ਬਾਵਜੂਦ ਇਹ ਮੈਚ ਨਹੀਂ ਜਿੱਤ ਸਕੀ। ਭਾਰਤ ਦੀ ਹਾਰ ਦਾ ਸਭ ਤੋਂ ਵੱਡਾ ਕਾਰਨ ਦੂਜੀ ਪਾਰੀ ’ਚ ਗੇਂਦਬਾਜ਼ਾਂ ਦਾ ਖਰਾਬ ਪ੍ਰਦਰਸ਼ਨ ਸੀ। ਇੰਗਲੈਂਡ ਨੇ ਪੰਜਵੇਂ ਦਿਨ ਬਿਨਾਂ ਕਿਸੇ ਨੁਕਸਾਨ ਦੇ 21 ਦੌੜਾਂ ਨਾਲ ਸ਼ੁਰੂਆਤ ਕੀਤੀ। ਆਖਰੀ ਦਿਨ ਇੰਗਲੈਂਡ ਨੂੰ ਜਿੱਤ ਲਈ 350 ਦੌੜਾਂ ਦੀ ਲੋੜ ਸੀ, ਜਦੋਂ ਕਿ ਭਾਰਤ ਨੂੰ 10 ਵਿਕਟਾਂ ਚਾਹੀਦੀਆਂ ਸਨ। ਜੈਕ ਕਰੌਲੀ ਤੇ ਬੇਨ ਡਕੇਟ ਨੇ ਇੰਗਲੈਂਡ ਲਈ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ ਤੇ ਪਹਿਲੀ ਵਿਕਟ ਲਈ 188 ਦੌੜਾਂ ਦੀ ਸਾਂਝੇਦਾਰੀ ਕਰਕੇ ਟੀਮ ਨੂੰ ਮਜ਼ਬੂਤ ​​ਸਥਿਤੀ ’ਚ ਪਹੁੰਚਾਇਆ। ਇਨ੍ਹਾਂ ਦੋਵਾਂ ਬੱਲੇਬਾਜ਼ਾਂ ਨੇ ਪੰਜਵੇਂ ਦਿਨ ਪਹਿਲੇ ਸੈਸ਼ਨ ’ਚ ਭਾਰਤ ਨੂੰ ਸਫਲਤਾ ਨਹੀਂ ਮਿਲਣ ਦਿੱਤੀ।

ਡਕੇਟ-ਕ੍ਰਾਲੀ ਦੀ ਸ਼ਾਨਦਾਰ ਸਾਂਝੇਦਾਰੀ

ਭਾਰਤ ਨੇ ਦੂਜੇ ਸੈਸ਼ਨ ’ਚ ਚਾਰ ਵਿਕਟਾਂ ਲਈਆਂ, ਪਰ ਅੰਤ ’ਚ ਰੂਟ ਤੇ ਸਮਿਥ ਨੇ ਜ਼ਿੰਮੇਵਾਰੀ ਸੰਭਾਲੀ ਤੇ ਇੰਗਲੈਂਡ ਨੂੰ ਜਿੱਤ ਦਿਵਾਈ। ਇੰਗਲੈਂਡ ਲਈ, ਰੂਟ 53 ਦੌੜਾਂ ਤੇ ਜੈਮੀ ਸਮਿਥ 44 ਦੌੜਾਂ ਬਣਾ ਕੇ ਅਜੇਤੂ ਵਾਪਸ ਪਰਤੇ। ਇੰਗਲੈਂਡ ਲਈ, ਡਕੇਟ ਨੇ 149 ਦੌੜਾਂ, ਕਰਾਲੀ ਨੇ 65, ਕਪਤਾਨ ਬੇਨ ਸਟੋਕਸ ਨੇ 33, ਓਲੀ ਪੋਪ ਨੇ 8 ਦੌੜਾਂ ਬਣਾਈਆਂ, ਜਦੋਂ ਕਿ ਹੈਰੀ ਬਰੂਕ ਖਾਤਾ ਖੋਲ੍ਹੇ ਬਿਨਾਂ ਪੈਵੇਲੀਅਨ ਪਰਤ ਗਏ। ਭਾਰਤ ਦੇ ਸਟਾਰ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ, ਜਿਸਨੇ ਪਹਿਲੀ ਪਾਰੀ ’ਚ ਪੰਜ ਵਿਕਟਾਂ ਲਈਆਂ, ਦੂਜੀ ਪਾਰੀ ’ਚ ਖਾਲੀ ਹੱਥ ਰਹੇ ਤੇ ਇੱਕ ਵੀ ਵਿਕਟ ਨਹੀਂ ਲੈ ਸਕੇ। ਭਾਰਤ ਲਈ, ਪ੍ਰਸਿਧ ਕ੍ਰਿਸ਼ਨਾ ਤੇ ਸ਼ਾਰਦੁਲ ਠਾਕੁਰ ਨੇ ਦੋ-ਦੋ ਵਿਕਟਾਂ ਲਈਆਂ, ਜਦੋਂ ਕਿ ਰਵਿੰਦਰ ਜਡੇਜਾ ਨੂੰ ਇੱਕ ਵਿਕਟ ਮਿਲੀ।

ਨਵੇਂ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦੇ ਚੱਕਰ ਦੀ ਖਰਾਬ ਸ਼ੁਰੂਆਤ

ਭਾਰਤ ਨੇ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦੇ ਨਵੇਂ ਚੱਕਰ (2025-27) ਦੀ ਮਾੜੀ ਸ਼ੁਰੂਆਤ ਕੀਤੀ ਹੈ। ਭਾਰਤ ਅੰਕ ਸੂਚੀ ’ਚ ਚੌਥੇ ਸਥਾਨ ’ਤੇ ਹੈ। ਇਸ ਦੇ ਨਾਲ ਹੀ, ਇੰਗਲੈਂਡ ਲੀਡਜ਼ ਟੈਸਟ ’ਚ ਜਿੱਤ ਨਾਲ ਸਿਖਰ ’ਤੇ ਪਹੁੰਚ ਗਿਆ ਹੈ। ਉਨ੍ਹਾਂ ਦੇ ਖਾਤੇ ’ਚ 12 ਅੰਕ ਹਨ ਤੇ ਅੰਕ ਪ੍ਰਤੀਸ਼ਤਤਾ 100 ਹੋ ਗਈ ਹੈ। ਭਾਰਤ ਵਾਂਗ, ਇੰਗਲੈਂਡ ਨੇ ਵੀ ਲੀਡਜ਼ ਟੈਸਟ ਨਾਲ ਵਿਸ਼ਵ ਟੈਸਟ ਚੈਂਪੀਅਨਸ਼ਿਪ ਦੇ ਨਵੇਂ ਚੱਕਰ ਦੀ ਸ਼ੁਰੂਆਤ ਕੀਤੀ ਹੈ। ਬੰਗਲਾਦੇਸ਼ ਤੇ ਸ਼੍ਰੀਲੰਕਾ ਲੜੀਵਾਰ ਦੂਜੇ ਤੇ ਤੀਜੇ ਸਥਾਨ ’ਤੇ ਹਨ। ਦੋਵਾਂ ਵਿਚਕਾਰ ਖੇਡਿਆ ਗਿਆ ਪਹਿਲਾ ਮੈਚ ਡਰਾਅ ’ਚ ਖਤਮ ਹੋਇਆ। ਹੁਣ ਭਾਰਤੀ ਟੀਮ ਨੂੰ ਬਰਮਿੰਘਮ ’ਚ ਤੇਂਦੁਲਕਰ-ਐਂਡਰਸਨ ਟਰਾਫੀ ਦਾ ਦੂਜਾ ਮੈਚ ਖੇਡਣਾ ਹੈ। ਇਹ ਮੈਚ 2 ਜੁਲਾਈ ਤੋਂ ਸ਼ੁਰੂ ਹੋਵੇਗਾ। IND vs ENG

ਸਪੋਰਟਸ ਡੈਸਕ। IND vs ENG: ਭਾਰਤ ਤੇ ਇੰਗਲੈਂਡ ਵਿਚਕਾਰ ਖੇਡੀ ਜਾ ਰਹੀ ਪੰਜ ਮੈਚਾਂ ਦੀ ਟੈਸਟ ਸੀਰੀਜ਼ ਦੇ ਪਹਿਲੇ ਮੈਚ ’ਚ ਗਿੱਲ ਐਂਡ ਕੰਪਨੀ ਨੇ ਇਤਿਹਾਸ ਰਚ ਦਿੱਤਾ ਹੈ। ਲੀਡਜ਼ ’ਚ ਖੇਡੇ ਜਾ ਰਹੇ ਮੈਚ ਦੇ ਚੌਥੇ ਦਿਨ ਦੋ ਭਾਰਤੀ ਬੱਲੇਬਾਜ਼ਾਂ ਨੇ ਸੈਂਕੜੇ ਜੜੇ। ਇਹ ਮੈਚ ’ਚ ਭਾਰਤੀ ਬੱਲੇਬਾਜ਼ਾਂ ਦਾ ਪੰਜਵਾਂ ਸੈਂਕੜਾ ਸੀ। ਟੈਸਟ ਇਤਿਹਾਸ ’ਚ ਭਾਰਤ ਤੇ ਇੰਗਲੈਂਡ ਵਿਚਕਾਰ ਪਹਿਲਾ ਮੈਚ ਜੂਨ 1932 ’ਚ ਖੇਡਿਆ ਗਿਆ ਸੀ। ਇਹ 93 ਸਾਲਾਂ ’ਚ ਪਹਿਲੀ ਵਾਰ ਹੋਇਆ, ਜਦੋਂ ਪੰਜ ਭਾਰਤੀ ਬੱਲੇਬਾਜ਼ਾਂ ਨੇ ਇੱਕੋ ਟੈਸਟ ਮੈਚ ’ਚ ਸੈਂਕੜੇ ਜੜੇ। ਯਸ਼ਸਵੀ ਜਾਇਸਵਾਲ (101), ਕਪਤਾਨ ਸ਼ੁਭਮਨ ਗਿੱਲ (147) ਤੇ ਰਿਸ਼ਭ ਪੰਤ (134) ਨੇ ਭਾਰਤ ਦੀ ਪਹਿਲੀ ਪਾਰੀ ’ਚ ਸੈਂਕੜੇ ਜੜੇ। IND vs ENG

ਇਹ ਖਬਰ ਵੀ ਪੜ੍ਹੋ : Monsoon Update Punjab: ਪੰਜਾਬ ’ਚ ਭਾਰੀ ਮੀਂਹ ਦੀ ਚਿਤਾਵਨੀ, ਮੌਸਮ ਵਿਭਾਗ ਨੇ ਦਿੱਤੀ ਨਵੀਂ ਜਾਣਕਾਰੀ

ਦੂਜੀ ਪਾਰੀ ’ਚ, ਵਿਕਟਕੀਪਰ ਪੰਤ ਨੇ ਇੱਕ ਵਾਰ ਫਿਰ 118 ਦੌੜਾਂ ਬਣਾਈਆਂ। ਉਨ੍ਹਾਂ ਦੇ ਨਾਲ, ਓਪਨਰ ਕੇਐਲ ਰਾਹੁਲ ਨੇ ਵੀ 137 ਦੌੜਾਂ ਬਣਾਈਆਂ। ਇਸ ਦੇ ਨਾਲ, ਰਿਸ਼ਭ ਪੰਤ ਇੰਗਲੈਂਡ ’ਚ ਇੱਕੋ ਟੈਸਟ ਦੀਆਂ ਦੋਵੇਂ ਪਾਰੀਆਂ ’ਚ ਸੈਂਕੜਾ ਜੜਨ ਵਾਲੇ ਪਹਿਲੇ ਭਾਰਤੀ ਬਣ ਗਏ। ਟਾਸ ਹਾਰਨ ਤੇ ਪਹਿਲਾਂ ਬੱਲੇਬਾਜ਼ੀ ਕਰਨ ਤੋਂ ਬਾਅਦ, ਟੀਮ ਇੰਡੀਆ ਨੇ ਪਹਿਲੀ ਪਾਰੀ ’ਚ ਤਿੰਨ ਬੱਲੇਬਾਜ਼ਾਂ ਦੇ ਸੈਂਕੜਿਆਂ ਦੀ ਮਦਦ ਨਾਲ 471 ਦੌੜਾਂ ਬਣਾਈਆਂ। ਮਹਿਮਾਨ ਟੀਮ ਲਈ ਜੋਸ਼ ਟੰਗ ਤੇ ਬੇਨ ਸਟੋਕਸ ਨੇ ਚਾਰ-ਚਾਰ ਵਿਕਟਾਂ ਲਈਆਂ। ਜਵਾਬ ’ਚ, ਇੰਗਲੈਂਡ ਦੀ ਪਹਿਲੀ ਪਾਰੀ 465 ਦੌੜਾਂ ’ਤੇ ਢਹਿ ਗਈ। IND vs ENG

ਓਲੀ ਪੋਪ ਨੇ 106 ਦੌੜਾਂ ਦੀ ਪਾਰੀ ਖੇਡੀ, ਜਦੋਂ ਕਿ ਹੈਰੀ ਬਰੂਕ (99) ਇੱਕ ਸੈਂਕੜੇ ਤੋਂ ਇੱਕ ਦੌੜ ਪਿੱਛੇ ਰਹਿ ਗਿਆ। ਇਨ੍ਹਾਂ ਤੋਂ ਇਲਾਵਾ, ਬੇਨ ਡਕੇਟ ਨੇ ਟੀਮ ਦੇ ਖਾਤੇ ’ਚ 62 ਦੌੜਾਂ ਦਾ ਯੋਗਦਾਨ ਪਾਇਆ। ਇਸ ਪਾਰੀ ’ਚ, ਜਸਪ੍ਰੀਤ ਬੁਮਰਾਹ ਨੇ ਭਾਰਤ ਲਈ ਸਭ ਤੋਂ ਜ਼ਿਆਦਾ ਪੰਜ ਵਿਕਟਾਂ ਲਈਆਂ। ਭਾਰਤ ਕੋਲ ਪਹਿਲੀ ਪਾਰੀ ਦੇ ਆਧਾਰ ’ਤੇ ਛੇ ਦੌੜਾਂ ਦੀ ਲੀਡ ਸੀ। ਟੀਮ ਇੰਡੀਆ ਨੇ ਦੂਜੀ ਪਾਰੀ ’ਚ 364 ਦੌੜਾਂ ਬਣਾਈਆਂ ਤੇ ਇੰਗਲੈਂਡ ਨੂੰ ਜਿੱਤ ਲਈ 371 ਦੌੜਾਂ ਦਾ ਟੀਚਾ ਦਿੱਤਾ। ਚੌਥੇ ਦਿਨ ਦੇ ਅੰਤ ਤੱਕ, ਇੰਗਲੈਂਡ ਦੀ ਟੀਮ ਛੇ ਓਵਰਾਂ ਦਾ ਸਾਹਮਣਾ ਕਰ ਚੁੱਕੀ ਸੀ। ਮੇਜ਼ਬਾਨ ਟੀਮ ਨੇ ਬਿਨਾਂ ਕੋਈ ਵਿਕਟ ਗੁਆਏ 21 ਦੌੜਾਂ ਬਣਾ ਲਈਆਂ ਹਨ। ਅੰਗਰੇਜਾਂ ਨੂੰ ਇਹ ਮੈਚ ਜਿੱਤਣ ਲਈ ਪੰਜਵੇਂ ਦਿਨ 350 ਦੌੜਾਂ ਦੀ ਲੋੜ ਹੈ। IND vs ENG

ਰਿਸ਼ਭ ਪੰਤ ਨੇ ਖੇਡੀ 118 ਦੌੜਾਂ ਦੀ ਪਾਰੀ | IND vs ENG

• ਇੱਕ ਟੈਸਟ ਮੈਚ ਦੀ ਦੋਵੇਂ ਪਾਰੀਆਂ ’ਚ ਸੈਂਕੜਾ ਜੜਨ ਵਾਲੇ ਪਹਿਲੇ ਭਾਰਤੀ ਵਿਕਟਕੀਪਰ
• ਲੋਕੇਸ਼ ਰਾਹੁਲ ਦਾ ਇੰਗਲੈਂਡ ’ਚ ਤੀਜਾ ਟੈਸਟ ਸੈਂਕੜਾ

ਸਪੋਰਟਸ ਡੈਸਕ। IND vs ENG: ਭਾਰਤ ਤੇ ਇੰਗਲੈਂਡ ਵਿਚਕਾਰ 5 ਮੈਚਾਂ ਦੀ ਟੈਸਟ ਲੜੀ ਦਾ ਪਹਿਲਾ ਮੈਚ ਹੈਡਿੰਗਲੇ ’ਚ ਖੇਡਿਆ ਜਾ ਰਿਹਾ ਹੈ। ਭਾਰਤੀ ਟੀਮ ਨੇ ਚੌਥੇ ਦਿਨ ਦੂਜੀ ਪਾਰੀ ’ਚ 4 ਵਿਕਟਾਂ ਗੁਆ ਕੇ 298 ਦੌੜਾਂ ਬਣਾ ਲਈਆਂ ਹਨ। ਭਾਰਤੀ ਟੀਮ ਦੀ ਹੁਣ ਕੁੱਲ ਬੜ੍ਹਤ ਚਾਹ ਬ੍ਰੇਕ ਤੱਕ 304 ਦੌੜਾਂ ਦੀ ਹੋ ਗਈ ਹੈ। ਲੋਕੇਸ਼ ਰਾਹੁਲ ਸੈਂਕੜਾ ਜੜ ਕੇ ਕ੍ਰੀਜ ’ਤੇ ਨਾਬਾਦ ਹਨ। ਉਨ੍ਹਾਂ ਨਾਲ ਕ੍ਰੀਜ ’ਤੇ ਕਰੁਨ ਨਾਇਰ ਆਏ ਹਨ। ਇਸ ਤੋਂ ਪਹਿਲਾਂ ਭਾਰਤੀ ਟੀਮ ਵੱਲੋਂ ਵਿਕਟਕੀਪਰ ਬੱਲੇਬਾਜ਼ ਰਿਸ਼ਭ ਪੰਤ ਨੇ ਸੈਂਕੜੇ ਵਾਲੀ ਪਾਰੀ ਖੇਡੀ। ਰਿਸ਼ਭ ਪੰਤ ਨੇ 118 ਦੌੜਾਂ ਬਣਾਈਆਂ। IND vs ENG

ਇਹ ਖਬਰ ਵੀ ਪੜ੍ਹੋ : Ludhiana bypoll 2025: ਲੁਧਿਆਣਾ ਉਪ ਚੋਣ ’ਚ ਹਾਰ ਤੋਂ ਬਾਅਦ ਆਸ਼ੂ ਨੇ ਦਿੱਤਾ ਅਸਤੀਫਾ, ਰਾਜਾ ਵੜਿੰਗ ਵੀ ਬੋਲੇ…

ਰਿਸ਼ਭ ਪੰਤ ਇੱਕ ਟੈਸਟ ਮੈਚ ਦੀਆਂ ਦੋਵੇਂ ਪਾਰੀਆਂ ’ਚ ਸੈਂਕੜਾ ਜੜਨ ਵਾਲੀ ਪਹਿਲਾ ਭਾਰਤੀ ਵਿਕਟਕੀਪਰ ਬੱਲੇਬਾਜ਼ ਬਣ ਗਏ ਹਨ। ਬੱਲੇਬਾਜ਼ਾਂ ਦੀ ਸੂਚੀ ’ਚ ਭਾਰਤੀ ਟੀਮ ਵੱਲੋਂ ਇੱਕ ਟੈਸਟ ਮੈਚ ਦੀਆਂ ਦੋਵੇਂ ਪਾਰੀਆਂ ’ਚ ਸੈਂਕੜੇ ਜੜਨ ਦੇ ਮਾਮਲੇ ’ਚ ਭਾਰਤ ਦੇ ਸਾਬਕਾ ਬੱਲੇਬਾਜ਼ ਸੁਨੀਲ ਗਾਵਸਕਰ ਹਨ, ਉਨ੍ਹਾਂ ਨੇ ਇਹ ਕਾਰਮਨਾਮਾ 3 ਵਾਰ ਕੀਤਾ ਹੈ। ਵਿਰਾਟ ਕੋਹਲੀ ਨੇ ਅਤੇ ਭਾਰਤ ਦੇ ਮੌਜ਼ੂਦਾ ਇੱਕਰੋਜ਼ਾ ਟੀਮ ਦੇ ਕਪਤਾਨ ਰੋਹਿਤ ਸ਼ਰਮਾ ਨੇ ਇਹ ਕਾਰਨਾਮਾ 1-1 ਵਾਰ ਕੀਤਾ ਹੈ। ਰਿਸ਼ਭ ਪੰਤ ਨੂੰ ਸ਼ੋਏਬ ਬਸ਼ੀਰ ਨੇ ਜੈਲ ਕ੍ਰਾਲੀ ਦੇ ਹੱਥੋਂ ਕੈਚ ਕਰਵਾਇਆ। ਲੋਕੇਸ਼ ਰਾਹੁਲ ਸੈਂਕੜਾ ਬਣਾ ਕੇ ਕ੍ਰੀਜ ’ਤੇ ਨਾਬਾਦ ਹਨ। IND vs ENG

ਸਪੋਰਟਸ ਡੈਸਕ। Team India: ਅਸਟਰੇਲੀਆ ਖਿਲਾਫ਼ ਪੰਜ ਮੈਚਾਂ ਦੀ ਟੈਸਟ ਲੜੀ ਹਾਰਨ ਤੋਂ ਬਾਅਦ, ਭਾਰਤੀ ਟੀਮ ਹੁਣ ਸੀਮਤ ਓਵਰਾਂ ਦੇ ਫਾਰਮੈਟ ਦੀ ਤਿਆਰੀ ’ਚ ਰੁੱਝੀ ਹੋਈ ਹੈ। ਭਾਰਤ ਇਸ ਮਹੀਨੇ ਦੇ ਆਖਰ ’ਚ ਇੰਗਲੈਂਡ ਵਿਰੁੱਧ ਟੀ-20 ਤੇ ਵਨਡੇ ਸੀਰੀਜ਼ ਖੇਡਣ ਵਾਲਾ ਹੈ ਜਿਸ ਲਈ ਭਾਰਤੀ ਟੀਮ ਦਾ ਐਲਾਨ ਅਗਲੇ ਕੁਝ ਦਿਨਾਂ ’ਚ ਕੀਤਾ ਜਾ ਸਕਦਾ ਹੈ। ਭਾਰਤ ਨੂੰ ਅਗਲੇ ਮਹੀਨੇ ਚੈਂਪੀਅਨਜ਼ ਟਰਾਫੀ ’ਚ ਵੀ ਹਿੱਸਾ ਲੈਣਾ ਹੈ ਤੇ ਮੰਨਿਆ ਜਾ ਰਿਹਾ ਹੈ ਕਿ ਇਸ ਨੂੰ ਧਿਆਨ ’ਚ ਰੱਖਦੇ ਹੋਏ, ਕੇਐਲ ਰਾਹੁਲ ਨੂੰ ਇੰਗਲੈਂਡ ਵਿਰੁੱਧ ਸੀਮਤ ਓਵਰਾਂ ਦੀ ਲੜੀ ਤੋਂ ਆਰਾਮ ਦਿੱਤਾ ਜਾ ਸਕਦਾ ਹੈ। Team India

ਇਹ ਖਬਰ ਵੀ ਪੜ੍ਹੋ : Punjab Holiday News: ਪੰਜਾਬ ’ਚ ਇਸ ਦਿਨ ਛੁੱਟੀ ਦਾ ਐਲਾਨ ! ਜਾਣੋ ਕਿਹੜੇ ਸਕੂਲਾਂ ਨੂੰ ਜਾਰੀ ਹੋਏ ਆਦੇਸ਼

ਟੀਮ ਇੰਗਲੈਂਡ ਸੀਰੀਜ਼ ਤੋਂ ਬਾਅਦ ਚੈਂਪੀਅਨਜ਼ ਟਰਾਫੀ ’ਚ ਲਵੇਗੀ ਹਿੱਸਾ

ਭਾਰਤ ਤੇ ਇੰਗਲੈਂਡ ਵਿਚਕਾਰ 22 ਜਨਵਰੀ ਤੋਂ 5 ਮੈਚਾਂ ਦੀ ਟੀ-20 ਸੀਰੀਜ਼ ਹੋਣੀ ਹੈ। ਇਸ ਤੋਂ ਬਾਅਦ ਦੋਵੇਂ ਟੀਮਾਂ ਤਿੰਨ ਮੈਚਾਂ ਦੀ ਵਨਡੇ ਸੀਰੀਜ਼ ਖੇਡਣਗੀਆਂ। ਇਸ ਤੋਂ ਬਾਅਦ ਟੀਮ 19 ਫਰਵਰੀ ਤੋਂ ਹਾਈਬ੍ਰਿਡ ਮਾਡਲ ਦੀ ਤਰਜ਼ ’ਤੇ ਹੋਣ ਵਾਲੀ ਚੈਂਪੀਅਨਜ਼ ਟਰਾਫੀ ’ਚ ਹਿੱਸਾ ਲਵੇਗੀ। ਕੇਐਲ ਰਾਹੁਲ ਭਾਵੇਂ ਇੰਗਲੈਂਡ ਖਿਲਾਫ਼ ਸੀਮਤ ਓਵਰਾਂ ਦੀ ਲੜੀ ਦਾ ਹਿੱਸਾ ਨਾ ਹੋਣ, ਪਰ ਉਹ 50 ਓਵਰਾਂ ਦੇ ਫਾਰਮੈਟ ’ਚ 8 ਟੀਮਾਂ ਵਿਚਕਾਰ ਹੋਣ ਵਾਲੇ ਇਸ ਟੂਰਨਾਮੈਂਟ ਲਈ ਉਪਲਬਧ ਹੋਣਗੇ। Team India

ਭਾਰਤ ਨੇ ਚੈਂਪੀਅਨਜ਼ ਟਰਾਫੀ ਲਈ ਆਪਣੀ ਟੀਮ ਪਾਕਿਸਤਾਨ ਭੇਜਣ ਤੋਂ ਇਨਕਾਰ ਕਰ ਦਿੱਤਾ ਸੀ ਤੇ ਭਾਰਤ ਆਪਣੇ ਸਾਰੇ ਮੈਚ ਦੁਬਈ ’ਚ ਖੇਡੇਗਾ। ਭਾਰਤੀ ਕ੍ਰਿਕੇਟ ਕੰਟਰੋਲ ਬੋਰਡ (ਬੀਸੀਸੀਆਈ) ਦੇ ਇੱਕ ਸੂਤਰ ਦੇ ਹਵਾਲੇ ਨਾਲ ਖ਼ਬਰ ਏਜੰਸੀ ਪੀਟੀਆਈ ਨੇ ਕਿਹਾ ਕਿ ਕੇਐਲ ਰਾਹੁਲ ਨੇ ਇੰਗਲੈਂਡ ਖਿਲਾਫ਼ ਲੜੀ ਤੋਂ ਬ੍ਰੇਕ ਮੰਗੀ ਹੈ ਪਰ ਉਹ ਚੈਂਪੀਅਨਜ਼ ਟਰਾਫੀ ਲਈ ਚੋਣ ਲਈ ਉਪਲਬਧ ਰਹਿਣਗੇ।

ਅਸਟਰੇਲੀਆ ਦੌਰੇ ’ਤੇ ਰਾਹੁਲ ਨੇ ਬਣਾਈਆਂ ਦੌੜਾਂ | Team India

ਅਸਟਰੇਲੀਆ ਵਿਰੁੱਧ ਹਾਲ ਹੀ ’ਚ ਹੋਈ ਟੈਸਟ ਲੜੀ ’ਚ ਭਾਰਤੀ ਬੱਲੇਬਾਜ਼ਾਂ ਦਾ ਪ੍ਰਦਰਸ਼ਨ ਨਿਰਾਸ਼ਾਜਨਕ ਰਿਹਾ, ਪਰ ਰਾਹੁਲ ਉਨ੍ਹਾਂ ਕੁਝ ਬੱਲੇਬਾਜ਼ਾਂ ’ਚੋਂ ਇੱਕ ਸੀ ਜਿਨ੍ਹਾਂ ਨੇ ਦੌੜਾਂ ਬਣਾਈਆਂ। ਉਹ 10 ਪਾਰੀਆਂ ’ਚ 30.66 ਦੀ ਔਸਤ ਨਾਲ 276 ਦੌੜਾਂ ਬਣਾ ਕੇ ਭਾਰਤ ਲਈ ਤੀਜੇ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਖਿਡਾਰੀ ਸਨ। ਸੀਮਤ ਓਵਰਾਂ ਦੀ ਟੀਮ ’ਚ ਜਗ੍ਹਾ ਬਣਾਉਣ ਲਈ ਰਾਹੁਲ ਨੂੰ ਰਿਸ਼ਭ ਪੰਤ ਤੇ ਸੰਜੂ ਸੈਮਸਨ ਵਰਗੇ ਵਿਕਟਕੀਪਰ-ਬੱਲੇਬਾਜ਼ਾਂ ਦੀ ਚੁਣੌਤੀ ਦਾ ਸਾਹਮਣਾ ਕਰਨਾ ਪਵੇਗਾ।

ਕੇਐਲ ਰਾਹੁਲ ਨੇ ਵਿਜੇ ਹਜ਼ਾਰੇ ਟਰਾਫੀ ਲਈ ਕਰਨਾਟਕ ਦੇ ਮੈਚਾਂ ਤੋਂ ਆਰਾਮ ਵੀ ਮੰਗਿਆ ਸੀ। ਕਰਨਾਟਕ ਦੀ ਟੀਮ ਨੂੰ ਇਸ ਹਫ਼ਤੇ ਕੁਆਰਟਰ ਫਾਈਨਲ ਮੈਚ ’ਚ ਹਿੱਸਾ ਲੈਣਾ ਹੈ। ਅਸਟਰੇਲੀਆ ਦੌਰੇ ਤੋਂ ਬਾਅਦ, ਮੁੱਖ ਕੋਚ ਗੌਤਮ ਗੰਭੀਰ ਨੇ ਖਿਡਾਰੀਆਂ ਦੀ ਘਰੇਲੂ ਕ੍ਰਿਕੇਟ ਖੇਡਣ ਦੀ ਇੱਛਾ ਜਾਹਿਰ ਕੀਤੀ ਸੀ ਤੇ ਇਹ ਦੇਖਣਾ ਦਿਲਚਸਪ ਹੋਵੇਗਾ ਕਿ ਕੀ ਰਾਹੁਲ ਰਣਜੀ ਟਰਾਫੀ ਦੇ ਅਗਲੇ ਦੌਰ ਲਈ ਕਰਨਾਟਕ ਟੀਮ ਦਾ ਹਿੱਸਾ ਹੋਣਗੇ ਜਾਂ ਨਹੀਂ। Team India

ਕਪਤਾਨ ਰੋਹਿਤ ਸ਼ਰਮਾ ਦੀ ਵਾਪਸੀ | IND vs AUS

• ਭਾਰਤੀ ਟੀਮ ਲਈ ਕੀਤੇ ਗਏ ਹਨ ਕਈ ਬਦਲਾਅ
• ਸ਼ੁਭਮਨ ਗਿੱਲ ਦੀ ਵੀ ਹੋਈ ਹੈ ਵਾਪਸੀ

IND vs AUS: ਸਪੋਰਟਸ ਡੈਸਕ। ਭਾਰਤ ਤੇ ਅਸਟਰੇਲੀਆ ਵਿਚਕਾਰ ਬਾਰਡਰ-ਗਾਵਸਕਰ ਟਰਾਫੀ ਦਾ ਦੂਜਾ ਮੈਚ ਅੱਜ ਐਡੀਲੇਡ ਦੇ ਓਵਲ ਮੈਦਾਨ ’ਤੇ ਖੇਡਿਆ ਜਾਵੇਗਾ। ਇਹ ਮੈਚ ਡੇ-ਨਾਈਟ ਹੋਵੇਗਾ। ਭਾਵ ਲਾਲ ਗੇਂਦ ਦੀ ਬਜਾਏ ਇਹ ਮੈਚ ਗੁਲਾਬੀ ਗੇਂਦ ਨਾਲ ਖੇਡਿਆ ਜਾਵੇਗਾ। ਇਸ ਨੂੰ ਪਿੰਕ ਬਾਲ ਟੈਸਟ ਵੀ ਕਿਹਾ ਜਾਂਦਾ ਹੈ। ਇਹ ਮੈਚ ਭਾਰਤੀ ਸਮੇਂ ਅਨੁਸਾਰ ਸਵੇਰੇ ਸਾਢੇ ਨੌ ਵਜੇ ਸ਼ੁਰੂ ਹੋਵੇਗਾ। ਟਾਸ ਅੱਧਾ ਘੰਟਾ ਪਹਿਲਾਂ ਭਾਵ 9 ਵਜੇ ਹੋਵੇਗਾ। ਪਿਛਲੇ 9 ਸਾਲਾਂ ’ਚ ਕੁਲ 22 ਡੇ-ਨਾਈਟ ਟੈਸਟ ਖੇਡੇ ਗਏ ਹਨ ਤੇ ਸਾਰਿਆਂ ਦੇ ਨਤੀਜੇ ਨਿਕਲੇ ਹਨ। ਇਸ ਵਿੱਚ 73 ਫੀਸਦੀ ਮੈਚ 4 ਜਾਂ ਇਸ ਤੋਂ ਘੱਟ ਦਿਨਾਂ ਵਿੱਚ ਹੀ ਖਤਮ ਹੋ ਗਏ ਹਨ। 22 ’ਚ ਸਿਰਫ 6 ਟੈਸਟ ਮੈਚ 5 ਦਿਨਾਂ ਤੱਕ ਚੱਲਿਆ ਹੈ, ਜਦਕਿ 16 ਟੈਸਟ ਮੈਚਾਂ ਦੇ ਨਤੀਜੇ 4 ਜਾਂ ਇਸ ਤੋਂ ਵੀ ਘੱਟ ਸਮੇਂ ’ਚ ਨਿਕਲੇ ਹਨ।

ਇਹ ਖਬਰ ਵੀ ਪੜ੍ਹੋ : Adelaide Test: ਜਾਣੋ ਐਡੀਲੇਡ ਟੈਸਟ ਲਈ ਭਾਰਤ ਦੀ ਸੰਭਾਵਿਤ ਪਲੇਇੰਗ-11, ਇਹ ਖਿਡਾਰੀ ਕਰੇਗਾ ਓਪਨਿੰਗ

ਹੁਣ ਮੈਚ ਸਬੰਧੀ ਜਾਣਕਾਰੀ | IND vs AUS

• ਟੂਰਨਾਮੈਂਟ : ਬਾਰਡਰ-ਗਾਵਸਕਰ ਟਰਾਫੀ
• ਮੈਚ : ਦੂਜਾ ਟੈਸਟ ਮੈਚ
• ਟੀਮਾਂ : ਭਾਰਤ ਬਨਾਮ ਅਸਟਰੇਲੀਆ
• ਸਟੇਡੀਅਮ : ਐਡੀਲੇਡ ਕ੍ਰਿਕੇਟ ਸਟੇਡੀਅਮ
• ਟਾਸ : ਭਾਰਤੀ ਸਮੇਂ ਮੁਤਾਬਕ ਸਵੇਰੇ 9 ਵਜੇ
• ਮੈਚ ਸ਼ੁਰੂ : ਭਾਰਤੀ ਸਮੇਂ ਅਨੁਸਾਰ ਸਵੇਰੇ ਸਾਢੇ 9 ਵਜੇ

ਭਾਰਤ ਦੇ ਕਦੋਂ-ਕਦੋਂ ਖੇਡੇ ਡੇ-ਨਾਈਟ ਟੈਸਟ | IND vs AUS

ਭਾਰਤ ਨੇ ਹੁਣ ਤੱਕ ਆਪਣੀ ਧਰਤੀ ’ਤੇ ਚਾਰ ਡੇ-ਨਾਈਟ ਟੈਸਟ ਮੈਚਾਂ ’ਚੋਂ ਤਿੰਨ ਤੇ ਅਸਟਰੇਲੀਆ ’ਚ ਇੱਕ ਟੈਸਟ ਮੈਚ ਖੇਡਿਆ ਹੈ। ਭਾਰਤ ਨੇ ਨਵੰਬਰ 2019 ’ਚ ਬੰਗਲਾਦੇਸ਼ ਵਿਰੁੱਧ ਖੇਡਿਆ ਗਿਆ ਆਪਣਾ ਪਹਿਲਾ ਗੁਲਾਬੀ ਗੇਂਦ ਦਾ ਟੈਸਟ ਤਿੰਨ ਦਿਨਾਂ ’ਚ ਜਿੱਤ ਲਿਆ ਸੀ। ਇਸ ਦੇ ਨਾਲ ਹੀ ਦਸੰਬਰ 2020 ’ਚ ਅਸਟਰੇਲੀਆ ਦੇ ਐਡੀਲੇਡ ’ਚ ਖੇਡੇ ਗਏ ਡੇ-ਨਾਈਟ ਟੈਸਟ ’ਚ ਭਾਰਤ ਨੂੰ ਤਿੰਨ ਦਿਨਾਂ ਦੇ ਅੰਦਰ ਹੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਇਸ ਤੋਂ ਬਾਅਦ ਫਰਵਰੀ 2021 ’ਚ ਭਾਰਤ ਨੇ ਇੰਗਲੈਂਡ ਖਿਲਾਫ਼ ਡੇ-ਨਾਈਟ ਟੈਸਟ ਸਿਰਫ਼ ਦੋ ਦਿਨਾਂ ’ਚ ਜਿੱਤ ਲਿਆ ਸੀ। 2022 ’ਚ, ਬੈਂਗਲੁਰੂ ’ਚ ਸ਼੍ਰੀਲੰਕਾ ਖਿਲਾਫ ਖੇਡਿਆ ਗਿਆ ਡੇ-ਨਾਈਟ ਟੈਸਟ ਟੀਮ ਇੰਡੀਆ ਨੇ ਤਿੰਨ ਦਿਨਾਂ ’ਚ ਜਿੱਤਿਆ ਸੀ।

ਐਡੀਲੇਡ ਓਵਲ ’ਚ ਟੀਮ ਇੰਡੀਆ ਦਾ ਰਿਕਾਰਡ | IND vs AUS

ਭਾਰਤ ਨੇ ਐਡੀਲੇਡ ’ਚ ਹੁਣ ਤੱਕ 13 ਟੈਸਟ ਮੈਚ ਖੇਡੇ ਹਨ। ਟੀਮ ਇੰਡੀਆ ਨੇ ਇਨ੍ਹਾਂ ’ਚੋਂ ਸਿਰਫ ਦੋ ਮੈਚ ਜਿੱਤੇ ਹਨ। ਭਾਰਤੀ ਟੀਮ ਨੂੰ ਅੱਠ ਮੈਚਾਂ ’ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਇਸ ਦੇ ਨਾਲ ਹੀ ਤਿੰਨ ਟੈਸਟ ਡਰਾਅ ਹੋਏ ਹਨ। ਭਾਰਤ ਨੇ 2003 ’ਚ ਐਡੀਲੇਡ ’ਚ ਪਹਿਲਾ ਟੈਸਟ ਜਿੱਤਿਆ ਸੀ। ਫਿਰ ਉਨ੍ਹਾਂ ਨੇ ਅਸਟਰੇਲੀਆ ਨੂੰ ਚਾਰ ਵਿਕਟਾਂ ਨਾਲ ਹਰਾਇਆ। ਇਸ ਦੇ ਨਾਲ ਹੀ 2018 ’ਚ ਵੀ ਟੀਮ ਇੰਡੀਆ ਨੇ ਐਡੀਲੇਡ ’ਚ ਅਸਟਰੇਲੀਆ ਨੂੰ 31 ਦੌੜਾਂ ਨਾਲ ਹਰਾਇਆ ਸੀ। ਇਸ ਦੇ ਨਾਲ ਹੀ ਅਸਟਰੇਲੀਆ ਨੇ ਐਡੀਲੇਡ ਓਵਲ ’ਚ ਹੁਣ ਤੱਕ 82 ਟੈਸਟ ਖੇਡੇ ਹਨ ਤੇ 45 ਜਿੱਤੇ ਹਨ। ਕੰਗਾਰੂਆਂ ਨੂੰ 18 ਟੈਸਟਾਂ ’ਚ ਹਾਰ ਦਾ ਸਾਹਮਣਾ ਕਰਨਾ ਪਿਆ। 19 ਮੈਚ ਡਰਾਅ ਰਹੇ ਹਨ। IND vs AUS

ਭਾਰਤ ਤੇ ਅਸਟਰੇਲੀਆ ਵਿਚਕਾਰ ਟੈਸਟ ’ਚ ਓਵਰਆਲ ਰਿਕਾਰਡ

ਭਾਰਤ ਤੇ ਅਸਟਰੇਲੀਆ ਵਿਚਕਾਰ ਕੁੱਲ ਰਿਕਾਰਡ ਦੀ ਗੱਲ ਕਰੀਏ ਤਾਂ ਦੋਵਾਂ ਵਿਚਕਾਰ ਕੁੱਲ 108 ਟੈਸਟ ਮੈਚ ਖੇਡੇ ਗਏ ਹਨ। ਇਨ੍ਹਾਂ ’ਚੋਂ ਭਾਰਤ ਨੇ 33 ਤੇ ਅਸਟਰੇਲੀਆ ਨੇ 45 ਮੈਚ ਜਿੱਤੇ ਹਨ। 29 ਟੈਸਟ ਡਰਾਅ ਰਹੇ ਹਨ, ਜਦਕਿ ਇੱਕ ਟੈਸਟ ਟਾਈ ਰਿਹਾ ਹੈ। ਇਸ ਦੇ ਨਾਲ ਹੀ ਦੋਵਾਂ ਟੀਮਾਂ ਵਿਚਾਲੇ ਅਸਟਰੇਲੀਆ ਦੀ ਧਰਤੀ ’ਤੇ ਕੁੱਲ 53 ਟੈਸਟ ਹੋਏ ਹਨ। ਇਨ੍ਹਾਂ ’ਚੋਂ ਭਾਰਤ ਨੇ 10 ਮੈਚ ਜਿੱਤੇ ਹਨ ਜਦਕਿ ਅਸਟਰੇਲੀਆ ਨੇ 30 ਮੈਚ ਜਿੱਤੇ ਹਨ। 13 ਟੈਸਟ ਡਰਾਅ ਰਹੇ ਹਨ।

ਭਾਰਤ ਤੇ ਅਸਟਰੇਲੀਆ ਵਿਚਕਾਰ ਦੂਜਾ ਮੈਚ ਟੀਵੀ ’ਤੇ ਕਿਹੜੇ ਚੈਨਲ ’ਤੇ ਵੇਖ ਸਕਦੇ ਹੋ

ਭਾਰਤ ਤੇ ਅਸਟਰੇਲੀਆ ਵਿਚਕਾਰ ਦੂਜਾ ਟੈਸਟ ਮੈਚ ਟੈਲੀਵਿਜ਼ਨ ’ਤੇ ਤੁਸੀਂ ਸਟਾਰ ਸਪੋਰਟਸ ਚੈੱਨਲ ’ਤੇ ਵੇਖ ਸਕਦੇ ਹੋਂ।

ਦੋਵਾਂ ਟੀਮਾਂ ਦੀ ਸੰਭਾਵਿਤ ਪਲੇਇੰਗ-11 | IND vs AUS

ਭਾਰਤ : ਰੋਹਿਤ ਸ਼ਰਮਾ (ਕਪਤਾਨ), ਕੇਐਲ ਰਾਹੁਲ, ਯਸ਼ਸਵੀ ਜਾਇਸਵਾਲ, ਸ਼ੁਭਮਨ ਗਿੱਲ, ਵਿਰਾਟ ਕੋਹਲੀ, ਰਿਸ਼ਭ ਪੰਤ (ਵਿਕਟਕੀਪਰ), ਵਾਸ਼ਿੰਗਟਨ ਸੁੰਦਰ, ਨਿਤੀਸ਼ ਕੁਮਾਰ ਰੈਡੀ, ਹਰਸ਼ਿਤ ਰਾਣਾ, ਜਸਪ੍ਰੀਤ ਬੁਮਰਾਹ ਤੇ ਮੁਹੰਮਦ ਸਿਰਾਜ।

ਅਸਟਰੇਲੀਆ : ਪੈਟ ਕਮਿੰਸ (ਕਪਤਾਨ), ਨਾਥਨ ਮੈਕਸਵੀਨੀ, ਉਸਮਾਨ ਖਵਾਜਾ, ਸਟੀਵ ਸਮਿਥ, ਮਾਰਨਸ ਲੈਬੁਸ਼ਗਨ, ਟ੍ਰੈਵਿਸ ਹੈੱਡ, ਅਲੈਕਸ ਕੈਰੀ (ਵਿਕਟਕੀਪਰ), ਨਾਥਨ ਲਿਓਨ, ਮਿਸ਼ੇਲ ਸਟਾਰਕ, ਸਕਾਟ ਬੋਲੈਂਡ ਤੇ ਬੀਓ ਵੈਬਸਟਰ।

Adelaide Test: ਸਪੋਰਟਸ ਡੈਸਕ। ਭਾਰਤੀ ਬੱਲੇਬਾਜ਼ ਕੇਐਲ ਰਾਹੁਲ ਨੇ ਐਡੀਲੇਡ ਟੈਸਟ ਤੋਂ 2 ਦਿਨ ਪਹਿਲਾਂ ਕਿਹਾ ਹੈ ਕਿ ਉਹ ਕਿਸੇ ਵੀ ਸਥਿਤੀ ’ਤੇ ਬੱਲੇਬਾਜ਼ੀ ਕਰ ਸਕਦੇ ਹਨ। ਬੁੱਧਵਾਰ ਨੂੰ ਰਾਹੁਲ ਤੋਂ ਉਨ੍ਹਾਂ ਦੀ ਪਸੰਦੀਦਾ ਬੱਲੇਬਾਜ਼ੀ ਸਥਿਤੀ ਬਾਰੇ ਪੁੱਛਿਆ ਗਿਆ। ਉਨ੍ਹਾਂ ਨੇ ਓਵਲ ਮੈਦਾਨ ’ਚ ਅਭਿਆਸ ਤੋਂ ਬਾਅਦ ਮੀਡੀਆ ਨਾਲ ਗੱਲਬਾਤ ਕੀਤੀ। ਜਦੋਂ 32 ਸਾਲਾ ਕੇਐੱਲ ਰਾਹੁਲ ਤੋਂ ਪੁੱਛਿਆ ਗਿਆ ਕਿ ਉਹ ਕਿਹੜੀ ਬੱਲੇਬਾਜ਼ੀ ਸਥਿਤੀ ’ਚ ਆਰਾਮਦਾਇਕ ਹੈ ਤਾਂ ਉਸ ਨੇ ਕਿਹਾ- ‘ਕਿਸੇ ਵੀ ਥਾਂ… ਮੈਂ ਪਹਿਲਾਂ ਵੀ ਕਿਹਾ ਹੈ ਕਿ ਮੈਂ ਸਿਰਫ ਪਲੇਇੰਗ-11 ’ਚ ਰਹਿਣਾ ਚਾਹੁੰਦਾ ਹਾਂ। ਤੁਸੀਂ ਮੈਨੂੰ ਟੀਮ ’ਚ ਕਿਤੇ ਵੀ ਫਿੱਟ ਕਰ ਸਕਦੇ ਹੋ। ਮੈਂ ਸਿਰਫ ਟੀਮ ਲਈ ਖੇਡਣਾ ਚਾਹੁੰਦਾ ਹਾਂ। ਕੀ ਤੁਹਾਨੂੰ ਆਪਣੀ ਬੱਲੇਬਾਜ਼ੀ ਸਥਿਤੀ ਬਾਰੇ ਸੂਚਿਤ ਕੀਤਾ ਗਿਆ ਹੈ…? ਇਸ ਸਵਾਲ ਦੇ ਜਵਾਬ ’ਚ ਰਾਹੁਲ ਨੇ ਮੁਸਕਰਾਉਂਦੇ ਹੋਏ ਕਿਹਾ- ਹਾਂ, ਪਰ ਇਹ ਵੀ ਕਿਹਾ ਗਿਆ ਹੈ ਕਿ ਮੈਨੂੰ ਇਸ ਨੂੰ ਤੁਹਾਡੇ ਨਾਲ ਸਾਂਝਾ ਨਹੀਂ ਕਰਨਾ ਚਾਹੀਦਾ। KL Rahul

ਇਹ ਖਬਰ ਵੀ ਪੜ੍ਹੋ : ਇਸ ਦਿਨ ਹੋਵੇਗਾ ਸਟਾਰ ਬੈਡਮਿੰਟਰ ਖਿਡਾਰਨ ਦਾ ਵਿਆਹ, ਜਾਣੋ ਕੌਣ ਹਨ ਉਨ੍ਹਾਂ ਦੇ ਹੋਣ ਵਾਲੇ ਪਤੀ

ਅੱਗੇ ਬੋਲਦਿਆਂ ਕੇਐਲ ਰਾਹੁਲ ਨੇ ਕਿਹਾ- | Adelaide Test

ਮੈਂ ਬੱਲੇਬਾਜ਼ੀ ਲੜੀ ਨੂੰ ਬਦਲਣ ਦੀ ਮਾਨਸਿਕ ਚੁਣੌਤੀ ਨੂੰ ਪਾਰ ਕਰ ਲਿਆ ਹੈ। ਮੈਂ ਕਈ ਸਥਾਨਾਂ ’ਤੇ ਬੱਲੇਬਾਜ਼ੀ ਕੀਤੀ ਹੈ। ਪਹਿਲਾਂ ਇਹ ਥੋੜਾ ਚੁਣੌਤੀਪੂਰਨ ਸੀ, ਨਾ ਸਿਰਫ ਤਕਨੀਕੀ ਤੌਰ ’ਤੇ, ਬਲਕਿ ਮਾਨਸਿਕ ਤੌਰ’ ਤੇ ਵੀ। ਬੱਲੇਬਾਜ਼ੀ ਲੜੀ ਨੂੰ ਬਦਲਣ ਨੇ ਮੈਨੂੰ ਇਹ ਸੋਚਣ ਲਈ ਮਜਬੂਰ ਕੀਤਾ ਕਿ ਪਹਿਲੀਆਂ 20-25 ਗੇਂਦਾਂ ਕਿਵੇਂ ਖੇਡੀਆਂ ਜਾਣੀਆਂ ਹਨ। ਮੈਂ ਕਿੰਨੀ ਜਲਦੀ ਹਮਲਾਵਰ ਬਣ ਸਕਦਾ ਹਾਂ? ਮੈਨੂੰ ਕਿੰਨਾ ਸਾਵਧਾਨ ਰਹਿਣ ਦੀ ਲੋੜ ਹੈ? ਇਹ ਉਹ ਚੀਜ਼ਾਂ ਸਨ ਜੋ ਸ਼ੁਰੂ ’ਚ ਮੁਸ਼ਕਲ ਸਨ।

ਸਵਾਲ-ਜਵਾਬ ’ਚ ਪੂਰੇ ਮਾਮਲੇ ਨੂੰ ਸਮਝੋ… | Adelaide Test

ਰਾਹੁਲ ਦੀ ਬੱਲੇਬਾਜ਼ੀ ਸਥਿਤੀ ’ਤੇ ਸਵਾਲ ਕਿਉਂ?

ਰਾਹੁਲ ਨੇ ਪਰਥ ਟੈਸਟ ’ਚ ਰੋਹਿਤ ਦੀ ਗੈਰ-ਮੌਜੂਦਗੀ ’ਚ ਓਪਨਿੰਗ ਕੀਤੀ ਸੀ। ਉਸ ਨੇ ਪਹਿਲੀ ਪਾਰੀ ’ਚ 74 ਗੇਂਦਾਂ ’ਚ 26 ਤੇ ਦੂਜੀ ਪਾਰੀ ’ਚ 176 ਗੇਂਦਾਂ ’ਚ 77 ਦੌੜਾਂ ਬਣਾਈਆਂ। ਉਸ ਨੇ ਦੂਜੀ ਪਾਰੀ ’ਚ ਯਸ਼ਸਵੀ ਜਾਇਸਵਾਲ ਨਾਲ 201 ਦੌੜਾਂ ਦੀ ਰਿਕਾਰਡ ਓਪਨਿੰਗ ਸਾਂਝੇਦਾਰੀ ਕੀਤੀ। ਹੁਣ ਕਪਤਾਨ ਰੋਹਿਤ ਸ਼ਰਮਾ ਟੀਮ ’ਚ ਸ਼ਾਮਲ ਹੋ ਗਏ ਹਨ। ਉਸ ਦੇ ਆਉਣ ਨਾਲ ਸਵਾਲ ਉੱਠ ਰਹੇ ਹਨ ਕਿ ਯਸ਼ਸਵੀ ਜਾਇਸਵਾਲ ਨਾਲ ਓਪਨਿੰਗ ਕੌਣ ਕਰੇਗਾ? ਕੇਐਲ ਰਾਹੁਲ ਜਾਂ ਨਿਯਮਤ ਸਲਾਮੀ ਬੱਲੇਬਾਜ਼ ਰੋਹਿਤ ਸ਼ਰਮਾ। ਇਹ ਸਵਾਲ ਇਸ ਲਈ ਵੀ ਉੱਠ ਰਿਹਾ ਹੈ ਕਿਉਂਕਿ ਰੋਹਿਤ ਸ਼ਰਮਾ ਪਿਛਲੀਆਂ 5 ਪਾਰੀਆਂ ’ਚ ਅਰਧ ਸੈਂਕੜੇ ਨਹੀਂ ਬਣਾ ਸਕੇ ਹਨ। ਉਨਾਂ ਨੇ ਪਿਛਲੀਆਂ 5 ਪਾਰੀਆਂ ’ਚ ਸਿਰਫ 39 ਦੌੜਾਂ ਹੀ ਬਣਾਈਆਂ ਹਨ।

ਬਾਰਡਰ-ਗਾਵਸਕਰ ਟਰਾਫੀ ਦਾ ਦੂਜਾ ਮੈਚ 6 ਨਵੰਬਰ ਤੋਂ

ਬਾਰਡਰ-ਗਾਵਸਕਰ ਟਰਾਫੀ ਦਾ ਦੂਜਾ ਮੈਚ 6 ਨਵੰਬਰ ਤੋਂ ਐਡੀਲੇਡ ’ਚ ਖੇਡਿਆ ਜਾਣਾ ਹੈ। ਇਸ ਸੀਰੀਜ਼ ਦਾ ਇਹ ਇੱਕੋ-ਇੱਕ ਡੇ-ਨਾਈਟ ਟੈਸਟ ਹੈ। ਪਿਛਲੇ ਦੌਰੇ ’ਤੇ ਭਾਰਤੀ ਟੀਮ ਡੇ-ਨਾਈਟ ਟੈਸਟ ’ਚ 36 ਦੌੜਾਂ ’ਤੇ ਆਲ ਆਊਟ ਹੋ ਗਈ ਸੀ। ਅਜਿਹੇ ’ਚ ਇਸ ਵਾਰ ਐਡੀਲੇਟ ਟੈਸਟ ਟਰੈਂਡਿੰਗ ’ਚ ਹੈ।