ਨਵੀਂ ਦਿੱਲੀ (ਏਜੰਸੀ)। Yamuna Expressway: ਜੇਕਰ ਤੁਸੀਂ ਆਉਣ ਵਾਲੇ ਦਿਨਾਂ ’ਚ ਯਮੁਨਾ ਐਕਸਪ੍ਰੈਸਵੇਅ ਤੋਂ ਯਾਤਰਾ ਕਰਨ ਬਾਰੇ ਸੋਚ ਰਹੇ ਹੋ, ਤਾਂ ਇਹ ਜਾਣਕਾਰੀ ਤੁਹਾਡੇ ਲਈ ਖਾਸ ਤੌਰ ’ਤੇ ਲਾਭਦਾਇਕ ਹੋਵੇਗੀ। ਸਰਦੀਆਂ ’ਚ ਧੁੰਦ ਪੈਣ ਦੀ ਸੰਭਾਵਨਾ ਦੇ ਮੱਦੇਨਜ਼ਰ ਯਮੁਨਾ ਐਕਸਪ੍ਰੈਸਵੇਅ ਅਥਾਰਟੀ ਨੇ ਵਾਹਨਾਂ ਦੀ ਸਪੀਡ ਲਿਮਟ ’ਚ ਬਦਲਾਅ ਕੀਤਾ ਹੈ। ਸ਼ਨਿੱਚਰਵਾਰ ਰਾਤ 12 ਵਜੇ ਤੋਂ ਲਾਗੂ ਹੋਏ ਨਵੇਂ ਨਿਯਮ ਮੁਤਾਬਕ ਭਾਰੀ ਵਾਹਨਾਂ ਲਈ ਜ਼ਿਆਦਾ ਤੋਂ ਜ਼ਿਆਦਾ ਸਪੀਡ ਸੀਮਾ 60 ਕਿਲੋਮੀਟਰ ਪ੍ਰਤੀ ਘੰਟਾ ਤੇ ਹਲਕੇ ਵਾਹਨਾਂ ਲਈ 75 ਕਿਲੋਮੀਟਰ ਪ੍ਰਤੀ ਘੰਟਾ ਤੈਅ ਕੀਤੀ ਗਈ ਹੈ। ਪਿਛਲੇ ਨਿਯਮਾਂ ਅਨੁਸਾਰ ਹਲਕੇ ਵਾਹਨਾਂ ਲਈ ਸਪੀਡ ਸੀਮਾ 100 ਕਿਲੋਮੀਟਰ ਪ੍ਰਤੀ ਘੰਟਾ ਤੇ ਭਾਰੀ ਵਾਹਨਾਂ ਲਈ 80 ਕਿਲੋਮੀਟਰ ਪ੍ਰਤੀ ਘੰਟਾ ਸੀ। ਇਹ ਨਵਾਂ ਨਿਯਮ 15 ਫਰਵਰੀ ਤੱਕ ਸਾਰੇ ਡਰਾਈਵਰਾਂ ’ਤੇ ਲਾਗੂ ਰਹੇਗਾ। Yamuna Expressway

ਇਹ ਖਬਰ ਵੀ ਪੜ੍ਹੋ : Expressway News: ਇਹ ਸੂਬੇ ’ਚ ਬਣਨ ਜਾ ਰਹੇ ਹਨ 3 ਐਕਸਪ੍ਰੈੱਸਵੇਅ, ਜਾਣੋ ਕਿੱਥੋ-ਕਿੱਥੋ ਦਾ ਸਫਰ ਹੋਵੇਗ ਆਸਾਨ…

ਧੁੰਦ ਕਾਰਨ ਵੱਧਦਾ ਸੁਰੱਖਿਆ ਖਤਰਾ

ਸਰਦੀਆਂ ਦੌਰਾਨ ਧੁੰਦ ਕਾਰਨ ਯਮੁਨਾ ਐਕਸਪ੍ਰੈਸ ਵੇਅ ’ਤੇ ਅਕਸਰ ਸੜਕ ਹਾਦਸਿਆਂ ਦੀਆਂ ਘਟਨਾਵਾਂ ਵਧ ਜਾਂਦੀਆਂ ਹਨ। ਕਈ ਵਾਰ ਕਈ ਵਾਹਨਾਂ ਦੇ ਇੱਕੋ ਸਮੇਂ ਟਕਰਾਉਣ ਦੇ ਮਾਮਲੇ ਵੀ ਸਾਹਮਣੇ ਆ ਚੁੱਕੇ ਹਨ। ਇਨ੍ਹਾਂ ਹਾਦਸਿਆਂ ਨੂੰ ਰੋਕਣ ਲਈ ਯਮੁਨਾ ਅਥਾਰਟੀ ਨੇ ਐਕਸਪ੍ਰੈਸਵੇਅ ਪ੍ਰਬੰਧਨ ਨੂੰ ਰਫ਼ਤਾਰ ਸੀਮਾ ਘਟਾਉਣ ਲਈ ਰਿਪੋਰਟ ਭੇਜੀ ਸੀ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਧੁੰਦ ਦੌਰਾਨ ਸਾਵਧਾਨ ਰਹਿ ਕੇ ਸਫ਼ਰ ਕਰਨਾ ਸੁਰੱਖਿਅਤ ਰਹਿ ਸਕਦਾ ਹੈ।

ਅਨੁਸੂਚਿਤ ਚਲਾਨ | Yamuna Expressway

ਸਪੀਡ ਲਿਮਟ ਦੀ ਉਲੰਘਣਾ ਕਰਨ ’ਤੇ ਡਰਾਈਵਰਾਂ ਨੂੰ 2,000 ਤੋਂ 4,000 ਰੁਪਏ ਦੇ ਭਾਰੀ ਚਲਾਨ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਇਸ ਦਿਸ਼ਾ ’ਚ ਜਾਗਰੂਕਤਾ ਫੈਲਾਉਣ ਲਈ, ਯਮੁਨਾ ਐਕਸਪ੍ਰੈਸ ਵੇਅ ’ਤੇ ਵੱਖ-ਵੱਖ ਥਾਵਾਂ ’ਤੇ ਗਤੀ ਸੀਮਾ ਸੂਚਕ ਬੋਰਡ ਲਾਏ ਗਏ ਹਨ। ਇਸ ਤੋਂ ਇਲਾਵਾ ਟੋਲ ਪਲਾਜ਼ਿਆਂ ’ਤੇ ਮਾਈਕ ਲਾ ਕੇ ਤੇ ਰਸਤੇ ’ਚ ਲੱਗੇ ਸਾਈਨ ਬੋਰਡਾਂ ਰਾਹੀਂ ਵੀ ਲੋਕਾਂ ਨੂੰ ਨਵੀਂ ਸਪੀਡ ਲਿਮਟ ਬਾਰੇ ਜਾਣੂ ਕਰਵਾਇਆ ਜਾ ਰਿਹਾ ਹੈ।

ਯਮੁਨਾ ਐਕਸਪ੍ਰੈਸਵੇਅ ਦੀ ਮਹੱਤਤਾ

ਯਮੁਨਾ ਐਕਸਪ੍ਰੈਸਵੇਅ, ਜੋ ਕਿ 2012 ’ਚ ਆਮ ਲੋਕਾਂ ਲਈ ਖੋਲ੍ਹਿਆ ਗਿਆ ਸੀ, 6 ਲੇਨ ਚੌੜਾ ਤੇ 165.5 ਕਿਲੋਮੀਟਰ ਲੰਬਾ ਹੈ। ਇਹ ਐਕਸਪ੍ਰੈੱਸ ਵੇਅ ਆਗਰਾ ਤੇ ਦਿੱਲੀ ਨੂੰ ਜੋੜਦਾ ਹੈ, ਜਿੱਥੇ ਯਾਤਰਾ ਦਾ ਸਮਾਂ ਲਗਭਗ ਦੋ ਤੋਂ ਢਾਈ ਘੰਟੇ ਲੱਗਦਾ ਹੈ।

Yamuna Expressway: ਨਵੀਂ ਦਿੱਲੀ (ਸੱਚ ਕਹੂੰ ਨਿਊਜ਼)। ਸੁਪਰੀਮ ਕੋਰਟ ਨੇ ਮੰਗਲਵਾਰ ਨੂੰ ਉੱਤਰ-ਪ੍ਰਦੇਸ਼ ਦੇ ਗੌਤਮ ਬੁੱਧ ਨਗਰ ’ਚ ਯਮੁਨਾ ਐਕਸਪ੍ਰੈਸਵੇਅ ਤੇ ਇਸ ਦੇ ਆਸਪਾਸ ਦੇ ਖੇਤਰਾਂ ਦੇ ਏਕੀਕ੍ਰਿਤ ਵਿਕਾਸ ਲਈ ਜ਼ਮੀਨ ਪ੍ਰਾਪਤੀ ਦੀ ਵੈਧਤਾ ਨੂੰ ਬਰਕਰਾਰ ਰੱਖਣ ਦਾ ਫੈਸਲਾ ਸੁਣਾਇਆ। ਜਸਟਿਸ ਬੀਆਰ ਗਵਈ ਤੇ ਸੰਦੀਪ ਮਹਿਤਾ ਦੇ ਬੈਂਚ ਨੇ ਜ਼ਮੀਨ ਮਾਲਕਾਂ ਦੀਆਂ ਅਪੀਲਾਂ ਨੂੰ ਖਾਰਜ ਕਰਦੇ ਹੋਏ ਯਮੁਨਾ ਐਕਸਪ੍ਰੈਸਵੇਅ ਇੰਡਸਟਰੀਅਲ ਡਿਵੈਲਪਮੈਂਟ ਅਥਾਰਟੀ ਵੱਲੋਂ ਦਾਇਰ ਅਪੀਲਾਂ ਨੂੰ ਮਨਜ਼ੂਰੀ ਦੇ ਦਿੱਤੀ। ਸੁਪਰੀਮ ਕੋਰਟ ਦੇ ਫੈਸਲੇ ਨੇ ਭੂਮੀ ਗ੍ਰਹਿਣ ਐਕਟ, 1894 ਵਿੱਚ ਜ਼ਰੂਰੀ ਵਿਵਸਥਾਵਾਂ ਦੀ ਅਰਜ਼ੀ ’ਤੇ ਲੰਬੇ ਸਮੇਂ ਤੋਂ ਚੱਲ ਰਹੇ ਵਿਵਾਦ ਨੂੰ ਵੀ ਸੁਲਝਾਇਆ।

ਇਹ ਖਬਰ ਵੀ ਪੜ੍ਹੋ : Free Solar Chulha Yojana 2024: ਸਰਕਾਰ ਵੱਲੋਂ ਔਰਤਾਂ ਨੂੰ ਵੱਡਾ ਤੋਹਫਾ, ਮੁਫਤ ’ਚ ਲਾਈਆਂ ਜਾਣਗੀਆਂ ਸੋਲਰ ਪੈਨਲ ਪਲੇ…

ਯਮੁਨਾ ਐਕਸਪ੍ਰੈਸਵੇਅ ਦਾ ਨਾਂਅ ਹੋਵੇਗਾ ਅਟਲ ਬਿਹਾਰੀ ਵਾਜਪਾਈ ਐਕਸਪ੍ਰੈਸਵੇਅ 

(ਏਜੰਸੀ), ਨੋਇਡਾ। 25 ਨਵੰਬਰ ਨੂੰ ਨੋਇਡਾ ਦੇ ਜੇਵਰ ਵਿੱਚ ਏਸ਼ੀਆ ਦੇ ਸਭ ਤੋਂ ਵੱਡੇ ਅੰਤਰਰਾਸ਼ਟਰੀ ਹਵਾਈ ਅੱਡੇ ਦਾ ਨੀਂਹ ਪੱਥਰ ਰੱਖਿਆ ਜਾ ਰਿਹਾ ਹੈ। ਇਸੇ ਦਿਨ ਇੱਕ ਹੋਰ ਵੱਡਾ ਐਲਾਨ ਕੀਤੇ ਜਾਣ ਦੀ ਸੰਭਾਵਨਾ ਹੈ। ਯਮੁਨਾ ਐਕਸਪ੍ਰੈਸਵੇਅ ਦਾ ਨਾਂ ਸਾਬਕਾ ਪ੍ਰਧਾਨ ਮੰਤਰੀ ਅਟਲ ਬਿਹਾਰੀ ਵਾਜਪਾਈ ਦੇ ਨਾਂਅ ‘ਤੇ ਰੱਖਿਆ ਜਾ ਸਕਦਾ ਹੈ।

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਹਵਾਈ ਅੱਡੇ ਦਾ ਨੀਂਹ ਪੱਥਰ ਰੱਖਣਗੇ। ਇਸ ਪ੍ਰੋਗਰਾਮ ਲਈ ਪ੍ਰਸ਼ਾਸਨ ਨੇ ਜੰਗੀ ਪੱਧਰ ‘ਤੇ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਇਸ ਮੌਕੇ ‘ਤੇ ਪੀਐਮ ਮੋਦੀ ਰੈਲੀ ਨੂੰ ਸੰਬੋਧਨ ਕਰਨਗੇ।

ਜਿਕਰਯੋਗ ਹੈ ਕਿ ਅਗਲੇ ਸਾਲ ਯੂਪੀ ਵਿੱਚ ਵਿਧਾਨ ਸਭਾ ਚੋਣਾਂ ਹਨ। ਚੋਣਾਂ ਤੋਂ ਪਹਿਲਾਂ ਯਮੁਨਾ ਐਕਸਪ੍ਰੈਸਵੇਅ ਦਾ ਨਾਂਅ ਸਾਬਕਾ ਪ੍ਰਧਾਨ ਮੰਤਰੀ ਅਟਲ ਬਿਹਾਰੀ ਦੇ ਨਾਂਅ ‘ਤੇ ਰੱਖਣਾ ਭਾਜਪਾ ਲਈ ਵੱਡੀ ਬਾਜ਼ੀ ਹੋਵੇਗੀ। ਕਿਉਂਕਿ ਅਟਲ ਬਿਹਾਰੀ ਦਾ ਅਜਿਹਾ ਚਿਹਰਾ ਸੀ, ਜਿਸ ਨੂੰ ਸਾਰੇ ਪੱਖਾਂ ਅਤੇ ਵਿਰੋਧੀਆਂ ਨੇ ਪਸੰਦ ਕੀਤਾ ਸੀ। ਉਹ ਕਦੇ ਵੀ ਵਿਵਾਦਗ੍ਰਸਤ ਨਹੀਂ ਸੀ। ਵਾਜਪਾਈ ਬ੍ਰਾਹਮਣ ਸਨ। ਯੂਪੀ ਵਿੱਚ ਇਸ ਵਾਰ ਬ੍ਰਾਹਮਣ ਵਰਗ ਭਾਜਪਾ ਤੋਂ ਨਾਰਾਜ਼ ਦੱਸਿਆ ਜਾ ਰਿਹਾ ਹੈ। ਭਾਜਪਾ ਦੀ ਇਹ ਬਾਜ਼ੀ ਯੂਪੀ ਵਿੱਚ ਨਾਰਾਜ਼ ਬ੍ਰਾਹਮਣਾਂ ਨੂੰ ਸ਼ਾਂਤ ਕਰਨ ਲਈ ਵੀ ਮੰਨੀ ਜਾ ਰਹੀ ਹੈ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ