ਮਾਨਸਾ (ਸੁਖਜੀਤ ਮਾਨ)। ਨਰਮਾ ਪੱਟੀ ਦੇ ਕਿਸਾਨਾਂ ਨੂੰ ਇਸ ਵਾਰ ਨਰਮੇ ਤੋਂ ਭਰਪੂਰ ਆਸਾਂ ਨੇ ਪਰ ਬਦਲਿਆਂ ਮੌਸਮ ਡਰਾ ਰਿਹਾ ਹੈ ਫਸਲਾਂ ਜੋਬਨ ‘ਤੇ ਹਨ ਟੀਂਡੇ ਖਿੰਡੇ ਪਏ ਹਨ ਬੂਟਿਆਂ ਦੀਆਂ ਟੀਸੀਆਂ ਵੀ ਨਵੇਂ ਫੁੱਲਾਂ ਨਾਲ ਭਰੀਆਂ ਪਈਆਂ ਹਨ ਖੇਤੀ ‘ਤੇ ਟਿਕੀ ਆਰਥਿਕਤਾ ਵਾਲੇ ਪਰਿਵਾਰਾਂ ਨੇ ਧੀਆਂ-ਪੁੱਤਾਂ ਦੇ ਵਿਆਹਾਂ ਸਬੰਧੀ ਸਲਾਹ ਵੀ ਫਸਲ ਵੇਖ ਕੇ ਕਰਨੀ ਹੁੰਦੀ ਹੈ ਹੁਣ ਤੱਕ ਦਾ ਮੌਸਮ ਨਰਮੇ ਲਈ ਲਾਹੇਵੰਦ ਰਿਹਾ ਪਰ ਪਿਛਲੇ ਕਰੀਬ ਦੋ-ਤਿੰਨ ਤੋਂ ਮੌਸਮ ਦੇ ਬਦਲੇ ਰੰਗਾਂ ਨੇ ਕਿਸਾਨਾਂ ਨੂੰ ਫਿਕਰਾਂ ‘ਚ ਡੋਬ ਦਿੱਤਾ ਹੈ ਉਂਝ ਖੇਤੀਬਾੜੀ ਮਾਹਿਰ ਹਾਲ ਦੀ ਘੜੀ ਮੌਸਮ ਨੂੰ ਫਸਲਾਂ ਲਈ ‘ਸਭ ਅੱਛਾ ਹੈ’ ਕਹਿ ਰਹੇ ਹਨ। (Mansa News)

ਵੇਰਵਿਆਂ ਮੁਤਾਬਿਕ ਇਕੱਲੇ ਬਠਿੰਡਾ-ਮਾਨਸਾ ਜ਼ਿਲ੍ਹੇ ‘ਚ ਹੀ 2 ਲੱਖ 15 ਹਜ਼ਾਰ ਹੈਕਟੇਅਰ ਰਕਬਾ ਨਰਮੇ ਦੀ ਫਸਲ ਹੇਠ ਹੈ ਇਸ ਵਾਰ ਨਰਮੇ ਦੀ ਫਸਲ ਪਿਛਲੇ ਕਈ ਸਾਲਾਂ ਨਾਲੋਂ ਭਰਪੂਰ ਹੋਣ ਦੀ ਆਸ ਹੈ ਫਸਲਾਂ ਨੂੰ ਅਗਸਤ ਮਹੀਨੇ ‘ਚ ਪਏ ਭਾਰੀ ਮੀਂਹਾਂ ਨੇ ਬੁਰੀ ਤਰ੍ਹਾਂ ਝੰਬ ਦਿੱਤਾ ਸੀ ਨਰਮੇ ਨੂੰ ਪੈਰਾਬਿਲਟ ਅਤੇ ਫੰਗਸ ਦੀ ਬਿਮਾਰੀ ਨਾਲ ਜੂਝਣਾ ਜਰੂਰ ਪਿਆ ਪਰ ਭਾਰੀ ਮੀਂਹਾਂ ਮਗਰੋਂ ਮੌਸਮ ‘ਚ ਹੋਏ ਸੁਧਾਰ ਨਾਲ ਫਸਲਾਂ ਦੀਆਂ ਮੁੜ ਕਰੂੰਬਲਾਂ ਫੁੱਟ ਪਈਆਂ ਬਦਲੇ ਹੋਏ ਮੌਸਮ ਤਹਿਤ ਅੱਜ ਜ਼ਿਲ੍ਹਾ ਬਠਿੰਡਾ ਤੋਂ ਇਲਾਵਾ ਸ੍ਰੀ ਮੁਕਤਸਰ ਸਾਹਿਬ, ਬਰਨਾਲਾ ਅਤੇ ਲੁਧਿਆਣਾ ਆਦਿ ‘ਚ ਕਈ ਥਾਵਾਂ ‘ਤੇ ਮੀਂਹ ਪਿਆ ਤੇ ਕਈ ਥਾਈਂ ਹਲਕੀ ਬੂੰਦਾਂਬਾਦੀ ਹੋਈ ਬਠਿੰਡਾ ਦੇ ਸੰਗਤ ਮੰਡੀ ਖੇਤਰ ‘ਚ ਮੀਂਹ ਦੌਰਾਨ ਤੇਜ਼ ਹਨ੍ਹੇਰੀ ਵੀ ਚੱਲੀ, ਜਿਸ ਕਾਰਨ ਨਰਮੇ ਦੇ ਬੂਟੇ ਮਧਲੋ ਦਿੱਤੇ। (Mansa News)

ਇਹ ਵੀ ਪੜ੍ਹੋ : ਕੋਰਟ ਨੇ ਸੁਖਪਾਲ ਖਹਿਰਾ ਨੂੰ ਦੋ ਦਿਨ ਦੇ ਪੁਲਿਸ ਰਿਮਾਂਡ ’ਤੇ ਭੇਜਿਆ

ਸ੍ਰੀ ਮੁਕਤਸਰ ਸਾਹਿਬ ਦੇ ਦੋਦਾ ਅਤੇ ਗਿੱਦੜਬਾਹਾ ਆਦਿ ਖੇਤਰ ‘ਚ ਭਾਵੇਂ ਨਰਮੇ ਦੀ ਫਸਲ ਦੀ ਪੈਦਾਵਰ ਘੱਟ ਹੈ ਪਰ ਅੱਜ ਪਏ ਮੀਂਹ ਨਾਲ ਜੋ ਝੋਨਾ ਕਾਫੀ ਵਧਿਆ ਹੋਇਆ ਹੈ ਉਹ ਟੇਢਾ ਹੋ ਗਿਆ ਕਿਸਾਨਾਂ ਦਾ ਤਰਕ ਹੈ ਕਿ ਹੁਣ ਨਰਮੇ ਤੇ ਝੋਨੇ ਦੋਵਾਂ ਹੀ ਫਸਲਾਂ ਨੂੰ  ਖੁਸ਼ਕ ਮੌਸਮ ਦੀ ਜ਼ਰੂਰਤ ਹੈ ਪਰ ਮੌਸਮ ਬਿਲਕੁਲ ਉਲਟ ਹੈ ਕਿਸਾਨ ਆਗੂ ਰਾਮ ਸਿੰਘ ਭੈਣੀਬਾਘਾ ਦਾ ਕਹਿਣਾ ਹੈ ਕਿ ਸਾਉਣੀ ਦੀਆਂ ਦੋਵੇਂ ਫਸਲਾਂ ਨਰਮਾ ਅਤੇ ਝੋਨਾ ਆਖਰੀ ਪੜਾਅ ‘ਤੇ ਹਨ ਜਿਸ ਲਈ ਮੀਂਹ ਤੇ ਤੇਜ਼ ਹਵਾ ਦੋਵੇਂ ਹੀ ਨੁਕਸਾਨਦਾਇਕ ਹਨ। (Mansa News)

ਉਨ੍ਹਾਂ ਦੱਸਿਆ ਕਿ ਮੀਂਹ ਨਾਲ ਨਰਮੇ ਦੇ ਟੀਂਡੇ ਗਲਣ ਤੋਂ ਇਲਾਵਾ ਫਲ ਝੜੇਗਾ ਅਤੇ ਨਰਮਾ ਟੇਡਾ ਹੋ ਜਾਵੇਗਾ ਇਸ ਤੋਂ ਇਲਾਵਾ ਝੋਨੇ ਨੂੰ ਪਿਆ ਬੂਰ ਝੜਨ ਤੋਂ ਇਲਾਵਾ ਜੋ ਝੋਨਾ ਨਿੱਸਰ ਚੁੱਕਾ ਹੈ ਉਸਦੇ ਦਾਣੇ ਕਾਲੇ ਹੋਣ ਕਾਰਨ ਥੋਥ ‘ਚ ਵਾਧਾ ਹੋਵੇਗਾ ਜਿਸ ਕਾਰਨ ਕਿਸਾਨਾਂ ਨੂੰ ਆਰਥਿਕ ਨੁਕਸਾਨ ਸਹਿਣਾ ਪਵੇਗਾ ਖੇਤੀਬਾੜੀ ਅਧਿਕਾਰੀ ਡਾ. ਗੁਰਾਂਦਿੱਤਾ ਸਿੰਘ ਦਾ ਕਹਿਣਾ ਹੈ ਕਿ ਜੇਕਰ ਸਿੱਧਾ ਮੀਂਹ ਪੈਂਦਾ ਹੈ ਤਾਂ ਫਸਲਾਂ ਲਈ ਫਾਇਦੇਮੰਦ ਹੀ ਹੈ ਉਨ੍ਹਾਂ ਆਖਿਆ ਕਿ ਜੇ ਮੀਂਹ ਦੌਰਾਨ ਹਵਾ ਚਲਦੀ ਹੈ ਤਾਂ ਨੁਕਸਾਨ ਹੋ ਸਕਦਾ ਹੈ। (Mansa News)

ਮਾਰਚ 2017 ਤੋਂ ਹੀ ਕੀਤਾ ਹੋਇਆ ਅਣਅਧਿਕਾਰਤ ਤੌਰ ‘ਤੇ ਕੋਠੀ ‘ਤੇ ਕਬਜ਼ਾ

ਹਰ ਮਹੀਨੇ ਪੈ ਰਿਹਾ ਐ ਜੁਰਮਾਨੇ ਸਣੇ 4 ਲੱਖ 60 ਹਜ਼ਾਰ ਰੁਪਏ ਕਿਰਾਇਆ, 28 ਮਹੀਨੇ ਦਾ ਹੋਇਆ ਬਕਾਇਆ

ਜੁਲਾਈ 2018 ਵਿੱਚ ਦਿੱਤਾ ਗਿਆ ਸੀ ਕੈਬਨਿਟ ਰੈਂਕ ਪਰ ਅਜੇ ਤੱਕ ਨਹੀਂ ਹੋਈ ਕੋਠੀ ਦੀ ਅਲਾਟਮੈਂਟ

ਮਾਰਚ 2017 ਤੋਂ ਲੈ ਕੇ ਜੁਲਾਈ 2018 ਤੱਕ 73 ਲੱਖ ਰੁਪਏ ਐ ਬਕਾਇਆ

ਅਸ਼ਵਨੀ ਚਾਵਲਾ, ਚੰਡੀਗੜ

ਪੰਜਾਬ ਸਰਕਾਰ ਦੇ ਕਾਗ਼ਜ਼ਾਂ ਵਿੱਚ ਸਾਬਕਾ ਮੁੱਖ ਮੰਤਰੀ ਰਾਜਿੰਦਰ ਕੌਰ ਭੱਠਲ ਡਿਫਾਲਟਰ ਹਨ ਅਤੇ ਲੱਖ ਚਾਹੁੰਦੇ ਹੋਏ ਵੀ ਪੰਜਾਬ ਸਰਕਾਰ ਦੇ ਅਧਿਕਾਰੀ ਰਾਜਿੰਦਰ ਕੌਰ ਭੱਠਲ ਦੇ ਖ਼ਿਲਾਫ਼ ਨਾ ਹੀ ਕਾਰਵਾਈ ਕਰਨ ਜੋਗੇ ਹਨ ਅਤੇ ਨਾ ਹੀ ਉਨ੍ਹਾਂ ਵੱਲ ਚੱਲ ਰਿਹਾ 1 ਕਰੋੜ 29 ਲੱਖ ਰੁਪਏ ਦਾ ਬਕਾਇਆ ਲੈ ਸਕਦੇ ਹਨ। ਭੱਠਲ ਨੇ ਪਿਛਲੇ 28 ਮਹੀਨਿਆਂ ਤੋਂ ਚੰਡੀਗੜ ਵਿਖੇ ਸਰਕਾਰੀ ਕੋਠੀ ਦਾ ਨਾਜਾਇਜ਼ ਕਬਜ਼ਾ ਕੀਤਾ ਹੋਇਆ ਹੈ, ਜਿਸ ਕਾਰਨ ਭੱਠਲ ਨੂੰ ਹਰ ਮਹੀਨੇ 4 ਲੱਖ 60 ਰੁਪਏ ਦਾ ਮਾਰਕੀਟ ਕਿਰਾਏ ਸਣੇ ਜੁਰਮਾਨਾ ਪੈ ਰਿਹਾ ਹੈ। ਹਾਲਾਂਕਿ ਉਨ੍ਹਾਂ ਜੁਲਾਈ 2018 ਨੂੰ ਪਲਾਨਿੰਗ ਬੋਰਡ ਦੀ ਉਪ ਚੇਅਰਮੈਨ ਬੰਨਣ ਤੋਂ ਬਾਅਦ ਕੋਠੀ ਰੱਖਣ ਦੇ ਹੱਕਦਾਰ ਬਣ ਚੁੱਕੇ ਹਨ ਪਰ ਅਜੇ ਤੱਕ ਉਨਾਂ ਨੂੰ ਚੰਡੀਗੜ ਵਿਖੇ ਕੋਈ ਵੀ ਸਰਕਾਰੀ ਕੋਠੀ ਅਲਾਟ ਹੀ ਨਹੀਂ ਹੋਈ ਹੈ ਅਤੇ ਮੌਜੂਦਾ ਸਰਕਾਰੀ ਕੋਠੀ ਨੂੰ ਨਾਜਾਇਜ਼ ਕਬਜ਼ੇ ਵਿੱਚ ਦਿਖਾਇਆ ਹੋਇਆ ਹੈ।

ਜਾਣਕਾਰੀ ਅਨੁਸਾਰ ਪਿਛਲੀ ਅਕਾਲੀ-ਭਾਜਪਾ ਸਰਕਾਰ ਦੌਰਾਨ ਰਾਜਿੰਦਰ ਕੌਰ ਭੱਠਲ ਨੂੰ ਸਾਬਕਾ ਮੁੱਖ ਮੰਤਰੀ ਪਰਕਾਸ਼ ਸਿੰਘ ਬਾਦਲ ਨੇ ਸੈਕਟਰ 2 ਵਿਖੇ ਕੋਠੀ ਨੰਬਰ 8 ਅਲਾਟ ਕਰ ਦਿੱਤੀ ਸੀ ਅਤੇ ਇਹ ਸਰਕਾਰੀ ਕੋਠੀ ਬਤੌਰ ਵਿਧਾਇਕ ਕੀਤੀ ਗਈ ਸੀ ਪਰ 2017 ਵਿਧਾਨ ਸਭਾ ਚੋਣਾਂ ਵਿੱਚ ਹਾਰ ਦਾ ਸਾਹਮਣਾ ਕਰਨ ਤੋਂ ਬਾਅਦ ਰਾਜਿੰਦਰ ਕੌਰ ਭੱਠਲ ਵਿਧਾਇਕ ਵੀ ਨਹੀਂ ਰਹੀ, ਜਿਸ ਤੋ ਬਾਅਦ ਰਾਜਿੰਦਰ ਕੌਰ ਭੱਠਲ ਨੂੰ ਕੋਠੀ ਖ਼ਾਲੀ ਕਰਨ ਲਈ ਪੰਜਾਬ ਸਰਕਾਰ ਵਲੋਂ ਆਦੇਸ਼ ਜਾਰੀ ਕਰ ਦਿੱਤਾ ਗਿਆ ਪਰ ਉਨ੍ਹਾਂ ਨੇ ਸਰਕਾਰੀ ਕੋਠੀ ਖ਼ਾਲੀ ਕਰਨ ਤੋਂ ਸਾਫ਼ ਇਨਕਾਰ ਕਰ ਦਿੱਤਾ। ਪੀ.ਡਬਲੂ.ਡੀ. ਵਿਭਾਗ ਅਤੇ ਆਮ ਤੇ ਰਾਜ ਪ੍ਰਬੰਧ ਵਿਭਾਗ ਨੇ ਇਸ ਸਰਕਾਰੀ ਕੋਠੀ ਦਾ ਮਾਰਕੀਟ ਕਿਰਾਇਆ ਸਣੇ ਜੁਰਮਾਨੇ ਦੇ ਤੌਰ ‘ਤੇ 4 ਲੱਖ 60 ਹਜ਼ਾਰ ਰੁਪਏ ਦੇ ਲਗਭਗ ਤੈਅ ਕਰ ਦਿੱਤਾ।

ਜਿਸ ਤੋ ਬਾਅਦ ਉਨ੍ਹਾਂ ਨੂੰ ਕਈ ਵਾਰ ਨੋਟਿਸ ਭੇਜਦੇ ਹੋਏ ਪੈਸੇ ਦੀ ਅਦਾਇਗੀ ਕਰਨ ਲਈ ਕਿਹਾ ਗਿਆ ਪਰ ਉਨ੍ਹਾਂ ਵਲੋਂ ਕੋਈ ਵੀ ਜੁਆਬ ਪੰਜਾਬ ਸਰਕਾਰ ਨੂੰ ਦਿੱਤਾ ਹੀ ਨਹੀਂ ਗਿਆ। ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਨੇ 4 ਜੁਲਾਈ 2018 ਨੂੰ ਰਾਜਿੰਦਰ ਕੌਰ ਭੱਠਲ ਨੂੰ ਪਲਾਨਿੰਗ ਬੋਰਡ ਦਾ ਉਪ ਚੇਅਰਮੈਨ ਬਣਾਉਂਦੇ ਹੋਏ ਕੈਬਨਿਟ ਦਾ ਦਰਜ਼ਾ ਵੀ ਦੇ ਦਿੱਤਾ। ਜਿਸ ਤੋਂ ਬਾਅਦ ਰਾਜਿੰਦਰ ਕੌਰ ਭੱਠਲ ਚੰਡੀਗੜ ਵਿਖੇ ਸਰਕਾਰੀ ਕੋਠੀ ਲੈਣ ਦੀ ਹੱਕਦਾਰ ਤਾਂ ਬਣ ਬਣ ਗਏ ਪਰ ਅੱਜ ਤੱਕ ਉਨ੍ਹਾਂ ਨੂੰ ਕੋਈ ਵੀ ਸਰਕਾਰੀ ਕੋਠੀ ਅਲਾਟ ਕਰਨ ਦੇ ਆਦੇਸ਼ ਹੁਣ ਤੱਕ ਜਾਰੀ ਨਹੀਂ ਹੋਏ ਹਨ। ਜਿਸ ਕਾਰਨ ਹੁਣ ਤੱਕ ਰਾਜਿੰਦਰ ਕੌਰ ਭੱਠਲ ਨਾਜਾਇਜ਼ ਤੌਰ ‘ਤੇ ਹੀ ਇਸ ਸਰਕਾਰੀ ਕੋਠੀ ਵਿੱਚ ਰਹਿ ਰਹੀ ਹੈ। ਜਿਸ ਦਾ ਕਿ ਉਨਾਂ ਨੂੰ ਹਰ ਮਹੀਨੇ 4 ਲੱਖ 60 ਹਜ਼ਾਰ ਦੇ ਕਰੀਬ ਕਿਰਾਇਆ ਅਤੇ ਜੁਰਮਾਨਾ ਪੈ ਰਿਹਾ ਹੈ।

ਪਿਛਲੀ ਤਾਰੀਖ਼ ਤੋਂ ਹੋਈ ਅਲਾਟਮੈਂਟ ਤਾਂ ਵੀ ਦੇਣਾ ਪਏਗਾ 73 ਲੱਖ ਰੁਪਏ

ਰਾਜਿੰਦਰ ਕੌਰ ਭੱਠਲ ਨੂੰ ਜੇਕਰ ਪੰਜਾਬ ਸਰਕਾਰ ਨੇ ਪਿਛਲੀ 4 ਜੁਲਾਈ 2018 ਤੋਂ ਕੋਠੀ ਅਲਾਟਮੈਂਟ ਦੇ ਅੱਜ ਵੀ ਆਦੇਸ਼ ਜਾਰੀ ਕਰ ਦਿੱਤੇ ਤਾਂ ਵੀ ਰਾਜਿੰਦਰ ਕੌਰ ਭੱਠਲ ਨੂੰ ਹਰ ਹਾਲਤ ਵਿੱਚ 73 ਲੱਖ ਰੁਪਏ ਦੇਣੇ ਪੈਣੇ ਹਨ, ਕਿਉਂਕਿ ਮਾਰਚ 2017 ਤੋਂ ਲੈ ਕੇ ਜੁਲਾਈ 2018 ਤੱਕ ਰਾਜਿੰਦਰ ਕੌਰ ਭੱਠਲ ਕੋਲ ਕੋਈ ਅਹੁਦਾ ਨਹੀਂ ਸੀ। ਇਸ ਲਈ 4 ਲੱਖ 60 ਹਜ਼ਾਰ ਰੁਪਏ ਦੇ ਹਿਸਾਬ ਨਾਲ 73 ਲੱਖ ਰੁਪਏ ਦੇਣੇ ਪੈਣਗੇ।

ਮੁੱਖ ਸਕੱਤਰ ਕੋਲ ਪੈਡਿੰਗ ਪਈ ਐ ਫਾਈਲ, ਪੁੱਛਿਆ ਕਿਵੇਂ ਰਿਕਵਰੀ ਕਰਨੀ ਐ

ਰਾਜਿੰਦਰ ਕੌਰ ਭੱਠਲ ਨੂੰ ਕੋਠੀ ਅਲਾਟਮੈਂਟ ਅਤੇ ਲੱਖਾਂ ਰੁਪਏ ਦੇ ਬਕਾਏ ਬਾਰੇ ਆਮ ਅਤੇ ਰਾਜ ਪ੍ਰਬੰਧ ਵਿਭਾਗ ਨੇ ਮੁੱਖ ਸਕੱਤਰ ਕਰਨ ਅਵਤਾਰ ਸਿੰਘ ਤੋਂ ਪੁੱਛਿਆ ਹੈ ਕਿ ਇਸ ਮਾਮਲੇ ਵਿੱਚ ਕੀ ਕਰਨਾ ਹੈ ਪਰ ਅੱਜ ਤੱਕ ਇਹ ਫਾਈਲ ਮੁੱਖ ਸਕੱਤਰ ਦੇ ਦਫ਼ਤਰ ਵਿੱਚ ਪੈਡਿੰਗ ਚਲ ਰਹੀਂ ਹੈ। ਜਿਸ ਕਾਰਨ ਆਮ ਅਤੇ ਰਾਜ ਪ੍ਰਬੰਧ ਵਿਭਾਗ ਇਸ ਮਾਮਲੇ ਵਿੱਚ ਕੋਈ ਵੀ ਕਾਰਵਾਈ ਨਹੀਂ ਕਰ ਰਿਹਾ ਹੈ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਸਿੱਖਿਆ ਵਿਭਾਗ ਨੇ ਸਪਲਾਈ ਲਈ ਆਈਆਂ ਵਰਦੀਆਂ ਨੂੰ ਭੇਜਿਆ ਲੈਬਾਰਟਰੀ, ਕੱਪੜੇ ਦਾ ਹੋ ਰਿਹਾ ਐ ਟੈਸਟ

ਚੰਡੀਗੜ੍ਹ, ਅਸ਼ਵਨੀ ਚਾਵਲਾ

ਪੰਜਾਬ ਦੇ ਸਰਕਾਰੀ ਸਕੂਲਾਂ ‘ਚ ਵੰਡੀਆਂ ਗਈਆਂ ਵਰਦੀਆਂ ‘ਚ ਵਰਤੀ ਗਈ ਇਮਾਨਦਾਰੀ ਦਾ ਕੱਚ-ਸੱਚ ਹੁਣ ਕੋਈ ਅਧਿਕਾਰੀ ਨਹੀਂ ਸਗੋਂ ਇੱਕ ਜਾਂਚ ਲੈਬਾਰਟਰੀ ਬਾਹਰ ਕੱਢ ਕੇ ਲਿਆਵੇਗੀ ਸਿੱਖਿਆ ਵਿਭਾਗ ਵੱਲੋਂ ਸਪਲਾਈ ਹੋਈਆਂ ਸਕੂਲੀ ਵਰਦੀਆਂ ਦੇ ਕੱਪੜੇ ਅਤੇ ਹੋਰ ਮੈਟਰੀਅਲ ਦੀ ਜਾਂਚ ਲਈ ਲੈਬਾਰਟਰੀ ਨੂੰ ਸੈਂਪਲ ਭੇਜ ਦਿੱਤੇ ਹਨ ਜੇਕਰ ਰਿਪੋਰਟ ਠੀਕ ਆਈ ਤਾਂ ਵਰਦੀ ਸਪਲਾਈ ਕਰਨ ਵਾਲੀ ਫਰਮ ਨੂੰ ਪੈਸੇ ਦੀ ਅਦਾਇਗੀ ਕਰਨ ਬਾਰੇ ਰਾਹ ਖੋਲ੍ਹ ਦਿੱਤੇ ਜਾਣਗੇ, ਨਹੀਂ ਤਾਂ ਇੱਕ ਵੀ ਵਰਦੀ ਦੀ ਅਦਾਇਗੀ ਪੰਜਾਬ ਸਰਕਾਰ ਨਹੀਂ ਕਰੇਗੀ। ਲੈਬਾਰਟਰੀ ਵਿੱਚ ਵੀ ਕਿਸੇ ਵੀ ਤਰ੍ਹਾਂ ਦੀ ਕੋਈ ਘਾਟ ਨਾ ਰਹਿ ਜਾਵੇ ਜਾਂ ਫਿਰ ਕੋਈ ਹੋਰ ਚੱਕਰ ਨਾ ਚਲ ਜਾਵੇ, ਇਸ ਲਈ ਵਿਭਾਗ ਦੇ ਅਧਿਕਾਰੀਆਂ ਨੇ ਲੈਬਾਰਟਰੀ ਨੂੰ ਹੀ ਪੂਰੀ ਤਰ੍ਹਾਂ ਗੁਪਤ ਰੱਖਿਆ ਹੋਇਆ ਹੈ ਤਾਂ ਕਿ ਕੋਈ ਵੀ ਵਿਅਕਤੀ ਉਸ ਲੈਬਾਰਟਰੀ ਤੱਕ ਆਪਣੀ ਪਹੁੰਚ ਹੀ ਨਾ ਕਰ ਸਕੇ।

ਜਾਣਕਾਰੀ ਅਨੁਸਾਰ ਸਿੱਖਿਆ ਵਿਭਾਗ ਵੱਲੋਂ ਇਸ ਵਾਰ ਦੋ ਕੰਪਨੀਆਂ ਨੂੰ ਪੰਜਾਬ ਦੇ ਲੱਖਾਂ ਵਿਦਿਆਰਥੀਆਂ ਨੂੰ ਵਰਦੀ ਸਪਲਾਈ ਕਰਨ ਦਾ ਠੇਕਾ ਦਿੱਤਾ ਗਿਆ ਸੀ ਪਰ ਵਰਦੀ ਸਪਲਾਈ ਕਰਨ ਵਾਲੀ ਫਰਮ ਵੱਲੋਂ ਹਰ ਸਕੂਲ ਵਿੱਚ ਹੀ ਵਰਦੀ ਦਾ ਸਾਈਜ਼ ਛੋਟਾ ਵੱਡਾ ਸਪਲਾਈ ਕਰ ਦਿੱਤਾ ਗਿਆ, ਜਿਸ ਕਾਰਨ ਪੰਜਾਬ ਭਰ ਵਿੱਚ ਸਰਕਾਰ ਅਤੇ ਸਿੱਖਿਆ ਵਿਭਾਗ ਦੀ ਕਾਫ਼ੀ ਜਿਆਦਾ ਬਦਨਾਮੀ ਹੋਈ ਸੀ। ਵਿਭਾਗ ਵੱਲੋਂ ਫਰਮ ਦੀ ਅਦਾਇਗੀ ਰੋਕਦੇ ਹੋਏ ਉਸ ਨੂੰ ਹਰ ਸਕੂਲ ਦੀ ਵਰਦੀ ਬਦਲ ਕੇ ਦੇਣ ਦੇ ਆਦੇਸ਼ ਦਿੱਤੇ ਹੋਏ ਹਨ ਅਤੇ ਕਾਫ਼ੀ ਥਾਂਵਾਂ ‘ਤੇ ਵਰਦੀ ਬਦਲੀ ਵੀ ਜਾ ਰਹੀਂ ਹੈ।

ਸਿੱਖਿਆ ਵਿਭਾਗ ਵਰਦੀ ਦੇ ਸਾਈਜ਼ ਵਿੱਚ ਹੋਈ ਕਿਰਕਿਰੀ ਤੋਂ ਬਾਅਦ ਹੁਣ ਮੈਟਰੀਅਲ ਦੇ ਮਾਮਲੇ ਵਿੱਚ ਕੋਈ ਵੀ ਰਿਸਕ ਨਹੀਂ ਲੈਣਾ ਚਾਹੁੰਦਾ ਹੈ, ਜਿਸ ਕਾਰਨ ਵਿਭਾਗ ਦੇ ਅਧਿਕਾਰੀ ਨੇ ਵਰਦੀ ਦਾ ਕਪੜਾ ਅਤੇ ਮੈਟੀਰੀਅਲ ਦੀ ਜਾਂਚ ਕਰਨ ਦੇ ਆਦੇਸ਼ ਪਿਛਲੇ ਦਿਨੀਂ ਹੀ ਜਾਰੀ ਕਰ ਦਿੱਤੇ ਸਨ ਅਤੇ ਆਉਣ ਵਾਲੇ ਹਫ਼ਤੇ ਵਿੱਚ ਇਸ ਸਬੰਧੀ ਲੈਬਾਰਟਰੀ ਰਿਪੋਰਟ ਵੀ ਤਿਆਰ ਕਰਕੇ ਵਿਭਾਗ ਦੇ ਅਧਿਕਾਰੀ ਨੂੰ ਭੇਜ ਦੇਵੇਗੀ।

ਕੱਪੜਾ ਮਾੜੀ ਕੁਆਲਿਟੀ ਦਾ ਸਾਬਤ ਹੋਇਆ ਤਾਂ ਨਹੀਂ ਹੋਵੇਗੀ ਅਦਾਇਗੀ

ਸਕੂਲਾਂ ਵਿੱਚ ਸਪਲਾਈ ਹੋਈ ਵਰਦੀ ਦਾ ਕੱਪੜਾ ਲੈਬਾਰਟਰੀ ਟੈਸਟ ਵਿੱਚ ਜੇਕਰ ਮਾੜੀ ਕੁਆਲਿਟੀ ਦਾ ਸਾਬਤ ਹੋਇਆ ਜਾਂ ਫਿਰ ਵਰਦੀ ਵਿੱਚ ਲੱਗਾ ਮੈਟੀਰੀਅਲ ਨੂੰ ਚੰਗਾ ਨਾ ਨਿਕਲਿਆ ਤਾਂ ਸਪਲਾਈ ਟੈਂਡਰ ਲੈਣ ਵਾਲੀ ਕੰਪਨੀ ਨੂੰ ਸਿੱਖਿਆ ਵਿਭਾਗ ਵੱਲੋਂ ਅਦਾਇਗੀ ਨਹੀਂ ਕੀਤੀ ਜਾਵੇਗੀ। ਸਿੱਖਿਆ ਵਿਭਾਗ ਹੁਣ ਇਸ ਮਾਮਲੇ ਵਿੱਚ ਕਾਫ਼ੀ ਜਿਆਦਾ ਸਖ਼ਤ ਹੈ ਤਾਂ ਕਿ ਵਿਭਾਗ ਦੀ ਹੁਣ ਅਗਲੇ ਦਿਨਾਂ ਵਿੱਚ ਵਰਦੀ ਕਾਰਨ ਕੋਈ ਕਿਰਕਿਰੀ ਨਾ ਹੋਵੇ। ਸਿੱਖਿਆ ਵਿਭਾਗ ਨੂੰ ਡਰ ਹੈ ਕਿ ਜੇਕਰ ਕੱਪੜੇ ਵਿੱਚ ਕੋਈ ਮੁਸ਼ਕਲ ਸਾਹਮਣੇ ਆਈ ਤਾਂ ਸਰਕਾਰ ਦੀ ਹੀ ਬਦਨਾਮੀ ਹੋਵੇਗੀ, ਇਸ ਲਈ ਵਰਦੀ ਸਪਲਾਈ ਕਰਨ ਵਾਲੀ ਫਰਮ ਨੂੰ ਪੈਸੇ ਦੀ ਅਦਾਇਗੀ ਕਰਨ ਤੋਂ ਪਹਿਲਾਂ ਇਸ ਸਬੰਧੀ ਜਾਂਚ ਕਰਦੇ ਹੋਏ ਵਿਭਾਗ ਦੇ ਅਧਿਕਾਰੀ ਸੰਤੁਸ਼ਟ ਹੋਣਾ ਚਾਹੁੰਦੇ ਹਨ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਸਾਬਕਾ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਨੇ ਲਗਾਈ ਹਾਜ਼ਰੀ

ਚੰਡੀਗੜ੍ਹ, (ਅਸ਼ਵਨੀ ਚਾਵਲਾ/ਸੱਚ ਕਹੂੰ ਨਿਊਜ਼) ਪੰਜਾਬ ਦੇ ਸਾਬਕਾ ਖਜ਼ਾਨਾ ਮੰਤਰੀ ਰਹੇ ਸੁਰਿੰਦਰ ਸਿੰਗਲਾ ਦੇ ਦਿਹਾਂਤ ਤੋਂ ਬਾਅਦ ਉਨਾਂ ਦੇ ਸਨਮਾਨ ਵਿੱਚ ਅਮਰਿੰਦਰ ਸਿੰਘ ਵੱਲੋਂ ਸਰਕਾਰੀ ਛੁੱਟੀ ਤਾਂ ਕਰ ਦਿੱਤੀ ਗਈ ਪਰ ਸੁਰਿੰਦਰ ਸਿੰਗਲਾ ਦੇ ਸੰਸਕਾਰ ਮੌਕੇ ਕੋਈ ਕੈਬਨਿਟ ਮੰਤਰੀ ਤਾਂ ਦੂਰ ਚੰਡੀਗੜ੍ਹ ਤੋਂ ਸਰਕਾਰ ਦਾ ਕੋਈ ਨੁਮਾਇੰਦਾ ਤੱਕ ਦਿੱਲੀ ਨਹੀਂ ਗਿਆ। ਹਾਲਾਂਕਿ ਦਿੱਲੀ ਬੈਠੇ ਦੋ ਆਈ.ਏ.ਐਸ. ਅਧਿਕਾਰੀਆਂ ਨੂੰ ਪੰਜਾਬ ਪੰਜਾਬ ਸਰਕਾਰ ਦੀ ਨੁਮਾਇੰਦਗੀ ਲਈ ਭੇਜਿਆ ਗਿਆ ਸੀ ਪਰ ਉਹ ਮਾਨ-ਸਨਮਾਨ ਨਹੀਂ ਦਿੱਤਾ ਗਿਆ, ਜਿਸਦੇ ਸੁਰਿੰਦਰ ਸਿੰਗਲਾ ਹੱਕਦਾਰ ਸਨ।

ਸਾਬਕਾ ਖਜਾਨਾ ਮੰਤਰੀ ਸੁਰਿੰਦਰ ਸਿੰਗਲਾ ਦਾ ਦਿੱਲੀ ਹੋਇਆ ਸਸਕਾਰ

ਸਰਕਾਰ ਦੇ ਨਾਲ ਹੀ ਸੁਰਿੰਦਰ ਸਿੰਗਲਾ ਦਾ ਕੱਦ ਪੰਜਾਬ ਕਾਂਗਰਸ ਵਿੱਚ ਵੀ ਕਾਫ਼ੀ ਵੱਡਾ ਸੀ ਪਰ ਬਾਵਜੂਦ ਇਹਦੇ ਕਾਂਗਰਸ ਪ੍ਰਧਾਨ ਸੁਨੀਲ ਜਾਖੜ ਤਾਂ ਦੂਰ ਦੀ ਗੱਲ, ਕਾਂਗਰਸ ਦਾ ਕੋਈ ਨੁਮਾਇੰਦਾ ਮੌਕੇ ‘ਤੇ ਨਹੀਂ ਭੇਜਿਆ। ਇੱਥੇ ਹੀ ਸਾਬਕਾ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਨੇ ਮੌਕੇ ‘ਤੇ ਹਾਜ਼ਰੀ ਲਗਾਉਂਦੇ ਹੋਏ ਹਰ ਕਿਸੇ ਨੂੰ ਹੈਰਾਨ ਕਰ ਦਿੱਤਾ, ਕਿਉਂਕਿ ਪੰਜਾਬ ਦੇ ਲੀਡਰਾਂ ਦੀ ਹਾਜ਼ਰੀ ਦਾ ਹਰ ਕੋਈ ਅਨੁਮਾਨ ਲਗਾ ਰਿਹਾ ਸੀ ਪਰ ਡਾ. ਮਨਮੋਹਨ ਸਿੰਘ ਬਾਰੇ ਕਿਸੇ ਨੂੰ ਜਾਣਕਾਰੀ ਵੀ ਨਹੀਂ ਸੀ ਕਿ ਉਹ ਸੰਸਕਾਰ ਮੌਕੇ ਆ ਵੀ ਸਕਦੇ ਹਨ।

ਕਾਂਗਰਸ ਪ੍ਰਧਾਨ ਤਾਂ ਦੂਰ ਪਾਰਟੀ ਦੇ ਕਿਸੇ ਲੀਡਰ ਨੇ ਵੀ ਨਹੀਂ ਲਗਾਈ

ਜਾਣਕਾਰੀ ਅਨੁਸਾਰ ਬੀਤੇ ਦਿਨੀਂ ਪੰਜਾਬ ਦੇ ਸਾਬਕਾ ਖਜ਼ਾਨਾ ਮੰਤਰੀ ਸੁਰਿੰਦਰ ਸਿੰਗਲਾ ਦਾ ਦਿੱਲੀ ਵਿਖੇ ਲੰਬੀ ਬਿਮਾਰੀ ਤੋਂ ਬਾਅਦ ਦਿਹਾਂਤ ਹੋ ਗਿਆ ਸੀ। ਸੁਰਿੰਦਰ ਸਿੰਗਲਾ ਨੇ ਪਿਛਲੀ ਅਮਰਿੰਦਰ ਦੀ ਸਰਕਾਰ ਮੌਕੇ ਕਾਫ਼ੀ ਲੰਬਾ ਸਮਾਂ ਖਜ਼ਾਨਾ ਮੰਤਰੀ ਰਹਿੰਦੇ ਹੋਏ ਅਮਰਿੰਦਰ ਸਿੰਘ ਨਾਲ ਕੰਮ ਕੀਤਾ ਹੋਇਆ ਹੈ, ਜਿਸ ਕਾਰਨ ਉਹ ਅਮਰਿੰਦਰ ਸਿੰਘ ਦੇ ਕਾਫ਼ੀ ਕਰੀਬੀ ਵੀ ਸਨ।

ਜਿਸ ਕਾਰਨ ਪੰਜਾਬ ਦੇ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਨੇ ਗਹਿਰੇ ਦੁੱਖ ਦਾ ਪ੍ਰਗਟਾਵਾ ਕਰਦੇ ਹੋਏ ਸ਼ੁੱਕਰਵਾਰ ਨੂੰ ਛੁੱਟੀ ਦਾ ਵੀ ਐਲਾਨ ਕਰ ਦਿੱਤਾ ਸੀ। ਜਿਸ ਤੋਂ ਬਾਅਦ ਉਮੀਦ ਲਗਾਈ ਜਾ ਰਹੀ ਸੀ ਕਿ ਸੁਰਿੰਦਰ ਸਿੰਗਲਾ ਦੇ ਸਸਕਾਰ ਮੌਕੇ ਅਮਰਿੰਦਰ ਸਿੰਘ ਖ਼ੁਦ ਦਿੱਲੀ ਵਿਖੇ ਜਾ ਸਕਦੇ ਹਨ ਪਰ ਨਾ ਤਾਂ ਮੁੱਖ ਮੰਤਰੀ ਅਤੇ ਨਾ ਹੀ ਕੈਬਨਿਟ ਮੰਤਰੀ ਜਾਂ ਫਿਰ ਚੰਡੀਗੜ੍ਹ ਤੋਂ ਨੁਮਾਇੰਦਾ ਵੀ ਦਿੱਲੀ ਵਿਖੇ ਗਿਆ। ਕਾਂਗਰਸ ਦੇ ਪ੍ਰਧਾਨ ਸੁਨੀਲ ਜਾਖੜ ਜਾਂ ਫਿਰ ਉਨ੍ਹਾਂ ਦੀ ਪੰਜਾਬ ਕਾਂਗਰਸ ਦੀ ਟੀਮ ਵੱਲੋਂ ਵੀ ਦਿੱਲੀ ਵਿਖੇ ਹਾਜ਼ਰੀ ਨਹੀਂ ਲਗਾਈ ਗਈ ਹੈ।

ਵਾਲ ਵਾਲ ਬਚੇ ਵਿਧਾਇਕ ਬਿਲਾਸਪੁਰ

ਨਿਹਾਲ ਸਿੰਘ ਵਾਲਾ (ਪੱਪੂ ਗਰਗ/ਸੱਚ ਕਹੂੰ ਨਿਊਜ਼)। ਸਰਕਾਰੀ ਇਨੋਵਾ ਗੱਡੀ ਦੀਆਂ ਬਰੇਕਾਂ ਫੇਲ੍ਹ ਹੋ ਜਾਣ ਕਾਰਨ ਹਲਕਾ ਨਿਹਾਲ ਸਿੰਘ ਵਾਲਾ ਤੋਂ ਵਿਧਾਇਕ ਮਨਜੀਤ ਸਿੰਘ ਬਿਲਾਸਪੁਰ ਦੇ ਵਾਲ-ਵਾਲ ਬਚਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਜਾਣਕਾਰੀ ਅਨੁਸਾਰ ਵਿਧਾਇਕ ਆਪਣੇ ਹਲਕੇ ਦੇ ਪਿੰਡ ਹਿੰਮਤਪੁਰਾ ਵਿਖੇ ਕਿਸੇ ਸਮਾਗਮ ‘ਚ ਸ਼ਾਮਲ ਹੋਣ ਉਪਰੰਤ ਪਿੰਡ ਸੈਦੋਕੇ ਵੱਲ ਜਾ ਰਹੇ ਸਨ ਕਿ ਅਚਾਨਕ ਸਰਕਾਰੀ ਗੱਡੀ ਦੀਆਂ ਬਰੇਕਾਂ ਫੇਲ੍ਹ ਹੋ ਗਈਆਂ। ਤਿੱਖੜ ਦੁਪਹਿਰਾ ਹੋਣ ਕਾਰਨ ਸੜਕ ‘ਤੇ ਆਵਾਜਾਈ ਘੱਟ ਸੀ ਤੇ ਡਰਾਈਵਰ ਨੇ ਬਹੁਤ ਹੀ ਸਮਝਦਾਰੀ ਤੋਂ ਕੰਮ ਲੈਂਦਿਆਂ ਹੌਲੀ-ਹੌਲੀ ਗੱਡੀ ਨੂੰ ਕੰਟਰੋਲ ਕੀਤਾ ਘਟਨਾ ਸਥਾਨ ‘ਤੇ ਤੁਰੰਤ ਪਹੁੰਚੇ ਪਿੰਡ ਹਿੰਮਤਪੁਰਾ ਦੇ ਸਰਪੰਚ ਚਰਨ ਸਿੰਘ ਨੇ ਦੱਸਿਆ ਕਿ ਜਦੋਂ ਉਹ ਗੱਡੀ ਕੋਲ ਗਏ ਤਾਂ ਵਿਧਾਇਕ ਤੇ ਅਮਲਾ ਕਾਫੀ ਘਬਰਾਹਟ ‘ਚ ਸੀ ਤੇ ਇਨੋਵਾ ਗੱਡੀ ਦੀਆਂ ਬਰੇਕਾਂ ਦਾ ਹੇਠਲਾ ਹਿੱਸਾ ਦੂਰ-ਦੂਰ ਤੱਕ ਖਿੱਲਰਿਆ ਪਿਆ ਸੀ।

‘ਸੱਚ ਕਹੂੰ’ ਨੇ ਕੁਝ ਦਿਨ ਪਹਿਲਾਂ ਹੀ ਕੰਡਮ ਗੱਡੀਆਂ ਬਾਰੇ ਪ੍ਰਮੁੱਖਤਾ ਨਾਲ ਛਾਪੀ ਸੀ ਖਬਰ

ਇਸ ਮੌਕੇ ਸਰਪੰਚ ਚਰਨ ਸਿੰਘ ਨੇ ਆਮ ਆਦਮੀ ਪਾਰਟੀ ਦੇ ਸਰਗਰਮ ਆਗੂਆਂ ਨੂੰ ਫੋਨ ਕਰਕੇ ਘਟਨਾ ਬਾਰੇ ਜਾਣਕਾਰੀ ਦਿੱਤੀ ਜਿਨ੍ਹਾਂ ਹੋਰ ਗੱਡੀ ਦਾ ਪ੍ਰਬੰਧ ਕਰਕੇ ਵਿਧਾਇਕ ਬਿਲਾਸਪੁਰ ਨੂੰ ਭੇਜਿਆ ਗਿਆ। ਇਸ ਘਟਨਾ ਸਬੰਧੀ ਵਿਧਾਇਕ ਨੇ ਦੱਸਿਆ ਕਿ ਗੱਡੀ ਦੀ ਮਾੜੀ ਹਾਲਤ ਬਾਰੇ ਉਨ੍ਹਾਂ ਸਬੰਧਿਤ ਮਹਿਕਮੇ ਨੂੰ ਕਈ ਵਾਰ ਜਾਣਕਾਰੀ ਦਿੱਤੀ ਸੀ ਪਰ ਕੋਈ ਅਸਰ ਨਹੀਂ ਹੋਇਆ। ਜਿਕਰਯੋਗ ਹੈ ‘ਰੋਜ਼ਾਨਾ ਸੱਚ ਕਹੂੰ’ ਦੇ ਚੰਡੀਗੜ੍ਹ ਸਥਿਤ ਪੱਤਰਕਾਰ ਵੱਲੋਂ ਕੁਝ ਦਿਨ ਪਹਿਲਾਂ ਕੰਡਮ ਗੱਡੀਆਂ ਨਾਲ ਕੰਮ ਚਲਾ ਰਹੇ 23 ਵਿਧਾਇਕਾਂ ਦੀ ਜਾਨ ਨੂੰ ਖਤਰੇ ਸਬੰਧੀ ਪੂਰੀ ਵਿਸਥਾਰਤ ਜਾਣਕਾਰੀ ਭਰਪੂਰ ਖਬਰ ਪ੍ਰਕਾਸ਼ਿਤ ਕੀਤੀ ਸੀ।

ਕਿਸੇ ਜਾਨੀ ਨੁਕਸਾਨ ਤੋਂ ਬਚਾਅ

ਅਨਿਲ ਲੁਟਾਵਾ, ਫ਼ਤਹਿਗੜ੍ਹ ਸਾਹਿਬ: ਜ਼ਿਲ੍ਹੇ ਦੇ ਵਧੀਕ ਡਿਪਟੀ ਕਮਿਸ਼ਨਰ ਹਰਦਿਆਲ ਸਿੰਘ ਚੱਠਾ ਦੀ ਸਰਕਾਰੀ ਅੰਬੈਸਡਰ ਕਾਰ ਨੂੰ ਅੱਜ ਦੁਪਹਿਰ ਸਮੇਂ ਅਮਲੋਹ ਜਾਣ ਸਮੇਂ ਅਚਾਨਕ ਅੱਗ ਲੱਗ ਗਈ। ਜਾਣਕਾਰੀ ਅਨੁਸਾਰ ਜਦੋਂ ਕਾਰ ਸੀਸਗੰਜ ਗੁਰਦੁਆਰਾ ਸਾਹਿਬ ਨਜ਼ਦੀਕ ਪਹੁੰਚੀ ਤਾਂ ਕਾਰ ਦੇ ਇੰਜਨ ਵਿਚੋਂ ਅਚਾਨਕ ਧੂੰਆਂ ਨਿਕਲਣ ਲੱਗ ਗਿਆ ਤੇ ਮੌਕਾ ਮਿਲਦੇ ਹੀ ਵਧੀਕ ਡਿਪਟੀ ਕਮਿਸ਼ਨਰ ਤੇ ਕਾਰ ਦਾ ਚਾਲਕ ਕਾਰ ਵਿਚੋਂ ਤੁਰੰਤ ਬਾਹਰ ਨਿਕਲ ਆਏ ਜਿਸ ਨਾਲ ਕਿਸੇ ਜਾਨੀ ਨੁਕਸਾਨ ਤੋਂ ਬਚਾ ਹੋ ਗਿਆ।

 ਦੇਖਦੇ ਹੀ ਦੇਖਦੇ ਅੱਗ ਹੋਰ ਵਧਦੀ ਚਲੀ ਗਈ ਅਧਿਕਾਰੀ ਨੇ ਤੁਰੰਤ ਇਸ ਦੀ ਸੂਚਨਾ ਨਗਰ ਕੌਂਸਲ ਦੇ ਕਾਰਜਕਾਰੀ ਅਫ਼ਸਰ ਨੂੰ ਦਿੱਤੀ ਤੇ ਫਾਇਰ ਬ੍ਰਿਗੇਡ ਮੰਗਵਾਈ। ਮੌਕੇ ਤੇ ਪਹੁੰਚੀ ਫਾਇਰ ਬ੍ਰਿਗੇਡ ਦੀ ਸਹਾਇਤਾ ਨਾਲ ਕਾਰ ਨੂੰ ਲੱਗੀ ਅੱਗ ‘ਤੇ ਕਾਬੂ ਪਾਇਆ ਗਿਆ। ਇੱਥੇ ਵਰਨਣਯੋਗ ਹੈ ਕਿ ਬਹੁਤੇ ਸਰਕਾਰੀ ਅਦਾਰਿਆਂ ਦੇ ਅਫ਼ਸਰਾਂ ਕੋਲ ਪੁਰਾਣੇ ਜ਼ਮਾਨੇ ਦੀਆਂ ਪੈਟ੍ਰੋਲ ਅੰਬੈਸਡਰ ਕੰਪਨੀ ਦੀਆਂ ਕਾਰਾਂ ਹਨ, ਜਿਨਾਂ ਦੀ ਮਸ਼ੀਨਰੀ ਬਹੁਤੀ ਪੁਰਾਣੀ ਹੋਣ ਕਾਰਨ ਇਨਾਂ ਕਾਰਾਂ ਦੇ ਇੰਜਨ ਕਦੇ ਵੀ ਸਾਥ ਛੱਡ ਦਿੰਦੇ ਹਨ।