Pahalgam Terror Attack: ਨਵੀਂ ਦਿੱਲੀ (ਏਜੰਸੀ)। ਖੇਡ ਜਗਤ ਦੇ ਲੋਕਾਂ ਨੇ ਪਹਿਲਗਾਮ ਅੱਤਵਾਦੀ ਹਮਲੇ ’ਤੇ ਦੁੱਖ ਪ੍ਰਗਟ ਕੀਤਾ ਤੇ ਪੀੜਤ ਪਰਿਵਾਰ ਨਾਲ ਹਮਦਰਦੀ ਪ੍ਰਗਟ ਕੀਤੀ। ਭਾਰਤੀ ਟੀਮ ਦੇ ਮੁੱਖ ਕੋਚ ਗੌਤਮ ਗੰਭੀਰ ਇਸ ਘਟਨਾ ਤੋਂ ਬਹੁਤ ਗੁੱਸੇ ’ਚ ਸਨ ਤੇ ਉਨ੍ਹਾਂ ਉਮੀਦ ਪ੍ਰਗਟ ਕੀਤੀ ਕਿ ਭਾਰਤ ਇਸ ਕਾਇਰਤਾਪੂਰਨ ਕਾਰਵਾਈ ਦਾ ਜਵਾਬ ਦੇਵੇਗਾ। ਜੰਮੂ-ਕਸ਼ਮੀਰ ਦੇ ਪਹਿਲਗਾਮ ਸ਼ਹਿਰ ਨੇੜੇ ‘ਮਿੰਨੀ ਸਵਿਟਜ਼ਰਲੈਂਡ’ ਵਜੋਂ ਜਾਣੇ ਜਾਂਦੇ ਇੱਕ ਸੈਰ-ਸਪਾਟਾ ਸਥਾਨ ’ਤੇ ਮੰਗਲਵਾਰ ਦੁਪਹਿਰ ਨੂੰ ਹੋਏ ਅੱਤਵਾਦੀ ਹਮਲੇ ’ਚ 26 ਲੋਕ ਮਾਰੇ ਗਏ, ਜਿਨ੍ਹਾਂ ’ਚੋਂ ਜ਼ਿਆਦਾਤਰ ਸੈਲਾਨੀ ਸਨ। 2019 ’ਚ ਪੁਲਵਾਮਾ ਹਮਲੇ ਤੋਂ ਬਾਅਦ ਇਹ ਘਾਟੀ ’ਚ ਸਭ ਤੋਂ ਘਾਤਕ ਹਮਲਾ ਹੈ। Pahalgam Terror Attack

ਇਹ ਖਬਰ ਵੀ ਪੜ੍ਹੋ : Pahalgam Attack: ਪਹਿਲਗਾਮ ਹਮਲੇ ਤੋਂ ਬਾਅਦ ਐਕਸ਼ਨ ‘ਚ ਪੰਜਾਬ ਸਰਕਾਰ, ਮੁੱਖ ਮੰਤਰੀ ਨੇ ਸੱਦੀ ਮੀਟਿੰਗ

ਹਮਲੇ ’ਚ ਹੋਈ ਹੈ 26 ਲੋਕਾਂ ਦੀ ਮੌਤ | Pahalgam Terror Attack

ਇੱਕ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ 26 ਮ੍ਰਿਤਕਾਂ ਵਿੱਚ ਦੋ ਵਿਦੇਸ਼ੀ ਤੇ ਦੋ ਸਥਾਨਕ ਨਿਵਾਸੀ ਸ਼ਾਮਲ ਹਨ। ਜੰਮੂ-ਕਸ਼ਮੀਰ ਦੇ ਮੁੱਖ ਮੰਤਰੀ ਉਮਰ ਅਬਦੁੱਲਾ ਨੇ ਇਸ ਅੱਤਵਾਦੀ ਹਮਲੇ ਨੂੰ ‘ਹਾਲ ਹੀ ਦੇ ਸਾਲਾਂ ਵਿੱਚ ਆਮ ਨਾਗਰਿਕਾਂ ’ਤੇ ਹੋਏ ਕਿਸੇ ਵੀ ਹਮਲੇ ਨਾਲੋਂ ਕਿਤੇ ਵੱਡਾ’ ਦੱਸਿਆ। ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਹਮਲਾ ਉਸ ਸਮੇਂ ਹੋਇਆ ਜਦੋਂ ਅਮਰੀਕਾ ਦੇ ਉਪ ਰਾਸ਼ਟਰਪਤੀ ਜੇਡੀ ਵੈਂਸ ਭਾਰਤ ਦੇ ਦੌਰੇ ’ਤੇ ਹਨ। ਇਸ ਦੇ ਨਾਲ ਹੀ, ਜੰਮੂ ਤੇ ਕਸ਼ਮੀਰ ’ਚ ਸੈਰ-ਸਪਾਟਾ ਅਤੇ ਟ੍ਰੈਕਿੰਗ ਸੀਜ਼ਨ ਤੇਜ਼ੀ ਨਾਲ ਵਧ ਰਿਹਾ ਹੈ। ਇਸ ਹਮਲੇ ਨੂੰ ਲੈ ਕੇ ਜਿੱਥੇ ਦੇਸ਼ ਭਰ ਵਿੱਚ ਗੁੱਸਾ ਹੈ, ਉੱਥੇ ਹੀ ਖੇਡ ਜਗਤ ਦੇ ਲੋਕਾਂ ਨੇ ਵੀ ਆਪਣਾ ਗੁੱਸਾ ਜ਼ਾਹਰ ਕੀਤਾ ਹੈ। ਭਾਰਤੀ ਟੀਮ ਦੇ ਮੁੱਖ ਕੋਚ ਗੰਭੀਰ ਨੇ ਪੋਸਟ ’ਤੇ ਲਿਖਿਆ, ਮ੍ਰਿਤਕਾਂ ਦੇ ਪਰਿਵਾਰਾਂ ਪ੍ਰਤੀ ਮੇਰੀ ਸੰਵੇਦਨਾ। ਇਸ ਦੇ ਜ਼ਿੰਮੇਵਾਰ ਲੋਕਾਂ ਨੂੰ ਭਾਰੀ ਕੀਮਤ ਚੁਕਾਉਣੀ ਪਵੇਗੀ। ਭਾਰਤ ਸਖ਼ਤ ਜਵਾਬ ਦੇਵੇਗਾ।

ਰੈਨਾ ਨੇ ਜਤਾਈ ਇਨਸਾਫ਼ ਦੀ ਉਮੀਦ | Pahalgam Terror Attack

Praying for the families of the deceased. Those responsible for this will pay. India will strike. #Pahalgam

— Gautam Gambhir (@GautamGambhir) April 22, 2025

ਸਾਬਕਾ ਭਾਰਤੀ ਆਲਰਾਊਂਡਰ ਸੁਰੇਸ਼ ਰੈਨਾ ਨੇ ਇੰਸਟਾਗ੍ਰਾਮ ’ਤੇ ਲਿਖਿਆ, ‘ਕਸ਼ਮੀਰ ਦੇ ਪਹਿਲਗਾਮ ’ਚ ਹੋਏ ਅੱਤਵਾਦੀ ਹਮਲੇ ਤੋਂ ਮੈਂ ਦੁਖੀ ਹਾਂ।’ ਮੈਂ ਪਾਕਿਸਤਾਨ ਸਪਾਂਸਰਡ ਅੱਤਵਾਦੀਆਂ ਦੇ ਇਸ ਕਾਇਰਤਾਪੂਰਨ ਕੰਮ ਦੀ ਸਖ਼ਤ ਨਿੰਦਾ ਕਰਦਾ ਹਾਂ। ਭਾਰਤ ਅੱਤਵਾਦ ਵਿਰੁੱਧ ਲੜਾਈ ’ਚ ਆਪਣੀ ਬਹਾਦਰ ਫੌਜ, ਜੰਮੂ-ਕਸ਼ਮੀਰ ਪੁਲਿਸ ਤੇ ਅਰਧ ਸੈਨਿਕ ਬਲਾਂ ਨਾਲ ਇੱਕਜੁੱਟ ਖੜ੍ਹਾ ਹੈ। ਨਿਆਂ ਦੀ ਜਿੱਤ ਹੋਵੇਗੀ।

https://twitter.com/ImRaina/status/1914738719111962802

ਸਹਿਵਾਗ-ਧਵਨ ਨੇ ਜ਼ਖਮੀਆਂ ਦੇ ਜਲਦੀ ਠੀਕ ਹੋਣ ਦੀ ਕੀਤੀ ਕਾਮਨਾ

https://twitter.com/virendersehwag/status/1914745618381320241

ਸਾਬਕਾ ਭਾਰਤੀ ਸਲਾਮੀ ਬੱਲੇਬਾਜ਼ ਵਰਿੰਦਰ ਸਹਿਵਾਗ ਨੇ ਲਿਖਿਆ, ‘ਪਹਿਲਗਾਮ ’ਚ ਮਾਸੂਮ ਸੈਲਾਨੀਆਂ ’ਤੇ ਨਿੰਦਣਯੋਗ ਅੱਤਵਾਦੀ ਹਮਲੇ ਦੀ ਖ਼ਬਰ ਸੁਣ ਕੇ ਬਹੁਤ ਦੁੱਖ ਹੋਇਆ।’ ਜਿਨ੍ਹਾਂ ਨੇ ਆਪਣੇ ਅਜ਼ੀਜ਼ਾਂ ਨੂੰ ਗੁਆ ਦਿੱਤਾ ਹੈ, ਉਨ੍ਹਾਂ ਪ੍ਰਤੀ ਮੇਰੀ ਸੰਵੇਦਨਾ। ਮੈਂ ਜ਼ਖਮੀਆਂ ਲਈ ਪ੍ਰਾਰਥਨਾ ਕਰਦਾ ਹਾਂ। ਸ਼ਿਖਰ ਧਵਨ ਨੇ ਲਿਖਿਆ, ਪਹਿਲਗਾਮ ’ਚ ਹੋਏ ਭਿਆਨਕ ਅੱਤਵਾਦੀ ਹਮਲੇ ਤੋਂ ਮੈਂ ਬਹੁਤ ਦੁਖੀ ਤੇ ਹੈਰਾਨ ਹਾਂ। ਮੇਰੀਆਂ ਸੰਵੇਦਨਾਵਾਂ ਉਨ੍ਹਾਂ ਪਰਿਵਾਰਾਂ ਨਾਲ ਹਨ ਜਿਨ੍ਹਾਂ ਨੇ ਆਪਣੇ ਅਜ਼ੀਜ਼ਾਂ ਨੂੰ ਗੁਆ ਦਿੱਤਾ ਹੈ। ਮੈਂ ਜ਼ਖਮੀਆਂ ਦੇ ਜਲਦੀ ਠੀਕ ਹੋਣ ਦੀ ਪ੍ਰਾਰਥਨਾ ਕਰਦਾ ਹਾਂ। ਇਨਸਾਫ਼ ਜ਼ਰੂਰ ਮਿਲੇਗਾ। ਕਿਰਪਾ ਕਰਕੇ ਸੁਰੱਖਿਅਤ ਰਹੋ।

Champions Trophy: ਸਪੋਰਟਸ ਡੈਸਕ। ਭਾਰਤੀ ਟੀਮ ਦੇ ਸਾਬਕਾ ਆਲਰਾਊਂਡਰ ਸੁਰੇਸ਼ ਰੈਨਾ ਦਾ ਮੰਨਣਾ ਹੈ ਕਿ ਚੈਂਪੀਅਨਜ਼ ਟਰਾਫੀ ’ਚ ਮੱਧਕ੍ਰਮ ਦੇ ਬੱਲੇਬਾਜ਼ ਸੂਰਿਆਕੁਮਾਰ ਯਾਦਵ ਦੀ ਘਾਟ ਮਹਿਸੂਸ ਹੋਵੇਗੀ ਕਿਉਂਕਿ ਉਹ ਦੁਬਈ ਦੇ ਹਾਲਾਤਾਂ ’ਚ ਐਕਸ-ਫੈਕਟਰ ਸਾਬਤ ਹੁੰਦੇ। ਰੋਹਿਤ ਸ਼ਰਮਾ ਦੀ ਅਗਵਾਈ ਵਾਲੀ ਟੀਮ ਨੂੰ ਇਸ ਟੂਰਨਾਮੈਂਟ ਦੇ ਸਾਰੇ ਮੈਚ ਦੁਬਈ ’ਚ ਹੀ ਖੇਡਣੇ ਹਨ। ਭਾਰਤ ਨੇ ਸ਼ਨਿੱਚਰਵਾਰ ਨੂੰ ਆਈਸੀਸੀ ਟੂਰਨਾਮੈਂਟ ਲਈ 15 ਮੈਂਬਰੀ ਭਾਰਤੀ ਟੀਮ ਦਾ ਐਲਾਨ ਕੀਤਾ ਹੈ। Champions Trophy

ਇਹ ਖਬਰ ਵੀ ਪੜ੍ਹੋ : Mahakumbh 2025: ਮਹਾਂਕੁੰਭ ਮੇਲਾ ਖੇਤਰ ’ਚ ਲੱਗੀ ਭਿਆਨਕ ਅੱਗ, ਲਗਾਤਾਰ ਫਟ ਰਹੇ ਸਿਲੰਡਰ, ਫਾਇਰ ਬ੍ਰਿਗੇਡ ਨੇ ਇਲਾਕਾ ਕੀ…

ਜਿਸ ’ਚ 2 ਵੱਡੇ ਨਾਂਅ ਸੂਰਿਆਕੁਮਾਰ ਯਾਦਵ ਤੇ ਤੇਜ਼ ਗੇਂਦਬਾਜ਼ ਮੁਹੰਮਦ ਸਿਰਾਜ ਸ਼ਾਮਲ ਨਹੀਂ ਸਨ। ਸੂਰਿਆਕੁਮਾਰ ਤੇ ਸਿਰਾਜ ਉਨ੍ਹਾਂ ਖਿਡਾਰੀਆਂ ’ਚੋਂ ਹਨ ਜੋ 2023 ਦੀ ਇੱਕ ਰੋਜ਼ਾ ਵਿਸ਼ਵ ਕੱਪ ਟੀਮ ਦਾ ਹਿੱਸਾ ਸਨ ਪਰ ਚੈਂਪੀਅਨਜ਼ ਟਰਾਫੀ ਲਈ ਨਹੀਂ ਚੁਣੇ ਗਏ ਸਨ। ਇਨ੍ਹਾਂ 2 ਖਿਡਾਰੀਆਂ ਤੋਂ ਇਲਾਵਾ, ਪ੍ਰਸਿਧ ਕ੍ਰਿਸ਼ਨਾ, ਸ਼ਾਰਦੁਲ ਠਾਕੁਰ ਤੇ ਈਸ਼ਾਨ ਕਿਸ਼ਨ ਵੀ ਸੂਚੀ ’ਚ ਜਗ੍ਹਾ ਨਹੀਂ ਬਣਾ ਸਕੇ। ਇਸ ਦੇ ਨਾਲ ਹੀ, ਰਵੀਚੰਦਰਨ ਅਸ਼ਵਿਨ ਪਹਿਲਾਂ ਹੀ ਅੰਤਰਰਾਸ਼ਟਰੀ ਕ੍ਰਿਕੇਟ ਤੋਂ ਸੰਨਿਆਸ ਲੈ ਚੁੱਕੇ ਹਨ।

ਰੈਨਾ ਨੇ ਦੱਸਿਆ, ਸੂਰਿਆਕੁਮਾਰ ਵਿਸ਼ਵ ਕੱਪ ਟੀਮ ਦਾ ਇੱਕ ਮਹੱਤਵਪੂਰਨ ਹਿੱਸਾ ਸੀ। ਉਹ 360 ਡਿਗਰੀ ਵਾਲਾ ਖਿਡਾਰੀ ਹੈ ਜੋ ਮੈਚ ਦੇ ਕਿਸੇ ਵੀ ਪੜਾਅ ’ਤੇ ਪ੍ਰਤੀ ਓਵਰ 9 ਦੌੜਾਂ ਬਣਾ ਸਕਦਾ ਹੈ। ਉਹ ਵਿਰੋਧੀ ਟੀਮ ’ਤੇ ਹਾਵੀ ਹੋ ਸਕਦਾ ਹੈ ਤੇ ਵੱਖਰੇ ਅੰਦਾਜ਼ ’ਚ ਬੱਲੇਬਾਜ਼ੀ ਕਰ ਸਕਦਾ ਹੈ। ਜੇਕਰ ਸੂਰਿਆਕੁਮਾਰ ਟੀਮ ’ਚ ਹੁੰਦੇ, ਤਾਂ ਉਹ ਐਕਸ ਫੈਕਟਰ ਸਾਬਤ ਹੁੰਦੇ। ਸਾਨੂੰ ਉਨ੍ਹਾਂ ਕਮੀ ਮਹਿਸੂਸ ਹੋਵੇਗੀ। ਹੁਣ ਜ਼ਿੰਮੇਵਾਰੀ ਉਨ੍ਹਾਂ ਤਿੰਨ ਚੋਟੀ ਦੇ ਬੱਲੇਬਾਜ਼ਾਂ ’ਤੇ ਹੋਵੇਗੀ ਜੋ ਫਾਰਮ ’ਚ ਨਹੀਂ ਹਨ। ਸੂਰਿਆਕੁਮਾਰ ਇੱਕ ਅਜਿਹਾ ਬੱਲੇਬਾਜ਼ ਹੈ ਜੋ ਕਿਸੇ ਵੀ ਸਥਿਤੀ ’ਤੇ ਬੱਲੇਬਾਜ਼ੀ ਕਰ ਸਕਦਾ ਹੈ। Champions Trophy

ਰੈਨਾ ਨੇ ਸਿਰਾਜ ਨੂੰ ਟੀਮ ’ਚ ਸ਼ਾਮਲ ਕਰਨ ਦੀ ਵਕਾਲਤ ਕੀਤੀ | Champions Trophy

ਰੈਨਾ ਨੇ ਇਹ ਵੀ ਕਿਹਾ ਕਿ ਜਸਪ੍ਰੀਤ ਬੁਮਰਾਹ ਦੀ ਫਿਟਨੈਸ ’ਤੇ ਸ਼ੱਕ ਹੈ ਤੇ ਮੁਹੰਮਦ ਸ਼ਮੀ ਸੱਟ ਤੋਂ ਵਾਪਸੀ ਕਰ ਰਹੇ ਹਨ, ਅਜਿਹੀ ਸਥਿਤੀ ’ਚ ਮੁਹੰਮਦ ਸਿਰਾਜ ਇੱਕ ਬਿਹਤਰ ਵਿਕਲਪ ਹੋ ਸਕਦਾ ਸੀ। ਰੈਨਾ ਦਾ ਮੰਨਣਾ ਹੈ ਕਿ ਹੈਦਰਾਬਾਦ ਦਾ ਇਹ ਤੇਜ਼ ਗੇਂਦਬਾਜ਼ ਅਜੇ ਵੀ ਟੀਮ ’ਚ ਜਗ੍ਹਾ ਬਣਾ ਸਕਦਾ ਹੈ। ਉਨ੍ਹਾਂ ਕਿਹਾ, ਸਿਰਾਜ ਅਸਟਰੇਲੀਆ ’ਚ ਵੱਖਰੇ ਰੂਪ ’ਚ ਦਿਖਾਈ ਦੇ ਰਿਹਾ ਸੀ।

ਪਰ ਤੁਸੀਂ 12 ਫਰਵਰੀ ਤੱਕ ਟੀਮ ’ਚ ਬਦਲਾਅ ਕਰ ਸਕਦੇ ਹੋ। ਮੈਨੂੰ ਲੱਗਦਾ ਹੈ ਕਿ ਜੇਕਰ ਬੁਮਰਾਹ ਪੂਰੀ ਤਰ੍ਹਾਂ ਫਿੱਟ ਨਹੀਂ ਹੁੰਦੇ ਤਾਂ ਸਿਰਾਜ ਟੀਮ ’ਚ ਵਾਪਸ ਆ ਸਕਦੇ ਹਨ। ਹਰਸ਼ਿਤ ਰਾਣਾ ਨੇ ਵਧੀਆ ਪ੍ਰਦਰਸ਼ਨ ਕੀਤਾ ਹੈ। ਉਸ ਕੋਲ ਚੰਗੀ ਰਫ਼ਤਾਰ, ਵਧੀਆ ਬੰਪਰ, ਵੈਰੀਏਸ਼ਨ ਤੇ ਯਾਰਕਰ ਹੈ। ਉਹ ਤੇ ਅਰਸ਼ਦੀਪ ਸਿੰਘ ਦੋਵੇਂ ਡੈਥ ਓਵਰਾਂ ’ਚ ਗੇਂਦਬਾਜ਼ੀ ਕਰ ਸਕਦੇ ਹਨ, ਪਰ ਮੈਨੂੂੰ ਅਜੇ ਵੀ ਲੱਗਦਾ ਹੈ ਕਿ ਜੇਕਰ ਬੁਮਰਾਹ ਨਹੀਂ ਹੈ ਤਾਂ ਸਿਰਾਜ ਇੱਕ ਬਿਹਤਰ ਵਿਕਲਪ ਹੈ।

ਸ਼ੁਭਮਨ ਗਿੱਲ ਨੂੰ ਉਪ-ਕਪਤਾਨ ਬਣਾਉਣ ’ਤੇ ਕੀ ਬੋਲੇ ਜਸਪ੍ਰੀਤ ਬੁਮਰਾਹ?

ਬੁਮਰਾਹ ਇਸ ਮਹੀਨੇ ਦੇ ਸ਼ੁਰੂ ’ਚ ਸਿਡਨੀ ’ਚ ਅਸਟਰੇਲੀਆ ਖਿਲਾਫ਼ ਟੈਸਟ ਮੈਚ ਦੌਰਾਨ ਹੋਈ ਪਿੱਠ ਦੀ ਸੱਟ ਤੋਂ ਠੀਕ ਹੋ ਰਹੇ ਹਨ। ਇਸ ਦੇ ਨਾਲ ਹੀ, ਅੱਡੀ ਦੀ ਸੱਟ ਤੋਂ ਠੀਕ ਹੋਣ ਤੋਂ ਬਾਅਦ, ਸ਼ਮੀ 2023 ਵਿਸ਼ਵ ਕੱਪ ਤੋਂ ਬਾਅਦ ਪਹਿਲੀ ਵਾਰ ਵਨਡੇ ਟੀਮ ’ਚ ਵਾਪਸੀ ਕਰ ਰਹੇ ਹਨ। ਰੋਹਿਤ ਭਾਰਤੀ ਟੀਮ ਦੀ ਅਗਵਾਈ ਕਰਨਗੇ, ਜਦੋਂ ਕਿ ਨੌਜਵਾਨ ਪ੍ਰਤਿਭਾਸ਼ਾਲੀ ਬੱਲੇਬਾਜ਼ ਸ਼ੁਭਮਨ ਗਿੱਲ ਨੂੰ ਉਪ-ਕਪਤਾਨ ਬਣਾਇਆ ਗਿਆ ਹੈ। ਰੈਨਾ ਨੇ ਇਸ ਫੈਸਲੇ ਨੂੰ ਇੱਕ ਦੂਰਦਰਸ਼ੀ ਕਦਮ ਕਿਹਾ। ਉਨ੍ਹਾਂ ਕਿਹਾ, ਗਿੱਲ ਨੂੰ ਸਹੀ ਸਮੇਂ ’ਤੇ ਉਪ-ਕਪਤਾਨ ਮਿਲਿਆ ਹੈ। ਉਹ ਭਾਰਤੀ ਕ੍ਰਿਕੇਟ ਦਾ ਅਗਲਾ ਸੁਪਰਸਟਾਰ ਹੈ ਤੇ ਉਨ੍ਹਾਂ ਇੱਕ ਰੋਜ਼ਾ ਮੈਚਾਂ ’ਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਕਪਤਾਨ ਰੋਹਿਤ ਸ਼ਰਮਾ ਜਾਣਦੇ ਹਨ ਕਿ ਇੱਕ ਨੌਜਵਾਨ ਖਿਡਾਰੀ ਨੂੰ ਕਿਵੇਂ ਤਿਆਰ ਕਰਨਾ ਹੈ ਤੇ ਗਿੱਲ ਟੀਮ ਲਈ ਕੀ ਖਾਸ ਕਰ ਸਕਦੇ ਹਨ।

ਸੁਰੇਸ਼ ਰੈਨਾ ਦਾ ਦਾਅਵਾ, ਭਾਰਤ ਜਿੱਤ ਸਕਦਾ ਹੈ ਖਿਤਾਬ

ਭਾਰਤ ਨੇ 2 ਵਾਰ ਚੈਂਪੀਅਨਜ਼ ਟਰਾਫੀ ਜਿੱਤੀ ਹੈ। 2002 ’ਚ ਪਹਿਲੀ ਵਾਰ, ਉਹ ਸ਼੍ਰੀਲੰਕਾ ਨਾਲ ਸੰਯੁਕਤ ਜੇਤੂ ਬਣਿਆ, ਜਦੋਂ ਕਿ 2013 ’ਚ ਦੂਜੀ ਵਾਰ ਉਨ੍ਹਾਂ ਇਹ ਵੱਕਾਰੀ ਟਰਾਫੀ ਜਿੱਤੀ। ਰੈਨਾ ਦਾ ਮੰਨਣਾ ਹੈ ਕਿ ਰੋਹਿਤ ਸ਼ਰਮਾ ਦੀ ਟੀਮ ’ਚ ਚੈਂਪੀਅਨ ਬਣਨ ਦੀ ਸਮਰੱਥਾ ਹੈ। ਉਨ੍ਹਾਂ ਕਿਹਾ, ਰੋਹਿਤ ਦੀ ਟੀਮ ’ਚ ਸਮਰੱਥਾ ਹੈ। ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ ਟੀਮ ਦਾ ਸਹੀ ਸੁਮੇਲ ਤਿਆਰ ਕੀਤਾ ਜਾਵੇ। ਦੁਬਈ ਦੀ ਪਿੱਚ ਥੋੜ੍ਹੀ ਹੌਲੀ ਹੋਵੇਗੀ ਪਰ ਸਾਡੀ ਟੀਮ ਕਿਸੇ ਵੀ ਸਥਿਤੀ ’ਚ ਜਿੱਤਣ ਦੇ ਸਮਰੱਥ ਹੈ।

ਧੋਨੀ ਮੈਨੂੰ ਖੁੱਲਕੇ ਬੱਲੇਬਾਜੀ ਕਰਨ ਦੀ ਇਜਾਜ਼ਤ ਦਿੰਦੇ ਸਨ : ਰੈਨਾ

ਨਵੀਂ ਦਿੱਲੀ। ਟੀਮ ਇੰਡੀਆ ਦੇ ਬੱਲੇਬਾਜ਼ ਸੁਰੇਸ਼ ਰੈਨਾ ਨੇ ਕਿਹਾ ਹੈ ਕਿ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਉਸ ਨੂੰ ਖੁੱਲ੍ਹ ਕੇ ਬੱਲੇਬਾਜ਼ੀ ਦੀ ਆਗਿਆ ਦਿੰਦਾ ਸੀ। ਰੈਨਾ ਲੰਬੇ ਸਮੇਂ ਤੋਂ ਟੀਮ ਇੰਡੀਆ ਅਤੇ ਚੇਨਈ ਸੁਪਰ ਕਿੰਗਜ਼ ਨਾਲ ਧੋਨੀ ਦੀ ਕਪਤਾਨੀ ‘ਚ ਖੇਡਿਆ ਹੈ। ਸਟਾਰ ਸਪੋਰਟਸ ਸ਼ੋਅ ਕ੍ਰਿਕਟ ਕਨੈਕਟ ਵਿੱਚ ਧੋਨੀ ਨਾਲ ਬੱਲੇਬਾਜ਼ੀ ਕਰਨ ਦੇ ਆਪਣੇ ਤਜ਼ਰਬੇ ਸਾਂਝੇ ਕਰਦਿਆਂ ਉਨ੍ਹਾਂ ਕਿਹਾ, ਜਦੋਂ ਵੀ ਅਸੀਂ ਇਕੱਠੇ ਖੇਡਣ ਜਾਂਦੇ ਸੀ ਤਾਂ ਧੋਨੀ ਨੇ ਮੈਨੂੰ ਅਜ਼ਾਦ ਬੱਲੇਬਾਜ਼ੀ ਦੀ ਆਗਿਆ ਦਿੱਤੀ। ਉਹ ਜਾਣਦੇ ਸਨ ਕਿ ਮੇਰੀ ਸੰਭਾਵਨਾ ਕੀ ਹੈ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

India team | ਰੈਨਾ ਨੇ 2018 ‘ਚ ਖੇਡਿਆ ਸੀ ਆਖਰੀ ਅੰਤਰਰਾਸ਼ਟਰੀ ਮੈਚ

ਮੁੰਬਈ। (Indian team) ਭਾਰਤ ਦੇ ਸਾਬਕਾ ਬੱਲੇਬਾਜ਼ ਸੁਰੇਸ਼ ਰੈਨਾ (Suresh raina) ਨੇ ਮਹਿੰਦਰ ਸਿੰਘ ਧੋਨੀ ਨੂੰ ਭਾਰਤੀ ਕ੍ਰਿਕਟ (Indian team) ਇਤਿਹਾਸ ਦਾ ਸਰਬੋਤਮ ਕਪਤਾਨ ਕਿਹਾ ਹੈ। ਰੈਨਾ ਨੇ ਕਿਹਾ ਕਿ ਧੋਨੀ ਨੇ ਹੀ ਟੀਮ ਇੰਡੀਆ ਨੂੰ ਪੂਰੀ ਤਰ੍ਹਾਂ ਬਦਲਿਆ ਸੀ। ਰੈਨਾ ਦੋ ਸਾਲਾਂ ਤੋਂ ਟੀਮ ਇੰਡੀਆ ਵਿਚ ਨਹੀਂ ਹਨ। 2018 ‘ਚ, ਰੈਨਾ ਨੇ ਆਖਰੀ ਅੰਤਰਰਾਸ਼ਟਰੀ ਮੈਚ ਖੇਡਿਆ। ਰੈਨਾ ਇੰਡੀਅਨ ਪ੍ਰੀਮੀਅਰ ਲੀਗ ਵਿੱਚ ਚੇਨਈ ਸੁਪਰ ਕਿੰਗਜ਼ (ਸੀਐਸਕੇ) ਲਈ ਖੇਡਦਾ ਹੈ। ਇਸ ਟੀਮ ਦਾ ਕਪਤਾਨ ਧੋਨੀ ਹੈ। ਆਈਪੀਐਲ 2020 ਇਸ ਸਾਲ 29 ਮਾਰਚ ਤੋਂ 24 ਮਈ ਤੱਕ ਖੇਡਿਆ ਜਾਵੇਗਾ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

Suresh raina