Rohit Sharma: ਰਾਂਚੀ, (ਆਈਏਐਨਐਸ)। ਰੋਹਿਤ ਸ਼ਰਮਾ ਵਨਡੇ ਫਾਰਮੈਟ ਵਿੱਚ ਸਭ ਤੋਂ ਵੱਧ ਛੱਕੇ ਲਗਾਉਣ ਵਾਲੇ ਬੱਲੇਬਾਜ਼ ਬਣ ਗਏ ਹਨ। ਰੋਹਿਤ ਸ਼ਰਮਾ ਨੇ ਦੱਖਣੀ ਅਫਰੀਕਾ ਵਿਰੁੱਧ ਜੇਐਸਸੀਏ ਇੰਟਰਨੈਸ਼ਨਲ ਸਟੇਡੀਅਮ ਵਿੱਚ 57 ਦੌੜਾਂ ਦੀ ਪਾਰੀ ਖੇਡੀ। ਇਸ ਪਾਰੀ ਦੌਰਾਨ ਉਨ੍ਹਾਂ ਨੇ 3 ਛੱਕੇ ਅਤੇ 5 ਚੌਕੇ ਲਗਾਏ। ਇਸ ਦੇ ਨਾਲ ਹੀ ਰੋਹਿਤ ਸ਼ਰਮਾ ਨੇ ਸਾਬਕਾ ਪਾਕਿਸਤਾਨੀ ਕ੍ਰਿਕਟਰ ਸ਼ਾਹਿਦ ਅਫਰੀਦੀ ਦਾ ਵਨਡੇ ਕ੍ਰਿਕਟ ਵਿੱਚ ਸਭ ਤੋਂ ਵੱਧ ਛੱਕੇ ਲਗਾਉਣ ਦਾ ਰਿਕਾਰਡ ਤੋੜ ਦਿੱਤਾ ਹੈ। ਸ਼ਾਹਿਦ ਅਫਰੀਦੀ ਨੇ 398 ਵਨਡੇ ਮੈਚਾਂ ਵਿੱਚ 351 ਛੱਕੇ ਲਗਾਏ ਸਨ।

ਰੋਹਿਤ ਸ਼ਰਮਾ ਨੇ 277 ਵਨਡੇ ਮੈਚਾਂ ਵਿੱਚ 352 ਛੱਕੇ ਲਗਾਏ ਹਨ। ਰੋਹਿਤ ਸ਼ਰਮਾ ਨੇ ਵਨਡੇ ਕ੍ਰਿਕਟ ਵਿੱਚ 49.25 ਦੀ ਔਸਤ ਨਾਲ 11,427 ਦੌੜਾਂ ਬਣਾਈਆਂ ਹਨ। ਇਸ ਸਮੇਂ ਦੌਰਾਨ, ਉਨ੍ਹਾਂ ਨੇ 33 ਸੈਂਕੜੇ ਅਤੇ 60 ਅਰਧ ਸੈਂਕੜੇ ਲਗਾਏ ਹਨ। ਰੋਹਿਤ ਵਨਡੇ ਫਾਰਮੈਟ ਵਿੱਚ 300 ਛੱਕੇ ਲਗਾਉਣ ਵਾਲੇ ਤਿੰਨ ਬੱਲੇਬਾਜ਼ਾਂ ਵਿੱਚੋਂ ਇੱਕ ਹੈ। ਰੋਹਿਤ ਅਤੇ ਅਫਰੀਦੀ ਤੋਂ ਇਲਾਵਾ, ਕ੍ਰਿਸ ਗੇਲ ਨੇ ਵੀ ਵਨਡੇ ਕ੍ਰਿਕਟ ਵਿੱਚ ਛੱਕਿਆਂ ਦਾ ਤੀਹਰਾ ਸੈਂਕੜਾ ਲਗਾਇਆ ਹੈ। ਕ੍ਰਿਸ ਗੇਲ ਨੇ 1999 ਤੋਂ 2019 ਦੇ ਵਿਚਕਾਰ 301 ਵਨਡੇ ਮੈਚਾਂ ਵਿੱਚ 37.83 ਦੀ ਔਸਤ ਨਾਲ 10,480 ਦੌੜਾਂ ਬਣਾਈਆਂ। ਇਸ ਸਮੇਂ ਦੌਰਾਨ, ਉਸਨੇ 331 ਛੱਕੇ ਲਗਾਏ, ਜਦੋਂ ਕਿ ਸਨਥ ਜੈਸੂਰੀਆ ਨੇ 445 ਵਨਡੇ ਮੈਚਾਂ ਵਿੱਚ 270 ਛੱਕੇ ਲਗਾਏ।

ਇਹ ਵੀ ਪੜ੍ਹੋ: Electricity Bill Relief: ਬਿਜਲੀ ਬਿੱਲ ਰਾਹਤ ਯੋਜਨਾ ਨਾਲ ਮਿਲੇਗੀ ਖਪਤਕਾਰਾਂ ਨੂੰ ਵੱਡੀ ਰਾਹਤ

ਸਾਬਕਾ ਭਾਰਤੀ ਕਪਤਾਨ ਮਹਿੰਦਰ ਸਿੰਘ ਧੋਨੀ ਇਸ ਸੂਚੀ ਵਿੱਚ ਪੰਜਵੇਂ ਸਥਾਨ ‘ਤੇ ਹਨ, ਜਿਨ੍ਹਾਂ ਨੇ 350 ਮੈਚਾਂ ਵਿੱਚ 229 ਛੱਕੇ ਲਗਾਏ ਹਨ। ਭਾਰਤੀ ਟੀਮ ਦੱਖਣੀ ਅਫਰੀਕਾ ਵਿਰੁੱਧ ਟੈਸਟ ਸੀਰੀਜ਼ 0-2 ਨਾਲ ਹਾਰਨ ਤੋਂ ਬਾਅਦ ਇਸ ਮੈਚ ਵਿੱਚ ਦਾਖਲ ਹੋਈ ਸੀ। ਭਾਰਤੀ ਟੀਮ ਸੀਰੀਜ਼ ਦਾ ਪਹਿਲਾ ਮੈਚ ਜਿੱਤ ਕੇ 1-0 ਦੀ ਲੀਡ ਲੈਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਭਾਰਤੀ ਟੀਮ ਟੈਸਟ ਸੀਰੀਜ਼ ਦਾ ਬਦਲਾ ਵਨਡੇ ਸੀਰੀਜ਼ ਵਿੱਚ ਲੈਣਾ ਚਾਹੁੰਦੀ ਹੈ। Rohit Sharma

ਸ਼ਾਹਿਦ ਅਫ਼ਰੀਦੀ ਦੀ ਸਿਆਸੀ ਪੌੜੀ

ਇਨਾਂ ਦਿਨਾਂ ‘ਚ ਪਾਕਿਸਤਾਨ ਦੇ ਸਾਬਕਾ ਕ੍ਰਿਕਟਰ ਸ਼ਾਹਿਦ ਅਫ਼ਰੀਦੀ ਦੀ ਇੱਕ ਵੀਡੀਓ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਉਹ ਭਾਰਤ ਦੇ ਪ੍ਰਧਾਨ ਮੰਤਰੀ ‘ਤੇ ਬੜੀ ਬੇਹੂਦਾ ਟਿੱਪਣੀ ਕਰ ਰਿਹਾ ਹੈ ਗੌਤਮ ਗੰਭੀਰ ਸਮੇਤ ਕੁਝ ਹੋਰ ਭਾਰਤੀ ਕ੍ਰਿਕੇਟਰਾਂ ਨੇ ਅਫ਼ਰੀਦੀ ਦੇ ਬਿਆਨ ਦੀ ਆਲੋਚਨਾ ਕੀਤੀ ਹੈ ਗੰਭੀਰ ਨੇ ਤਾਂ ਬੜੇ ਸਖ਼ਤ ਲਹਿਜੇ ‘ਚ ਜਵਾਬ ਦਿੱਤਾ ਹੈ ਇਹ ਘਟਨਾ ਚੱਕਰ ਪਹਿਲਾਂ ਹੀ ਤਣਾਅ ਭਰੇ ਸਬੰਧਾਂ ਵਾਲੇ ਮੁਲਕ ਹਿੰਦ ਪਾਕਿ ਲਈ ਬੜਾ ਚਿੰਤਾਜਨਕ ਹੈ

ਪਰ ਇਹ ਸਵਾਲ ਵੀ ਬੜਾ ਅਹਿਮ ਹੈ ਕਿ ਜਦੋਂ ਕੋਰੋਨਾ ਮਹਾਂਮਾਰੀ ਦੇ ਦੌਰ ‘ਚ ਦੋਵਾਂ ਮੁਲਕਾਂ ਦੇ ਸਿਆਸਤਦਾਨ ਆਪਣੇ ਵਿਵਾਦਤ ਮਾਮਲਿਆਂ ‘ਤੇ ਚੁੱਪ ਹਨ ਤਾਂ ਪਾਕਿ ਦਾ ਇੱਕ ਕ੍ਰਿਕੇਟਰ ਅਚਾਨਕ ਸਿਆਸੀ ਬਿਆਨਬਾਜ਼ੀ ਕਿਵੇਂ ਸ਼ੁਰੂ ਕਰ ਦਿੰਦਾ ਹੈ ਦਰਅਸਲ ਅਫ਼ਰੀਦੀ ਦਾ ਨਿਸ਼ਾਨਾ ਪਾਕਿਸਤਾਨ ਦੀ ਸਿਆਸਤ ‘ਚ ਥਾਂ ਬਣਾਉਣਾ ਹੈ ਤੇ ਮਹਾਂਮਾਰੀ ਦੇ ਦੌਰ ‘ਚ ਉਸ ਕੋਲ ਪੂਰਾ ਮੌਕਾ ਹੈ ਕਿ ਹੋਰ ਸਿਆਸਤਦਾਨ ਚੁੱਪ ਹਨ ਤਾਂ ਉਹ ਸਿਆਸਤ ਦਾ ਛੱਕਾ ਮਾਰ ਗਿਆ ਹੈ

ਦੇਰ ਸਵੇਰ ਅਫ਼ਰੀਦੀ ਵੀ ਕਿਸੇ ਨਾ ਕਿਸੇ ਪਾਰਟੀ ‘ਚ ਸ਼ਾਮਲ ਹੋ ਕੇ ਪਾਰਲੀਮੈਂਟ ਜਾਂ ਵਿਧਾਨ ਸਭਾ ਦੀਆਂ ਪੌੜੀਆਂ ਚੜ੍ਹਨ ਦੀ ਤਾਕ ‘ਚ ਹੈ ਪਾਕਿਸਤਾਨ ‘ਚ ਸਿਆਸਤ ਦਾ ਇੱਕ ਸੌਖਾ ਰਸਤਾ ਭਾਰਤ ਦੀ ਵਿਰੋਧਤਾ ਖਾਸ ਕਰਕੇ ਕਸ਼ਮੀਰ ਦਾ ਮੁੱਦਾ ਹੈ ਪਾਕਿਸਤਾਨ ਦੇ ਕੱਟੜਪੰਥੀ ਸੰਗਠਨ ਤੇ ਅੱਤਵਾਦੀ ਹਮੇਸ਼ਾਂ ਉਸ ਆਗੂ ਨੂੰ ਹੀ ਹਮਾਇਤ ਦੇਂਦੇ ਹਨ ਜੋ ਹਿੰਦੁਸਤਾਨ ਖਿਲਾਫ਼ ਧੂੰਆਂ-ਧਾਰ ਬਿਆਨ ਦੇਣ ਦੇ ਪੂਰਾ ਮਾਹਿਰ ਹੋਵੇ ਇਮਰਾਨ ਖਾਨ ਖੁਦ ਇਸ ਦੀ ਉਦਾਹਰਨ ਹਨ 22 ਸਾਲਾਂ ਦੇ ਸਿਆਸੀ ਸੰਘਰਸ਼ ਤੋਂ ਬਾਅਦ ਉਹ ਮੁਲਕ ਦੀ ਹਕੂਮਤ ‘ਤੇ ਕਾਬਜ਼ ਹੋਏ ਹਨ

ਇਮਰਾਨ ਵੀ ਅਫ਼ਰੀਦੀ ਵਾਂਗ ਕ੍ਰਿਕੇਟਰ ਹਨ ਇਮਰਾਨ ਖਾਨ ਨੇ ਆਮ ਚੋਣਾਂ ਤੋਂ ਪਹਿਲਾਂ ਕਸ਼ਮੀਰ ਦੇ ਮੁੱਦੇ ਨੂੰ ਰੱਜ ਕੇ ਵਰਤਿਆ ਤੇ ਤਾਲਿਬਾਨ ਸੰਗਠਨਾਂ ਨੂੰ ਵੀ ਖੁਸ਼ ਕਰਨ ਦੀ ਕੋਈ ਕਸਰ ਨਹੀਂ ਛੱਡੀ ਆਖ਼ਰ ਤਾਲਿਬਾਨਾਂ ਨੇ ਇਮਰਾਨ ਨੂੰ ਸਿਆਸੀ ਹਮਾਇਤ ਵੀ ਦਿੱਤੀ ਕ੍ਰਿਕੇਟਰ ਇਸ ਵਕਤ ਭਾਰਤ ਤੇ ਪਾਕਿਸਤਾਨ ਦੀ ਸਭ ਤੋਂ ਵੱਡੀ ਖੇਡ ਹੈ ਤੇ ਭਾਰਤ ਪਾਕਿ ਨੂੰ ਹੀ ਕ੍ਰਿਕਟ ਮੰਨਿਆ ਜਾਂਦਾ ਹੈ ਭਾਰਤ ਪਾਕਿ ਦਾ ਮੈਚ ਦੋਵਾਂ ਮੁਲਕਾਂ ਦੇ ਦਰਸ਼ਕਾਂ ‘ਚ ਜੰਗ ਵਰਗੇ ਭਾਵ ਪੈਦਾ ਕਰਦਾ ਰਿਹਾ ਹੈ

ਇਸ ਲਈ ਜਦੋਂ ਪਾਕਿ ਦਾ ਕੋਈ ਕ੍ਰਿਕਟਰ ਭਾਰਤ ਖਿਲਾਫ਼ ਸਿਆਸੀ ਬਿਆਨ ਦਾਗਦਾ ਹੈ ਤਾਂ ਉਸ ਦੀ ਚਰਚਾ ਵੱਧ ਹੁੰਦੀ ਹੈ ਅਫ਼ਰੀਦੀ ਵੀ ਇਸੇ ਰਸਤੇ ‘ਤੇ ਤੁਰਦਾ ਨਜ਼ਰ ਆ ਰਿਹਾ ਹੈ ਬੇਸ਼ੱਕ ਅਫ਼ਰੀਦੀ ਦਾ ਸਿਆਸੀ ਮਕਸਦ ਕਦੇ ਹੱਲ ਹੋ ਜਾਵੇ ਪਰ ਉਹ ਨਫ਼ਰਤ ਦੀ ਜਿਸ ਪੌੜੀ ਰਾਹੀਂ ਸਿਆਸੀ ਕੁਰਸੀ ਹਾਸਲ ਕਰਨ ਦੀ ਕੋਸਿਸ਼ ਕਰ ਰਿਹਾ ਹੈ, ਉਹ ਦੋ ਮੁਲਕਾਂ ‘ਚ ਨਫ਼ਰਤ ਦੀ ਲਕੀਰ ਨੂੰ ਹੋਰ ਪੱਕਾ ਕਰੇਗੀ ਨਫ਼ਰਤ ਕਿਸੇ ਵੀ ਤਰ੍ਹਾਂ ਪਾਕਿ ਦੇ ਹੱਕ ‘ਚ ਨਹੀਂ ਹੈ

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

Asia cup ‘ਚ ਭਾਰਤ ਤੇ ਪਾਕਿ ਦੋਵੇਂ ਟੀਮਾਂ ਹੋਣੀਆਂ ਚਾਹੀਆਂ ਹਨ : ਸ਼ਾਹਿਦ ਅਫਰੀਦੀ

ਮੁੰਬਈ। ਪਾਕਿਸਤਾਨ ਦੇ ਸਾਬਕਾ ਕਪਤਾਨ ਸ਼ਾਹਿਦ ਅਫਰੀਦੀ ਨੇ ਕਿਹਾ ਹੈ ਕਿ ਏਸ਼ੀਆ ਕੱਪ (Asia Cup) ਕ੍ਰਿਕਟ ਟੂਰਨਾਮੈਂਟ ਵਿਚ ਭਾਰਤ ਅਤੇ ਪਾਕਿਸਤਾਨ ਦੋਵੇਂ ਟੀਮਾਂ ਹੋਣੀਆਂ ਚਾਹੀਦੀਆਂ ਹਨ। ਸ਼ਾਹਿਦ ਨੇ ਕਿਹਾ, “ ਇਸ ਸਾਲ ਏਸ਼ੀਆ ਕੱਪ ਦੀ ਮੇਜ਼ਬਾਨੀ ਪਾਕਿਸਤਾਨ ਨੂੰ ਦਿੱਤੀ ਗਈ ਹੈ। ਮੈਨੂੰ ਬਹੁਤ ਖੁਸ਼ੀ ਹੋਵੇਗੀ ਜੇ ਟੀਮ ਇੰਡੀਆ ਇਥੇ ਆ ਕੇ ਖੇਡਦੀ ਹੈ, ਕਿਉਂਕਿ, ਜੇ ਇਨ੍ਹਾਂ ਟੀਮਾਂ ਵਿਚੋਂ ਇਕ ਵੀ ਇਸ ਟੂਰਨਾਮੈਂਟ ਵਿਚ ਨਹੀਂ ਖੇਡਦੀ, ਤਾਂ ਇਸ ਦਾ ਕੋਈ ਉਚਿਤ ਮਤਲਬ ਨਹੀਂ ਹੈ।”

ਅਫਰੀਦੀ ਨੇ ਇੱਕ ਚੈਨਲ ਨੂੰ ਦਿੱਤੇ ਇੰਟਰਵਿਊ ‘ਚ ਕਿਹਾ, “ਜੇਕਰ ਦੋਵੇਂ ਟੀਮਾਂ ਏਸ਼ੀਆ ਕੱਪ ਵਿੱਚ ਨਹੀਂ ਖੇਡਦੀਆਂ ਤਾਂ ਰੋਮਾਂਚ ਨਹੀਂ ਹੋਵੇਗਾ। ਸ਼ਾਹਿਦ ਨੇ ਕਿਹਾ, ”ਹਾਲ ਹੀ ਵਿੱਚ ਸ਼੍ਰੀਲੰਕਾ ਅਤੇ ਫਿਰ ਬੰਗਲਾਦੇਸ਼ ਦੀਆਂ ਟੀਮਾਂ ਨੇ ਪਾਕਿਸਤਾਨ ਦਾ ਦੌਰਾ ਕੀਤਾ ਸੀ। ਬੰਗਲਾਦੇਸ਼ ਵੀ ਇਥੇ ਟੈਸਟ ਖੇਡਣ ਲਈ ਸਹਿਮਤ ਹੋ ਗਿਆ ਹੈ। ਇਸ ਵਾਰ ਅਸੀਂ ਪਾਕਿਸਤਾਨ ਵਿਚ ਪੂਰਾ ਪੀਐਸਐਲ ਵੀ ਕਰ ਰਹੇ ਹਾਂ। ਮੈਂ ਇਹ ਕਹਿਣਾ ਚਾਹੁੰਦਾ ਹਾਂ ਕਿ ਪਾਕਿਸਤਾਨ ਹੁਣ ਇਕ ਸੁਰੱਖਿਅਤ ਦੇਸ਼ ਹੈ। ਇੱਥੇ ਖਿਡਾਰੀਆਂ ਨੂੰ ਕੋਈ ਖਤਰਾ ਨਹੀਂ ਹੈ। ਮੈਂ ਉਸ ਸਮੇਂ ਦੀ ਉਡੀਕ ਕਰ ਰਿਹਾ ਹਾਂ ਜਦੋਂ ਭਾਰਤੀ ਟੀਮ ਪਾਕਿਸਤਾਨ ਆ ਕੇ ਲੜੀ ਖੇਡੇਗੀ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।