ਫਾਇਰ ਬ੍ਰਿਗੇਡ ਦੀ ਮੁਸਤੈਦੀ ਕਾਰਨ ਪਾਇਆ ਅੱਗੇ ’ਤੇ ਕਾਬੂ

Jaipur News: ਜੈਪੁਰ (ਸੱਚ ਕਹੂੰ ਨਿਊਜ਼)। ਜੈਪੁਰ ਦੇ ਵੱਕਾਰੀ ਐਸਐਮਐਸ ਖੇਤਰ ’ਚ ਸਥਿਤ ਆਯੁਸ਼ਮਾਨ ਟਾਵਰ ’ਚ ਬੁੱਧਵਾਰ ਸਵੇਰੇ ਅਚਾਨਕ ਭਿਆਨਕ ਅੱਗ ਲੱਗ ਗਈ। ਅੱਗ ਚੌਥੀ ਮੰਜ਼ਿਲ ’ਤੇ ਲੱਗੀ, ਜਿਸ ਕਾਰਨ ਧੂੰਆਂ ਪੂਰੇ ਟਾਵਰ ’ਚ ਫੈਲ ਗਿਆ। ਸ਼ੁਰੂਆਤੀ ਜਾਣਕਾਰੀ ਅਨੁਸਾਰ, ਅੱਗ ਤਾਰਾਂ ਦੇ ਬੰਡਲਾਂ ’ਚ ਲੱਗੀ ਹੈ।

ਇਹ ਖਬਰ ਵੀ ਪੜ੍ਹੋ : Haryana Board Exam: ਹਰਿਆਣਾ ਬੋਰਡ ਦੀਆਂ ਪ੍ਰੀਖਿਆਵਾਂ ਸਬੰਧੀ ਹੋਇਆ ਵੱਡਾ ਬਦਲਾਅ, ਜਾਣੋ

ਪ੍ਰਸ਼ਾਸਨ ਨਹੀਂ ਦੇ ਸਕਿਆ ਅੱਗ ਦਾ ਕਾਰਨ | Jaipur News

ਅੱਗ ਲੱਗਣ ਦੇ ਕਾਰਨਾਂ ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ। ਪ੍ਰਸ਼ਾਸਨ ਇਸ ਵੇਲੇ ਇਸ ਦੀ ਜਾਂਚ ਕਰ ਰਿਹਾ ਹੈ। ਰਾਹਤ ਦੀ ਗੱਲ ਇਹ ਹੈ ਕਿ ਆਯੁਸ਼ਮਾਨ ਟਾਵਰ ਅਜੇ ਪੂਰੀ ਤਰ੍ਹਾਂ ਤਿਆਰ ਨਹੀਂ ਸੀ, ਜਿਸ ਕਾਰਨ ਇੱਕ ਵੱਡੇ ਹਾਦਸੇ ਦੀ ਸੰਭਾਵਨਾ ਟਲ ਗਈ।

ਫਾਇਰ ਬ੍ਰਿਗੇਡ ਦੀ ਮੁਸਤੈਦੀ ਨਾਲ ਪਾਇਆ ਅੱਗ ’ਤੇ ਕਾਬੂ

ਅੱਗ ਲੱਗਣ ਦੀ ਸੂਚਨਾ ਫਾਇਰ ਬ੍ਰਿਗੇਡ ਨੂੰ ਸਵੇਰੇ 10:20 ਵਜੇ ਦਿੱਤੀ ਗਈ। ਫਾਇਰ ਬ੍ਰਿਗੇਡ ਦੀ ਟੀਮ ਨੇ ਮੌਕੇ ’ਤੇ ਪਹੁੰਚ ਕੇ ਤੁਰੰਤ ਕਾਰਵਾਈ ਕੀਤੀ ਅਤੇ ਅੱਗ ’ਤੇ ਕਾਬੂ ਪਾਇਆ। ਅੱਗ ਬੁਝਾਉਣ ਦੀ ਕਾਰਵਾਈ ਦੌਰਾਨ ਕਿਸੇ ਜਾਨੀ ਨੁਕਸਾਨ ਦੀ ਕੋਈ ਰਿਪੋਰਟ ਨਹੀਂ ਹੈ।

ਭਾਰੀ ਮੀਂਹ ਕਾਰਨ ਟਰੇਨ ਰੋਕੀ

• ਪਾਣੀ ਭਰਨ ਕਰਕੇ ਅਹਿਮਦਾਬਾਦ ਨੈਸ਼ਨਲ ਹਾਈਵੇਅ ਹੋਇਆ ਜਾਮ

ਜੈਪੁਰ (ਸੱਚ ਕਹੂੰ ਨਿਊਜ਼)। Rajasthan Weather: ਰਾਜਸਥਾਨ ’ਚ ਭਾਰੀ ਮੀਂਹ ਦਾ ਦੌਰ ਲਗਾਤਾਰ ਜਾਰੀ ਹੈ। ਮੰਗਲਵਾਰ ਨੂੰ ਜੋਧਪੁਰ, ਬੀਕਾਨੇਰ ਸੰਭਾਗ ਦੇ ਜ਼ਿਲ੍ਹਿਆਂ ’ਚ ਭਾਰੀ ਮੀਂਹ ਪਿਆ। ਜੈਪੁਰ ’ਚ ਮੰਗਲਵਾਰ ਦੇਰ ਰਾਤ ਰੁਕ-ਰੁਕ ਕੇ ਮੀਂਹ ਪੈ ਰਿਹਾ ਹੈ। ਊਦੈਪੁਰ ’ਚ ਵੀ ਐਤਵਾਰ ਤੋਂ ਪੈ ਰਹੀ ਮੀਂਹ ਕਾਰਨ ਜ਼ਿਲ੍ਹੇ ਦੇ ਜ਼ਿਆਦਾਤਰ ਡੈਮਾਂ ਤੇ ਨਦੀਆਂ ’ਚ ਪਾਣੀ ਆਉਣਾ ਲਗਾਤਾਰ ਜਾਰੀ ਹੈ। ਲੇਕਸਿਟੀ ’ਚ ਅੱਜ ਵੀ ਰੂਕ-ਰੂਕ ਕੇ ਮੀਂਹ ਪੈ ਰਿਹਾ ਹੈ। ਟੋਂਕ ’ਚ ਵੀ ਭਾਰੀ ਮੀਂਹ ਕਾਰਨ ਚਾਫਲ ਨਦੀ ਉਫਾਨ ’ਤੇ ਹੈ।

ਮੰਗਲਵਾਰ ਨੂੰ ਨਦੀ ਕਿਨਾਰੇ ਇੱਕ ਨੌਜਵਾਨ ਮੋਟਰਸਾਈਕਲ ਸਮੇਤ ਫਸ ਗਿਆ। ਨੌਜਵਾਨ ਨੂੰ ਕਰੀਬ 11 ਘੰਟਿਆਂ ਬਾਅਦ ਬੁੱਧਵਾਰ ਨੂੰ ਕੱਢਿਆ ਗਿਆ। ਜੋਧਪੁਰ ’ਚ ਭਾਰੀ ਮੀਂਹ ਕਾਰਨ ਬੁੱਧਵਾਰ ਨੂੰ ਤਿੰਵਰੀ ’ਚ ਜੋਧਪੁਰ-ਜੈਸਲਮੇਰ ਟ੍ਰੈਕ ਰੁੜ੍ਹ ਗਿਆ। ਇਸ ਕਾਰਨ ਰਾਨੀਖੇਤ ਐਕਸਪ੍ਰੈੱਸ ਨੂੰ ਰੋਕਿਆ ਗਿਆ ਹੈ। ਅੱਜ ਵੀ ਸੂਬੇ ਦੇ 31 ਜ਼ਿਲ੍ਹਿਆਂ ’ਚ ਮੀਂਹ ਦਾ ਅਲਰਟ ਜਾਰੀ ਹੈ। ਮੌਸਮ ਵਿਗਿਆਨ ਕੇਂਦਰ ਜੈਪੁਰ ਨੇ 7 ਸਤੰਬਰ ਨੂੰ ਰਾਜਸਥਾਨ ’ਚ ਮਾਨਸੂਨ ਦੇ ਸਰਗਰਮ ਰਹਿਣ ਦੀ ਸੰਭਾਵਨਾ ਹੈ। Rajasthan Weather

ਡੈਮ ਓਵਰਫਲੋਅ, ਲਗਾਤਾਰ ਛੱਡਿਆ ਜਾ ਰਿਹੈ ਪਾਣੀ | Rajasthan Weather

ਮਾਨਸੂਨ ਦੇ ਮੁੜ ਸਰਗਰਮ ਹੋਣ ਕਾਰਨ ਉਦੈਪੁਰ ਦੇ ਸਵਰੂਪਸਾਗਰ ਤੇ ਉਦੈਸਾਗਰ ਡੈਮ ਦੇ ਗੇਟਾਂ ਤੋਂ ਪਾਣੀ ਛੱਡਿਆ ਜਾ ਰਿਹਾ ਹੈ। ਇਸ ਦੇ ਨਾਲ ਹੀ ਬਾਂਸਵਾੜਾ ਦਾ ਮਾਹੀ ਬਜਾਜ ਡੈਮ ਵੀ ਭਰ ਗਿਆ ਹੈ। ਮੰਗਲਵਾਰ ਤੋਂ ਇੱਥੇ ਪਾਣੀ ਦੀ ਨਿਕਾਸੀ ਦਾ ਕੰਮ ਚੱਲ ਰਿਹਾ ਹੈ। ਧੌਲਪੁਰ ਦੇ ਪਰਵਤ ਡੈਮ ਦੇ 2 ਗੇਟ ਖੋਲ੍ਹਣ ਨਾਲ ਡੈਮ ’ਚ ਪਾਣੀ ਦਾ ਪੱਧਰ ਵੀ ਘੱਟ ਕੀਤਾ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ ਟੋਂਕ ਤੇ ਬੂੰਦੀ ਸਮੇਤ ਕਈ ਜ਼ਿਲ੍ਹਿਆਂ ’ਚ ਨਦੀਆਂ ਦੇ ਪਾਣੀ ਦਾ ਪੱਧਰ ਵੀ ਲਗਾਤਾਰ ਵਧ ਰਿਹਾ ਹੈ।

ਰੇਲ ਗੱਡੀਆਂ ਪ੍ਰਭਾਵਿਤ, ਨੈਸ਼ਨਲ ਹਾਈਵੇਅ ਬੰਦ | Rajasthan Weather

ਜੋਧਪੁਰ ਡਿਵੀਜਨਲ ਰੇਲਵੇ ਮੈਨੇਜਰ ਪੰਕਜ ਕੁਮਾਰ ਸਿੰਘ ਨੇ ਦੱਸਿਆ ਕਿ ਓਸੀਅਨ ਤੇ ਤਿਨਵਾੜੀ ਰੇਲਵੇ ਸਟੇਸ਼ਨਾਂ ਵਿਚਕਾਰ ਬਹੁਤ ਜ਼ਿਆਦਾ ਪਾਣੀ ਭਰ ਗਿਆ ਹੈ। ਰਾਨੀਖੇਤ ਐਕਸਪ੍ਰੈਸ ਨੂੰ ਓਸੀਅਨ ਵਿਖੇ ਰੋਕ ਦਿੱਤਾ ਗਿਆ ਹੈ। ਜੈਸਲਮੇਰ-ਕਾਠਗੋਦਾਮ ਐਕਸਪ੍ਰੈਸ ਦਾ ਰੂਟ ਬਦਲ ਦਿੱਤਾ ਗਿਆ ਹੈ। ਹੁਣ ਇਹ ਟਰੇਨ ਬਦਲੇ ਹੋਏ ਰੂਟ ’ਤੇ ਫਲੋਦੀ, ਬੀਕਾਨੇਰ, ਰਤਨਗੜ੍ਹ ਤੇ ਚੁਰੂ ਤੋਂ ਹੁੰਦੀ ਹੋਈ ਅੱਜ ਕਾਠਗੋਦਾਮ ਜਾਵੇਗੀ। ਇਸ ਤੋਂ ਇਲਾਵਾ ਸਾਬਰਮਤੀ ਐਕਸਪ੍ਰੈਸ ਤੇ ਰੁਨੀਚਾ ਸਪੈਸਲ ਟਰੇਨਾਂ ਵੀ ਪ੍ਰਭਾਵਿਤ ਹੋਣਗੀਆਂ। ਇਸ ਦੇ ਨਾਲ ਹੀ ਉਦੈਪੁਰ ’ਚ ਭਾਰੀ ਮੀਂਹ ਕਾਰਨ ਸਵੇਰੇ 7 ਵਜੇ ਤੋਂ ਹੀ ਉਦੈਪੁਰ-ਅਹਿਮਦਾਬਾਦ ਰਾਸ਼ਟਰੀ ਰਾਜਮਾਰਗ ’ਤੇ ਕਈ ਕਿਲੋਮੀਟਰ ਲੰਬਾ ਜਾਮ ਲੱਗਾ ਹੋਇਆ ਹੈ। ਕਈ ਥਾਵਾਂ ’ਤੇ ਹਾਈਵੇ ’ਤੇ ਪਾਣੀ ਭਰ ਗਿਆ ਹੈ। Rajasthan Weather

5 ਡਿਗਰੀ ਤੱਕ ਹੇਠਾਂ ਆਇਆ ਦਿਨ ਦਾ ਤਾਪਮਾਨ

• ਮਾਮਲਾ ਰਾਜਸਥਾਨ ਦੇ ਕੋਟਾ ਦਾ, ਮਾਂ-ਧੀ ਦੀ ਮੌਤ

ਜੈਪੁਰ (ਸੱਚ ਕਹੂੰ ਨਿਊਜ਼)। ਰਾਜਸਥਾਨ ਦੇ ਅੱਜ 7 ਜ਼ਿਲ੍ਹਿਆਂ ’ਚ ਭਾਰੀ ਮੀਂਹ ਦਾ ਅਲਰਟ ਜਾਰੀ ਕੀਤਾ ਗਿਆ ਹੈ। ਮੌਸਮ ਵਿਗਿਆਨ ਕੇਂਦਰ ਜੈਪੁਰ ਮੁਤਾਬਕ ਸੂਬੇ ਦੇ ਟੋਂਕ, ਸਵਾਈ ਮਾਧੋਪੁਰ, ਦੌਸਾ, ਅਲਵਰ, ਕਰੌਲੀ ਤੇ ਧੌਲਪੁਰ ’ਚ ਭਾਰੀ ਮੀਂਹ ਪੈ ਸਕਦਾ ਹੈ। ਜਦਕਿ ਚੂਰੂ, ਹਨੁਮਾਨਗੜ੍ਹ ਸਮੇਤ ਜੈਸਲਮੇਰ ਤੇ ਬਾੜਮੇਰ ਨੂੰ ਛੱਡਕੇ ਬਾਕੀ ਜ਼ਿਲ੍ਹਿਆਂ ’ਚ ਹਲਕਾ ਮੀਂਹ ਪਵੇਗਾ। ਸਵਾਈ ਮਾਧੋਪੁਰ ਦੇ ਕਈ ਖੇਤਰਾਂ ’ਚ ਅੱਜ ਸਵੇਰੇ ਤੋਂ ਹੀ ਮੀਂਹ ਦਾ ਦੌਰ ਜਾਰੀ ਹੈ। ਨਾਲ ਹੀ ਬੁੱਧਵਾਰ ਨੂੰ ਪਏ ਤੇਜ਼ ਮੀਂਹ ਕਾਰਨ ਕੋਟਾ ਦੇ ਰਾਮਗੰਜ ਮੰਡੀ ’ਚ ਇੱਕ ਮਕਾਨ ’ਚ ਬਿਜ਼ਲੀ ਦਾ ਤਾਰ ਟੁੱਟਕੇ ਡਿੱਗ ਗਿਆ। ਮਕਾਨ ’ਚ ਕਰੰਟ ਆਉਣ ਕਾਰਨ ਮਾਂ-ਧੀ ਦੀ ਮੌਤ ਹੋ ਗਈ। ਬੁੱਧਵਾਰ ਨੂੰ ਹੀ ਚੂਰੂ, ਅਲਵਰ, ਦੌਸਾ, ਕਰੌਲੀ, ਸਵਾਈ ਮਾਧੋਪੁਰ ਜ਼ਿਲ੍ਹਿਆਂ ’ਚ 2 ਤੋਂ ਲੈਕੇ 5 ਇੰਚ ਤੱਕ ਮੀਂਹ ਦਰਜ਼ ਕੀਤਾ ਗਿਆ ਹੈ। ਚੂਰੂ ’ਚ ਵੀ ਤੇਜ਼ ਮੀਂਹ ਨਾਲ ਤਾਪਮਾਨ 5 ਡਿਗਰੀ ਸੈਲਸੀਅਸ ਤੱਕ ਹੇਠਾਂ ਆਇਆ ਹੈ। Rajasthan Weather

Read This : Rajasthan Weather Update: ਭਾਰੀ ਮੀਂਹ ਬਣਿਆ ਕਾਲ, ਛੱਤ ਡਿੱਗਣ ਕਾਰਨ 2 ਭਰਾਵਾਂ ਦੀ ਮੌਤ

ਬਿਜ਼ਲੀ ਅਧਿਕਾਰੀਆਂ ’ਤੇ ਲਾਪਰਵਾਹੀ ਦਾ ਦੋਸ਼ | Rajasthan Weather

ਦੇਵਲੀ ਪਿੰਡ ਦੇ ਲੋਕਾਂ ਨੇ ਦੱਸਿਆ ਕਿ ਮਕਾਨ ’ਚ ਕਰੰਟ ਆਉਣ ਨਾਲ ਮਹਿਲਾ ਰਾਜੇਸ਼ ਸ਼ਰਮਾ (43) ਤੇ ਉਸ ਦੀ ਬੇਟੀ (21) ਦੀ ਮੌਤ ਹੋ ਗਈ ਹੈ। ਮਕਾਨ ’ਚ ਦੂਜੀ ਮੰਜ਼ਿਲ ਦਾ ਕੰਮ ਚੱਲ ਰਿਹਾ ਹੈ। ਮਕਾਨ ਕੋਲ ਹੀ ਬਿਜ਼ਲੀ ਦਾ ਖੰਭਾ ਲੱਗਿਆ ਹੋਇਆ ਹੈ। ਇਸ ਕਾਰਨ ਹੀ ਕਰੰਟ ਫੈਲਿਆ ਹੈ। ਪਰਿਵਾਰ ਦਾ ਦੋਸ਼ ਹੈ ਕਿ ਬਿਜ਼ਲੀ ਵਿਭਾਗ ਦੇ ਅਧਿਕਾਰੀਆਂ ਤੋਂ ਕਈ ਵਾਰ ਇਸ ਖੰਭੇ ਨੂੰ ਦੂਜੀ ਜਗ੍ਹਾ ਸ਼ਿਫਟ ਕਰਨ ਦੀ ਸ਼ਿਕਾਇਤ ਕੀਤੀ ਹੈ, ਪਰ ਕਿਸੇ ਨੇ ਵੀ ਧਿਆਨ ਨਹੀਂ ਦਿੱਤਾ। ਮਾਂ-ਬੇਟੀ ਦੀਆਂ ਲਾਸ਼ਾਂ ਵੀਰਵਾਰ ਸਵੇਰੇ ਮਕਾਨ ਦੀਆਂ ਪੌੜੀਆਂ ਤੋਂ ਮਿਲੀਆਂ। Rajasthan Weather

ਪਿੱਛਲੇ 24 ਘੰਟਿਆਂ ’ਚ ਸਭ ਤੋਂ ਜ਼ਿਆਦਾ ਕਰੌਲੀ ’ਚ ਪਿਆ ਮੀਂਹ | Rajasthan Weather

ਪਿੱਛਲੇ 24 ਘੰਟਿਆਂ ਦੀ ਰਿਪੋਰਟ ਵੇਖਿਏ ਤਾਂ ਸਭ ਤੋਂ ਜ਼ਿਆਦਾ ਮੀਂਹ ਕਰੌਲੀ ’ਚ 127 ਐੱਮਐੱਸ ਦਰਜ਼ ਕੀਤਾ ਗਿਆ ਹੈ। ਕਰੌਲੀ ’ਚ ਤੇਜ਼ ਮੀਂਹ ਤੋਂ ਬਾਅਦ ਸੜਕਾਂ ਤੇ ਬਾਜ਼ਾਰਾਂ ’ਚ ਪਾਣੀ ਭਰ ਗਿਆ ਹੈ। ਕਰੌਲੀ ਦੇ ਮਹਾਵੀਰਜ਼ੀ ’ਚ ਵੀ ਕੱਲ੍ਹ ਦੁਪਹਿਰ ਬਾਅਦ ਤੇਜ਼ ਮੀਂਹ ਪਿਆ ਤੇ ਇਸ ਜਗ੍ਹਾ ’ਤੇ 102 ਐੱਮਐੱਮ ਪਾਣੀ ਡਿੱਗਿਆ। ਸਵਾਈ ਮਾਧੋਪੁਰ ਦੇ ਵਾਜੀਪੁਰ ’ਚ 88, ਮਲਾਰਨਾ ਡੂੰਗਰ ’ਚ 42, ਜੈਪੁਰ ਦੇ ਬੱਸੀ ’ਚ 34, ਨਾਗੌਰ ਦੇ ਡੀਡਵਾਨਾ ’ਚ 44, ਭਰਤਪੁਰ ਦੇ ਨਗਰ ’ਚ 34, ਦੌਸਾ ਦੇ ਬਸਵਾ ’ਚ 115, ਦੌਸਾ ਸ਼ਹਿਰ ’ਚ 85, ਚੂਰੂ ਦੇ ਸਰਦਾਰਸ਼ਹਿਰ ’ਚ 71, ਅਲਵਰ ਦੇ ਲਕਸ਼ਮਣਗੜ੍ਹ ’ਚ 88, ਬਹਾਦੁਰਪੁਰ ’ਚ 46 ਤੇ ਬੀਕਾਨੇਰ ਦੇ ਛਤਰਗੜ੍ਹ ’ਚ 45 ਐੱਮਐੱਮ ਮੀਂਹ ਦਰਜ਼ ਕੀਤਾ ਗਿਆ ਹੈ। Rajasthan Weather

ਰਾਜਸਥਾਨ ਦੇ 19 ਜ਼ਿਲ੍ਹਿਆਂ ’ਚ ਛਾਏ ਰਹਿਣਗੇ ਬੱਦਲ | Weather Update

• ਫਿਲਹਾਲ ਦਿਨ ਦਾ ਤਾਪਮਾਨ 40 ਡਿਗਰੀ ਤੱਕ ਪਹੁੰਚਿਆ

ਜੈਪੁਰ (ਸੱਚ ਕਹੂੰ ਨਿਊਜ਼)। ਰਾਜਸਥਾਨ ਦੇ ਬਾੜਮੇਰ, ਜਾਲੌਰ ’ਚ ਤਾਪਮਾਨ ਹੁਣ 40 ਡਿਗਰੀ ਸੈਲਸੀਅਸ ਤੱਕ ਪਹੁੰਚ ਗਿਆ ਹੈ। ਅੱਜ ਤੇ ਕੱਲ੍ਹ ਵੀ ਤਾਪਮਾਨ ਵਧੇਗਾ। 26 ਅਪਰੈਲ ਭਾਵ ਲੋਕ ਸਭਾ ਚੋਣਾਂ ਦੇ ਦੂਜੇ ਪੜਾਅ ਦੀ ਵੋਟਿੰਗ ਵਾਲੇ ਦਿਨ ਮੌਸਮ ’ਚ ਵੱਡਾ ਬਦਲਾਅ ਹੋਣ ਦੀ ਸੰਭਾਵਨਾ ਹੈ। ਇਸ ਦਿਨ ਰਾਜਸਥਾਨ ਦੇ 19 ਜ਼ਿਲ੍ਹਿਆਂ ’ਚ ਬੱਦਲ ਛਾਉਣ ਕਾਰਨ ਹਨੇਰੀ ਵੀ ਚੱਲ ਸਕਦੀ ਹੈ। ਕੁਝ ਥਾਵਾਂ ’ਤੇ ਹਲਕਾ ਮੀਂਹ ਪੈ ਸਕਦਾ ਹੈ। ਜੈਪੁਰ ਮੌਸਮ ਕੇਂਦਰ ਤੋਂ ਜਾਰੀ ਪੂਰਵ ਅਨੁਮਾਨ ਮੁਤਾਬਕ, ਅੱਜ ਅਤੇ 25 ਅਪਰੈਲ ਨੂੰ ਰਾਜਸਥਾਨ ’ਚ ਮੌਸਮ ਬਿਲਕੁਲ ਸਾਫ ਰਹੇਗਾ। ਤਾਪਮਾਨ ’ਚ ਵਾਧਾ ਹੋਵੇਗਾ। (Weather Update)

CSK vs LSG: ਗਾਇਕਵਾੜ ਦੇ ਸੈਂਕੜੇ ’ਤੇ ਭਾਰੀ ਪਿਆ ਸਟੋਇਨਿਸ ਦਾ ਸੈਂਕੜਾ

ਮੌਸਮ ਕੇਂਦਰ ਦੇ ਨਿਦੇਸ਼ਕ ਰਾਧੇਸ਼ਿਆਮ ਨੇ ਦੱਸਿਆ ਕਿ ਬਾੜਮੇਰ, ਫਲੌਦੀ ਸਮੇਤ ਕੁਝ ਸ਼ਹਿਰਾਂ ’ਚ ਤਾਪਮਾਨ 42 ਡਿਗਰੀ ਸੈਲਸੀਅਸ ਤੱਕ ਪਹੁੰਚ ਸਕਦਾ ਹੈ। 26 ਅਪਰੈਲ ਨੂੰ ਰਾਜਸਥਾਨ ’ਚ ਇੱਕ ਪੱਛਮੀ ਗੜਬੜੀ ਦੇ ਹੋਣ ਦੀ ਸੰਭਾਵਨਾ ਹੈ। ਇਸ ਸਿਸਟਮ ਦੇ ਅਸਰ ਨਾਲ ਉੱਤਰ-ਪੱਛਮੀ ਰਾਜਸਥਾਨ ਦੇ ਬੀਕਾਨੇਰ, ਜੋਧਪੁਰ ਸੰਭਾਗ ਤੋਂ ਇਲਾਵਾ ਜੈਪੁਰ, ਉਦੈਪੁਰ, ਕੋਟਾ, ਭਰਤਪੁਰ ਸੰਭਾਗ ਦੇ ਜ਼ਿਲ੍ਹਿਆਂ ’ਚ ਤੂਫਾਨ ਤੇ ਮੀਂਹ ਦੀ ਸੰਭਾਵਨਾ ਹੈ। (Weather Update)

ਬਾੜਮੇਰ ’ਚ ਤਾਪਮਾਨ 40 ਤੋਂ ਪਾਰ | Weather Update

ਰਾਜਸਥਾਨ ਦੇ ਬਾੜਮੇਰ ’ਚ ਕੱਲ੍ਹ ਦਿਨ ਦਾ ਤਾਪਮਾਨ 40.7 ਡਿਗਰੀ ਸੈਲਸੀਆਸ ਦਰਜ ਕੀਤਾ ਗਿਆ ਸੀ। ਇਸ ਤਰ੍ਹਾਂ ਹੀ ਜਲੋਰ ਫਲੌਦੀ ’ਚ ਵੀ ਕੱਲ੍ਹ ਦਾ ਤਾਪਮਾਨ 40 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ। ਇਸ ਤੋਂ ਇਲਾਵਾ ਪੂਰਵੀ ਰਾਜਸਥਾਨ ਦੇ ਧੌਲਪੁਰ-ਕਰੌਲੀ ਤੋਂ ਇਲਾਵਾ ਜੈਸਲਮੇਰ, ਜੋਧਪੁਰ, ਪਾਲੀ ਡੂੰਗਰਪੁਰ ’ਚ ਪਾਰਾ 39 ਡਿਗਰੀ ਸੈਲਸੀਅਸ, ਬੀਕਾਨੇਰ, ਚੁਰੂ, ਅਲਵਰ, ਜੈਪੁਰ ’ਚ ਤਾਪਮਾਨ 38 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ ਹੈ। (Weather Update)

ਇਹ ਜ਼ਿਲ੍ਹਿਆਂ ’ਚ ਮੀਂਹ ਦੀ ਸੰਭਾਵਨਾ | Weather Update

26 ਅਪਰੈਲ ਨੂੰ ਅਲਵਰ, ਬਾਂਸਵਾੜਾ, ਬਾਰਾਂ, ਭਰਤਪੁਰ, ਚਿਤੌੜਗੜ੍ਹ, ਦੌਸਾ, ਡੂੰਗਰਪੁਰ, ਜੈਪੁਰ, ਝਾਲਾਵਾੜ, ਝੂੰਝਨੂੰ, ਕੋਟਾ, ਪ੍ਰਤਾਪਗੜ੍ਹ, ਸੀਕਰ, ਬੀਕਾਨੇਰ, ਚੁਰੂ, ਹਨੁਮਾਨਗੜ੍ਹ, ਜੈਸਲਮੇਰ, ਨਾਗੌਰ, ਗੰਗਾਨਗਰ ’ਚ ਤੂਫਾਨ ਤੇ ਮੀਂਹ ਦੀ ਸੰਭਾਵਨਾ ਦੱਸੀ ਗਈ ਹੈ।

ਘਟਨਾ ਰਾਜ਼ਸਥਾਨ ਦੀ ਰਾਜਧਾਨੀ ਜੈਪੁਰ ਦੀ | Jaipur

ਜੈਪੁਰ (ਸੱਚ ਕਹੂੰ ਨਿਊਜ਼/ਗੁਰਜੰਟ ਸਿੰਘ)। ਰਾਜ਼ਸਥਾਨ ਦੀ ਰਾਜਧਾਨੀ ਜੈਪੁਰ ਦੇ ਜਵਾਹਰ ਸਰਕਲ ਥਾਣਾ ਖੇਤਰ ’ਚ ਇੱਕ ਲੜਕੀ ਦਾ ਕਤਲ ਅਤੇ ਉਸ ਦੇ ਸਾਥੀ ਨੂੰ ਕਾਰ ਵੱਲੋਂ ਦਰੜ ਕੇ ਜ਼ਖਮੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੁਲਿਸ ਮੁਤਾਬਕ ਮੰਗਲਵਾਰ ਸਵੇਰੇ ਇਲਾਕੇ ਦੇ ਗਿਰਧਰ ਰੋਡ ’ਤੇ ਮੁਲਜ਼ਮ ਨੇ ਲੜਕੀ ਅਤੇ ਉਸ ਦੇ ਸਾਥੀ ਨੂੰ ਆਪਣੀ ਕਾਰ ਨਾਲ ਟੱਕਰ ਮਾਰ ਦਿੱਤੀ, ਜਿਸ ’ਚ ਦੋਵੇਂ ਗੰਭੀਰ ਜ਼ਖਮੀ ਹੋ ਗਏ। ਦੋਵਾਂ ਨੂੰ ਫੋਰਟਿਸ ਹਸਪਤਾਲ ਲਿਜਾਇਆ ਗਿਆ ਪਰ ਲੜਕੀ ਦੀ ਮੌਤ ਹੋ ਗਈ। ਇਲਾਕੇ ਦੇ ਇੱਕ ਹੋਟਲ ’ਚ ਮੁਲਜ਼ਮ ਮੰਗੇਸ਼ ਅਰੋੜਾ ਅਤੇ ਮੱਧ ਪ੍ਰਦੇਸ਼ ਨਿਵਾਸੀ ਉਮਾ ਸੁਥਾਰ ਅਤੇ ਉਸ ਦੇ ਦੋਸਤ ਵਿਚਕਾਰ ਮੰਗੇਸ਼ ਵੱਲੋਂ ਉਮਾ ’ਤੇ ਟਿੱਪਣੀਆਂ ਕਰਨ ਅਤੇ ਉਸ ਨੂੰ ਗਲਤ ਨਜਰ ਨਾਲ ਵੇਖਣ ਨੂੰ ਲੈ ਕੇ ਬਹਿਸ ਹੋ ਗਈ। (Jaipur)

ਇਹ ਵੀ ਪੜ੍ਹੋ : Rahul ਦਾ ਸੈਂਕੜਾ, ਭਾਰਤੀ ਟੀਮ ਆਲਆਊਟ, ਹੁਣ ਪਹਿਲੇ ਸੈਸ਼ਨ ’ਚ ਐਲਗਰ-ਜੌਰਜੀ ਨੇ ਅਫਰੀਕਾ ਨੂੰ ਸੰਭਾਲਿਆ

ਇਸ ਤੋਂ ਬਾਅਦ ਜਦੋਂ ਇਹ ਲੋਕ ਹੋਟਲ ਤੋਂ ਬਾਹਰ ਆਏ ਤਾਂ ਮੰਗੇਸ਼ ਨੇ ਪਹਿਲਾਂ ਕਾਰ ’ਚੋਂ ਬੇਸ ਬਾਲ ਬੈਟ ਕੱਢ ਕੇ ਲੜਕੀ ਅਤੇ ਉਸ ਦੇ ਦੋਸਤ ’ਤੇ ਹਮਲਾ ਕਰਨ ਦੀ ਕੋਸ਼ਿਸ਼ ਕੀਤੀ ਅਤੇ ਫਿਰ ਆਪਣੀ ਕਾਰ ਨਾਲ ਦੋਵਾਂ ਨੂੰ ਟੱਕਰ ਮਾਰ ਦਿੱਤੀ। ਇਸ ਤੋਂ ਬਾਅਦ ਮੁਲਜ਼ਮ ਫਰਾਰ ਹੋ ਗਿਆ। ਪੁਲਿਸ ਨੇ ਇਸ ਸਬੰਧੀ ਭਾਰਤੀ ਦੰਡਾਵਲੀ ਦੀ ਧਾਰਾ 302 ਅਤੇ 307 ਤਹਿਤ ਕੇਸ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਅਤੇ ਸੀਸੀਟੀਵੀ ਫੁਟੇਜ ਆਦਿ ਦੀ ਮਦਦ ਨਾਲ ਘਟਨਾ ਦੇ 24 ਘੰਟਿਆਂ ’ਚ ਮੁਲਜਮ ਨੂੰ ਗ੍ਰਿਫਤਾਰ ਵੀ ਕਰ ਲਿਆ ਹੈ। (Jaipur)

जयपुर की वह दिल दहला देने वाली घटना जिसको लेकर हर कोई बात कर रहा है और हर कोई हतप्रभ हैpic.twitter.com/QW6gud0BCx

— Arvind Chotia (@arvindchotia) December 27, 2023

ਜੈਪੁਰ, (ਸੱਚ ਕਹੂੰ ਨਿਊਜ਼)। ਸਫਰ ਕਰਨ ਵਾਲੇ ਯਾਤਰੀਆਂ ਦੀ ਸਹੂਲਤ ਲਈ, ਰੇਲਵੇ ਹੈਦਰਾਬਾਦ-ਜੈਪੁਰ-ਹੈਦਰਾਬਾਦ ਹਫਤਾਵਾਰੀ ਐਕਸਪ੍ਰੈਸ ਰੇਲ ਸੇਵਾ ਨੂੰ ਹਿਸਾਰ ਤੱਕ ਵਧਾ ਰਿਹਾ ਹੈ। ਉੱਤਰ-ਪੱਛਮੀ ਰੇਲਵੇ ਦੇ ਮੁੱਖ ਲੋਕ ਸੰਪਰਕ ਅਧਿਕਾਰੀ ਕੈਪਟਨ ਸਸੀ ਕਿਰਨ ਮੁਤਾਬਿਕ, ਰੇਲਗੱਡੀ ਨੰਬਰ 17019, ਹਿਸਾਰ-ਹੈਦਰਾਬਾਦ ਹਫਤਾਵਾਰੀ ਐਕਸਪ੍ਰੈਸ ਰੇਲ ਸੇਵਾ ਹਰ ਮੰਗਲਵਾਰ 26/9/23 ਤੋਂ 07:15 ਵਜੇ ਹਿਸਾਰ ਤੋਂ ਰਵਾਨਾ ਹੋਵੇਗੀ ਅਤੇ 15:05 ਵਜੇ ਜੈਪੁਰ ਸਟੇਸ਼ਨ ’ਤੇ 15:30 ਵਜੇ ਪਹੁੰਚੇਗੀ। ਵੀਰਵਾਰ ਨੂੰ 07:30 ਵਜੇ ਰਵਾਨਾ ਅਤੇ ਵਾਪਸ ਹੈਦਰਾਬਾਦ ਪਹੁੰਚੇਗੀ। (Indian Railways)

ਹੈਦਰਾਬਾਦ-ਜੈਪੁਰ-ਹੈਦਰਾਬਾਦ ਹਫਤਾਵਾਰੀ ਐਕਸਪ੍ਰੈਸ ਰੇਲ ਸੇਵਾ ਦਾ ਹਿਸਾਰ ਤੱਕ ਵਿਸਤਾਰ

ਇਸੇ ਤਰ੍ਹਾਂ ਟਰੇਨ ਨੰਬਰ 17020, ਹੈਦਰਾਬਾਦ-ਹਿਸਾਰ ਹਫਤਾਵਾਰੀ ਐਕਸਪ੍ਰੈਸ ਰੇਲ ਸੇਵਾ 30/09/23 ਤੋਂ ਹਰ ਸ਼ਨਿੱਚਰਵਾਰ 15:10 ਵਜੇ ਹੈਦਰਾਬਾਦ ਤੋਂ ਰਵਾਨਾ ਹੋਵੇਗੀ, ਸੋਮਵਾਰ ਨੂੰ 05:25 ਵਜੇ ਜੈਪੁਰ ਸਟੇਸ਼ਨ ’ਤੇ ਪਹੁੰਚੇਗੀ ਅਤੇ 05:50 ਵਜੇ ਰਵਾਨਾ ਹੋਵੇਗੀ ਅਤੇ 13:00 ਵਜੇ ਹਿਸਾਰ ਪਹੁੰਚੇਗੀ। ਵਿਸਤਿ੍ਰਤ ਰੂਟ ’ਚ, ਇਹ ਰੇਲ ਸੇਵਾ ਜੈਪੁਰ ਅਤੇ ਹਿਸਾਰ ਵਿਚਕਾਰ ਰਿੰਗਾਸ, ਸੀਕਰ, ਨਵਲਗੜ੍ਹ, ਝੁੰਝੁਨੂ, ਚਿਰਾਵਾ, ਲੋਹਾਰੂ, ਸਾਦੁਲਪੁਰ ਅਤੇ ਸਿਵਾਨੀ ਸਟੇਸ਼ਨਾਂ ’ਤੇ ਰੁਕੇਗੀ। ਹੈਦਰਾਬਾਦ-ਜੈਪੁਰ-ਹੈਦਰਾਬਾਦ ਸਟੇਸ਼ਨਾਂ  ਵਿਚਕਾਰ ਸੰਚਾਲਨ ਦਾ ਸਮਾਂ ਅਤੇ ਰੁਕਣ ਦਾ ਸਮਾਂ ਪਹਿਲਾਂ ਵਾਂਗ ਹੀ ਰਹੇਗਾ। (Indian Railways)

ਇਹ ਵੀ ਪੜ੍ਹੋ : ਸੱਪ ਦੇ ਡਗਣ ਕਾਰਨ ਦੋ ਧੀਆਂ ਦੇ ਗਰੀਬ ਮਜ਼ਦੂਰ ਦੀ ਮੌਤ

ਰਾਜਸਥਾਨ ਦੇ ਵੱਡੇ ਡੈਮ ਭਰੇ | Weather Update Rajasthan

• ਚੰਬਲ ਦਰਿਆ ਉਫਾਨ ’ਤੇ | Weather Update Rajasthan

ਜੈਪੁਰ (ਸੱਚ ਕਹੂੰ ਨਿਊਜ਼)। ਮੱਧ ਪ੍ਰਦੇਸ਼ ਅਤੇ ਰਾਜਸਥਾਨ ’ਚ ਪੈ ਰਹੇ ਭਾਰੀ ਮੀਂਹ ਤੋਂ ਬਾਅਦ ਰਾਜਸਥਾਨ ’ਚ ਚੰਬਲ, ਕਾਲੀਸਿੰਧ, ਮਾਹੀ ਸਮੇਤ ਕਈ ਦਰਿਆਵਾਂ ਦੇ ਪਾਣੀ ਦਾ ਪੱਧਰ ਵਧ ਗਿਆ ਹੈ। ਮੱਧ ਪ੍ਰਦੇਸ਼ ਦੇ ਗਾਂਧੀ ਸਾਗਰ ਡੈਮ ਤੋਂ ਕਰੀਬ ਤਿੰਨ ਲੱਖ ਕਿਊਸਿਕ ਪਾਣੀ ਛੱਡੇ ਜਾਣ ਤੋਂ ਬਾਅਦ ਚੰਬਲ ’ਚ ਉਫਾਨ ਆਉਣ ਲੱਗਿਆ, ਜਿਸ ਤੋਂ ਬਾਅਦ ਕੋਟਾ ਬੈਰਾਜ ਡੈਮ ਦੇ 13 ਗੇਟ ਖੋਲ੍ਹਣੇ ਪਏ ਹਨ। ਇੱਥੇ ਜਵਾਹਰ ਸਾਗਰ ਅਤੇ ਰਾਣਾ ਪ੍ਰਤਾਪ ਸਾਗਰ ਡੈਮਾਂ ਤੋਂ ਵੀ ਲਗਾਤਾਰ ਪਾਣੀ ਛੱਡਿਆ ਜਾ ਰਿਹਾ ਹੈ।

ਕੋਟਾ ਬੈਰਾਜ ਤੋਂ ਲਗਾਤਾਰ ਪਾਣੀ ਛੱਡਣ ਤੋਂ ਬਾਅਦ ਨੀਵੇਂ ਇਲਾਕੇ ਜਿੱਥੇ ਪਾਣੀ ਭਰਨ ਦੀ ਸੰਭਾਵਨਾ ਸੀ, ਨੂੰ ਖਾਲੀ ਕਰਵਾ ਲਿਆ ਗਿਆ ਹੈ। ਇਸ ਦੇ ਨਾਲ ਹੀ ਅੱਜ ਪੱਛਮੀ ਰਾਜਸਥਾਨ ਦੇ ਤਿੰਨ ਜ਼ਿਲ੍ਹਿਆਂ ’ਚ ਵੀ ਭਾਰੀ ਮੀਂਹ ਦਾ ਅਲਰਟ ਜਾਰੀ ਕੀਤਾ ਗਿਆ ਹੈ। ਜਵਾਈ ਡੈਮ ਦੇ 6 ਗੇਟ ਖੋਲ੍ਹ ਕੇ ਵੀ ਪਾਣੀ ਛੱਡਿਆ ਜਾ ਰਿਹਾ ਹੈ। ਬਾਂਸਵਾੜਾ ਦੇ ਮਾਹੀ ਡੈਮ ਤੋਂ ਵੀ ਪਾਣੀ ਦੀ ਨਿਕਾਸੀ ਲਗਾਤਾਰ ਜਾਰੀ ਹੈ। ਕਾਲੀਸਿੰਧ, ਪਰਵਾਨ ਅਤੇ ਆਹੂ ਨਦੀਆਂ ’ਚ ਪਾਣੀ ਦਾ ਪੱਧਰ ਵਧਣ ਕਾਰਨ ਆਸ-ਪਾਸ ਦੇ ਪਿੰਡਾਂ ’ਚ ਪਾਣੀ ਭਰਨ ਦਾ ਖਤਰਾ ਵੱਧ ਗਿਆ ਹੈ।

ਇੱਥੇ ਪਿਆ ਮੀਂਹ

ਰਾਜਸਥਾਨ ’ਚ ਪਿਛਲੇ 24 ਘੰਟਿਆਂ ’ਚ ਬਾੜਮੇਰ, ਜੈਪੁਰ, ਡੂੰਗਰਪੁਰ, ਪ੍ਰਤਾਪਗੜ੍ਹ, ਸਿਰੋਹੀ, ਜਲੌਰ, ਉਦੈਪੁਰ, ਪਾਲੀ, ਰਾਜਸਮੰਦ ਅਤੇ ਨਾਗੌਰ ਜ਼ਿਲ੍ਹਿਆਂ ਦੇ ਕਈ ਇਲਾਕਿਆਂ ’ਚ ਇੱਕ ਤੋਂ ਦੋ ਇੰਚ ਮੀਂਹ ਪਿਆ। ਲਗਾਤਾਰ ਮੀਂਹ ਕਾਰਨ ਬਾੜਮੇਰ, ਜੋਧਪੁਰ, ਬੀਕਾਨੇਰ, ਜੈਸਲਮੇਰ ’ਚ ਦਿਨ ਦਾ ਤਾਪਮਾਨ 35 ਡਿਗਰੀ ਸੈਲਸੀਅਸ ਤੋਂ ਹੇਠਾਂ ਆ ਗਿਆ। ਜੈਪੁਰ ’ਚ ਵੀ ਸੋਮਵਾਰ ਨੂੰ ਦਿਨ ਦਾ ਵੱਧ ਤੋਂ ਵੱਧ ਤਾਪਮਾਨ 26.6 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ, ਜੋ ਕਿ ਆਮ ਨਾਲੋਂ ਕਰੀਬ 8 ਡਿਗਰੀ ਸੈਲਸੀਅਸ ਘੱਟ ਸੀ।

ਅੱਜ ਪੱਛਮੀ ਰਾਜਸਥਾਨ ’ਚ ਭਾਰੀ ਮੀਂਹ ਦਾ ਅਲਰਟ

ਜੈਪੁਰ ਮੌਸਮ ਵਿਗਿਆਨ ਕੇਂਦਰ ਦੇ ਨਿਰਦੇਸ਼ਕ ਰਾਧੇਸ਼ਿਆਮ ਸ਼ਰਮਾ ਨੇ ਕਿਹਾ ਕਿ ਦੱਖਣ-ਪੂਰਬੀ ਰਾਜਸਥਾਨ ’ਤੇ ਘੱਟ ਦਬਾਅ ਦਾ ਸਿਸਟਮ ਹੁਣ ਕਮਜੋਰ ਹੋ ਗਿਆ ਹੈ ਅਤੇ ਚੱਕਰਵਾਤੀ ਚੱਕਰ ’ਚ ਬਦਲ ਗਿਆ ਹੈ। ਇਹ ਵਰਤਮਾਨ ’ਚ ਦੱਖਣੀ ਰਾਜਸਥਾਨ ’ਚ ਸਰਗਰਮ ਹੈ ਅਤੇ ਪੱਛਮ ਦਿਸ਼ਾ ਵੱਲ ਵਧ ਰਿਹਾ ਹੈ। ਅੱਜ ਇਸ ਪ੍ਰਣਾਲੀ ਦੇ ਪ੍ਰਭਾਵ ਕਾਰਨ ਬਾੜਮੇਰ, ਜਾਲੌਰ ਅਤੇ ਜੈਸਲਮੇਰ ਦੇ ਕੁਝ ਹਿੱਸਿਆਂ ’ਚ ਭਾਰੀ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਨਿਰਦੇਸ਼ਕ ਨੇ ਕਿਹਾ- 20 ਸਤੰਬਰ ਤੋਂ ਸੂਬੇ ’ਚ ਭਾਰੀ ਮੀਂਹ ਤੋਂ ਰਾਹਤ ਮਿਲਣ ਦੀ ਸੰਭਾਵਨਾ ਹੈ। (Weather Update Rajasthan)

ਹੁਣ ਤੱਕ 13 ਫੀਸਦੀ ਜ਼ਿਆਦਾ ਪਿਆ ਮੀਂਹ

ਜੇਕਰ ਰਾਜਸਥਾਨ ’ਚ ਮਾਨਸੂਨ ਦੀ ਹੁਣ ਤੱਕ ਦੀ ਸਥਿਤੀ ’ਤੇ ਨਜਰ ਮਾਰੀਏ ਤਾਂ ਆਮ ਨਾਲੋਂ 13 ਫੀਸਦੀ ਜ਼ਿਆਦਾ ਮੀਂਹ ਪਿਆ ਹੈ। ਸੂਬੇ ’ਚ 1 ਜੂਨ ਤੋਂ 18 ਸਤੰਬਰ ਤੱਕ ਔਸਤਨ 422.3 ਮਿਲੀਮੀਟਰ ਮੀਂਹ ਪਿਆ ਹੈ, ਜਦੋਂ ਕਿ ਇਸ ਸੀਜਨ ’ਚ ਹੁਣ ਤੱਕ ਕੁੱਲ 475.4 ਮਿਲੀਮੀਟਰ ਵਰਖਾ ਹੋ ਚੁੱਕੀ ਹੈ। (Weather Update Rajasthan)

ਇਹ ਵੀ ਪੜ੍ਹੋ : ਸਵਾਰੀਆਂ ਨਾਲ ਭਰੀ ਬੱਸ ਨਹਿਰ ’ਚ ਡਿੱਗੀ, ਬਚਾਅ ਕਾਰਜ਼ ਜਾਰੀ

ਧਮਾਕਾ ਐਨਾ ਜ਼ਬਰਦਸਤ ਸੀ ਕਿ ਦੀਵਾਰ ’ਚ ਆਰ-ਪਾਰ ਮੋਰਾ ਹੋ ਗਿਆ

(ਸੱਚ ਕਹੂੰ ਨਿਊਜ਼) ਜੈਪੁਰ। ਜੈਪੁਰ ਵਿੱਚ ਪ੍ਰੈਸ਼ਰ ਕੁੱਕਰ ਵਿੱਚ ਧਮਾਕਾ ਹੋਣ ਕਾਰਨ ਇੱਕ ਔਰਤ ਦੀ ਮੌਤ ਹੋ ਗਈ। ਕੁੱਕਰ ਦੇ ਧਮਾਕੇ ਦੀ ਆਵਾਜ਼ ਇੰਨੀ ਜ਼ੋਰਦਾਰ ਸੀ ਕਿ ਲੋਕ 200 ਮੀਟਰ ਦੂਰ ਤੱਕ ਘਰਾਂ ਤੋਂ ਬਾਹਰ ਆ ਗਏ। ਇਹ ਘਟਨਾ ਸਵੇਰੇ 11 ਵਜੇ ਝੋਟਵਾੜਾ ਇਲਾਕੇ ‘ਚ ਵਾਪਰੀ। ਜਾਣਕਾਰੀ ਅਨੁਸਾਰ ਇਹ ਹਾਦਸਾ ਉਦੋਂ ਵਾਪਰਿਆ ਜਦੋਂ 72 ਭੌਮੀਆ ਨਗਰ ਨਿਵਾਸੀ ਕਿਰਨ ਕੰਵਰ (40) ਪਤਨੀ ਰਾਜਕੁਮਾਰ ਸਿੰਘ ਖਾਣਾ ਬਣਾ ਰਹੀ ਸੀ। ਇਸ ਦੌਰਾਨ ਪ੍ਰੈਸ਼ਰ ਕੁੱਕਰ ਫਟ ਗਿਆ। (Pressure Cooker Explosion)

ਇਸ ਕਾਰਨ ਕਿਰਨ ਦੇ ਸਰੀਰ ‘ਤੇ ਕਈ ਥਾਵਾਂ ‘ਤੇ ਸੱਟ ਲੱਗ ਗਈ। ਚਿਹਰਾ ਪੂਰੀ ਤਰ੍ਹਾਂ ਸੜ ਗਿਆ। ਕਿਰਨ ਕੰਵਰ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਹਾਦਸੇ ਸਮੇਂ ਕਿਰਨ ਘਰ ‘ਚ ਇਕੱਲੀ ਸੀ। ਬੇਟਾ ਕੁਝ ਸਮਾਂ ਪਹਿਲਾਂ ਕਿਤਾਬ ਖਰੀਦਣ ਲਈ ਬਾਹਰ ਗਿਆ ਸੀ। ਕਿਰਨ ਦਾ ਪਤੀ ਰਾਜਕੁਮਾਰ ਸਿੰਘ ਪਿੰਡ ਗਿਆ ਹੋਇਆ ਸੀ। ਉਹ ਪਿੰਡ ਵਿੱਚ ਇੱਕ ਪ੍ਰਾਈਵੇਟ ਸਕੂਲ ਚਲਾਉਂਦਾ ਹੈ।

ਇਹ ਵੀ ਪੜ੍ਹੋ : ਨਿਯਮਾਂ ’ਤੇ ਖਰੇ ਨਾ ਉਤਰਨ ਵਾਲੇ ਕਲੋਨਾਈਜਰਾਂ ਦੀਆਂ ਕਲੋਨੀਆਂ ’ਚ ਚੱਲਿਆ ਗਲਾਡਾ ਦਾ ਪੀਲਾ ਪੰਜਾ

ਧਮਾਕੇ ਦੀ ਆਵਾਜ਼ ਸੁਣ ਕੇ ਸਾਰੀ ਕਲੋਨੀ ਦੇ ਲੋਕ ਬਾਹਰ ਆ ਗਏ ਪਰ ਕਿਰਨ ਕੰਵਰ ਦੇ ਘਰੋਂ ਕੋਈ ਬਾਹਰ ਨਹੀਂ ਆਇਆ। ਕਲੋਨੀ ਦੇ ਲੋਕਾਂ ਨੇ ਕਿਰਨ ਦੇ ਘਰ ਜਾ ਕੇ ਆਵਾਜ਼ ਦਿੱਤੀ। ਅੰਦਰੋਂ ਕੋਈ ਜਵਾਬ ਨਾ ਮਿਲਣ ‘ਤੇ ਕਾਲੋਨੀ ਦੀ ਇਕ ਔਰਤ ਘਰ ‘ਚ ਦਾਖਲ ਹੋਈ। ਕਿਰਨ ਨੂੰ ਰਸੋਈ ਵਿੱਚ ਡਿੱਗਿਆ ਦੇਖਿਆ। ਔਰਤ ਦੇ ਰੌਲਾ ਪਾਉਣ ‘ਤੇ ਕਲੋਨੀ ਦੇ ਹੋਰ ਲੋਕ ਵੀ ਪਹੁੰਚ ਗਏ। (Pressure Cooker Explosion) ਇਸ ਤੋਂ ਬਾਅਦ ਪੁਲਿਸ ਨੂੰ ਸੂਚਨਾ ਦਿੱਤੀ ਗਈ।

ਪ੍ਰੈਸ਼ਰ ਕੁੱਕਰ ਦੇ ਫਟਣ ਕਾਰਨ ਰਸੋਈ ਵਿੱਚ ਰੱਖਿਆ ਸਾਮਾਨ ਵੀ ਨੁਕਸਾਨਿਆ ਗਿਆ। ਇੰਨਾ ਹੀ ਨਹੀਂ ਪ੍ਰੈਸ਼ਰ ਕੁੱਕਰ ਦੇ ਕੁਝ ਟੁਕੜੇ ਰਸੋਈ ਦੀ ਕੰਧ ‘ਚ ਵੀ ਵੜ ਗਏ ਅਤੇ ਦੂਜੇ ਪਾਸੇ ਤੋਂ ਵੀ ਬਾਹਰ ਆ ਗਏ। ਮੌਕੇ ‘ਤੇ ਪਹੁੰਚੀ ਪੁਲਿਸ ਨੇ ਦੱਸਿਆ ਕਿ ਕਿਰਨ ਕੰਵਰ ਦਾ ਚਿਹਰਾ ਇੰਨੀ ਬੁਰੀ ਤਰ੍ਹਾਂ ਸੜਿਆ ਹੋਇਆ ਸੀ ਕਿ ਪਛਾਣ ਵੀ ਨਹੀਂ ਹੀ ਪਾ ਰਹੀ ਸੀ। ਘਟਨਾ ਤੋਂ ਬਾਅਦ ਐਫਐਸਐਲ ਟੀਮ ਨੂੰ ਮੌਕੇ ’ਤੇ ਬੁਲਾਇਆ ਗਿਆ। ਫਿਲਹਾਲ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ

ਬਾਲ ਆਊਟ ‘ਚ 3-2 ਨਾਲ ਜਿੱਤਿਆ ਜੈਪੁਰ, ਬੈਸਟ ਥ੍ਰੀ ਹੋਣਗੇ ਫਾਈਨਲ, ਦੂਜਾ 22 ਨੂੰ ਅਤੇ ਤੀਜਾ 23 ਨੂੰ

ਸ਼ਾਹ ਸਤਿਨਾਮ ਜੀ ਕ੍ਰਿਕਟ ਅਕਾਦਮੀ ਅਤੇ ਜੈਪੁਰ ਅਕਾਦਮੀ ਦਰਮਿਆਨ 21 ਜਨਵਰੀ ਨੂੰ ਹੋਵੇਗਾ ਪਹਿਲਾ ਫਾਈਨਲ

ਸੱਚ ਕਹੂੰ ਨਿਊਜ਼/ਸੁਨੀਲ ਵਰਮਾ(ਸਰਸਾ) ਦੂਜੇ ਐੱਸਐੱਸਜੀ (ਅੰਡਰ-14) ਆਲ ਇੰਡੀਆ ਕ੍ਰਿਕਟ(Cricket) ਟੂਰਨਾਮੈਂਟ ਦਾ ਦੂਜਾ ਸੈਮੀਫਾਈਨਲ ਮੰਗਲਵਾਰ ਨੂੰ ਸ਼ਾਹ ਸਤਿਨਾਮ ਜੀ ਕ੍ਰਿਕਟ ਸਟੇਡੀਅਮ ‘ਚ ਖੇਡਿਆ ਗਿਆ ਖਰਾਬ ਮੌਸਮ ਕਾਰਨ ਸੰਸਕਾਰਮ ਕ੍ਰਿਕਟ(Cricket ) ਅਕਾਦਮੀ ਝੱਜਰ ਅਤੇ ਸਪੋਰਟਸ ਥ੍ਰੋਨ ਕ੍ਰਿਕਟ ਅਕਾਦਮੀ ਜੈਪੁਰ ਦਰਮਿਆਨ 15-15 ਓਵਰਾਂ ਦਾ ਮੈਚ ਹੋਇਆ ਪਰ ਉਹ ਵੀ ਟਾਈ ਹੋ ਗਿਆ, ਇਸ ਤੋਂ ਬਾਅਦ ਬਾਲ ਆਊਟ ਨਾਲ ਸਪੋਰਟਸ ਥ੍ਰੋਨ ਕ੍ਰਿਕਟ ਅਕਾਦਮੀ ਜੈਪੁਰ ਦੀ ਟੀਮ 3-2 ਨਾਲ ਜੇਤੂ ਬਣੀ ਅਤੇ ਫਾਈਨਲ ‘ਚ ਜਗ੍ਹਾ ਬਣਾਈ ਜ਼ਿਕਰਯੋਗ ਹੈ ਕਿ ਬੈਸਟ ਥ੍ਰੀ ਤਹਿਤ ਫਾਈਨਲ ‘ਚ ਤਿੰਨ ਮੈਚ ਹੋਣਗੇ ਅਤੇ ਜੋ ਟੀ 2 ਮੈਚ ਜਿੱਤੇਗੀ।

ਮੈਨ ਆਫ ਦ ਮੈਚ ਬਣੇ ਜੈਪੁਰ ਦੇ ਅਸ਼ੋਕ ਨੂੰ ਟਰਾਫੀ ਦੇ ਕੇ ਸਨਮਾਨਿਤ ਕੀਤਾ

ਉਹ ਟੂਰਨਾਮੈਂਟ ਦੀ ਜੇਤੂ ਬਣੇਗੀ ਦੂਜੇ ਸੈਮੀਫਾਈਨਲ ‘ਚ ਮੁੱਖ ਮਹਿਮਾਨ ਵਜੋਂ ਰੋਹਤਕ ਤੋਂ ਐਸਜੀਐਫਆਈ ਦੇ ਸਿਲਕਟਰ ਕੁਲਵੀਰ ਹੁੱਡਾ ਨੇ ਸ਼ਿਰਕਤ ਕੀਤੀ ਅਤੇ ਮੈਨ ਆਫ ਦ ਮੈਚ ਬਣੇ ਜੈਪੁਰ ਦੇ ਅਸ਼ੋਕ ਨੂੰ ਟਰਾਫੀ ਦੇ ਕੇ ਸਨਮਾਨਿਤ ਕੀਤਾ ਮੰਗਲਵਾਰ ਨੂੰ ਦੂਜੇ ਸੈਮੀਫਾਈਨਲ ਮੈਚ ‘ਚ ਸੰਸਕਾਰਮ ਕ੍ਰਿਕਟ ਅਕਾਦਮੀ ਝੱਜਰ ਦੇ ਕਪਤਾਨ ਅਕਸ਼ੈ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਤੈਅ 15 ਓਵਰਾਂ ‘ਚ 4 ਵਿਕਟਾਂ ਦੇ ਨੁਕਸਾਨ ‘ਤੇ 138 ਦੌੜਾਂ ਬਣਾਈਆਂ ਜਿਸ ‘ਚ ਅਦਿੱਤਿਆ ਨੇ 25 ਗੇਂਦਾਂ ‘ਚ 33 ਦੌੜਾਂ, ਸ਼ੁਭਮ ਸਿੰਘ ਨੇ 25 ਗੇਤਾਂ ‘ਚ 33 ਦੌੜਾਂ ਅਤੇ ਦਿਪਾਂਸ਼ੂ ਸ਼ਰਮਾ ਨੇ 17 ਗੇਂਦਾਂ ‘ਚ 30 ਦੌੜਾਂ ਬਣਾਈਆਂ ਸਪੋਰਟਸ ਥ੍ਰੋਨ ਕ੍ਰਿਕਟ ਅਕਾਦਮੀ ਜੈਪੁਰ ਦੇ ਖਿਡਾਰੀਆਂ ਨੇ ਸ਼ਾਨਦਾਰ ਫਿਲਡਿੰਗ ਕਰਦਿਆਂ ਝੱਜਰ ਦੇ ਅਦਿੱਤਿਆ ਅਤੇ ਸ਼ੁਭਮ ਸਿੰਘ  ਨੂੰ ਰਨ ਆਊਟ ਕੀਤਾ।

ਉੱਥੇ ਰੋਹਨ ਰਾਜਬਹਾਰ ਅਤੇ ਦਿੱਗਵਿਜੈ ਸਿੰਘ ਰਾਜਪੂਤ ਨੇ ਇੱਕ-ਇੱਕ ਵਿਕਟ ਹਾਸਲ ਕੀਤੀ ਟੀਚੇ ਦਾ ਪਿੱਛਾ ਕਰਨ ਉੱਤਰੀ ਸਪੋਰਟਸ ਥ੍ਰੋਨ ਕ੍ਰਿਕਟ ਅਕਾਦਮੀ ਜੈਪੁਰ ਦੀ ਟੀਮ  ਤੈਅ ਓਵਰਾਂ ‘ਚ 138 ਦੌੜਾਂ ‘ਤੇ ਹੀ ਸਿਮਟ ਗਈ ਅਤੇ ਮੈਚ ਟਾਈ ਹੋ ਗਿਆ ਪਰ ਇਸ ਤੋਂ ਬਾਅਦ ਬਾਲ ਆਊਟ ਨਾਲ ਜੈਪੁਰ ਦੀ ਟੀਮ 3-2 ਨਾਲ ਜੇਤੂ ਬਣੀ ਅਤੇ ਫਾਈਨਲ ‘ਚ ਜਗ੍ਹਾ ਬਣਾਈ ਜੈਪੁਰ ਵੱਲੋਂ ਅਸ਼ੋਕ ਅਤੇ ਕਪਤਾਨ ਅਕਾਸ਼ ਛੇਜਰਾ ਨੇ ਲੜੀਵਾਰ 43 ਅਤੇ 27 ਦੌੜਾਂ ਦਾ ਯੋਗਦਾਨ ਦਿੱਤਾ ਝੱਜਰ ਵੱਲੋਂ ਸ਼ਾਨਦਾਰ ਗੇਂਦਬਾਜ਼ੀ ਕਰਦਿਆਂ ਸ਼ੁਭਮ ਸਿੰਘ ਨੇ 3 ਓਵਰਾਂ ‘ਚ 31 ਦੌੜਾਂ ਦੇ ਕੇ 3 ਵਿਕਟਾਂ, ਲਕਸ਼ੈ ਨੇ 1 ਓਵਰ ‘ਚ 5 ਦੌੜਾਂ ਦੇ ਕੇ ਦੋ ਵਿਕਟਾਂ ਅਤੇ ਯਸ਼ਦੀਪ ਅਹਿਲਾਵਤ ਨੇ 1 ਓਵਰ ‘ਚ 15 ਦੌੜਾਂ ਦੇ 1 ਵਿਕਟ ਹਾਸਲ ਕੀਤੀ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

117 ਦੌੜਾਂ ਬਣਾਉਣ ਵਾਲੇ ਜੈਪੁਰ ਦੇ ਦਵਿੰਦਰ ਕੁਮਾਰ ਬਣੇ ਮੈਨ ਆਫ ਦ ਮੈਚ

ਸੱਚ ਕਹੂੰ ਨਿਊਜ਼/ਸੁਨੀਲ ਵਰਮਾ/ਸਰਸਾ। ਮੰਗਲਵਾਰ ਨੂੰ ਅੱਠਵੇਂ ਦਿਨ ਦੂਜੇ ਐਸਐਸਜੀ (ਅੰਡਰ-14) ਆਲ ਇੰਡੀਆ ਕ੍ਰਿਕਟ ਟੂਰਨਾਮੈਂਟ ‘ਚ ਸਪੋਰਟਸ ਥ੍ਰੋਨ ਕ੍ਰਿਕਟ ਅਕਾਦਮੀ ਜੈਪੁਰ ਅਤੇ ਦ ਕ੍ਰਿਕਟ ਗੁਰੂਕੁਲ ਫਰੀਦਾਬਾਦ ਦਰਮਿਆਨ ਮੈਚ ਖੇਡਿਆ ਗਿਆ ਜਿਸ ‘ਚ ਜੈਪੁਰ ਦੀ ਟੀਮ ਨੇ ਦਵਿੰਦਰ ਕੁਮਾਰ ਦੀਆਂ ਨਾਬਾਦ 117 ਦੌੜਾਂ ਦੀ ਪਾਰੀ ਨਾਲ ਇਹ ਮੈਚ 7 ਵਿਕਟਾਂ ਨਾਲ ਜਿੱਤ ਲਿਆ ਮੰਗਲਵਾਰ ਨੂੰ ਮੁੱਖ ਮਹਿਮਾਨ ਦੇ ਰੂਪ ‘ਚ ਸੇਂਟ ਐਮਐਸਜੀ ਗਲੋਰੀਅਸ ਇੰਟਰਨੈਸ਼ਨਲ ਸਕੂਲ ਦੇ ਡਾਇਰੈਕਟਰ ਪ੍ਰਿੰਸੀਪਲ ਅਭਿਸ਼ੇਕ ਸ਼ਰਮਾ ਪਹੁੰਚੇ ਅਤੇ ਮੈਨ ਆਫ ਦ ਮੈਚ ਰਹੇ ਦਵਿੰਦਰ ਕੁਮਾਰ ਨੂੰ ਟਰਾਫੀ ਦੇ ਕੇ ਸਨਮਾਨਿਤ ਕੀਤਾ।  Wickets

ਇਸ ਤੋਂ ਪਹਿਲਾਂ ਪੂਲ ਬੀ ਦੇ ਦੂਜੇ ਮੈਚ ‘ਚ ਦ ਕ੍ਰਿਕਟ ਗੁਰੂਕੁਲ ਫਰੀਦਾਬਾਦ ਦੀ ਟੀਮ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਤੈਅ 40 ਓਵਰਾਂ ‘ਚ 8 ਵਿਕਟਾਂ ‘ਤੇ 241 ਦੌੜਾਂ ਬਣਾਈਆਂ ਜਿਸ ‘ਚ ਯਸ਼ ਕੁਮਾਰ ਤੇ ਕਪਤਾਨ ਗੌਤਮ ਵਰਮਾ ਨੇ 55-55 ਦੌੜਾਂ ਦਾ ਯੋਗਦਾਨ ਦਿੱਤਾ ਜੈਪੁਰ ਵੱਲੋਂ ਕਪਤਾਨ ਦਿੱਗਵਿਜੈ ਸਿੰਘ ਰਾਜਪੂਤ ਨੇ 8 ਓਵਰਾਂ ‘ਚ 44 ਦੌੜਾਂ ਦੇ ਕੇ ਤਿੰਨ ਖਿਡਾਰੀਆਂ ਨੂੰ ਆਊਟ ਕੀਤਾ ਟੀਚੇ ਦਾ ਪਿੱਛਾ ਕਰਨ ਉੱਤਰੀ ਸਪੋਰਟਸ ਥ੍ਰੋਨ ਕ੍ਰਿਕਟ ਅਕਾਦਮੀ ਜੈਪੁਰ ਦੀ ਟੀਮ ਨੇ ਦਵਿੰਦਰ ਕੁਮਾਰ ਦੀਆਂ ਨਾਬਾਦ 117 ਦੌੜਾਂ ਦੀ ਬਦੌਲਤ 39.1 ਓਵਰਾਂ ‘ਚ 242 ਦੌੜਾਂ ਬਣਾ ਕੇ ਇਹ ਮੈਚ 7 ਵਿਕਟਾਂ ਨਾਲ ਜਿੱਤ ਲਿਆ ਦਵਿੰਦਰ ਕੁਮਾਰ ਨੂੰ 117 ਦੌੜਾਂ ਦੀ ਪਾਰੀ ਲਈ ਮੈਨ ਆਫ ਦ ਮੈਚ ਐਲਾਨਿਆ ਗਿਆ  ਇਸ ਮੌਕੇ ਜੈਪੁਰ ਟੀਮ ਦੇ ਕੋਚ ਅਭਿਸ਼ੇਕ ਸ਼ਰਮਾ, ਫਰੀਦਾਬਾਦ ਟੀਮ ਦੇ ਕੋਚ ਰੋਹਿਤ ਸ਼ਰਮਾ ਅਤੇ ਸ਼ਾਹ ਸਤਿਨਾਮ ਜੀ ਕ੍ਰਿਕਟ ਅਕਾਦਮੀ ਦੇ ਕੋਚ ਰਾਹੁਲ ਸ਼ਰਮਾ ਮੌਜ਼ੂਦ ਸਨ। Wickets

ਬੁੱਧਵਾਰ ਨੂੰ ਹੋਣ ਵਾਲਾ ਮੈਚ

9ਵੇਂ ਦਿਨ ਬੁੱਧਵਾਰ ਨੂੰ ਐਸਐਸਜੀ (ਅੰਡਰ-14) ਆਲ ਇੰਡੀਆ ਕ੍ਰਿਕਟ ਟੂਰਨਾਮੈਂਟ ‘ਚ ਪੂਲ ਬੀ ਦਾ ਤੀਜਾ ਮੈਚ ਅਪੈਕਸ ਕ੍ਰਿਕਟ ਅਕਾਦਮੀ ਫਤਿਆਬਾਦ ਅਤੇ ਦ ਕ੍ਰਿਕਟ ਗੁਰੂਕੁਲ ਫਰੀਦਾਬਾਦ ਦਰਮਿਆਨ ਖੇਡਿਆ ਜਾਵੇਗਾ ਦੋਵੇਂ ਹੀ ਟੀਮਾਂ ਆਪਣਾ ਪਹਿਲਾ ਮੈਚ ਹਾਰ ਚੁੱਕੀਆਂ ਹਨ

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਜੈਪੁਰ (ਏਜੰਸੀ)। ਰਾਜਧਾਨੀ ਜੈਪੁਰ ‘ਚ ਬੁੱਧਵਾਰ ਸਵੇਰੇ ਵਿਧਾਨ ਸਭਾ ਸਾਹਮਣੇ ਇੱਕ ਚੱਲਦੀ ਕਾਰ ‘ਚ ਅੱਗ ਲੱਗ ਗਈ,  ਡਰਾਈਵਰ ਨੇ ਚੱਲਦੀ ਕਾਰ ‘ਚੋਂ ਛਾਲ ਮਾਰਕੇ ਆਪਣੀ ਜਾਨ ਬਚਾਈ ਪੁਲਿਸ ਸੂਤਰਾਂ ਅਨੁਸਾਰ ਸਵੇਰੇ ਵਿਧਾਨ ਸਭਾ ਸਾਹਮਣੇ ਇੱਕ ਕਾਰ ਜਾ ਰਹੀ ਸੀ ਉਦੋਂ ਅਚਾਨਕ ਇਸਦੇ ਇੰਜਣ ਦੀਆਂ ਲਪਟਾਂ ਉੱਠਣ ਲੱਗੀਆਂ ਕਾਰ ਡਰਾਈਵਰ ਕੁਝ ਸਮਝਦਾ ਇਸ ਤੋਂ ਪਹਿਲਾਂ ਅੱਗ ਵਧ ਚੁੱਕੀ ਸੀ ਇਸ ‘ਤੇ ਡਰਾਈਵਰ ਨੇ ਕਾਰ ‘ਚੋਂ ਛਾਲ ਮਾਰ ਕੇ ਆਪਣੀ ਜਾਨ ਬਚਾਈ ਚੱਲਦੀ ਹੋਈ ਕਾਰ ਥੋੜੀ ਦੂਰ ਜਾ ਕੇ ਰੁਕ ਗਈ।

ਕਾਰ ‘ਚੋਂ ਅੱਗ ਦੀਆਂ ਲਪਟਾਂ ਉੱਠਦੀ ਵੇਖ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ ਮਿੰਟਾਂ ‘ਚ ਹੀ ਕਾਰ ਧੂ-ਧੂ ਕਰਕੇ ਸੜਨ ਲੱਗੀ ਹਾਲਾਂਕਿ ਇਸ ਸਮੇਂ ਟ੍ਰੈਫਿਕ ਨਾ ਦੇ ਬਰਾਬਰ ਸੀ ਇਸ ਨਾਲ ਵੱਡਾ ਹਾਦਸਾ ਹੋਣ ਤੋਂ ਟਲ ਗਿਆ ਕਾਰ ਡਰਾਈਵਰ ਨੇ ਤੁਰੰਤ ਪੁਲਿਸ ਨੂੰ ਫੋਨ ਕੀਤਾ ਤਾਂ ਪੁਲਿਸ ਅਤੇ ਫਾਇਰ ਬ੍ਰਿਗੇਡ ਮੌਕੇ ‘ਤੇ ਪਹੁੰਚੀ ਪਰ ਉਦੋਂ ਤੱਕ ਕਾਰ ਕਾਫੀ ਸੜ ਚੁੱਕੀ ਸੀ ਪੁਲਿਸ ਦਾ ਮੰਨਣਾ ਹੈ ਕਿ ਅੱਗ ਸ਼ਾਰਟ ਸਰਕਟ ਕਾਰਨ ਲੱਗੀ ਹਾਲਾਂਕਿ ਇਹ ਜਾਂਚ ਤੋਂ ਬਾਅਦ ਹੀ ਸਾਹਮਣੇ ਆਵੇਗਾ ਜ਼ਿਕਰਯੋਗ ਹੈ ਕਿ ਦੋ ਦਿਨ ਪਹਿਲਾਂ ਹੀ ਸਰਸ ਪਾਰਲਰ ਸਾਹਮਣੇ ਇੱਕ ਕਾਰ ‘ਚ ਅੱਗ ਲੱਗੀ ਸੀ ਉਦੋਂ ਵੀ ਮੱਦਦ ਪਹੁੰਚਣ ਤੋਂ ਪਹਿਲਾਂ ਹੀ ਕਾਰ ਪੂਰੀ ਸੜ ਗਈ ਸੀ।

ਜਣੇਪਾ ਪੀੜ੍ਹਾਂ ਨਾਲ ਚੀਕ ਰਹੀ ਔਰਤ ਨੂੰ ਹਸਪਤਾਲ ‘ਚੋਂ ਕੱਢਿਆ ਬਾਹਰ

ਜੈਪੁਰੀਆ ਹਸਪਤਾਲ ਦੇ ਸਾਹਮਣੇ ਔਰਤ ਨੇ ਸੜਕ ‘ਤੇ ਦਿੱਤਾ ਬੱਚੇ ਨੂੰ ਜਨਮ

ਸੱਚ ਕਹੂੰ ਨਿਊਜ਼, ਜੈਪੁਰ : ਸਥਾਨਕ ਜੈਪੁਰੀਆ ਹਸਪਤਾਲ ਵਿੱਚ ਸ਼ੁੱਕਰਵਾਰ ਦੇਰ ਰਾਤ ਸਾਰੀਆਂ ਇਨਸਾਨੀ ਕਦਰਾਂ-ਕੀਮਤਾਂ ਨੂੰ ਤਾਕ ‘ਤੇ ਰੱਖਦੇ ਹੋਏ ਹਸਪਤਾਲ ਦੇ ਅਮਲੇ ਨੇ ਜਣੇਪਾ ਪੀੜ੍ਹਾਂ ਨਾਲ ਚੀਕ ਰਹੀ ਇੱਕ ਔਰਤ ਨੂੰ ਬਿਨਾਂ ਭਰਤੀ ਕੀਤੇ ਹੀ ਹਸਪਤਾਲ ਤੋਂ ਬਾਹਰ ਕੱਢ ਦਿੱਤਾ। ਤੜਫ਼ਦੀ ਔਰਤ ਪਰਿਵਾਰ ਦੇ ਸਹਿਯੋਗ ਨਾਲ ਬਾਹਰ ਆ ਹੀ ਰਹੀ ਸੀ ਕਿ ਬਾਹਰ ਸੜਕ ‘ਤੇ ਹੀ ਉਸ ਨੇ ਬੱਚੇ ਨੂੰ ਜਨਮ ਦੇ ਦਿੱਤਾ। ਸ਼ਹਿਰ ਦੇ ਮੁੱਖ ਅਤੇ ਮੈਡੀਕਲ ਕਾਲਜ ਹਸਪਤਾਲ ਦਾ ਦਰਜਾ ਪ੍ਰਾਪਤ ਕਰ ਚੁੱਕੇ ਇਸ ਹਸਪਤਾਲ ਵਿੱਚ ਇਹ ਘਟਨਾ ਵਾਪਰਨ ਤੋਂ ਬਾਅਦ ਹੰਗਾਮਾ ਖੜ੍ਹਾ ਹੋ ਗਿਆ।

ਵਾਰਸਾਂ ਨੇ ਹਸਪਤਾਲ ਦੇ ਡਾਕਟਰਾ ‘ਤੇ ਘੋਰ ਲਾਪਰਵਾਹੀ ਦਾ ਦੋਸ਼ ਲਾਇਆ ਹੈ। ਵਾਰਸਾਂ ਦਾ ਕਹਿਣਾ ਹੈ ਕਿ ਲੇਬਰ ਰੂਮ ਦੇ ਸਟਾਫ਼ ਨੇ ਇਹ ਕਹਿ ਕੇ ਬਾਹਰ ਕੱਢ ਦਿੱਤਾ ਕਿ ਔਰਤ ਦਾ ਅੱਜ ਜਣੇਪਾ ਨਹੀਂ ਹੋਵੇਗਾ। ਕੱਲ੍ਹ ਲੈ ਕੇ ਆਉਣਾ। ਜਣੇਪੇ ਤੋਂ ਬਾਅਦ ਪਰਿਵਾਰ ਔਰਤ ਨੂੰ ਲੈ ਕੇ 108 ਐਂਬੂਲੈਂਸ ਰਾਹੀਂ ਹੋਰ ਹਸਪਤਾਲ ਵਿੱਚ ਲੈ ਕੇ ਚਲੇ ਗਏ। ਔਰਤ ਸਾਂਗਾਨੇਰ ਨਿਵਾਸੀ ਅਤੇ ਮੂਲ ਤੌਰ ‘ਤੇ ਅਲਵਰ ਨਿਵਾਸੀ ਨੀਤੂ ਹੈ। ਇਸ ਤੋਂ ਪਹਿਲਾਂ ਸੜਕ ‘ਤੇ ਔਰਤ ਦਾ ਜਣੇਪਾ ਵੇਖ ਕੇ ਉੱਥੇ ਭਾਰੀ ਭੀੜ ਇਕੱਠੀ ਹੋ ਗਈ। ਮੌਕੇ ‘ਤੇ ਪਹੁੰਚੀ ਪੁਲਿਸ ਨੇ ਭੀੜ ਨੂੰ ਕਾਬੂ ਕੀਤਾ। ਲੋਕਾਂ ਨੇ ਦੱਸਿਆ ਕਿ ਬੱਚੇ ਦੇ ਜਨਮ ਤੋਂ ਬਾਅਦ ਤਾਂ ਹਸਪਤਾਲ ਪ੍ਰਸ਼ਾਸਨ ਵੀ ਬਾਹਰ ਆ ਗਿਆ।

ਐਮਰਜੈਂਸੀ ਦੀ ਫਿਰ ਖੁੱਲ੍ਹੀ ਪੋਲ

ਜੈਪੁਰੀਆ ਹਸਪਤਾਲ ਦੀ ਐਮਰਜੈਂਸੀ ਵਿੱਚ ਪੂਰੀਆਂ ਸਹੂਲਤਾਂ ਅਤੇ ਜ਼ਿਆਦਾਤਰ ਮਾਮਲਿਆਂ ਨੂੰ ਐੱਸਐੱਮਐੱਸ, ਮਹਿਲਾ ਅਤੇ ਜਨਾਲਾ ਰੈਫ਼ਰ ਕੀਤੇ ਜਾਣ ਦੇ ਕਈ ਵਾਰ ਦੋਸ਼ ਲੱਗਦੇ ਰਹੇ ਹਨ। ਇਸ ਮਾਮਲੇ ਨੇ ਇੱਕ ਵਾਰ ਫਿਰ ਇੱਥੋਂ ਦੇ ਪ੍ਰਬੰਧਾਂ ਦੀ ਪੋਲ੍ਹ ਕੇ ਖੋਲ੍ਹ ਕੇ ਰੱਖ ਦਿੱਤੀ ਹੈ।

ਪੁਲਿਸ ‘ਤੇ ਧਮਕਾਉਣ ਦਾ ਦੋਸ਼

ਮੌਕੇ ‘ਤੇ ਮੌਜ਼ੂਦ ਲੋਕਾਂ ਦਾ ਦੋਸ਼ ਸੀ ਕਿ ਹਸਪਤਾਲ ਪ੍ਰਸ਼ਾਸਨ ਦੀ ਲਾਪਰਵਾਹੀ ਨੂੰ ਦਬਾਉਣ ਲਈ ਪੁਲਿਸ ਮੁਲਾਜ਼ਮ ਔਰਤ ਦੀ ਮੱਦਦ ‘ਚ ਜੁਟੇ ਲੋਕਾਂ ਨੂੰ ਧਮਕਾਉਣ ਲੱਗੇ। ਮੌਕੇ ‘ਤੇ ਮੌਜ਼ੂਦ ਲੋਕਾਂ ਨੇ ਦੱਸਿਆ ਕਿ ਪਰਿਵਾਰ ਔਰਤ ਨੂੰ ਸਵੇਰੇ ਆਊਟਡੋਰ ਵਿੱਚ ਵੀ ਹਸਪਤਾਲ ਲੈ ਕੇ ਆਏ ਸਨ। ਹਸਪਤਾਲ ਦੇ ਬੁਲਾਰੇ ਡਾ. ਰਾਜੀਵ ਸ਼ਰਮਾ ਨੇ ਕਿਹਾ ਕਿ ਉਹ ਅਜੇ ਜੈਪੁਰ ਤੋਂ ਬਾਹਰ ਹਨ। ਮਾਮਲੇ ਦੀ ਜਾਣਕਾਰੀ ਉਨ੍ਹਾਂ ਨੂੰ ਮਿਲੀ ਹੈ। ਉਨ੍ਹਾਂ ਕਿਹਾ ਕਿ ਹਸਪਤਾਲ ਪ੍ਰਸ਼ਾਸਨ ਵੱਲੋਂ ਪੂਰੇ ਮਾਮਲੇ ਦੀ ਜਾਂਚ ਤੋਂ ਬਾਅਦ ਹੀ ਇਸ ਬਾਰੇ ਕੁਝ ਕਿਹਾ ਜਾ ਸਕਦਾ ਹੈ।