AI Plus Plan: ਨਵੀਂ ਦਿੱਲੀ, (ਆਈਏਐਨਐਸ)। ਗੂਗਲ ਨੇ ਬੁੱਧਵਾਰ ਨੂੰ ਐਲਾਨ ਕੀਤਾ ਕਿ ਉਸਨੇ ਭਾਰਤ ਵਿੱਚ ਗੂਗਲ ਏਆਈ ਪਲੱਸ ਪਲਾਨ ਲਾਂਚ ਕੀਤਾ ਹੈ। ਗੂਗਲ ਦਾ ਕਹਿਣਾ ਹੈ ਕਿ ਇਹ ਪਲਾਨ ਉਪਭੋਗਤਾਵਾਂ ਨੂੰ ਨਵੀਨਤਮ ਗੂਗਲ ਏਆਈ ਮਾਡਲਾਂ ਅਤੇ ਵਿਸ਼ੇਸ਼ਤਾਵਾਂ ਦੀ ਵਰਤੋਂ ਕਰਕੇ ਵਧੇਰੇ ਰਚਨਾਤਮਕ ਅਨੁਭਵ ਬਣਾਉਣ ਦੇ ਯੋਗ ਬਣਾਉਣ ਲਈ ਤਿਆਰ ਕੀਤਾ ਗਿਆ ਹੈ। ਗੂਗਲ ਨੇ ਇੱਕ ਅਧਿਕਾਰਤ ਬਿਆਨ ਵਿੱਚ ਕਿਹਾ, “ਇਹ ਪਲਾਨ ਉਪਭੋਗਤਾਵਾਂ ਨੂੰ ਇੱਕ ਪਹੁੰਚਯੋਗ ਕੀਮਤ ‘ਤੇ ਉਨ੍ਹਾਂ ਦੀ ਉਤਪਾਦਕਤਾ ਅਤੇ ਰਚਨਾਤਮਕਤਾ ਨੂੰ ਵਧਾਉਣ ਲਈ ਸ਼ਕਤੀਸ਼ਾਲੀ ਏਆਈ ਟੂਲਸ ਤੱਕ ਪਹੁੰਚ ਦਿੰਦਾ ਹੈ।”

ਕੰਪਨੀ ਨੇ ਯੋਜਨਾ ਬਾਰੇ ਵੇਰਵੇ ਦਿੰਦੇ ਹੋਏ ਕਿਹਾ ਕਿ ਗੂਗਲ ਏਆਈ ਪਲੱਸ ਭਾਰਤ ਵਿੱਚ 399 ਰੁਪਏ ਦੀ ਮਹੀਨਾਵਾਰ ਫੀਸ ‘ਤੇ ਉਪਲੱਬਧ ਹੈ। ਨਵੇਂ ਗਾਹਕ ਪਹਿਲੇ ਛੇ ਮਹੀਨਿਆਂ ਲਈ ਸਿਰਫ 199 ਰੁਪਏ ਵਿੱਚ ਇਸ ਪਲਾਨ ਦਾ ਲਾਭ ਲੈ ਸਕਦੇ ਹਨ। ਇਸ ਪਲਾਨ ਨੂੰ ਲਿਆਉਣ ਦੀ ਜ਼ਰੂਰਤ ਬਾਰੇ, ਗੂਗਲ ਨੇ ਕਿਹਾ, “ਜੈਮਿਨੀ ਐਪ ਤੋਂ ਲੈ ਕੇ ਨੋਟਬੁੱਕ ਐਲਐਮ ਤੱਕ, ਭਾਰਤ ਵਿੱਚ ਸਾਡੇ ਉਪਭੋਗਤਾ ਕਈ ਤਰੀਕਿਆਂ ਨਾਲ ਏਆਈ ਟੂਲਸ ਦੀ ਵਰਤੋਂ ਕਰ ਰਹੇ ਹਨ, ਜਿਸਨੂੰ ਦੇਖ ਕੇ ਸਾਨੂੰ ਬਹੁਤ ਖੁਸ਼ੀ ਹੋ ਰਹੀ ਹੈ।

ਇਹ ਵੀ ਪੜ੍ਹੋ: Delhi Air Pollution: ਰਾਜਧਾਨੀ ਦਿੱਲੀ ਦੀ ਹਵਾ ’ਚ ਸੁਧਾਰ, ਪਰ AQI ਅਜੇ ਵੀ ‘ਖਰਾਬ’ ਪੱਧਰ ’ਤੇ

ਅਸੀਂ ਚਾਹੁੰਦੇ ਹਾਂ ਕਿ ਵੱਧ ਤੋਂ ਵੱਧ ਉਪਭੋਗਤਾ ਇਨ੍ਹਾਂ ਉੱਨਤ ਵਿਸ਼ੇਸ਼ਤਾਵਾਂ ਦਾ ਲਾਭ ਲੈਣ।” ਜਾਣਕਾਰੀ ਦਿੰਦੇ ਹੋਏ, ਕੰਪਨੀ ਨੇ ਕਿਹਾ ਕਿ ਇਸ ਪਲਾਨ ਵਿੱਚ, ਉਪਭੋਗਤਾਵਾਂ ਨੂੰ ਜੈਮਿਨੀ 3 ਪ੍ਰੋ ਤੱਕ ਵਧੇਰੇ ਪਹੁੰਚ ਮਿਲੇਗੀ, ਜੋ ਕਿ ਜੈਮਿਨੀ ਐਪ ਵਿੱਚ ਕੰਪਨੀ ਦਾ ਸਭ ਤੋਂ ਬੁੱਧੀਮਾਨ ਮਾਡਲ ਹੈ। ਇਸ ਤੋਂ ਇਲਾਵਾ, ਉਪਭੋਗਤਾਵਾਂ ਨੂੰ ਜੈਮਿਨੀ ਐਪ ਵਿੱਚ ਕੰਪਨੀ ਦੇ ਨਵੀਨਤਮ ਚਿੱਤਰ ਜਨਰੇਸ਼ਨ ਅਤੇ ਸੰਪਾਦਨ ਮਾਡਲ ਨੈਨੋ ਬਨਾਨਾ ਪ੍ਰੋ ਤੱਕ ਵਧੇਰੇ ਪਹੁੰਚ ਮਿਲੇਗੀ। ਉਪਭੋਗਤਾਵਾਂ ਨੂੰ ਜੈਮਿਨੀ ਐਪ ਵਿੱਚ ਵੀਡੀਓ ਜਨਰੇਸ਼ਨ ਅਤੇ ਫਲੋ ਵਰਗੇ ਰਚਨਾਤਮਕ ਟੂਲਸ ਤੱਕ ਪਹੁੰਚ ਮਿਲੇਗੀ। ਇਹ ਪਲਾਨ ਜੀਮੇਲ ਅਤੇ ਡੌਕਸ ਨਾਲ ਜੈਮਿਨੀ ਦੀ ਵਰਤੋਂ ਕਰਨ ਦੀ ਸਹੂਲਤ ਪ੍ਰਦਾਨ ਕਰੇਗਾ।

ਕੰਪਨੀ ਦਾ ਕਹਿਣਾ ਹੈ ਕਿ ਉਪਭੋਗਤਾਵਾਂ ਨੂੰ ਇਸ ਯੋਜਨਾ ਦੇ ਨਾਲ ਡੂੰਘਾਈ ਨਾਲ ਖੋਜ ਅਤੇ ਵਿਸ਼ਲੇਸ਼ਣ ਤੱਕ ਵਧੇਰੇ ਪਹੁੰਚ ਮਿਲੇਗੀ, ਨਾਲ ਹੀ ਫੋਟੋਆਂ, ਡਰਾਈਵ ਅਤੇ ਜੀਮੇਲ ਲਈ 200GB ਸਟੋਰੇਜ ਵੀ ਮਿਲੇਗੀ। ਚੰਗੀ ਖ਼ਬਰ ਇਹ ਹੈ ਕਿ ਉਪਭੋਗਤਾ ਇਨ੍ਹਾਂ ਸਾਰੇ ਲਾਭਾਂ ਨੂੰ ਪੰਜ ਪਰਿਵਾਰਕ ਮੈਂਬਰਾਂ ਤੱਕ ਵਧਾ ਸਕਦੇ ਹਨ। ਇਹ ਇੱਕ ਸਿੰਗਲ ਯੋਜਨਾ ਨਾਲ ਅੱਪਗ੍ਰੇਡ ਕੀਤਾ ਗੂਗਲ ਅਨੁਭਵ ਪ੍ਰਾਪਤ ਕਰਨ ਦਾ ਸਭ ਤੋਂ ਆਸਾਨ ਤਰੀਕਾ ਹੋਵੇਗਾ। AI Plus Plan

Google Jobs: ਗੂਗਲ ਕੰਪਨੀ ਬਾਰੇ ਲਗਭਗ ਹਰ ਕੋਈ ਜਾਣਦਾ ਹੈ, ਅਤੇ ਜ਼ਿਆਦਾਤਰ ਲੋਕ ਗੂਗਲ ਨੂੰ ਸਰਚ ਇੰਜਣ ਵਜੋਂ ਵਰਤਦੇ ਹਨ। ਇੱਥੇ ਕੰਮ ਕਰਨਾ ਲੱਖਾਂ ਲੋਕਾਂ ਦਾ ਸੁਪਨਾ ਹੈ, ਗੂਗਲ ਦਫਤਰ ਦਾ ਮੁੱਖ ਦਫਤਰ ਕੈਲੀਫੋਰਨੀਆ ਵਿਚ ਹੈ, ਭਾਰਤ ਵਿਚ ਵੀ ਗੂਗਲ ਦਫਤਰ ਦੀਆਂ ਬਹੁਤ ਸਾਰੀਆਂ ਸ਼ਾਖਾਵਾਂ ਹਨ, ਗੂਗਲ ਵਿਚ ਕੰਮ ਕਰਨ ਵਾਲੇ ਜ਼ਿਆਦਾਤਰ ਭਾਰਤੀਆਂ ਨੂੰ ਵਿਦੇਸ਼ਾਂ ਦੇ ਨਾਲ-ਨਾਲ ਬੈਂਗਲੁਰੂ, ਹੈਦਰਾਬਾਦ, ਮੁੰਬਈ, ਗੁਰੂਗ੍ਰਾਮ ਅਤੇ ਚੇਨਈ ’ਚ ਪੋਸਟਿੰਗ ਮਿਲਦੀ ਹੈ। Google Jobs

ਤੁਹਾਨੂੰ ਦੱਸ ਦੇਈਏ ਕਿ ਗੂਗਲ ‘ਚ ਕੰਮ ਕਰਨ ਵਾਲੇ ਲੋਕਾਂ ਨੂੰ ਚੰਗੀ ਤਨਖਾਹ ਦੇ ਨਾਲ-ਨਾਲ ਕਈ ਫਾਇਦੇ ਵੀ ਮਿਲਦੇ ਹਨ, ਇਨ੍ਹਾਂ ਵਾਧੂ ਫਾਇਦਿਆਂ ਦੀ ਵਜ੍ਹਾ ਨਾਲ ਗੂਗਲ ਤਕਨੀਕੀ ਅਤੇ ਪ੍ਰਬੰਧਨ ਖੇਤਰ ਦੇ ਲੋਕਾਂ ਦੀ ਪਹਿਲੀ ਪਸੰਦ ਹੈ, ਗੂਗਲ ‘ਚ ਨੌਕਰੀਆਂ ਲਈ google.com ਜਾਂ https ‘ਤੇ ਜਾਓ। ਤੁਸੀਂ https://www.google.com/about/careers/applications/ ‘ਤੇ ਖਾਲੀ ਵੈਕੇਂਸੀ ਚੈਕ ਕਰ ਸਕਦੇ ਹੋ। ਇੱਥੇ ਤੁਹਾਨੂੰ ਗੂਗਲ ਵਿਚ ਨੌਕਰੀਆਂ ਨਾਲ ਸਬੰਧਤ ਨਵੀਨਤਮ ਅਪਡੇਟਸ ਮਿਲਣਗੇ, ਇਸ ਤੋਂ ਇਲਾਵਾ ਤੁਸੀਂ ਲਿੰਕਡਇਨ ਅਤੇ ਹੋਰ ਨੌਕਰੀ ਖੋਜਣ ਵਾਲੀਆਂ ਸਾਈਟਾਂ ‘ਤੇ ਵੀ ਗੂਗਲ ਦੀਆਂ ਨੌਕਰੀਆਂ ਲੱਭ ਸਕਦੇ ਹੋ।

ਗੂਗਲ ਵਿੱਚ ਨੌਕਰੀ ਲਈ ਲੋੜੀਂਦੀ ਯੋਗਤਾ ਕੀ ਹੈ? Google ਨੌਕਰੀਆਂ

ਗੂਗਲ ‘ਚ ਨੌਕਰੀ ਲਈ ਹੇਠ ਲਿਖੀਆਂ ਯੋਗਤਾਵਾਂ ਦਾ ਹੋਣਾ ਜ਼ਰੂਰੀ ਹੈ, ਇਹ ਯੋਗਤਾਵਾਂ ਵਰਕ ਪ੍ਰੋਫਾਈਲ ਦੇ ਹਿਸਾਬ ਨਾਲ ਵੱਖ-ਵੱਖ ਹੋ ਸਕਦੀਆਂ ਹਨ, ਤਾਂ ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਗੂਗਲ ‘ਚ ਨੌਕਰੀ ਲਈ ਕਿਹੜੀਆਂ ਖਾਸ ਯੋਗਤਾਵਾਂ ਜ਼ਰੂਰੀ ਹਨ। ਜੇਕਰ ਤੁਸੀਂ ਗੂਗਲ ਵਿਚ ਤਕਨੀਕੀ ਨੌਕਰੀਆਂ ਦੀ ਤਲਾਸ਼ ਕਰ ਰਹੇ ਹੋ ਤਾਂ ਤੁਹਾਡੇ ਲਈ ਬੀ-ਟੈੱਕ, ਐਮਸੀਏ ਵਰਗੀ ਤਕਨੀਕੀ ਡਿਗਰੀ ਹੋਣੀ ਜ਼ਰੂਰੀ ਸਮਝੀ ਜਾਂਦੀ ਹੈ। ਗੂਗਲ ਵਿਚ Non Technical Job ਲਈ, ਐਮਬੀਏ ਵਰਗੇ Management Cours ਵਿਚ ਡਿਗਰੀ ਹੋਣੀ ਲਾਜ਼ਮੀ ਹੈ।

ਗੂਗਲ ਵਿਚ ਨੌਕਰੀ ਕਿਵੇਂ ਲੱਭੀਏ? Google Jobs

ਗੂਗਲ ਵਿਚ ਨੌਕਰੀ ਲੱਭਣ ਲਈ, ਤੁਸੀਂ ਲਿੰਕਡਇਨ ਅਤੇ ਗੂਗਲ ਕਰੀਅਰ ਦੀ ਵਰਤੋਂ ਕਰ ਸਕਦੇ ਹੋ, ਇੱਥੇ ਤੁਹਾਨੂੰ ਗੂਗਲ ਵਿਚ ਹਰ ਖਾਲੀ ਅਹੁਦੇ ਬਾਰੇ ਆਸਾਨੀ ਨਾਲ ਜਾਣਕਾਰੀ ਮਿਲ ਜਾਵੇਗੀ।

ਲਿੰਕਡਇਨ:- ਇਹ ਇੱਕ ਨੌਕਰੀ ਖੋਜ ਸਾਈਟ ਹੈ, ਅਤੇ ਇਸ ‘ਤੇ ਤੁਸੀਂ ਗੂਗਲ ਵਿੱਚ ਖਾਲੀ ਅਸਾਮੀਆਂ ਦੀ ਜਾਂਚ ਕਰ ਸਕਦੇ ਹੋ, ਇਸਦੇ ਨਾਲ ਤੁਹਾਨੂੰ ਗੂਗਲ ਵਿੱਚ ਕੰਮ ਕਰਨ ਵਾਲੇ ਲੋਕਾਂ ਨਾਲ ਜੁੜਨ ਅਤੇ ਨੌਕਰੀ ਲਈ ਸਿੱਧੀ ਗੱਲ ਕਰਨ ਦਾ ਵਿਕਲਪ ਵੀ ਮਿਲਦਾ ਹੈ।

ਗੂਗਲ ਕਰੀਅਰ: ਤੁਸੀਂ ਗੂਗਲ ਦੀ ਵੈੱਬਸਾਈਟ careers.google.com ‘ਤੇ ਗੂਗਲ ਵਿਚ ਖਾਲੀ ਅਸਾਮੀਆਂ ਦੇ ਵੇਰਵੇ ਵੀ ਦੇਖ ਸਕਦੇ ਹੋ।

ਗੂਗਲ ਦੀਆਂ 10 ਵੱਡੀਆਂ ਨੌਕਰੀਆਂ | Google Jobs

ਗੂਗਲ ਵਿਚ ਕਈ ਤਰ੍ਹਾਂ ਦੀਆਂ ਭੂਮਿਕਾਵਾਂ ਹਨ, ਤਕਨੀਕੀ ਅਤੇ ਗੈਰ-ਤਕਨੀਕੀ, ਤੁਸੀਂ ਆਪਣੀ ਯੋਗਤਾ ਅਤੇ ਹੁਨਰ ਦੇ ਆਧਾਰ ‘ਤੇ ਗੂਗਲ ਵਿਚ ਨੌਕਰੀ ਲਈ ਅਰਜ਼ੀ ਦੇ ਸਕਦੇ ਹੋ।
ਗੂਗਲ ਦੀਆਂ ਤਕਨੀਕੀ ਨੌਕਰੀਆਂ
ਜੂਨੀਅਰ ਸਾਫਟਵੇਅਰ ਇੰਜੀਨੀਅਰ
ਡਾਟਾ ਵਿਗਿਆਨੀ
ux ਡਿਜ਼ਾਈਨਰ
ਸਾਫਟਵੇਅਰ ਟੈਸਟਰ
ਨੈੱਟਵਰਕ ਇੰਜੀਨੀਅਰ
ਗੂਗਲ ਦੀਆਂ ਨਾਨ ਟੈਕਨੀਕਲ ਜਾਬ
ਪ੍ਰਬੰਧਕੀ ਸਹਾਇਕ
ਜੂਨੀਅਰ ਵਪਾਰ ਵਿਸ਼ਲੇਸ਼ਕ
ਐਸਈਓ ਮਾਹਰ
ਕਾਪੀਰਾਈਟਰ
ਖਾਤਾ ਪ੍ਰਬੰਧਕ

ਪੁਣੇ। ਮਹਾਰਾਸਟਰ ਦੇ ਪੁਣੇ ਸਹਿਰ ’ਚ ਗੂਗਲ ਕੰਪਨੀ (Google) ਦੇ ਦਫਤਰ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ ਮਿਲੀ ਹੈ। ਕੈਂਪਸ ’ਚ ਬੰਬ ਹੋਣ ਦੀ ਸੂਚਨਾ ਮਿਲਣ ’ਤੇ ਟੀਮਾਂ ਮੌਕੇ ’ਤੇ ਪਹੁੰਚ ਗਈਆਂ। ਇਮਾਰਤ ਨੂੰ ਖਾਲੀ ਕਰਵਾ ਕੇ ਤਲਾਸ਼ੀ ਲਈ ਗਈ। ਤਲਾਸੀ ਮੁਹਿੰਮ ’ਚ ਕੁਝ ਵੀ ਸ਼ੱਕੀ ਨਹੀਂ ਮਿਲਿਆ। ਦੂਜੇ ਪਾਸੇ ਫੋਨ ਕਰਨ ਵਾਲਾ ਵਿਅਕਤੀ ਹੈਦਰਾਬਾਦ ਦਾ ਰਹਿਣ ਵਾਲਾ ਨਿੱਕਲਿਆ, ਜਿਸ ਨੂੰ ਪੁਲਿਸ ਨੇ ਗਿ੍ਰਫਤਾਰ ਕਰ ਲਿਆ ਹੈ। ਜਦੋਂ ਉਸ ਕੋਲੋਂ ਪੁੱਛ-ਪੜਤਾਲ ਕੀਤੀ ਗਈ ਤਾਂ ਪਤਾ ਲੱਗਾ ਕਿ ਉਸ ਨੇ ਨਸ਼ੇ ਦੀ ਹਾਲਤ ਵਿੱਚ ਇਹ ਹਾਕਸ ਕਾਲ ਕੀਤੀ ਸੀ।

ਪੁਲਸ ਨੇ ਦੱਸਿਆ ਕਿ ਫੋਨ ਮਿਲਣ ਤੋਂ ਬਾਅਦ ਧਮਕੀ ਨੂੰ ਗੰਭੀਰਤਾ ਨਾਲ ਲੈਂਦੇ ਹੋਏ ਮਹਾਰਾਸ਼ਟਰ ਪੁਿਲਸ ਦੀ ਟੀਮ ਤੁਰੰਤ ਮੌਕੇ ’ਤੇ ਪਹੁੰਚ ਗਈ। ਕੰਪਲੈਕਸ ਨੂੰ ਕੁਝ ਸਮੇਂ ਲਈ ਅਲਰਟ ’ਤੇ ਰੱਖਿਆ ਗਿਆ ਸੀ। ਉਨ੍ਹਾਂ ਦੱਸਿਆ ਕਿ ਨਸੇ ਦੀ ਹਾਲਤ ’ਚ ਕਥਿਤ ਤੌਰ ’ਤੇ ਕਾਲ ਕਰਨ ਵਾਲੇ ਇੱਕ ਵਿਅਕਤੀ ਨੂੰ ਹੈਦਰਾਬਾਦ ’ਚ ਗਿ੍ਰਫਤਾਰ ਕੀਤਾ ਗਿਆ ਹੈ।

11ਵੀਂ ਮੰਜਲ ’ਤੇ ਹੈ Google ਦਾ ਦਫਤਰ

ਪੁਲਿਸ ਦੇ ਡਿਪਟੀ ਕਮਿਸਨਰ (ਜੋਨ) ਵਿਕਰਾਂਤ ਦੇਸਮੁਖ ਨੇ ਕਿਹਾ ਕਿ ਪੁਣੇ ਦੇ ਮੁੰਧਵਾ ਖੇਤਰ ਵਿੱਚ ਇੱਕ ਬਹੁ-ਮੰਜਲਾ ਵਪਾਰਕ ਇਮਾਰਤ ਹੈ। ਗੂਗਲ ਦਾ ਦਫ਼ਤਰ ਇਸ ਵਪਾਰਕ ਇਮਾਰਤ ਦੀ 11ਵੀਂ ਮੰਜਲ ’ਤੇ ਹੈ। ਇੱਕ ਕਾਲਰ ਨੇ ਮੁੰਬਈ ਵਿੱਚ ਬੀਕੇਸੀ ਦਫਤਰ ਨੂੰ ਫੋਨ ਕੀਤਾ ਅਤੇ ਧਮਕੀ ਦਿੱਤੀ ਕਿ ਪੁਣੇ ਵਿੱਚ ਗੂਗਲ ਦਫਤਰ ਵਿੱਚ ਬੰਬ ਰੱਖਿਆ ਗਿਆ ਹੈ। ਪੁਲਿਸ ਨੇ ਦੱਸਿਆ ਕਿ ਸੂਚਨਾ ਮਿਲਣ ਤੋਂ ਬਾਅਦ ਪੁਣੇ ਪੁਲਿਸ ਅਤੇ ਬੰਬ ਰੋਕੂ ਦਸਤੇ ਨੇ ਮੌਕੇ ’ਤੇ ਪਹੁੰਚ ਕੇ ਵਿਆਪਕ ਤਲਾਸ਼ੀ ਲਈ। ਅਧਿਕਾਰੀ ਨੇ ਦੱਸਿਆ ਕਿ ਜਾਂਚ ’ਚ ਕਾਲ ਫਰਜੀ ਨਿਕਲੀ। ਕਾਲਰ ਨੂੰ ਹੈਦਰਾਬਾਦ ਤੋਂ ਟਰੇਸ ਕੀਤਾ ਗਿਆ ਸੀ। ਉਥੋਂ ਦੀ ਪੁਲਿਸ ਨਾਲ ਸੰਪਰਕ ਕਰਨ ’ਤੇ ਮੁਲਜਮ ਨੂੰ ਗਿ੍ਰਫਤਾਰ ਕਰ ਲਿਆ ਗਿਆ।

ਮੁਲਜਮ ਤੋਂ ਜਾਰੀ ਹੈ ਪੁੱਛਗਿੱਛ

ਪੁਲਿਸ ਨੇ ਮੁਲਜ਼ਮ ਦਾ ਪਤਾ ਲਾ ਕੇ ਉਸ ਨੂੰ ਗਿ੍ਰਫਤਾਰ ਕਰ ਲਿਆ। ਉਸ ਦਾ ਨਾਂਅ ਪਨਯਮ ਸ਼ਿਵਾਨੰਦ ਹੈ ਅਤੇ ਉਹ ਹੈਦਰਾਬਾਦ ਦਾ ਰਹਿਣ ਵਾਲਾ ਹੈ। ਜਾਂਚ ਵਿੱਚ ਕੁਝ ਵੀ ਸੱਕੀ ਨਹੀਂ ਮਿਲਿਆ। ਪਤਾ ਲੱਗਾ ਹੈ ਕਿ ਪਨਾਯਮ ਨੇ ਨਸ਼ੇ ਦੀ ਹਾਲਤ ’ਚ ਕਾਲ ਕੀਤੀ ਸੀ। ਪੁਲਸ ਨੇ ਉਸ ਖਿਲਾਫ਼ ਕੇਸ ਦਰਜ ਕਰ ਲਿਆ ਹੈ। ਉਨ੍ਹਾਂ ਦੱਸਿਆ ਕਿ ਘਟਨਾ ਦੀ ਅਗਲੇਰੀ ਜਾਂਚ ਕੀਤੀ ਜਾ ਰਹੀ ਹੈ।

ਰੂਸ ਨੇ ਗੂਗਲ ਨੂੰ ਕੀਤਾ ਬਲਾਕ

ਮਾਸਕੋ । ਰੂਸ ਦੇ ਸੰਚਾਰ ਰੈਗੂਲੇਟਰ ਨੇ ਐਲਾਨ ਕੀਤਾ ਹੈ ਕਿ ਉਹਨਾ ਦੁਆਰਾ ਅਲਫਾਬੇਟ ਇੰਕ ਤੋਂ ਗੂਗਲ ਦੀ ਨਿਊਜ਼ ਐਗਰੀਗੇਟਰ ਸੇਵਾ ਨੂੰ ਬਲਾਕ ਕਰ ਰਹੇ ਹਨ। ਅਲ-ਜਜ਼ੀਰਾ ਨੇ ਵੀਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਰੈਗੂਲੇਟਰ ਨੇ ਦੋਸ਼ ਲਗਾਇਆ ਹੈ ਕਿ ਗੂਗਲ ਯੂਜ਼ਰਸ ਨੂੰ ਯੂਕਰੇਨ ‘ਚ ਰੂਸੀ ਫੌਜੀ ਕਾਰਵਾਈਆਂ ਬਾਰੇ ਗਲਤ ਖਬਰਾਂ ਦੱਸ ਰਿਹਾ ਹੈ। ਇਸ ਤੋਂ ਪਹਿਲਾਂ, ਯੂਟਿਊਬ ਨੇ ਰੂਸੀ ਸਰਕਾਰ ਦੇ ਮੀਡੀਆ ਸੰਗਠਨ R“ ਸਮੇਤ ਕਈ ਰੂਸੀ ਚੈਨਲਾਂ ਨੂੰ ਆਪਣੇ ਵੀਡੀਓ ਦੇ ਨਾਲ-ਨਾਲ ਚੱਲ ਰਹੇ ਵਿਗਿਆਪਨਾਂ ਦੇ ਮੁਦਰੀਕਰਨ ਤੋਂ ਰੋਕ ਦਿੱਤਾ ਸੀ ਭਾਵ ਡੀਮਾਨੇਟਾਈਜ ਕਰ ਦਿੱਤਾ ਸੀ।ਇਸ ਤੋਂ ਇਲਾਵਾ, ਗੂਗਲ ਨੇ ਵੀ ਰੂਸ ਵਿਚ ਆਨਲਾਈਨ ਵਿਗਿਆਪਨ ਦੀ ਵਿਕਰੀ ਬੰਦ ਕਰ ਦਿੱਤੀ ਹੈ। ਰੂਸ ਦੇ ਰਾਜ ਮੀਡੀਆ ਵਾਚਡੌਗ ਰੋਸਕੋਮਨਾਡਜ਼ੋਰ ਨੇ ਰੂਸੀ ਫੌਜ ਨੂੰ ਬਦਨਾਮ ਕਰਨ ਵਾਲੀ ਕਿਸੇ ਵੀ ਘਟਨਾ ਦੀਆਂ ਰਿਪੋਰਟਾਂ ਨੂੰ ਰੱਦ ਕਰਨ ਲਈ ਇੱਕ ਨਵਾਂ ਰੂਸੀ ਕਾਨੂੰਨ ਪਾਸ ਕੀਤੇ ਜਾਣ ਤੋਂ ਬਾਅਦ ਰੂਸ ਦੇ ਸਰਕਾਰੀ ਵਕੀਲ ਦੇ ਦਫਤਰ ਦੀ ਬੇਨਤੀ ‘ਤੇ ਕਾਰਵਾਈ ਕੀਤੀ ਹੈ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

ਗੂਗਲ ਏਅਰਟੈਲ ਨਾਲ ਸਾਂਝੇਦਾਰੀ ਵਿੱਚ 1 ਅਰਬ ਡਾਲਰ ਦਾ ਨਿਵੇਸ਼ ਕਰੇਗਾ

ਨਵੀਂ ਦਿੱਲੀ। ਪ੍ਰਮੁੱਖ ਤਕਨੀਕੀ ਕੰਪਨੀ ਗੂਗਲ ਦੂਰਸੰਚਾਰ ਦਿੱਗਜ ਭਾਰਤੀ ਏਅਰਟੈਲ ਨਾਲ ਸਾਂਝੇਦਾਰੀ ਵਿੱਚ ਆਪਣੇ ਇੰਡੀਆ ਡਿਜੀਟਾਈਜ਼ੇਸ਼ਨ ਫੰਡ ਵਿੱਚ 1 ਅਰਬ ਡਾਲਰ ਦਾ ਨਿਵੇਸ਼ ਕਰੇਗੀ। ਇਸ ਸਬੰਧ ਵਿੱਚ ਦੋਵਾਂ ਕੰਪਨੀਆਂ ਨੇ ਸਾਂਝੇਦਾਰੀ ਕੀਤੀ ਹੈ, ਜਿਸ ਤਹਿਤ ਗੂਗਲ ਏਅਰਟੈਲ ਵਿੱਚ 1.28 ਫੀਸਦੀ ਹਿੱਸੇਦਾਰੀ ਲਈ 70 ਕਰੋੜ ਡਾਲਰ ਦਾ ਨਿਵੇਸ਼ ਕਰੇਗਾ ਅਤੇ 30 ਕਰੋੜ ਡਾਲਰ ਦਾ ਬਹੁ-ਸਾਲਾ ਕਾਰੋਬਾਰੀ ਸਮਝੌਤਾ ਹੋਇਆ ਹੈ।

ਏਅਰਟੈਲ ਦੇ ਬੋਰਡ ਨੇ ਸ਼ੁੱਕਰਵਾਰ ਨੂੰ ਗੂਗਲ ਨੂੰ 734 ਰੁਪਏ ਪ੍ਰਤੀ ਸ਼ੇਅਰ ਦੇ ਹਿਸਾਬ ਨਾਲ 7.1 ਕਰੋੜ ਮਿਲੀਅਨ ਸ਼ੇਅਰ ਜਾਰੀ ਕਰਨ ਦੀ ਮਨਜ਼ੂਰੀ ਦਿੱਤੀ। ਗੂਗਲ ਨੂੰ ਕੁੱਲ ਮਿਲਾ ਕੇ 5224.3 ਕਰੋੜ ਰੁਪਏ ਦੇ ਸ਼ੇਅਰ ਜਾਰੀ ਕੀਤੇ ਜਾਣਗੇ। ਅੱਜ ਏਅਰਟੈਲ ਦਾ ਸਟਾਕ 1.24 ਪ੍ਰਤੀਸ਼ਤ ਦੇ ਵਾਧੇ ਨਾਲ 716 ਰੁਪਏ ਪ੍ਰਤੀ ਸ਼ੇਅਰ ’ਤੇ ਕਾਰੋਬਾਰ ਕਰ ਰਿਹਾ ਹੈ। ਏਅਰਟੈਲ ਨੇ ਇੱਥੇ ਇੱਕ ਬਿਆਨ ਵਿੱਚ ਕਿਹਾ ਕਿ ਇਸ ਸਾਂਝੇਦਾਰੀ ਦੇ ਤਹਿਤ, ਗੂਗਲ 1 ਅਰਬ ਡਾਲਰ ਦਾ ਨਿਵੇਸ਼ ਕਰੇਗਾ, ਜਿਸ ਵਿੱਚ ਹਿੱਸੇਦਾਰੀ ਦੇ ਨਾਲ-ਨਾਲ ਇੱਕ ਸੰਭਾਵੀ ਵਪਾਰਕ ਸੌਦਾ ਵੀ ਸ਼ਾਮਲ ਹੈ। ਅਗਲੇ ਪੰਜ ਸਾਲਾਂ ਲਈ ਦੋਵੇਂ ਕੰਪਨੀਆਂ ਆਪਸੀ ਸਹਿਮਤੀ ਨਾਲ ਇਸ ਸੰਭਾਵੀ ਵਪਾਰਕ ਸਮਝੌਤੇ ਵਿੱਚ ਦਾਖਲ ਹੋਣਗੀਆਂ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ

ਗੂਗਲ ਗਿਆਨੀਆਂ ਨੇ ਹਰ ਖੇਤਰ ‘ਚ ਕੀਤਾ ਬੇੜਾ ਗਰਕ

ਇੱਕ ਸਮਾਂ ਸੀ, ਜਦੋਂ ਆਮ ਲੋਕ ਹਕੂਮਤਾਂ ਦੀਆਂ ਨੀਤੀਆਂ ਤੇ ਸਮਾਜਿਕ ਮੁੱਦਿਆਂ ‘ਤੇ ਸ਼ਾਂਤੀਪੂਰਵਕ ਵਿਰੋਧ ਪ੍ਰਗਟ ਕਰਦੇ ਸਨ ਤੇ ਉਨ੍ਹਾਂ ਮਸਲਿਆਂ ‘ਤੇ ਅਸਲ ਸ਼ੀਸ਼ਾ ਦਿਖਾਉਣ ਲਈ ਸਮਾਜਿਕ ਤਾਣੇ-ਬਾਣੇ ਨਾਲ ਸਜਾ ਕੇ ਫ਼ਿਲਮਾਂ ਵੀ ਬਣਾਈਆਂ ਜਾਂਦੀਆਂ ਸਨ ਫ਼ਿਲਮਾਂ ਹੁਣ ਵੀ ਬਣਦੀਆਂ ਹਨ ਪਰ ਜ਼ਿਆਦਾਤਰ ਅੱਗ ‘ਚ ਘਿਓ ਪਾਉਣ ਦਾ ਕੰਮ ਕਰਦੀਆਂ ਹਨ ਕਿਉਂਕਿ ਉਨ੍ਹਾਂ ਦੀ ਸਟੋਰੀ ਅਸਲ ਸੱਚਾਈ ਤੋਂ ਪਰੇ ਹੁੰਦੀ ਹੈ ਹਿੰਦੀ ਫ਼ਿਲਮਾਂ ਦੇ ਨਾਮੀ ਨਿਰਮਾਤਾ-ਨਿਰਦੇਸ਼ਕ ਸੁਭਾਸ਼ ਘਈ ਬਦਲਦੇ ਸਿਨੇਮਾ ਜਗਤ ਤੋਂ ਕੁਝ ਵੱਖ ਹੀ ਰਾਇ ਰੱਖਦੇ ਹਨ ਪਿਛਲੇ ਦਿਨੀਂ ਉਨ੍ਹਾਂ ਨੇ ਦਿੱਲੀ ‘ਚ ਹੋਏ ਇੱਕ ਪ੍ਰੋਗਰਾਮ ‘ਚ ਸ਼ਿਰਕਤ ਕੀਤੀ, ਉਸ ਦੌਰਾਨ ਡਾ. ਰਮੇਸ਼ ਠਾਕੁਰ ਨੇ ਸੁਭਾਸ਼ ਘਈ ਨਾਲ ਤਮਾਮ ਮੁੱਦਿਆਂ ‘ਤੇ ਗੱਲਬਾਤ ਕੀਤੀ ਪੇਸ਼ ਹਨ  ਗੱਲਬਾਤ ਦੇ ਮੁੱਖ ਅੰਸ਼:-

ਨਾਗਰਿਕਤਾ ਸੋਧ ਕਾਨੂੰਨ ਸਬੰਧੀ ਹੋ ਰਹੀ ਹਿੰਸਾ ਨੂੰ ਤੁਸੀਂ ਕਿਵੇਂ ਦੇਖਦੇ ਹੋ?

-ਸਮਾਜ ‘ਚ ਜੋ ਵੀ ਹੋਵੇ ਉਸ ਦੀ ਸਭ ਨੂੰ ਪਰਵਾਹ ਹੋਣੀ ਚਾਹੀਦੀ ਹੈ ਕਿਉਂਕਿ ਸਮਾਜ ਸਾਡੇ-ਤੁਹਾਡੇ ਵਰਗੇ ਨਾਗਰਿਕਾਂ ਨਾਲ ਮਿਲ ਕੇ ਹੀ ਚੱਲਦਾ ਹੈ ਰਹੀ ਗੱਲ ਵਿਰੋਧ ਕਰਨ ਦੀ, ਤਾਂ ਸਰਕਾਰ ਦੇ ਕਿਸੇ ਫੈਸਲੇ ਖਿਲਾਫ਼ ਆਮ ਜਨਤਾ ਦਾ ਲੋੜੀਂਦਾ ਵਿਰੋਧ ਉਨ੍ਹਾਂ ਦਾ ਮੌਲਿਕ ਅਧਿਕਾਰ ਹੁੰਦਾ ਹੈ ਮੈਨੂੰ ਲੱਗਦਾ ਹੈ ਕਿ ਲੋਕਾਂ ਨੇ ਹੁਣ ਆਪਣੇ ਵਿਰੋਧ ਦਾ ਤਰੀਕਾ ਬਦਲ ਦਿੱਤਾ ਹੈ ਸਰਕਾਰੀ ਸੰਪੱਤੀਆਂ ਨੂੰ ਸ਼ਰ੍ਹੇਆਮ ਅੱਗ ਲਾਉਣਾ, ਰਾਹਗੀਰਾਂ ‘ਤੇ ਬੇਵਜ੍ਹਾ ਜ਼ੁਲਮ ਢਹੁਣਾ, ਪੁਲਿਸ ਨੂੰ ਪੱਥਰ ਮਾਰਨ ਨੂੰ ਮੈਂ ਨਿੱਜੀ ਤੌਰ ‘ਤੇ ਚੰਗਾ ਨਹੀਂ ਮੰਨਦਾ ਅਸੀਂ ਜੇਪੀ ਅੰਦੋਲਨ ਵੀ ਦੇਖਿਆ, ਨੰਦੀਗ੍ਰਾਮ ਮੂਵਮੈਂਟ ਨੂੰ ਵੀ ਦੇਖਿਆ ਪਰ ਹੁਣ ਜੋ ਹੋ ਰਿਹਾ ਹੈ ਉਹੋ-ਜਿਹਾ ਤਰੀਕਾ ਕਦੇ ਨਹੀਂ ਦੇਖਿਆ ਅਤੇ ਨਾ ਹੀ ਸੁਣਿਆ ਖ਼ਬਰਾਂ ‘ਚ ਜੰਮੂ ਕਸ਼ਮੀਰ ਅੰਦਰ ਪੱਥਰਬਾਜੀ ਦੀਆਂ ਘਟਨਾਵਾਂ ਨੂੰ ਜ਼ਰੂਰ ਸੁਣ ਰਹੇ ਸੀ ਇੱਕ-ਅੱਧੇ ਸਾਲ ਤੋਂ ਪਰ ਹੁਣ ਪੱਥਰਬਾਜੀ ਦਾ ਰੁਝਾਨ ਦਿੱਲੀ ਵਰਗੇ ਮਹਾਂਨਗਰਾਂ ‘ਚ ਵੀ ਸ਼ੁਰੂ ਹੋ ਗਿਐ

ਅੰਦੋਲਨਕਾਰੀਆਂ ਤੇ ਹਕੂਮਤਾਂ ਵਿਚਕਾਰ ਤਾਲਮੇਲ ਦੀ ਘਾਟ ਤਾਂ ਨਹੀਂ ਹੈ ਅਜਿਹੀਆਂ ਮੂਵਮੈਂਟਸ?

-ਹੋ ਵੀ ਸਕਦਾ ਹੈ, ਅਸੀਂ ਵੱਡੇ-ਵੱਡੇ ਅੰਦੋਲਨ ਦੇਖੇ ਹਨ, ਅਤੇ ਇਹ ਵੀ ਦੇਖਿਆ ਹੈ ਕਿ ਵਿਰੋਧ ਕਰਨ ਵਾਲੇ ਮੁੱਦਿਆਂ ਨੂੰ ਸੁਲਝਾਉਣ ਲਈ ਪੱਖ-ਵਿਰੋਧੀ ਧਿਰਾਂ ਦੋਵੇਂ ਵਰਗਾਂ ‘ਚ ਆਪਸੀ ਸਹਿਮਤੀ ਸਬੰਧੀ ਮੀਟਿੰਗਾਂ ਹੁੰਦੀਆਂ ਸਨ ਮੁੱਦੇ ਨਹੀਂ ਸੁਲਝਦੇ ਸਨ ਤਾਂ ਕਈ-ਕਈ ਦੌਰ ਦੀਆਂ ਮੀਟਿੰਗਾਂ ਹੋਇਆਂ ਕਰਦੀਆਂ ਸਨ ਪਰ ਅੱਜ ਦਾ ਦੌਰ ਅਜਿਹਾ ਹੈ, ਵਿਰੋਧ ਹੁੰਦਾ ਹੈ ਤਾਂ ਹੋਣ ਦਿਓ! ਸਰਕਾਰਾਂ ਨੂੰ ਕੋਈ ਫ਼ਰਕ ਨਹੀਂ ਪੈਂਦਾ ਪਰ, ਅਜਿਹਾ ਨਹੀਂ ਹੋਣਾ ਚਾਹੀਦਾ ਮੈਨੂੰ ਲੱਗਦੈ ਸਰਕਾਰੀ ਸਿਸਟਮ ਨੂੰ ਅੰਦੋਲਨਕਾਰੀਆਂ ਦੀਆਂ ਗੱਲਾਂ ਨੂੰ ਸੁਣਨਾ ਚਾਹੀਦਾ ਹੈ ਉਨ੍ਹਾਂ ਦੀਆਂ ਮੰਗਾਂ ਦਾ ਹੱਲ ਕੱਢਣਾ ਚਾਹੀਦਾ ਹੈ

ਸਿਨੇਮਾ ਅਜਿਹੇ ਮੁੱਦਿਆਂ ‘ਤੇ ਕਿਸ ਤਰ੍ਹਾਂ ਦੀ ਭੂਮਿਕਾ ਨਿਭਾ ਸਕਦਾ ਹੈ?

-ਦੇਖੋ, ਜ਼ਮਾਨਾ ਹੁਣ ਕਾਰੋਬਾਰ ਦਾ ਹੈ ਸਮਾਜਿਕ ਗੱਲਾਂ ਕਰਨ ਅਤੇ ਸੁਣਨ ‘ਚ ਚੰਗਾ ਤਾਂ ਲੱਗਦਾ ਹੈ ਪਰ ਅਮਲ ਕੋਈ ਨਹੀਂ ਕਰਦਾ ਮੌਜੂਦਾ ਸਮੇਂ ‘ਚ ਫ਼ਿਲਮਾਂ ਦਾ ਨਿਰਮਾਣ ਕਰਨ ਤੋਂ ਪਹਿਲਾਂ ਇਸ ਗੱਲ ਦੀ ਤਸੱਲੀ ਕੀਤੀ ਜਾਂਦੀ ਹੈ ਕਿ ਜਿਸ ਸਬਜੈਕਟ ‘ਤੇ ਫ਼ਿਲਮ ਬਣੇਗੀ, ਉਸ ਤੋਂ ਮੁਨਾਫ਼ਾ ਕਿੰਨਾ ਹੋਵੇਗਾ, ਇਸ ਗੱਲ ਦੀ ਪਰਵਾਹ ਕਿਸੇ ਨੂੰ ਨਹੀਂ ਰਹਿੰਦੀ, ਕਿ ਉਸ ਨਾਲ ਸਮਾਜਿਕ ਸੰਦੇਸ਼ ਕਿਹੋ-ਜਿਹਾ ਜਾਵੇਗਾ ਕਿਉਂਕਿ ਹੁਣ ਜੋ ਫ਼ਿਲਮਾਂ ਬਣਦੀਆਂ ਹਨ ਉਨ੍ਹਾਂ ‘ਚ ਬਹੁਤ ਜ਼ਿਆਦਾ ਪੈਸਾ ਲੱਗਦਾ ਹੈ ਨਿਰਮਾਤਾ ਪਹਿਲਾਂ ਖਰਚ ਕੀਤਾ ਹੋਇਆ ਪੈਸਾ ਵਸੂਲਦੇ ਹਨ ਨੱਬੇ ਦੇ ਦਹਾਕੇ ਤੋਂ ਬਾਅਦ ਸਿਨੇਮਾਈ ਪਰਦਾ ਪੂਰੀ ਤਰ੍ਹਾਂ ਬਦਲ ਗਿਆ ਹੈ ਹੁਣ ਫ਼ਿਲਮਾਂ ਦੀ ਮਿਆਦ ਸਿਰਫ਼ ਇੱਕ ਹਫ਼ਤੇ ਦੀ ਹੁੰਦੀ ਹੈ ਦੂਜੇ ਹਫ਼ਤੇ ਕੋਈ ਹੋਰ ਫ਼ਿਲਮ ਆ ਜਾਂਦੀ ਹੈ ਇਸ ਲਈ ਦਰਸ਼ਕ ਵੀ ਜ਼ਿਆਦਾ ਗੰਭੀਰਤਾ ਨਾਲ ਨਹੀਂ ਲੈਂਦੇ

ਕੀ ਫ਼ਿਲਮ ਨਿਰਮਾਤਾਵਾਂ ‘ਚ ਹੁਣ ਪਹਿਲਾਂ ਵਰਗੀ ਸਮਝ ਨਹੀਂ ਰਹੀ?

-ਫ਼ਿਲਮ ਨਿਰਦੇਸ਼ਨ ਲਈ ਕੋਈ ਅਸਲ ਤਰੀਕਾ ਨਹੀਂ ਹੁੰਦਾ ਹੈ ਇੱਕ ਚੰਗੇ ਫ਼ਿਲਮ ਨਿਰਮਾਤਾ ਦੇ ਅੰਦਰ ਲਿਖਣ, ਅਦਾਕਾਰੀ, ਫੋਟੋਗ੍ਰਾਫ਼ੀ, ਸਾਊਂਡ ਰਿਕਾਰਡਿੰਗ, ਚਿੱਤਰਨ, ਪੇਂਟਿੰਗ, ਇਲੈਕਟ੍ਰੀਕਲ ਗਿਆਨ, ਸਟਾਇਲਿੰਗ ਅਤੇ ਦ੍ਰਿਸ਼ ਪਨਪਦਾ ਹੈ ਪਰ ਹੁਣ ਅਜਿਹੇ ਹੁਨਰ ਦੀ ਜ਼ਰੂਰਤ ਨਹੀਂ? ਤੁਹਾਡੇ ਕੋਲ ਪੈਸਾ ਹੈ ਤਾਂ ਸਭ ਕੁਝ ਸੰਭਵ ਹੈ ਅਸੀਂ ਦੇਖਿਆ ਹੈ ਰੀਅਲ ਅਸਟੇਟ ਦੇ ਲੋਕ ਵੀ ਖੁਦ ਨੂੰ ਫ਼ਿਲਮ ਨਿਰਮਾਤਾ ਕਹਿੰਦੇ ਹਨ ਜਦੋਂ ਕਿ, ਫ਼ਿਲਮਾਂ ਦੀ ਏਬੀਸੀਡੀ ਵੀ ਨਹੀਂ ਆਉਂਦੀ ਇਸ ਨਾਲ ਤੁਸੀਂ ਖੁਦ ਸਮਝ ਸਕਦੇ ਹੋ ਕਿ ਨਿਰਮਾਤਾਵਾਂ ‘ਚ ਸਮਝ ਕਿੰਨੀ ਹੈ

ਫ਼ਿਲਮਾਂ ਦਾ ਟੇਸਟ ਹੁਣ ਪਹਿਲਾਂ ਵਰਗਾ ਨਹੀਂ ਰਿਹਾ, ਬਦਲਾਅ ਦੇ ਪਿੱਛੇ ਕਾਰਨਾਂ ਨੂੰ ਕਿਵੇਂ ਦੇਖਦੇ ਹੋ ਤੁਸੀਂ?

-ਮੈਂ ਇਸ ਵਿਚ ਫ਼ਿਲਮ ਨਿਰਮਾਤਾਵਾਂ ਨੂੰ ਦੋਸ਼ ਇਸ ਲਈ ਨਹੀਂ ਦੇਵਾਂਗਾ, ਕਿਉਂਕਿ ਉਨ੍ਹਾਂ ਨੂੰ ਮਾਰਕਿਟ ‘ਚ ਜਿਵੇਂ ਦੀ ਡਿਮਾਂਡ ਮਿਲੇਗੀ, ਓਹੋ-ਜਿਹੀਆਂ ਹੀ ਫ਼ਿਲਮਾਂ ਬਣਗੀਆਂ ਸਮਾਂ ਗਲੈਮਰਸ ਰਸਧਾਰਾ ‘ਚ ਸਰਾਬੋਰ ਹੋਣ ਦਾ ਹੈ ਦਰਸ਼ਕਾਂ ਨੂੰ ਚੰਗੇ ਸਬਜੈਕਟ ਨਾਲ ਮਤਲਬ ਨਹੀਂ ਹੈ, ਉਨ੍ਹਾਂ ਨੂੰ ਹਰ ਸੀਨ ‘ਚ ਗਲੈਮਰ ਦਾ ਤੜਕਾ ਚਾਹੀਦਾ ਹੈ ਅੰਦਾਜ਼ਾ ਲਾ ਸਕਦੇ ਹਾਂ ਕਿ ਫ਼ਿਲਮਾਂ ‘ਚ ਜਦੋਂ ਅਜਿਹਾ ਹੋਵੇਗਾ, ਤਾਂ ਗੰਭੀਰਤਾ ਦੀ ਗੁੰਜਾਇਸ਼ ਘੱਟ ਰਹੇਗੀ, ਇਸ ਕਾਰਨ ਹੁਣ ਆਰਟ ਫ਼ਿਲਮਾਂ ਦਾ ਦੌਰ ਪਹਿਲਾਂ ਵਰਗਾ ਨਹੀਂ ਰਿਹਾ ਮੇਰਾ ਫ਼ਿਰ ਵੀ ਮੰਨਣਾ ਹੈ, ਸਾਨੂੰ ਆਪਣੀ ਲੀਹ ਤੋਂ ਹਟਣਾ ਨਹੀਂ ਚਾਹੀਦਾ, ਡਾਇਰੈਕਟਸ ਚਾਹੁਣ ਤਾਂ ਦਰਸ਼ਕਾਂ ਦਾ ਮੂਡ ਬਦਲ ਸਕਦੇ ਹਾਂ, ਦੌਰ ਕਿੰਨਾ ਵੀ ਕਿਉਂ ਨਾ ਬਦਲੇ, ਪਰ ਗੰਭੀਰ ਮਸਲਿਆਂ ‘ਤੇ ਬਣੀਆਂ ਫ਼ਿਲਮਾਂ ਅੱਜ ਵੀ ਪਸੰਦ ਕੀਤੀਆਂ ਜਾਂਦੀਆਂ ਹਨ

ਬੁਨਿਆਦੀ ਮਸਲਿਆਂ ‘ਤੇ ਬਣਨ ਵਾਲੀਆਂ ਫ਼ਿਲਮਾਂ ਦਾ ਦੌਰ ਹੁਣ ਖ਼ਤਮ ਹੋ ਗਿਆ ਹੈ?

-ਨੱਬੇ ਦੇ ਦਹਾਕੇ ਤੋਂ ਪਹਿਲਾਂ ਤੱਕ ਫ਼ਿਲਮਾਂ ਦੀ ਸਟੋਰੀ ‘ਤੇ ਬਹੁਤ ਘੱਟ ਕੰਮ ਕੀਤਾ ਜਾਂਦਾ ਸੀ ਰਿਸਰਚ ਕਰਕੇ ਮੁੱਦਾ ਲੱਭਿਆ ਜਾਂਦਾ ਸੀ ਉਸ ਦੀ ਅਸਲੀਅਤ ਨੂੰ ਪਰਖਦੇ ਸਨ ਥੋੜ੍ਹੀ ਜਿਹੀ ਗਲਤੀ ‘ਤੇ ਸੈਂਸਰ ਬੋਰਡ ਦੀ ਕੈਂਚੀ ਚੱਲ ਜਾਂਦੀ ਸੀ ਕਲਾਕਾਰ ਜ਼ਮੀਨ ਨਾਲ ਜੁੜੇ ਹੁੰਦੇ ਸਨ ਜ਼ਮੀਨੀ ਪੱਧਰ ਦੀਆਂ ਜਾਣਕਾਰੀਆਂ ਉਨ੍ਹਾਂ ਕੋਲ ਹੁੰਦੀਆਂ ਸਨ ਅੱਜ ਵਾਂਗ ਗੂਗਲ ਗਿਆਨੀ ਨਹੀਂ ਹੁੰਦੇ ਸਨ ਹਰ ਖੇਤਰਾਂ ‘ਚ ਗੂਗਲ ਦੇ ਮਾਹਿਰਾਂ ਨੇ ਬੇੜਾ ਗਰਕ ਕੀਤਾ ਹੋਇਆ ਹੈ ਦ੍ਰਿਸ਼ ਨੂੰ ਜ਼ਿਆਦਾ ਸਮਝਣਾ ਨਹੀਂ ਪੈਂਦਾ ਸੀ ਦ੍ਰਿਸ਼ ਉਨ੍ਹਾਂ ਅੰਦਰ ਪੈਦਾ ਹੁੰਦੇ ਸਨ ਆਰਟਿਸਟ ਦੇ ਅੰਦਰ ਏਨਾ ਗਿਆਨ ਹੁੰਦਾ ਸੀ ਜਿਸ ਨਾਲ ਉਨ੍ਹਾਂ ਉਪਕਰਨਾਂ ਨੂੰ ਸੰਦਰਭਿਤ ਕਰਨ ਦੀ ਜ਼ਰੂਰਤ ਨਹੀਂ ਪੈਂਦੀ ਸੀ

ਰਾਮਲਖਣ-ਸ਼ੋਅਲੇ ਵਰਗੀਆਂ ਫ਼ਿਲਮਾਂ ਦਾ ਅੱਜ ਵੀ ਕੋਈ ਸਾਨੀ ਨਹੀਂ ਅਜਿਹੇ ਵਿਸ਼ਿਆਂ ਨੂੰ ਕੋਈ ਨਿਰਮਾਤਾ ਕਿਉਂ ਨਹੀਂ ਛੋਂਹਦਾ?

-ਮੈਂ ਪਹਿਲਾਂ ਵੀ ਕਿਹੈ ਫ਼ਿਲਮਾਂ ਦਰਸ਼ਕਾਂ ਦੀ ਡਿਮਾਂਡ ‘ਤੇ ਬਣਦੀਆਂ ਹਨ ਲੰਮੇ ਸਮੇਂ ਤੱਕ ਚੱਲਣ ਵਾਲੀਆਂ ਫ਼ਿਲਮਾਂ ਦੇ ਕਦਰਦਾਨ ਹੁਣ ਨਹੀਂ ਰਹੇ ਨਦੀਆ ਕੇ ਪਾਰ, ਖਲਨਾਇਕ ਅਤੇ ਸੌਦਾਗਰ ਵਰਗੀਆਂ ਫ਼ਿਲਮਾਂ ਦੇ ਚਾਹੁਣ ਵਾਲੇ ਤਾਂ ਜ਼ਰੂਰ ਹੋਣਗੇ ਪਰ ਬਣਾਉਣ ਵਾਲਿਆਂ ਦਾ ਕਾਲ਼ ਹੈ ‘ਰਾਜਨੀਤੀ’ ਵਰਗੀਆਂ ਫ਼ਿਲਮਾਂ ਵੀ ਬਣੀਆਂ ਹਨ ਪਰ ਅਜਿਹੇ ਵਿਸ਼ਿਆਂ ‘ਤੇ ਸਿਆਸੀ ਆਗੂ ਹੀ ਸਵਾਲ ਖੜ੍ਹੇ ਕਰਨ ਲੱਗਦੇ ਹਨ ਕਿ ਉਸ ਨਾਲ ਉਨ੍ਹਾਂ ਦੀ ਛਵੀ ਖਰਾਬ ਹੁੰਦੀ ਹੈ
ਰਮੇਸ਼ ਠਾਕੁਰ

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ

ਨਵੇਂ ਸਾਲ ਦੇ ਸਵਾਗਤ ਲਈ ਗੂਗਲ ਨੇ ਬਣਾਇਆ ਡੂਡਲ | Google

ਨਵੀਂ ਦਿੱਲੀ (ਏਜੰਸੀ)। ਨਵੇਂ ਸਾਲ 2020 ਦੇ ਆਗਮਨ ‘ਚ ਹੁਣ ਕੁਝ ਹੀ ਘੰਟੇ ਰਹਿ ਗਏ ਹਨ ਅਤੇ ਇਸ ਦੇ ਸਵਾਗਤ ਲਈ ਦੁਨੀਆਂ ਦੇ ਸਭ ਤੋਂ ਵੱਡੇ ਸਰਚ ਇੰਜਣ ਗੂਗਲ Google ਨੇ ਨਵੇਂ ਸਾਲ ਤੋਂ ਪਹਿਲਾਂ ਦੀ ਸ਼ਾਮ ‘ਤੇ ਆਤਿਸ਼ਬਾਜ਼ੀਆਂ ਵਾਲਾ ਖਾਸ ਡੂਡਲ ਬਣਾਇਆ ਹੈ। ਗੂਗਲ ਦੁਆਰਾ ਬਣਾਏ ਗਏ ਡੂਡਲ ‘ਚ ਇੱਕ ਡੱਡੂ ਅਤੇ ਉਸ ਦੇ ਨਾਲ ਇੱਕ ਪੰਛੀ ਦਿਸ ਰਿਹਾ ਹੈ। ਉਨ੍ਹਾਂ ਦੋਵਾਂ ਨੇ ਟੋਪੀਆਂ ਪਹਿਨ ਰੱਖੀਆਂ ਹਨ ਅਤੇ ਉਨ੍ਹਾਂ ਦੇ ਪਿੱਛੇ ਬਹੁਮੰਜਲੀ ਇਮਾਰਤਾਂ ਦੇ ਵਿਚਕਾਰ ਆਤਿਸ਼ਬਾਜ਼ੀ ਹੋ ਰਹੀ ਹੈ। Google

ਉਨ੍ਹਾਂ ਨੂੰ ਦੇਖ ਕੇ ਇੰਝ ਲੱਗ ਰਿਹਾ ਹੈ ਜਿਵੇਂ ਕਿ ਉਹ ਨਵੇਂ ਸਾਲ ਦੇ ਸਵਾਗਤ ‘ਚ ਬੈਠੇ ਹਨ ਅਤੇ ਆਤਿਸ਼ਬਾਜ਼ੀ ਦਾ ਲੁਤਫ਼ ਲੈ ਰਹੇ ਹਨ। ਡੂਡਲ ‘ਚ ਜੋ ਆਤਿਸ਼ਬਾਜ਼ੀ ਦਿਖਾਈ ਗਈ ਹੈ ਉਹ ਪੰਜ ਵੱਖ-ਵੱਖ ਰੰਗਾਂ ਨੀਲੀ, ਲਾਲ, ਪੀਲੀ, ਗੁਲਾਬੀ ਤੇ ਹਰੇ ਰੰੰਗ ਦੀ ਹੈ। ਜਦੋਂ ਤੁਸੀਂ ਇਸ ਡੂਡਲ ‘ਤੇ ਕਲਿੱਕ ਕਰੋਗੇ ਤਾਂ ਤੁਹਾਨੂੰ ਨਵੇਂ ਸਾਲ ਨਾਲ ਸਬੰਧਤ ਕਈ ਖ਼ਬਰਾਂ, ਫੋਟੋਆਂ, ਵੀਡੀਓ ਅਤੇ ਹੋਰ ਜਾਣਕਾਰੀਆਂ ਮਿਲਣ ਜਾਣਗੀਆਂ। ਨਵੇਂ ਸਾਲ ਤੋਂ ਪਹਿਲਾਂ ਵਾਲੀ ਸ਼ਾਮ ‘ਤੇ ਭਾਰਤ ਸਮੇਤ ਦੁਨੀਆਂ ਭਰ ਦੇ ਲੋਕ ਜਸ਼ਨ ਮਨਾਉਂਦੇ ਹਨ।

• ਨਵੇਂ ਸਾਲ ਦੇ ਸਵਾਗਤ ਲਈ ਹਰ ਕੋਈ ਆਪਣੇ ਵੱਲੋਂ ਤਿਆਰੀ ਕਰਦਾ ਹੈ।
• ਕੁਝ ਲੋਕ ਪਾਰਟੀਆਂ ਕਰਦੇ ਹਨ ਤੇ ਕੁਝ ਪਿਕਨਿਕ ਮਨਾਉਣ ਨਿੱਕਲ ਪੈਂਦੇ ਹਨ।
• ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਗੂਗਲ ਨੇ 25 ਦਸੰਬਰ ਨੂੰ ਕ੍ਰਿਸਮਸ ਦੇ ਮੌਕੇ ‘ਤੇ ਖਾਸ ਡੂਡਲ ਬਣਾਇਆ ਸੀ।
• ਇਸ ਐਨੀਮੇਟੇਡ ਡੂਡਲ ‘ਤੇ ਕਲਿੱਕ ਕਰਨ ਤੋਂ ਪਹਿਲਾਂ ‘ਹੈਪੀ ਹੋਲੀਡੇਜ਼’ ਨਜ਼ਰ ਆ ਰਿਹਾ ਸੀ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

‘2020 ਸਿੱਖ ਰਿਫਰੈਂਡਮ’ ਰਾਹੀਂ ਖ਼ਾਲਿਸਤਾਨ ਦੀ ਲਹਿਰ ਪੈਦਾ ਕਰਨ ਦੀ ਕੀਤੀ ਜਾ ਰਹੀਂ ਸੀ ਕੋਸ਼ਿਸ਼

ਚੰਡੀਗੜ੍ਹ (ਅਸ਼ਵਨੀ ਚਾਵਲਾ)। ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਮੰਗ ‘ਤੇ ਆਈ.ਟੀ. ਖੇਤਰ ਦੀ ਮੋਹਰੀ ਕੰਪਨੀ ਗੂਗਲ ਨੇ ਫੌਰੀ ਪ੍ਰਭਾਵ ਨਾਲ ਆਪਣੇ ਪਲੇਅ ਸਟੋਰ ਤੋਂ ਵੱਖਵਾਦੀ ਅਤੇ ਭਾਰਤ ਵਿਰੋਧੀ ਮੋਬਾਈਲ ਐਪਲੀਕੇਸ਼ਨ ‘2020 ਸਿੱਖ ਰਿਫਰੈਂਡਮ’ ਨੂੰ ਹਟਾ ਦਿੱਤਾ ਹੈ। ਅੱਜ ਇੱਥੇ ਇਹ ਪ੍ਰਗਟਾਵਾ ਕਰਦਿਆਂ ਮੁੱਖ ਮੰਤਰੀ ਦਫ਼ਤਰ ਦੇ ਇਕ ਬੁਲਾਰੇ ਨੇ ਦੱਸਿਆ ਕਿ ਭਾਰਤ ਵਿੱਚ ਮੋਬਾਈਲ ਵਰਤੋਂਕਾਰਾਂ ਲਈ ਗੂਗਲ ਪਲੇਅ ਸਟੋਰ ‘ਤੇ ਹੁਣ ਇਹ ਮੋਬਾਈਲ ਐਪ ਮੌਜੂਦ ਨਹੀਂ ਹੈ।

ਮੁੱਖ ਮੰਤਰੀ ਨੇ ਇਸ ਸਬੰਧ ਵਿੱਚ ਕੇਂਦਰ ਸਰਕਾਰ ਨੂੰ ਵੀ ਗੂਗਲ ‘ਤੇ ਦਬਾਅ ਬਣਾਉਣ ਦੀ ਅਪੀਲ ਕੀਤੀ ਸੀ ਅਤੇ ਇਸ ਤੋਂ ਇਲਾਵਾ ਉਨ੍ਹਾਂ ਨੇ ‘ਆਈਸਟੈੱਕ’ ਵੱਲੋਂ ਬਣਾਈ ਗਈ ਐਪ ਨੂੰ ਲਾਂਚ ਕਰਨ ਨਾਲ ਪੈਦਾ ਹੋਣ ਵਾਲੇ ਖ਼ਤਰੇ ਨਾਲ ਨਜਿੱਠਣ ਲਈ ਸੂਬੇ ਦੇ ਡੀ.ਜੀ.ਪੀ. ਨੂੰ ਵੀ ਕੇਂਦਰੀ ਸੁਰੱਖਿਆ ਏਜੰਸੀਆਂ ਨਾਲ ਤਾਲਮੇਲ ਕਰਨ ਵਾਸਤੇ ਕਿਹਾ ਸੀ।

ਇਸ ਐਪ ਰਾਹੀਂ ਆਮ ਲੋਕਾਂ ਨੂੰ ‘ਪੰਜਾਬ ਰਿਫਰੈਂਡਮ 2020 ਖਾਲਿਸਤਾਨ’ ਵਾਸਤੇ ਵੋਟ ਦੇਣ ਲਈ ਆਪਣੇ ਆਪ ਨੂੰ ਰਜਿਸਟਰ ਕਰਨ ਵਾਸਤੇ ਆਖਿਆ ਗਿਆ ਸੀ। ਇਸ ਮੰਤਵ ਲਈ ਇਨ੍ਹਾਂ ਲੀਹਾਂ ‘ਤੇ ਹੀ www.yes2khalistan.org ਦੇ ਨਾਂਅ ਹੇਠ ਇਕ ਵੈਬਸਾਈਟ ਵੀ ਸ਼ੁਰੂ ਕੀਤੀ ਗਈ ਸੀ। ਡੀ.ਆਈ.ਟੀ.ਏ.ਸੀ. ਲੈਬ ਪੰਜਾਬ ਵਿੱਚ ਇਸ ਐਪ ਅਤੇ ਵੈਬਸਾਈਟ ਦੀ ਘੋਖ ਕਰਨ ਦੌਰਾਨ ਇਹ ਸਾਹਮਣੇ ਆਇਆ ਕਿ ਇਸ ਐਪ ਰਾਹੀਂ ਰਜਿਸਟਰਡ ਹੋਣ ਵਾਲੇ ਵੋਟਰਾਂ ਦਾ ਡਾਟਾ www.yes2khalistan.org ਵੈਬਸਾਈਟ ਦੇ ਸਰਵਰ ਨਾਲ ਜੁੜ ਕੇ ਸਟੋਰ ਹੋ ਜਾਂਦਾ ਹੈ। ਇਸ ਵੈਬਸਾਈਟ ਦੀ ਸਿਰਜਣਾ ‘ਸਿੱਖਜ਼ ਫਾਰ ਜਸਟਿਸ’ ਵੱਲੋਂ ਕੀਤੀ ਗਈ ਅਤੇ ਇਸ ਵੱਲੋਂ ਹੀ ਇਸ ਨੂੰ ਚਲਾਇਆ ਜਾਂਦਾ ਹੈ ਜਦਕਿ ਇਸ ਜਥੇਬੰਦੀ ‘ਤੇ ਭਾਰਤ ਸਰਕਾਰ ਨੇ ਪਾਬੰਦੀ ਲਾਈ ਹੋਈ ਹੈ।

ਗੂਗਲ ਪਲੇਅ ਸਟੋਰ ਤੋਂ ਇਹ ਐਪ ਹਟਾਉਣ ਅਤੇ ਵੈਬਸਾਈਟ ਨੂੰ ਬਲੌਕ ਕਰਨ ਦੀ ਮੰਗ ਕੀਤੀ

ਇਸ ਤੋਂ ਬਾਅਦ ਪੰਜਾਬ ਦੇ ਸਾਈਬਰ ਕਰਾਈਮ ਸੈਂਟਰ ਦੇ ਜਾਂਚ ਬਿਊਰੋ ਨੇ ਗੂਗਲ ਪਲੇਅ ਸਟੋਰ ਤੋਂ ਇਸ ਐਪ ਨੂੰ ਹਟਾਉਣ ਅਤੇ ਭਾਰਤ ਵਿੱਚ ਵੈਬਸਾਈਟ ਨੂੰ ਬਲੌਕ ਕਰਵਾਉਣ ਲਈ ਲੋੜੀਂਦੇ ਕਦਮ ਚੁੱਕੇ। ਇਸ ਉਪਰੰਤ 8 ਨਵੰਬਰ, 2019 ਨੂੰ ਗੂਗਲ ਪਲੇਅ ਸਟੋਰ ਤੋਂ ਇਹ ਮੋਬਾਈਲ ਐਪ ਫੌਰੀ ਤੌਰ ‘ਤੇ ਹਟਾਉਣ ਲਈ ਗੂਗਲ ਲੀਗਲ ਸੈੱਲ ਨੂੰ ਇਨਫਰਮੇਸ਼ਨ ਤਕਨਾਲੋਜੀ ਐਕਟ ਦੀ ਧਾਰਾ 79 (3) ਬੀ ਤਹਿਤ ਨੋਟਿਸ ਭੇਜਿਆ ਗਿਆ। ਵਧੀਕ ਮੁੱਖ ਸਕੱਤਰ ਗ੍ਰਹਿ ਤੋਂ ਪ੍ਰਵਾਨਗੀ ਹਾਸਲ ਕਰਨ ਤੋਂ ਬਾਅਦ ਇਕ ਬੇਨਤੀ ਪੱਤਰ ਭਾਰਤ ਸਰਕਾਰ ਦੇ ਬਿਜਲੀ ਉਪਕਰਨ ਅਤੇ ਸੂਚਨਾ ਤੇ ਤਕਨਾਲੋਜੀ ਵਿਭਾਗ ਦੇ ਸਾਈਬਰ ਲਾਅ ਡਵੀਜ਼ਨ ਨੂੰ ਭੇਜ ਕੇ ਸਬੰਧਤ ਐਕਟਾਂ ਅਧੀਨ ਗੂਗਲ ਪਲੇਅ ਸਟੋਰ ਤੋਂ ਇਹ ਐਪ ਹਟਾਉਣ ਅਤੇ ਵੈਬਸਾਈਟ ਨੂੰ ਬਲੌਕ ਕਰਨ ਦੀ ਮੰਗ ਕੀਤੀ।

9 ਨਵੰਬਰ, 2019 ਨੂੰ ਆਈ.ਜੀ.ਪੀ. ਕਰਾਈਮ ਨਾਗੇਸ਼ਵਰ ਰਾਓ ਅਤੇ ਸੂਬੇ ਦੇ ਸਾਈਬਰ-ਕਮ-ਡੀ.ਆਈ.ਟੀ.ਏ.ਸੀ. ਲੈਬ ਦੇ ਇੰਚਾਰਜ ਨੇ ਵੀ ਗੂਗਲ ਇੰਡੀਆ ਦੇ ਕਾਨੂੰਨੀ ਸੈੱਲ ਕੋਲ ਵੀ ਇਹ ਮਸਲਾ ਉਠਾਇਆ ਅਤੇ ਕੰਪਨੀ ਨੇ ਇਹ ਸਵੀਕਾਰ ਕੀਤਾ ਕਿ ਪਾਬੰਦੀਸ਼ੁਦਾ ਜਥੇਬੰਦੀ ਸਿੱਖਜ਼ ਫਾਰ ਜਸਟਿਸ ਵੱਲੋਂ ਗੂਗਲ ਪਲੇਟਫਾਰਮ ਦੀ ਵਰਤੋਂ ਗੈਰ-ਕਾਨੂੰਨੀ ਅਤੇ ਭਾਰਤ ਵਿਰੋਧੀ ਗਤੀਵਿਧੀਆਂ ਲਈ ਕੀਤੀ ਗਈ। ਇਸ ਸੰਦਰਭ ਵਿੱਚ ਹੀ ਕੰਪਨੀ ਨੇ ਪਲੇਅ ਸਟੋਰ ਤੋਂ ਐਪ ਹਟਾਉਣ ਦਾ ਫੈਸਲਾ ਲਿਆ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਗੂਗਲ ਨੇ ਅਧਿਆਪਕ ਦਿਵਸ ‘ਤੇ ਬਣਾਇਆ ਡੂਡਲ | Teacher’s Day

ਨਵੀਂ ਦਿੱਲੀ, (ਏਜੰਸੀ)। ਸੋਸ਼ਲ ਨੈਟਵਰਕਿੰਗ ਸਰਚ ਇੰਜਣ ਗੂਗਲ ਨੇ ਵੀਰਵਾਰ ਨੂੰ ਅਧਿਆਪਕ ਦਿਵਸ ਦੇ ਮੌਕੇ ‘ਤੇ ਖਾਸ ਤਰ੍ਹਾਂ ਦਾ ਐਨੀਮੇਸ਼ਨ ਵਾਲਾ ਡੂਡਲ ਬਣਾਇਆ ਹੈ। ਗੂਗਲ ਨੇ ਆਪਣੇ ਡੂਡਲ ‘ਚ ਐਨੀਮੇਸ਼ਨ ਦੇ ਰੂਪ ‘ਚ ਇੱਕ ਆਕਟੋਪਸ ਨੂੰ ਅਧਿਆਪਕ ਦੇ ਰੂਪ ‘ਚ ਫਿਲਮਾਇਆ ਹੈ। ਐਨੀਮੇਸ਼ਨ ‘ਚ ਆਕਟੋਪਸ ਅਧਿਆਪਕ ਦੇ ਰੂਪ ‘ਚ ਕਿਤਾਬ ਪੜ੍ਹਨ ਤੋਂ ਬਾਅਦ ਗਣਿਤ ਦੇ ਪ੍ਰਸ਼ਨ ਨੂੰ ਮੱਛੀ ਰੂਪੀ ਵਿਦਿਆਰਥੀਆਂ ਤੋਂ ਹੱਲ ਕਰਵਾਉਂਦਾ ਹੈ ਅਤੇ ਬਾਅਦ ‘ਚ ਉਸ ਨੂੰ ਮਿਟਾ ਦਿੰਦਾ ਹੈ। ਇਸ ਦੌਰਾਨ ਮੱਛੀਆਂ ਉਸ ਨੂੰ ਕੁਝ ਪਰਚੀਆਂ ਲਿਆ ਕੇ ਦਿੰਦੀਆਂ ਹਨ। (Teacher’s Day)

ਡੂਡਲ ‘ਚ ਆਕਟੋਪਸ ਨੂੰ ਅਧਿਆਪਕ ਦੇ ਰੂਪ ‘ਚ ਅਤੇ ਮੱਛੀਆਂ ਨੂੰ ਵਿਦਿਆਰਥੀਆਂ ਦੇ ਰੂਪ ਦਰਸਾਇਆ ਗਿਆ ਹੈ। ਦੇਸ਼ ਦੇ ਸਾਰੇ ਰਾਸ਼ਟਰਪਤੀ ਡਾ. ਸਰਵਪੱਲੀ ਰਾਧਾਕ੍ਰਿਸ਼ਨਨ ਦੇ ਜਨਮਦਿਨ ਦੇ ਮੌਕੇ ‘ਤੇ ਹਰ ਸਾਲ ਅਧਿਆਪਕ ਦਿਵਸ ਦੇ ਰੂਪ ‘ਚ ਮਨਾਇਆ ਜਾਂਦਾ ਹੈ। ਅੱਜ ਉਹਨਾਂ ਦੀ 131ਵੀਂ ਜਯੰਤੀ ਹੈ। ਡਾ. ਰਾਧਾਕ੍ਰਿਸ਼ਨਨ ਦੇਸ਼ ਦੇ ਪਹਿਲੇ ਉਪ ਰਾਸ਼ਟਰਪਤੀ, ਦੂਜੇ ਰਾਸ਼ਟਰਪਤੀ, ਮਹਾਨ ਦਾਰਸ਼ਨਿਕ, ਬਿਹਤਰੀਨ ਅਧਿਆਪਕ ਅਤੇ ਰਾਜਨੇਤਾ ਸਨ। ਸਾਬਕਾ ਰਾਸ਼ਟਰਪਤੀ ਨੂੰ ਦੇਸ਼ ਦੇ ਸਰਵਉੱਚ ਨਾਗਰਿਕ ਸਨਮਾਨ ਭਾਰਤ ਰਤਨ ਨਾਲ ਵੀ ਨਿਵਾਜਿਆ ਗਿਆ ਸੀ। (Teacher’s Day)

ਗੂਗਲ ਨੇ ਮੁਥੁਲਕਸ਼ਮੀ ਰੇੱਡੀ ‘ਤੇ ਬਣਾਇਆ ਡੂਡਲ

ਨਵੀਂ ਦਿੱਲੀ, ਏਜੰਸੀ। ਗੂਗਲ ਨੇ ਮੰਗਲਵਾਰ ਨੂੰ ਦੇਸ਼ ਦੀ ਸਿੱਖਿਆ ਮਾਹਿਰ , ਵਿਧਾਇਕ , ਸਰਜਨ ਅਤੇ ਸਮਾਜ ਸੁਧਾਰਕ ਰਹੀ ਡਾਕਟਰ ਮੁਥੁਲਕਸ਼ਮੀ ਰੇੱਡੀ ਦੀ ਜਯੰਤੀ ‘ਤੇ ਉਨ੍ਹਾਂ ਦਾ ਡੂਡਲ ਬਣਾਕੇ ਸ਼ਰਧਾਂਜਲੀ ਦਿੱਤੀ ਹੈ। ਡਾਕਟਰ ਰੇੱਡੀ ਦੀ ਅੱਜ 133ਵੀਆਂ ਜਯੰਤੀ ਹੈ। ਡਾ . ਰੇੱਡੀ ਇੱਕ ਸਿੱਖਿਅਕ , ਸਰਜਨ ਅਤੇ ਸਮਾਜ ਸੁਧਾਰਕ ਸਨ। ਉਨ੍ਹਾਂ ਆਪਣਾ ਪੂਰਾ ਜੀਵਨ ਸਮਾਜ ਸੁਧਾਰ ਵਿੱਚ ਲਗਾਇਆ। ਉਨ੍ਹਾਂ ਨੂੰ ਦੇਸ਼ ਦੀ ਪਹਿਲੀ ਮਹਿਲਾ ਵਿਧਾਇਕ ਹੋਣ ਦਾ ਮਾਣ ਪ੍ਰਾਪਤ ਹੈ।

ਡਾ . ਰੇੱਡੀ ਨੂੰ ਸਮਾਜਿਕ ਅਸਮਾਨਤਾ , ਲਿੰਗ ਆਧਾਰਿਤ ਅਸਮਾਨਤਾ ਅਤੇ ਲੋਕਾਂ ਨੂੰ ਲੋੜੀਂਦੀ ਸਿਹਤ ਸੇਵਾ ਪ੍ਰਦਾਨ ਕਰਨ ਦੀਆਂ ਕੋਸ਼ਿਸ਼ਾਂ ਲਈ ਵੀ ਜਾਣਿਆ ਜਾਂਦਾ ਹੈ। ਉਹ ਤਮਿਲਨਾਡੂ ਦੇ ਸਰਕਾਰੀ ਹਸਪਤਾਲ ਵਿੱਚ ਸਰਜਨ ਦੇ ਰੂਪ ਵਿੱਚ ਕੰਮ ਕਰਨ ਵਾਲੀ ਪਹਿਲੀ ਮਹਿਲਾ ਵੀ ਰਹੇ ਸਨ। ਤਮਿਲਨਾਡੂ ਸਰਕਾਰ ਨੇ ਸੋਮਵਾਰ ਨੂੰ ਘੋਸ਼ਣਾ ਕੀਤੀ ਸੀ ਕਿ ਉਹ ਹਰ ਸਾਲ 30 ਜੁਲਾਈ ਨੂੰ ‘ਹਾਸਪਿਟਲ ਡੇ’ ਦੇ ਤੌਰ ‘ਤੇ ਮਨਾਵੇਗੀ। ਡਾ . ਰੇੱਡੀ ਦਾ ਜਨਮ 1886 ਵਿੱਚ ਤਮਿਲਨਾਡੂ ਦੇ ਪੁਡੁਕਕੋਟਾਈ ਵਿੱਚ ਹੋਇਆ ਸੀ। ਉਹ 1912 ਵਿੱਚ ਦੇਸ਼ ਦੀ ਪਹਿਲੀ ਮਹਿਲਾ ਡਾਕਟਰ ਬਣੀ ਅਤੇ ਮਦਰਾਸ ਦੇ ਸਰਕਾਰੀ ਮਾਤ੍ਰਤਵ ਹਸਪਤਾਲ ਵਿੱਚ ਪਹਿਲੀ ਮਹਿਲਾ ਸਰਜਨ ਬਣੀ।

ਉਨ੍ਹਾਂ 1918 ਵਿੱਚ ਮਹਿਲਾ ਇੰਡੀਅਨ ਐਸੋਸੀਏਸ਼ਨ ਦੀ ਸਹਿ-ਸਥਾਪਨਾ ਕੀਤੀ ਅਤੇ ਮਦਰਾਸ ਵਿਧਾਨ ਪਰਿਸ਼ਦ ਦੀ ਪਹਿਲੀ ਮਹਿਲਾ ਮੈਂਬਰ (ਅਤੇ ਉਪ-ਪ੍ਰਧਾਨ) ਦੇ ਨਾਲ ਨਾਲ ਪਹਿਲੀ ਮਹਿਲਾ ਵਿਧਾਇਕ ਬਣਾਇਆ। ਉਨ੍ਹਾਂ ਲੜਕੀਆਂ ਦੇ ਵਿਆਹ ਰੋਕਣ ਲਈ ਨਿਯਮ ਬਣਾਏ ਅਤੇ ਅਨੈਤਿਕ ਤਸਕਰੀ ਕੰਟਰੋਲ ਐਕਟ ਅਤੇ ਦੇਵਦਾਸੀ ਪ੍ਰਥਾ ਖਾਤਮਾ ਬਿੱਲ ਪਾਸ ਕਰਨ ਲਈ ਪਰਿਸ਼ਦ ਨੂੰ ਬੇਨਤੀ ਕੀਤੀ। ਆਪਣੇ ਮਹਾਨ ਯੋਗਦਾਨ ਕਾਰਨ ਮੁਥੁਲਕਸ਼ਮੀ ਨੂੰ 1956 ਵਿੱਚ ਪਦਮਭੂਸ਼ਣ ਨਾਲ ਸਨਮਾਨਿਤ ਕੀਤਾ ਗਿਆ। 22 ਜੁਲਾਈ 1968 ਨੂੰ ਚੇਨੱਈ ਵਿੱਚ ਉਨ੍ਹਾਂ ਦਾ ਦੇਹਾਂਤ ਹੋ ਗਿਆ ਸੀ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਗੂਗਲ ਨੇ ਡੂਡਲ ਬਣਾ ਕੇ ਅਮਰੀਸ਼ ਪੁਰੀ ਨੂੰ ਕੀਤਾ ਯਾਦ

ਨਵੀਂ ਦਿੱਲੀ (ਏਜੰਸੀ)। ਭਾਰਤੀ ਸਿਨੇਮਾ ਦੇ ਪ੍ਰਸਿੱਧ ਅਭਿਨੇਤਾ ਅਮਰੀਸ਼ ਪੁਰੀ ਦੇ ਜਨਮ ਦਿਨ ਮੌਕੇ ਸ਼ਨਿੱਚਰਵਾਰ ਨੂੰ ਗੂਗਲ (Google) ਨੇ ਵਿਸ਼ੇਸ਼ ਡੂਡਲ ਬਣਾ ਕੇ ਉਨ੍ਹਾਂ ਨੂੰ ਯਾਦ ਕੀਤਾ। ਗੂਗਲ ਨੇ ਆਪਣੇ ਡੂਡਲ ‘ਚ ਅਮਰੀਸ਼ ਪੁਰੀ ਦਾ ਮੁਸਕੁਰਾਉਂਦਾ ਹੋਇਆ ਇੱਕ ਸਕੈੱਚ ਬਣਾਇਆ ਹੈ।

ਹਿੰਦੀ ਫਿਲਮਾਂ ਦੇ ਸਭ ਤੋਂ ਯਾਦਗਾਰ ਵਿਲਨ ਅਮਰੀਸ਼ ਪੁਰੀ ਦਾ ਅੱਠ 87ਵਾਂ ਜਨਮ ਦਿਨ ਹੈ। ਸਿਨੇਮਾ ਅਤੇ ਰੰਗਮੰਚ ‘ਤੇ ਆਪਣੀ ਐਕਟਿੰਗ ਦਾ ਲੋਹਾ ਮਨਵਾਉਣ ਵਾਲੇ ਅਮਰੀਸ਼ ਪੁਰੀ ਦਾ ਜਨਮ 22 ਜੂਨ 1923 ਨੂੰ ਪੰਜਾਬ ਦੇ ਨਵਾਂ ਸ਼ਹਿਰ ‘ਚ ਹੋਇਆ ਸੀ। ਫਿਲਮਾਂ ਦੇ ਪ੍ਰਤੀ ਉਨ੍ਹਾਂ ਦਾ ਸ਼ੁਰੂ ਤੋਂ ਹੀ ਝੁਕਾਅ ਰਿਹਾ।

ਉਨ੍ਹਾਂ ਆਪਣੇ ਫਿਲਮੀ ਸਫ਼ਰ ‘ਚ ਜ਼ਿਆਦਾਤਰ ਨੈਗਟਿਵ ਕਿਰਦਾਰ ਹੀ ਨਿਭਾਏ ਜਿਸ ਨੂੰ ਦਰਸ਼ਕ ਅੱਜ ਵੀ ਯਾਦ ਕਰਦੇ ਹਨ। ਅਮਰੀਸ਼ ਪੁਰੀ ਨੇ ‘ਮਿਸਟਰ ਇੰਡੀਆ’, ‘ਦਾਮਿਨੀ’, ‘ਸ਼ਹਿਨਸ਼ਾਹ’, ‘ਰਾਮ ਲਖਨ’, ‘ਕਰਨ ਅਰਜੁਨ’, ‘ਗਦਰ: ਇੱਕ ਪ੍ਰੇਮ ਕਥਾ’ ਅਤੇ ‘ਨਾਇਕ’ ਵਰਗੀਆਂ ਫਿਲਮਾਂ ‘ਚ ਯਾਦਗਾਰ ਨੈਗਟਿਵ ਕਿਰਦਾਰ ਨਿਭਾਏ ਸਨ।

ਆਪਣੇ ਫਿਲਮੀ ਕੈਰੀਅਰ ‘ਚ ਅਮਰੀਸ਼ ਪੁਰੀ ਨੇ 400 ਤੋਂ ਜ਼ਿਆਦਾ ਫਿਲਮਾਂ ‘ਚ ਕੰਮ ਕੀਤਾ। ਹਿੰਦੀ ਫਿਲਮਾਂ ਤੋਂ ਇਲਾਵਾ ਉਨ੍ਹਾਂ ਮਰਾਠੀ, ਪੰਜਾਬੀ, ਮਲਿਆਲਮ ਸਮੇਤ ਕਈ ਹੋਰ ਭਾਸ਼ਾਵਾਂ ਦੀਆਂ ਫਿਲਮਾਂ ‘ਚ ਵੀ ਕੰਮ ਕੀਤਾ। ਆਪਣੀ ਸ਼ਾਨਦਾਰ ਐਕਟਿੰਗ ਨਾਲ ਲੋਕਾਂ ਦਾ ਮਨੋਰੰਜਨ ਕਰਨ ਵਾਲੇ ਅਮਰੀਸ਼ ਪਰੀ ਦਾ ਦੇਹਾਂਤ 12 ਜਨਵਰੀ 2005 ਨੂੰ ਮੁੰਬਈ ‘ਚ ਹੋਇਆ ਸੀ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।