ਅੰਡਰ-19 ਟੂਰਨਾਮੈਂਟ ਲਈ ਅਦਿੱਤਿਆ ਦੀ ਰਾਜਸਥਾਨ ਟੀਮ ‘ਚ ਹੋਈ ਚੋਣ

16 ਜਨਵਰੀ ਤੋਂ 20 ਜਨਵਰੀ ਤੋਂ ਹਰਿਆਣਾ ਦੇ ਬਹਾਦਰਗੜ੍ਹ ‘ਚ ਹੋਵੇਗਾ Tournament

ਸੱਚ ਕਹੂੰ ਨਿਊਜ਼(ਸ੍ਰੀ ਗੰਗਾਨਗਰ) ਆਗਾਮੀ 16 ਜਨਵਰੀ ਤੋਂ 20 ਜਨਵਰੀ ਤੱਕ ਹਰਿਆਣਾ ਦੇ ਬਹਾਦਰਗੜ੍ਹ ‘ਚ ਹੋਣ ਜਾ ਰਹੇ ਅੰਡਰ-19 ਕ੍ਰਿਕਟ ਟੂਰਨਾਮੈਂਟ ਲਈ ਸ਼ਾਹ ਸਤਿਨਾਮ ਜੀ ਬੁਆਇਜ਼ ਸਕੂਲ ਸ੍ਰੀ ਗੁਰੂਸਰ ਮੋਡੀਆ ਦੇ ਵਿਦਿਆਰਥੀ ਅਦਿੱਤਿਆ ਕੁਮਾਰ ਦੀ ਟੀਮ ‘ਚ ਚੋਣ ਕੀਤੀ ਗਈ ਇਸ ਤੋਂ ਪਹਿਲਾਂ 6 ਅਤੇ 7 ਜਨਵਰੀ ਨੂੰ ਪੂਰੇ ਰਾਜਸਥਾਨ ਤੋਂ 25 ਖਿਡਾਰੀਆਂ ਨੂੰ ਟਰਾਇਲ ਲਈ ਬੀਕਾਨੇਰ ਦੇ ਐਮਐਮ ਸੀਨੀ.ਸੈਕੰਡਰੀ ਸਕੂਲ ‘ਚ ਸੱਦਿਆ ਗਿਆ ਸੀ ਸ੍ਰੀਗੰਗਾਨਗਰ ਜ਼ਿਲ੍ਹੇ ਵੱਲੋਂ ਅਦਿੱਤਿਆ ਕੁਮਾਰ ਨੂੰ ਸ਼ਾਮਲ ਕੀਤਾ ਗਿਆ ਸੀ।

ਟਰਾਇਲ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਤੋਂ ਬਾਅਦ ਅਦਿੱਤਿਆ ਨੂੰ ਆਖਰੀ-16 ਖਿਡਾਰੀਆਂ ‘ਚ ਜਗ੍ਹਾ ਮਿਲੀ ਹੈ ਰਾਜਸਥਾਨ ਟੀਮ ਚੋਣ ‘ਚ ਸਕੂਲੀ ਕੋਚ ਜਸਕਰਨ ਸਿੰਘ ਸਿੱਧੂ ਦੀ ਭੂਮਿਕਾ ਅਹਿਮ ਰਹੀ ਅਦਿੱਤਿਆ ਦੀ ਚੋਣ ਹੋਣ ‘ਤੇ ਜਿੱਥੈ ਐਮਐਸਜੀ ਸਟੇਡੀਅਮ ਚੇਅਰਮੈਨ ਆਦਰਯੋਗ ਸ੍ਰੀ ਜਸਮੀਤ ਸਿੰਘ ਇੰਸਾਂ, ਖੇਡ ਸਕੱਤਰ ਚਰਨਜੀਤ ਸਿੰਘ ਇੰਸਾਂ, ਪ੍ਰਿੰਸੀਪਲ ਨਰੋਤਮ ਦਾਸ, ਸੇਵਾ ਮੁਕਤ ਅਧਿਆਪਕ ਰੂਪ ਸਿੰਘ ਨੇ ਅਦਿੱਤਿਆ ਨੂੰ ਟੂਰਨਾਮੈਂਟ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਲਈ ਸ਼ੁੱਭਕਾਮਨਾਵਾਂ ਦਿੰਦਿਆਂ ਉਸਦੇ ਸੁਨਹਿਰੇ ਭਵਿੱਖ ਦੀ ਕਾਮਨਾ ਕੀਤੀ, ਉੱਥੇ ਅਦਿੱਤਿਆ ਨੇ ਇਸ ਪ੍ਰਾਪਤੀ ਲਈ ਆਪਣੇ ਆਦਰਸ਼ ਪਾਪਾ ਕੋਚ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦਾ ਤਹਿਦਿਲੋਂ ਧੰਨਵਾਦ ਕੀਤਾ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਮੀਂਹ ਕਾਰਨ ਗੁਹਾਟੀ ਵਨਡੇ ਮੈਚ ਰਿਹਾ ਸੀ ਰੱਦ

ਭਾਰਤ-ਸੀ੍ਰਲੰਕਾ ਦਰਮਿਆਨ ਆਖਰੀ ਮੁਕਾਬਲਾ ਅੱਜ, ਭਾਰਤ ਲੜੀ ‘ਚ 1-0 ਨਾਲ ਅੱਗੇ

ਏਜੰਸੀ (ਪੂਨੇ) ਵਿਰਾਟ ਕੋਹਲੀ ਦੀ ਅਗਵਾਈ ਵਾਲੀ ਭਾਰਤੀ ਕ੍ਰਿਕਟ( Cricket) ਟੀਮ ਪੂਨੇ ‘ਚ ਸ਼ੁੱਕਰਵਾਰ ਨੂੰ ਤੀਜੇ ਅਤੇ ਆਖਰੀ ਟੀ-20 ਮੁਕਾਬਲੇ ‘ਚ ਸ੍ਰੀਲੰਕਾ ਖਿਲਾਫ ਜਿੱਤ ਦੇ ਨਾਲ ਲੜੀ ‘ਚ 2-0 ਦੀ ਜਿੱਤ ਦੇ ਟੀਚੇ ਨਾਲ ਉੱਤਰੇਗੀ ਗੁਹਾਟੀ ‘ਚ ਪਹਿਲਾ ਮੈਚ ਰੱਦ ਰਹਿਣ ਤੋਂ ਬਾਅਦ ਤਿੰਨ ਮੈਚਾਂ ਦੀ ਲੜੀ ‘ਚ ਭਾਰਤ 1-0 ਦਾ ਵਾਧਾ ਬਣਾ ਚੁੱਕਾ ਹੈ ਇੰਦੌਰ ‘ਚ ਉਸ ਨੇ ਦੂਜਾ ਟੀ-20 ਸੱਤ ਵਿਕਟਾਂ ਨਾਲ ਜਿੱਤਿਆ ਸੀ ਭਾਰਤੀ ਟੀਮ ਹੁਣ ਪੂਨੇ ਦੇ ਮਹਾਰਾਸ਼ਟਰ ਕ੍ਰਿਕਟ ਐਸੋਸੀਏਸ਼ਨ ਸਟੇਡੀਅਮ ‘ਚ ਸ਼ੁੱਕਰਵਾਰ ਨੂੰ ਅੰਤਿਮ ਟੀ-20 ਮੁਕਾਬਲੇ ‘ਚ ਜਿੱਤ ਹਾਸਲ ਕਰਕੇ ਲੜੀ ਨੂੰ 2-0 ਨਾਲ ਆਪਣੇ ਨਾਂਅ ਕਰਨਾ ਚਾਹੇਗੀ ਉੱਥੇ ਮਹਿਮਾਨ ਸੀ੍ਰਲੰਕਾਈ ਟੀਮ ਦੀ ਕੋਸ਼ਿਸ਼ ਹੋਵੇਗੀ ਕਿ ਉਹ ਲੜੀ ਨੂੰ 1-1 ਨਾਲ ਬਰਾਬਰ ਕਰਕੇ ਇਸ ਫਾਰਮੇਟ ‘ਚ ਆਪਣੀ ਲਗਾਤਾਰ ਪੰਜਵੀਂ ਹਾਰ ਦੀ ਸ਼ਰਮਿੰਦਗੀ ਤੋਂ ਬਚ ਸਕੇ। Cricket

ਇਸ ਸਾਲ ਅਸਟਰੇਲੀਆ ‘ਚ ਹੋਣ ਵਾਲੇ ਆਈਸੀਸੀ ਟੀ-20 ਵਿਸ਼ਵ ਕੱਪ ਲਈ ਭਾਰਤੀ ਟੀਮ ਆਪਣੇ ਸਰਵਸ੍ਰੇਸ਼ਟ ਤਾਲਮੇਲ ਨੂੰ ਭਾਲਣ ‘ਚ ਜੁਟੀ ਹੈ ਅਤੇ ਨੌਜਵਾਨ ਖਿਡਾਰੀਆਂ ਦੇ ਪ੍ਰਦਰਸ਼ਨ ‘ਤੇ ਉਸ ਦੀਆਂ ਨਜ਼ਰਾਂ ਲੱਗੀਆਂ ਹਨ ਇੰਦੌਰ ਟੀ-20 ਮੈਚ ‘ਚ ਵੀ ਟੀਮ ਦੇ ਨੌਜਵਾਨ ਖਿਡਾਰੀਆਂ ਖਾਸ ਤੌਰ ‘ਤੇ ਗੇਂਦਬਾਜ਼ ਨਵਦੀਪ ਸੈਣੀ, ਸ਼ਾਰਦੁਲ ਠਾਕੁਰ, ਵਾਸ਼ਿੰਗਟਨ ਸੁੰਦਰ ਦਾ ਪ੍ਰਦਰਸ਼ਨ ਪ੍ਰਭਾਵਸ਼ਾਲੀ ਰਿਹਾ ਸੀ। ਭਾਰਤੀ ਟੀਮ ਕੋਲ ਮਜ਼ਬੂਤ ਗੇਂਦਬਾਜ਼ੀ ਅਤੇ ਵਧੀਆ ਬੱਲੇਬਾਜ਼ੀ ਕ੍ਰਮ ਹੈ ।

ਬੱਲੇਬਾਜ਼ੀ ਦੀ ਗੱਲ ਕਰੀਏ ਤਾਂ ਓਪਨਰ ਲੋਕੇਸ਼ ਰਾਹੁਲ ਵਧੀਆ ਫਾਰਮ ‘ਚ ਚੱਲ ਰਹੇ

ਵਿਸ਼ਵ ਕੱਪ ਦੇ ਮੱਦੇਨਜ਼ਰ ਹਰ ਖਿਡਾਰੀ ਵਿਅਕਤੀਗਤ ਰੂਪ ਨਾਲ ਆਪਣੇ ਪ੍ਰਦਰਸ਼ਨ ਨਾਲ ਪ੍ਰਭਾਵਿਤ ਕਰਨ ਦੀ ਜੁਗਤ ‘ਚ ਲੱਗਾ ਹੈ ਬੱਲੇਬਾਜ਼ੀ ਦੀ ਗੱਲ ਕਰੀਏ ਤਾਂ ਓਪਨਰ ਲੋਕੇਸ਼ ਰਾਹੁਲ ਵਧੀਆ ਫਾਰਮ ‘ਚ ਚੱਲ ਰਹੇ ਹਨ ਅਤੇ ਪਿਛਲੇ ਮੈਚ ‘ਚ ਵੀ ਉਨ੍ਹਾਂ ਨੇ 45 ਦੌੜਾਂ ਦੀ ਵੱਡੀ ਪਾਰੀ ਖੇਡੀ ਸੀ ਰਾਹੁਲ ਨੇ ਪਿਛਲੇ ਚਾਰ ਟੀ-20 ਮੈਚਾਂ ‘ਚ ਦੋ ਅਰਧ ਸੈਂਕੜੇ ਲਾਏ ਹਨ, ਜਿਸ ‘ਚ 62 ਅਤੇ 91 ਦੌੜਾਂ ਦੀਆਂ ਪਾਰੀਆਂ ਸ਼ਾਮਲ ਹਨ ਰੋਹਿਤ ਸ਼ਰਮਾ ਦੀ ਗੈਰ-ਮੌਜ਼ੂਦਗੀ ‘ਚ ਰਾਹੁਲ ਓਪਨਿੰਗ ‘ਚ ਵਧੀਆ ਬੱਲੇਬਾਜ਼ੀ ਕਰ ਹੇ ਹਨ ਅਤੇ ਪਾਵਰਪਲੇ ‘ਚ ਵੱਡੇ ਸਕੋਰਰ ਹਨ ਉਥੇ ਗੇਂਦਬਾਜ਼ਾਂ ‘ਚ ਵਾਸ਼ਿੰਗਟਨ ਸੁੰਦਰ, ਸੈਣੀ ਅਤੇ ਠਾਕੁਰ ਤੋਂ ਇਲਾਵਾ ਵਾਪਸੀ ਕਰ ਰਹੇ ਜਸਪ੍ਰੀਤ ਬੁਮਰਾਹ ਦੇ ਰੂਪ ‘ਚ ਟੀਮ ਕੋਲ ਵਧੀਆ ਕ੍ਰਮ ਹੈ।

ਉੱਥੇ ਸਪਿੱਨਰਾਂ ‘ਚ ਕੁਲਦੀਪ ਯਾਦਵ ਅਹਿਮ ਹਿੱਸਾ ਹਨ ਕਪਤਾਨ ਵਿਰਾਟ ਨੇ ਪਿਛਲੇ ਮੈਚ ‘ਚ ਸੁੰਦਰ, ਸੈਣੀ ਅਤੇ ਤਿੰਨ ਵਿਕਟਾਂ ਹਾਸਲ ਕਰਨ ਵਾਲੇ ਠਾਕੁਰ ਦੇ ਖੇਡ ‘ਤੇ ਖੁਸ਼ੀ ਪ੍ਰਗਟਾਈ ਸੀ ਅਤੇ ਇਸ ਨੂੰ ਟੀਮ ਲਈ ਸਕਾਰਾਤਮਕ ਦੱਸਿਆ ਸੀ ਭਾਰਤੀ ਟੀਮ ਨੂੰ ਹਾਲਾਂਕਿ ਪੂਨੇ ‘ਚ ਸ੍ਰੀਲੰਕਾ ਤੋਂ ਸਾਵਧਾਨ ਰਹਿਣਾ ਹੋਵੇਗਾ । ਸੀ੍ਰਲੰਕਾ ਕੋਲ ਵਾਨਿੰਦੂ ਹਸਰੰਗਾ, ਲਾਹਿਰੂ ਕੁਮਾਰਾ ਅਤੇ ਦਾਸ਼ੁਨ ਸ਼ਨਾਕਾ ਜਿਹੇ ਚੰਗੇ ਗੇਂਦਬਾਜ਼ ਹਨ ਇਨ੍ਹਾਂ ਦੇ ਪਿਛਲੇ ਮੈਚ ‘ਚ ਸ਼ਾਨਦਾਰ ਪ੍ਰਦਸ਼ਨ ਰਿਹਾ ਸੀ ਪਰ ਕਪਤਾਨ ਲਸਿਥ ਮਲਿੰਗਾ 4 ਓਵਰਾਂ ‘ਚ 41 ਦੌੜਾਂ ਦੇ ਕੇ ਸਭ ਤੋਂ ਮਹਿੰਗੇ ਰਹੇ ਸਨ ਬੱਲੇਬਾਜ਼ਾਂ ‘ਚ ਕੁਸ਼ਲ ਪਰੇਰਾ, ਦਾਨੁਸ਼ਕਾ ਗੁਣਾਥਿਲਾਕਾ, ਅਵਿਸ਼ਕਾ ਫਰਨਾਂਡੋ ਦੇ ਰੂਪ ‘ਚ ਵਧੀਆ ਬੱਲੇਬਾਜ਼ ਮੌਜ਼ੂਦ ਹਨ ਅਤੇ ਲੜੀ ‘ਚ ਬਰਾਬਰੀ ਲਈ ਉਲਟਫੇਰ ਕਰ ਸਕਦੇ ਹਨ।

ਸੀ੍ਰਲੰਕਾਈ ਆਲਰਾਊਂਡਰ ਉਡਾਣਾ ਪੂਨੇ ਟੀ-20 ‘ਚੋਂ ਹੋਏ ਬਾਹਰ

ਪੂਨੇ ਸ੍ਰੀਲੰਕਾਈ ਆਲਰਾਊਂਡਰ ਇਸਰੂ ਉਡਾਣਾ ਪਿੱਚ ਦੀ ਸੱਟ ਕਾਰਨ ਪੂਨੇ ‘ਚ ਸ਼ੁੱਕਰਵਾਰ ਨੂੰ ਭਾਰਤ ਖਿਲਾਫ ਟੀ-20 ਲੜੀ ਦੇ ਆਖਰੀ ਕਰੋ ਜਾਂ ਮਰੋ ਦੇ ਮੁਕਾਬਲੇ ‘ਚ ਬਾਹਰ ਹੋ ਗਏ ਹਨ 31 ਸਾਲ ਦੇ ਉਡਾਣਾ ਨੂੰ ਦੂਜੇ ਟੀ-20 ਮੁਕਾਬਲੇ ਦੌਰਾਨ ਉਸ ਸਮੇਂ ਸੱਟ ਲੱਗ ਗਈ ਸੀ ਜਦੋਂ ਉਹ ਸ਼ਾਰਟ ਥਰਡ ਮੈਨ ‘ਤੇ ਗੇਂਦ ਨੂੰ ਰੋਕਣ ਦੀ ਕੋਸ਼ਿਸ਼ ਕਰ ਰਹੇ ਸਨ ਉਦਾਣਾ ਨੂੰ ਤੁਰੰਤ ਮੈਦਾਨ ‘ਚੋਂ ਬਾਹਰ ਲਿਜਾਇਆ ਗਿਆ, ਜਿਸ ਤੋਂ ਬਾਅਦ ਉਹ ਮੈਚ ‘ਚ ਵਾਪਸੀ ਨਹੀਂ ਕਰ ਸਕੇ ਉਡਾਣਾ ਦੀ ਸੱਟ ਤੋਂ ਸ੍ਰੀਲੰਕਾਈ ਟੀਮ ਨੂੰ ਕਾਫੀ ਝਟਕਾ ਲੱਗਾ ਹੈ ਜਿਨ੍ਹਾਂ ਦੀ ਜਗ੍ਹਾ ਦੂਜੇ ਮੈਚ ‘ਚ ਦਾਸ਼ੁਨ ਸ਼ਨਾਕਾ ਬਾਕੀ ਦੇ ਬਚੇ ਓਵਰ ਪਾਉਣ ਲਈ ਉਤਰੇ ਟੀਮ ‘ਚੋਂ ਬਾਹਰ ਹੋਣ ਦੇ ਬਾਵਜੂਦ ਉਡਾਣਾ ਟੀਮ ਦੇ ਫਿਜੀਓ ਨਾਲ ਕੰਮ ਕਰਨਗੇ ਅਤੇ ਪੂਨੇ ‘ਚ ਵੀ ਟੀਮ ਨਾਲ ਰਹਿਣਗੇ

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

England 63 ਸਾਲ ਬਾਅਦ ਕੈਪਟਾਊਨ ‘ਚ ਜਿੱਤਿਆ, ਲੜੀ ਬਰਾਬਰ

ਏਜੰਸੀ/ਕੈਪਟਾਊਨ।ਇੰਗਲੈਂਡ ਨੇ ਆਪਣੇ ਗੇਂਦਬਾਜ਼ਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਮੇਜ਼ਬਾਨ ਦੱਖਣੀ ਅਫਰੀਕਾ ਨੂੰ ਦੂਜੇ ਕ੍ਰਿਕਟ ਟੈਸਟ ਮੈਚ ਦੇ ਪੰਜਵੇਂ ਅਤੇ ਆਖਰੀ ਦਿਨ 189 ਦੌੜਾਂ ਦੇ ਵੱਡੇ ਫਰਕ ਨਾਲ ਹਰਾ ਕੇ ਚਾਰ ਮੈਚਾਂ ਦੀ ਲੜੀ ‘ਚ ਇੱਕ-ਇੱਕ ਨਾਲ ਬਰਾਬਰੀ ਹਾਸਲ ਕਰ ਲਈ ਇੰਗਲੈਂਡ ਦੀ ਕੈਪਟਾਊਨ ‘ਚ 63 ਸਾਲਾਂ ਦੇ ਲੰਮੇ ਫਰਕ ਤੋਂ ਬਾਅਦ ਇਹ ਪਹਿਲੀ ਜਿੱਤ ਹੈ ਇੰਗਲੈਂਡ ਨੇ ਦੱਖਣੀ ਅਫਰੀਕਾ ਸਾਹਮਣੇ ਜਿੱਤ ਲਈ 438 ਦੌੜਾਂ ਦਾ ਮੁਸ਼ਕਲ ਟੀਚਾ ਰੱਖਿਆ ਸੀ। England

ਜਿਸ ਦਾ ਪਿੱਛਾ ਕਰਦਿਆਂ ਦੱਖਣੀ ਅਫਰੀਕਾ ਦੀ ਟੀਮ ਦੋ ਵਿਕਟਾਂ ‘ਤੇ 126 ਦੌੜਾਂ ਤੋਂ ਅੱਗੇ ਖੇਡਦਿਆਂ 137.4 ਓਵਰਾਂ 248 ਦੌੜਾਂ ‘ਤੇ ਆਲ ਆਊਟ ਹੋ ਗਈ ਦੱਖਣੀ ਅਫਰੀਕਾ ਲਈ ਓਪਨਰ ਪੀਟਰ ਮਲਾਨ ਨੇ 288 ਗੇਂਦਾਂ ‘ਚ ਤਿੰਨ ਚੌਕਿਆਂ ਦੀ ਮੱਦਦ ਨਾਲ 84 ਦੌੜਾਂ, ਡੀਨ ਐਲਗਰ 78 ਗੇਂਦਾਂ ‘ਚ ਦੋ ਚੌਕਿਆਂ ਦੀ ਸਹਾਰੇ 34 ਦੌੜਾਂ ਅਤੇ ਕਵਿੰਟਨ ਡੀ ਕਾਕ ਨੇ 107 ਗੇਂਦਾਂ ‘ਚ ਸੱਤ ਚੌਕਿਆਂ ਦੀ ਮੱਦਦ ਨਾਲ 50 ਦੌੜਾਂ ਬਣਾਈਆਂ ਦੱਖਣੀ ਅਫਰੀਕਾ ਇੱਕ ਸਮੇਂ ਪੰਜ ਵਿਕਟਾਂ ‘ਤੇ 237 ਦੌੜਾਂ ਬਣਾ ਕੇ ਮੈਚ ਡਰਾਅ ਕਰਵਾਉਣ ਵੱਲ ਵਧ ਰਿਹਾ ਸੀ।

ਪਰ ਆਪਣੀਆਂ ਆਖਰੀ ਪੰਜ ਵਿਕਟਾਂ ਸਿਰਫ 11 ਦੌੜਾਂ ਜੋੜ ਕੇ ਗਵਾਉਣ ਕਾਰਨ ਉੁਸਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੇਠਲੇ ਕ੍ਰਮ ਦੇ ਸਮਰਪਣ ਨਾਲ ਮੇਜ਼ਬਾਨ ਟੀਮ ਇਸ ਟੈਸਟ ਮੈਚ ਨੂੰ ਡਰਾਅ ਕਰਵਾਉਣ ਤੋਂ ਖੁੰਝ ਗਈ ਇੰਗਲੈਂਡ ਵੱਲੋਂ ਬੇਨ ਸਟੋਕਸ ਨੇ 35 ਦੌੜਾਂ ‘ਤੇ ਤਿੰਨ ਵਿਕਟਾਂ ਹਾਸਲ ਕੀਤੀਆਂ ਉਨ੍ਹਾਂ ਨੇ ਆਖਰੀ ਪੰਜ ਵਿਕਟਾਂ ‘ਚੋਂ 3 ਵਿਕਟਾਂ ਹਾਸਲ ਕਰਕੇ ਦੱਖਣੀ ਅਫਰੀਕਾ ਨੂੰ ਹਾਰ ਦਾ ਸਾਹਮਣਾ ਕਰਨ ਲਈ ਮਜ਼ਬੂਰ ਕੀਤਾ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਜ਼ਟੈਸਟ ਰੈਂਕਿੰਗ: ਵਿਰਾਟ ਨੰਬਰ ਵੰਨ ‘ਤੇ ਕਾਇਮ

ਲਾਬੁਸ਼ਾਨੇ ਦੀ ਲੰਮੀ ਛਾਲ, ਤੀਜੇ ਨੰਬਰ ਦੇ ਬੱਲੇਬਾਜ਼ ਬਣੇ ਲਾਬੁਸ਼ਾਨੇ, ਕਰੀਅਰ ਦੀ ਸਰਵਸ੍ਰੇਸ਼ਠ ਰੈਂਕਿੰਗ

ਏਜੰਸੀ/ਨਵੀਂ ਦਿੱਲੀ। ਭਾਰਤੀ ਕ੍ਰਿਕਟ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਬੁੱਧਵਾਰ ਨੂੰ ਜਾਰੀ ਆਈਸੀਸੀ ਦੀ ਤਾਜ਼ਾ ਟੈਸਟ ਬੱਲੇਬਾਜ਼ੀ ਰੈਂਕਿੰਗ ‘ਚ ਆਪਣੇ ਨੰਬਰ ਇੱਕ ਸਥਾਨ ‘ਤੇ ਕਾਇਮ ਹੈ, ਪਰ ਟੈਸਟ ਮਾਹਿਰ ਬੱਲੇਬਾਜ਼ ਚੇਤੇਸ਼ਵਰ ਪੁਜਾਰਾ ਅਤੇ ਉਪ ਕਪਤਾਨ ਅਜਿੰਕਿਆ ਰਹਾਣੇ ਨੂੰ ਨੁਕਸਾਨ ਉਠਾਉਣਾ ਪਿਆ ਹੈ ਟੈਸਟ ਰੈਂਕਿੰਗ ‘ਚ ਅਸਟਰੇਲੀਆ  ਦੇ ਉਭਰਦੇ ਹੋਏ ਸਟਾਰ ਬੱਲੇਬਾਜ਼ ਮਾਰਨਸ਼ ਲਾਬੁਸ਼ਾਨੇ ਨੇ ਵੱਡੀ ਛਾਲ ਲਾਈ ਹੈ ਅਤੇ ਵਿਸ਼ਵ ਦੇ ਤੀਜੇ ਨੰਬਰ ਦੇ ਬੱਲੇਬਾਜ਼ ਬਣ ਗਏ ਹਨ। ਜੋ ਉਨ੍ਹਾਂ ਦੇ ਕਰੀਅਰ ਦੀ ਸਰਵਸ੍ਰੇਸ਼ਠ ਰੈਂਕਿੰਗ ਵੀ ਹੈ ਲਾਬੁਸ਼ਾਨੇ ਅਸਟਰੇਲੀਆ ਲਈ ਨਿਊਜ਼ੀਲੈਂਡ ਖਿਲਾਫ 3-0 ਦੀ ਟੈਸਟ ਲੜੀ ਜਿੱਤ ‘ਚ ਮੈਨ ਆਫ ਦ ਮੈਚ ਅਤੇ ਮੈਨ ਆਫ ਦਾ ਲੜੀ ਰਹੇ ਸਨ ਲਾਬੁਸ਼ਾਨੇ ਦੇ 827 ਰੇਟਿੰਗ ਅੰਕ ਹਨ ਅਤੇ ਉਹ ਨੰਬਰ ਵੰਨ ਇੱਕ ਭਾਰਤੀ ਕਪਤਾਨ ਵਿਰਾਟ ਤੋਂ ਹਾਲੇ 101 ਰੇਟਿੰਗ ਅੰਕ ਪਿੱਛੇ ਹਨ ਜੋ ਸਭ ਤੋਂ ਜ਼ਿਆਦਾ 928 ਅੰਕਾਂ ਨਾਲ ਨੰਬਰ ਵੰਨ ਸਥਾਨ ‘ਤੇ ਕਾਇਮ ਹਨ ਉੱਥੇ ਦੂਜੇ ਨੰਬਰ ‘ਤੇ ਅਸਟਰੇਲੀਆ ਦੇ ਸਾਬਕਾ ਕਪਤਾਨ ਸਟੀਵਨ ਸਮਿੱਥ ਹਨ

ਸਟਾਰਕ ਕਰੀਅਰ ਦੀ ਸਰਵਸ੍ਰੇਸ਼ਠ ਰੈਂਕਿੰਗ ਦੀ ਬਰਾਬਰੀ ਕਰ ਲਈ

ਜਿਨ੍ਹਾਂ ਦੇ 911 ਅੰਕ ਹਨ ਸਮਿੱਥ ਅਤੇ ਵਿਰਾਟ ਦਰਮਿਆਨ 17 ਅੰਕਾਂ ਦਾ ਫਾਸਲਾ ਹੈ। ਟਾਪ ਪੰਜ ਬੱਲੇਬਾਜ਼ਾਂ ‘ਚ ਹਾਲਾਂਕਿ ਅਸਟਰੇਲੀਆਈ ਬੱਲੇਬਾਜ਼ਾਂ ਦਾ ਦਬਦਬਾ ਹੈ ਅਤੇ ਪੰਜਵੇਂ ਨੰਬਰ ‘ਤੇ ਡੇਵਿਡ ਵਾਰਨਰ (793) ਹਨ ਜਿਨ੍ਹਾਂ ਨੂੰ ਦੋ ਸਥਾਨਾਂ ਦਾ ਫਾਇਦਾ ਹੋਇਆ ਹੈ ਚੌਥੇ ਨੰਬਰ ‘ਤੇ ਨਿਊਜੀਲੈਂਡ ਦੇ ਕਪਤਾਨ ਕੇਨ ਵਿਲੀਅਮਜ਼ (814) ਹਨ ਟੈਸਟ ਗੇਂਦਬਾਜ਼ਾਂ ‘ਚ ਟਾਪ-10 ‘ਚ ਭਾਰਤ ਦੇ ਤਿੰਨ ਖਿਡਾਰੀ ਸ਼ਾਮਲ ਹਨ ਜਿਨ੍ਹਾਂ ‘ਚ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਛੇਵੇਂ ਸਥਾਨ ਦੇ ਨਾਲ ਸਭ ਤੋਂ ਉੱਚੀ ਰੈਂਕਿੰਗ ‘ਤੇ ਹਨ।

ਉਨ੍ਹਾਂ ਦੇ 794 ਅੰਕ ਹਨ ਆਫ ਸਪਿੱਨਰ ਰਵੀਚੰਦਰਨ ਅਸ਼ਵਿਨ ਨੌਵੇਂ ਨੰਬਰ ‘ਤੇ ਹਨ ਅਤੇ ਉਨ੍ਹਾਂ ਦੇ 772 ਅੰਕ ਹਨ ਜਦੋਂਕਿ ਉਨ੍ਹਾਂ ਤੋਂ ਇੱਕ ਅੰਕ ਪਿੱਛੇ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ਮੀ 10ਵੇਂ ਨੰਬਰ ‘ਤੇ ਹਨ ਅਸਟਰੇਲੀਆ ਦੇ ਤੇਜ਼ ਗੇਂਦਬਾਜ਼ ਪੈਟ ਕਮਿੰਸ (904) ਆਪਣੇ ਨੰਬਰ ਇੱਕ ਸਥਾਨ ‘ਤੇ ਕਾਇਮ ਹਨ ਉਨ੍ਹਾਂ ਤੋਂ ਬਾਅਦ ਨਿਊਜ਼ੀਲੈਂਡ ਦੇ ਨੀਲ ਵੈਗਨਰ (852) ਦੂਜੇ, ਵੈਸਟਇੰਡੀਜ਼ ਦੇ ਕਪਤਾਨ ਜੇਸਨ ਹੋਲਡਰ (830) ਤੀਜੇ, ਦੱਖਣੀ ਅਫਰੀਕਾ ਦੇ ਕੈਗਿਸੋ ਰਬਾਡਾ (821) ਚੌਥੇ ਅਤੇ ਅਸਟਰੇਲੀਆ ਦੇ ਮਿਸ਼ੇਲ ਸਟਾਰਕ (796) ਪੰਜਵੇਂ ਨੰਬਰ ‘ਤੇ ਹਨ  ਸਟਾਰਕ ਨੇ ਇਸ ਦੇ ਨਾਲ ਕਰੀਅਰ ਦੀ ਸਰਵਸ੍ਰੇਸ਼ਠ ਰੈਂਕਿੰਗ ਦੀ ਬਰਾਬਰੀ ਕਰ ਲਈ ਹੈ

ਉਨ੍ਹਾਂ ਨੇ ਮਾਰਚ 2018 ‘ਚ ਪੰਜਵਾਂ ਸਥਾਨ ਹਾਸਲ ਕੀਤਾ ਸੀ ਨਿਊਜ਼ੀਲੈਂਡ ਖਿਲਾਫ ਉਹ ਲੜੀ ‘ਚ 15 ਵਿਕਟਾਂ ਹਾਸਲ ਕਰਕੇ ਸਭ ਤੋਂ ਸਫਲ ਗੇਂਦਬਾਜ਼ ਰਹੇ ਸਨ ਆਲਰਾਊਂਡਰ ਰੈਂਕਿੰਗ ‘ਚ ਭਾਰਤ ਤੇ ਰਵਿੰਦਰ ਜਡੇਜਾ (406 ਅੰਕ) ਦੂਜੇ ਨੰਬਰ ‘ਤੇ ਸਭ ਤੋਂ ਸਫਲ ਭਾਰਤੀ ਹਨ ਹੋਰ ਭਾਰਤੀਆਂ ‘ਚ ਰਵੀਚੰਦਰਨ ਅਸ਼ਵਿਨ (309) ਪੰਜਵੇਂ ਨੰਬਰ ‘ਤੇ ਹਨ ਵੈਸਟਇੰਡੀਜ਼ ਦੇ ਜੇਸਨ ਹੋਲਡਰ (473) ਚੋਟੀ ਦੇ ਸਥਾਨ ‘ਤੇ ਹਨ।

ਟੀ-20 ‘ਚ ਸਭ ਤੋਂ ਤੇਜ਼ ਇੱਕ ਹਜ਼ਾਰੀ ਬਣੇ ਵਿਰਾਟ

ਇੰਦੌਰ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਨੇ ਆਪਣੇ ਹਿੱਸੇ ਇੱਕ ਹੋਰ ਰਿਕਾਰਡ ਦਰਜ ਕਰਵਾ ਲਿਆ ਉਹ ਟੀ-20 ‘ਚ ਸਭ ਤੋਂ ਤੇਜ਼ੀ ਨਾਲ 1000 ਦੌੜਾਂ ਬਣਾਉਣ ਵਾਲੇ ਕਪਤਾਨ ਬਣ ਗਏ ਹਨ ਕੋਹਲੀ ਨੇ ਹੋਲਕਰ ਸਟੇਡੀਅਮ ‘ਚ ਸ੍ਰੀਲੰਕਾ ਖਿਲਾਫ ਖੇਡੇ ਗਏ ਦੂਜੇ ਟੀ-20 ‘ਚ ਇਹ ਮੁਕਾਮ ਹਾਸਲ ਕੀਤਾ ਕੋਹਲੀ ਨੇ ਕਪਤਾਨ ਦੇ ਤੌਰ ‘ਤੇ 30ਵੀਂ ਪਾਰੀ ‘ਚ 1000 ਦੌੜਾਂ ਪੂਰੀਆਂ ਕੀਤੀਆਂ

ਉਹ ਭਾਰਤ ਦੇ ਦੂਜੇ ਅਤੇ ਕੁੱਲ ਛੇਵੇਂ ਕਪਤਾਨ ਬਣ ਗਏ ਹਨ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਬਾਲ ਆਊਟ ‘ਚ 3-2 ਨਾਲ ਜਿੱਤਿਆ ਜੈਪੁਰ, ਬੈਸਟ ਥ੍ਰੀ ਹੋਣਗੇ ਫਾਈਨਲ, ਦੂਜਾ 22 ਨੂੰ ਅਤੇ ਤੀਜਾ 23 ਨੂੰ

ਸ਼ਾਹ ਸਤਿਨਾਮ ਜੀ ਕ੍ਰਿਕਟ ਅਕਾਦਮੀ ਅਤੇ ਜੈਪੁਰ ਅਕਾਦਮੀ ਦਰਮਿਆਨ 21 ਜਨਵਰੀ ਨੂੰ ਹੋਵੇਗਾ ਪਹਿਲਾ ਫਾਈਨਲ

ਸੱਚ ਕਹੂੰ ਨਿਊਜ਼/ਸੁਨੀਲ ਵਰਮਾ(ਸਰਸਾ) ਦੂਜੇ ਐੱਸਐੱਸਜੀ (ਅੰਡਰ-14) ਆਲ ਇੰਡੀਆ ਕ੍ਰਿਕਟ(Cricket) ਟੂਰਨਾਮੈਂਟ ਦਾ ਦੂਜਾ ਸੈਮੀਫਾਈਨਲ ਮੰਗਲਵਾਰ ਨੂੰ ਸ਼ਾਹ ਸਤਿਨਾਮ ਜੀ ਕ੍ਰਿਕਟ ਸਟੇਡੀਅਮ ‘ਚ ਖੇਡਿਆ ਗਿਆ ਖਰਾਬ ਮੌਸਮ ਕਾਰਨ ਸੰਸਕਾਰਮ ਕ੍ਰਿਕਟ(Cricket ) ਅਕਾਦਮੀ ਝੱਜਰ ਅਤੇ ਸਪੋਰਟਸ ਥ੍ਰੋਨ ਕ੍ਰਿਕਟ ਅਕਾਦਮੀ ਜੈਪੁਰ ਦਰਮਿਆਨ 15-15 ਓਵਰਾਂ ਦਾ ਮੈਚ ਹੋਇਆ ਪਰ ਉਹ ਵੀ ਟਾਈ ਹੋ ਗਿਆ, ਇਸ ਤੋਂ ਬਾਅਦ ਬਾਲ ਆਊਟ ਨਾਲ ਸਪੋਰਟਸ ਥ੍ਰੋਨ ਕ੍ਰਿਕਟ ਅਕਾਦਮੀ ਜੈਪੁਰ ਦੀ ਟੀਮ 3-2 ਨਾਲ ਜੇਤੂ ਬਣੀ ਅਤੇ ਫਾਈਨਲ ‘ਚ ਜਗ੍ਹਾ ਬਣਾਈ ਜ਼ਿਕਰਯੋਗ ਹੈ ਕਿ ਬੈਸਟ ਥ੍ਰੀ ਤਹਿਤ ਫਾਈਨਲ ‘ਚ ਤਿੰਨ ਮੈਚ ਹੋਣਗੇ ਅਤੇ ਜੋ ਟੀ 2 ਮੈਚ ਜਿੱਤੇਗੀ।

ਮੈਨ ਆਫ ਦ ਮੈਚ ਬਣੇ ਜੈਪੁਰ ਦੇ ਅਸ਼ੋਕ ਨੂੰ ਟਰਾਫੀ ਦੇ ਕੇ ਸਨਮਾਨਿਤ ਕੀਤਾ

ਉਹ ਟੂਰਨਾਮੈਂਟ ਦੀ ਜੇਤੂ ਬਣੇਗੀ ਦੂਜੇ ਸੈਮੀਫਾਈਨਲ ‘ਚ ਮੁੱਖ ਮਹਿਮਾਨ ਵਜੋਂ ਰੋਹਤਕ ਤੋਂ ਐਸਜੀਐਫਆਈ ਦੇ ਸਿਲਕਟਰ ਕੁਲਵੀਰ ਹੁੱਡਾ ਨੇ ਸ਼ਿਰਕਤ ਕੀਤੀ ਅਤੇ ਮੈਨ ਆਫ ਦ ਮੈਚ ਬਣੇ ਜੈਪੁਰ ਦੇ ਅਸ਼ੋਕ ਨੂੰ ਟਰਾਫੀ ਦੇ ਕੇ ਸਨਮਾਨਿਤ ਕੀਤਾ ਮੰਗਲਵਾਰ ਨੂੰ ਦੂਜੇ ਸੈਮੀਫਾਈਨਲ ਮੈਚ ‘ਚ ਸੰਸਕਾਰਮ ਕ੍ਰਿਕਟ ਅਕਾਦਮੀ ਝੱਜਰ ਦੇ ਕਪਤਾਨ ਅਕਸ਼ੈ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਤੈਅ 15 ਓਵਰਾਂ ‘ਚ 4 ਵਿਕਟਾਂ ਦੇ ਨੁਕਸਾਨ ‘ਤੇ 138 ਦੌੜਾਂ ਬਣਾਈਆਂ ਜਿਸ ‘ਚ ਅਦਿੱਤਿਆ ਨੇ 25 ਗੇਂਦਾਂ ‘ਚ 33 ਦੌੜਾਂ, ਸ਼ੁਭਮ ਸਿੰਘ ਨੇ 25 ਗੇਤਾਂ ‘ਚ 33 ਦੌੜਾਂ ਅਤੇ ਦਿਪਾਂਸ਼ੂ ਸ਼ਰਮਾ ਨੇ 17 ਗੇਂਦਾਂ ‘ਚ 30 ਦੌੜਾਂ ਬਣਾਈਆਂ ਸਪੋਰਟਸ ਥ੍ਰੋਨ ਕ੍ਰਿਕਟ ਅਕਾਦਮੀ ਜੈਪੁਰ ਦੇ ਖਿਡਾਰੀਆਂ ਨੇ ਸ਼ਾਨਦਾਰ ਫਿਲਡਿੰਗ ਕਰਦਿਆਂ ਝੱਜਰ ਦੇ ਅਦਿੱਤਿਆ ਅਤੇ ਸ਼ੁਭਮ ਸਿੰਘ  ਨੂੰ ਰਨ ਆਊਟ ਕੀਤਾ।

ਉੱਥੇ ਰੋਹਨ ਰਾਜਬਹਾਰ ਅਤੇ ਦਿੱਗਵਿਜੈ ਸਿੰਘ ਰਾਜਪੂਤ ਨੇ ਇੱਕ-ਇੱਕ ਵਿਕਟ ਹਾਸਲ ਕੀਤੀ ਟੀਚੇ ਦਾ ਪਿੱਛਾ ਕਰਨ ਉੱਤਰੀ ਸਪੋਰਟਸ ਥ੍ਰੋਨ ਕ੍ਰਿਕਟ ਅਕਾਦਮੀ ਜੈਪੁਰ ਦੀ ਟੀਮ  ਤੈਅ ਓਵਰਾਂ ‘ਚ 138 ਦੌੜਾਂ ‘ਤੇ ਹੀ ਸਿਮਟ ਗਈ ਅਤੇ ਮੈਚ ਟਾਈ ਹੋ ਗਿਆ ਪਰ ਇਸ ਤੋਂ ਬਾਅਦ ਬਾਲ ਆਊਟ ਨਾਲ ਜੈਪੁਰ ਦੀ ਟੀਮ 3-2 ਨਾਲ ਜੇਤੂ ਬਣੀ ਅਤੇ ਫਾਈਨਲ ‘ਚ ਜਗ੍ਹਾ ਬਣਾਈ ਜੈਪੁਰ ਵੱਲੋਂ ਅਸ਼ੋਕ ਅਤੇ ਕਪਤਾਨ ਅਕਾਸ਼ ਛੇਜਰਾ ਨੇ ਲੜੀਵਾਰ 43 ਅਤੇ 27 ਦੌੜਾਂ ਦਾ ਯੋਗਦਾਨ ਦਿੱਤਾ ਝੱਜਰ ਵੱਲੋਂ ਸ਼ਾਨਦਾਰ ਗੇਂਦਬਾਜ਼ੀ ਕਰਦਿਆਂ ਸ਼ੁਭਮ ਸਿੰਘ ਨੇ 3 ਓਵਰਾਂ ‘ਚ 31 ਦੌੜਾਂ ਦੇ ਕੇ 3 ਵਿਕਟਾਂ, ਲਕਸ਼ੈ ਨੇ 1 ਓਵਰ ‘ਚ 5 ਦੌੜਾਂ ਦੇ ਕੇ ਦੋ ਵਿਕਟਾਂ ਅਤੇ ਯਸ਼ਦੀਪ ਅਹਿਲਾਵਤ ਨੇ 1 ਓਵਰ ‘ਚ 15 ਦੌੜਾਂ ਦੇ 1 ਵਿਕਟ ਹਾਸਲ ਕੀਤੀ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਸੀ੍ਰਲੰਕਾ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ 20 ਓਵਰਾਂ 9 ਵਿਕਟਾਂ ‘ਤੇ ਬਣਾਈਆਂ 142 ਦੌੜਾਂ, ਸ਼ਾਰਦੁਲ ਠਾਕੁਰ ਨੇ ਲਈਆਂ ਤਿੰਨ ਵਿਕਟਾਂ

ਖਬਰ ਲਿਖੇ ਜਾਣ ਤੱਕ 143 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਦਿਆਂ ਭਾਰਤ ਨੇ 6.2 ਓਵਰਾਂ ‘ਚ ਬਿਨਾ ਵਿਕਟ ਗਵਾਏ 55 ਦੌੜਾਂ ਬਣਾ ਲਈਆਂ ਸਨ

ਏਜੰਸੀ(ਇੰਦੌਰ) ਸ੍ਰੀਲੰਕਾ ਨੇ ਤਿੰਨ ਮੈਚਾਂ ਦੀ ਟੀ-20 ਲੜੀ ਦੇ ਦੂਜੇ ਮੈਚ ‘ਚ ਭਾਰਤ ਸਾਹਮਣੇ 143 ਦੌੜਾਂ ਦਾ ਟੀਚਾ ਰੱਖਿਆ ਹੈ ਸ੍ਰੀਲੰਕਾ ਨੇ 20 ਓਵਰਾਂ ‘ਚ 9 ਵਿਕਟਾਂ ਗਵਾ ਕੇ 142 ਦੌੜਾਂ ਬਣਾਈਆਂ ਸ੍ਰੀਲੰਕਾ ਵੱਲੋਂ ਕੁਸ਼ਲ ਪਰੇਰਾ ਨੇ ਸਭ ਤੋਂ ਵੱਧ 34 ਦੌੜਾਂ ਬਣਾਈਆਂ ਭਾਰਤ ਵੱਲੋਂ ਤੇਜ਼ ਗੇਂਦਬਾਜ਼ ਸਾਰਦੁਲ ਠਾਕੁਰ ਨੇ 23 ਦੌੜਾਂ ਦੇ ਕੇ 3 ਵਿਕਟਾਂ ਹਾਸਲ ਕੀਤੀਆਂ ਇਸ ਤੋਂ ਪਹਿਲਾਂ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਨੇ ਟਾਸ ਜਿੱਤ ਕੇ ਪਹਿਲਾਂ ਫਿਲਡਿੰਗ ਕਰਨ ਦਾ ਫੈਸਲਾ ਕੀਤਾ ਸ੍ਰੀਲੰਕਾ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਸ਼ਾਨਦਾਰ ਸ਼ੁਰੂਆਤ ਕੀਤੀ ਸਲਾਮੀ ਬੱਲੇਬਾਜ਼ੀ ਦਨੁਸ਼ਕਾ ਗੁਣਾਤਿਲਕਾ ਅਤੇ ਅਵਿਸ਼ਕਾ ਫਰਨਾਂਡੋ ਨੇ ਪਹਿਲੀ ਵਿਕਟ ਲਈ 38 ਦੌੜਾਂ ਦੀ ਸਾਂਝੇਦਾਰੀ ਕੀਤੀ।

ਸ੍ਰੀਲੰਕਾ ਨੂੰ ਪਹਿਲਾ ਝਟਕਾ ਅਵਿਸ਼ਕਾ ਫਰਨਾਂਡੋ ਦੇ ਰੂਪ ‘ਚ ਲੱਗਾ ਅਵਿਸ਼ਕਾ ਨੂੰ ਸਪਿੱਨਰ ਵਾਸ਼ਿੰਗਟਨ ਸੁੰਦਰ ਨੇ ਨਵਦੀਪ ਸੈਣੀ ਹੱਥੋਂ ਕੈਚ ਕਰਵਾਇਆ ਅਵਿਸ਼ਕਾ ਨੇ 16 ਗੇਂਦਾਂ ‘ਚ 5 ਚੌਕਿਆਂ ਦੀ ਮੱਦਦ ਨਾਲ 22 ਦੌੜਾਂ ਬਣਾਈਆਂ ਸ੍ਰੀਲੰਕਾ ਦੂਜਾ ਝਟਕਾ ਦਨੁਸ਼ਕਾ ਗੁਣਾਤਿਲਕਾ ਦੇ ਰੂਪ ‘ਚ ਲੱਗਾ ਉਨ੍ਹਾਂ ਨੂੰ ਨਵਦੀਪ ਸੈਣੀ ਨੇ ਬੋਲਡ ਕੀਤਾ ਗੁਣਾਤਿਲਕਾ ਨੇ 21 ਗੇਂਦਾਂ ‘ਚ 3 ਚੌਕਿਆਂ ਦੀ ਮੱਦਦ ਨਾਲ 20 ਦੌੜਾਂ ਬਣਾਈਆਂ ਇਸ ਤੋਂ ਬਾਅਦ ਬੱਲੇਬਾਜ਼ੀ ਲਈ ਆਏ ਕੁਸ਼ਲ ਪਰੇਰਾ ਨੇ 28 ਗੇਂਦਾਂ ‘ਚ 3 ਛੱਕਿਆਂ ਦੀ ਮੱਦਦ ਨਾਲ 34 ਦੌੜਾਂ ਦੀ ਹਮਲਾਵਰ ਪਾਰੀ ਖੇਡੀ ਕੁਸ਼ਲ ਪਰੇਰਾ ਨੂੰ ਸਪਿੱਨਰ ਕੁਲਦੀਪ ਯਾਦਵ ਨੇ ਸਿਖ਼ਰ ਧਵਨ ਹੱਥੋਂ ਕੈਚ ਆਊਟ ਕਰਵਾਇਆ ਓਸਾਡਾ ਫਰਨਾਂਡੋ ਵੀ 10 ਦੌੜਾਂ ਬਣਾ ਕੇ ਕੁਲਦੀਪ ਯਾਦਵ ਦਾ ਸ਼ਿਕਾਰ ਬਣੇ ਇਸ ਤੋਂ ਬਾਅਦ ਸ੍ਰੀਲੰਕਾ ਦੇ ਕੋਈ ਵੀ ਬੱਲੇਬਾਜ਼ ਵਿਕਟਾਂ ‘ਤੇ ਨਹੀਂ ਟਿਕ ਸਕਿਆ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਲੜੀ ਦੇ ਤੀਜੇ ਅਤੇ ਆਖਰੀ ਮੁਕਾਬਲੇ ‘ਚ ਨਿਊਜ਼ੀਲੈਂਡ ਨੂੰ 279 ਦੌੜਾਂ ਨਾਲ ਹਰਾਇਆ

ਨਾਥਨ ਲਿਓਨ ਨੇ ਝਟਕੀਆਂ 10 ਵਿਕਟਾਂ, ਡੇਵਿਡ ਵਾਰਨਰ ਦਾ ਦੂਜੀ ਪਾਰੀ ‘ਚ ਸੈਂਕੜਾ

ਨਿਊਜ਼ੀਲੈਂਡ ਨੂੰ 7ਵੀਂ ਵਾਰ ਲੜੀ ਦੇ ਸਾਰੇ ਮੈਚਾਂ ‘ਚ ਹਰਾਇਆ

ਏਜੰਸੀ/ਸਿਡਨੀ। ਅਸਟਰੇਲੀਆ( Australia) ਨੇ ਨਿਊਜ਼ੀਲੈਂਡ ਨੂੰ ਤਿੰਨ ਟੈਸਟ ਮੈਚਾਂ ਦੀ ਲੜੀ ਦੇ ਆਖਰੀ ਮੈਚ ‘ਚ 279 ਦੌੜਾਂ ਨਾਲ ਹਰਾ ਦਿੱਤਾ ਸਿਡਨੀ ਕ੍ਰਿਕਟ ਗਰਾਊਂਡ ‘ਤੇ ਮੈਚ ਦੇ ਚੌਥੇ ਦਿਨ ਸੋਮਵਾਰ ਨੂੰ ਉਸ ਨੇ ਨਿਊਜ਼ੀਲੈਂਡ ਨੂੰ ਦੂਜੀ ਪਾਰੀ ‘ਚ 136 ਦੌੜਾਂ ‘ਤੇ ਆਲ ਆਊਟ ਕਰ ਦਿੱਤਾ ਅਸਟਰੇਲੀਆ ਨੇ ਨਿਊਜ਼ੀਲੈਂਡ ਨੂੰ 7ਵੀਂ ਵਾਰ ਲੜੀ ਦੇ ਸਾਰੇ ਮੈਚਾਂ ‘ਚ ਹਰਾਇਆ ਕੀਵੀ ਟੀਮ ਖਿਲਾਫ ਇਹ ਉਸ ਦੀ ਕੁੱਲ 15ਵੀਂ ਲੜੀ ਜਿੱਤ ਹੈ ਸਿਡਨੀ ਟੈਸਟ ‘ਚ ਅਸਟਰੇਲੀਆ ਨੇ ਪਹਿਲੀ ਪਾਰੀ ‘ਚ 454 ਦੌੜਾਂ ਬਣਾਈਆਂ ਸਨ ਨਿਊਜ਼ੀਲੈਂਡ ਦੀ ਟੀਮ ਪਹਿਲੀ ਪਾਰੀ ‘ਚ 251 ਦੌੜਾਂ ਹੀ ਬਣਾ ਸਕੀ ਸੀ ਇਸ ਤੋਂ ਬਾਅਦ ਅਸਟਰੇਲੀਆ ਨੇ ਦੂਜੀ ਪਾਰੀ 2 ਵਿਕਟਾਂ ‘ਤੇ 217 ਦੌੜਾਂ ਬਣਾ ਕੇ ਨਿਊਜ਼ੀਲੈਂਡ ਸਾਹਮਣੇ ਜਿੱਤ ਲਈ 416 ਦੌੜਾਂ ਦਾ ਟੀਚਾ ਰੱਖਿਆ ਸੀ

ਅਸਟਰੇਲੀਆ ਲਈ ਦੂਜੀ ਪਾਰੀ ‘ਚ ਓਪਨਰ ਡੇਵਿਡ ਵਾਰਨਰ ਨੇ ਨਾਬਾਦ 111 ਦੌੜਾਂ ਬਣਾਈਆਂ ਵਾਰਨਰ ਦਾ ਇਹ 24ਵਾਂ ਸੈਂਕੜਾ ਸੀ ਪਹਿਲੀ ਪਾਰੀ ‘ਚ ਦੂਹਰਾ ਸੈਂਕੜਾ ਬਣਾਉਣ ਵਾਲੇ ਮਾਰਨਸ਼ ਲਾਬੁਸ਼ਾਨੇ ਨੇ ਦੂਜੀ ਪਾਰੀ ‘ਚ ਵੀ 59 ਦੌੜਾਂ ਬਣਾਈਆਂ ਲਾਬੁਸ਼ਾਨੇ ਨੇ ਇਸ ਲੜੀ ‘ਚ 91.5 ਦੀ ਔਸਤ ਨਾਲ ਕੁੱਲ 549 ਦੌੜਾਂ ਬਣਾਈਆਂ ਲਾਬੁਸ਼ਾਨੇ ਨੂੰ ਮੈਨ ਆਫ ਦ ਮੈਚ ਅਤੇ ਮੈਨ ਆਫ ਦ ਸੀਰੀਜ਼ ਚੁਣਿਆ ਗਿਆ ਦੂਜੀ ਪਾਰੀ ‘ਚ ਨਿਊਜ਼ੀਲੈਂਡ ਦੇ ਬੱਲੇਬਾਜ਼ ਅਸਟਰੇਲੀਆਈ ਗੇਂਦਬਾਜ਼ਾਂ ਖਾਸ ਤੌਰ ‘ਤੇ ਸਪਿੱਨਰ ਨਾਥਨ ਲਿਓਨ ਦਾ ਸਾਹਮਣ ਨਹੀਂ ਕਰ ਸਕੇ ਅਤੇ ਪੂਰੀ ਟੀਮ 47.5 ਓਵਰਾਂ ‘ਚ 136 ਦੌੜਾਂ ਤੇ ਆਲ ਆਊਟ ਹੋ ਗਈ ਨਾਥਨ ਲਿਓਨ ਨੇ ਦੂਜੀ ਪਾਰੀ ‘ਚ ਵੀ 5 ਵਿਕਟਾਂ ਹਾਸਲ ਕੀਤੀਆਂ ਲਿਓਨ ਨੇ ਤੀਜੀ ਵਾਰ ਇੱਕ ਟੈਸਟ ‘ਚ 10 ਵਿਕਟਾਂ ਹਾਸਲ ਕੀਤੀਆਂ ਨਾਲ ਹੀ 18ਵੀਂ ਵਾਰ ਪਾਰੀ ‘ਚ ਪੰਜ ਵਿਕਟਾਂ ਆਪਣੇ ਨਾਂਅ ਕੀਤੀਆਂ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਲਿਓਨ ਦੇ ਪੰਜੇ ਨਾਲ ਨਿਊਜ਼ੀਲੈਂਡ 251 ਦੌੜਾਂ ‘ਤੇ ਢੇਰ

ਅਸਟਰੇਲੀਆ ਨੂੰ ਪਹਿਲੀ ਪਾਰੀ ‘ਚ ਮਿਲਿਆ 203 ਦੌੜਾਂ ਦਾ ਵਾਧਾ

ਏਜੰਸੀ/ਸਿਡਨੀ। ਆਫ ਸਪਿੱਨਰ ਨਾਥਨ ਲਿਓਨ (68 ਦੌੜਾਂ ‘ਤੇ ਪੰਜ ਵਿਕਟਾਂ) ਅਤੇ ਤੇਜ਼ ਗੇਂਦਬਾਜ਼ ਪੈਟ ਕਮਿੰਸ (44 ਦੌੜਾਂ ‘ਤੇ ਤਿੰਨ ਵਿਕਟਾਂ) ਦੀ ਸ਼ਾਨਦਾਰ ਗੇਂਦਬਾਜ਼ੀ ਨਾਲ ਅਸਟਰੇਲੀਆ ਨੇ ਨਿਊਜ਼ੀਲੈਂਡ ਨੂੰ ਤੀਜੇ ਕ੍ਰਿਕਟ ਦੇ ਤੀਜੇ ਦਿਨ ਅੱਜ ਪਹਿਲੀ ਪਾਰੀ ‘ਚ 251 ਦੌੜਾਂ ‘ਤੇ ਢੇਰ ਕਰਕੇ 203 ਦੌੜਾਂ ਦਾ ਵੱਡਾ ਵਾਧਾ ਹਾਸਲ ਕਰ ਲਿਆ ਅਸਟਰੇਲੀਆ ਨੇ ਨਿਊਜ਼ੀਲੈਂਡ ਨੂੰ ਫਾਲੋਆਨ ਨਹੀਂ ਦਿੱਤਾ ਅਤੇ ਦੂਜੀ ਪਾਰੀ ‘ਚ ਖੇਡਣ ਦਾ ਫੈਸਲਾ ਕੀਤਾ ਅਸਟਰੇਲੀਆ ਨੇ ਸਟੰਪ ਤੱਕ ਬਿਨਾ ਕੋਈ ਵਿਕਟ ਗਵਾਏ 40 ਦੌੜਾਂ ਬਣਾ ਲਈਆਂ ਹਨ ਅਤੇ ਉਸ ਦਾ ਕੁੱਲ ਵਾਧਾ 243  ਦੌੜਾਂ ਦਾ ਹੋ ਗਿਆ ਹੈ।

ਡੇਵਿਡ ਵਾਰਨਰ ਅਤੇ ਜੋ ਬਰਨਜ਼ 16 ਦੌੜਾਂ ਬਣਾ ਕੇ ਕ੍ਰੀਜ਼ ‘ਤੇ ਸਨ ਇਸ ਤੋਂ ਪਹਿਲਾਂ ਸਵੇਰੇ ਨਿਊਜ਼ੀਲੈਂਡ ਨੇ ਬਿਨਾ ਕਿਸੇ ਨੁਕਸਾਨ ਦੇ 63 ਦੌੜਾਂ ਤੋਂ ਅੱਗੇ ਖੇਡਣਾ ਸ਼ੁਰੂ ਕੀਤਾ ਓਪਨਿੰਗ ਜੋੜੀ ਕਪਤਾਨ ਟਾਮ ਲਾਥਮ ਨੇ 26 ਦੌੜਾਂ ਅਤੇ ਟਾਮ ਬੰਲੇਡਲ ਨੇ 34 ਦੌੜਾਂ ਤੋਂ ਆਪਣੀ ਪਾਰੀ ਨੂੰ ਅੱਗੇ ਵਧਾਇਆ ਨਿਊਜ਼ੀਲੈਂਡ ਨੂੰ ਜਲਦ ਹੀ ਪਹਿਲਾ ਝਟਕਾ ਲੱਗਾ ਜਦੋਂ ਲਿਓਨ ਨੇ ਬੰਲਡੇਲ ਨੂੰ ਬੋਲਡ ਕਰ ਦਿੱਤਾ ਬੰਲਡੇਲ ਆਪਣੇ ਸਕੋਰ ‘ਚ ਕੋਈ ਵਾਧਾ ਨਹੀਂ ਕਰ ਸਕੇ।

ਲਾਥਮ ਅਤੇ ਜਿੱਤ ਰਾਵਲ ਨੇ ਟੀਮ ਦੇ ਸਕੋਰ ਨੂੰ 117 ਦੌੜਾਂ ਤੱਕ ਪਹੁੰਚਾਇਆ ਪਰ ਇਸੇ ਸਕੋਰ ‘ਤੇ ਨਿਊਜ਼ੀਲੈਂਡ ਨੇ ਰਾਵਲ ਅਤੇ ਲਾਥਮ ਦੀ ਵਿਕਟ ਗਵਾ ਦਿੱਤੀ ਰਾਵਲ ਨੂੰ ਲਿਓਨ ਨੇ ਅਤੇ ਲਾਥਮ ਨੂੰ ਕਮਿੰਸ ਨੇ ਆਊਟ ਕੀਤਾ।ਰਾਸ ਟੇਲਰ 22 ਦੌੜਾਂ ਬਣਾ ਕੇ ਕਮਿੰਸ ਦਾ ਸ਼ਿਕਾਰ ਬਣੇ ਕੀਵੀ ਪਾਰੀ ਇਨ੍ਹਾਂ ਝਟਕਿਆਂ ਤੋਂ ਉੱਭਰ ਨਹੀਂ ਸਕੀ ਗਲੇਨ ਫਿਲੀਪਸ ਨੇ 115 ਗੇਂਦਾਂ ‘ਚ 52 ਦੌੜਾਂ ਦੀ ਸੰਘਰਸ਼ਪੂਰਨ ਪਾਰੀ ਖੇਡੀ ਅਤੇ ਟੀਮ ਨੂੰ 200 ਦੇ ਪਾਰ ਪਹੁੰਚਾਇਆ ਇਸ ਤੋਂ ਬਾਅਦ ਕੋਈ ਵੀ ਬੱਲੇਬਾਜ਼ ਵਿਕਟਾਂ ‘ਤੇ ਨਹੀਂ ਟਿਕ ਸਕਿਆ ਅਤੇ ਪੂਰੀ ਟੀਮ 95.4 ਓਵਰਾਂ ‘ਚ 251 ਦੌੜਾਂ ‘ਤੇ ਢੇਰ ਹੋ ਗਈ

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਸੈਮੀਫਾਈਨਲ ‘ਚ ਫਰੀਦਾਬਾਦ ਨੂੰ 59 ਦੌੜਾਂ ਨਾਲ ਹਰਾਇਆ

ਮੇਜ਼ਬਾਨ ਟੀਮ ਦੇ ਸੁਖਲੀਨ ਬਣੇ ਮੈਨ ਆਫ ਦ ਮੈਚ

ਸੱਚ ਕਹੂੰ ਨਿਊਜ਼/ਸੁਨੀਲ ਵਰਮਾ/ਸਰਸਾ। ਅੱਜ ਸ਼ਾਹ ਸਤਿਨਾਮ ਜੀ ਕ੍ਰਿਕਟ ਸਟੇਡੀਅਮ ‘ਚ ਚੱਲ ਰਹੇ ਦੂਜੇ ਐਸਐਸਜੀ (ਅੰਡਰ-14) ਆਲ ਇੰਡੀਆ ਕ੍ਰਿਕਟ ਟੂਰਨਾਮੈਂਟ ‘ਚ ਪਹਿਲਾ ਸੈਮੀਫਾਈਨਲ ਮੇਜ਼ਬਾਨ ਸ਼ਾਹ ਸਤਿਨਾਮ ਜੀ ਕ੍ਰਿਕਟ ਅਕਾਦਮੀ ਅਤੇ ਦ ਕ੍ਰਿਕਟ ਗੁਰੂਕਲ ਫਰੀਦਾਬਾਦ ਦਰਮਿਆਨ ਹੋਇਆ ਜਿਸ ਵਿਚ ਸ਼ਾਹ ਸਤਿਨਾਮ ਜੀ ਕ੍ਰਿਕਟ ਅਕਾਦਮੀ ਨੇ ਖਿਡਾਰੀਆਂ ਦੇ ਆਲਰਾਊਂਡਰ ਪ੍ਰਦਰਸ਼ਨ ਦੇ ਦਮ ‘ਤੇ ਇਹ ਮੈਚ 59 ਦੌੜਾਂ ਨਾਲ ਜਿੱਤ ਕੇ ਫਾਈਨਲ ‘ਚ ਜਗ੍ਹਾ ਬਣਾ ਲਈ ਸ਼ਾਹ ਸਤਿਨਾਮ ਜੀ ਕ੍ਰਿਕਟ ਅਕਾਦਮੀ ਦੇ ਬੱਲੇਬਾਜ਼ ਸੁਖਲੀਨ ਸਿੰਘ ਮੈਨ ਆਫ ਦ ਮੈਚ ਰਹੇ ਜਿਨ੍ਹਾਂ ਨੂੰ ਇਹ ਪੁਰਸਕਾਰ ਚੌਧਰੀ ਦੇਵੀਲਾਲ ਯੂਨੀਵਰਸਿਟੀ ਦੇ ਕ੍ਰਿਕਟ ਦੇ ਚੀਫ ਸਿਲੈਕਟਰ ਅਤੇ ਸ੍ਰੀ ਗੁਰੂ ਹਰੀ ਸਿੰਘ ਕਾਲਜ, ਜੀਵਨਨਗਰ ਦੇ ਪ੍ਰੋਫੈਸਰ ਡਾ. ਵਿਕਾਸ ਮਹਿਤਾ ਨੇ ਦਿੱਤਾ।

ਇਸ ਮੌਕੇ ਸ਼ਾਹ ਸਤਿਨਾਮ ਜੀ ਕ੍ਰਿਕਟ ਅਕਾਦਮੀ ਦੇ ਕੋਚ ਰਾਹੁਲ  ਸ਼ਰਮਾ, ਫਰੀਦਾਬਾਦ ਦੇ ਕੋਚ ਰੋਹਿਤ ਸ਼ਰਮਾ ਮੌਜ਼ੂਦ ਸਨ ਜਦੋਂਕਿ ਮੈਚ ‘ਚ ਅਰਮਾਨ ਸਿੰਘ ਅਤੇ ਜਸਦੇਵ ਸਿੰਘ ਨੇ ਅੰਪਾਇਰ ਦੀ ਭੂਮਿਕਾ ਨਿਭਾਈ ਸੈਮੀਫਾਈਨਲ ਵਿਚ ਸ਼ਾਹ ਸਤਿਨਾਮ ਜੀ ਕ੍ਰਿਕਟ ਅਕਾਦਮੀ ਦੇ ਕਪਤਾਨ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਅਤੇ ਤੈਅ 40 ਓਵਰਾਂ ‘ਚ 9 ਵਿਕਟਾਂ ਗਵਾ ਕੇ 187 ਦੌੜਾਂ ਬਣਾਈਆਂ ਜਿਸ ‘ਚ ਸੁਖਲੀਨ ਸਿੰਘ ਨੇ 50 ਗੇਂਦਾਂ ‘ਚ 4 ਚੌਕੇ ਅਤੇ 4 ਛੱਕਿਆਂ ਦੀ ਮੱਦਦ ਨਾਲ 61 ਦੌੜਾਂ ਬਣਾਈਆਂ।

ਦੂਜੇ ਸੈਮੀਫਾਈਨਲ ‘ਚ ਅੱਜ ਭਿੜਨਗੇ ਜੈਪੁਰ ਅਤੇ ਝੱਜਰ

ਜਦੋਂਕਿ ਅਰਸ਼ ਗਰੋਵਰ ਅਤੇ ਸ਼ਹਿਬਾਜ਼ ਨੇ ਲੜੀਵਾਰ 30 ਅਤੇ 29 ਦੌੜਾਂ ਦਾ ਯੋਗਦਾਨ ਦਿੱਤਾ ਫਰੀਦਾਬਾਦ ਵੱਲੋਂ ਪ੍ਰਦੁੱਮਨ ਚੌਧਰੀ ਨੇ 8 ਓਵਰਾਂ ‘ਚ 22 ਦੌੜਾਂ ਦੇ ਕੇ 4 ਵਿਕਟਾਂ ਹਾਸਲ ਕੀਤੀਆਂ ਜਦੋਂਕਿ ਪਾਰੇਸ਼ ਸਹਿਦੇਵ ਅਤੇ ਆਇਰਨ ਤ੍ਰਿਪਾਠੀ ਨੇ 2-2 ਵਿਕਟਾਂ ਹਾਸਲ ਕੀਤੀਆਂ ਟੀਚੇ ਦਾ ਪਿੱਛਾ ਕਰਨ ਉੱਤਰੀ ਦ ਕ੍ਰਿਕਟ ਗੁਰੂਕੁਲ ਫਰੀਦਾਬਾਦ ਦੇ ਬੱਲੇਬਾਜ਼ ਮੇਜ਼ਬਾਨ ਟੀਮ ਦੀ ਸ਼ਾਨਦਾਰ ਗੇਂਦਬਾਜ਼ੀ ਅੱਗੇ ਕਿਤੇ ਨਹੀਂ ਟਿਕ ਸਕੇ ਅਤੇ ਤੈਅ ਓਵਰਾਂ ਤੋਂ 4 ਗੇਂਦਾਂ ਪਹਿਲਾਂ ਹੀ ਭਾਵ 39.2 ਓਵਰਾਂ ‘ਚ 128 ਦੌੜਾਂ ‘ਤੇ ਢੇਰ ਹੋ ਗਈ ।

ਆਇਰਨ ਤ੍ਰਿਪਾਠੀ ਨੇ ਸਭ ਤੋਂ ਜ਼ਿਆਦਾ 48 ਅਤੇ ਵਿਵੇਕ ਸਰਕਾਰ ਨੇ 36 ਦੌੜਾਂ ਦਾ ਯੋਗਦਾਨ ਦਿੱਤਾ ਸ਼ਾਹ ਸਤਿਨਾਮ ਜੀ ਕ੍ਰਿਕਟ ਅਕਾਦਮੀ ਵੱਲੋਂ ਪ੍ਰਸ਼ਾਂਤ ਨੇ ਸ਼ਾਨਦਾਰ ਗੇਂਦਬਾਜ਼ੀ ਕਰਦਿਆਂ 8 ਓਵਰਾਂ ‘ਚ 22 ਦੌੜਾਂ ਦੇ ਕੇ 4 ਵਿਕਟਾਂ ਹਾਸਲ ਕੀਤੀਆਂ ਜਦੋਂਕਿ ਸੰਜੀਵ ਨੇ 6.2 ਓਵਰਾਂ ‘ਚ 14 ਦੌੜਾਂ ਦੇ 3 ਵਿਕਟਾਂ ਹਾਸਲ ਕੀਤੀਆਂ ਇਸ ਤਰ੍ਹਾਂ ਸੈਮੀਫਾਈਨਲ ਮੇਜ਼ਬਾਨ ਟੀਮ ਨੇ 59 ਦੌੜਾਂ ਨਾਲ ਜਿੱਤ ਲਿਆ ਟੂਰਨਾਮੈਂਟ ਦਾ ਫਾਈਨਲ ਮੁਕਾਬਲਾ 7 ਜਨਵਰੀ ਨੂੰ ਖੇਡਿਆ ਜਾਵੇਗਾ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਟੈਸਟ ਲੜੀ: ਲਾਬੁਸ਼ਾਨੇ ਦਾ ਦੂਹਰਾ ਸੈਂਕੜਾ, ਅਸਟਰੇਲੀਆ ਮਜ਼ਬੂਤ

ਅਸਟਰੇਲੀਆ ਨੇ ਨਿਊਜ਼ੀਲੈਂਡ ਖਿਲਾਫ਼ ਪਹਿਲੀ ਪਾਰੀ ‘ਚ ਬਣਾਈਆਂ 484 ਦੌੜਾਂ, ਨਿਊਜ਼ੀਲੈਂਡ ਬਿਨਾ ਨੁਕਸਾਨ ਦੇ 63 ਦੌੜਾਂ

ਏਜੰਸੀ/ਸਿਡਨੀ। ਅਸਟਰੇਲੀਆ(Australia ) ਦੀ ਨਵੀਂ ਸਨਸਨੀ ਮਾਰਨਸ਼ ਲਾਬੁਸ਼ਾਨੇ ਨੇ ਆਪਣੇ 215 ਦੌੜਾਂ ਦੇ ਦੂਹਰੇ ਸੈਂਕੜੇ ਦੀ ਬਦੌਲਤ ਕਈ ਦਿੱਗਜ਼ ਬੱਲੇਬਾਜ਼ਾਂ ਨੂੰ ਪਿੱਛੇ ਛੱਡਦਿਆਂ ਨਿਊਜ਼ੀਲੈਂਡ ਖਿਲਾਫ ਤੀਜੇ ਟੈਸਟ ਦੇ ਦੂਜੇ ਦਿਨ ਸ਼ਨਿੱਚਰਵਾਰ ਨੂੰ ਟੀਮ ਨੂੰ ਪਹਿਲੀ ਪਾਰੀ ‘ਚ 454 ਦੌੜਾਂ ਦੇ ਵਿਸ਼ਾਲ ਸਕੋਰ ਨਾਲ ਮਜ਼ਬੂਤ ਸਥਿਤੀ ‘ਚ ਪਹੁੰਚਾ ਦਿੱਤਾ। Test Series 

ਮਹਾਨ ਬੱਲੇਬਾਜ਼ ਡਾਨ ਬ੍ਰੈਡਮੈਨ, ਸਟੀਵਨ ਸਮਿੱਥ ਅਤੇ ਨੀਲ ਹਾਰਵੀ ਦੇ ਰਿਕਾਰਡ ਨੂੰ ਤੋੜਦਿਆਂ ਲਾਬੁਸ਼ਾਨੇ ਨੇ ਸਿਡਨੀ ਕ੍ਰਿਕਟ ਗਰਾਊਂਡ ‘ਤੇ ਟੈਸਟ ਦੇ ਦੂਜੇ ਦਿਨ ਆਪਣੀ 215 ਦੌੜਾਂ ਦੀ ਦੂਹਰੀ ਸੈਂਕੜੇ ਵਾਲੀ ਪਾਰੀ ਖੇਡੀ ਜੋ ਉਨ੍ਹਾਂ ਦੀ ਟੈਸਟ ‘ਚ ਸਰਵਸ੍ਰੇਸ਼ਠ ਪਾਰੀ ਵੀ ਹੈ ਉਨ੍ਹਾਂ ਦੇ ਇਸ ਦੇ ਨਾਲ ਘਰੇਲੂ ਟੈਸਟ ਸੈਸ਼ਨ ਦੇ ਪੰਜ ਮੈਚਾਂ ‘ਚ 837 ਦੌੜਾਂ ਹੋ ਗਈਆਂ ਹਨ ਜੋ ਪਿਛਲੇ 60 ਸਾਲਾਂ ਤੋਂ ਵੀ ਜ਼ਿਆਦਾ ਸਮੇਂ ‘ਚ ਕਿਸੇ ਵੀ ਅਸਟਰੇਲੀਆਈ(Australia )  ਕ੍ਰਿਕਟਰ ਦਾ ਸਰਵਸ੍ਰੇਸ਼ਟ ਪ੍ਰਦਰਸ਼ਨ ਹੈ ਉਨ੍ਹਾਂ ਦੇ ਪਹਿਲਾਂ ਹਾਰਵੀ ਦੇ ਇੰਨੇ ਹੀ ਮੈਚਾਂ ‘ਚ 834 ਦੌੜਾਂ ਸਨ।

ਜਿਸ ਰਿਕਾਰਡ ਨੂੰ ਹੁਣ 25 ਸਾਲ ਦੇ ਲਾਬੁਸ਼ਾਨੇ ਨੇ ਤੋੜ ਦਿੱਤਾ ਹੈ 14ਵੇਂ ਟੈਸਟ ‘ਚ ਇਹ ਲਾਬੁਸ਼ਾਨੇ ਦਾ ਚੌਥਾ ਸੈਂਕੜਾ ਹੈ ਉਨ੍ਹਾਂ ਨੇ ਨਵੰਬਰ ‘ਚ ਪਾਕਿਸਤਾਨ ਖਿਲਾਫ 185 ਦੌੜਾਂ ਦੀ ਆਪਣੀ ਪਿਛਲੀ ਸਰਵਸ੍ਰੇਸ਼ਟ ਪਾਰੀ ਨੂੰ ਵੀ ਪਿੱਛੇ ਛੱਡ ਦਿੱਤਾ ਹੈ ਨੌਜਵਾਨ ਬੱਲੇਬਾਜ਼ ਨੇ 363 ਗੇਂਦਾਂ ‘ਚ 19 ਚੌਕਿਆਂ ਅਤੇ ਇੱਕ ਛੱਕਾ ਲਾ ਕੇ ਆਪਣੀ 215 ਦੌੜਾਂ ਦੀ ਪਹਿਲੀ ਦੂਹਰੀ ਸੈਂਕੜੇ ਵਾਲੀ ਪਾਰੀ ਖੇਡੀ ਉਹ ਅਸਟਰੇਲੀਆ ਨੂੰ 400 ਦੌੜਾਂ ਪਾਰ ਕਰਵਾ ਕੇ ਟਾਡ ਐਸਲੇ ਦੀ ਗੇਂਦ ‘ਤੇ ਸੱਤਵੇਂ ਬੱਲੇਬਾਜ਼ ਦੇ ਰੂਪ ‘ਚ ਉਨ੍ਹਾਂ ਹੱਥੋਂ ਲਪਕੇ ਗਏ ।Test Series

ਅਸਟਰੇਲੀਆ ਨੂੰ ਗੇਂਦਬਾਜ਼ੀ ‘ਤੇ ਵਿਕਟਾਂ ਮਿਲੀਆਂ

ਅਸਟਰੇਲੀਆ ਵੱਲੋਂ ਓਪਨਰ ਡੇਵਿਡ ਵਾਰਨਰ ਨੇ 45 ਅਤੇ ਸਟੀਵਨ ਸਮਿੱਥ 63 ਦੌੜਾਂ ਬਣਾ ਕੇ ਹੋਰ ਵੱਡੇ ਸਕੋਰਰ ਰਹੇ ਸਵੇਰ ਦੇ ਸੈਸ਼ਨ ‘ਚ ਮੈਥਿਊ ਵੇਡ ਅਤੇ ਟ੍ਰੇਵਿਸ ਹੇਡ ਆਪਣੀਆਂ ਗਲਤੀਆਂ ਕਾਰਨ ਸਮਰਵਿਲ ਅਤੇ ਹੇਨਰੀ ਦਾ ਸ਼ਿਕਾਰ ਬਣੇ ਪਰ ਲਾਬੁਸ਼ੇਨ ਇੱਕ ਪਾਸਾ ਸੰਭਾਲ ਕੇ ਦੌੜਾਂ ਬਣਾਉਂਦੇ ਰਹੇ ਅਤੇ ਮੇਜ਼ਬਾਨ ਟੀਮ ਲੰਚ ਤੋਂ ਪਹਿਲਾਂ ਸਿਰਫ 71 ਦੌੜਾਂ ਹੀ ਜੋੜ ਸਕੀ ਉਨ੍ਹਾਂ ਨੇ ਫਿਰ ਕਪਤਾਨ ਟਿਮ ਪੇਨ ਨਾਲ ਛੇਵੀਂ ਵਿਕਟ ਲਈ 79 ਦੌੜਾਂ ਦੀ ਉਪਯੋਗੀ ਸਾਂਝੇਦਾਰੀ ਕੀਤੀ ਪੇਨ ਨੇ 35 ਦੌੜਾਂ ਬਣਾਈਆਂ ਮੇਜ਼ਬਾਨ ਟੀਮ ਨੇ 150.1 ਓਵਰਾਂ ‘ਚ 454 ਦੌੜਾਂ ਬਣਾਈਆਂ ਨਿਊਜ਼ੀਲੈਂਡ ਵੱਲੋਂ ਕਾਲਿਨ ਡੀ ਗ੍ਰੈਂਡਹੋਮੇ ਨੇ 78 ਦੌੜਾਂ ਦੇ ਕੇ ਤਿੰਨ ਅਤੇ ਨੀਲ ਵੈਗਨਰ ਨੇ 66 ਦੌੜਾਂ ‘ਤੇ ਤਿੰਨ ਵਿਕਟਾਂ ਹਾਸਲ ਕੀਤੀਆਂ ਐਸਲੇ ਨੂੰ 111 ਦੌੜਾਂ ਦੀ ਮਹਿੰਗੀ ਗੇਂਦਬਾਜ਼ੀ ‘ਤੇ ਦੋ ਵਿਕਟਾਂ ਮਿਲੀਆਂ।

ਜਦੋਂਕਿ ਮੈਟ ਹੈਨਰੀ ਅਤੇ ਵਿਲੀਅਮ ਸਮਰਵਿਲੇ ਨੇ ਇੱਕ-ਇੱਕ ਵਿਕਟ ਹਾਸਲ ਕੀਤੀ ਨਿਊਜ਼ੀਲੈਂਡ ਨੇ ਦਿਨ ਦੀ ਸਮਾਪਤੀ ਤੱਕ ਆਪਣੀ ਪਹਿਲੀ ਪਾਰੀ ‘ਚ 29 ਓਵਰਾਂ ‘ਚ ਬਿਨਾ ਕਿਸੇ ਵਿਕਟ ਦੇ ਨੁਕਸਾਨ ‘ਤੇ 63 ਦੌੜਾਂ ਬਣਾ ਲਈਆਂ ਹਨ ਓਪਨਿੰਗ ਜੋੜੀ ਕਪਤਾਨ ਟਾਮ ਲਾਥਮ 26 ਦੌੜਾਂ ਅਤੇ ਟਾਮ ਬੰਲੇਡਲ 34 ਦੌੜਾਂ ਬਣਾ ਕੇ ਕ੍ਰੀਜ ‘ਤੇ ਨਾਬਾਦ ਹਨ ਕੀਵੀ ਟੀਮ ਹੁਣ ਵੀ ਅਸਟਰੇਲੀਆ ਤੋਂ 391 ਦੌੜਾਂ ਪਿੱਛੇ ਹੈ

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਟੀ-20: ਭਾਰਤ-ਸ੍ਰੀਲੰਕਾ ਵਿਚਾਲੇ ਮੁਕਾਬਲਾ ਅੱਜ

ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਦੀ ਵਾਪਸੀ, ਵਿਸ਼ਵ ਕੱਪ ਤੋਂ ਪਹਿਲਾਂ ਨੌਜਵਾਨਾਂ ‘ਤੇ ਨਜ਼ਰ

ਏਜੰਸੀ/ਗੁਹਾਟੀ। ਭਾਰਤੀ ਕ੍ਰਿਕਟ ਟੀਮ ਆਪਣੇ ਨਵੇਂ ਸਾਲ ਦੀ ਮੁਹਿੰਮ ਦੀ ਸ਼ੁਰੂਆਤ ਸ੍ਰੀਲੰਕਾ ਖਿਲਾਫ ਕਰਨ ਜਾ ਰਹੀ ਹੈ ਅਤੇ ਐਤਵਾਰ ਨੂੰ ਗੁਹਾਟੀ ‘ਚ ਲੜੀ ਦੇ ਪਹਿਲੇ ਟੀ-20 ਮੁਕਾਬਲੇ ‘ਚ ਉੱਤਰੇਗੀ ਜਿੱਥੇ ਉਸ ਦੀਆਂ ਨਜ਼ਰਾਂ ਆਗਾਮੀ ਵਿਸ਼ਵ ਕੱਪ ਤੋਂ ਪਹਿਲਾਂ ਆਪਣੀ ਨੌਜਵਾਨ ਬ੍ਰਿਗੇਡ ਦੇ ਪ੍ਰਦਰਸ਼ਨ ‘ਤੇ ਲੱਗੀਆਂ ਹੋਣਗੀਆਂ ਵਿਰਾਟ ਕੋਹਲੀ ਦੀ ਕਪਤਾਨੀ ਵਾਲੀ ਭਾਰਤੀ ਕ੍ਰਿਕਟ ਟੀਮ ਨੂੰ ਇਸ ਸਾਲ ਅਸਟਰੇਲੀਆ ‘ਚ ਹੋਣ ਵਾਲੇ ਆਈਸੀਸੀ ਟੀ-20 ਵਿਸ਼ਵ ਕੱਪ ‘ਚ ਖਿਤਾਬ ਦਾ ਮਜ਼ਬੂਤ ਦਾਅਵੇਦਾਰ ਮੰਨਿਆ ਜਾ ਰਿਹਾ ਹੈ। ਪਰ ਉਸ ਤੋਂ ਪਹਿਲਾਂ ਟੀਮ ਲਈ ਆਪਣੇ ਸਰਵਸ੍ਰੇਸ਼ਠ ਸੰਯੋਜਨ ਨੂੰ ਭਾਲਣਾ ਵੱਡੀ ਚੁਣੌਤੀ ਹੈ ਭਾਰਤ ਨੇ ਹਾਲ ਹੀ ‘ਚ ਆਪਣੇ ਮੈਦਾਨ ‘ਤੇ ਬੰਗਲਾਦੇਸ਼ ਅਤੇ ਵੈਸਟਇੰਡੀਜ਼ ਤੋਂ ਟੀ-20 ਲੜੀ ‘ਚ ਕਾਫੀ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪਿਆ ਹੈ ਅਤੇ ਦੋਵਾਂ ਹੀ ਲੜੀ ਉਹ 2-1 ਦੇ ਫਰਕ ਨਾਲ ਜਿੱਤਣ ‘ਚ ਸਫਲ ਰਿਹਾ।T20

ਹਾਲਾਂਕਿ ਭਾਰਤੀ ਟੀਮ ਨੂੰ ਇਨ੍ਹਾਂ ਦੋਵਾਂ ਹੀ ਲੜੀਆਂ ‘ਚ ਫਿਲਡਿੰਗ, ਗੇਂਦਬਾਜ਼ੀ ਅਤੇ ਬੱਲੇਬਾਜ਼ੀ ਸਾਰੇ ਵਿਭਾਗਾਂ ‘ਚ ਵਿਰੋਧੀਆਂ ਤੋਂ ਸਖ਼ਤ ਚੁਣੌਤੀ ਦਾ ਸਾਹਮਣਾ ਪਿਆ ਜੋ ਉਸ ਲਈ ਵੱਡਾ ਸਬਕ ਸਾਬਤ ਹੋਇਆ ਹੈ ਹੁਣ ਵੇਖਣਾ ਹੋਵੇਗਾ ਕਿ ਸ੍ਰੀਲੰਕਾ ਖਿਲਾਫ ਟੀਮ ਇੰਡੀਆ ਦੇ ਖਿਡਾਰੀ ਕਿਨ੍ਹਾਂ ਵਿਭਾਗਾਂ ‘ਚ ਕਿੰਨੇ ਸੁਧਾਰ ਨਾਲ ਉੱਤਰਦੇ ਹਨ ਮੌਜ਼ੂਦਾ ਲੜੀ ‘ਚ ਸਟਾਰ ਓਪਨਰ ਰੋਹਿਤ ਸ਼ਰਮਾ ਨੂੰ ਆਰਾਮ ਦਿੱਤਾ ਗਿਆ ਹੈ ਪਰ ਟੀਮ ੇਦੇ ਪ੍ਰਤਿਭਾਸ਼ਾਲੀ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਦੀ ਵਾਪਸੀ ਅਹਿਮ ਮੰਨੀ ਜਾ ਰਹੀ ਹੈ ।

 ਭਾਰਤ ਦਾ ਗੇਂਦਬਾਜ਼ੀ ਵਿਭਾਗ ਕਿਸੇ ਵੀ ਵਿਰੋਧੀ ਲਈ ਚੁਣੌਤੀਪੂਰਨ ਹੋਵੇਗਾ

ਉੱਥੇ ਨਵਦੀਪ ਸੈਣੀ ਅਤੇ ਸ਼ਾਰਦੁਲ ਠਾਕੁਰ ਕੋਲ ਖੁਦ ਨੂੰ ਸਾਬਤ ਕਰਨ ਲਈ ਟੀਮ ਨਾਲ ਜ਼ਿਆਦਾ ਸਮਾਂ ਹੇਵੇਗਾ ਟੀਮ ਕੋਲ ਲੈਫਟ ਆਰਮ ਸਪਿੱਨਰ ਰਵਿੰਦਰ ਜਡੇਜਾ  ਅਤੇ ਚਾਈਨਾਮੈਨ ਗੇਂਦਬਾਜ਼ ਕੁਲਦੀਪ ਯਾਦਵ ਅਤੇ ਯੁਜਵੇਂਦਰ ਚਹਿਲ ਜਿਹੇ ਚੰਗੇ ਸਪਿੱਨ ਗੇਂਦਬਾਜ਼ ਹਨ ਜਿਸ ਕਾਰਨ ਭਾਰਤ ਦਾ ਗੇਂਦਬਾਜ਼ੀ ਵਿਭਾਗ ਕਿਸੇ ਵੀ ਵਿਰੋਧੀ ਲਈ ਚੁਣੌਤੀਪੂਰਨ ਹੋਵੇਗਾ। ਦੂਜੇ ਪਾਸੇ ਸ੍ਰੀਲੰਕਾ ਟੀਮ ਨੇ ਆਪਣੀ 16 ਮੈਂਬਰੀ ਟੀਮ ‘ਚ ਸਾਬਕਾ ਕਪਤਾਨ ਐਂਜਲੋ ਮੈਥਿਊਜ਼ ਨੂੰ ਵਾਪਸ ਸੱਦਿਆ ਹੈ। ਜੋ 16 ਮਹੀਨਿਆਂ ਬਾਅਦ ਵਾਪਸੀ ਕਰ ਰਹੇ ਹਨ ਟੀਮ ਕੋਲ ਭਾਨੁਕਾ ਰਾਜਾਪਕਸ਼ਾ, ਅਵਿਕਸ਼ਾ ਫਰਨਾਂਡੋ ਦੇ ਰੂਪ ‘ਚ ਵਧੀਆ ਨੌਜਵਾਨ ਖਿਡਾਰੀ ਹਨ ਸ੍ਰੀਲੰਕਾਈ ਕਪਤਾਨ ਲਸਿਥ ਮਲਿੰਗਾ ਦੀ ਟੀਮ ‘ਚ ਅਵਿਸ਼ਕਾ ਅਤੇ ਦਾਨੁਸ਼ਕਾ ਗੁਣਾਤਿਲਕਾ ਓਪਨਿੰਗ ਦੇ ਮਜ਼ਬੂਤ ਖਿਡਾਰੀ ਹਨ ਜਦੋਂਕਿ ਤਜ਼ਰਬੇਕਾਰ ਮੈਥਿਊਜ਼ ਦੀ ਵਾਪਸੀ ਨਾਲ ਵੀ ਭਾਰਤ ਨੂੰ ਚੌਕਸ ਰਹਿਣਾ ਪਵੇਗਾ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।

ਅਸਟਰੇਲੀਆ ਨੇ ਤੀਜੇ ਟੈਸਟ ਦੇ ਪਹਿਲੇ ਦਿਨ ਤਿੰਨ ਵਿਕਟਾਂ ‘ਤੇ ਬਣਾਈਆਂ 283 ਦੌੜਾਂ

ਏਜੰਸੀ /ਸਿਡਨੀ। ਅਸਟਰੇਲੀਆ ਨੇ ਨਿਊਜ਼ੀਲੈਂਡ ਖਿਲਾਫ ਤਿੰਨ ਟੈਸਟ ਮੈਚਾਂ ਦੀ ਲੜੀ(Test Series) ਦੇ ਆਖਰੀ ਮੁਕਾਬਲੇ ਦੇ ਪਹਿਲੇ ਦਿਨ 3 ਵਿਕਟਾਂ ‘ਤੇ 283 ਦੌੜਾਂ ਬਣਾ ਲਈਆਂ ਸਿਡਨੀ ਕ੍ਰਿਕਟ ਗਰਾਊਂਡ ‘ਤੇ ਸ਼ੁੱਕਰਵਾਰ ਅਸਟਰੇਲੀਆ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਦਾ ਫੈਸਲਾ ਕੀਤਾ ਉਸ ਲਈ ਮਾਰਨਸ਼ ਲਾਬੁਸ਼ਾਨੇ ਨੇ ਨਾਬਾਦ 130 ਦੌੜਾਂ ਅਤੇ ਸਟੀਵਨ ਸਮਿੱਥ ਨੇ 63 ਦੌੜਾਂ ਦੀ ਪਾਰੀ ਖੇਡੀ ਦੋਵਾਂ ਨੇ ਤੀਜੀ ਵਿਕਟ ਲਈ 156 ਦੌੜਾਂ ਦੀ ਸਾਂਝੇਦਾਰੀ ਕੀਤੀ ਨਿਊਜ਼ੀਲੈਂਡ ਲਈ ਕਾਲਿਨ ਡੀ ਗ੍ਰੈਂਡਹੋਮੇ ਨੇ ਦੋ ਅਤੇ ਨੀਲ ਵੈਗਨਰ ਨੇ ਇੱਕ ਵਿਕਟ ਹਾਸਲ ਕੀਤੀ।

ਲਾਬੁਸ਼ਾਨੇ ਨੇ ਪਿਛਲੀਆਂ 7 ਪਾਰੀਆਂ ‘ਚ ਚੌਥਾ ਸੈਂਕੜਾ ਲਾਇਆ ਹੈ ਉਨ੍ਹਾਂ ਨੇ ਪਾਕਿਸਤਾਨ ਖਿਲਾਫ ਬ੍ਰਿਸਬੇਨ ‘ਚ 185, ਐਡੀਲੇਡ ‘ਚ 162 ਅਤੇ ਨਿਊਜ਼ੀਲੈਂਡ ਖਿਲਾਫ ਪਰਥ ‘ਚ 143 ਅਤੇ 50 ਦੌੜਾਂ ਦੀ ਪਾਰੀ ਖੇਡੀ ਸੀ ਇਸ ਤੋਂ ਬਾਅਦ ਮੈਲਬੌਰਨ ‘ਚ 63 ਤੇ 19 ਦੌੜਾਂ ਬਣਾਈਆਂ ਲਾਬੁਸ਼ਾਨੇ ਨੇ ਇਸ ਸਾਲ 64.94 ਦੀ ਔਸਤ ਨਾਲ 1104 ਦੌੜਾਂ ਬਣਾਈਆਂ ਇਹ ਲਾਬੁਸ਼ਾਨੇ ਦੇ ਕਰੀਅਰ ਦਾ 14ਵਾਂ ਟੈਸਟ ਹੈ ਇਸ ਤੋਂ ਪਹਿਲਾਂ ਅਸਟਰੇਲੀਆ ਦੀ ਸ਼ੁਰੂਆਤ ਚੰਗੀ ਨਹੀਂ ਰਹੀ ਜੋ ਬਰਨਜ਼ 18 ਦੌੜਾਂ ਬਣਾ ਕੇ ਪਵੇਲੀਅਨ ਪਰਤ ਗਏ।

ਕੋਲਿਨ ਡੀ ਗ੍ਰੈਂਡਹੋਮੇ ਦੀ ਗੇਂਦ ‘ਤੇ ਰਾਸ ਟੇਲਰ ਨੇ ਉਨ੍ਹਾਂ ਦਾ ਕੈਚ ਫੜਿਆ ਬਰਨਜ਼ ਤੋਂ ਬਾਅਦ ਡੇਵਿਡ ਵਾਰਨਰ ਵੀ ਲੰਮੀ ਪਾਰੀ ਨਹੀਂ ਖੇਡ ਸਕੇ ਵਾਰਨਰ 28ਵੇਂ ਓਵਰ ‘ਚ 45 ਦੌੜਾਂ ਬਣਾ ਕੇ ਨੀਲ ਵੈਗਨਰ ਦੀ ਗੇਂਦ ‘ਤੇ ਗ੍ਰੈਂਡਹੋਮੇ ਨੂੰ ਕੈਚ ਫੜਾ ਬੈਠੇ ਸਮਿੱਥ ਨੂੰ ਗ੍ਰੈਂਡਹੋਮੇ ਨੇ ਟੇਲਰ ਹੱਥੋਂ ਕੈਚ ਕਰਵਾਇਆ ਵੈਗਨਰ ਨੇ ਇਸ ਲੜੀ ‘ਚ ਚੌਥੀ ਵਾਰ ਵਾਰਨਰ ਨੂੰ ਆਊਟ ਕੀਤਾ ਵਾਰਨਰ ਇਸ ਲੜੀ ‘ਚ ਇੱਕ ਵੀ ਅਰਧ ਸੈਂਕੜਾ ਨਹੀਂ ਬਣੇ ਸਕੇ ਹਨ।

ਸਮਿੱਥ ਨੇ 39ਵੀਂ ਗੇਂਦ ‘ਚ ਖੋਲ੍ਹਿਆ ਖਾਤਾ

ਸਿਡਨੀ ਅਸਟਰੇਲੀਆ ਦੇ ਸਟਾਰ ਬੱਲੇਬਾਜ਼ ਸਟੀਵਨ ਸਮਿੱਥ ਨੇ ਨਿਊਜ਼ੀਲੈਂਡ ਖਿਲਾਫ ਵੀਰਵਾਰ ਤੋਂ ਸ਼ੁਰੂ ਹੋਏ ਟੈਸਟ ‘ਚ ਕਰੀਅਰ ਦੀ ਸਭ ਤੋਂ ਹੌਲੀ ਸ਼ੁਰੂਆਤ ਕੀਤੀ ਸਿਡਨੀ ‘ਚ ਖੇਡੇ ਜਾ ਰਹੇ ਤੀਜੇ ਟੈਸਟ ਦੀ ਪਹਿਲੀ ਪਾਰੀ ‘ਚ ਉਨ੍ਹਾਂ ਨੇ 39ਵੀਂ ਗੇਂਦ ‘ਤੇ ਖਾਤਾ ਖੋਲ੍ਹਿਆ ਸਮਿੱਥ ਦੇ ਖਾਤਾ ਖੋਲ੍ਹਣ ‘ਤੇ ਸਿਡਨੀ ਕ੍ਰਿਕਟ ਗਰਾਊਂਡ ‘ਚ ਬੈਠੇ ਦਰਸ਼ਕਾਂ ਨੇ ਖੜ੍ਹੇ ਹੋ ਕੇ ਤਾੜੀਆਂ ਵਜਾਈਆਂ ਇਸ ‘ਤੇ ਸਮਿੱਥ ਹੱਸਣ ਲੱਗੇ ਅਤੇ ਹੱਥ ਚੁੱਕ ਕੇ ਸਭ ਦਾ ਧੰਨਵਾਦ ਕੀਤਾ।

Punjabi News ਨਾਲ ਜੁੜੇ ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter ‘ਤੇ ਫਾਲੋ ਕਰੋ।