ਇੰਸਟੀਚਿਊਟ ਆਫ਼ ਇੰਜੀਨੀਅਰਜ਼ (ਇੰਡੀਆ) ਵੱਲੋਂ ਕੀਤਾ ਗਿਆ ਸਨਮਾਨਿਤ
ਲੌਂਗੋਵਾਲ, (ਹਰਪਾਲ)। ਸੰਤ ਲੌਂਗੋਵਾਲ ਇੰਸਟੀਚਿਊਟ ਆਫ ਇੰਜੀਨੀਅਰਿੰਗ ਐਂਡ ਟੈਕਨਾਲੋਜੀ, ਲੌਂਗੋਵਾਲ ਨੂੰ ਇੰਸਟੀਚਿਊਟ ਆਫ਼ ਇੰਜੀਨੀਅਰਜ਼ (ਇੰਡੀਆ) ਵੱਲੋਂ ਰਾਸ਼ਟਰੀ ਪੱਧਰ ਦਾ ਵੱਕਾਰੀ ਅਜੂਕੇਸ਼ਨ ਐਕਸੀਲੈਂਸ ਐਵਾਰਡ 2022 ਲਈ ‘ਪ੍ਰਸ਼ੰਸਾ ਪੱਤਰ ਨਾਲ ਸਨਮਾਨਿਤ ਕੀਤਾ ਗਿਆ। ਇਹ ਪੁਰਸਕਾਰ ਇੰਸਟੀਚਿਊਟ ਆਫ਼ ਇੰਜੀਨੀਅਰਜ਼ (ਇੰਡੀਆ) ਦੁਆਰਾ ਅੱਜ 2022 ਨੂੰ ਚੇਨਈ ਵਿਖੇ, 37ਵੀਂ ਇੰਡੀਅਨ ਇੰਜੀਨੀਅਰਿੰਗ ਕਾਂਗਰਸ ਸਮਾਰੋਹ ਦੌਰਾਨ ਦਿੱਤਾ ਗਿਆ । (Sant Longowal Institute)
ਇੰਸਟੀਚਿਊਟ ਆਫ਼ ਇੰਜੀਨੀਅਰਜ਼ (ਇੰਡੀਆ) ਭਾਰਤ ਵਿੱਚ ਸਭ ਤੋਂ ਵੱਡੀ ਬਹੁ-ਅਨੁਸ਼ਾਸਨੀ ਪੇਸ਼ੇਵਰ ਸੰਸਥਾ ਹੈ ਜੋ ਇੰਜੀਨੀਅਰਾਂ ਦੇ ਪੇਸ਼ੇਵਰ ਹਿੱਤਾਂ ਨੂੰ ਸਾਂਝਾ ਕਰਨ ਲਈ ਇੱਕ ਗਲੋਬਲ ਪਲੇਟਫਾਰਮ ਪ੍ਰਦਾਨ ਕਰਦੀ ਹੈ। “ਇੱਕ ਟਿਕਾਊ ਅਤੇ ਸਵੈ-ਨਿਰਭਰ ਭਾਰਤ ਬਣਾਉਣ ਲਈ ਇੰਜੀਨੀਅਰਾਂ ਦੀ ਭੂਮਿਕਾ” ਇਸ ਸਾਲ ਦੀ ਕਾਂਗਰਸ ਦਾ ਵਿਸ਼ਾ ਸੀ। 2021 ਵਿੱਚ ਸਾਰੇ ਬੀਈ ਪ੍ਰੋਗਰਾਮਾਂ ਦੀ ਐਨਬੀਏ ਮਾਨਤਾ ਪ੍ਰਾਪਤ ਕਰਨ ਤੋਂ ਬਾਅਦ, ਹੁਣ ਉੱਤਰੀ ਖੇਤਰ ਵਿੱਚ ਉੱਤਮ ਸੰਸਥਾ ਐਵਾਰਡ (ਇੰਜੀਨੀਅਰਿੰਗ ਕਾਲਜ ਸ਼੍ਰੇਣੀ) ਨਾਲ ਸਲਾਈਟ ਇਕ ਹੋਰ ਨਵੀਂ ਪੁਲਾਂਘ ਵੱਲ ਕਦਮ ਵਧਾਇਆ ਹੈ ।
ਸਲਾਈਟ ਦਾ ਇੰਜੀਨੀਅਰਿੰਗ ਸਿੱਖਿਆ ਦੇ ਖੇਤਰ ਵਿੱਚ ਸ਼ਲਾਘਾਯੋਗ ਪ੍ਰਦਰਸ਼ਨ
ਸਲਾਈਟ ਨੂੰ ਇੰਜੀਨੀਅਰਿੰਗ ਸਿੱਖਿਆ ਦੇ ਖੇਤਰ ਵਿੱਚ ਸ਼ਲਾਘਾਯੋਗ ਪ੍ਰਦਰਸ਼ਨ ਕਰਨ ਲਈ ਇਹ ਰਾਸ਼ਟਰੀ ਪੱਧਰ ਦੀ ਮਾਨਤਾ ਪ੍ਰਾਪਤ ਹੋਈ। ਸਲਾਈਟ ਭਾਰਤ ਸਰਕਾਰ ਦੁਆਰਾ 1989 ਵਿੱਚ ਸਥਾਪਿਤ ਕੀਤੀ ਗਈ ਸੰਸਥਾਂ, ਸਿੱਖਿਆ ਦੇ ਆਪਣੇ ਬਹੁ-ਪ੍ਰਵੇਸ਼, ਬਹੁ-ਐਗਜ਼ਿਟ ਮਾਡਿਊਲਰ ਪੈਟਰਨ ਦੁਆਰਾ ਤਕਨੀਕੀ ਸਿੱਖਿਆ ਪ੍ਰਦਾਨ ਕਰ ਰਹੀ ਹੈ, ਜੋ ਕਿ ਰਾਸ਼ਟਰੀ ਸਿੱਖਿਆ ਨੀਤੀ ਐਨ.ਈ.ਪੀ. 2020 ਦੇ ਅਨੁਸਾਰ ਹੈ। ਪਿਛਲੇ 33 ਸਾਲਾਂ ਤੋਂ, ਸਲਾਈਟ ਨੇ ਵਿਦਿਅਕ ਲੋੜਾਂ ਨੂੰ ਪੂਰਾ ਕੀਤਾ ਹੈ। (Sant Longowal Institute)
ਦੇਸ਼ ਭਰ ਦੇ ਲਗਭਗ 25000 ਵਿਦਿਆਰਥੀ, ਖਾਸ ਤੌਰ ‘ਤੇ ਪੇਂਡੂ ਅਤੇ ਵਿੱਤੀ ਤੌਰ ‘ਤੇ ਨਿਮਰ ਪਿਛੋਕੜ ਵਾਲੇ ਵਿਦਿਆਰਥੀਆਂ ਦਾ ਧਿਆਨ ਰੱਖ ਰਹੀ ਹੈ । ਪ੍ਰੋ: ਸ਼ੈਲੇਂਦਰ ਕੁਮਾਰ ਜੈਨ, ਡਾਇਰੈਕਟਰ ਸਲਾਈਟ ਅਤੇ ਪ੍ਰੋ. ਜੇ.ਐਸ. ਉਭੀ, ਐਸੋਸੀਏਟ ਡੀਨ (ਅਕਾਦਮਿਕ ਯੋਜਨਾ) ਨੇ ਸਮਾਰੋਹ ਵਿੱਚ ਸ਼ਿਰਕਤ ਕੀਤੀ ਅਤੇ ਮਾਣਯੋਗ ਡਾ. ਕੇ, ਪੋਨਮੁਡੀ, ਉਚੇਰੀ ਸਿੱਖਿਆ ਮੰਤਰੀ, ਤਾਮਿਲਨਾਡੂ ਸਰਕਾਰ ਅਤੇ ਪਦਮਭੂਸ਼ਣ ਡਾ. ਏ ਸਿਵਥਾਨੁ ਪਿੱਲੇ, ਸਾਬਕਾ ਪ੍ਰਤਿਸ਼ਠਾਵਾਨ ਪ੍ਰੋਫ਼ੈਸਰ ਇਸ ਤੋਂ ਸਨਮਾਨ ਪ੍ਰਾਪਤ ਕੀਤਾ।
ਪੁਰਸਕਾਰ ਪ੍ਰਾਪਤ ਕਰਦੇ ਹੋਏ ਪ੍ਰੋ; ਜੈਨ ਨੇ ਕਿਹਾ, “ਆਈ.ਈ.ਆਈ. ਤੋਂ ਇਹ ਵੱਕਾਰੀ ਰਾਸ਼ਟਰੀ ਪੁਰਸਕਾਰ ਪ੍ਰਾਪਤ ਕਰਨਾ ਬਹੁਤ ਮਾਣ ਵਾਲੀ ਗੱਲ ਹੈ। ਉਨ੍ਹਾਂ ਨੇ ਇਹ ਪੁਰਸਕਾਰ ਸੰਤ ਹਰਚੰਦ ਸਿੰਘ ਲੌਂਗੋਵਾਲ ਜੀ ਨੂੰ ਸ਼ਰਧਾਂਜਲੀ ਵਜੋਂ ਸਮਰਪਿਤ ਕੀਤਾ, ਜਿਨ੍ਹਾਂ ਨੇ ਮਾਲਵਾ ਖੇਤਰ ਪੰਜਾਬ ਵਿੱਚ ਇਸ ਸੰਸਥਾ ਦੀ ਸਥਾਪਨਾ ਦਾ ਸੁਪਨਾ ਦੇਖਿਆ ਸੀ। ਉਨ੍ਹਾਂ ਨੇ ਇਸ ਪ੍ਰਾਪਤੀ ਲਈ ਸਾਰੇ ਸਲਾਈਟ ਫੈਕਲਟੀ, ਸਟਾਫ ਅਤੇ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੇ ਵਚਨਬੱਧ ਯਤਨਾਂ ਲਈ ਵਧਾਈ ਦਿੱਤੀ ਅਤੇ ਸੰਸਥਾ ਨੂੰ ਹਰ ਤਰ੍ਹਾਂ ਦੇ ਸਹਿਯੋਗ ਲਈ ਸਿੱਖਿਆ ਮੰਤਰਾਲੇ, ਭਾਰਤ ਸਰਕਾਰ ਦਾ ਧੰਨਵਾਦ ਕੀਤਾ।
ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ
