MSG Bhandara: ਪਵਿੱਤਰ ਐੱਮਐੱਸਜੀ ਗੁਰਮੰਤਰ ਭੰਡਾਰੇ ਮਹੀਨੇ ਦੀ ਖੁਸ਼ੀ ’ਚ ਵੱਡੀ ਗਿਣਤੀ ’ਚ ਪਹੁੰਚੀ ਸਾਧ-ਸੰਗਤ

ਬੁੱਧਰ ਵਾਲੀ (ਸੱਚ ਕਹੂੰ ਨਿਊਜ਼)। ਪਵਿੱਤਰ ਐੱਮਐੱਸਜੀ ਗੁਰਮੰਤਰ ਭੰਡਾਰਾ ਮਹੀਨਾ ਐਤਵਾਰ ਨੂੰ ਰਾਜਸਥਾਨ ਦੀ ਸਾਧ-ਸੰਗਤ ਨੇ ਪੂਰੀ ਸ਼ਰਧਾ ਨਾਲ ਮਨਾਇਆ। ਇਸ ਮੌਕੇ ਐੱਮਐੱਸਜੀ ਡੇਰਾ ਸੱਚਾ ਸੌਦਾ ਤੇ ਮਾਨਵਤਾ ਭਲਾਈ ਕੇਂਦਰ ਮੌਜਪੁਰ ਧਾਮ, ਬੂਧਰ ਵਾਲੀ, ਸਾਦੁਲਸ਼ਹਿਰ, ਸ੍ਰੀਗੰਗਾਨਗਰ (ਰਾਜ.) ’ਚ ਪਵਿੱਤਰ ਐੱਮਐੱਸਜੀ ਗੁਰਮੰਤਰ ਮਹੀਨੇ ਦੇ ਭੰਡਾਰੇ ਦਾ ਪ੍ਰੋਗਰਾਮ ਕੀਤਾ ਗਿਆ। ਪਵਿੱਤਰ ਭੰਡਾਰੇ ’ਚ ਰਾਜਸਥਾਨ ਦੀ ਵੱਡੀ ਗਿਣਤੀ ਸਾਧ-ਸੰਗਤ ਨੇ ਸ਼ਿਰਕਤ ਕੀਤੀ। ਜ਼ਿਕਰਯੋਗ ਹੈ ਕਿ ਪੂਜਨੀਕ ਬੇਪਰਵਾਹ ਸਾਈਂ ਸ਼ਾਹ ਮਸਤਾਨਾ ਜੀ ਮਹਾਰਾਜ, ਪੂਜਨੀਕ ਪਰਮ ਪਿਤਾ ਸ਼ਾਹ ਸਤਿਨਾਮ ਸਿੰਘ ਜੀ ਮਹਾਰਾਜ ਅਤੇ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਨੇ ਮਾਰਚ ਮਹੀਨੇ ’ਚ ਗੁਰਮੰਤਰ ਪ੍ਰਾਪਤ ਕੀਤਾ ਸੀ। ਇਸ ਲਈ ਇਸ ਮਹੀਨੇ ਨੂੰ ਡੇਰਾ ਸੱਚਾ ਸੌਦਾ ਦੀ ਸਾਧ-ਸੰਗਤ ਪਵਿੱਤਰ ਐੱਮਐੱਸਜੀ ਗੁਰਮੰਤਰ ਭੰਡਾਰਾ ਮਹੀਨੇ ਵਜੋਂ ਮਨਾਉਂਦੀ ਹੈ।

ਸਵੇਰੇ 9 ਵਜੇ ਪਵਿੱਤਰ ਨਾਅਰੇ ‘ਧੰਨ-ਧੰਨ ਸਤਿਗੁਰੂ ਤੇਰਾ ਹੀ ਆਸਰਾ’ ਦੇ ਨਾਲ ਪਵਿੱਤਰ ਭੰਡਾਰੇ ਦੀ ਸ਼ੁਰੂਆਤ ਹੋਈ। ਇਸ ਮੌਕੇ ਸਾਧ-ਸੰਗਤ ਨੇ ਪਵਿੱਤਰ ਨਾਅਰਾ ਲਾ ਕੇ ਪੂਜਨੀਕ ਗੁਰੂ ਜੀ ਨੂੰ ਪਵਿੱਤਰ ਭੰਡਾਰੇ ਦੀ ਵਧਾਈ ਦਿੱਤੀ। ਇਸ ਤੋਂ ਬਾਅਦ ਕਵੀਰਾਜਾਂ ਨੇ ਵੱਖ-ਵੱਖ ਭਗਤੀਮਈ ਭਜਨਾਂ ਰਾਹੀਂ ਗੁਰੂ ਮਹਿਮਾ ਦਾ ਗੁਣਗਾਨ ਕੀਤਾ। ਸਾਧ-ਸੰਗਤ ਨੇ ਵੱਡੀਆਂ-ਵੱਡੀਆਂ ਸਕਰੀਨਾਂ ਰਾਹੀਂ ਪੂਜਨੀਕ ਗੁਰੂ ਜੀ ਦੇ ਪਵਿੱਤਰ ਅਨਮੋਲ ਬਚਨਾਂ ਨੂੰ ਇੱਕਚਿਤ ਹੋ ਕੇ ਸਰਵਣ ਕੀਤਾ। ਇਸ ਮੌਕੇ ਡੇਰਾ ਸੱਚਾ ਸੌਦਾ ਵੱਲੋਂ ਕੀਤੇ ਜਾ ਰਹੇ ਮਾਨਵਤਾ ਭਲਾਈ ਕਾਰਜਾਂ ’ਚ ‘ਇਨਸਾਨੀਅਤ’ ਮੁਹਿੰਮ ਦੇ ਮਹੱਤਵ ਨੂੰ ਦਰਸਾਉਂਦੀ ਡਾਕਿਊਮੈਂਟ੍ਰੀ ਦਿਖਾਈ ਗਈ, ਜਿਸ ਦੇ ਤਹਿਤ ਸਾਧ-ਸੰਗਤ ਪੂਜਨੀਕ ਗੁਰੂ ਜੀ ਦੇ ਪਵਿੱਤਰ ਬਚਨਾਂ ’ਤੇ ਚੱਲਦਿਆਂ ਮਾਨਸਿਕ ਤੌਰ ’ਤੇ ਪਰੇਸ਼ਾਨ ਤੇ ਮੰਦਬੁਧੀਆਂ ਦੀ ਸਾਂਭ-ਸੰਭਾਲ ਅਤੇ ਇਲਾਜ ਕਰਵਾ ਕੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਕੋਲ ਪਹੁੰਚਾਉਂਦੀ ਹੈ।

MSG Bhandara

ਇਸ ਦੇ ਨਾਲ ਹੀ ਨਸ਼ਿਆਂ ਦੇ ਖਿਲਾਫ਼ ਜਾਗਰੂਕ ਕਰਦੇ ਪੂਜਨੀਕ ਗੁਰੂ ਜੀ ਦੇ ਗੀਤ ‘ਮੇਰੇ ਦੇਸ਼ ਕੀ ਜਵਾਨੀ’ ਅਤੇ ‘ਅਸ਼ੀਰਵਾਦ ਮਾਓਂ ਕਾ’ ਵੀ ਚਲਾਇਆ ਗਿਆ। ਭੰਡਾਰੇ ਦੀ ਸਮਾਪਤੀ ’ਤੇ ਸਾਰੀ ਸਾਧ-ਸੰਗਤ ਨੂੰ ਸੇਵਾਦਾਰਾਂ ਨੇ ਕੁਝ ਹੀ ਮਿੰਟਾਂ ’ਚ ਲੰਗਰ ਛਕਾਇਆ ਅਤੇ ਪ੍ਰਸ਼ਾਦ ਵੰਡ ਦਿੱਤਾ। ਇਸ ਦੌਰਾਨ ਸਾਧ-ਸੰਗਤ ਦੀ ਸਹੂਲਤ ਲਈ ਡੇਰਾ ਸੱਚਾ ਸੌਦਾ ਦੀ ਪ੍ਰਬੰਧਕ ਕਮੇਟੀ ਵੱਲੋਂ ਕੀਤੇ ਗਏ ਪ੍ਰਬੰਧ ਸ਼ਲਾਘਾਯੋਗ ਰਹੇ। ਉੱਥੇ ਹੀ ਪਵਿੱਤਰ ਭੰਡਾਰੇ ’ਚ ਟ੍ਰੈਫਿਕ, ਪੰਡਾਲ, ਪੀਣ ਵਾਲੇ ਪਾਣੀ, ਲੰਗਰ, ਸਫਾਈ ਸਮੇਤ ਵੱਖ-ਵੱਖ ਸੰਮਤੀਆਂ ਦੇ ਸੇਵਾਦਾਰਾਂ ਨੇ ਆਪਣੀਆਂ ਸੇਵਾਵਾਂ ਬਾਖੂਬੀ ਨਿਭਾਈਆਂ।

ਝਲਕੀਆਂ

• ਮੰਦਬੁੱਧੀਆਂ ਦੀ ਸੰਭਾਲ ਕਰਨ ਦਾ ਸੁਨੇਹਾ ਦੇ ਗਈ ਡਾਕਿਊਮੈਂਟਰੀ ‘ਇਨਸਾਨੀਅਤ’
• ਵੱਡੀ ਗਿਣਤੀ ਸੇਵਾਦਾਰਾਂ ਨੇ ਸਾਧ-ਸੰਗਤ ਦੀ ਸਹੂਲਤ ਲਈ ਕੀਤੀ ਸੇਵਾ
• ਗਰਮੀ ਦੇ ਮੱਦੇਨਜ਼ਰ ਲਾਈਆਂ ਗਈਆਂ ਪਾਣੀ ਦੀਆਂ ਛਬੀਲਾਂ
• ਸਾਧ-ਸੰਗਤ ਦੀ ਸਹੂਲਤ ਲਈ ਬਣਾਏ ਗਏ ਵੱਖ-ਵੱਖ ਟ੍ਰੈਫਿਕ ਗਰਾਊਂਡ

ਸਤਿਸੰਗ ’ਚ ਮਿਲਦਾ ਹੈ ਸੱਚ ਦਾ ਸੰਗ : ਪੂਜਨੀਕ ਗੁਰੂ ਜੀ

ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਨੇ ਪਵਿੱਤਰ ਅਨਮੋਲ ਬਚਨਾਂ ’ਚ ਫ਼ਰਮਾਇਆ ਕਿ ਪਰਮ ਪਿਤਾ ਪਰਮਾਤਮਾ ਦੀ ਯਾਦ ’ਚ ਬੈਠਣਾ ਕੋਈ ਆਸਾਨ ਕੰਮ ਨਹੀਂ ਹੁੰਦਾ। ਸਤਿਸੰਗ ਅਜਿਹੀ ਜਗ੍ਹਾ ਹੁੰਦੀ ਹੈ, ਜੇਕਰ ਧਿਆਨ ਲਾਲ ਸੁਣੋ ਤਾਂ ਤੁਹਾਡੇ ਸਾਰੇ ਸਵਾਲਾਂ ਦਾ ਜਵਾਬ ਮਿਲ ਜਾਂਦਾ ਹੈ। ਸਤਿਸੰਗ ਅਜਿਹੀ ਜਗ੍ਹਾ ਹੁੰਦੀ ਹੈ, ਜਿੱਥੇ ਸੱਚ ਦਾ ਸੰਗ ਮਿਲਦਾ ਹੈ।

Read Also : ਸੱਚਖੰਡ ਵਾਸੀ ਮਦਨ ਲਾਲ ਇੰਸਾਂ ਦੀ ਨਮਿੱਤ ਨਾਮ ਚਰਚਾ, ਸਾਧ-ਸੰਗਤ ਨੇ ਦਿੱਤੀ ਸ਼ਰਧਾਂਜਲੀ

ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਕਿ ਅੱਜ ਤਪਦੀ-ਸੜਦੀ ਦੁਨੀਆ ’ਚ, ਇਸ ਘੋਰ ਕਲਿਯੁੱਗ ’ਚ ਸੱਚ ਕਈ ਲੋਕ ਲੱਭ-ਲੱਭ ਕੇ ਬੋਲਦੇ ਹਨ ਅਤੇ ਸੱਚ ਬੋਲਣਾ ਮੁਸ਼ਕਲ ਹੈ। ਇੱਥੇ ਜਿਸ ਸੱਚ ਦੀ ਗੱਲ ਕਰ ਰਹੇ ਹਾਂ ਉਸ ਦੀ ਚਰਚਾ ਕਰਨਾ ਤਾਂ ਬਹੁਤ ਜ਼ਿਆਦਾ ਮੁਸ਼ਕਲ ਹੈ ਅਤੇ ਉਹ ਸੱਚ ਹੈ ਓਮ, ਹਰੀ, ਅੱਲ੍ਹਾ, ਗੌਡ, ਖੁਦਾ, ਰੱਬ, ਵਾਹਿਗੁਰੂ, ਪਰਮਾਤਮਾ। ਹਰ ਚੀਜ਼ ਬਦਲ ਜਾਂਦੀ ਹੈ ਪਰ ਮਾਲਕ ਨਾ ਬਦਲਿਆ ਸੀ, ਨਾ ਬਦਲਿਆ ਹੈ ਅਤੇ ਨਾ ਬਦਲੇਗਾ।

MSG Bhandara

ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਕਿ ਗੱਲ ਕਰਦੇ ਹਾਂ ਸਾਇੰਸ, ਵਿਗਿਆਨ ਅਤੇ ਪਰਮ ਪਿਤਾ ਪਰਮਾਤਮਾ ਦੇ ਸੰਤਾਂ ਦੀ, ਭਗਤਾਂ ਦੀ। ਕੀ ਫ਼ਰਕ ਹੈ? ਕਈ ਪੜ੍ਹੇ-ਲਿਖੇ ਸੱਜਣ ਬੈਠੇ ਹੋਣੇਗੇ। ਸੋਚ ਰਹੇ ਹੋਣਗੇ ਪਰਮਾਤਮਾ ਹੁੰਦਾ ਹੀ ਨਹੀਂ। ਇਹ ਤਾਂ ਨਾ ਮੰਨਣ ਵਾਲੀ ਗੱਲ ਹੈ। ਕਿਸੇ ਬੰਦ ਕਮਰੇ ’ਚ ਬੈਠ ਕੇ ਤੁਸੀਂ ਆਖ ਦਿਓ ਕਿ ਸਾਰੀ ਦੁਨੀਆ ਤਬਾਹ ਹੋ ਗਈ ਤਾਂ ਕੀ ਤੁਹਾਡੇ ਕਹਿਣ ਨਾਲ ਸਾਰੀ ਦੁਨੀਆਂ ਤਬਾਹ ਹੋ ਗਈ? ਲੋਕ ਕਹਿਣਗੇ ਕਿ ਅਰੇ ਤੂੰ ਤਾਂ ਆਪਣੇ-ਆਪ ਨੂੰ ਬੰਦ ਕਮਰੇ ’ਚ ਕੈਦ ਕਰੀ ਬੈਠਾ ਹੈਂ, ਇਸ ਲਈ ਤੈਨੂੰ ਬਾਹਰ ਦਿਸਦਾ ਨਹੀਂ, ਦੁਨੀਆ ਤਾਂ ਜਿਓਂ ਦੀ ਤਿਓਂ ਹੈ। ਤਾਂ ਉਸੀ ਤਰ੍ਹਾਂ ਤੁਹਾਡੇ ਕਹਿ ਦੇਣ ਮਾਤਰ ਨਾਲ ਕਿ ਪਰਮਾਤਮਾ ਨਹੀਂ ਹੁੰਦਾ, ਪਰਮਾਤਮਾ ਨਹੀਂ ਹੈ, ਇਹ ਕਹਿਣਾ ਗਲਤ ਹੈ।

ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਕਿ ਉਹ (ਪਰਮਾਤਮਾ) ਕਣ-ਕਣ ’ਚ ਹੈ, ਪਰ ਤੁਸੀਂ ਉਸ ਦੇ ਵੱਲੋਂ ਆਪਣੇ ਗਿਆਨ ਚਕਸ਼ੂ ਬੰਦ ਕਰ ਰੱਖੇ ਹਨ। ਓਪਨ ਮਾਈਂਡ ਬੈਠੋ, ਖੁੱਲ੍ਹੇ ਦਿਲ ਨਾਲ ਬੈਠੋ, ਜੋ ਸੁਆਲ ਹੈ ਸਾਡੇ ਤੋਂ ਪੁੱਛੋ, ਅਸੀਂ ਐ ਚੁਟਕੀਆਂ ’ਚ ਜਵਾਬ ਦੇਵਾਂਗੇ, ਹੈ ਕਿਵੇਂ ਨਹੀਂ।

MSG Bhandara

ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਕਿ ਤੁਸੀਂ ਡਿਗਰੀਆਂ ਲੈਂਦੇ ਹੋ, ਰਿਸਰਚ ਕਰਦੇ ਹੋ, ਵੱਡੀਆਂ-ਵੱਡੀਆਂ ਡਿਗਰੀਆਂ, ਕਿੰਨੀ ਜ਼ਿੰਦਗੀ ਲਾਉਂਦੇ ਹੋ ਉਸ ਦੇ ਲਈ। ਜ਼ਿੰਦਗੀ ਦੇ ਘੱਟ ਤੋਂ ਘੱਟ ਸਾਨੂੰ ਜੋ ਲੱਗਦਾ ਹੈ, 20 ਤੋਂ 30 ਸਾਲਾਂ ਦੇ ਵਿਚਕਾਰ ਦਾ ਸਮਾਂ ਤੁਸੀਂ ਉਨ੍ਹਾਂ ਡਿਗਰੀਆਂ ਦੇ ਲਈ, ਡਾਕਟਰੇਟ ਲਈ ਲਾਉਂਦੇ ਹੀ ਲਾਉਂਦੇ ਹੋ। ਤਾਂ ਤੁਸੀ ਆਖ ਦਿੱਤਾ ਕਿ ਪਰਮਾਤਮਾ ਹੁੰਦਾ ਨਹੀਂ, ਤਾਂ ਕੀ ਉਸ ਦੇ ਲਈ ਰਿਸਰਚ ਕਰਨ ’ਚ 20 ਤੋਂ 30 ਮਹੀਨੇ ਲਾਏ ਹਨ? ਕੀ ਤੁਸੀਂ ਉਸ ਮਾਲਕ ਦੇ ਲਈ ਇੰਨੀ ਭਗਤੀ ਕੀਤੀ ਹੈ? ਨਹੀਂ ਕੀਤੀ, ਤਾਂ ਫ਼ਿਰ ਬੈਠੇ-ਬੈਠੇ ਕਿਵੇਂ ਆਖ ਦਿੱਤਾ ਕਿ ਉਹ ਨਹੀਂ ਹੈ? ਅਸੀਂ ਆਖੀਏ ਕਿ ਤੁਹਾਡੀਆਂ ਡਿਗਰੀਆਂ ਹੀ ਨਹੀਂ ਹਨ ਤਾਂ ਕਿਵੇਂ ਲੱਗੇਗਾ?

ਤੁਸੀਂ ਆਖੋਗੇ ਕਿ ਜੀ, ਮੈਂ 25 ਸਾਲ ਲਾਏ ਹਨ, ਇਧਰ 25 ਮਹੀਨੇ ਲਾਓ, ਗਰੰਟੀ ਅਸੀਂ ਦਿੰਦੇ ਹਾਂ ਤੁਹਾਡੇ ਅੰਦਰ ਤੋਂ ਮਿਲੇਗਾ। ਐ ਭਾਈ 25 ਮਹੀਨੇ ਛੱਡੋ, ਤੁਸੀਂ ਦੋ ਮਹੀਨੇ ਲਾਓ ਇਸ ਦੀ ਗਰੰਟੀ ਦਿੰਦੇ ਹਾਂ, ਹੋਰ ਦੱਸੋ ਡਿਗਰੀ, ਜੋ ਇੱਕ ਦੁਨੀਆਵੀ ਡਿਗਰੀ ਹੈ, ਮੇਜ ਦੇ ਹੇਠਾਂ ਤੋਂ ਵੀ ਮਿਲ ਜਾਂਦੀ ਹੈ, ਬੁਰਾ ਨਾ ਮੰਨਣਾ, ਕਲਿਯੁੱਗ ਹੈ। ਬਹੁਤ ਥਾਵਾਂ ’ਤੇ ਦੇਖਿਆ ਹੈ। ਪਰ ਇਹ ਵਾਲੀ ਡਿਗਰੀ ਪ੍ਰੈਕਟੀਕਲੀ ਮੈਥਿਡ ਆਫ ਮੈਡੀਟੇਸ਼ਨ, ਗੁਰਮੰਤਰ, ਨਾਮ-ਸ਼ਬਦ ਲੈਣਾ ਪਵੇਗਾ, ਉਸ ਦਾ ਜਾਪ ਕਰਨਾ ਪਵੇਗਾ, ਪਰਹੇਜ ਰੱਖਣੇ ਪੈਣਗੇ, ਸਿਰਫ਼ ਦੋ ਮਹੀਨੇ ਥੋੜ੍ਹਾ ਦੇਖਣਾ ਚਾਹੁੰਦੇ ਹੋ ਤਾਂ ਘੰਟਾ ਸਵੇਰੇ-ਸ਼ਾਮ, ਪੰਜ ਦਿਨ ਅਤੇ ਰਾਤ ਬਣਦੇ ਹਨ ਦੋ ਮਹੀਨਿਆਂ ’ਚ ਵੀ। ਇੰਨਾ ਵੀ ਕਰਕੇ ਦੇਖ ਲਓ ਰਿਜਲਟ ਨਾ ਆਵੇ ਤਾਂ ਕਹਿ ਦੇਣਾ।

‘ਘਰ ਦਾ ਸਾਰਾ ਸਮਾਨ ਲੁਟਾਇਆ’

MSG Maha Rahmo-Karam Month: ਸਰਸਾ। ਸਰਦਾਰ ਹਰਬੰਸ ਸਿੰਘ ਜੀ (ਪੂਜਨੀਕ ਪਰਮ ਪਿਤਾ ਸ਼ਾਹ ਸਤਿਨਾਮ ਸਿੰਘ ਜੀ ਮਹਾਰਾਜ ਦਾ ਪਹਿਲਾ ਨਾਂਅ) ਆਪਣੇ ਘਰ ਦਾ ਨਿੱਕੇ ਤੋਂ ਨਿੱਕਾ, ਵੱਡੇ ਤੋਂ ਵੱਡਾ ਸਮਾਨ ਪੂਜਨੀਕ ਸਾਈਂ ਜੀ ਦੇ ਹੁਕਮ ਅਨੁਸਾਰ ਡੇਰੇ ਲੈ ਆਏ ਪ੍ਰੀਖਿਆ ਅਜੇ ਵੀ ਬਾਕੀ ਸੀ। ਸ਼ਾਮ ਨੂੰ ਪੂਜਨੀਕ ਬੇਪਰਵਾਹ ਸਾਈਂ ਸ਼ਾਹ ਮਸਤਾਨਾ ਜੀ ਮਹਾਰਾਜ ‘ਤੇਰਾਵਾਸ’ ਤੋਂ ਨਿਕਲ ਕੇ ਸਿੱਧੇ ਆਪ ਜੀ ਵੱਲੋਂ ਸ੍ਰੀ ਜਲਾਲਆਣਾ ਸਾਹਿਬ ਤੋਂ ਲਿਆਂਦੇ ਗਏ ਸਮਾਨ ਦੇ ਕੋਲ ਆ ਗਏ। ਸਮਾਨ ਦੇ ਇੰਨੇ ਵੱਡੇ ਢੇਰ ਨੂੰ ਦੇਖ ਕੇ ਪੂਜਨੀਕ ਸਾਈਂ ਜੀ ਨੇ ਫ਼ਰਮਾਇਆ, ‘‘ਇਹ ਸਮਾਨ ਕਿਸ ਦਾ ਹੈ?’’ ਸੰਗਤ ਨੇ ਦੱਸਿਆ ਕਿ ਸਾਈਂ ਜੀ, ਇਹ ਸਮਾਨ ਸ੍ਰੀ ਜਲਾਲਆਣਾ ਸਾਹਿਬ ਵਾਲੇ ਸਰਦਾਰ ਹਰਬੰਸ ਸਿੰਘ ਜੀ ਦਾ ਹੈ।

ਇਹ ਵੀ ਪੜ੍ਹੋ: Control High Blood Pressure: ਕੀ ਇਹ ਪੱਤੇ ਖਾਣ ਨਾਲ ਬਲੱਡ ਪ੍ਰੈਸ਼ਰ ਠੀਕ ਰਹਿੰਦਾ ਹੈ? ਜਾਣੋ ਪੂਜਨੀਕ ਗੁਰੂ ਜੀ ਦੇ ਟਿਪਸ

ਪੂਜਨੀਕ ਬੇਪਰਵਾਹ ਜੀ ਇੱਕਦਮ ਜੋਸ਼ ’ਚ ਆ ਕੇ ਬੋਲੇ, ‘‘ਇਹ ਸਮਾਨ ਡੇਰੇ ’ਚ ਕਿਉਂ ਲਿਆਂਦਾ ਗਿਆ ਹੈ? ਕਿਸ ਨੇ ਕਿਹਾ ਸੀ ਇੱਥੇ ਲਿਆਉਣ ਨੂੰ? ਜੇਕਰ ਕੋਈ ਸਾਨੂੰ ਆ ਕੇ ਪੁੱਛੇ ਕਿ ਭਾਈ ਕਿਸ ਦਾ ਘਰ ਤੋੜ ਕੇ ਲਿਆਏ ਹੋ, ਤਾਂ ਅਸੀਂ ਕੀ ਜਵਾਬ ਦੇਵਾਂਗੇ? ਇਸ ਨੂੰ ਹੁਣੇ ਬਾਹਰ ਕੱਢੋ ਅਤੇ ਸਰਦਾਰ ਹਰਬੰਸ ਸਿੰਘ ਜੀ ਨੂੰ ਆਖੋ ਕਿ ਉਹ ਆਪਣੇ ਸਮਾਨ ’ਤੇ ਆਪ ਹੀ ਪਹਿਰਾ ਦੇਣ’’ ਪੂਜਨੀਕ ਸ਼ਾਹ ਮਸਤਾਨਾ ਜੀ ਮਹਾਰਾਜ ਦੇ ਆਦੇਸ਼ ਅਨੁਸਾਰ ਆਪ ਜੀ ਵੱਲੋਂ ਲਿਆਂਦਾ ਗਿਆ ਸਾਰਾ ਸਮਾਨ ਡੇਰੇ ਦੇ ਅੱਗੇ ਪੂਰਬ ਦਿਸ਼ਾ ਵੱਲ, ਸੜਕ ਦੇ ਬਰਾਬਰ ’ਚ ਰਖਵਾ ਦਿੱਤਾ ਗਿਆ ਅਤੇ ਆਪ ਜੀ ਨੂੰ ਉਸ ਦੀ ਨਿਗਰਾਨੀ ਲਈ ਬਿਠਾ ਦਿੱਤਾ ਗਿਆ ਸਤਿਗੁਰੂ ਜੀ ਦੇ ਖੇਲ ਨੂੰ ਵੇਖ ਕੇ ਆਪ ਜੀ ਜ਼ਰਾ ਵੀ ਨਾ ਡੋਲੇ।
ਸਰੋਤ: ਸੱਚੇ ਰੂਹਾਨੀ ਰਹਿਬਰ,
ਭਾਗ-2 ’ਚੋਂ..

‘ਜਦੋਂ ਕੋਲ ਬਿਠਾ ਕੇ ਦਿੱਤਾ ਨਾਮ-ਸ਼ਬਦ’

Dera Sacha Sauda: ਸਰਸਾ। ਪੂਜਨੀਕ ਪਰਮ ਪਿਤਾ ਸ਼ਾਹ ਸਤਿਨਾਮ ਸਿੰਘ ਜੀ ਮਹਾਰਾਜ ਲਗਭਗ ਤਿੰਨ ਸਾਲਾਂ ਤੱਕ ਪੂਜਨੀਕ ਬੇਪਰਵਾਹ ਸਾਈਂ ਸ਼ਾਹ ਮਸਤਾਨਾ ਜੀ ਮਹਾਰਾਜ ਵੱਲੋਂ ਫ਼ਰਮਾਏ ਗਏ ਸਤਿਸੰਗਾਂ ਨੂੰ ਸੁਣਦੇ ਰਹੇ 14 ਮਾਰਚ ਸੰਨ 1954 ਦੀ ਗੱਲ ਹੈ ਉਸ ਦਿਨ ਸਤਿਸੰਗ ਦਾ ਪ੍ਰੋਗਰਾਮ ਪਿੰਡ ਘੁੱਕਿਆਂ ਵਾਲੀ (ਜ਼ਿਲ੍ਹਾ ਸਰਸਾ) ’ਚ ਸੀ। ਆਪਣੇ ਪੂਜਨੀਕ ਗੁਰੂ ਸ਼ਾਹ ਮਸਤਾਨਾ ਜੀ ਦਾ ਸ਼ੁੱਭ ਸੰਦੇਸ਼ ਮਿਲਣ ’ਤੇ ਆਪ ਜੀ ਆਪਣੇ ਪੂਜਨੀਕ ਮਾਤਾ ਜੀ ਨੂੰ ਨਾਲ ਲੈ ਕੇ ਪਿੰਡ ਘੁੱਕਿਆਂ ਵਾਲੀ ਪਹੁੰਚ ਗਏ। ਸਤਿਸੰਗ ਤੋਂ ਬਾਅਦ ਜਦੋਂ ਪੂਜਨੀਕ ਬੇਪਰਵਾਹ ਸਾਈਂ ਜੀ ਨਾਮ ਸ਼ਬਦ ਦੇਣ ਲਈ ਜਾਣ ਲੱਗੇ ਤਾਂ ਆਪ ਜੀ ਨੂੰ ਚਬੂਤਰੇ ’ਤੇ ਖੜ੍ਹੇ ਵੇਖ ਕੇ ਦੂਰੋਂ ਉੱਚੀ ਆਵਾਜ਼ ’ਚ ਫ਼ਰਮਾਇਆ, ‘‘ਹਰਬੰਸ ਸਿੰਘ! (ਪੂਜਨੀਕ ਪਰਮ ਪਿਤਾ ਜੀ ਦਾ ਬਚਪਨ ਦਾ ਨਾਂਅ) ਤੁਸੀਂ ਵੀ ਅੰਦਰ ਚੱਲ ਕੇ ਸਾਡੇ ਮੂੜ੍ਹੇ ਕੋਲ ਬੈਠ ਜਾਓ ਅੱਜ ਰਾਤ ਤੁਹਾਨੂੰ ਵੀ ਦਾਤਾ ਸਾਵਣ ਸ਼ਾਹ ਜੀ ਦੇ ਹੁਕਮ ਨਾਲ ਨਾਮ-ਦਾਨ ਮਿਲੇਗਾ’।

ਇਹ ਵੀ ਪੜ੍ਹੋ: Saint MSG ਦੇ ਮਾਨਵਤਾ ਦੀ ਸੇਵਾ ਦੇ ਬੇਮਿਸਾਲ 40 ਦਿਨ

’ ਆਪ ਜੀ ਉਸੇ ਸਮੇਂ ਆਪਣੇ ਸਤਿਗੁਰੂ ਜੀ ਦੀ ਆਗਿਆ ਅਨੁਸਾਰ ਅੰਦਰ ਚਲੇ ਗਏ ਅਤੇ ਮੂੜ੍ਹੇ ਕੋਲ ਥਾਂ ਨਾ ਹੋਣ ਕਾਰਨ ਆਪ ਜੀ ਪਿੱਛੇ ਹੀ ਬੈਠ ਗਏ’’ ਇੰਨੇ ’ਚ ਪੂਜਨੀਕ ਸ਼ਾਹ ਮਸਤਾਨਾ ਜੀ ਕਮਰੇ ਦੇ ਅੰਦਰ ਆ ਗਏ ਅਤੇ ਮੂੜ੍ਹੇ ’ਤੇ ਬੈਠਦੇ ਹੀ, ਆਪ ਜੀ ਨੂੰ ਮੂੜ੍ਹੇ ਕੋਲ ਬੈਠੇ ਹੋਏ ਨਾ ਦੇਖ ਕੇ ਬੋਲੇ ‘‘ਕਿੱਥੇ ਹਨ ਭਾਈ! ਉਹ ਜਲਾਲਆਣੇ ਵਾਲੇ ਲੰਮੇ ਸਰਦਾਰ ਜੀ? ਕੀ ਨਾਂਅ ਹੈ ਉਨ੍ਹਾਂ ਦਾ… ਹਰਬੰਸ ਸਿੰਘ’’ ਇਹ ਸੁਣ ਕੇ ਆਪ ਜੀ ਨੇ ਖੜ੍ਹੇ ਹੋ ਕੇ ਬੇਨਤੀ ਕੀਤੀ ਕਿ , ‘‘ਸਾਈਂ ਜੀ! ਮੈਂ ਇੱਥੇ ਬੈਠਾ ਹਾਂ’’ ਪੂਜਨੀਕ ਬੇਪਰਵਾਹ ਸਾਈਂ ਸ਼ਾਹ ਮਸਤਾਨਾ ਜੀ ਮਹਾਰਾਜ ਨੇ ਫ਼ਰਮਾਇਆ, ‘‘ਨਹੀਂ ਭਾਈ, ਇੱਥੇ ਅੱਗੇ ਆ ਕੇ ਸਾਡੇ ਮੂੜ੍ਹੇ ਕੋਲ ਬੈਠੋ’’।  ਆਪ ਜੀ ਨੂੰ ਕੋਲ ਬਿਠਾਉਂਦੇ ਹੋਏ ਪੂਜਨੀਕ ਬੇਪਰਵਾਹ ਸਾਈਂ ਨੇ ਫ਼ਰਮਾਇਆ, ‘‘ਤੁਹਾਨੂੰ ਇਸ ਲਈ ਕੋਲ ਬਿਠਾ ਕੇ ਨਾਮ ਦਿੰਦੇ ਹਾਂ ਕਿ ਤੁਹਾਡੇ ਤੋਂ ਕੋਈ ਕੰਮ ਲੈਣਾ ਹੈ, ਤੁਹਾਨੂੰ ਜਿੰਦਾਰਾਮ ਦਾ ਲੀਡਰ ਬਣਾਵਾਂਗੇ’’ Dera Sacha Sauda

ਸਰਸਾ। ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦੀ ਪਵਿੱਤਰ ਪ੍ਰੇਰਨਾ ਅਤੇ ਮਾਰਗ-ਦਰਸ਼ਨ ਨਾਲ ਡੇਰਾ ਸੱਚਾ ਸੌਦਾ ਵੱਲੋਂ ਕੀਤੇ ਜਾ ਰਹੇ ਮਾਨਵਤਾ ਭਲਾਈ ਦੇ ਕਾਰਜ | Dera Sacha Sauda All Welfare Works List

1. ਸ਼ੁੱਭ ਦੇਵੀ :- ਵੇਸਵਾਪੁਣੇ ’ਚ ਫਸੀਆਂ ਲੜਕੀਆਂ ਨੂੰ ਪੂਜਨੀਕ ਗੁਰੂ ਜੀ ਵੱਲੋਂ ਬੇਟੀ ਬਣਾਉਣਾ, ਉਨ੍ਹਾਂ ਦਾ ਇਲਾਜ ਕਰਵਾਉਣਾ ਤੇ ਵਿਆਹ ਕਰਕੇ ਸਮਾਜ ਦੀ ਮੁੱਖਧਾਰਾ ‘ਚ ਲਿਆਉਣਾ।
2. ਸੁਖਦੁਆ :- ਕਿੰਨਰਾਂ (ਖੁਸਰਿਆਂ) ਨੂੰ ਸੁਖਦੁਆ ਸਮਾਜ ਦਾ ਨਾਂਅ ਦੇ ਕੇ ਉਨ੍ਹਾਂ ਨੂੰ ਅਪਣਾਉਣਾ ਤੇ ਸਮਾਜ ਦੀ ਮੁੱਖ ਧਾਰਾ ’ਚ ਲਿਆਉਣਾ। 
3. ਨਵ-ਜਾਗ੍ਰਤੀ :- (Back to Nature) ਸਮਲਿੰਗੀ ਲੋਕਾਂ ਦਾ ਇਲਾਜ ਕਰਵਾਉਣਾ ਤੇ ਉਨ੍ਹਾਂ ਨੂੰ ਜਾਇਜ਼ ਰਿਸ਼ਤੇ ਅਪਣਾਉਣ ਦੀ ਨਸੀਹਤ ਦੇਣਾ। 
4.  ਗੁਰੂ-ਫਾਦਰ ਬੇਟੀਆਂ (GFB):- ਭਰੂਣ ਹੱਤਿਆ ਤੇ ਲਿੰਗ ਭੇਦ ’ਤੇ ਰੋਕ ਲਾਉਣਾ। ਇਸੇ ਉਦੇਸ਼ ਨਾਲ ਪੂਜਨੀਕ ਗੁਰੂ ਜੀ ਨੇ ਅਜਿਹੀਆਂ ਲੜਕੀਆਂ ਜਿਨ੍ਹਾਂ ਨੂੰ ਗਰਭ ’ਚ ਮਾਰ ਦੇਣਾ ਸੀ, ਅਪਣਾਇਆ ਤੇ ਮਾਂ-ਬਾਪ ਦੀ ਜਗ੍ਹਾ ਖੁਦ ਦਾ ਨਾਂਅ ਦਿੱਤਾ।
5. ਗੁਰੂ-ਫਾਦਰ ਬੇਟੇ (GFB)– ਅਨਾਥ ਬੇਸਹਾਰਾ ਲੜਕਿਆਂ ਨੂੰ ਅਪਣਾਉਣਾ, ਉਨ੍ਹਾਂ ਨੂੰ ਸਿੱਖਿਆ ਦੇ ਕੇ ਆਤਮ ਨਿਰਭਰ ਬਣਾਉਣਾ।
6. ਨਿਰੋਗ ਰਾਹ :- ਕੁਸ਼ਟ ਰੋਗੀਆਂ ਦਾ ਇਲਾਜ ਕਰਵਾਉਣਾ, ਉਨ੍ਹਾਂ ਨੂੰ ਆਤਮ ਨਿਰਭਰ ਬਣਾਉਣਾ। 
7. ਦੀਪ-ਦਾਨ :- ਬੇਔਲਾਦ ਜੋੜਿਆਂ ਨੂੰ ਬੱਚੇ ਗੋਦ ਦਿਵਾਉਣਾ। 
8. ਸਾਥੀ :- ਅੰਗਹੀਣਾਂ ਨੂੰ ਬਨਾਉਟੀ ਅੰਗ ਤੇ ਵ੍ਹੀਲਚੇਅਰ ਆਦਿ ਦੇਣਾ। 
9. ਇਨਸਾਨੀਅਤ:- ਹਾਦਸਾਗ੍ਰਸਤ ਵਿਅਕਤੀਆਂ ਨੂੰ ਹਸਪਤਾਲ ਪਹੁੰਚਾ ਕੇ ਹਰ ਸੰਭਵ ਸਹਾਇਤਾ ਕਰਨਾ। 
10. ਨਿਊ ਲਾਈਫ :- ਗਰੀਬ ਮਰੀਜ਼ਾਂ ਦਾ ਮੁਫ਼ਤ ਇਲਾਜ ਕਰਵਾਉਣਾ। 
11. ਟ੍ਰਿਊ ਲਾਈਫ :- ਬੇਸਹਾਰਾ, ਮਾਨਸਿਕ ਤੇ ਸਰੀਰਕ ਅੰਗਹੀਣਾਂ ਦੀ ਹਰ ਸੰਭਵ ਸਹਾਇਤਾ ਕਰਨਾ। 
12. ਟ੍ਰਿਊ ਬਲੱਡ ਪੰਪ :- ਨਿਯਮਤ ਤੌਰ ‘ਤੇ ਖੂਨਦਾਨ ਕਰਨਾ। 
13. ਅਮਰ ਸੇਵਾ :- ਡਾਕਟਰੀ ਇਲਾਜ ਤੇ ਖੋਜ ਕਾਰਜਾਂ ਲਈ ਦੇਹਾਂਤ ਤੋਂ ਬਾਅਦ ਸਰੀਰਦਾਨ। 
14. ਜੋਤੀ ਦਾਨ :- ਦੇਹਾਂਤ ਉਪਰੰਤ ਅੱਖਾਂ ਦਾਨ। 
15. ਨੰਨ੍ਹਾ ਫਰਿਸ਼ਤਾ :- ਆਧੁਨਿਕ ਮੈਡੀਕਲ ਸਹੂਲਤਾਂ ਨਾਲ ਲੈੱਸ ਸ਼ਾਹ ਸਤਿਨਾਮ ਜੀ ਮੋਬਾਇਲ ਹਸਪਤਾਲ ‘ਫਰਿਸ਼ਤਾ’ ਤੇ ‘ਨੰਨ੍ਹਾ ਫਰਿਸ਼ਤਾ’ ਦੁਆਰਾ ਪਿੰਡਾਂ-ਸ਼ਹਿਰਾਂ ’ਚ ਮੁਫ਼ਤ ਮੈਡੀਕਲ ਕੈਂਪ ਲਾਉਣਾ। 
16. ਦਿਵਿਆ ਜੋਤੀ :- ਅੱਖਾਂ ਦਾ ਮੁਫ਼ਤ ਕੈਂਪ ਲਾ ਕੇ ਮਰੀਜ਼ਾਂ ਦੇ ਆਪ੍ਰੇਸ਼ਨ, ਦਵਾਈ ਤੇ ਖਾਣ-ਪੀਣ ਦਾ ਮੁਫ਼ਤ ਪ੍ਰਬੰਧ ਕਰਨਾ। 
17. ਜਨ ਕਲਿਆਣ :- ਜਨ-ਕਲਿਆਣ ਪਰਮਾਰਥੀ ਕੈਂਪ ਲਾ ਕੇ ਮਾਹਿਰ ਡਾਕਟਰਾਂ ਦੁਆਰਾ ਮਰੀਜ਼ਾਂ ਦਾ ਮੁਫ਼ਤ ਇਲਾਜ ਕਰਵਾਉਣਾ।

Welfare Work

18. ਟ੍ਰਿਊ ਹੈਪੀ :- ਦਿਲ ਦੇ ਰੋਗਾਂ ਦੀ ਮੁਫ਼ਤ ਜਾਂਚ ਤੇ ਰੋਕਥਾਮ ਦੇ ਤਰੀਕੇ ਦੱਸਣਾ।
19. ਆਯੁਰਵੈਦ ਸੰਜੀਵਨੀ:- ਆਯੁਰਵੈਦਿਕ ਨੁਸਖਿਆਂ ਤੇ ਯੋਗ ਪ੍ਰਣਾਲੀ ਦੁਆਰਾ ਬਿਮਾਰੀਆਂ ਦਾ ਇਲਾਜ ਕਰਵਾਉਣਾ। 
20. ਦੇਵ-ਚਰਿੱਤਰ :- ਮਾਸਾਹਾਰ ਤਿਆਗ ਕੇ ਸ਼ਾਕਾਹਾਰ ਅਪਣਾਉਣ ਦੀ ਪ੍ਰੇਰਨਾ ਦੇਣਾ। 
21. ਸੱਭਿਆ ਇੰਸਾਂ :- ਆਦਿਵਾਸੀਆਂ ਨੂੰ ਰਹਿਣ-ਸਹਿਣ, ਸਿੱਖਿਆ ਤੇ ਰੁਜ਼ਗਾਰ ਦੇ ਕੇ ਸਮਾਜ ਦੀ ਮੁੱਖ ਧਾਰਾ ’ਚ ਲਿਆਉਣਾ। 
22. ਹੈਲਦੀ ਲਾਈਫ :- ਬਿਨਾਂ ਦਵਾਈ ਦੇ ਨਸ਼ਿਆਂ ਤੋਂ ਛੁਟਕਾਰਾ ਦਿਵਾਉਣਾ। 
23. ਜੀਵ ਸੁਰੱਖਿਆ :- ਜੀਵ ਹੱਤਿਆ ’ਤੇ ਰੋਕ ਲਾਉਣਾ। 
24. ਰੂਹਾਨੀ ਚਰਿੱਤਰ :- ਰੂਹਾਨੀ ਸਤਿਸੰਗ ਦੁਆਰਾ ਲੋਕਾਂ ਦਾ ਚਰਿੱਤਰ-ਨਿਰਮਾਣ ਕਰਨਾ।
25. ਅਸ਼ੀਰਵਾਦ :- ਗਰੀਬ ਲੜਕੀਆਂ ਦੇ ਵਿਆਹ ਵਿੱਚ ਆਰਥਿਕ ਮੱਦਦ ਕਰਨਾ। 
26. ਸੱਚੀ ਸਿੱਖਿਆ :- ਆਰਥਿਕ ਤੌਰ ’ਤੇ ਕਮਜ਼ੋਰ ਵਿਦਿਆਰਥੀਆਂ ਦੀ ਪੜ੍ਹਾਈ ਲਈ ਹਰ ਸੰਭਵ ਸਹਾਇਤਾ ਕਰਨਾ। 
27. ਆਸ਼ਿਆਨਾ:- ਲਾਚਾਰ, ਬੇਸਹਾਰਾ ਲੋਕਾਂ ਤੇ ਗਰੀਬ ਵਿਧਵਾਵਾਂ ਨੂੰ ਮਕਾਨ ਬਣਾ ਕੇ ਦੇਣਾ। 
28. ਫੂਡ ਬੈਂਕ :- ਫੂਡ ਬੈਂਕ ਦੁਆਰਾ ਦੀਨ-ਦੁਖੀਆਂ ਤੇ ਲਾਚਾਰ ਲੋਕਾਂ ਨੂੰ ਮੁਫ਼ਤ ਰਾਸ਼ਨ ਦੇਣਾ। 
29. ਸਫ਼ਾਈ ਮੁਹਿੰਮ :- ਸਫ਼ਾਈ ਮੁਹਿੰਮ ਚਲਾ ਕੇ ਲੋਕਾਂ ਨੂੰ ਪ੍ਰਦੂਸ਼ਣ ਅਤੇ ਬਿਮਾਰੀਆਂ ਤੋਂ ਬਚਾਉਣਾ। 
30. ਨੇਚਰ ਕੰਪੇਨ :– ਵਾਤਾਵਰਨ ਸੁਰੱਖਿਆ ਲਈ ਵਿਸ਼ਵ ਪੱਧਰੀ ਬੂਟੇ ਲਾਓ ਮੁਹਿੰਮ ਚਲਾਉਣਾ। 
31. ਰੱਖਿਆ :- ਕਿਸਾਨਾਂ ਨੂੰ ਪਰਾਲੀ ਸਾੜਨ ਦੀ ਬਜਾਇ ਗਊਸ਼ਾਲਾ ’ਚ ਚਾਰੇ ਲਈ ਭੇਜਣ ਦੀ ਪ੍ਰੇਰਨਾ ਦੇਣਾ। 
32. ਜਲਜਾਂ :- ਲੋਕਾਂ ਨੂੰ ਪਾਣੀ ਬਚਾਉਣ ਦੇ ਤਰੀਕੇ ਦੱਸ ਕੇ ਜਲ ਸੁਰੱਖਿਆ ਲਈ ਪ੍ਰੇਰਿਤ ਕਰਨਾ। 
33. ਜੀਵ ਸੁਰੱਖਿਆ :- ਅਵਾਰਾ ਪਸ਼ੂਆਂ ਦੀ ਸੰਭਾਲ ਤੇ ਬਿਮਾਰ ਪਸ਼ੂ-ਪੰਛੀਆਂ ਦਾ ਇਲਾਜ ਕਰਨਾ। 
34. ਕਲਾਥ ਬੈਂਕ :- ਕਲਾਥ ਬੈਂਕ ਦੁਆਰਾ ਦੀਨ-ਦੁਖੀਆਂ ਤੇ ਲਾਚਾਰਾਂ ਨੂੰ ਮੁਫ਼ਤ ਕੱਪੜੇ ਦੇਣਾ। 

Welfare Work

35. ਆਤਮ-ਨਿਰਭਰਤਾ :- ਬੇਰੁਜ਼ਗਾਰਾਂ ਨੂੰ ਰੁਜ਼ਗਾਰ ਦੇ ਸਾਧਨ ਮੁਹੱਈਆ ਕਰਵਾਉਣਾ। 
36. ਤਕਨੀਕੀ ਖੇਤੀ (ਟੈਕਨੀਕਲ ਫਾਰਮਿੰਗ) :– ਬੰਜਰ ਜ਼ਮੀਨ ਨੂੰ ਉਪਜਾਊ ਬਣਾਉਣ ਤੇ ਘੱਟ ਪਾਣੀ ਨਾਲ ਵੱਧ ਪੈਦਾਵਰ ਲਈ ਕਿਸਾਨਾਂ ਨੂੰ ਨਵੀਆਂ-ਨਵੀਆਂ ਤਕਨੀਕਾਂ ਸਿਖਾਉਣਾ।
37. ਪੰਛੀ-ਉੱਧਾਰ :- ਪੰਛੀਆਂ ਲਈ ਘਰਾਂ ਦੀਆਂ ਛੱਤਾਂ ’ਤੇ ਦਾਣਾ (ਚੋਗਾ) ਤੇ ਪਾਣੀ ਦਾ ਪ੍ਰਬੰਧ ਕਰਨਾ। 
38. ਸਹਿਮਤੀ :- ਪਰਿਵਾਰਕ ਵਿਵਾਦਾਂ ਦਾ ਆਪਸੀ ਸਹਿਮਤੀ ਨਾਲ ਨਿਪਟਾਰਾ ਕਰਵਾਉਣਾ। 
39. ਆਤਮ-ਸਨਮਾਨ :- ਔਰਤਾਂ ਲਈ ਸਿਲਾਈ, ਕਢਾਈ ਤੇ ਹੋਰ ਕਿੱਤਾ ਸਿਖਲਾਈ ਕੇਂਦਰ ਖੋਲ੍ਹਣਾ। 
40. ਸਰਵ-ਧਰਮ-ਸੰਗਮ :- ਧਰਮ, ਜਾਤ ਆਦਿ ਸਾਰੇ ਭੇਦਭਾਵ ਮਿਟਾ ਕੇ ਭਾਈਚਾਰਾ ਕਾਇਮ ਕਰਨਾ। 
41. ਆਫਤ ਪ੍ਰਬੰਧ :- ਲੋਕਾਂ ਨੂੰ ਕੁਦਰਤੀ ਆਫ਼ਤਾਂ ਨਾਲ ਨਜਿੱਠਣ ਦੀ ਸਿਖਲਾਈ ਦੇਣਾ। 
42. ਅਭਿਸ਼ਾਪ ਮੁਕਤੀ :- ਦਾਜ ਪ੍ਰਥਾ ਰੋਕਣਾ। 
43. ਸੁਰੀਤੀ (ਚੇਤਨਤਾ) :- ਲੋਕਾਂ ਨੂੰ ਪਖੰਡ, ਅੰਧਵਿਸ਼ਵਾਸ ਤੋਂ ਦੂਰ ਕਰਨਾ। 
44. ਗਰਭ ਪਵਿੱਤਰ :– ਗਰਭਵਤੀ ਔਰਤਾਂ ਨੂੰ ਸਤਿਸੰਗ ਸੁਣਨ, ਭਜਨ-ਸਿਮਰਨ ਕਰਨ ਤੇ ਯੋਧਿਆਂ-ਸੂਰਵੀਰਾਂ ਦੀਆਂ ਕਹਾਣੀਆਂ ਪੜ੍ਹਨ ਤੇ ਸੁਣਨ ਲਈ ਪ੍ਰੇਰਿਤ ਕਰਨਾ।
45. ਸਵੱਸਥ-ਮਸਤ :- ਖੇਡਾਂ ਦੁਆਰਾ ਨੌਜਵਾਨਾਂ ਨੂੰ ਬੁਰਾਈਆਂ ਤੋਂ ਦੂਰ ਕਰਨਾ। 
46. ਗਿਆਨ ਕਲੀ :- ਲੜਕੀਆਂ ਦੀ ਸਿੱਖਿਆ ਪ੍ਰਤੀ ਲੋਕਾਂ ਨੂੰ ਜਾਗਰੂਕ ਕਰਨਾ। 
47. ਆਫ਼ਤ ਮੁਕਤੀ :- ਹੜ੍ਹ, ਭੂਚਾਲ, ਬਰਫ਼ਬਾਰੀ, ਸੋਕਾ ਆਦਿ ਕੁਦਰਤੀ ਆਫ਼ਤਾਂ ਸਮੇਂ ਰਾਹਤ ਮੁਹੱਈਆ ਕਰਵਾਉਣਾ ਤੇ ਮੁੜ-ਵਸੇਬਾ ਕਰਵਾਉਣਾ। 

Welfare Work

48. ਰੂ-ਬ-ਰੂ :- ਵਿਆਹਯੋਗ ਸਤਿਸੰਗੀ ਲੜਕੇ-ਲੜਕੀਆਂ ਦੇ ਵਿਆਹ ਕਰਵਾਉਣਾ। 
49. ਮੱਦਦ :- 24 ਘੰਟੇ ਐਂਬੂਲੈਂਸ ਦੀ ਸਹੂਲਤ ਮੁਹੱਈਆ ਕਰਨਾ। 
50. ਅਗਨੀ ਰੱਖਿਅਕ :- ਫਾਇਰ ਬ੍ਰਿਗੇਡ ਸੇਵਾ ਮੁਹੱਈਆ ਕਰਵਾਉਣਾ। 
51. ਅਨੋਖੀ ਪਹਿਲ :- ਜਨਮ, ਮੌਤ, ਵਿਆਹ ਆਦਿ ਮੌਕਿਆਂ ’ਤੇ ਫਜ਼ੂਲ ਖ਼ਰਚੇ ਨੂੰ ਰੋਕ ਕੇ ਮਾਨਵਤਾ-ਭਲਾਈ ’ਚ ਪੈਸਾ ਖ਼ਰਚ ਕਰਨ ਲਈ ਪ੍ਰੇਰਿਤ ਕਰਨਾ। 
52. ਮੋਕਸ਼ ਸ਼ਾਂਤੀ:- ਲੋਕਾਂ ਨੂੰ ਨਾਮਸ਼ਬਦ (ਪਰਮਾਤਮਾ ਦੀ ਭਗਤੀ ਦਾ ਤਰੀਕਾ) ਦੁਆਰਾ ਤਣਾਅ ਮੁਕਤ ਜੀਵਨ ਜਿਉਣ ਦਾ ਰਾਹ ਦਿਖਾਉਣਾ ਤੇ ਜਨਮ-ਮਰਨ ਤੋਂ ਮੁਕਤੀ ਦਿਵਾਉਣਾ। 
53. ਆਤਮ ਰੱਖਿਆ :- ਆਤਮ-ਹੱਤਿਆ ਮਹਾਂਪਾਪ ਹੈ, ਰਾਮ-ਨਾਮ ਦੁਆਰਾ ਆਤਮਬਲ ਵਧਾ ਕੇ ਇਸ ਨੂੰ ਰੋਕਣ ਦੀ ਪ੍ਰੇਰਨਾ ਦੇਣਾ। 
54. ਸੱਚਾ ਰਾਹ :- ਭ੍ਰਿਸ਼ਟਾਚਾਰ, ਲੁੱਟ-ਖੋਹ ਆਦਿ ਬੁਰਾਈਆਂ ਨੂੰ ਖ਼ਤਮ ਕਰਕੇ ਇਮਾਨਦਾਰੀ ਵਰਗੇ ਸਦਗੁਣਾਂ ਨੂੰ ਮੁੜ-ਸੁਰਜੀਤ ਕਰਨਾ। 
55. ਸਹੀ ਦਿਸ਼ਾ :- ਬਾਲ-ਵਿਆਹ ਰੋਕਣਾ। 
56. ਬਾਲ-ਰੱਖਿਅਕ :- ਬਾਲ-ਮਜ਼ਦੂਰੀ ਰੋਕਣਾ। 
57. ਮੁਫ਼ਤ ਹੱਕ :- ਮੁਫ਼ਤ ਕਾਨੂੰਨੀ ਸਲਾਹ ਮੁਹੱਈਆ ਕਰਵਾਉਣਾ। 
58. ਇਨਸਾਨੀ ਚਰਿੱਤਰ :- ਅਸ਼ਲੀਲਤਾ ਰੋਕਣ ਤੇ ਸਤਿਸੰਗ, ਰੂਹਾਨੀ ਸਾਹਿਤ ਤੇ ਸੰਗੀਤ ਪੜ੍ਹਨ ਤੇ ਸੁਣਨ ਦੀ ਪ੍ਰੇਰਨਾ ਦੇਣਾ। 
59. ਕਾਇਆ-ਕਲਪ :- ਬੱਚਿਆਂ ਨੂੰ ਪੋਲੀਓ ਦੀਆਂ ਬੂੰਦਾਂ ਪਿਲਵਾਉਣਾ ਤੇ ਪੋਲੀਓ ਕੈਂਪ ਦੁਆਰਾ ਮਰੀਜ਼ਾਂ ਦਾ ਮੁਫ਼ਤ ਆਪ੍ਰੇਸ਼ਨ ਕਰਵਾਉਣਾ।
60. ਪਿਆਊ :- ਜਨਤਕ ਥਾਵਾਂ ’ਤੇ ਪੀਣ ਵਾਲੇ ਪਾਣੀ ਦਾ ਪ੍ਰਬੰਧ ਕਰਨਾ। 
61. ਜੀਵਨ-ਆਸ਼ਾ :– ਘੱਟ ਉਮਰ ਦੀਆਂ ਵਿਧਵਾਵਾਂ ਦਾ ਵਿਆਹ ਕਰਵਾਉਣਾ। 
62. ਏਕਮ-ਸੁਖਮ :- ਜਨਸੰਖਿਆ ਦੇ ਵਾਧੇ ’ਤੇ ਕੰਟਰੋਲ ਲਈ ਇੱਕ ਹੀ ਬੱਚੇ ਲਈ ਪ੍ਰੇਰਿਤ ਕਰਨਾ। 
63. ਨਵੀਂ ਸਵੇਰ :- ਤਲਾਕਸ਼ੁਦਾ ਲੜਕੀਆਂ ਦੀ ਸ਼ਾਦੀ ਕਰਵਾਉਣਾ। 
64. ਵਿਰਾਸਤ ਸੰਭਾਲ :- ਦੇਸ਼ ਸੇਵਾ ਦੌਰਾਨ ਅਪੰਗ ਹੋਏ ਫੌਜੀਆਂ ਜਾਂ ਸ਼ਹੀਦ ਫੌਜੀਆਂ ਦੇ ਪਰਿਵਾਰਾਂ ਦੀ ਹਰ ਸੰਭਵ ਸਹਾਇਤਾ ਕਰਨਾ। 65. ਰਾਸ਼ਟਰ ਦਾ ਸ਼ਿੰਗਾਰ:- ਅਜ਼ਾਦੀ ਘੁਲਾਟੀਆਂ ਦੀ ਸਹਾਇਤਾ ਕਰਨਾ। 
66. ਸੱਚੀ ਪ੍ਰੇਰਨਾ :- ਕਦੇ ਵੀ ਰਿਸ਼ਵਤ ਨਾ ਲੈਣ ਤੇ ਨਾ ਦੇਣ ਲਈ ਪ੍ਰੇਰਿਤ ਕਰਨਾ ਤੇ ਲਿਖਤੀ ਪ੍ਰਣ ਕਰਵਾਉਣਾ। 
67. ਮਹਾਂਦਾਨ ਦਿਲ :- ਮੌਤ-ਉਪਰੰਤ ਦਿਲ ਦਾਨ ਲਈ ਲਿਖਤੀ ਪ੍ਰਣ ਕਰਵਾਉਣਾ।  
68. ਮਹਾਂਦਾਨ ਗੁਰਦਾ :- ਕਾਨੂੰਨ ਮੁਤਾਬਕ ਜਿਉਂਦੇ ਜੀਅ ਤੇ ਦੇਹਾਂਤ ਤੋਂ ਬਾਅਦ ਗੁਰਦਾਦਾਨ ਲਈ ਪ੍ਰੇਰਿਤ ਕਰਨਾ।
69. ਆਦਿਵਾਸੀ ਵਿਆਹ :- ਆਦਿਵਾਸੀਆਂ ਨੂੰ ਰੂੜ੍ਹੀਵਾਦੀ ਰਸਮਾਂ ਤੋਂ ਹਟਾ ਕੇ ਸੱਭਿਆ ਤਰੀਕੇ ਨਾਲ ਉਨ੍ਹਾਂ ਦੇ ਵਿਆਹ ਕਰਵਾਉਣਾ ਤੇ ਉਨ੍ਹਾਂ ਨੂੰ ਜ਼ਰੂਰਤ ਦਾ ਸਮਾਨ ਦੇਣਾ।
70. ਏਡਜ਼ ਜਾਗਰੂਕਤਾ :- ਏਡਜ਼ ਦੀ ਰੋਕਥਾਮ ਤੇ ਬਚਾਅ ਲਈ ਜਾਗਰੂਕ ਕਰਨਾ। 
71. ਅਨਾਥ ਬਿਰਧ ਆਸ਼ਰਮ :- ‘ਅਨਾਥ ਬਿਰਧ ਆਸ਼ਰਮਾਂ’ ਦਾ ਨਿਰਮਾਣ ਕਰਵਾਉਣਾ। 
72. ਦੇਸ਼ ਤੇ ਦੇਸ਼ ਤੋਂ ਬਾਹਰ ਜਮ੍ਹਾ ਕਾਲਾ ਧਨ, ਦੀਨ-ਦੁਖੀਆਂ ਦੀ ਮਦਦ ਵਿੱਚ ਲਾਉਣ ਲਈ ਜਨਤਾ ਨੂੰ ਜਾਗਰੂਕ ਕਰਨਾ। 
ਨੋਟ: ਸਾਧ-ਸੰਗਤ ਰਾਸ਼ਟਰਪਤੀ, ਪ੍ਰਧਾਨ ਮੰਤਰੀ ਸਾਹਿਬ ਨੂੰ ਬੇਨਤੀ ਕਰਦੀ ਹੈ ਕਿ ਕੋਈ ਅਜਿਹਾ ਫੰਡ ਬਣਾਇਆ ਜਾਵੇ ਜਿਸ ’ਚ ਕਾਲਾ ਧਨ ਜਮ੍ਹਾ ਕਰਵਾਇਆ ਜਾਵੇ ਤੇ ਦੀਨ-ਦੁਖੀਆਂ ਦੀ ਮੱਦਦ ’ਚ ਲਾਇਆ ਜਾਵੇ। 
73. ਕੁਲ ਦਾ ਕ੍ਰਾਊਨ :- ਲੜਕੇ ਨਾਲ ਹੀ ਵੰਸ਼ ਚਲਦਾ ਹੈ, ਇਸ ਵਹਿਮ ਨੂੰ ਦੂਰ ਕਰਕੇ ਲੜਕੀ ਵਿਆਹ ਕਰਕੇ ਲਾੜਾ ਘਰ ਲਿਆਵੇਗੀ ਤੇ ਲੜਕੀ ਨਾਲ ਵੰਸ਼ ਚੱਲੇਗਾ। 
74. ਲੱਜਾ ਰੱਖਿਆ :- ਬੇਸਹਾਰਾ ਔਰਤਾਂ ਨੂੰ ਸਹਾਰਾ ਦੇਣਾ। 
75. ਕਦਮ ਨਾਲ ਕਦਮ :- ਗੁਣਵਾਨ ਅੰਗਹੀਣਾਂ ਦਾ ਵਿਆਹ ਕਰਵਾਉਣਾ ਤੇ ਉਨ੍ਹਾਂ ਨੂੰ ਰੁਜ਼ਗਾਰ ਮੁਹੱਈਆ ਕਰਵਾਉਣਾ। 
76. ਆਪਣਿਆਂ ਨੂੰ ਸਹਾਰਾ:- ਝੁੱਗੀ ਝੌਂਪੜੀ ’ਚ ਰਹਿਣ ਵਾਲੇ ਲੋਕਾਂ ਦਾ ਜੀਵਨ ਪੱਧਰ ਸੁਧਾਰਨਾ। 
77. ਇੱਕ ਉੱਦਮ :- ਕਾਲਜਾਂ/ਸਕੂਲਾਂ ’ਚ ਚਰਿੱਤਰ ਨਿਰਮਾਣ ਲਈ ਨੈਤਿਕ ਸਿੱਖਿਆ ਨੂੰ ਉਤਸ਼ਾਹਿਤ ਕਰਨਾ। 
78. ਸਹਾਰਾ-ਏ-ਜੀਵਨ :- ਕਮਜ਼ੋਰ ਲੋਕਾਂ ਤੱਕ ਸਰਕਾਰ ਵੱਲੋਂ ਮੁਹੱਈਆ ਸਹੂਲਤਾਂ ਪਹੁੰਚਾਉਣਾ। 
79. ਮਜ਼ਬੂਤ ਨਾਰੀ:- ਲੜਕੀਆਂ ਨੂੰ ਆਤਮਰੱਖਿਆ ਲਈ ਸਿਖਲਾਈ ਦੇਣਾ। 
80. ਸਮਾਈਲ ਆਨ ਇਨੋਸੈਂਟ ਫੇਸ :- ਗਰੀਬ ਬੱਚਿਆਂ ਲਈ ਮੁਫ਼ਤ ਬੁੱਕ ਬੈਂਕ ਅਤੇ ਟੁਆਏ ਬੈਂਕ ਖੋਲ੍ਹਣਾ। 
81. ਊਰਜਾ ਬੱਚਤ :- ਬਿਜਲੀ ਬੱਚਤ ਲਈ ਪ੍ਰੇਰਿਤ ਕਰਨਾ। 
82. ਬਾਏ-ਬਾਏ ਈਥਨ :- ਪਾਲੀਥੀਨ ਦੀ ਵਰਤੋਂ ਬੰਦ ਕਰਕੇ ਕੱਪੜੇ ਤੇ ਕਾਗਜ਼ ਦੇ ਥੈਲਿਆਂ ਦਾ ਇਸਤੇਮਾਲ ਕਰਨਾ। 
83. ਸੇਵ ਦ ਟਿਨੀ ਹਾਰਡਸ਼ਿਪ :- ਬਾਲ ਮਜ਼ਦੂਰੀ (ਚਾਈਲਡ ਲੇਬਰ) ਛੁਡਵਾ ਕੇ, ਸਿੱਖਿਆ ਦੁਆਰਾ ਆਤਮ-ਨਿਰਭਰ ਬਣਾਉਣਾ। 
84. ਗੈੱਟ ਲਾਈਟ ਇਨ ਡਾਰਕ :- ਜੇਲ੍ਹਾਂ ’ਚ ਕੈਦੀਆਂ ਦੀ ਜ਼ਿੰਦਗੀ ਸੁਧਾਰਨਾ ਤੇ ਅੱਲ੍ਹਾ, ਰਾਮ ਨਾਲ ਜੋੜਨਾ। 
85. ਮਿਹਨਤ ਦੀ ਖਾਓ :- ਜੂਏ ਅਤੇ ਸੱਟੇ ਨੂੰ ਖ਼ਤਮ ਕਰਨ ਲਈ ਮੁਹਿੰਮ ਚਲਾਉਣਾ। 
86. ਮੱਦਦ-ਏ-ਇਨਸਾਨੀਅਤ :- ਅੱਤਵਾਦ ਪੀੜਤ ਪਰਿਵਾਰਾਂ ਦੀ ਮੱਦਦ ਕਰਨਾ। 
87. ਮਿਹਨਤ ਨਿਆਮਤ :- ਭਿਖਾਰੀ ਨੂੰ ਮਿਹਨਤ ਕਰਨਾ ਸਿਖਾ ਕੇ ਉਸ ਨੂੰ ਆਤਮ-ਨਿਰਭਰ ਬਣਾਉਣਾ। 
88. ਰੌਸ਼ਨੀ ਦਾ ਰਾਹ :- ਅੰਨ੍ਹੇ ਤੇ ਗੂੰਗੇ ਬੱਚਿਆਂ ਦੀ ਸਿੱਖਿਆ ਦਾ ਪ੍ਰਬੰਧ ਕਰਨਾ। 
89. ਇਨਸਾਨੀਅਤ :- ਜਨਤਕ ਥਾਵਾਂ ’ਤੇ ਘੁੰਮਦੇ ਪਾਗਲ/ਮੰਦਬੁੱਧੀ ਲੋਕਾਂ ਦਾ ਇਲਾਜ ਕਰਵਾਉਣਾ ਤੇ ਪਤਾ ਕਰਕੇ ਉਨ੍ਹਾਂ ਨੂੰ ਘਰ ਪਹੁੰਚਾਉਣਾ। 
90. ਬੰਦ ਕਤਲੇਆਮ :- ਕਾਨੂੰਨੀ ਕਾਰਵਾਈ ਰਾਹੀਂ ਬੁੱਚੜਖਾਨੇ ਬੰਦ ਕਰਵਾਉਣਾ। 
91. ਪ੍ਰਦੂਸ਼ਣ ਮੁਕਤ :- ਫਸਲਾਂ ਦੀ ਰਹਿੰਦ-ਖੂੰਹਦ ਨੂੰ ਸਾੜਨ ਦੀ ਬਜਾਇ ਖਾਦ ਤੇ ਤੂੜੀ ਆਦਿ ਬਣਾ ਕੇ ਪ੍ਰਦੂਸ਼ਣ ਰੋਕਣ ਲਈ ਪ੍ਰੇਰਿਤ ਕਰਨਾ। 
92. ਜਨਨੀ ਸਤਿਕਾਰ :- ਗਰੀਬ ਗਰਭਵਤੀ ਮਹਿਲਾਵਾਂ ਨੂੰ ਪੌਸ਼ਟਿਕ ਆਹਾਰ ਦੇਣਾ ਤੇ ਇਲਾਜ ਕਰਵਾਉਣਾ। 
93. ਨਵੀਂ ਜੀਵਨ ਧਾਰਾ :- ਲੋਕਾਂ ਨੂੰ ਚਿੰਤਾ ਮੁਕਤ ਕਰਨ ਲਈ ਉਨ੍ਹਾਂ ਨੂੰ ਰਾਮ-ਨਾਮ ਨਾਲ ਜੋੜ ਕੇ ਉਨ੍ਹਾਂ ਦੀ ਪਾਜਿਟਿਵ ਸੋਚ ਬਣਾਉਣਾ। 
94. ਜਨਨੀ-ਸ਼ਿਸ਼ੂ ਸੁਰੱਖਿਆ :- ਗਰੀਬ ਜੱਚਾ-ਬੱਚਾ ਨੂੰ ਖੁਰਾਕ ਦੇਣਾ।
95. ਸ਼ੈਤਾਨੀਅਤ ਬੰਦ :- ਬੱਚਿਆਂ ਨੂੰ ਵੇਚਣ ਦੇ ਕਾਲੇ ਧੰਦੇ ਨੂੰ ਰੋਕਣਾ।
96. ਬਚਾਓ ਸੰਸਕ੍ਰਿਤੀ :- ਵੇਸ਼ਵਾਪੁਣੇ ਦੇ ਕੋਠਿਆਂ ਨੂੰ ਕਾਨੂੰਨੀ ਤੌਰ ’ਤੇ ਬੰਦ ਕਰਵਾਉਣਾ। 
97. ਨਵੀਂ ਕਿਰਨ :- ਵਿਧਵਾ ਨੂੰਹ ਨੂੰ ਧੀ ਬਣਾ ਕੇ ਉਨ੍ਹਾਂ ਦਾ ਵਿਆਹ ਕਰਵਾਉਣਾ। 
98. ਗੈਰਤ-ਏ-ਇਨਸਾਨੀਅਤ:- ਲੜਕੇ-ਲੜਕੀਆਂ ਨੂੰ ਆਪਸ ’ਚ ਛੇੜਖਾਨੀ ਤੇ ਝੂਠੇ ਇਲਜ਼ਾਮ ਨਾ ਲਾਉਣ ਲਈ ਲਿਖਤੀ ’ਚ ਪ੍ਰਣ ਕਰਵਾਉਣਾ। 
99. ਸਰਵਸ੍ਰੇਸ਼ਠ ਕਰਤੱਵ:- ਮਾਂ-ਬਾਪ ਦਾ ਸਨਮਾਨ ਕਰਨਾ ਤੇ ਬੁਢਾਪੇ ’ਚ ਉਨ੍ਹਾਂ ਦਾ ਸਹਾਰਾ ਬਣਨਾ। 
100. ਮਰਦਾਨੀ ਭਗਤ ਵੀਰਾਂਗਣਾ:– ਸ਼ਾਦੀਯੋਗ ਅੰਗਹੀਣ ਲੜਕਿਆਂ ਨਾਲ ਆਤਮ-ਨਿਰਭਰ ਲੜਕੀਆਂ ਨੂੰ ਵਿਆਹ ਕਰਨ ਲਈ ਪ੍ਰੇਰਿਤ ਕਰਨਾ। 
101. ਮਾਂ-ਬੇਟਾ ਸੰਭਾਲ :- ਮੁਫ਼ਤ ਕੈਂਪ ਲਾ ਕੇ ਗਰਭਵਤੀ ਮਹਿਲਾ ਤੇ ਉਸ ਦੇ ਹੋਣ ਵਾਲੇ ਬੱਚੇ ਲਈ ਸਿਹਤ ਸੰਭਾਲ ਤੇ ਵਿਕਾਸ ਲਈ ਜਾਣਕਾਰੀ ਤੇ ਦਵਾਈਆਂ ਮੁਹੱਈਆ ਕਰਵਾਉਣਾ। 
102. ਅਸਥੀਆਂ ਨਾਲ ਪਰਉਪਕਾਰ :- ਮਨੁੱਖੀ ਅਸਥੀਆਂ ‘ਤੇ ਬੂਟੇ ਲਾ ਕੇ ਵਾਤਾਵਰਣ ਨੂੰ ਪ੍ਰਦੂਸ਼ਣ ਮੁਕਤ ਬਣਾਉਣਾ। 
103. ਸੇਫ਼ ਰੋਡਸ, ਸੇਫ਼ ਲਾਈਫ਼:- ਸੜਕ ’ਤੇ ਡਿੱਗੇ ਹੋਏ ਰੁੱਖਾਂ ਤੇ ਮਰੇ ਹੋਏ ਜਾਨਵਰਾਂ ਨੂੰ ਹਟਾਉਣਾ ਤਾਂ ਕਿ ਕੋਈ ਦੁਰਘਟਨਾ ਜਾਂ ਹਾਦਸਾ ਨਾ ਹੋਵੇ। 
104. ਭਗਤ ਵੀਰਾਂਗਣਾ-ਏ-ਗਾਜ਼ੀ:- ਸਮਰੱਥ ਲੜਕੀਆਂ ਦਾ ਵਿਧੁਰ ਲੜਕਿਆਂ ਨਾਲ ਵਿਆਹ ਕਰਵਾਉਣਾ।
105. ਉੱਡਾਨ ਆਤਮਬਲ ਦੀ:- ਰੰਜਿ਼ਸ਼ ‘ਚ ਜਿਨ੍ਹਾਂ ਲੜਕੀਆਂ ’ਤੇ ਤੇਜ਼ਾਬ ਡੋਲ੍ਹਿਆ ਜਾਂਦਾ ਹੈ ਉਨ੍ਹਾਂ ਦਾ ਇਲਾਜ ਕਰਵਾਉਣਾ ਤੇ ਉਨ੍ਹਾਂ ਦੇ ਵਿਆਹ ਕਰਵਾਉਣਾ। 
106. ਉਮੀਦ ਤੋਂ ਵੀ ਅੱਗੇ:- ਬਲਾਤਕਾਰ ਪੀੜਤ ਔਰਤਾਂ ਦਾ ਇਲਾਜ ਕਰਵਾਉਣਾ ਤੇ ਉਨ੍ਹਾਂ ਦਾ ਵਿਆਹ ਭਗਤ ਯੋਧਿਆਂ ਨਾਲ ਕਰਵਾਉਣਾ।
107. ਬੇਗ਼ਮ ਸਫ਼ਰ:- ਸਰੀਰਕ ਤੌਰ ’ਤੇ ਅਪੰਗ, ਫੁਲਵੈਰੀ, ਹਕਲਾਉਣ ਵਰਗੀਆਂ ਸਮੱਸਿਆਵਾਂ ਨਾਲ ਗ੍ਰਸਤ ਲੜਕੀਆਂ ਦੀ ਸ਼ਾਦੀ ਭਗਤ ਯੋਧਿਆਂ ਨਾਲ ਕਰਵਾਉਣਾ। 
108. ਅੰਨਦਾਤਾ ਬਚਾਓ ਮੁਹਿੰਮ:- ਖੇਤੀਬਾੜੀ ਦੇ ਵਿਗਿਆਨੀਆਂ ਦੁਆਰਾ ਕਿਸਾਨਾਂ ਨੂੰ ਖੇਤੀਬਾੜੀ ਦੀ ਪੂਰੀ ਜਾਣਕਾਰੀ ਦਿਵਾਉਣਾ ਤੇ ਉਨ੍ਹਾਂ ਦੀਆਂ ਸਮੱਸਿਆਵਾਂ ਦਾ ਹੱਲ ਸਮਝਾਉਣਾ ਤਾਂ ਕਿ ਉਹ ਆਤਮਹੱਤਿਆ ਦੀ ਗੱਲ ਹੀ ਨਾ ਸੋਚਣ।
109. ਤਣਾਅ-ਮੁਕਤੀ ਮੁਹਿੰਮ:- ਮਾਨਸਿਕ ਤਣਾਅਗ੍ਰਸਤ ਲੋਕਾਂ ਲਈ ਕੈਂਪ ਲਾ ਕੇ ਇਲਾਜ ਕਰਵਾਉਣਾ ਤਾਂ ਕਿ ਉਹ ਮਾਨਸਿਕ ਤਣਾਅ ਕਾਰਨ ਆਤਮਹੱਤਿਆ ਵਰਗਾ ਅਪਰਾਧ ਨਾ ਕਰਨ।
110. ਸਿਹਤ ਜਾਗਰੂਕਤਾ ਅਭਿਆਨ:- ਨਾੱਨ ਸਟਿੱਕੀ ਤੇ ਐਲੂਮੀਨੀਅਮ ਦੇ ਬਰਤਨਾਂ ਦੀ ਵਰਤੋਂ ਨਾ ਕਰਨਾ ਤੇ ਇਸ ਬਾਰੇ ਲੋਕਾਂ ਨੂੰ ਸਿੱਖਿਆ ਦੇਣਾ ਤੇ ਜਾਗਰੂਕ ਕਰਨਾ, ਤਾਂ ਕਿ ਇਸ ਤੋਂ ਹੋਣ ਵਾਲੀਆਂ ਬਿਮਾਰੀਆਂ ਤੋਂ ਬਚਿਆ ਜਾ ਸਕੇ। 
111. ਸਕਿੱਨ ਬੈਂਕ:- ਸਕਿੱਨ ਬੈਂਕ ‘ਚ ਡੈੱਡ ਬੌਡੀ (ਮ੍ਰਿਤਕ ਦੇਹ) ਦੀ ਸਕਿੱਨ ਨੂੰ ਦਾਨ ਕਰਨਾ ਤਾਂ ਕਿ ਉਸ ਨਾਲ ਐਸਿਡ ਪੀੜਤ ਜਾਂ ਅੱਗ ਨਾਲ ਹੋਈ ਦੁਰਘਟਨਾ ਦੇ ਪੀੜਤਾਂ ਦਾ ਇਲਾਜ ਹੋ ਸਕੇ।
112. ਸਿਹਤਮੰਦ ਵੰਸ਼ ਪਰੰਪਰਾ:- ਸ਼ਾਦੀ ਤੈਅ ਕਰਨ ਤੋਂ ਪਹਿਲਾਂ ਲੜਕੇ ਤੇ ਲੜਕੀ ਦੇ ਖੂਨ ਦੀ ਡਾਕਟਰੀ ਸਲਾਹ ਅਨੁਸਾਰ ਜਾਂਚ ਕਰਵਾਉਣੀ ਤਾਂ ਕਿ ਹੋਣ ਵਾਲੀ ਸੰਤਾਨ ਸਿਹਤਮੰਦ ਪੈਦਾ ਹੋਵੇ। 
113. ਦੇਸ਼ ਭਗਤੀ:- ਸਰਕਾਰ ਤੋਂ ਮਨਜ਼ੂਰੀ ਲੈ ਕੇ ਤੇ ਸਰਕਾਰ ਤੇ ਪ੍ਰਸ਼ਾਸਨ ਨਾਲ ਮਿਲ ਕੇ ਸਰਕਾਰੀ ਇਮਾਰਤਾਂ, ਦੀਵਾਰਾਂ ਦਾ ਰੰਗ-ਰੋਗਣ, ਸਾਫ਼-ਸਫ਼ਾਈ ਤੇ ਸੰਭਾਲ ਕਰਨਾ। 
114. ਸਵੱਛ ਸਮਾਜ:- ਗਰੀਬੀ ਰੇਖਾ ਤੋਂ ਹੇਠਾਂ ਪਰਿਵਾਰ ਜੋ ਆਪਣੇ ਘਰ ’ਚ ਪਖਾਨੇ ਨਹੀਂ ਬਣਾ ਸਕਦੇ, ਉਨ੍ਹਾਂ ਦੇ ਘਰਾਂ ’ਚ ਪਖਾਨੇ ਬਣਾਉਣਾ। 
115. ਰਾਹਤ-ਏ-ਇਨਸਾਨੀਅਤ:- ਉਨ੍ਹਾਂ ਬੇਸਹਾਰਾ ਬੱਚਿਆਂ ਤੇ ਬਜ਼ੁਰਗਾਂ ਨੂੰ ਗੋਦ ਲੈ ਕੇ ਸੰਭਾਲ ਕਰਨਾ ਜਿਨ੍ਹਾਂ ਦੇ ਪਰਿਵਾਰਕ ਮੈਂਬਰ ਕਿਸੇ ਹਾਦਸੇ ਜਾਂ ਦੇਸ਼ ਸੇਵਾ ਦੌਰਾਨ ਸ਼ਹੀਦ ਹੋ ਗਏ।
116. ਬੇਸਹਾਰਾ ਦਾ ਰੈਣ ਬਸੇਰਾ:- ਅਪੰਗ, ਅੰਗਹੀਣ, ਬੇਸਹਾਰਾ ਠੰਢ ‘ਚ ਠਰਦੇ ਲੋਕਾਂ ਨੂੰ ਰੈਣ-ਬਸੇਰਾ ‘ਚ ਪਹੁੰਚਾਉਣਾ।
117. ਕਰੀਅਰ ਗਾਈਡ:- ਕਰੀਅਰ ਕਾਊਂਸਲਿੰਗ ਰਾਹੀਂ ਵਿਦਿਆਰਥੀਆਂ ਨੂੰ ਚੰਗੇ ਕਰੀਅਰ ਦੀ ਚੋਣ ਕਰਨ ਲਈ ਗਾਈਡ ਕਰਨਾ।
118. ਵਿੱਦਿਆ ਦਾਨ:- ਆਰਥਿਕ ਤੌਰ ’ਤੇ ਕਮਜ਼ੋਰ, ਗਰੀਬ ਬੱਚਿਆਂ ਨੂੰ ਮੁਫਤ ਕੋਚਿੰਗ ਦੇਣਾ। 
119. ਭਾਈਚਾਰੇ ਦੀ ਭਾਵਨਾ:- ਖੁਸ਼ਹਾਲ (ਅਮੀਰ) ਲੋਕਾਂ ਨੂੰ ਸਰਕਾਰ ਵੱਲੋਂ ਵੱਖ-ਵੱਖ ਚੀਜ਼ਾਂ ‘ਤੇ ਦਿੱਤੀ ਜਾਣ ਵਾਲੀ ਸਬਸਿਡੀ ਨਾ ਲੈਣ ਲਈ ਪ੍ਰੇਰਿਤ ਕਰਨਾ ਤਾਂ ਕਿ ਦੇਸ਼ ਆਰਥਿਕ ਤੌਰ ‘ਤੇ ਮਜ਼ਬੂਤ ਹੋਵੇ ਤੇ ਗਰੀਬ ਇਸ ਦਾ ਲਾਭ ਲੈ ਸਕਣ।
120. ਜਜ਼ਬਾ-ਏ-ਭਗਤ:- ਭਗਤ ਯੋਧਿਆਂ ਦਾ ਵਿਕਲਾਂਗ ਲੜਕੀਆਂ ਨਾਲ ਵਿਆਹ ਕਰਨਾ।
121. ਸੇਵਾ ’ਚ ਵਧਦੇ ਕਦਮ:- ਮਾਨਵਤਾ ਭਲਾਈ ਲਈ ਰੋਜ਼ਾਨਾ ਘੱਟ ਤੋਂ ਘੱਟ ਇੱਕ ਰੁਪੱਈਆ ਕੱਢਣਾ। 
122. ਰੂਹਾਨੀ ਕਪਲ:- ਛੋਟੇ ਬੱਚਿਆਂ ਨੂੰ ਜੇਬ੍ਹ ਖਰਚ ਲਈ ਦਸ, ਵੀਹ, ਪੰਜਾਹ ਜਾਂ ਸੌ ਰੁਪਏ ਦਾ ਲਾਲਚ ਦੇ ਕੇ ਸਿਮਰਨ ਦੀ ਆਦਤ ਪਾਉਣਾ ਤਾਂ ਕਿ ਉਨ੍ਹਾਂ ਅੰਦਰ ਚੰਗੇ ਵਿਚਾਰ ਪੈਦਾ ਹੋਣ ਤੇ ਗਲਤ ਆਦਤਾਂ ਖਤਮ ਹੋਣ।
123. DEPTH (Drug Eradication Pan India Through Health and meditation) ਨਸ਼ਾ ਮੁਕਤ ਸਮਾਜ:- ਆਪਣੇ-ਆਪਣੇ ਬਲਾਕਾਂ ਦੇ ਸਾਰੇ ਪਿੰਡਾਂ ਤੇ ਸ਼ਹਿਰਾਂ ਨੂੰ ਨਸ਼ਾ ਮੁਕਤ ਕਰਨ ਲਈ ਮੁਹਿੰਮ ਚਲਾਉਣਾ।
124. SAFE ( Simple healthy diet After quitting drugs for Faster recovery based on Electrolyte and protein) ਨਸ਼ਾ ਛੱਡਣ ਵਾਲੇ ਨੂੰ ਪ੍ਰੋਟੀਨ, ਵਿਟਾਮਿਨ, ਇਸਬਗੋਲ ਆਦਿ ਨਾਲ ਭਰਪੂਰ ਖੁਰਾਕ ਦੇਣਾ ਤਾਂ ਕਿ ਉਹ ਜਲਦੀ ਸਿਹਤਮੰਦ ਹੋ ਸਕੇ। 
125. ਭਰੋਸੇ ਦਾ ਸਹਾਰਾ:– ਜੋ ਨੌਜਵਾਨ ਲੜਕੇ-ਲੜਕੀਆਂ ਘਰੋਂ ਭੱਜ ਜਾਂਦੇ ਹਨ, ਉਨ੍ਹਾਂ ਨੂੰ ਤੇ ਉਨ੍ਹਾਂ ਦੇ ਪਰਿਵਾਰ ਨੂੰ ਸਮਝਾ ਕੇ ਵਿਆਹ ਬੰਧਨ ਰਾਹੀਂ ਸਮਾਜ ’ਚ ਮੁੜ ਵਸਾਉਣਾ। 
126. ਅਵਾਰਾ ਪਸ਼ੂਆਂ ਦੇ ਸਿੰਙਾਂ ’ਤੇ ਰਿਫਲੈਕਟਰ ਲਾਉਣਾ: ਅਵਾਰਾ ਪਸ਼ੂਆਂ ਦੇ ਸਿੰਙਾਂ ‘ਤੇ ਰਿਫਲੈਕਟਰ ਲਾਉਣਾ, ਤਾਂ ਕਿ ਹਨ੍ਹੇਰੇ ‘ਚ ਘੁੰਮਦੇ ਪਸ਼ੂਆਂ ਨਾਲ ਹੋਣ ਵਾਲੇ ਹਾਦਸਿਆਂ ਤੋਂ ਬਚਿਆ ਜਾ ਸਕੇ।
127. ਸੱਟਾ ਘਰ ਪੱਟਾ:– ਸੱਟੇਬਾਜ਼ੀ ਤੋਂ ਦੂਰ ਰਹਿਣਾ ਤੇ ਦੂਜਿਆਂ ਨੂੰ ਇਸ ਤੋਂ ਦੂਰ ਰਹਿਣ ਲਈ ਪ੍ਰੇਰਿਤ ਕਰਨਾ। 
128. ਚਾਈਨੀਜ਼ ਉਤਪਾਦਾਂ ਦਾ ਬਾਈਕਾਟ :– ਚਾਈਨੀਜ਼ ਉਤਪਾਦਾਂ ਦਾ ਬਾਈਕਾਟ ਕਰਕੇ ਸਵਦੇਸ਼ੀ ਅਪਨਾਉਣਾ।  
129. ਸ਼ੇਰ-ਏ-ਹਿੰਦ ਨੂੰ ਸੈਲਿਊਟ:- ਦੇਸ਼ ਦੇ ਰਾਖਿਆਂ, ਸਰਹੱਦ ’ਤੇ ਤੈਨਾਤ ਫੌਜੀ ਜਵਾਨਾਂ ਦੀ ਹਰ ਸੰਭਵ ਮੱਦਦ ਕਰਨਾ। 
130. ਆਤਮ ਰੱਖਿਆ ਸਿੱਖਿਆ:– ਮਹਿਲਾਵਾਂ ਖਿਲਾਫ ਅਪਰਾਧ ਰੋਕਣ ਲਈ ਲੜਕੀਆਂ ਨੂੰ ਜੂਡੋ, ਤਾਈਕਵਾਂਡੋ ਤੇ ਮਾਰਸ਼ਲਆਰਟ ਦੀ ਦੀ ਸਿਖਲਾਈ ਦੇਣ।।
131. ਮੋਬਾਇਲ ਵੈੱਲਫੇਅਰ ਵਰਕ:– ਮੋਬਾਇਲ ਵੈਨ ਦੁਆਰਾ ਪਿੰਡ-ਪਿੰਡ ਜਾ ਕੇ ਗਰੀਬ ਬੱਚਿਆਂ ਨੂੰ ਮੁਫ਼ਤ ਕਿਤਾਬਾਂ ਤੇ ਖਿਡੌਣੇ ਵੰਡਣਾ। ਮੁਫ਼ਤ ਡਾਕਟਰੀ ਜਾਂਚ ਤੇ ਇਲਾਜ ਕਰਵਾਉਣਾ। ਨੈੱਟ ਬੈਂਕਿੰਗ, ਕੁਕਿੰਗ ਆਦਿ ਸਿਖਾਉਣਾ।
132. ਕਾਓ ਮਿਲਕ ਪਾਰਟੀ:- ਪਾਰਟੀਆਂ ’ਚ ਸ਼ਰਾਬ ਤੇ ਕਬਾਬ ਦੀ ਬਜਾਇ ਗਾਂ ਦੇ ਦੁੱਧ ਤੇ ਉਸ ਤੋਂ ਬਣੇ ਉਤਪਾਦਾਂ ਦਾ ਇਸਤੇਮਾਲ ਕਰਕੇ ਗਊ ਮਾਤਾ ਦੇ ਸਨਮਾਨ ਨੂੰ ਵਧਾਉਣਾ। 
133. ਸ਼ੁੱਭਕਾਮਨਾ:- ਬਿਮਾਰ ਦਾ ਹਾਲ-ਚਾਲ ਪੁੱਛਣ ਜਾਂਦੇ ਸਮੇਂ ਫਲਾਂ ਦੇ ਨਾਲ-ਨਾਲ ਸ਼ਗਨ ਵਾਂਗ ਉਨ੍ਹਾਂ ਦੀ ਆਰਥਿਕ ਮੱਦਦ ਲਈ ਪੈਸਾ ਵੀ ਲੈ ਕੇ ਜਾਣਾ। 
134. A Blessing for life:- ਗਰੀਬ, ਪੜ੍ਹਨ ‘ਚ ਅਸਮਰੱਥ ਬੱਚਿਆਂ ਦੇ ਸਕੂਲ ‘ਚ ਦਾਖਲੇ ਕਰਵਾ ਕੇ ਜਨਮ ਦਿਨ ਮਨਾਉਣਾ।
135 Care for Air:- ਪ੍ਰਦੂਸ਼ਣ ਨਾ ਫੈਲਾਉਣਾ ਅਤੇ ਫੈਲਣ ਤੋਂ ਵੀ ਰੋਕਣਾ।
136. ਛੋਟਾ ਪਰਿਵਾਰ ਖੁਸ਼ੀਆਂ ਅਪਾਰ:- ਹਮ ਦੋ ਹਮਾਰੇ ਦੋ ਜਾਂ ਹਮ ਦੋਨੋ ਏਕ, ਹਮਾਰਾ ਏਕ ਦਾ ਪ੍ਰਣ ਕਰਵਾਉਣਾ।
137. ਚੌਕਸ ਰਹੋ ਸਿਹਤਮੰਦ ਰਹੋ:- ਕੋਰੋਨਾ ਵੈਕਸੀਨ ਲਵਾਉਣਾ ਅਤੇ ਦੂਜਿਆਂ ਨੂੰ ਵੈਕਸੀਨ ਲਵਾਉਣ ਲਈ ਪ੍ਰੇਰਿਤ ਕਰਨਾ।
138. ਮੇਰਾ ਤੁਹਾਡਾ ਸੁਰੱਖਿਆ ਕਵਚ:- ਮਾਸਕ ਲਾਉਣਾ, ਲਵਾਉਣਾ ਤੇ ਜ਼ਰੂਰਤਮੰਦਾਂ ਨੂੰ ਮਾਸਕ ਮੁਫ਼ਤ ‘ਚ ਦੇਣਾ।
139. Care for Innnocent:-ਗਰੀਬ ਤੇ ਅਨਾਥ ਛੋਟੇ ਬੱਚੇ, ਜੋ ਬਿਮਾਰ ਹਨ ਉਨ੍ਹਾਂ ਦਾ ਇਲਾਜ ਕਰਵਾਉਣਾ ਤੇ ਖਾਣ ਦਾ ਸਮਾਨ ਦੇਣਾ।
140. ਅਨਾਥ ਮਾਤਰ-ਪਿਤਰ ਸੇਵਾ-ਅਨਾਥ ਬੇਸਹਾਰਾ ਬਜ਼ੁਰਗਾਂ ਦੀ ਸੰਭਾਲ ਕਰਨੀ।
141. ਸੰਸਕ੍ਰਿਤੀ ਕੋਰ:- ਖਾਣਾ ਖਾਣ ਤੋਂ ਪਹਿਲਾਂ ਪਸ਼ੂਆਂ-ਪੰਛੀਆਂ ਤੇ ਜੀਵ-ਜੰਤੂਆਂ ਲਈ ਰੋਟੀ ਕੱਢਣਾ।
142. ਸਵੱਛ ਭਾਰਤ ਮਿਸ਼ਨ ਤਹਿਤ ਮਹਾਂਨਗਰਾਂ ਤੇ ਵੱਡੀਆਂ ਸੜਕਾਂ ਦੇ ਕਿਨਾਰੇ ਮੋਬਾਇਲ ਟਾਇਲਟ ਖੜੇ ਕਰਨਾ।
143. ਹਰ ਘਰ ਤਿਰੰਗਾ-ਆਪਣੇ ਘਰ ਕੌਮੀ ਝੰਡਾ ਤਿਰੰਗਾ ਲਹਿਰਾਉਣਾ ਤੇ ਤਿਰੰਗੇ ਦੀ ਆਨ-ਬਾਨ-ਸ਼ਾਨ ਲਈ ਵਚਨਬੱਧ ਰਹਿਣਾ।
144. Sharing is Caring–ਤਿਉਹਾਰਾਂ ’ਤੇ ਗਰੀਬ, ਲੋੜਵੰਦ ਬੱਚਿਆਂ ਨੂੰ ਕੱਪੜੇ ਪਹਿਨਾਉਣਾ, ਅਪੰਗ-ਅੰਗਹੀਣਾਂ ਨੂੰ ਖਾਣਾ ਦੇਣਾ, ਗਰੀਬ ਬਿਮਾਰ ਦਾ ਇਲਾਜ ਕਰਵਾਉਣਾ, ਗਰਭਵਤੀ ਔਰਤਾਂ ਤੇ ਕੁਪੋਸ਼ਣ ਦੇ ਸ਼ਿਕਾਰ ਬੱਚਿਆਂ ਨੂੰ ਪੌਸ਼ਟਿਕ ਭੋਜਨ ਦੇਣਾ, ਬੂਟੇ ਲਾਉਣਾ ਆਦਿ।
145. ਆਪਣੀਆਂ ਗੱਡੀਆਂ ਨੂੰ ਪ੍ਰਦੂਸ਼ਣ ਰਹਿਤ ਰੱਖਣਾ ਅਤੇ ਹੋਰਾਂ ਨੂੰ ਵੀ ਇਸ ਦੇ ਲਈ ਪ੍ਰੇਰਿਤ ਕਰਨਾ।
146. FLAME- (Fixing Life and Air by Lighting oil lamps Aimed at Making Environment clean)-ਰੋਜ਼ਾਨਾ ਸਵੇਰੇ-ਸ਼ਾਮ ਆਪਣੇ ਘਰਾਂ ’ਚ ਘਿਓ ਜਾਂ ਤੇਲ ਦੇ ਦੀਵੇ ਬਾਲ ਕੇ ਵਾਤਾਵਰਨ ਸ਼ੁੱਧ ਕਰਨਾ।
147. SEED- (Social and Spiritual self life Enrichment and Enhancement with Digital fasting) ਰਿਸ਼ਤਿਆਂ ਨੂੰ ਮੁੜ ਮਜ਼ਬੂਤ ਕਰਨਾ – ਰੋਜ਼ਾਨਾ ਦੋ ਘੰਟੇ ਸ਼ਾਮ 7 ਤੋਂ 9 ਵਜੇ ਤੱਕ ਮੋਬਾਇਲ ਫੋਨ ਤੇ ਟੀਵੀ ਆਦਿ ਤੋਂ ਦੂਰ ਰਹਿ ਕੇ ਘਰ-ਪਰਿਵਾਰ ਨੂੰ ਸਮਾਂ ਦੇਣਾ।
148. VISION – ਨੇਤਰਹੀਣਾਂ ਨੂੰ Exam Helper ਮੁਹੱਈਆ ਕਰਵਾਉਣਾ।
149: CARE (Care of the people in Age old homes Regularily Every month: ਮਹੀਨੇ ‘ਚ ਇੱਕ ਦਿਨ ( ਆਖ਼ਰੀ ਸ਼ਨਿੱਚਰਵਾਰ) ਆਪਣੇ ਪਰਿਵਾਰ ਸਮੇਤ ਅਨਾਥ ਬਜ਼ੁਰਗਾਂ ਨੂੰ ਮਿਲਣਾ ਅਤੇ ਉਨ੍ਹਾਂ ਦੀਆਂ ਖਾਣ-ਪੀਣ ਅਤੇ ਰਹਿਣ-ਸਹਿਣ ਨਾਲ ਜੁੜੀਆਂ ਕਮੀਆਂ ਨੂੰ ਵੀ ਦੂਰ ਕਰਨਾ।
150. BLESS (Blessing and Love from Elders by touching their feet at Sunrise, before Starting day): ਭਾਰਤੀ ਸੱਭਿਆਚਾਰ ਨੂੰ ਜ਼ਿੰਦਾ ਰੱਖਣ ਅਤੇ ਖੁਸ਼ਹਾਲ ਜ਼ਿੰਦਗੀ ਰੱਖਣ ਲਈ ਸਵੇਰੇ ਉੱਠਦੇ ਹੀ ਮਾਤਾ-ਪਿਤਾ ਤੇ ਵੱਡਿਆਂ ਦੇ ਪੈਰ ਛੂਹਣੇ ਤੇ ਵੱਡਿਆਂ ਨੇ ਆਪਣੇ ਤੋਂ ਛੋਟਿਆਂ ਨੂੰ ਆਸ਼ੀਰਵਾਦ ਦੇਣਾ, ਇਸ ਤਰ੍ਹਾਂ ਦਿਨ ਦੀ ਸ਼ੁਰੂਆਤ ਕਰਨਾ।
151. TEAM (Together Eating A Meal with family): ਪਰਿਵਾਰ ’ਚ ਖੁਸ਼ਹਾਲੀ ਬਣੀ ਰਹੇ ਇਸ ਦੇ ਲਈ ਰੋਜ਼ ਨਹੀਂ ਤਾਂ ਘੱਟ ਤੋਂ ਘੱਟ ਹਫ਼ਤੇ ’ਚ ਇੱਕ ਦਿਨ ਜ਼ਰੂਰ ਸਾਰਾ ਪਰਿਵਾਰ ਇਕੱਠਿਆਂ ਬੈਠ ਕੇ ਖਾਣਾ ਖਾਵੇ।
152. DROP (Drinking Water provided in Rural and poor areas On Public drinkers) : ਗਰੀਬ ਬਸਤੀਆਂ ’ਚ ਸਾਫ਼ ਪਾਣੀ ਲਈ ਆਰਓ ਲਵਾ ਕੇ ਦੇਣਾ।
153. ਗਰੀਬ ਜ਼ਰੂਰਤਮੰਦ ਬੱਚਿਆਂ ਦੀ ਉਨ੍ਹਾਂ ਦੇ ਆਤਮਨਿਰਭਰ ਹੋਣ ਤੱਕ ਪੜ੍ਹਾਈ, ਖਾਣ-ਪੀਣ ਤੇ ਕੱਪੜੇ ਆਦਿ ਉਨ੍ਹਾਂ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨਾ।

Welfare Work

154. BIRTH (Be proud In taking the Responsibility To control High population rate) : ਵਿਆਹ ਮੌਕੇ ਜਨਸੰਖਿਆ ਕੰਟਰੋਲ ਲਈ ਪ੍ਰਣ ਕਰਨਾ- ‘ਬੱਚਾ ਇੱਕ ਹੀ ਸਹੀ ਦੋ ਤੋਂ ਬਾਅਦ ਨਹੀਂ’। 
155. PAID (Pay A day’s Income to support destitute) ਮਹੀਨੇ ‘ਚ ਇੱਕ ਦਿਨ ਦੀ ਤਨਖਾਹ ਜਾਂ ਕਮਾਈ ਜ਼ਰੂਰਤਮੰਦਾਂ ਦੀ ਮੱਦਦ ਕਰਨ ਲਈ ਕੱਢਣਾ।
156.FASTER (First Aid Services and Treatment for Emergency Response on roads) campaign:- ਗੱਡੀਆਂ ‘ਚ ਫਸਟ ਏਡ ਕਿੱਟ ਰੱਖਣਾ ਤਾਂ ਕਿ ਰਸਤੇ ‘ਚ ਮਿਲੇ ਕਿਸੇ ਹਾਦਸਾਗ੍ਰਸਤ ਵਿਅਕਤੀ ਨੂੰ ਮੁੱਢਲੀ ਸਹਾਇਤਾ ਦਿੱਤੀ ਜਾ ਸਕੇ।
157. ਉੱਤਮ ਸੰਸਕਾਰ :- ਰੋਜ਼ਾਨਾ ਜਾਂ 7 ਦਿਨਾਂ ’ਚ ਤਿੰਨ ਵਾਰ ਆਪਣੇ ਬੱਚਿਆਂ ਨੂੰ ਮਾਨਵਤਾ ਤੇ ਮਾਨਵਤਾ ਭਲਾਈ, ਸ੍ਰਿਸ਼ਟੀ ਦੀ ਭਲਾਈ ਬਾਰੇ ਸਿੱਖਿਆ ਦੇਣਾ ਤੇ ਪਿਆਰ ਨਾਲ ਸਮਝਾਉਣਾ।
158. Tree Campaign ‘Green’ (Growing Trees Regularly Every Equal to Number of Dr. MSG’s age)-ਪੂਜਨੀਕ ਗੁਰੂ ਜੀ ਦੇ 56ਵੇਂ ਅਵਤਾਰ ਦਿਵਸ 15 ਅਗਸਤ 2023 ਨੂੰ 56 ਬੂਟੇ ਲਾਵਾਂਗੇ ਤੇ ਹਰ ਸਾਲ ਬੂਟਿਆਂ ਦੀ ਗਿਣਤੀ ਇੱਕ-ਇੱਕ ਕਰਕੇ ਵਧਾਉਂਦੇ ਜਾਵਾਂਗੇ।
159. CYCLE (Caring for your health by Cycling and Lessening Earth pollution)- ਸਿਹਤਮੰਦ ਰਹਿਣ ਤੇ ਪ੍ਰਦੂਸ਼ਣ ਨੂੰ ਘੱਟ ਕਰਨ ਲਈ ਆਸ-ਪਾਸ ਜਾਣਾ ਪਿਆ ਤਾਂ ਗੱਡੀ ਦੀ ਬਜਾਇ ਸਾਈਕਲ ‘ਤੇ ਜਾਂ ਪੈਦਲ ਜਾਵਾਂਗੇ।
160. ਥੈਲੇਸੀਮੀਆ ਪੀੜਤ ਮਰੀਜ਼ਾਂ ਦਾ ਸ਼ਾਹ ਸਤਿਨਾਮ ਜੀ ਸੁਪਰ ਸਪੈਸ਼ਲਿਟੀ ਹਸਪਤਾਲ ਸਰਸਾ ’ਚ ਮੁਫ਼ਤ ਇਲਾਜ ਕਰਵਾਉਣਾ ਅਤੇ ਖੂਨਦਾਨ ਮੁਹੱਈਆ ਕਰਵਾਉਣਾ।
161. ‘ਸਹਾਰਾ-ਏ-ਇੰਸਾਂ’ – ਜਿਨ੍ਹਾਂ ਗਰੀਬ ਪਰਿਵਾਰਾਂ ’ਚੋਂ ਮੁਖੀ ਜਾਂ ਇੱਕ ਹੀ ਬੇਟੇ ਜਾਂ ਬੇਟੀ ਦੀ ਨਸ਼ੇ ਕਾਰਨ ਮੌਤ ਹੋ ਗਈ ਹੈ, ਉਨ੍ਹਾਂ ਦੀ ਮੱਦਦ ਕਰਨਾ।
162. Healthy Heart Campaign ‘ਹੈਲਦੀ ਹਾਰਟ ਕੰਪੇਨ’: – ਸਿਹਤਮੰਦ ਦਿਲ ਲਈ ਨਿਯਮਿਤ ਚੈੱਕਅੱਪ ਕਰਵਾਉਂਦੇ ਹੋਏ ਮੈਡੀਟੇਸ਼ਨ ਤੇ ਐਕਸਰਸਾਈਜ ਕਰਨਾ। ਸ਼ੂਗਰ, ਫ੍ਰਾਈਡ ਤੇ ਜੰਕ ਫੂਡ ਘੱਟ ਲੈਣਾ। ਨਸ਼ਾ ਤੇ ਤੰਬਾਕੂਨੋਸ਼ੀ ਬਿਲਕੁਲ ਨਾ ਕਰਨਾ।
163. ਪਾਲਤੂ ਸੰਭਾਲ : ਪਸ਼ੂਆਂ ਨੂੰ ਅਵਾਰਾ ਨਹੀਂ ਛੱਡਣਾ ਤੇ ਪੂਰੀ ਸੰਭਾਲ ਕਰਨਾ।
164. ਅਨਾਥ ਤੇ ਬੇਸਹਾਰਾ ਬਜ਼ੁਰਗਾਂ, ਜਿਨ੍ਹਾਂ ਦੀ ਸੰਤਾਨ ਦੀ ਮੌਤ ਹੋ ਚੁੱਕੀ ਹੈ, ਉਨ੍ਹਾਂ ਨੂੰ ਗੋਦ ਲੈ ਕੇ ਆਪਣੇ ਮਾਤਾ-ਪਿਤਾ ਦੀ ਤਰ੍ਹਾਂ ਉਨ੍ਹਾਂ ਦੀ ਸਾਂਭ-ਸੰਭਾਲ ਕਰਨਾ। ਜ਼ਰੂਰਤ ਅਨੁਸਾਰ ਉਨ੍ਹਾਂ ਦੀ ਸੇਵਾ ਲਈ ਤਨਖਾਹ ‘ਤੇ ਸੇਵਾਦਾਰ ਰੱਖਣਾ।
165. ਅਨਾਥ ਬਿਰਧ ਆਸ਼ਰਮ ‘ਚ ਬਜ਼ੁਰਗਾਂ ਦਾ ਇਕੱਲਾਪਣ ਦੂਰ ਕਰਨ ਲਈ ਬਜ਼ੁਰਗ ਮਾਤਾਵਾਂ ਕੋਲ ਮਾਂ-ਬਾਪ ਆਪਣੀ ਬੇਟੀ ਨੂੰ ਤੇ ਬਜ਼ੁਰਗ ਪੁਰਸ਼ਾਂ ਕੋਲ ਪੁੱਤਰ ਨੂੰ ਆਪਣੇ ਨਾਲ ਲਿਜਾ ਕੇ ਉਨ੍ਹਾਂ ਨਾਲ ਸਮਾਂ ਬਤੀਤ ਕਰਨਾ।
166. ਆਰਥਿਕ ਤੌਰ ‘ਤੇ ਕਮਜ਼ੋਰ ਪਰਿਵਾਰਾਂ ਦੇ ਹੋਣਹਾਰ ਬੱਚੇ, ਜੋ ਕਾਂਪੀਟਿਟਿਵ ਐਗਜ਼ਾਮ (ਨੌਕਰੀਆਂ ਪ੍ਰਾਪਤ ਕਰਨ ਲਈ ਇਮਤਿਹਾਨ) ਦੀ ਤਿਆਰੀ ਕਰਨਾ ਚਾਹੁੰਦੇ ਹਨ, ਉਨ੍ਹਾਂ ਦੀ ਸਾਧ-ਸੰਗਤ ਆਰਥਿਕ ਰੂਪ ‘ਚ ਮੱਦਦ ਕਰਕੇ ਕੋਚਿੰਗ ਦਿਵਾਏਗੀ ਤਾਂ ਕਿ ਉਹ ਬੱਚੇ ਚੰਗਾ ਅਫਸਰ ਬਣ ਕੇ ਦੇਸ਼ ਦੀ ਸੇਵਾ ਕਰ ਸਕਣ।
167. ‘ਥਿੰਕ’:- ਲੋਕਾਂ ਨੂੰ ਸਿਹਤਮੰਦ ਭੋਜਨ ਬਾਰੇ ਜਾਗਰੂਕ ਕਰਨਾ ਤਾਂ ਕਿ ਨੈਚੂਰਲ ਇਮਿਊਨਿਟੀ ਵਧੇ ਤੇ ਕੈਂਸਰ ਤੇ ਦਿਲ ਦੇ ਰੋਗਾਂ ਤੋਂ ਬਚਾਅ ਹੋ ਸਕੇ।
168. ਜੇਕਰ ਕਿਸੇ ਪ੍ਰੇਮੀ ਜਨ ਜਾਂ ਸੇਵਾਦਾਰ ਨੂੰ ਕਿਸੇ ਦੁੱਖ ਤਕਲੀਫ ‘ਚੋਂ ਲੰਘਣਾ ਪੈ ਰਿਹਾ ਹੈ ਤਾਂ ਉਸ ਦਾ ਆਰਥਿਕ ਤੇ ਸਮਾਜਿਕ ਹਰ ਤਰ੍ਹਾਂ ਨਾਲ ਯਥਾ ਸੰਭਵ ਸਾਥ ਦੇਣਾ।
169. Rain Water Harvesting: ਘਰਾਂ ਤੇ ਖੇਤਾਂ ‘ਚ ਬਰਸਾਤੀ ਪਾਣੀ ਦੀ ਹਰ ਸੰਭਵ ਸੰਭਾਲ ਕਰਨਾ (ਮੀਂਹ ਦਾ ਪਾਣੀ ਸਟੋਰ ਕਰਨਾ) ਤੇ ਇਸ ਲਈ ਟਰੇਨਿੰਗ ਦੇਣਾ।
170. ਆਪਣੇ ਖੇਤ ਦੇ ਕੁਝ ਹਿੱਸੇ ਵਿੱਚ ਸੰਘਣੇ ਰੁੱਖ ਲਾਉਣਾ ਤਾਂ ਕਿ ਵਾਤਾਵਰਣ ਸ਼ੁੱਧ ਰਹੇ।
171. SUPPORT- (Supporting and Uplifting economically weak police Personnel, press reporters and socially committed Officers Providing Relief through donating blood, medical treatment and daughter’s marriage assistance Tending them as per Their need.): ਆਰਥਿਕ ਤੌਰ ‘ਤੇ ਕਮਜ਼ੋਰ, ਸਮਾਜ ਦੀ ਭਲਾਈ ਲਈ ਕੰਮ ਕਰਨ ਵਾਲੇ ਅਧਿਕਾਰੀਆਂ, ਪੁਲਿਸ ਅਤੇ ਪੱਤਰਕਾਰਾਂ ਦੀ ਵੱਧ ਤੋਂ ਵੱਧ ਮੱਦਦ ਕਰਨਾ, ਜਿਵੇਂ ਕਿ ਲੋੜ ਪੈਣ ‘ਤੇ ਖੂਨਦਾਨ ਕਰਨਾ, ਪਰਿਵਾਰ ਵਿੱਚ ਕੋਈ ਬਿਮਾਰ ਹੋਣ ‘ਤੇ ਇਲਾਜ ਵਿੱਚ ਮੱਦਦ ਕਰਨਾ, ਬੇਟੀਆਂ ਦੇ ਵਿਆਹ ਵਿੱਚ ਮੱਦਦ ਕਰਨਾ ਆਦਿ।
172. ਗਊ ਮਾਤਾ ਦੀ ਝਾਕੀ: ਸਰਕਾਰ ਦੀ ਆਗਿਆ ਨਾਲ ਗੌਚਰ ਭੂਮੀ ਨੂੰ ਗਾਵਾਂ ਦੀ ਸੇਵਾ ਸੰਭਾਲ ਲਈ ਤਿਆਰ ਕਰਨਾ, ਉਸ ’ਚ ਚਾਰੇ ਅਤੇ ਪਾਣੀ ਦਾ ਪ੍ਰਬੰਧ ਕਰਨਾ, ਪੌਦੇ ਲਗਾਉਣਾ ਅਤੇ ਜੰਗਲ ਤਿਆਰ ਕਰਨਾ ਤਾਂ ਜੋ ਗਾਵਾਂ ਗਰਮੀਆਂ ਦੌਰਾਨ ਛਾਂ ਵਿੱਚ ਆਰਾਮ ਕਰ ਸਕਣ ਅਤੇ ਘੁੰਮ ਸਕਣ।
173. REFLECT- (Ruminating on our Experiences For 5-10 minutes to look For shortcomings Everyday and Correct ourselves with meditation To achieve inner Peace.) : ਘੱਟ ਤੋਂ ਘੱਟ 5 ਤੋਂ 10 ਮਿੰਟ ਆਪਣੇ ਬਾਰੇ ਸੋਚਣਾ ਕਿ ਦਿਨ-ਭਰ ’ਚ ਮੈਂ ਕੀ ਚੰਗਾ ਕਰਮ ਕੀਤਾ ਤੇ ਕੀ ਬੁਰਾ ਕੀਤਾ। ਇੱਕ-ਇੱਕ ਕਰਕੇ ਆਪਣੀਆਂ ਕਮੀਆਂ ਨੂੰ ਸੁਧਾਰਨਾ ਤਾਂ ਕਿ ਆਤਮਿਕ ਸ਼ਾਂਤੀ ਪ੍ਰਾਪਤ ਹੋਵੇ।
174. KISAN- (Keeping farmers updated with Information of the latest technology and Supporting Them with high quality seeds and access to water resources to Nullify their sufferings and suicide risk.): ਆਰਥਿਕ ਤੌਰ ’ਤੇ ਕਮਜ਼ੋਰ ਕਿਸਾਨਾਂ ਨੂੰ ਚੰਗੀ ਫ਼ਸਲ ਲੈਣ ਲਈ ਟਰੇਨਿੰਗ ਦੇਣਾ, ਉਨ੍ਹਾਂ ਦੇ ਖੇਤਾਂ ’ਚ ਸਿੰਚਾਈ ਲਈ ਟਿਊਬਵੈਲ ਆਦਿ ਲਵਾਉਣਾ ਤੇ ਖੇਤੀ ਲਈ ਉੱਤਮ ਕੁਆਲਿਟੀ ਦੇ ਬੀਜ ਦੇਣਾ ਤਾਂ ਕਿ ਉਹ ਆਤਮਹੱਤਿਆ ਬਾਰੇ ਨਾ ਸੋਚਣ।
175. GUIDE- (Giving emotional support to depressed children using MSG’s Impressive teachings to Develop and Empower their self-belief.) : ਜੇਕਰ ਕੋਈ ਬੱਚਾ ਡਿਪਰੈਸ਼ਨ ’ਚ ਚਲਾ ਜਾਂਦਾ ਹੈ ਤਾਂ ਸਕੂਲ-ਕਾਲਜ ਦੇ ਬੱਚਿਆਂ ਤੇ ਸਾਧ-ਸੰਗਤ ਦੀ ਟੀਮ ਬਣਾ ਕੇ ਉਨ੍ਹਾਂ ਨੂੰ ਪੂਜਨੀਕ ਪਿਤਾ ਜੀ ਦੇ ਬਚਨ ਸੁਣਾ ਕੇ ਡਿਪਰੈਸ਼ਨ ’ਚੋਂ ਕੱਢਣਾ।

ਨੋਟ:- ਉਪਰੋਕਤ ਸਾਰੇ ਕਾਰਜ ਦੇਸ਼ ਦੇ ਸੰਵਿਧਾਨ ਤੇ ਕਾਨੂੰਨ ਦੇ ਅਨੁਸਾਰ ਕੀਤੇ ਜਾਂਦੇ ਹਨ।

Read Also : MSG: ਪਰਮਾਤਮਾ ਤੋਂ ਇਨਸਾਨ ਕੁਝ ਨਹੀਂ ਛੁਪਾ ਸਕਦਾ

Dera Sacha Sauda: 2 ਫਰਵਰੀ 1976 : ਪੂਜਨੀਕ ਪਰਮ ਪਿਤਾ ਸ਼ਾਹ ਸਤਿਨਾਮ ਸਿੰਘ ਜੀ ਮਹਾਰਾਜ ਪਿੰਡ ਹਠੂਰ ਜ਼ਿਲ੍ਹਾ ਲੁਧਿਆਣਾ ’ਚ ਸਤਿਸੰਗ ਕਰਕੇ ਪਿੰਡ ਦੀਵਾਨਾ ਵੱਲ ਜਾ ਰਹੇ ਸਨ। ਥੋੜ੍ਹੀ ਦੂਰ ਜਾਣ ਤੋਂ ਬਾਅਦ ਡਰਾਈਵਰ ਰਸਤਾ ਭੁੱਲ ਕੇ ਪਿੰਡ ਛੀਨੀਵਾਲ ਵਾਲੀ ਸੜਕ ’ਤੇ ਚੱਲ ਪਿਆ। ਜਦੋਂ ਪਿੰਡ ਦੇ ਬਾਹਰ ਪਹੁੰਚੇ ਤਾਂ ਇੱਕ ਆਦਮੀ ਰਸਤੇ ’ਚ ਹੱਥ ਜੋੜ ਕੇ ਖੜ੍ਹਾ ਸੀ।

ਪੂਜਨੀਕ ਪਰਮ ਪਿਤਾ ਜੀ ਨੇ ਡਰਾਈਵਰ ਨੂੰ ਫ਼ਰਮਾਇਆ, ‘‘ਮੋਹਨ ਸਿਹਾਂ! ਗੱਡੀ ਰੋਕ!’’ ਜਦੋਂ ਗੱਡੀ ਰੁਕੀ ਤਾਂ ਉਸ ਆਦਮੀ ਨੇ ਬੇਨਤੀ ਕੀਤੀ, ‘‘ਮਹਾਰਾਜ ਜੀ! ਮੈਂ ਤਾਂ ਦੋ ਘੰਟਿਆਂ ਤੋਂ ਇੱਥੇ ਖੜ੍ਹਾ ਹਾਂ ਕਿ ਇੱਥੇ ਮਹਾਰਾਜ ਜੀ ਆਉਣਗੇ ਅਤੇ ਮੈਂ ਦਰਸ਼ਨ ਕਰਾਂਗਾ ਅਤੇ ਨਾਲੇ ਦੁੱਧ ਪਿਆਵਾਂਗਾ। ਮੇਰੀ ਦਿਲ ਦੀ ਇੱਛਾ ਪੂਰੀ ਹੋ ਗਈ ਹੈ। ਤੁਸੀਂ ਧੰਨ ਹੋ।’’ ਪੂਜਨੀਕ ਪਰਮ ਪਿਤਾ ਜੀ ਨੇ ਅਸ਼ੀਰਵਾਦ ਦਿੰਦਿਆਂ ਫ਼ਰਮਾਇਆ, ‘‘ਤੇਰਾ ਪ੍ਰੇਮ ਹੀ ਸਾਨੂੰ ਇੱਥੇ ਖਿੱਚ ਕੇ ਲਿਆਇਆ ਹੈ।

Read Also : ਪੂਜਨੀਕ ਪਰਮ ਪਿਤਾ ਜੀ ਨੇ 1970 ‘ਚ ਫਰਮਾਏ ਪਵਿੱਤਰ ਬਚਨ, ਅੱਜ ਹੋਏ ਹੂ-ਬ-ਹੂ ਪੂਰੇ

ਜਾਣਾ ਤਾਂ ਅਸੀਂ ਪਿੰਡ ਦੀਵਾਨੇ ਸੀ, ਪਰ ਤੇਰੇ ਪ੍ਰੇਮ ਨੇ ਰਸਤਾ ਹੀ ਭੁਲਾ ਦਿੱਤਾ।’’ ਫਿਰ ਫ਼ਰਮਾਇਆ, ‘‘ਹੁਣ ਦੁੱਧ ਵੀ ਲੈ ਆ।’’ ਉਸ ਆਦਮੀ ਨੇ ਦੁੱਧ ਦਾ ਗਲਾਸ ਪਹਿਲਾਂ ਪੂਜਨੀਕ ਪਰਮ ਪਿਤਾ ਜੀ ਨੂੰ ਦਿੱਤਾ ਅਤੇ ਫਿਰ ਸਾਰੇ ਸੇਵਾਦਾਰਾਂ ਨੂੰ, ਜੋ ਪੂਜਨੀਕ ਪਰਮ ਪਿਤਾ ਜੀ ਦੇ ਨਾਲ ਸਨ। ਪੂਜਨੀਕ ਪਰਮ ਪਿਤਾ ਜੀ ਨੇ ਦੁੱਧ ਪੀਂਦੇ ਹੋਏ ਫ਼ਰਮਾਇਆ, ‘‘ਹੁਣ ਤੂੰ ਨਾਮ-ਸ਼ਬਦ ਵੀ ਲੈ ਲਈਂ।’’ ਉਸ ਭਾਈ ਨੇ ਕਿਹਾ, ‘‘ਜੀ! ਸਤਿ ਬਚਨ।’’ ਇਸ ਤੋਂ ਬਾਅਦ ਕਾਫਲਾ ਪਿੰਡ ਦੀਵਾਨਾ ਵੱਲ ਚੱਲ ਪਿਆ। ਰਸਤੇ ’ਚ ਸ਼ਹਿਨਸ਼ਾਹ ਜੀ ਉਸ ਆਦਮੀ ਦੀਆਂ ਗੱਲਾਂ ਕਰਦੇ ਹੋਏ ਕਹਿਣ ਲੱਗੇ ਕਿ ‘‘ਇਸ ਵਿਚਾਰੇ ਦਾ ਉੱਧਾਰ ਹੋਣਾ ਸੀ।’’

ਸੰਨ 1970 ਦੀ ਗੱਲ ਹੈ। ਸ਼ਾਹ ਮਸਤਾਨਾ-ਸ਼ਾਹ ਸਤਿਨਾਮ ਜੀ ਧਾਮ ਡੇਰਾ ਸੱਚਾ ਸੌਦਾ ਦੇ ਮੁੱਖ ਗੇਟ ਦੇ ਨੇੜੇ ਸੱਚਖੰਡ ਹਾਲ ਬਣ ਚੁੱਕਿਆ ਸੀ। ਡੇਰੇ ਦੇ ਪੰਡਾਲ ’ਚ ਸਾਧ-ਸੰਗਤ ਦੀ ਸਹੂਲਤ ਦੇ ਲਈ ਛੋਟੇ-ਛੋਟੇ ਬੂਟੇ ਲਾਏ ਗਏ ਸਨ ਤਾਂ ਕਿ ਵੱਡੇ ਹੋਣ ’ਤੇ ਸਾਧ-ਸੰਗਤ ਇਨ੍ਹਾਂ ਦੀ ਛਾਂ ’ਚ ਬੈਠ ਕੇ ਸਤਿਸੰਗ ਸੁਣ ਸਕੇ। ਇੱਕ ਦਿਨ ਪੂਜਨੀਕ ਪਰਮ ਪਿਤਾ ਸ਼ਾਹ ਸਤਿਨਾਮ ਸਿੰਘ ਜੀ ਮਹਾਰਾਜ ਘੁੰਮਦੇ ਹੋਏ ਓਧਰ ਆ ਗਏ, ਉੱਥੇ ਕੁਝ ਸੇਵਾਦਾਰ ਖੜ੍ਹੇ ਸਨ। ਸਭ ਨੇ ਪੂਜਨੀਕ ਸਤਿਗੁਰੂ ਜੀ ਦੇ ਸਾਹਮਣੇ ਨਤਮਸਤਕ ਹੋ ਕੇ ਨਾਅਰਾ ਲਾਇਆ। MSG Bhandara Month

ਪੂਜਨੀਕ ਸਤਿਗੁਰੂ ਜੀ ਨੇ ਸਾਰੇ ਸੇਵਾਦਾਰਾਂ ਨੂੰ ਆਪਣਾ ਪਵਿੱਤਰ ਅਸ਼ੀਰਵਾਦ ਦਿੱਤਾ ਤੇ ਚੱਲਦੇ-ਚੱਲਦੇ ਉਨ੍ਹਾਂ ਕੋਲ ਰੁਕ ਗਏ। ਪੂਜਨੀਕ ਸਤਿਗੁਰੂ ਜੀ ਨੇ ਸਭ ਦਾ ਹਾਲ-ਚਾਲ ਪੁੱਛਿਆ। ਉਦੋਂ ਇੱਕ ਸੇਵਾਦਾਰ ਨੇ ਪੂਜਨੀਕ ਪਰਮ ਪਿਤਾ ਜੀ ਦੇ ਚਰਨਾਂ ’ਚ ਅਰਜ਼ ਕੀਤੀ ਕਿ ਪਿਤਾ ਜੀ! ਹੁਣ ਤਾਂ ਆਨੰਦ ਆ ਜਾਵੇਗਾ ਕਿਉਂਕਿ ਗਰਮੀ ਦੇ ਮੌਸਮ ’ਚ ਸਾਧ-ਸੰਗਤ ਨੂੰ ਖੁੱਲ੍ਹੇ ਅਸਮਾਨ ਹੇਠਾਂ ਧੁੱਪ ’ਚ ਬੈਠ ਕੇ ਸਤਿਸੰਗ ਸੁਣਨ ’ਚ ਬਹੁਤ ਪ੍ਰੇਸ਼ਾਨੀ ਹੁੰਦੀ ਸੀ।

Read Also : ਸੱਚਖੰਡਵਾਸੀ ਹੇਤ ਰਾਮ ਇੰਸਾਂ ਨੇ ਵੀ ਖੱਟਿਆ ਸਰੀਰਦਾਨੀ ਹੋਣ ਦਾ ਲਾਹਾ

ਜਦੋਂ ਇਹ ਬੂਟੇ ਦਰੱਖ਼ਤ ਦਾ ਰੂਪ ਧਾਰਨ ਕਰ ਲੈਣਗੇ ਤਾਂ ਸਮੂਹ ਸਾਧ-ਸੰਗਤ ਉਨ੍ਹਾਂ ਦਰਖੱਤਾਂ ਦੀ ਛਾਂ ’ਚ ਬੈਠ ਕੇ ਸਤਿਸੰਗ ਸੁਣ ਸਕੇਗੀ ਤੇ ਆਰਾਮ ਕਰ ਸਕੇਗੀ। ਇਹ ਸੁਣ ਕੇ ਪੂਜਨੀਕ ਸਤਿਗੁਰੂ ਜੀ ਨੇ ਉਸ ਪ੍ਰੇਮੀ ਨੂੰ ਬਹੁਤ ਪਿਆਰ ਨਾਲ ਨਿਹਾਰਿਆ ਤੇ ਕੁਝ ਰੁਕ ਕੇ ਸਰਵ-ਸਮਰੱਥ ਸਤਿਗੁਰੂ ਜੀ ਨੇ ਬਚਨ ਫ਼ਰਮਾਏ ‘‘ਭੋਲਿਆ! ਜਦੋਂ ਤੱਕ ਇਹ ਬੂਟੇ, ਦਰੱਖਤ ਬਣਨਗੇ, ਉਦੋਂ ਤੱਕ ਸਾਧ-ਸੰਗਤ ਇੰਨੀ ਜ਼ਿਆਦਾ ਹੋ ਜਾਵੇਗੀ ਕਿ ਆਪਾਂ ਨੂੰ ਸਰਸੇ ਤੋਂ ਬਾਹਰ, ਟਿੱਬਿਆਂ ’ਤੇ ਜਾ ਕੇ ਸਤਿਸੰਗ ਕਰਨਾ ਪਵੇਗਾ।

ਇਹ ਜਗ੍ਹਾ ਜੋ ਜ਼ਿਆਦਾ ਲੱਗਦੀ ਹੈ, ਸੰਗਤ ਦੇ ਉੱਠਣ-ਬੈਠਣ ਤੇ ਰੁਕਣ ਦੇ ਕੰਮ ਆਵੇਗੀ।’’ ਪੂਜਨੀਕ ਸਤਿਗੁਰੂ ਜੀ ਦੇ ਪਵਿੱਤਰ ਬਚਨਾਂ ਅਨੁਸਾਰ ਦਰੱਖਤ ਬਣਨ ਤੋਂ ਪਹਿਲਾਂ ਹੀ ਸੰਗਤ ਇੰਨੀ ਜ਼ਿਆਦਾ ਹੋ ਗਈ ਸੀ ਕਿ ਡੇਰੇ ਦੇ ਅੰਦਰ ਬੈਠਣਾ ਮੁਸ਼ਕਲ ਹੋ ਗਿਆ। ਆਖਰ ਟਿੱਬਿਆਂ ’ਤੇ ਹੀ ਜਾਣਾ ਪਿਆ, ਜਿੱਥੇ ਅੱਜ ‘ਸ਼ਾਹ ਸਤਿਨਾਮ-ਸ਼ਾਹ ਮਸਤਾਨਾ ਜੀ ਧਾਮ ਡੇਰਾ ਸੱਚਾ ਸੌਦਾ’ ਬਣਿਆ ਹੋਇਆ ਹੈ।

2 ਫਰਵਰੀ 1969 : ਪਿੰਡ ਘੁੰਮਣ ਕਲਾਂ ’ਚ ਸਤਿਸੰਗ ਦਾ ਪ੍ਰੋਗਰਾਮ ਸੀ। ਪੂਜਨੀਕ ਪਰਮ ਪਿਤਾ ਸ਼ਾਹ ਸਤਿਨਾਮ ਸਿੰਘ ਜੀ ਮਹਾਰਾਜ ਰਾਤ ਦੇ ਕਰੀਬ 11:00 ਵਜੇ ਸਤਿਸੰਗ ਫ਼ਰਮਾਉਣ ਲਈ ਸਟੇਜ ’ਤੇ ਬਿਰਾਜਮਾਨ ਹੋਏ। ਸਤਿਗੁਰੂ ਜੀ ਨੇ ਸਾਰੀ ਸਾਧ-ਸੰਗਤ ਨੂੰ ਆਪਣਾ ਪਵਿੱਤਰ ਅਸ਼ੀਰਵਾਦ ਦੇਣ ਤੋਂ ਬਾਅਦ ਜਿਉਂ ਹੀ ਸਤਿਸੰਗ ਦਾ ਪ੍ਰੋਗਰਾਮ ਸ਼ੁਰੂ ਕੀਤਾ ਤਾਂ ਉਸੇ ਸਮੇਂ 8-10 ਬਜ਼ੁਰਗ ਖੜ੍ਹੇ ਹੋ ਕੇ ਆਪਣੇ-ਆਪਣੇ ਘਰਾਂ ਨੂੰ ਜਾਣ ਲੱਗੇ। Dera Sacha Sauda

ਪਰਮ ਦਿਆਲੂ ਦਾਤਾਰ ਜੀ ਨੇ ਉਨ੍ਹਾਂ ’ਤੇ ਦਇਆ ਕਰਦਿਆਂ ਉੱਚੀ ਆਵਾਜ਼ ’ਚ ਫ਼ਰਮਾਇਆ ‘‘ਖੜ੍ਹ’ਜੋ ਭਾਈ! ਖੜ੍ਹ’ਜੋ, ਸਾਡੀ ਇੱਕ ਗੱਲ ਸੁਣ ਕੇ ਜਾਣਾ।’’ ਇੰਨਾ ਕਹਿਣ ’ਤੇ ਉਹ ਸਾਰੇ ਰੁਕ ਗਏ। ਪਿਆਰੇ ਗੁਰੂ ਜੀ ਨੇ ਫ਼ਰਮਾਇਆ, ‘‘ਜਿਸ ਸਮੇਂ ਕਾਲ ਆਵੇਗਾ, ਇਹ ਸਤਿਸੰਗ ਦਾ ਸਾਰਾ ਪ੍ਰੋਗਰਾਮ ਇੱਕ ਫ਼ਿਲਮ ਵਾਂਗ ਤੁਹਾਡੇ ਸਾਹਮਣੇ ਆ ਜਾਵੇਗਾ। ਇੱਕ ਫਿਲਮ ਵਾਂਗ ਧਰਮਰਾਜ ਦੇ ਦਰਬਾਰ ’ਚ ਤੁਹਾਨੂੰ ਵਿਖਾਇਆ ਜਾਵੇਗਾ ਕਿ ਸੱਚੇ ਸੌਦੇ ਵਾਲੇ ਸੰਤ ਤੁਹਾਡੇ ਪਿੰਡ ’ਚ ਆਏ, ਢੋਲ ਵਜਾ-ਵਜਾ ਕੇ ਪਿੰਡ ’ਚ ਐਲਾਨ ਕਰਵਾਇਆ ਤੇ ਸੰਤਾਂ ਨੇ ਸਤਿਸੰਗ ਸੁਣਾ ਕੇ ਬੜਾ ਹੀ ਸਮਝਾਇਆ।

Read Also : ਸਾਧ-ਸੰਗਤ ਨੇ ਲੋੜਵੰਦ ਦਾ ਮਕਾਨ ਬਣਾ ਕੇ ਕੀਤੀ ਨਵੇਂ ਸਾਲ ਦੇ ਸ਼ੁਰੂਆਤ

ਉਦੋਂ ਸੋਚੋਗੇ ਕਿ ਅਸੀਂ ਨਾ ਤਾਂ ਸਤਿਸੰਗ ਸੁਣਿਆ ਤੇ ਨਾ ਹੀ ਸਮਝਿਆ, ਸਗੋਂ ਉੱਠ ਕੇ ਘਰ ਨੂੰ ਆ ਗਏ। ਜਿਸ ਕੰਮ ਲਈ ਮਾਨਸ ਜਨਮ ਮਿਲਿਆ ਸੀ ਉਹ ਕੰਮ (ਨਾਮ ਸ਼ਬਦ ਦੀ ਦਾਤ ਪ੍ਰਾਪਤ ਕਰਨਾ) ਨਹੀਂ ਕੀਤਾ। ਹੁਣ ਤੁਹਾਨੂੰ ਰੋਕਦੇ ਨਹੀਂ, ਬੇਸ਼ੱਕ ਚਲੇ ਜਾਓ।’’ ਪੂਜਨੀਕ ਪਰਮ ਪਿਤਾ ਜੀ ਦੇ ਉਕਤ ਬਚਨ ਸੁਣ ਕੇ ਸਾਰੇ ਬਜ਼ੁਰਗ ਉੱਥੇ ਬੈਠ ਗਏ। ਇਸ ਤੋਂ ਬਾਅਦ ਉਨ੍ਹਾਂ ਪੂਜਨੀਕ ਪਰਮ ਪਿਤਾ ਜੀ ਦਾ ਪੂਰਾ ਸਤਿਸੰਗ ਸੁਣਿਆ ਤੇ ਸਤਿਸੰਗ ਦੀ ਸਮਾਪਤੀ ਤੋਂ ਬਾਅਦ ‘ਨਾਮ ਸ਼ਬਦ’ ਦੀ ਦਾਤ ਪ੍ਰਾਪਤ ਕਰਕੇ ਆਪਣਾ ਜੀਵਨ ਸਫ਼ਲ ਬਣਾਇਆ।

Dera Sacha Sauda: (ਸੱਚ ਕਹੂੰ ਨਿਊਜ਼) ਸਰਸਾ। ਸੱਚੇ ਰੂਹਾਨੀ ਰਹਿਬਰ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਫ਼ਰਮਾਉਂਦੇ ਹਨ ਕਿ ਅੱਜ ਪੂਰੀ ਸਾਧ-ਸੰਗਤ ਦੇ ਚਿਹਰੇ ਖੁਸ਼ੀ ਨਾਲ ਖਿੜੇ ਹੋਏ ਹਨ ਅਤੇ ਇਸ ਸਭ ਪਿੱਛੇ ਸ਼ਾਹ ਮਸਤਾਨਾ-ਸ਼ਾਹ ਸਤਿਨਾਮ ਜੀ ਦਾਤਾ ਰਹਿਬਰ ਦਾ ਰਹਿਮੋ-ਕਰਮ ਹੈ ਅਤੇ ਮਾਲਕ ਅੱਗੇ ਇਹੀ ਦੁਆ ਹੈ ਕਿ ਪਰਮ ਪਿਤਾ ਪਰਮਾਤਮਾ ਤੁਹਾਨੂੰ ਹਰ ਖੁਸ਼ੀ ਨਾਲ ਨਿਵਾਜ਼ੇ, ਜੋ ਬਚਨਾਂ ਦਾ ਪੱਕਾ ਰਹੇ, ਦ੍ਰਿੜ ਯਕੀਨ ਰੱਖੇ, ਉਨ੍ਹਾਂ ਨੂੰ ਕੋਈ ਕਮੀ ਤਾਂ ਕੀ ਮੰਗਣ ਲਈ ਸੋਚਣ ਤੱਕ ਦੀ ਵੀ ਨੌਬਤ ਨਾ ਆਵੇ। ਸੱਚੇ ਦਾਤਾ ਰਹਿਬਰ ਸ਼ਾਹ ਸਤਿਨਾਮ ਸਿੰਘ ਜੀ ਮਹਾਰਾਜ ਦੇ ਜਿੰਨੇ ਗੁਣ ਗਾਈਏ, ਓਨੇ ਹੀ ਘੱਟ ਹਨ ਪੂਜਨੀਕ ਪਰਮ ਪਿਤਾ ਸ਼ਾਹ ਸਤਿਨਾਮ ਸਿੰਘ ਜੀ ਮਹਾਰਾਜ ਨੇ ਪੂਜਨੀਕ ਮਾਤਾ ਆਸ ਕੌਰ ਜੀ ਅਤੇ ਪੂਜਨੀਕ ਪਿਤਾ ਵਰਿਆਮ ਸਿੰਘ ਜੀ ਦੇ ਘਰ ਸ੍ਰੀ ਜਲਾਲਆਣਾ ਸਾਹਿਬ ਵਿਖੇ ਅਵਤਾਰ ਲਿਆ ਉਹ ਧਰਤੀ, ਉਹ ਜਗ੍ਹਾ ਧੰਨ-ਧੰਨ ਕਹਿਣ ਦੇ ਕਾਬਿਲ ਹੈ।

ਪੂਜਨੀਕ ਗੁਰੂ ਜੀ ਅੱਗੇ ਫ਼ਰਮਾਉਂਦੇ ਹਨ ਕਿ ਅਸੀਂ ਅਤੇ ਸਾਡੀ ਸਾਧ-ਸੰਗਤ ਧੰਨ ਹੈ, ਜਿਸ ਦਾਤਾ ਨੇ ਸਾਨੂੰ ਚਰਨੀਂ ਲਾਇਆ। ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਧੰਨ ਕਰਨ ਵਾਲੇ ਇੱਕ ਕਣ ਨੂੰ, ਇੱਕ ਕਤਰੇ ਨੂੰ ਸਮੁੰਦਰ ਹੀ ਨਹੀਂ ਮਹਾਂਸਾਗਰ ਬਣਾ ਦਿੰਦੇ ਹਨ ਇੱਕ ਨੂਰ ਦੇ ਜ਼ਰੇ ਨੂੰ ਸੂਰਜ ਹੀ ਨਹੀਂ ਕਰੋੜਾਂ ਸੂਰਜਾਂ ਦੀ ਤਰ੍ਹਾਂ ਚਮਕਾ ਦਿੰਦੇ ਹਨ, ਤਾਂ ਅਜਿਹੇ ਮੁਰਸ਼ਿਦ-ਏ-ਕਾਮਿਲ ਦਾਤਾ ਰਹਿਬਰ ਦਾ ਅਰਬਾਂ-ਖਰਬਾਂ ਵਾਰ ਗੁਣਗਾਨ ਗਾਈਏ, ਸਿਜਦਾ ਕਰੀਏ, ਨਮਨ ਕਰੀਏ ਓਨਾ ਘੱਟ ਹੈ ਗੁਣ ਗਾਉਣੇ ਜ਼ਰੂਰੀ ਹਨ,

‘ਅਸੀਂ ਸਾਂ, ਅਸੀਂ ਹਾਂ ਅਤੇ ਅਸੀਂ ਹੀ ਰਹਾਂਗੇ’

ਪਰ ਜੇਕਰ ਸਾਰੀ ਉਮਰ ਗੁਣ ਗਾਉਂਦੇ ਰਹੀਏ ਤਾਂ ਵੀ ਮੁਰਸ਼ਿਦ ਦਾ ਕਰਜ਼ ਉਤਾਰਿਆਂ ਨਹੀਂ ਜਾ ਸਕਦਾ ਅਸੀਂ ਸਾਰੇ ਧੰਨ ਹੋਏ ਕਿਉਂਕਿ ਦਾਤਾ ਰਹਿਬਰ ਦੇ ਦਰਸ਼ਨ ਕੀਤੇ ਉਸ ਪਰਮ ਪਿਤਾ ਪਰਮਾਤਮਾ ਨੇ ਧੰਨ ਬਣਾਏ ਤਾਂ ਹੀ ਧੰਨ ਹੋਏ ਨਹੀਂ ਤਾਂ ਪਤਾ ਨਹੀਂ ਕਿਹੜਾ ਜੀਵ ਕਿੱਥੇ ਭਟਕ ਰਿਹਾ ਸੀ ਪਤਾ ਨਹੀਂ ਕਿੰਨੇ ਯੁੱਗਾਂ ਤੋਂ ਆਤਮਾ ਭਟਕ ਰਹੀ ਸੀ ਅਤੇ ਜੇਕਰ ਉਹ (ਪੂਜਨੀਕ ਪਰਮ ਪਿਤਾ ਸ਼ਾਹ ਸਤਿਨਾਮ ਸਿੰਘ ਜੀ ਮਹਾਰਾਜ) ਨਾ ਆਉਂਦੇ ਤਾਂ ਆਤਮਾ ਭਟਕਦੀ ਹੀ ਰਹਿ ਜਾਂਦੀ ਸ਼ਾਹ ਸਤਿਨਾਮ ਜੀ ਦਾਤਾ ਦਾ ਜਿੰਨਾ ਗੁਣਗਾਨ ਗਾਈਏ, ਉਨ੍ਹਾਂ ਘੱਟ ਹੈ ਪਰਮ ਪਿਤਾ ਜੀ ਨੇ ‘ਅਸੀਂ ਸਾਂ, ਅਸੀਂ ਹਾਂ ਅਤੇ ਅਸੀਂ ਹੀ ਰਹਾਂਗੇ’ ਦੇ ਬਚਨ ਕਰਕੇ ਰੂਹਾਨੀਅਤ ਦਾ ਇਤਿਹਾਸ ਹੀ ਬਦਲ ਦਿੱਤਾ।

ਇਹ ਵੀ ਪੜ੍ਹੋ: New Year ’ਤੇ Saint Dr. MSG ਦੇ ਪਵਿੱਤਰ ਬਚਨ

ਪੂਜਨੀਕ ਗੁਰੂ ਜੀ ਅੱਗੇ ਫ਼ਰਮਾਉਂਦੇ ਹਨ ਕਿ ਸਤਿਗੁਰੂ ਮੌਲਾ ਨੇ ਹਰ ਤਰ੍ਹਾਂ ਨਾਲ ਆਪਣੇ ਬੱਚਿਆਂ ਦੀ ਸੰਭਾਲ ਕੀਤੀ, ਕਰ ਰਹੇ ਹਨ ਅਤੇ ਅਰਬਾਂ-ਖਰਬਾਂ ਗੁਣਾ ਜ਼ਿਆਦਾ ਕਰਨਗੇ ਜੋ ਬਚਨਾਂ ’ਤੇ ਅਮਲ ਕਰਨਗੇ। ਪੂਜਨੀਕ ਗੁਰੂ ਜੀ ਨੇ ਸਾਧ-ਸੰਗਤ ਨੂੰ ਬਚਨਾਂ ’ਤੇ ਪੱਕੇ ਰਹਿਣ ਅਤੇ ਦ੍ਰਿੜ ਯਕੀਨ ਰੱਖਣ ਦਾ ਸੱਦਾ ਦਿੱਤਾ। ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਅਜਿਹਾ ਕਲਿਯੁੱਗ ਦਾ ਸਮਾਂ ਹੈ ਜਿਸ ਵਿੱਚ ਮਨ, ਮਾਇਆ, ਕਾਮ ਵਾਸਨਾ, ਕ੍ਰੋਧ, ਲੋਭ, ਮੋਹ, ਹੰਕਾਰ ਦਾ ਬੋਲ-ਬਾਲਾ ਹੈ ਅਤੇ ਇਹ ਲੋਕਾਂ ਨੂੰ ਗੁੰਮਰਾਹ ਕਰ ਰਹੇ ਹਨ।

ਪੂਜਨੀਕ ਗੁਰੂ ਜੀ ਅੱਗੇ ਫ਼ਰਮਾਉਂਦੇ ਹਨ ਕਿ ਉਹ ਬੱਚੇ ਕਿਸਮਤ ਵਾਲੇ ਹਨ, ਜੋ ਗੁਰਮੰਤਰ ਲੈ ਕੇ ਰਾਮ-ਨਾਮ ਦਾ ਜਾਪ ਕਰ ਰਹੇ ਹਨ ਅਤੇ ਉਹ ਬੱਚੇ ਬਹੁਤ ਹੀ ਕਿਸਮਤ ਵਾਲੇ ਹਨ, ਜਿਨ੍ਹਾਂ ਦੇ ਮਾਂ-ਬਾਪ ਨੇ ਉਨ੍ਹਾਂ ਨੂੰ ਗੁਰਮੰਤਰ ਦਵਾ ਦਿੱਤਾ ਖਾਨਦਾਨੀ ਸੇਵਾਦਾਰ, ਖਾਨਦਾਨੀ ਸਤਿਸੰਗੀ ਨੂੰ ਅਸੀਂ ਸੈਲੂਟ ਕਰਦੇ ਹਾਂ। ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਪੂਜਨੀਕ ਪਰਮ ਪਿਤਾ ਜੀ ਨੇ ਡਰਨਾ ਨਹੀਂ ਸਿਖਾਇਆ, ਝੁਕਣਾ ਸਿਖਾਇਆ ਹੈ, ਲੜਨਾ ਨਹੀਂ ਸਿਖਾਇਆ, ਪ੍ਰੇਮ ਕਰਨਾ ਸਿਖਾਇਆ ਹੈ, ਅਹਿੰਸਾ ’ਚ ਰਹਿਣਾ ਸਿਖਾਇਆ ਹੈ, ਹਿੰਸਾ ਕਰਨਾ ਨਹੀਂ ਸਿਖਾਇਆ ਇਸ ਤੋਂ ਇਲਾਵਾ ਸਾਧ-ਸੰਗਤ ਨੂੰ ਬੇਗਰਜ਼ ਪ੍ਰੇਮ ਕਰਨਾ ਸਿਖਾਇਆ ਹੈ ਆਤਮਾ ਦਾ ਪਰਮਾਤਮਾ ਨਾਲ ਇਸ਼ਕ ਕਰਨਾ ਸਿਖਾਇਆ ਹੈ ਆਤਮਿਕ ਇਸ਼ਕ ’ਚ ਜੋ ਨਸ਼ਾ ਹੁੰਦਾ ਹੈ ਉਹ ਬਾ-ਕਮਾਲ, ਗਜ਼ਬ, ਜ਼ਬਰਦਸਤ ਹੁੰਦਾ ਹੈ। Dera Sacha Sauda

New Year ’ਤੇ Saint Dr. MSG ਦੇ ਪਵਿੱਤਰ ਬਚਨ | New Year

ਸਰਸਾ। ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਫਰਮਾਉਂਦੇ ਹਨ ਕਿ ਨਵਾਂ ਸਾਲ ਤੁਹਾਨੂੰ ਮੁਬਾਰਕ ਹੋਵੇ ਅਤੇ ਇਹ ਤੁਹਾਡੇ ਲਈ ਖੁਸ਼ੀਆਂ ਲੈ ਕੇ ਆਵੇ। ਜੋ ਗਲਤੀਆਂ ਤੁਸੀਂ ਇਸ ਸਾਲ ’ਚ ਕੀਤੀਆਂ ਹਨ ਉਹ ਅਗਲੇ ਸਾਲ ’ਚ ਨਾ ਕਰਨ ਦਾ ਪ੍ਰਣ ਕਰੋ। ਜੋ ਤੁਸੀਂ ਸਿਮਰਨ ਕੀਤਾ, ਸਤਿਸੰਗਾਂ ਸੁਣੀਆਂ ਉਹ ਤੁ਼ਹਾਡੇ ਨਾਲ ਰਹੇਗਾ, ਤੁਸੀਂ ਆਪਣੇ ਔਗੁਣਾਂ ਤੇ ਬੁਰੀ ਆਦਤਾਂ ਨੂੰ ਛੱਡ ਦਿਓ। ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਕਿ ਇੱਕ ਜਨਵਰੀ ਤੋਂ ਪਵਿੱਤਰ MSG ਅਵਤਾਰ ਮਹੀਨਾ ਸ਼ੁਰੂ ਹੋਣ ਜਾ ਰਿਹਾ ਹੈ। (New Year)

ਪੂਜਨੀਕ ਪਰਮ ਪਿਤਾ ਸ਼ਾਹ ਸਤਿਨਾਮ ਸਿੰਘ ਜੀ ਮਹਾਰਾਜ ਨੇ ਕਦੇ ਕੋਈ ਨਿਰਾਸ਼ ਨਹੀਂ ਮੋੜਿਆ

ਇਸ ਪਵਿੱਤਰ MSG ਅਵਤਾਰ ਮਹੀਨੇ ’ਚ ਰੋਜ਼ਾਨਾ ਸਤਿਗੁਰੂ ਜੀ ਨੂੰ ਹਾਜ਼ਰ-ਨਾਜ਼ਰ ਮੰਨ ਕੇ ‘ਧੰਨ-ਧੰਨ ਸਤਿਗੁਰੂ ਤੇਰਾ ਹੀ ਆਸਰਾ’ ਦਾ ਪਵਿੱਤਰ ਨਾਅਰਾ ਲਗਾ ਕੇ ਆਪਣੇ ਅੰਦਰ ਦੀ ਇੱਕ ਬੁਰੀ ਆਦਤ ਜ਼ਰੂਰ ਛੱਡੋ ਤੇ ਪ੍ਰਣ ਕਰੋ ਕਿ ਜ਼ਿੰਦਗੀ ’ਚ ਇਹ ਗਲਤੀ ਮੁੜ ਨਹੀਂ ਕਰਾਂਗਾ। ਅਜਿਹਾ ਕਰਨ ਨਾਲ ਤੁਸੀਂ ਅੰਦਰੋਂ-ਬਾਹਰੋਂ ਖੁਸ਼ੀਆਂ ਨਾਲ ਮਾਲਾ-ਮਾਲ ਹੋ ਜਾਓਗੇ। ਆਪ ਜੀ ਨੇ ਫ਼ਰਮਾਇਆ ਕਿ ਇਸ ਸਾਲ ’ਚ ਜਾਣੇ-ਅਣਜਾਣੇ ’ਚ ਤੁਹਾਡੇ ਤੋਂ ਜੋ ਪਾਪ-ਗੁਨਾਹ ਹੋਏ, ਮਾਲਕ ਦੇ ਸਾਹਮਣੇ ਤੌਬਾ ਕਰਕੇ ਉਸ ਨੂੰ ਛੱਡ ਦਿਓ, ਗੁਣਾਂ ਨੂੰ ਉਠਾ ਕੇ ਅਗਲੇ ਸਾਲ ’ਚ ਲੈ ਜਾਓ, ਇਰਾਦਾ ਮਜ਼ਬੂਤ ਬਣਾ ਕੇ ਚੱਲੋ ਤੇ ਗੁਣ ਗ੍ਰਹਿਣ ਕਰਨੇ ਹਨ ਅਤੇ ਮਾਲਕ ਦੀਆਂ ਖੁਸ਼ੀਆਂ ਨੂੰ ਪਾਉਣਾ ਹੈ। (New Year)

ਜਲਾਲਆਣੇ ‘ਚ ਆਇਆ ਨੂਰੇ ਜਲਾਲ | New Year

ਸ਼ਹਿਨਸ਼ਾਹੀ ਨੂਰੀ ਬਾਲ ਮੁਖੜੇ ਨੂੰ ਜੋ ਵੀ ਵੇਖੇ, ਵੇਖਦਾ ਹੀ ਰਹਿ ਜਾਵੇ, ਨੂਰੀ ਮੁਖੜੇ ਤੋਂ ਨਜ਼ਰ ਹਟਾਉਣ ਦਾ ਦਿਲ ਹੀ ਨਾ ਕਰੇ ਇੱਕ ਝਿਉਰ ਦੀ ਮਿਸਾਲ ਵੀ ਇੱਥੇ ਪੇਸ਼ ਹੈ ਉਹ ਰੋਜ਼ਾਨਾ ਘਰ ‘ਚ ਪਾਣੀ ਭਰਨ ਆਉਂਦਾ ਸੀ ਅਤੇ ਪੂਜਨੀਕ ਪਰਮ ਪਿਤਾ ਜੀ ਦੇ ਬਾਲ ਸਰੂਪ ਨੂੰ ਪੰਘੂੜੇ ਨੇੜੇ ਕਈ ਘੰਟਿਆਂ ਤੱਕ ਖੜ੍ਹ ਕੇ ਦੀਦਾਰ ਕਰਦਾ ਇੱਕ ਦਿਨ ਪੂਜਨੀਕ ਮਾਤਾ ਜੀ ਨੇ ਟਿਕਟਕੀ ਲਾ ਕੇ ਖੜ੍ਹੇ ਉਸ ਭਾਈ ਨੂੰ ਟੋਕ ਵੀ ਦਿੱਤਾ ਕਿ ਤੁਸੀਂ ਰੋਜ਼ਾਨਾ ਇੰਨੀ-ਇੰਨੀ ਦੇਰ ਤੱਕ ਕੀ ਵੇਖਦੇ ਹੋ? ਉਸ ਭਾਈ ਨੇ ਨਿਮਰਤਾ ਨਾਲ ਜਵਾਬ ਦਿੱਤਾ ਮਾਤਾ ਜੀ, ਆਪ ਜੀ ਦੇ ਲਾਡਲੇ ‘ਚ ਮੈਨੂੰ ਈਸ਼ਟਦੇਵ (ਪਰਮੇਸ਼ਵਰ) ਦੇ ਦਰਸ਼-ਦੀਦਾਰ ਹੁੰਦੇ ਹਨ ਮੈਂ ਕਿਸੇ ਗਲਤ-ਭਾਵਨਾ ਨਾਲ ਨਹੀਂ ਸ਼ਰਧਾਪੂਰਵਕ ਦੀਦਾਰ ਕਰਦਾ ਹਾਂ।

ਅਜਿਹੀ ਹੀ ਇੱਕ ਹੋਰ ਵੀ ਘਟਨਾ ਜ਼ਿਕਰਯੋਗ ਹੈ, ਜਦੋਂ ਪੂਜਨੀਕ ਮਾਤਾ ਜੀ ਨੇ ਕਿਸੇ ਸਾਧੂ-ਸੁਭਾਅ ਸਖਸ਼ ਨੂੰ ਆਪਣੇ ਲਾਡਲੇ ਦੇ ਪਾਲਣੇ ਕੋਲ ਖੜ੍ਹਾ ਪਾਇਆ ਤਾਂ ਤੁਰੰਤ ਆ ਕੇ ਰੀਤੀ ਰਿਵਾਜ਼ ਅਨੁਸਾਰ ਤਵੇ ਤੋਂ ਕਾਲਾ ਟਿੱਕਾ ਆਪਣੇ ਲਾਡਲੇ ਨੂੰ ਲਾ ਦਿੱਤਾ ਤਾਂਕਿ ਕਿਸੇ ਦੀ ਬੁਰੀ ਨਜ਼ਰ ਲਾਡਲੇ ਨੂੰ ਨਾ ਲੱਗੇ ਤਾਂ ਇਹ ਵੇਖ ਕੇ ਉਸ ਸਾਧੂ ਨੇ ਆਦਰ ਸਨਮਾਨ ਦੇ ਨਾਲ ਮਾਤਾ ਜੀ ਨੂੰ ਕਿਹਾ, ਮਾਤਾ ਜੀ ਫਕੀਰਾਂ ਦੀ ਨਜ਼ਰ ਨਹੀਂ ਲੱਗਿਆ ਕਰਦੀ ਉਸ ਬਾਬੇ ਨੇ ਕਿਹਾ, ਮਾਤਾ ਜੀ, ਤੁਹਾਡੇ ਪੁੱਤਰ ਦੇ ਪੈਰ ‘ਚ ਪੂਰਾ ਪਦਮ ਚਿੰਨ੍ਹ ਹੈ ਤੁਹਾਡਾ ਬੇਟਾ ਕੋਈ ਮਹਾਨ ਸਖਸ਼ੀਅਤ ਹੈ ਇਨ੍ਹਾਂ ਦੇ ਦਰਸ਼-ਦੀਦਾਰ ਕਰਕੇ ਮੈਨੂੰ ਪਰਮ ਸੁੱਖ ਦਾ ਅਹਿਸਾਸ ਹੋਇਆ ਹੈ। ਆਪ ਜੀ ਨੇ ਫਰਮਾਇਆ ਕਿ ਇਸ ਸਾਲ ’ਚ ਜਾਣੇ-ਅਣਜਾਣੇ ’ਚ ਤੁਹਾਡੇ ਤੋਂ ਪਾਪ-ਗੁਨਾਹ ਹੋਏ, ਮਾਲਕ ਦੇ ਸਾਹਮਣੇ ਤੌਬਾ ਕਰਕੇ ਇਸ ਨੂੰ ਛੱਡ ਦਿਓ, ਗੁਣਾਂ ਨੂੰ ਚੁੱਕ ਕੇ ਅਗਲੇ ਸਾਲ ’ਚ ਲੈ ਚੱਲੋ, ਇਰਾਦਾ ਮਜ਼ਬੂਤ ਬਣਾ ਕੇ ਚੱਲੋ, ਅਤੇ ਗੁਣ ਹਾਸਲ ਕਰਨ ਹਨ ਅਤੇ ਮਾਲਕ ਦੀਆਂ ਖੁਸ਼ੀਆਂ ਨੂੰ ਪਾਉਣਾ ਹੈ। (New Year)

ਪੂਜਨੀਕ ਹਜ਼ੂਰ ਪਿਤਾ ਜੀ ਨੇ ਫਰਮਾਇਆ ਕਿ ਜਦੋਂ ਤੱਕ ਇਨਸਾਨ ਮਾਲਕ ਦੇ ਨਾਂਅ ਨਾਲ ਜੁੜਦਾ ਨਹੀਂ, ਉਦੋਂ ਤੱਕ ਆਪਣੇ ਗਮ, ਦੁੱਖ-ਦਰਦ, ਪਰੇਸ਼ਾਨੀਆਂ ਨਾਲ ਦੋ-ਚਾਰ ਵਾਰ ਹੁੰਦਾ ਰਹੇਗਾ। ਬੇਚੈਨੀ ਦਾ ਆਲਮ ਕਦੇ ਮਿਟ ਨਹੀਂ ਸਕੇਗਾ। ਅੰਦਰ ਦੇ ਬੁਰੇ ਵਿਚਾਰ ਕਦੇ ਚੈਨ ਨਾਲ ਜੀਣ ਨਹੀਂ ਦੇਣਗੇ ਅਤੇ ਇਨਸਾਨ ਬੇਚੈਨਿਆਂ ’ਚ, ਭੱਜ-ਦੌੜ ’ਚ ਸਾਰਾ ਸਮਾਂ ਗੁਜਾਰ ਕੇ ਬਰਬਾਦ ਕਰਕੇ ਇਸ ਸੰਸਾਰ ਨੂੰ ਛੱਡ ਜਾਂਦਾ ਹੈ, ਇੱਥੇ ਵੀ ਦੁਖੀ ਅਤੇ ਅੱਗੇ ਵੀ ਨਰਕ-ਦੋਜਕ ’ਚ ਸੜੇਗਾ।

ਜੇਕਰ ਇਨਸਾਨ ਗੁਰੂਮੰਤਰ ਲੈ ਲੈਂਦਾ ਹੈ ਤਾਂ ਇੱਥੇ ਵੀ ਸੁਖੀ ਅਤੇ ਅੱਗੇ ਵੀ ਮਾਲਕ ਦਾ ਰਹਿਮੋ-ਕਰਮ ਬਰਸਦਾ ਹੈ, ਉਹ ਆਵਾਗਮਨ ਤੋਂ ਮੁਕਤ ਹੋ ਕੇ ਮਾਲਕ ਦੀ ਗੋਦ ’ਚ ਜਾ ਵਿਰਾਜ਼ਦਾ ਹੈ। ਇਸ ਲਈ ਮਾਲਕ ਦਾ ਨਾਂਅ ਲੈਣਾ ਕਦੇ ਨਾ ਭੁੱਲੋ, ਉਸ ਦੇ ਨਾਂਅ ਨਾਲ ਜੁੜੋ, ਉਸ ਦੇ ਨਾਂਅ ਦਾ ਸਿਮਰਨ ਕਰੋ ਤਾਂ ਤੁਹਾਡੇ ਅੰਦਰ ਤਾਕਤ ਆਵੇਗੀ, ਸ਼ਕਤੀ ਆਵੇਗੀ, ਜਿਸ ਨੂੰ ਵਿਲ ਪਾਵਰ ਜਾਂ ਆਤਮਬਲ ਕਿਹਾ ਜਾਂਦਾ ਹੈ। (New Year)

ਸਾਰੀਆਂ ਮੁਸ਼ਕਲਾਂ ਹੱਲ ਕਰ ਦਿੰਦਾ ਹੈ ਪਰਮਾਤਮਾ : ਪੂਜਨੀਕ ਗੁਰੂ ਜੀ

ਇਸ ਵਿਲ ਪਾਵਰ ਦੇ ਆਉਣ ਨਾਲ ਤੁਹਾਡੇ ਗਮ, ਦੁੱਖ-ਦਰਦ, ਚਿੰਤਾਵਾਂ, ਪਰੇਸ਼ਾਨੀਆਂ ਦੂਰ ਹੋਣਗੀਆਂ ਅਤੇ ਮਾਲਕ ਦੀ ਦਿਆ ਮਿਹਰ, ਰਹਿਮਤ ਦੇ ਕਾਬਲ ਤੁਸੀਂ ਬਣਦੇ ਚਲੇ ਜਾਵੋਂਗੇ। ਸਿਮਰਨ ਦਾ ਪੱਲਾ ਕਦੇ ਨਾ ਛੱਡੋ। ਚੱਲਦੇ, ਬੈਠ ਕੇ, ਕੰਮ-ਧੰਧਾ ਕਰਦੇ ਹੋਏ ਸਿਮਰਨ ਕਰਦੇ ਰਹੋ ਤਾਂ ਜ਼ਰੂਰ ਮਾਲਕ ਦੀਆਂ ਖੁਸ਼ੀਆਂ ਮਿਲਣਗੀਆਂ ਅਤੇ ਉਸ ਦੇ ਰਹਿਮੋ-ਕਰਮ ਦੇ ਕਾਬਲ ਬਣੋਂਗੇ। ਆਪ ਜੀ ਨੇ ਫਰਮਾਇਆ ਕਿ ਵਿਚਾਰ ਜੀਰੋ ਕਦੇ ਨਹੀਂ ਰਹਿੰਦੇ, ਕੋਈ ਨਾ ਕੋਈ ਵਿਚਾਰ, ਕੋਈ ਨਾ ਕੋਈ ਖਿਆਲ, ਦਿਲੋ-ਦਿਮਾਗ ’ਚ ਚੱਲਦਾ ਰਹਿੰਦਾ ਹੈ। ਜੇਕਰ ਇਨਸਾਨ ਉਸ ਦੀ ਜਗ੍ਹਾ ਆਪਣੇ ਸਤਿਗੁਰੂ ਦੇ ਵਿਚਾਰ, ਅੱਲ੍ਹਾ, ਵਾਹਿਗੁਰੂ, ਰਾਮ, ਗੌਡ, ਖੁਦਾ, ਰੱਬ ਦੇ ਵਿਚਾਰ ਦਿਲੋ-ਦਿਮਾਗ ’ਚ ਲੈ ਆਵੇ ਤਾਂ ਜ਼ਰੂਰ ਬੁਰੇ ਵਿਚਾਰ ਖਤਮ ਹੋਣਗੇ, ਮਾਲਕ ਨਾਲ ਪਿਆਰ ਵਧੇਗਾ ਅਤੇ ਜਿੰਦਗੀ ’ਚ ਬਹਾਰ ਛਾ ਜਾਵੇਗੀ। (New Year)

”ਜੈਲਦਾਰਾਂ ਦਾ ਮੁੰਡਾ (ਪੂਜਨੀਕ ਪਰਮ ਪਿਤਾ ਜੀ) ਕੋਈ ਖਾਸ ਹਸਤੀ ਹੈ’

ਪੂਜਨੀਕ ਮਾਤਾ-ਪਿਤਾ ਜੀ ਨੇ ਆਪਣੇ ਲਾਡਲੇ ਦਾ ਨਾਂਅ ਸਰਦਾਰ ਹਰਬੰਸ ਸਿੰਘ ਜੀ ਰੱਖਿਆ ਅਤੇ ਪਰਮ ਪੂਜਨੀਕ ਬੇਪਰਵਾਹ ਸ਼ਾਹ ਮਸਤਾਨਾ ਜੀ ਮਹਾਰਾਜ (ਡੇਰਾ ਸੱਚਾ ਸੌਦਾ ਦੇ ਸੰਸਥਾਪਕ) ਨਾਲ ਮਿਲਾਪ ਤੋਂ ਬਾਅਦ ਸਰਦਾਰ ਹਰਬੰਸ ਸਿੰਘ ਜੀ ਤੋਂ ਬਦਲ ਕੇ ਆਪ ਜੀ ਦਾ ਨਾਂਅ ਸਰਦਾਰ ਸਤਿਨਾਮ ਸਿੰਘ ਜੀ (ਪੂਜਨੀਕ ਪਰਮ ਪਿਤਾ ਸ਼ਾਹ ਸਤਿਨਾਮ ਸਿੰਘ ਜੀ ਮਹਾਰਾਜ) ਰੱਖ ਦਿੱਤਾ। ਬਚਪਨ ਤੋਂ ਜਿਉਂ-ਜਿਉਂ ਆਪ ਜੀ ਵੱਡੇ ਹੁੰਦੇ ਗਏ, ਆਪ ਜੀ ਦੇ ਚਾਨਣ ਦਾ ਦਾਇਰਾ ਹੋਰ ਵੱਡਾ ਹੁੰਦਾ ਗਿਆ ਹਾਲੇ ਆਪ ਜੀ ਬਚਪਨ ਅਵਸਥਾ ‘ਚ ਹੀ ਸਨ ਕਿ ਪੂਜਨੀਕ ਪਿਤਾ ਸਰਦਾਰ ਵਰਿਆਮ ਸਿੰਘ ਜੀ ਪਰਮਾਤਮਾ ‘ਚ ਲੀਨ ਹੋ ਗਏ।

ਤਾਂ ਇਸ ‘ਤੇ ਆਪ ਜੀ ਦਾ ਬਚਪਨ ਪੂਜਨੀਕ ਮਾਤਾ ਜੀ ਅਤੇ ਆਪ ਜੀ ਦੇ ਪੂਜਨੀਕ ਮਾਮਾ ਜੀ ਸਰਦਾਰ ਵੀਰ ਸਿੰਘ (ਡੇਰਾ ਸੱਚਾ ਸੌਦਾ ‘ਚ ਬਤੌਰ ਸਤਿ ਬ੍ਰਹਮਚਾਰੀ ਸੇਵਾਦਾਰ ਰਹਿੰਦੇ ਹੋਏ ਓੜ ਨਿਭਾ ਗਏ ਹਨ) ਦੀ ਦੇਖ-ਰੇਖ ‘ਚ ਗੁਜਰਿਆ ਬਚਪਨ ‘ਚ ਪੂਜਨੀਕ ਪਰਮ ਪਿਤਾ ਸ਼ਾਹ ਸਤਿਨਾਮ ਸਿੰਘ ਜੀ ਮਹਾਰਾਜ ਦੇ ਖੇਡ (ਬਚਪਨ ਦੇ ਚੋਜ) ਵੀ ਇਲਾਹੀ ਹੀ ਸਨ ਆਪ ਜੀ ਦੀ ਬੋਲਬਾਣੀ, ਹਾਵ-ਭਾਵ, ਚਾਲ ਢਾਲ, ਖੇਡ ਕੁੱਦ ਹਰ ਕਿਰਿਆ ਅਤੇ ਹਰ ਕਾਰਜ ‘ਚ ਇਲਾਹੀ ਨੂਰ ਝਲਕਦਾ ਸੀ ਤਦ ਵੀ ਸਨੇਹੀ ਸੱਜਣ ਇਹੀ ਕਹਿੰਦੇ ਕਿ ”ਜੈਲਦਾਰਾ ਦਾ ਮੁੰਡਾ (ਪੂਜਨੀਕ ਪਰਮ ਪਿਤਾ ਜੀ) ਕੋਈ ਖਾਸ ਹਸਤੀ ਹੈ’।

ਸੱਚੇ ਰੂਹਾਨੀ ਰਹਿਬਰ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ (Saint Dr. Gurmeet Ram Rahim Singh Ji Insan) ਫ਼ਰਮਾਉਂਦੇ ਹਨ ਕਿ ਸੰਤ, ਪੀਰ-ਫ਼ਕੀਰ ਉਨ੍ਹਾਂ ਨੂੰ ਕਿਹਾ ਜਾਂਦਾ ਹੈ ਜੋ ਇਨਸਾਨ ਨੂੰ ਸੱਚ ਨਾਲ ਜੋੜ ਦਿੰਦੇ ਹਨ, ਮਾਲਕ ਦਾ ਪੈਗਾਮ ਜਨ-ਜਨ ਤੱਕ ਪਹੁੰਚਾਉਂਦੇ ਹਨ, ਉਸ ਪਰਮਾਤਮਾ ਦੇ ਸੰਦੇਸ਼ ਦੀ ਚਰਚਾ ਕਰਦੇ ਰਹਿੰਦੇ ਹਨ, ਜਿਸ ਨਾਲ ਆਤਮਾ, ਪਰਮਪਿਤਾ ਪਰਮਾਤਮਾ ਨਾਲ ਮਿਲ ਜਾਵੇ। ਗੁਰੂ, ਮੁਰਸ਼ਿਦੇ-ਕਾਮਲ, ਸੰਤ ਉਹ ਗਾਈਡ ਹੁੰਦੇ ਹਨ ਜੋ ਜਿਉਂਦੇ-ਜੀਅ ਗ਼ਮ, ਦੁੱਖ-ਦਰਦ ਚਿੰਤਾ, ਪਰੇਸ਼ਾਨੀਆਂ ਤੋਂ ਮੁਕਤੀ ਦਾ ਰਾਹ ਦੱਸਦੇ ਹਨ ਤੇ ਮੌਤ ਉਪਰੰਤ ਆਵਾਗਮਨ ਤੋਂ ਕਿਵੇਂ ਆਤਮਾ ਮੁਕਤ ਹੋਵੇ, ਇਹ ਤਰੀਕਾ ਸਮਝਾਉਂਦੇ ਹਨ।

ਪੂਜਨੀਕ ਗੁਰੂ ਜੀ (Saint Dr. Gurmeet Ram Rahim Singh Ji Insan) ਫ਼ਰਮਾਉਂਦੇ ਹਨ ਕਿ ਸੰਤਾਂ ਦਾ ਕੰਮ ਕੋਈ ਮੇਲਾ, ਤਮਾਸ਼ਾ ਕਰਨਾ ਨਹੀਂ ਹੁੰਦਾ, ਸਗੋਂ ਉਨ੍ਹਾਂ ਦੇ ਹਰ ਕਾਰਜ ’ਚ ਹਰ ਕਿਸੇ ਦਾ ਭਲਾ ਛੁੁਪਿਆ ਹੁੰਦਾ ਹੈ। ਉਨ੍ਹਾਂ ਦਾ ਕੋਈ ਨਿੱਜੀ ਮਕਸਦ ਨਹੀਂ ਹੁੰਦਾ ਕਿ ਉਹ ਖੁਦ ਲਈ ਕੁਝ ਬਣਾਉਣ। ਜਿਸ ਤਰ੍ਹਾਂ ਦਰੱਖ਼ਤ-ਪੌਦੇ ’ਤੇ ਜਿੰਨੇ ਵੀ ਫ਼ਲ ਲੱਗ ਜਾਣ, ਉਹ ਫ਼ਲ ਖੁਦ ਨਹੀਂ ਖਾਂਦੇ। ਸਮੁੰਦਰ, ਨਦੀਆਂ ਕਦੇ ਆਪਣਾ ਪਾਣੀ ਆਪ ਨਹੀਂ ਪੀਂਦੇ। ਇਸ ਲਈ ਸੰਤ, ਪੀਰ-ਫ਼ਕੀਰ ਦੁਨੀਆਂ ਲਈ ਆਉਂਦੇ ਹਨ। ਉਨ੍ਹਾਂ ਦਾ ਆਪਣਾ ਨਿੱਜੀ ਮਕਸਦ ਨਹੀਂ ਹੁੰਦਾ। ਉਨ੍ਹਾਂ ਦਾ ਹਰ ਕਰਮ, ਹਰ ਕਿਸੇ ਦੇ ਭਲੇ ਲਈ ਹੁੰਦਾ ਹੈ। ਦੁਆ ਲਈ ਹੱਥ ਉੱਠਦੇ ਹਨ, ਦੁਆ ਲਈ ਅੰਦਰ ਸੋਚ ਚਲਦੀ ਹੈ ਤੇ ਦੁਆ ਲਈ ਹੀ ਉਹ ਬਣੇ ਹੁੰਦੇ ਹਨ।

Saint Dr. Gurmeet Ram Rahim Singh Ji Insan

ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਜਿਸ ਤਰ੍ਹਾਂ ਤੁਸੀਂ ਘਰ ਦੇ ਮੁਖੀ ਹੋ ਤਾਂ ਤੁਹਾਨੂੰ ਘਰ ਦਾ ਫ਼ਿਕਰ ਹੁੰਦਾ ਹੈ, ਬਾਲ-ਬੱਚੇ, ਪਰਿਵਾਰ ਦਾ ਫ਼ਿਕਰ ਹੁੰਦਾ ਹੈ। ਉਸ ਲਈ ਤੁਸੀਂ ਕਿੰਨਾ ਕੁਝ ਕਰਦੇ ਰਹਿੰਦੇ ਹੋ। ਉਸੇ ਤਰ੍ਹਾਂ ਸੰਤ, ਪੀਰ-ਫ਼ਕੀਰ ਪੂਰੀ ਸ੍ਰਿਸ਼ਟੀ ਲਈ ਆਉਂਦੇ ਹਨ। ਉਨ੍ਹਾਂ ਨੂੰ ਸਾਰੇ ਸਮਾਜ ਦਾ, ਸਾਰੀ ਸ੍ਰਿਸ਼ਟੀ ਦਾ ਫ਼ਿਕਰ ਹੁੰਦਾ ਹੈ, ਕਿਉਂਕਿ ਪਰਮਾਤਮਾ ਵੱਲੋਂ ਉਨ੍ਹਾਂ ਦੀ ਇਹ ਡਿਊਟੀ ਹੁੰਦੀ ਹੈ ਕਿ ਪੂਰੀ ਸ੍ਰਿਸ਼ਟੀ ’ਚ ਤਾਲਮੇਲ ਬਣਿਆ ਰਹੇ ਤੇ ਇਨਸਾਨ ਦੇ ਰੂਪ ’ਚ ਜੋ ਆਤਮਾ ਇਸ ਧਰਤੀ ’ਤੇ ਹੈ, ਉਹ ਪਰਮਪਿਤਾ ਪਰਮਾਤਮਾ ਨੂੰ ਮਿਲ ਜਾਵੇ। ਇਸ ਲਈ ਸੰਤ ਸਤਿਸੰਗ ਕਰਦੇ ਹਨ, ਹਰ ਕਰਮ ਕਰਦੇ ਹਨ, ਜਿਸ ਨਾਲ ਇਨਸਾਨ ਬੁਰਾਈ ਛੱਡ ਕੇ ਮਾਲਕ ਵੱਲ ਲੱਗ ਜਾਵੇ ਤੇ ਖੁਸ਼ੀਆਂ ਨਾਲ ਮਾਲਾਮਾਲ ਹੋ ਜਾਵੇ।

Read Also : ਹਮੀਰ ਸਿੰਘ ਇੰਸਾਂ ਬਣੇ ਬਰੇਟਾ ਦੇ ਸੱਤਵੇਂ ਸਰੀਰਦਾਨੀ

ਰੂਹਾਨੀਅਤ: ਦੀਨਤਾ ਨਿਮਰਤਾ ਧਾਰਨ ਨਾਲ ਮਿਲਣਗੀਆਂ ਮਾਲਕ ਦੀਆਂ ਖੁਸ਼ੀਆਂ

(ਸੱਚ ਕਹੂੰ ਨਿਊਜ਼) ਸਰਸਾ। ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ (MSG) ਫ਼ਰਮਾਉਦੇ ਹਨ ਕਿ ਇਨਸਾਨ ਨੂੰ ਜਦੋਂ ਪਰਮ ਪਿਤਾ ਪਰਮਾਤਮਾ ਨਜ਼ਰ ਦੇ ਦਿੰਦਾ ਹੈ, ਤਾਂ ਉਸਨੂੰ ਉਹ ਨਜ਼ਾਰੇ ਮਿਲਦੇ ਹਨ, ਉਹ ਲੱਜ਼ਤ ਮਿਲਦੀ ਹੈ, ਜਿਸਦੀ ਕਦੇ ਉਸਨੇ ਕਲਪਨਾ ਵੀ ਨਹੀਂ ਕੀਤੀ ਹੁੰਦੀ ਉਹ ਖੁਸ਼ੀਆਂ ਮਿਲਦੀਆਂ ਹਨ, ਜਿਨ੍ਹਾਂ ਦਾ ਲਿਖ-ਬੋਲ ਕੇ ਵਰਣਨ ਨਹੀਂ ਕੀਤਾ ਜਾ ਸਕਦਾ।

ਪੂਜਨੀਕ ਗੁਰੂ ਜੀ  (MSG) ਫ਼ਰਮਾਉਦੇ ਹਨ ਕਿ ਨਜ਼ਰ ਤਾਂ ਸਭ ਦੀ ਹੈ, ਸਿਵਾਏ ਉਨ੍ਹਾਂ ਦੇ ਜਿਨ੍ਹਾਂ ਨੂੰ ਮਾਲਕ ਨੇ ਨਹੀਂ ਦਿੱਤੀ ਪਰ ਇਸੇ ਨਿਗ੍ਹਾ ਨਾਲ ਜਦੋਂ ਉਸ ਪਰਮ ਪਿਤਾ ਪਰਮਾਤਮਾ, ਸਤਿਗੁਰੂ, ਮੌਲਾ ਦਾ ਦੀਦਾਰ ਹੁੰਦਾ ਹੈ ਤਾਂ ਇਹ ਨਜ਼ਰ ਉਸ ਨਿਗ੍ਹਾ ਵਰਗੀ ਹੋ ਜਾਂਦੀ, ਭਾਵ ਇਨਸਾਨ ਤੋਂ ਭਗਵਾਨ ਦਾ ਰੂਪ ਇਨਸਾਨ ਬਣਦਾ ਚਲਿਆ ਜਾਂਦਾ ਹੈ ਪਰ ਇਸਦਾ ਮਤਲਬ ਇਹ ਨਹੀਂ ਹੁੰਦਾ ਕਿ ਇਨਸਾਨ ਭਗਵਾਨ ਬਣ ਜਾਂਦਾ ਹੈ ਛੋਟੀਆਂ-ਛੋਟੀਆਂ ਨਦੀਆਂ-ਨਾਲੇ ਜੇਕਰ ਸਮੁੰਦਰ ਵਿੱਚ ਮਿਲ ਜਾਣ ਤਾਂ ਉਹ ਸਮੁੰਦਰ ਅਖਵਾਉਦੀਆਂ ਹਨ, ਉਸੇ ਤਰ੍ਹਾਂ ਜੋ ਆਤਮਾਵਾਂ ਪਰਮ ਪਿਤਾ ਪਰਮਾਤਮਾ ਦੇ ਨੂਰੀ ਸਰੂਪ ਨੂੰ ਸਿਮਰਨ-ਭਗਤੀ ਨਾਲ ਪਾ ਜਾਂਦੀਆਂ ਹਨ, ਉਹ ਮਾਲਕ, ਪਰਮਾਤਮਾ ਦਾ ਹੀ ਰੂਪ ਬਣ ਜਾਂਦੀਆਂ ਹਨ ਪਰ ਉਹ ਗਾ-ਗਾ ਕੇ ਨਹੀਂ ਸੁਣਾਉਦੀਆਂ,

ਸਗੋਂ ਉਨ੍ਹਾਂ ਦੇ ਅੰਦਰ ਹੋਰ ਦੀਨਤਾ-ਨਿਮਰਤਾ ਆ ਜਾਂਦੀ ਹੈ ਮਾਲਕ ਦੇ ਪਿਆਰੇ, ਪਰਮ ਪਿਤਾ ਪਰਮਾਤਮਾ ਦਾ ਸਰੂਪ ਹੁੰਦਿਆਂ ਵੀ ਉਨ੍ਹਾਂ ਦੇ ਅੰਦਰ ਦੀਨਤਾ-ਨਿਮਰਤਾ ਹੱਦ ਤੋਂ ਜ਼ਿਆਦਾ ਹੁੰਦੀ ਹੈ ਅਤੇ ਜਿੰਨੀ ਦੀਨਤਾ-ਨਿਮਰਤਾ ਹੰੁਦੀ ਹੈ, ਓਨੀਆਂ ਹੀ ਮਾਲਕ ਦੀਆਂ ਖੁਸ਼ੀਆਂ ਜਲਦੀ ਅਤੇ ਜ਼ਿਆਦਾ ਮਿਲਿਆ ਕਰਦੀਆਂ ਹਨ ਇਸ ਲਈ ਆਪਣੇ ਅੰਦਰ ਦੀਨਤਾ-ਨਿਮਰਤਾ ਧਾਰਨ ਕਰੋ, ਮਾਲਕ ਤੋਂ ਮਾਲਕ ਨੂੰ ਮੰਗੋ, ਮਾਲਕ ਦੇ ਨਾਮ ਦਾ ਸਿਮਰਨ ਕਰਿਆ ਕਰੋ, ਕਦੇ ਵੀ ਕਿਸੇ ਦਾ ਮਾੜਾ ਨਾ ਸੋਚਿਆ ਕਰੋ, ਸਭ ਦਾ ਭਲਾ ਮੰਗਿਆ ਕਰੋ ਅਤੇ ਸਭ ਦਾ ਭਲਾ ਕਰਿਆ ਕਰੋ।

ਹੋਰ ਅਪਡੇਟ ਹਾਸਲ ਕਰਨ ਲਈ ਸਾਨੂੰ Facebook ਅਤੇ Twitter,Instagram, Linkedin , YouTube‘ਤੇ ਫਾਲੋ ਕਰੋ।

MSG Bhandara: ਸਰਸਾ। ਪੂਜਨੀਕ ਬੇਪਰਵਾਹ ਸਾਈਂ ਸ਼ਾਹ ਮਸਤਾਨਾ ਜੀ ਮਹਾਰਾਜ ਦੇ ਅਵਤਾਰ ਮਹੀਨੇ ਦੀ ਖੁਸ਼ੀ ’ਚ ਅੱਜ ਨਾਮ ਚਰਚਾ ਸਤਿਸੰਗ ਦੌਰਾਨ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਨੇ ਕਰੋੜਾਂ ਸ਼ਰਧਾਲੂਆਂ ਲਈ ਰੂਹਾਨੀ ਸੰਦੇਸ਼ ਭੇਜਿਆ ਹੈ। ਨਾਮ ਚਰਚਾ ਸਤਿਸੰਗ ’ਚ ਪ੍ਰੇਮੀ ਸੇਵਕ ਵੱਲੋਂ ਸਾਧ-ਸੰਗਤ ਨੂੰ ਪੂਜਨੀਕ ਗੁਰੂ ਜੀ ਦਾ ਪਵਿੱਤਰ ਸੰਦੇਸ਼ ਪੜ੍ਹ ਕੇ ਸੁਣਾਇਆ, ਜਿਸ ’ਚ ਲਿਖਿਆ ਸੀ, ‘ਮਾਲਕ ਸਭ ਨੂੰ ਤੰਦਰੁਸਤੀ ਅਤੇ ਬਰਕਤਾਂ ਦੇਵੇ, ਸਭ ਨੂੰ ਆਸ਼ੀਰਵਾਦ’ ਜਿਵੇਂ ਹੀ ਪੂਜਨੀਕ ਗੁਰੂ ਦੇ ਇਹ ਇਲਾਹੀ ਬਚਨ ਸਾਧ-ਸੰਗਤ ਨੂੰ ਸੁਣਾਏ ਤਾਂ ਸਾਧ-ਸੰਗਤ ਦੀ ਖੁਸ਼ੀ ਦਾ ਕੋਈ ਟਿਕਾਣਾ ਨਹੀਂ ਰਿਹਾ।

ਦ੍ਰਿੜ ਵਿਸ਼ਵਾਸ ਨਾਲ ਪ੍ਰਭੂ-ਭਗਤੀ ਕਰੋ: ਪੂਜਨੀਕ ਗੁਰੂ ਜੀ

 ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ (Saint Dr. MSG) ਫ਼ਰਮਾਉਦੇ ਹਨ ਕਿ ਇਨਸਾਨ ਜਿਵੇਂ-ਜਿਵੇਂ ਸਿਮਰਨ ਕਰਦਾ ਜਾਂਦਾ ਹੈ, ਉਹ ਮਾਲਕ ਦੇ ਦਰਸ਼-ਦੀਦਾਰ ਦੇ ਕਾਬਲ ਬਣਦਾ ਜਾਂਦਾ ਹੈ ਜਦੋਂ ਤੱਕ ਤੁਸੀਂ ਦ੍ਰਿੜ ਵਿਸ਼ਵਾਸ ਨਾਲ ਸਿਮਰਨ ਨਹੀਂ ਕਰੋਗੇ ਉਦੋਂ ਤੱਕ ਮਾਲਕ ਦੇ ਦਰਸ਼-ਦੀਦਾਰ ਦੇ ਕਾਬਲ ਨਹੀਂ ਬਣ ਸਕੋਗੇ। ਜੇਕਰ ਤੁਸੀਂ ਸਿਮਰਨ ਕਰੋ, ਦ੍ਰਿੜ ਵਿਸ਼ਵਾਸ ਬਣਾ ਲਓ ਤਾਂ ਹੀ ਮਾਲਕ ਦੀ ਦਇਆ-ਮਿਹਰ, ਰਹਿਮਤ ਵਰਸੇਗੀ ਤਾਂ ਹੀ ਉਸ ਦੇ ਦਰਸ਼-ਦੀਦਾਰ ਦੇ ਕਾਬਲ ਬਣੋਗੇ ਸਾਰਿਆਂ ਨੂੰ ਚਾਹੀਦਾ ਹੈ ਕਿ ਪ੍ਰਭੂ, ਪਰਮਾਤਮਾ ਦਾ ਸਿਮਰਨ ਕਰਨ, ਉਸ ਦੀ ਭਗਤੀ-ਇਬਾਦਤ ਕਰਨ ਕੰਮ-ਧੰਦਾ ਕਰਦੇ ਹੋਏ, ਤੁਰਦੇ-ਫਿਰਦੇ, ਪਏ-ਪਏ ਜਿੰਨਾ ਤੁਸੀਂ ਸਿਮਰਨ ਕਰੋਗੇ ਓਨੀ ਹੀ ਤੁਹਾਡੇ ’ਤੇ ਮਾਲਕ ਦੀ ਦਇਆ-ਰਹਿਮਤ ਵਰਸੇਗੀ।

ਪੂਜਨੀਕ ਗੁਰੂ ਜੀ (Saint Dr MSG) ਫ਼ਰਮਾਉਦੇ ਹਨ ਕਿ ਮਾਲਕ ਦਾ ਰਹਿਮੋ-ਕਰਮ ਮੋਹਲੇਧਾਰ ਵਰਸ ਰਿਹਾ ਹੈ ਪਰ ਉਸ ਰਹਿਮਤ ਦਾ ਅਹਿਸਾਸ ਉਸ ਨੂੰ ਹੰੁਦਾ ਹੈ ਜੋ ਸਤਿਸੰਗ ਵਿਚ ਆ ਕੇ ਸੁਣ ਕੇ ਅਮਲ ਕਰਦਾ ਹੈ ਸਤਿਸੰਗ ਵਿਚ ਕਿਹਾ ਜਾਂਦਾ ਹੈ ਕਿ ਨਾਮ ਜਪੋ ਅਤੇ ਮਾਲਕ ਦੀ ਬਣਾਈ ਗਈ ਔਲਾਦ ਨਾਲ ਨਿਸਵਾਰਥ ਭਾਵਨਾ ਨਾਲ ਪਿਆਰ ਕਰੋ ਸਭ ਦਾ ਭਲਾ ਕਰੋ, ਸਭ ਦਾ ਭਲਾ ਮੰਗੋ ਜੋ ਜੀਵ ਬਚਨਾਂ ’ਤੇ ਅਮਲ ਕਰਦੇ ਹਨ, ਸੁਣ ਕੇ ਮੰਨਿਆ ਕਰਦੇ ਹਨ ਉਨ੍ਹਾਂ ’ਤੇ ਹੀ ਮਾਲਕ ਦੀ ਦਇਆ-ਮਿਹਰ, ਰਹਿਮਤ ਵਰਸਦੀ ਹੈ ਜੋ ਬਚਨ ਸੁਣਦੇ ਹਨ, ਅਮਲ ਨਹੀਂ ਕਰਦੇ, ਮੰਨਦੇ ਨਹੀਂ ਤਾਂ ਉਹ ਕੋਰੇ ਰਹਿ ਜਾਂਦੇ ਹਨ।