Children Care: ਅਧਿਐਨ ’ਚ ਖੁਲਾਸਾ: ਛੋਟੀ ਉਮਰ ’ਚ ਸਮਾਰਟਫੋਨ ਦੀ ਵਰਤੋਂ ਨੌਜਵਾਨਾਂ ’ਚ ਵਧਾਉਂਦੀ ਹੈ ਮਾਨਸਿਕ ਸਮੱਸਿਆਵਾਂ

• ਖੋਜਕਾਰਾਂ ਨੇ ਸਖ਼ਤ ਨੀਤੀ ਅਤੇ ਡਿਜੀਟਲ ਸਾਖਰਤਾ ਦੀ ਸਿਫ਼ਾਰਸ਼ ਦੀ ਕੀਤੀ ਮੰਗ | Children Care

Children Care: ਨਵੀਂ ਦਿੱਲੀ (ਏਜੰਸੀ)। ਸਮਾਰਟਫੋਨ ਦੀ ਵਰਤੋਂ ਕਰਨ ਨਾਲ 12 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਨੂੰ ਨੌਜਵਾਨ ਅਵਸਥਾ ਵਿੱਚ ਮਾਨਸਿਕ ਸਿਹਤ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਇਹ ਗੱਲ ਸੋਮਵਾਰ ਨੂੰ ਪ੍ਰਕਾਸ਼ਿਤ ਇੱਕ ਗਲੋਬਲ ਅਧਿਐਨ ਵਿੱਚ ਸਾਹਮਣੇ ਆਈ ਹੈ, ਜਿਸ ਵਿੱਚ ਇੱਕ ਲੱਖ ਤੋਂ ਵੱਧ ਨੌਜਵਾਨਾਂ ਦਾ ਡੇਟਾ ਸ਼ਾਮਲ ਹੈ।

ਜਰਨਲ ਆਫ਼ ਹਿਊਮਨ ਡਿਵੈਲਪਮੈਂਟ ਐਂਡ ਕੈਪੇਬਿਲਿਟੀਜ਼ ਵਿੱਚ ਪ੍ਰਕਾਸ਼ਿਤ ਇਸ ਅਧਿਐਨ ਦੇ ਅਨੁਸਾਰ 18 ਤੋਂ 24 ਸਾਲ ਦੀ ਉਮਰ ਦੇ ਉਨ੍ਹਾਂ ਨੌਜਵਾਨਾਂ ਵਿੱਚ ਆਤਮਘਾਤੀ ਵਿਚਾਰਾਂ, ਹਮਲਾਵਰਤਾ, ਭਾਵਨਾਤਮਕ ਅਸਥਿਰਤਾ ਅਤੇ ਘੱਟ ਸਵੈ-ਮਾਣ ਦੀਆਂ ਸ਼ਿਕਾਇਤਾਂ ਵਧੇਰੇ ਵੇਖੀਆਂ ਗਈਆਂ, ਜਿਨ੍ਹਾਂ ਨੇ 12 ਸਾਲ ਜਾਂ ਇਸ ਤੋਂ ਘੱਟ ਉਮਰ ਵਿੱਚ ਆਪਣਾ ਪਹਿਲਾ ਸਮਾਰਟਫੋਨ ਲਿਆ ਸੀ।

Read Also : ਕਿਸਾਨਾਂ ਦੇ ਹਿੱਤ ’ਚ ਪੰਜਾਬ ਸਰਕਾਰ ਦਾ ਵੱਡਾ ਫੈਸਲਾ, ਪੜ੍ਹੋ ਤੇ ਜਾਣੋ

ਅਧਿਐਨ ਰਾਹੀਂ ਪਤਾ ਲੱਗਾ ਕਿ ਸਮਾਰਟਫੋਨ ਦੇ ਕਾਰਨ, ਬੱਚੇ ਛੋਟੀ ਉਮਰ ਤੋਂ ਹੀ ਸੋਸ਼ਲ ਮੀਡੀਆ ਦੀ ਵਰਤੋਂ ਸ਼ੁਰੂ ਕਰ ਦਿੰਦੇ ਹਨ, ਜਿਸ ਨਾਲ ਸਾਈਬਰ ਧੱਕੇਸ਼ਾਹੀ, ਨੀਂਦ ਵਿੱਚ ਵਿਘਨ ਅਤੇ ਪਰਿਵਾਰ ਨਾਲ ਸਬੰਧਾਂ ਵਿੱਚ ਦੂਰੀ ਵਰਗੇ ਜੋਖਮ ਵਧ ਜਾਂਦੇ ਹਨ। ਖੋਜਕਾਰਾਂ ਨੇ ਸੁਝਾਅ ਦਿੱਤਾ ਕਿ ਸ਼ਰਾਬ ਅਤੇ ਤੰਬਾਕੂ ਵਾਂਗ 12 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਲਈ ਸਮਾਰਟਫੋਨ ਦੀ ਵਰਤੋਂ ’ਤੇ ਵੀ ਪਾਬੰਦੀ ਲਾਈ ਜਾਣੀ ਚਾਹੀਦੀ ਹੈ। Children Care

ਨਾਲ ਹੀ, ਉਨ੍ਹਾਂ ਨੇ ਡਿਜੀਟਲ ਸਾਖਰਤਾ ਨੂੰ ਲਾਜ਼ਮੀ ਬਣਾਉਣ ਅਤੇ ਕਾਰਪੋਰੇਟ ਜਵਾਬਦੇਹੀ ਨੂੰ ਯਕੀਨੀ ਬਣਾਉਣ ਬਾਰੇ ਗੱਲ ਕੀਤੀ। ਅਧਿਐਨ ਵਿੱਚ ਇੱਕ ਲੱਖ ਨੌਜਵਾਨਾਂ ਦੀ ਮਾਨਸਿਕ ਸਿਹਤ ਦਾ ਮੁਲਾਂਕਣ ਮਾਈਂਡ ਹੈਲਥ ਕੋਸ਼ੈਂਟ (ਐੱਮਐੱਚਕਿਊ) ਨਾਮਕ ਇੱਕ ਟੂਲ ਨਾਲ ਕੀਤਾ ਗਿਆ, ਜੋ ਸਮਾਜਿਕ, ਭਾਵਨਾਤਮਕ, ਬੋਧਾਤਮਕ ਅਤੇ ਸਰੀਰਕ ਸਿਹਤ ਨੂੰ ਮਾਪਦਾ ਹੈ। ਨਤੀਜਿਆਂ ਤੋਂ ਪਤਾ ਲੱਗਾ ਕਿ ਛੋਟੀ ਉਮਰ ਵਿੱਚ ਸਮਾਰਟਫੋਨ ਲੈਣ ਨਾਲ ਕੁੜੀਆਂ ਵਿੱਚ ਅਵਿਸ਼ਵਾਸ ਦੀ ਭਾਵਨਾ ਵਧਦੀ ਹੈ ਅਤੇ ਉਹ ਭਾਵਨਾਤਮਕ ਤੌਰ ’ਤੇ ਬਹੁਤ ਕਮਜ਼ੋਰ ਹੋ ਜਾਂਦੀਆਂ ਹਨ, ਜਦੋਂ ਕਿ ਮੁੰਡੇ ਅਸਥਿਰ, ਪਰੇਸ਼ਾਨ ਅਤੇ ਉਦਾਸੀਨ ਜਾਂ ਗੁੱਸੇ ਵਿੱਚ ਆ ਜਾਂਦੇ ਹਨ।

ਸੋਸ਼ਲ ਮੀਡੀਆ ਅਤੇ ਸਕਰੀਨ ਸਮੇਂ ਕਾਰਨ ਵਿਗੜ ਰਿਹਾ ਮਾਨਸਿਕ ਸੰਤੁਲਨ

ਅਮਰੀਕਾ ਦੇ ਸੈਪੀਅਨ ਲੈਬਜ਼ ਦੇ ਸੰਸਥਾਪਕ ਅਤੇ ਵਿਗਿਆਨੀ ਡਾ. ਤਾਰਾ ਤਿਆਗਰਾਜਨ ਨੇ ਕਿਹਾ ਕਿ ਸਾਡਾ ਡੇਟਾ ਦਰਸਾਉਂਦਾ ਹੈ ਕਿ ਛੋਟੀ ਉਮਰ ਵਿੱਚ ਸਮਾਰਟਫੋਨ ਅਤੇ ਸੋਸ਼ਲ ਮੀਡੀਆ ਦੀ ਵਰਤੋਂ ਨੌਜਵਾਨਾਂ ਵਿੱਚ ਮਾਨਸਿਕ ਸਿਹਤ ’ਤੇ ਡੂੰਘਾ ਪ੍ਰਭਾਵ ਪਾਉਂਦੀ ਹੈ। ਉਨ੍ਹਾਂ ਨੇ ਆਉਣ ਵਾਲੀਆਂ ਪੀੜ੍ਹੀਆਂ ਦੀ ਮਾਨਸਿਕ ਸਿਹਤ ਦੀ ਰੱਖਿਆ ਲਈ ਤੁਰੰਤ ਕਦਮ ਚੁੱਕਣ ਦੀ ਮੰਗ ਕੀਤੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਨ੍ਹਾਂ ਬੱਚਿਆਂ ਵਿੱਚ ਡਿਪਰੈਸ਼ਨ ਅਤੇ ਚਿੰਤਾ ਦੇ ਲੱਛਣ ਸਾਫ਼ ਨਹੀਂ ਦਿਖਾਈ ਦਿੰਦੇ, ਇਸ ਲਈ ਇਹ ਸਮੱਸਿਆਵਾਂ ਆਮ ਜਾਂਚਾਂ ਵਿੱਚ ਸਾਹਮਣੇ ਨਹੀਂ ਆਉਂਦੀਆਂ।

ਭਾਰਤ ’ਚ ਵੀ ਨੀਤੀ ਬਣਾਉਣ ਦੀ ਲੋੜ

ਫਰਾਂਸ, ਨੀਦਰਲੈਂਡ, ਇਟਲੀ ਅਤੇ ਨਿਊਜ਼ੀਲੈਂਡ ਵਰਗੇ ਦੇਸ਼ਾਂ ਨੇ ਸਕੂਲਾਂ ਵਿੱਚ ਸਮਾਰਟਫੋਨ ਦੀ ਵਰਤੋਂ ’ਤੇ ਪਾਬੰਦੀ ਲਾਉਣ ਜਾਂ ਸੀਮਤ ਕਰਨ ਲਈ ਨਿਯਮ ਲਾਗੂ ਕੀਤੇ ਹਨ। ਅਮਰੀਕਾ ਦੇ ਕਈ ਸੂਬਿਆਂ ਨੇ ਸਕੂਲਾਂ ਵਿੱਚ ਸਮਾਰਟਫੋਨ ਦੀ ਵਰਤੋਂ ਨੂੰ ਸੀਮਤ ਕਰਨ ਵਾਲੇ ਕਾਨੂੰਨ ਵੀ ਬਣਾਏ ਹਨ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਭਾਰਤ ਵਿੱਚ ਵੀ ਬੱਚਿਆਂ ਨੂੰ ਡਿਜੀਟਲ ਦੁਨੀਆ ਦੇ ਖ਼ਤਰਿਆਂ ਤੋਂ ਬਚਾਉਣ ਲਈ ਇੱਕ ਸਪੱਸ਼ਟ ਨੀਤੀ ਬਣਾਉਣ ਦੀ ਤੁਰੰਤ ਲੋੜ ਹੈ।

Raw Honey: ਕੁਦਰਤ ਭੋਜਨ ਹੋਣ ਦੇ ਬਾਵਜੂਦ, ਗਾਹਕ ਸਿਰਫ਼ ਇਸਦੇ ਜੰਮਣ ਦੀ ਪ੍ਰਕਿਰਿਆ ਕਰਕੇ ਸ਼ਹਿਦ ਦੇ ਮਿਲਾਵਟੀ ਹੋਣ ਦਾ ਸ਼ੱਕ ਕਰਦੇ ਹਨ ਇਹ ਗਲਤ ਧਾਰਨਾ ਅਕਸਰ ਗਾਹਕਾਂ ਨੂੰ ਜੰਮਿਆ ਤੋਂ ਰੋਕਦੀ ਹੈ, ਗਾਹਕ ਸੋਚਦਾ ਹੈ ਕਿ ਇਹ ਸ਼ਹਿਦ ਮਿਲਾਵਟੀ ਹੈ ਗਾਹਕ ਸ਼ਹਿਦ ਦੇ ਜੰਮਣ ਦੀ ਕੁਦਰਤੀ ਪ੍ਰਕਿਰਿਆ ਨੂੰ ਸਮਝਣ ਅਤੇ ਇਸ ਦੇ ਗੁਣਾਂ ਦੀ ਕਦਰ ਕਰੇ, ਤਾਂ ਉਹ ਆਪਣੇ ਸਥਾਨਕ ਮਧੂਮੱਖੀ ਪਾਲਕਾਂ ਦਾ ਸਾਥ ਦੇ ਸਕਦੇ ਹਨ,ਤਾਂ ਕਿ ਅਗਲੀ ਵਾਰ ਜੰਮੇ ਸ਼ਹਿਦ ਨੂੰ ਦੇਖ ਕੇ ਇਸ ਤੋਂ ਮੂੰਹ ਫੇਰਨ ਦੀ ਬਜਾਏ , ਇਸ ਨੂੂੰ ਕੁਦਰਤ ਦਾ ਤੋਹਫ਼ਾ ਮੰਨ ਕੇ ਇਸ ਨੂੰ ਖ਼ੁਸ਼ੀ ਨਾਲ ਅਪਣਾਉਣ।

ਸ਼ਹਿਦ ਦੇ ਜੰਮਣ ਦਾ ਕਾਰਨ | Raw Honey

ਸ਼ਹਿਦ, ਮਿੱਠਾ ਅਤੇ ਸੁਨਹਿਰੀ ਤਰਲ ਹੈ ਜੋ ਵੱਖ-ਵੱਖ ਫੁੱਲਾਂ ਤੋਂ ਮਧੂਮੱਖੀਆਂ ਦੁਆਰਾ ਇੱਕਠਾ ਅਤੇ ਤਿਆਰ ਕੀਤਾ ਜਾਂਦਾ ਹੈ ਇਹ ਸ਼ੱਕਰ ,ਖਣਿਜਾਂ ਅਤੇ ਥੋੜ੍ਹੀ ਮਾਤਰਾ ਵਿੱਚ ਪਰਾਗ ਦਾ ਇੱਕ ਗੁੰਝਲਦਾਰ ਮਿਸ਼ਰਣ ਹੈ ਇਸ ਵਿੱਚ ਦੋ ਮੁੱਖ ਸ਼ੱਕਰਾਂ ਗਲੂਕੋਜ਼ ਅਤੇ ਫਰੱਕਟੋਜ਼ ਹੁੰਦਿਆਂ ਹਨ ਜੋ ਸ਼ਹਿਦ ਨੂੰ ਕੁਦਰਤੀ ਮਿਠਾਸ ਪ੍ਰਦਾਨ ਕਰਦੀਆਂ ਹਨ ਸ਼ਹਿਦ ਦਾ ਜੰਮਣਾ ਇਸ ਵਿੱਚ ਮੌਜੂਦ ਗਲੂਕੋਜ਼ ਦੀ ਮਾਤਰਾ ’ਤੇ ਨਿਰਭਰ ਕਰਦੀ ਹੈ ਕਿ ਸ਼ਹਿਦ ਦਾ ਸਰੋਤ ਕੀ ਹੈ? ਭਾਵ, ਕਿਹੜੇ ਫੁੱਲ-ਫਲੇਰੇ ਤੋਂ ਮਧੂਮੱਖੀਆਂ ਨੇ ਸ਼ਹਿਦ ਬਣਾਇਆ ਹੈ ਜਿਸ ਸ਼ਹਿਦ ਵਿੱਚ ਗਲੂਕੋਜ਼ ਦੀ ਮਾਤਰਾ ਜਿਆਦਾ ਹੁੰਦੀ ਹੈ,ਉਹਦੇ ਜੰਮਨ ਦੀ ਸੰਭਾਵਨਾ ਵੀ ਜਿਆਦਾ ਹੁੰਦੀ ਹੈ ਜਦੋਂ ਗਲੂਕੋਜ਼ ਪਾਣੀ ਤੋਂ ਵੱਖ ਹੋ ਜਾਂਦਾ ਹੈ ਅਤੇ ਕ੍ਰਿਸਟਲ ਬਣਾੳਂੁਦਾ ਹੈ, ਉਹਦੋ ਸ਼ਹਿਦ ਜੰਮ ਜਾਂਦਾ ਹੈ ਇਸ ਤੋਂ ਇਲਾਵਾ ਹੇਠ ਲਿਖੇ ਮਾਪਦੰਡ ਵੀ ਸ਼ਹਿਦ ਦੀ ਜੰਮਣ ਦੀ ਪ੍ਰਕਿਰਿਆ ਨੂੰ ਪ੍ਰਭਾਵਿਤ ਕਰਦੇ ਹਨ।

Read Also : Punjab Electricity Bill: ਪੰਜਾਬ ਦੇ ਬਿਜਲੀ ਬਿੱਲਾਂ ਨਾਲ ਜੁੜੀ ਵੱਡੀ ਖਬਰ! ਪੰਜਾਬੀਆਂ ਨੂੰ ਮਿਲੀ ਰਾਹਤ

ਤਾਪਮਾਨ: ਘੱਟ ਤਾਪਮਾਨ ਤੇ ਸ਼ਹਿਦ ਤੇਜ਼ੀ ਨਾਲ ਜੰਮਦਾ ਹੈ ਇਸ ਦੇ ਉਲਟ, ਜ਼ਿਆਦਾ ਤਾਪਮਾਨ ਇਸ ਪ੍ਰਕਿਰਿਆਂ ਨੂੰ ਹੌਲੀ ਕਬ ਦਿੰਦਾ ਹੈ ਅਤੇ ਸ਼ਹਿਦ ਨੂੰ ਤਰਲ ਅਵਸਥਾ ਵਿੱਚ ਰੱਖਦਾ ਹੈ

ਫੁੱਲਾਂ ਦਾ ਸਰੋਤ: ਫੁੱਲਾਂ ਦੇ ਨੈਕਟਰ ਦਾ ਸਰੋਤ ਵੀ ਸ਼ਹਿਦ ਦੇ ਜੰਮਣ ਦੀ ਪ੍ਰਕਿਰਿਆਂ ਨੂੰ ਪ੍ਰਭਾਵਿਤ ਕਰਦਾ ਹੈ ਕੁਝ ਫੁੱਲਾਂ ਦੇ ਨੈਕਟਰ ਆਪਣੀ ਖੰਡ ਦੀਆਂ ਰਚਨਾਵਾਂ ਵਿੱਚ ਭਿੰਨਤਾਵਾਂ ਦੇ ਕਾਰਨ ਦੂੁਜਿਆਂ ਨਾਲੋਂ ਜਲਦੀ ਜੰਮ ਜਾਂਦੇ ਹਨ।

ਸਟੋਰ ਦੀਆਂ ਸਥਿਤੀਆਂ : ਸਹੀ ਭੰਡਾਰਣ ਸ਼ਹਿਦ ਨੂੰੁ ਠੰਡੀ ਅਤੇ ਸੁੱਕੀ ਜਗ੍ਹਾਂ ’ਤੇ ਰੱਖਣ ਨਾਲ ਜੰਮਣ ਦੀ ਪ੍ਰਕਿਰਿਆ ਨੂੰ ਹੌਲੀ ਕਰਨ ਵਿੱਚ ਮਦਦ ਮਿਲਦੀ ਹੈ।

ਫਿਲਟਰਿੰਗ ਅਤੇ ਪ੍ਰੋਸੈਸਿੰਗਸ : ਜੋ ਸ਼ਹਿਦ ਵਿਆਪਕ ਫਿਲਟਰਿੰਗ ਅਤੇ ਪ੍ਰੋਸੈਸਿੰਗ ਤੋਂ ਗੁਜ਼ਰਦਾ ਹੈ, ਕੱਚੇ ਸ਼ਹਿਦ ਦੀ ਤੁਲਨਾ ਵਿੱਚ ਦੇਰੀ ਨਾਲ ਜੰਮਦਾ ਹੈ ਕੁੱਚੇ ਸ਼ਹਿਦ ਵਿੱਚ ਪਰਾਗ ਦੀ ਮਾਤਰਾ ਜਿਆਦਾ ਹੁੰਦੀ ਹੈ, ਜਿਸ ਕਾਰਣ ਉਹ ਵਧੇਰੇ ਤੇਜ਼ੀ ਨਾਲ ਜੰਮਦਾ ਹੈ।

Mosquitoes and Cockroaches: ਅਸੀਂ ਦੁਪਹਿਰ ਦੀ ਰੋਟੀ ਸਾਰੇ ਇਕੱਠੇ ਹੀ ਖਾਂਦੇ ਹਾਂ । ਛੋਟੀ ਬੇਟੀ ਵੀ ਆਈ ਹੋਈ ਸੀ। ਰੋਟੀ ਪਰੋਸੀ ਜਾ ਰਹੀ ਸੀ ਕਿ ਕਮਰੇ ਵਿੱਚ ਚਾਰ-ਪੰਜ ਮੱਖੀਆਂ ਆ ਗਈਆਂ, ਕਾਫੀ ਕੋਸ਼ਿਸ਼ ਕਰਨ ’ਤੇ ਵੀ ਬਾਹਰ ਨਾ ਗਈਆਂ ਤਾਂ ਮੈਨੂੰ ਆਪਣੇ ਬਹੁਤ ਪੁਰਾਣੇ ਸਕੂਲ ਅਧਿਆਪਕ ਵੱਲੋਂ ਕੁਝ ਦਿਨ ਪਹਿਲਾਂ ਭੇਜੀ ਇੱਕ ਵੀਡੀਓ ਯਾਦ ਆ ਗਈ ।

Read Also : Motivational Quotes: ਬਲੀਦਾਨ ਇਸ ਤਰ੍ਹਾਂ ਰਹਿੰਦੀ ਦੁਨੀਆਂ ਤੱਕ ਕੀਤਾ ਜਾਂਦੈ ਯਾਦ

ਮੈਂ ਫਟਾਫਟ ਰਸੋਈ ਵਿੱਚ ਗਿਆ ਅਤੇ ਇੱਕ ਗੰਢਾ ਫੜ ਕੇ ਉਹਨੂੰ ਉੱਤੋਂ ਕੱਟ ਕੇ ਥੋੜ੍ਹਾ ਜਿਹਾ ਖਾਲੀ ਕਰ ਲਿਆ ਅਤੇ ਉਸ ਖਾਲੀ ਥਾਂ ਵਿੱਚ ਸਰ੍ਹੋਂ ਦਾ ਤੇਲ ਭਰ ਕੇ ਰੂੰ ਦੀ ਇੱਕ ਬੱਤੀ ਬਣਾ ਕੇ ਉਹਦੇ ਵਿੱਚ ਡੁਬੋ ਦਿੱਤੀ ਅਤੇ ਉੱਤੇ ਤਿੰਨ-ਚਾਰ ਲੌਂਗ ਰੱਖ ਦਿੱਤੇ। ਫਿਰ ਉਸ ਗੰਢੇ ਨੂੰ ਇੱਕ ਕਟੋਰੀ ਵਿੱਚ ਰੱਖ ਕੇ ਬੱਤੀ ਨੂੰ ਅੱਗ ਲਾ ਦਿੱਤੀ । Mosquitoes and Cockroaches

ਜਦੋਂ ਮੈਂ ਕਾਹਲੀ-ਕਾਹਲੀ ਇਹ ਸਭ ਕੁਝ ਕਰ ਰਿਹਾ ਸਾਂ ਤਾਂ ਬੱਚੇ ਮੈਨੂੰ ਮਜ਼ਾਕ ਕਰ ਰਹੇ ਸਨ ਕਿ ਵੇਖਦੇ ਹਾਂ ਅੱਜ ਦੇ ਇਮਤਿਹਾਨ ਵਿੱਚੋਂ ਪਾਪਾ ਦੇ ਕਿੰਨੇ ਨੰਬਰ ਆਉਂਦੇ ਨੇ। ਅਖੀਰ ਮੇਰੀ ਮੈਰਿਟ ਲਿਸਟ ਆ ਗਈ। ਪਲਾਂ ਵਿੱਚ ਹੀ ਉਹ ਮੱਖੀਆਂ ਰਫੂਚੱਕਰ ਹੋ ਗਈਆਂ। ਅਗਲੇ ਦਿਨ ਤੱਕ ਵੀ ਕੋਈ ਮੱਛਰ, ਮੱਖੀ, ਕੀੜਾ-ਮਕੌੜਾ ਜਾਂ ਕਾਕਰੋਚ ਨਹੀਂ ਦਿੱਸਿਆ। ਨੁਕਤਾ ਕਾਮਯਾਬ ਹੈ।

ਨੋਟ: ਲੌਂਗਾਂ ਦੇ ਨਾਲ ਕਪੂਰ ਦੀਆਂ ਟਿੱਕੀਆਂ ਵੀ ਰੱਖੀਆਂ ਜਾ ਸਕਦੀਆਂ ਹਨ।

ਡਾ. ਇੰਦਰਜੀਤ ਕਮਲ

ਲੋੜੀਂਦੀ ਸਮੱਗਰੀ: | Fruity Bhel Recipe

• ਉੁਬਲੇ ਆਲੂ : ਦਰਮਿਆਨੇ ਆਕਾਰ ਦੇ (ਕੱਟੇ ਹੋਏ ਛੋਟੇ ਟੁਕੜਿਆਂ ’ਚ)
• ਸੰਘਾੜੇ ਦਾ ਆਟਾ : 2 ਵੱਡੇ ਚਮਚ (ਭੁੰਨ੍ਹਿਆ ਹੋਇਆ)
• ਮੂੰਗਫਲੀ : 1/4 ਕੱਪ (ਭੁੰਨ੍ਹੀ ਹੋਈ)
• ਖੀਰਾ: 1 ਛੋਟਾ (ਬਰੀਕ ਕੱਟਿਆ ਹੋਇਆ)
• ਅਨਾਰ ਦੇ ਦਾਣੇ: 1/4 ਕੱਪ
• ਹਰੀ ਮਿਰਚ : ਇੱਕ (ਬਰੀਕ ਕੱਟੀ, ਜੇ ਚਾਹੋ ਤਾਂ)
• ਸੇਂਧਾ ਨਮਕ : ਸਵਾਦ ਅਨੁਸਾਰ
• ਭੁੰਨ੍ਹਿਆ ਜੀਰਾ ਪਾਊਡਰ : 1 ਛੋਟਾ ਚਮਚ
• ਨਿੰਬੂ ਦਾ ਰਸ : 1 ਵੱਡਾ ਚਮਚ
• ਹਰਾ ਧਨੀਆ : ਥੋੜ੍ਹਾ ਜਿਹਾ
  (ਸਜਾਉਣ ਲਈ, ਬਰੀਕ ਕੱਟਿਆ ਹੋਇਆ)

ਬਣਾਉਣ ਦਾ ਤਰੀਕਾ: | Fruity Bhel Recipe

• ਆਲੂ ਤਿਆਰ ਕਰੋ: ਆਲੂਆਂ ਨੂੰ ਉਬਾਲ ਕੇ ਛਿੱਲ ਲਓ ਅਤੇ ਛੋਟੇ-ਛੋਟੇ ਟੁਕੜਿਆਂ ’ਚ ਕੱਟ ਲਓ।
• ਸੰਘਾੜੇ ਦਾ ਆਟਾ ਭੁੰਨ੍ਹੋ: ਇੱਕ ਪੈਨ ’ਚ ਸੰਘਾੜੇ ਦੇ ਆਟੇ ਨੂੰ ਹਲਕਾ ਭੁੰਨ੍ਹ ਲਓ ਤਾਂ ਕਿ ਕੱਚਾਪਣ ਚਲਾ ਜਾਵੇ।
• ਮਿਸ਼ਰਣ ਬਣਾਓ: ਇੱਕ ਵੱਡੇ ਕਟੋਰੇ ’ਚ ਉੱਬਲੇ ਆਲੂ, ਭੁੰਨ੍ਹੀ ਮੂੰਗਫਲੀ, ਕੱਟਿਆ ਖੀਰਾ ਅਤੇ ਅਨਾਰ ਦੇ
  ਦਾਣੇ ਪਾਓ।
• ਮਸਾਲੇ ਪਾਓ: ਇਸ ’ਚ ਸੇਂਧਾ ਨਮਕ, ਭੁੰਨਿ੍ਹਆ ਜੀਰਾ ਪਾਊਡਰ, ਅਤੇ ਬਰੀਕ ਕੱਟੀ ਹੋਈ ਮਿਰਚ (ਜੇਕਰ ਪ੍ਰਯੋਗ ਕਰ ਰਹੇ ਹੋ) ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ।
• ਫਿਨਿਸ਼ਿੰਗ ਟੱਚ : ਉਪਰੋਂ ਨਿੰਬੂ ਦਾ ਰਸ ਨਿਚੋੜੋ ਅਤੇ ਭੁੰਨਿ੍ਹਆ ਹੋਇਆ ਸੰਘਾੜੇ ਦਾ ਆਟਾ ਛਿੜਕੋ। ਹਰੇ ਧਨੀਏ ਨਾਲ ਸਜਾ ਕੇ ਤੁਰੰਤ ਪਰੋਸੋ।
• ਫਿਨਿਸ਼ਿੰਗ ਟੱਚ : ਉੱਪਰੋਂ ਨਿੰਬੂ ਦਾ ਰਸ ਨਿਚੋੜੋ ਅਤੇ ਭੁੰਨਿ੍ਹਆ ਹੋਇਆ ਸੰਘਾੜੇ ਦਾ ਆਟਾ ਛਿੜਕੋ। ਹਰੇ ਧਨੀਏ ਨਾਲ ਸਜਾ ਕੇ ਤੁਰੰਤ ਪਰੋਸੋ।

ਫਲਦਾਰ ਭੇਲ ਦੇ ਸਿਹਤ ਲਾਭ: | Fruity Bhel Recipe

• ਉੱਬਲੇ ਆਲੂ ਅਤੇ ਸੰਘਾੜੇ ਦੇ ਆਟੇ ’ਚ ਕਾਰਬੋਹਾਈਡ੍ਰੇਟ ਹੁੰਦੇ ਹਨ, ਜੋ ਵਰਤ ਦੌਰਾਨ ਊਰਜਾ ਬਣਾਈ ਰੱਖਦੇ ਹਨ।
• ਮੂੰਗਫਲੀ ਪ੍ਰੋਟੀਨ ਅਤੇ ਹੈਲਦੀ ਫੈਟਸ ਦਾ ਚੰਗੀ ਸਰੋਤ ਹੈ, ਜੋ ਮਾਂਸਪੇਸ਼ੀਆਂ ਨੂੰ ਮਜ਼ਬੂਤ ਕਰਦਾ ਹੈ।
• ਅਨਾਰ ’ਚ ਵਿਟਾਮਿਨ ਸੀ ਅਤੇ ਆਇਰਨ ਹੁੰਦਾ ਹੈ, ਜੋ ਖੂਨ ਦੀ ਕਮੀ ਨੂੰ ਦੂਰ ਕਰਦਾ ਹੈ, ਜਦੋਂਕਿ ਖੀਰੇ ’ਚ ਪਾਣੀ ਦੀ ਮਾਤਰਾ ਹਾਈਡੇ੍ਰਸ਼ਨ ਲਈ ਚੰਗੀ ਹੈ।
• ਭੁੰਨ੍ਹਿਆ ਜੀਰਾ ਅਤੇ ਨਿੰਬੂ ਦਾ ਰਸ ਪਾਚਨ ਨੂੰ ਬਿਹਤਰ ਕਰਦਾ ਹੈ ਅਤੇ ਵਰਤ ’ਚ ਹੋਣ ਵਾਲੀ ਕਮਜ਼ੋਰੀ ਨੂੰ ਘੱਟ ਕਰਦਾ ਹੈ।
• ਇਹ ਹਲਕਾ ਅਤੇ ਘੱਟ ਤੇਲ ਵਾਲਾ ਨਾਸ਼ਤਾ ਹੈ, ਜੋ ਵਜ਼ਨ ਨੂੰ ਕੰਟਰੋਲ ਰੱਖਣ ’ਚ ਮੱਦਦ ਕਰਦਾ ਹੈ।

Read Also : Summer Fruits: ਗਰਮੀਆਂ ’ਚ ਜ਼ਰੂਰ ਖਾਓ ਇਹ ਫ਼ਲ, ਸਰੀਰ ਰਹੇਗੀ ਬਿਲਕੁਲ ਤਰੋਤਾਜ਼ਾ

Diwali Sweets: ਦੀਵਾਲੀ ਦਾ ਤਿਉਹਾਰ ਨੇੜੇ ਆ ਰਿਹਾ ਹੈ ਜਿਸ ’ਤੇ ਮਠਿਆਈਆਂ ਦੀ ਖਰੀਦੋ-ਫਰੋਖਤ ਆਮ ਹੁੰਦੀ ਹੈ ਦੀਵਾਲੀ ਭਾਰਤ ਵਿੱਚ ਸਭ ਤੋਂ ਪਿਆਰੇ ਤਿਉਹਾਰਾਂ ਵਿੱਚੋਂ ਇੱਕ ਹੈ। ਇਸ ਪਵਿੱਤਰ ਤਿਉਹਾਰ ਦਾ ਮਹੱਤਵ ਸਿਰਫ਼ ਦੀਵਿਆਂ ਤੇ ਰੌਸ਼ਨੀ ਵਿੱਚ ਨਹੀਂ ਹੈ, ਸਗੋਂ ਇਹ ਮਠਿਆਈਆਂ ਦੇ ਸਵਾਦ ਅਤੇ ਖੁਸ਼ੀਆਂ ਦੇ ਆਦਾਨ-ਪ੍ਰਦਾਨ ਵਿੱਚ ਵੀ ਹੈ। ਇਸ ਮੌਕੇ ਘਰ ਵਿੱਚ ਬਣੀਆਂ ਮਠਿਆਈਆਂ ਨਾ ਸਿਰਫ਼ ਪਰਿਵਾਰ ਨੂੰ ਇੱਕਜੁਟ ਕਰਦੀਆਂ ਹਨ, ਸਗੋਂ ਰਿਸ਼ਤਿਆਂ ’ਚ ਮਿਠਾਸ ਵੀ ਭਰਦੀਆਂ ਹਨ। ਆਓ! ਜਾਣਦੇ ਹਾਂ ਕੁਝ ਸ਼ਾਨਦਾਰ ਮਠਿਆਈਆਂ ਬਾਰੇ, ਜਿਨ੍ਹਾਂ ਨੂੰ ਤੁਸੀਂ ਇਸ ਦੀਵਾਲੀ ’ਤੇ ਘਰੇ ਹੀ ਬਣਾ ਸਕਦੇ ਹੋ।

Diwali Sweets

ਲੱਡੂ: ਲੱਡੂ ਦੀਵਾਲੀ ਦੀਆਂ ਸਭ ਤੋਂ ਪ੍ਰਸਿੱਧ ਮਠਿਆਈਆਂ ’ਚੋਂ ਇੱਕ ਹਨ। ਵੇਸਣ, ਮੂੰਗਫਲੀ ਜਾਂ ਸੂਜੀ ਨਾਲ ਬਣੇ ਲੱਡੂ ਬੇਹੱਦ ਸੁਆਦ ਹੁੰਦੇ ਹਨ। ਇਨ੍ਹਾਂ ਨੂੰ ਤਿਆਰ ਕਰਨਾ ਸੌਖਾ ਹੈ, ਅਤੇ ਇਨ੍ਹਾਂ ਦੀ ਖੁਸ਼ਬੂ ਨਾਲ ਪੂਰਾ ਘਰ ਮਹਿਕ ਉੱਠਦਾ ਹੈ। ਬੱਸ ਸਾਰੀ ਸਮੱਗਰੀ ਨੂੰ ਚੰਗੀ ਤਰ੍ਹਾਂ ਭੁੰਨ੍ਹ ਕੇ, ਗੁੰਨ੍ਹ ਕੇ ਛੋਟੇ-ਛੋਟੇ ਲੱਡੂ ਬਣਾ ਲਓ। Diwali Sweets

ਬਰਫ਼ੀ: ਬਰਫ਼ੀ ਇੱਕ ਅਜਿਹੀ ਮਠਿਆਈ ਹੈ ਜਿਸਨੂੰ ਹਰ ਕੋਈ ਪਸੰਦ ਕਰਦਾ ਹੈ। ਖੋਇਆ, ਖੰਡ ਅਤੇ ਨੱਟਸ ਨੂੰ ਮਿਲਾ ਕੇ ਬਣਾਈ ਜਾਂਦੀ ਬਰਫ਼ੀ ਨਾ ਸਿਰਫ਼ ਦੇਖਣ ’ਚ ਸੋਹਣੀ ਹੁੰਦੀ ਹੈ, ਸਗੋਂ ਖਾਣ ਵਿੱਚ ਵੀ ਬੇਹੱਦ ਸੁਆਦ ਹੁੰਦੀ ਹੈ। ਇਸਨੂੰ ਤੁਸੀਂ ਕੱਟੇ ਹੋਏ ਬਾਦਾਮ ਅਤੇ ਪਿਸਤੇ ਨਾਲ ਸਜਾ ਕੇ ਹੋਰ ਵੀ ਆਕਰਸ਼ਕ ਬਣਾ ਸਕਦੇ ਹੋ।

ਗੁੜ ਦੀ ਚੱਕੀ: ਗੁੜ ਦੀ ਚੱਕੀ ਇੱਕ ਰਿਵਾਇਤੀ ਮਠਿਆਈ ਹੈ, ਜੋ ਸਰਦੀਆਂ ’ਚ ਖਾਸ ਤੌਰ ’ਤੇ ਬਣਾਈ ਜਾਂਦੀ ਹੈ। ਚੌਲਾਂ ਦੇ ਆਟੇ, ਗੁੜ ਅਤੇ ਤਿਲ ਦੇ ਬੀਜਾਂ ਨਾਲ ਬਣੀ ਇਹ ਮਠਿਆਈ ਨਾ ਸਿਰਫ਼ ਸੁਆਦ ਹੁੰਦੀ ਹੈ, ਸਗੋਂ ਸਿਹਤ ਲਈ ਵੀ ਫਾਇਦੇਮੰਦ ਹੈ। ਇਸ ਨੂੰ ਕੱਟ ਕੇ ਛੋਟੇ ਟੁਕੜਿਆਂ ਵਿੱਚ ਪਰੋਸੋ ਅਤੇ ਪਰਿਵਾਰ ਦੇ ਸਾਰੇ ਜੀਆਂ ਨਾਲ ਵੰਡੋ।

ਪੇਠਾ : ਫਲਾਂ ਤੋਂ ਬਣੀਆਂ ਮਠਿਆਈਆਂ ’ਚ ਪੇਠੇ ਦਾ ਨਾਂਅ ਪ੍ਰਮੁੱਖ ਹੈ। ਖਾਸ ਕਰਕੇ ਆਗਰਾ ਦਾ ਪੇਠਾ ਤਾਂ ਬਹੁਤ ਮਸ਼ਹੂਰ ਹੈ। ਕੱਦੂ ਜਾਂ ਕਿੰਨੂ ਦੇ ਰਸ ਨਾਲ ਬਣੀ ਇਸ ਮਠਿਆਈ ਨੂੰ ਤੁਸੀਂ ਘਰੇ ਵੀ ਅਸਾਨੀ ਨਾਲ ਬਣਾ ਸਕਦੇ ਹੋ। ਇਸਨੂੰ ਖੰਡ ਦੀ ਚਾਸ਼ਨੀ ’ਚ ਪਾ ਕੇ ਸੁਕਾ ਲਓ ਅਤੇ ਠੰਢਾ ਕਰਕੇ ਪਰੋਸੋ।

ਰਸਗੁੱਲਾ: ਰਸਗੁੱਲਾ ਬੰਗਾਲੀ ਮਠਿਆਈ ਹੈ, ਜੋ ਦੀਵਾਲੀ ’ਤੇ ਖਾਸ ਤੌਰ ’ਤੇ ਬਣਾਈ ਜਾਂਦੀ ਹੈ। ਛੇਨਾ ਤੇ ਚਾਸ਼ਨੀ ਨਾਲ ਬਣੀ ਇਹ ਮਠਿਆਈ ਹਰ ਕਿਸੇ ਨੂੰ ਭਾਉਂਦੀ ਹੈ। ਇਸ ਨੂੰ ਤਿਆਰ ਕਰਨ ਲਈ ਛੇਨਾ ਬਣਾ ਕੇ ਗੋਲਿਆਂ ਵਿੱਚ ਰੋਲ ਕਰੋ ਅਤੇ ਫਿਰ ਚਾਸ਼ਨੀ ਵਿੱਚ ਉਬਾਲੋ।

Diwali Sweets

ਮੋਤੀਚੂਰ ਦੇ ਲੱਡੂ : ਮੋਤੀਚੂਰ ਦੇ ਲੱਡੂ ਮਠਿਆਈ ਦੀ ਇੱਕ ਖਾਸ ਕਿਸਮ ਹੈ ਜੋ ਛੋਲਿਆਂ ਦੀ ਦਾਲ ਨਾਲ ਬਣਾਈ ਜਾਂਦੀ ਹੈ। ਇਸ ਨੂੰ ਗਾੜ੍ਹੀ ਚਾਸ਼ਨੀ ’ਚ ਲਪੇਟ ਕੇ ਛੋਟੇ ਗੋਲਿਆਂ ਵਿੱਚ ਬਣਾ ਲਓ। ਇਹ ਮਠਿਆਈ ਦੀਵਾਲੀ ਦੇ ਖਾਸ ਮੌਕੇ ’ਤੇ ਸਾਰਿਆਂ ਦਾ ਦਿਲ ਜਿੱਤ ਲੈਂਦੀ ਹੈ।

ਕਾਜੂ ਕਤਲੀ : ਕਾਜੂ ਕਤਲੀ ਇੱਕ ਬੇਜੋੜ ਮਠਿਆਈ ਹੈ, ਜੋ ਖਾਸ ਤੌਰ ’ਤੇ ਤਿਉਹਾਰਾਂ ’ਤੇ ਬਣਾਈ ਜਾਂਦੀ ਹੈ। ਕਾਜੂ ਦੇ ਪਾਊਡਰ ਨੂੰ ਖੰਡ ਨਾਲ ਮਿਲਾ ਕੇ ਤਿਆਰ ਕੀਤੀ ਜਾਂਦੀ ਹੈ। ਇਸ ਨੂੰ ਸਜਾਉਣ ਲਈ ਚਾਂਦੀ ਦੇ ਵਰਕ ਦਾ ਇਸਤੇਮਾਲ ਕਰੋ। ਇਹ ਮਠਿਆਈ ਨਾ ਸਿਰਫ਼ ਸੁਆਦ ਹੁੰਦੀ ਹੈ, ਬਲਕਿ ਦੇਖਣ ’ਚ ਵੀ ਬੇਹੱਦ ਆਕਰਸ਼ਕ ਲੱਗਦੀ ਹੈ।

ਸੂਜੀ ਦਾ ਹਲਵਾ : ਸੂਜੀ ਦਾ ਹਲਵਾ ਇੱਕ ਆਮ ਅਤੇ ਸੁਆਦਲਾ ਮਿੱਠਾ ਹੈ, ਜਿਸ ਨੂੰ ਬਹੁਤ ਜਲਦੀ ਬਣਾਇਆ ਜਾ ਸਕਦਾ ਹੈ। ਸੂਜੀ, ਖੰਡ, ਘਿਓ ਅਤੇ ਨੱਟਸ ਨੂੰ ਮਿਲਾ ਕੇ ਬਣਾਇਆ ਜਾਂਦਾ ਹੈ। ਇਸ ਨੂੰ ਗਰਮਾ-ਗਰਮ ਪਰੋਸੋ ਅਤੇ ਸਾਰਿਆਂ ਦੇ ਚਿਹਰੇ ’ਤੇ ਮੁਸਕਾਨ ਲਿਆਉਂਦੇ ਹੋਏ ਅਨੰਦ ਲਵੋ।

Diwali Sweets

ਤਿਰੂਪਤੀ ਲੱਡੂ : ਇਹ ਖਾਸ ਲੱਡੂ ਆਂਧਰਾ ਪ੍ਰਦੇਸ਼ ਨਾਲ ਸੰਬੰਧਿਤ ਹਨ ਤੇ ਇਨ੍ਹਾਂ ਨੂੰ ਦੇਵੀ ਵੈਂਕਟੇਸ਼ਵਰ ਦੀ ਪੂਜਾ ਵਿੱਚ ਚੜ੍ਹਾਇਆ ਜਾਂਦਾ ਹੈ। ਇਸ ਨੂੰ ਚੌਲਾਂ ਦੇ ਆਟੇ ਅਤੇ ਗੁੜ ਨਾਲ ਬਣਾਇਆ ਜਾਂਦਾ ਹੈ। ਘਰ ’ਚ ਇਨ੍ਹਾਂ ਨੂੰ ਬਣਾ ਕੇ ਤੁਸੀਂ ਇਸ ਦੀਵਾਲੀ ਨੂੰ ਹੋਰ ਵੀ ਖਾਸ ਬਣਾ ਸਕਦੇ ਹੋ।

ਚਾਕਲੇਟ ਬਰਫ਼ੀ : ਜੇ ਤੁਹਾਡੇ ਪਰਿਵਾਰ ਨੂੰ ਚਾਕਲੇਟ ਦਾ ਸ਼ੌਕ ਹੈ, ਤਾਂ ਚਾਕਲੇਟ ਬਰਫ਼ੀ ਬਣਾਉਣਾ ਇੱਕ ਬਿਹਤਰ ਬਦਲ ਹੋ ਸਕਦਾ ਹੈ। ਖੋਇਆ ਅਤੇ ਚਾਕਲੇਟ ਨੂੰ ਮਿਲਾ ਕੇ ਇਸ ਨੂੰ ਤਿਆਰ ਕੀਤਾ ਜਾ ਸਕਦਾ ਹੈ। ਇਹ ਮਠਿਆਈ ਬੱਚਿਆਂ ਦੇ ਵਿੱਚ ਖਾਸ ਤੌਰ ’ਤੇ ਪ੍ਰਸਿੱਧ ਹੁੰਦੀ ਹੈ।

ਇਨ੍ਹਾਂ ਮਠਿਆਈਆਂ ਦੇ ਨਾਲ, ਦੀਵਾਲੀ ਦਾ ਪਵਿੱਤਰ ਤਿਉਹਾਰ ਹੋਰ ਵੀ ਖਾਸ ਬਣਦਾ ਹੈ। ਘਰ ਵਿੱਚ ਬਣਾਈਆਂ ਮਠਿਆਈਆਂ ਨਾ ਸਿਰਫ਼ ਤੁਹਾਡੇ ਪਰਿਵਾਰ ਲਈ ਇੱਕ ਸੁਆਦ ਤਜ਼ਰਬਾ ਪ੍ਰਦਾਨ ਕਰਦੀਆਂ ਹਨ, ਸਗੋਂ ਇਹ ਤੁਹਾਡੇ ਪਿਆਰ ਤੇ ਸਨੇਹ ਦਾ ਪ੍ਰਤੀਕ ਵੀ ਹੁੰਦੀਆਂ ਹਨ। ਇਸ ਦੀਵਾਲੀ, ਆਪਣੇ ਪਰਿਵਾਰ ਨਾਲ ਇਨ੍ਹਾਂ ਮਠਿਆਈਆਂ ਦਾ ਅਨੰਦ ਲਓ ਤੇ ਤਿਉਹਾਰ ਦੀ ਖੁਸ਼ੀ ਨੂੰ ਦੁੱਗਣਾ ਕਰੋ।

Diwali: ਦੀਵਾਲੀ ਭਾਰਤ ’ਚ ਮਨਾਏ ਜਾਣ ਵਾਲੇ ਮੁੱਖ ਤਿਉਹਾਰਾਂ ਵਿੱਚੋਂ ਇੱਕ ਹੈ। ਇਹ ਤਿਉਹਾਰ ਸਿਰਫ ਰੌਸ਼ਨੀ ਦਾ ਪ੍ਰਸੰਗ ਨਹੀਂ, ਸਗੋਂ ਇਹ ਪਰਿਵਾਰ ਵਿੱਚ ਆਪਸੀ ਪ੍ਰੇਮ, ਮਠਿਆਈਆਂ ਦੀ ਵਰਤੋਂ ਅਤੇ ਘਰ ਦੀ ਸਾਫ਼-ਸਫਾਈ ਦਾ ਪ੍ਰਤੀਕ ਵੀ ਹੈ। ਦੀਵਾਲੀ ਦਾ ਤਿਉਹਾਰ ਹਰ ਘਰ ਵਿੱਚ ਇੱਕ ਖਾਸ ਉਤਸ਼ਾਹ ਅਤੇ ਖੁਸ਼ੀ ਦਾ ਮਾਹੌਲ ਲਿਆਉਂਦਾ ਹੈ। ਆਓ! ਇਸ ਤਿਉਹਾਰ ਦੇ ਵੱਖ-ਵੱਖ ਪਹਿਲੂਆਂ ਬਾਰੇ ਜਾਣਦੇ ਹਾਂ।

1. ਪਰਿਵਾਰ ਵਿੱਚ ਆਪਸੀ ਪ੍ਰੇਮ: | Diwali

ਦੀਵਾਲੀ ਦਾ ਤਿਉਹਾਰ ਪਰਿਵਾਰਾਂ ਵਿੱਚ ਏਕਤਾ ਅਤੇ ਪ੍ਰੇਮ ਨੂੰ ਵਧਾਉਣ ਦਾ ਮੌਕਾ ਪ੍ਰਦਾਨ ਕਰਦਾ ਹੈ। ਇਸ ਸਮੇਂ ਪਰਿਵਾਰ ਦੇ ਸਾਰੇ ਮੈਂਬਰ ਇਕੱਠੇ ਹੋ ਕੇ ਤਿਉਹਾਰ ਦੀਆਂ ਤਿਆਰੀਆਂ ਕਰਦੇ ਹਨ। ਚਾਹੇ ਉਹ ਘਰ ਦੀ ਸਜਾਵਟ ਹੋਵੇ ਜਾਂ ਮਠਿਆਈਆਂ ਦੀ ਤਿਆਰੀ, ਸਾਰੇ ਮੈਂਬਰ ਇੱਕ-ਦੂਜੇ ਦਾ ਸਹਿਯੋਗ ਕਰਦੇ ਹਨ। ਇਹ ਸਮਾਂ ਆਪਣੇ ਰਿਸ਼ਤਿਆਂ ਨੂੰ ਮਜ਼ਬੂਤ ਬਣਾਉਣ ਅਤੇ ਇੱਕ-ਦੂਜੇ ਪ੍ਰਤੀ ਪ੍ਰੇਮ ਪ੍ਰਦਰਸ਼ਿਤ ਕਰਨ ਦਾ ਹੁੰਦਾ ਹੈ।

Read Also : Green Crackers: ਕਿੰਨੇ ਲੋਕ ਉਤਸ਼ਾਹਿਤ ਹੋ ਰਹੇ ਨੇ ਗ੍ਰੀਨ ਪਟਾਕਿਆਂ ਵੱਲ, ਕੀ ਹੈ ਫ਼ਾਇਦਾ?

2. ਮਠਿਆਈਆਂ ਦਾ ਮਹੱਤਵ: | Diwali

ਦੀਵਾਲੀ ਦੌਰਾਨ ਮਠਿਆਈਆਂ ਦਾ ਖਾਸ ਮਹੱਤਵ ਹੁੰਦਾ ਹੈ। ਘਰ ਵਿੱਚ ਵੱਖ-ਵੱਖ ਤਰ੍ਹਾਂ ਦੀਆਂ ਮਠਿਆਈਆਂ ਆਉਂਦੀਆਂ ਹਨ, ਜਿਵੇਂ ਲੱਡੂ, ਬਰਫੀ, ਪੇਠਾ ਅਤੇ ਹੋਰ ਬਹੁਤ ਕੁਝ। ਪਰਿਵਾਰ ਦੇ ਸਾਰੇ ਮੈਂਬਰ ਮਿਲ ਕੇ ਮਠਿਆਈਆਂ ਖਾਂਦੇ ਤੇ ਕੁਝ ਘਰ ਬਣਾਉਂਦੇ ਹਨ ਅਤੇ ਇੱਕ-ਦੂਜੇ ਦੇ ਨਾਲ ਵੰਡਦੇ ਹਨ। ਮਠਿਆਈਆਂ ਨਾ ਸਿਰਫ ਸਵਾਦਿਸ਼ਟ ਹੁੰਦੀਆਂ ਹਨ, ਸਗੋਂ ਇਹ ਪ੍ਰੇਮ ਅਤੇ ਸਨੇਹ ਦਾ ਵੀ ਪ੍ਰਤੀਕ ਹੁੰਦੀਆਂ ਹਨ। ਜਦੋਂ ਅਸੀਂ ਆਪਣੇ ਪਿਆਰਿਆਂ ਨੂੰ ਮਠਿਆਈ ਦਿੰਦੇ ਹਾਂ, ਤਾਂ ਅਸੀਂ ਉਨ੍ਹਾਂ ਦੇ ਪ੍ਰਤੀ ਆਪਣੇ ਪਿਆਰ ਅਤੇ ਸਨੇਹ ਦਾ ਇਜ਼ਹਾਰ ਕਰਦੇ ਹਾਂ।

3. ਘਰ ਦੀ ਸਫਾਈ:

ਦੀਵਾਲੀ ਦਾ ਤਿਉਹਾਰ ਘਰ ਦੀ ਸਫਾਈ ਦਾ ਵੀ ਸਮਾਂ ਹੁੰਦਾ ਹੈ। ਸਾਰੇ ਪਰਿਵਾਰ ਦੇ ਜੀਅ ਮਿਲ ਕੇ ਆਪਣੇ ਘਰ ਨੂੰ ਸਾਫ਼-ਸੁਥਰਾ ਅਤੇ ਸਜਾਉਣ ’ਚ ਲੱਗ ਜਾਂਦੇ ਹਨ। ਇਹ ਨਾ ਸਿਰਫ ਘਰ ਨੂੰ ਸੁੰਦਰ ਬਣਾਉਂਦਾ ਹੈ, ਸਗੋਂ ਮਾੜੀ ਊਰਜਾ ਨੂੰ ਵੀ ਦੂਰ ਕਰਨ ਦਾ ਕੰਮ ਕਰਦਾ ਹੈ। ਸਫਾਈ ਦੇ ਦੌਰਾਨ, ਪਰਿਵਾਰ ਦੇ ਜੀਅ ਇੱਕ-ਦੂਜੇ ਨਾਲ ਸਮਾਂ ਬਿਤਾਉਂਦੇ ਹਨ, ਜੋ ਆਪਸੀ ਪ੍ਰੇਮ ਨੂੰ ਹੋਰ ਵੀ ਗੂੜ੍ਹਾ ਕਰਦਾ ਹੈ।

4. ਦੀਵੇ ਬਾਲਣਾ ਅਤੇ ਪੂਜਾ:

ਦੀਵਾਲੀ ਦੇ ਦਿਨ ਘਰ ਵਿੱਚ ਦੀਵੇ ਜਗਾਉਣ ਦੀ ਪਰੰਪਰਾ ਹੁੰਦੀ ਹੈ। ਇਹ ਹਨ੍ਹੇਰੇ ਤੋਂ ਚਾਨਣ ਦੀ ਬਿਰਤੀ ਦਾ ਪ੍ਰਤੀਕ ਹੈ। ਪਰਿਵਾਰ ਦੇ ਸਾਰੇ ਜੀਅ ਮਿਲ ਕੇ ਦੀਵੇ ਬਾਲ਼ਦੇ ਹਨ ਅਤੇ ਭਗਵਾਨ ਗਣੇਸ਼ ਅਤੇ ਦੇਵੀ ਲਕਸ਼ਮੀ ਦੀ ਪੂਜਾ ਕਰਦੇ ਹਨ। ਇਸ ਪੂਜਾ ਵਿੱਚ ਸਾਰਿਆਂ ਦਾ ਇਕੱਠੇ ਹੋਣਾ ਅਤੇ ਮਿਲ ਕੇ ਅਰਦਾਸ ਕਰਨਾ ਪਰਿਵਾਰ ਵਿੱਚ ਏਕਤਾ ਅਤੇ ਪ੍ਰੇਮ ਨੂੰ ਦਰਸ਼ਾਉਂਦਾ ਹੈ।

5. ਇੱਕ-ਦੂਜੇ ਨੂੰ ਸ਼ੁੱਭਕਾਮਨਾਵਾਂ ਦੇਣਾ:

ਦੀਵਾਲੀ ’ਤੇ ਪਰਿਵਾਰ ਦੇ ਜੀਅ ਇੱਕ-ਦੂਜੇ ਨੂੰ ਸ਼ੁੱਭਕਾਮਨਾਵਾਂ ਦਿੰਦੇ ਹਨ। ਇਹ ਮੌਕਾ ਆਪਣੇ ਪਿਆਰਿਆਂ ਦੇ ਪ੍ਰਤੀ ਆਪਣੀਆਂ ਭਾਵਨਾਵਾਂ ਨੂੰ ਪ੍ਰਗਟ ਕਰਨ ਦਾ ਹੁੰਦਾ ਹੈ। ਸਾਰੇ ਲੋਕ ਇੱਕ-ਦੂਜੇ ਲਈ ਚੰਗੀ ਸਿਹਤ, ਖੁਸ਼ੀਆਂ ਅਤੇ ਖੁਸ਼ਹਾਲੀ ਦੀ ਕਾਮਨਾ ਕਰਦੇ ਹਨ, ਜੋ ਆਪਸੀ ਪ੍ਰੇਮ ਨੂੰ ਹੋਰ ਮਜ਼ਬੂਤ ਕਰਦਾ ਹੈ।

6. ਖੁਸ਼ੀਆਂ ਸਾਂਝੀਆਂ ਕਰਨਾ: | Diwali

ਦੀਵਾਲੀ ’ਤੇ ਖੁਸ਼ੀਆਂ ਨੂੰ ਸਾਂਝਾ ਕਰਨਾ ਵੀ ਮਹੱਤਵਪੂਰਨ ਹੁੰਦਾ ਹੈ। ਪਰਿਵਾਰ ਦੇ ਸਾਰੇ ਜੀਅ ਇਕੱਠੇ ਹੋ ਕੇ ਤਿਉਹਾਰ ਮਨਾਉਂਦੇ ਹਨ, ਮਠਿਆਈਆਂ ਖਾਂਦੇ ਹਨ ਅਤੇ ਇੱਕ-ਦੂਜੇ ਦੇ ਨਾਲ ਖੁਸ਼ੀਆਂ ਵੰਡਦੇ ਹਨ। ਇਹ ਸਾਂਝਾ ਸਮਾਂ ਰਿਸ਼ਤਿਆਂ ਨੂੰ ਹੋਰ ਮਜ਼ਬੂਤ ਬਣਾਉਂਦਾ ਹੈ ਅਤੇ ਇੱਕ ਸੁਖਦਾਈ ਮਾਹੌਲ ਬਣਾਉਂਦਾ ਹੈ।

7. ਸੱਭਿਆਚਾਰ ਤੇ ਪਰੰਪਰਾਵਾਂ ਦਾ ਪਾਲਣ:

ਦੀਵਾਲੀ ’ਤੇ ਪਰਿਵਾਰ ਦੇ ਜੀਆਂ ਦੁਆਰਾ ਸੱਭਿਆਚਾਰ ਤੇ ਪਰੰਪਰਾਵਾਂ ਦਾ ਪਾਲਣ ਕੀਤਾ ਜਾਂਦਾ ਹੈ। ਇਹ ਇੱਕ ਅਜਿਹਾ ਮੌਕਾ ਹੁੰਦਾ ਹੈ ਜਦੋਂ ਪਰਿਵਾਰ ਦੇ ਵੱਡੇ ਬਜ਼ੁਰਗ ਆਪਣੀਆਂ ਪਰੰਪਰਾਵਾਂ ਨੂੰ ਛੋਟੇ ਮੈਂਬਰਾਂ ਨਾਲ ਸਾਂਝਾ ਕਰਦੇ ਹਨ। ਇਹ ਨਾ ਸਿਰਫ਼ ਪਰਿਵਾਰ ਵਿੱਚ ਏਕਤਾ ਵਧਾਉਂਦਾ ਹੈ, ਸਗੋਂ ਆਪਣੀ ਸੱਭਿਆਚਾਰਕ ਵਿਰਾਸਤ ਨੂੰ ਵੀ ਅੱਗੇ ਵਧਾਉਂਦਾ ਹੈ।

8. ਰਿਸ਼ਤਿਆਂ ਦੀ ਮਹੱਤਤਾ:

ਇਸੇ ਤਰ੍ਹਾਂ, ਦੀਵਾਲੀ ਦਾ ਤਿਉਹਾਰ ਪਰਿਵਾਰ ਵਿੱਚ ਆਪਸੀ ਪ੍ਰੇਮ, ਮਠਿਆਈਆਂ ਤੇ ਸਫਾਈ ਦਾ ਪ੍ਰਤੀਕ ਹੈ। ਇਹ ਨਾ ਸਿਰਫ ਹਨ੍ਹੇਰੇ ਤੋਂ ਚਾਨਣ ਦੀ ਸੋਝੀ ਦਿੰਦਾ ਹੈ, ਸਗੋਂ ਪਰਿਵਾਰ ਦੇ ਜੀਆਂ ਵਿਚਕਾਰ ਪ੍ਰੇਮ ਅਤੇ ਏਕਤਾ ਨੂੰ ਵੀ ਵਧਾਉਂਦਾ ਹੈ। ਦੀਵਾਲੀ ਦਾ ਤਿਉਹਾਰ ਸਾਨੂੰ ਇਹ ਸਿਖਾਉਂਦਾ ਹੈ ਕਿ ਪ੍ਰੇਮ, ਸਹਿਯੋਗ ਅਤੇ ਸਨੇਹ ਨਾਲ ਭਰਪੂਰ ਰਿਸ਼ਤਿਆਂ ਦੀ ਮਹੱਤਤਾ ਕਿੰਨੀ ਵੱਧ ਹੁੰਦੀ ਹੈ। ਇਸ ਤਿਉਹਾਰ ਨੂੰ ਮਨਾਉਂਦਿਆਂ, ਅਸੀਂ ਆਪਣੇ ਪਰਿਵਾਰ ਨਾਲ ਮਿਲ ਕੇ ਖੁਸ਼ੀਆਂ ਨੂੰ ਸਾਂਝਾ ਕਰੀਏ ਅਤੇ ਆਪਣੇ ਰਿਸ਼ਤਿਆਂ ਨੂੰ ਹੋਰ ਮਜ਼ਬੂਤ ਬਣਾਈਏ।

Green Crackers: ਅੱਜ-ਕੱਲ੍ਹ ਗ੍ਰੀਨ ਪਟਾਕਿਆਂ ਦਾ ਰੁਝਾਨ ਵਧ ਗਿਆ ਹੈ, ਜੋ ਨਾ ਤਾਂ ਸ਼ੋਰ ਪ੍ਰਦੂਸ਼ਣ ਦਾ ਕਾਰਨ ਬਣਦੇ ਹਨ ਸਗੋਂ ਇਨ੍ਹਾਂ ਤੋਂ ਨਿੱਕਲਣ ਵਾਲੇ ਧੂੰਏਂ ਨੂੰ ਵੀ ਘੱਟ ਕਰਦੇ ਹਨ। ਆਓ! ਜਾਣਦੇ ਹਾਂ ਗ੍ਰੀਨ ਪਟਾਕਿਆਂ ਦੇ ਫਾਇਦਿਆਂ ਤੇ ਇਨ੍ਹਾਂ ਨੂੰ ਚਲਾਉਣ ਦੇ ਕੁਝ ਵਧੀਆ ਤਰੀਕਿਆਂ ਬਾਰੇ।

ਵਾਤਾਵਰਨ ਜਾਗਰੂਕਤਾ: ਗ੍ਰੀਨ ਪਟਾਕੇ ਜਲਾਉਣ ਨਾਲ ਵਾਤਾਵਰਨ ਦੀ ਰੱਖਿਆ ਹੁੰਦੀ ਹੈ। ਇਹ ਪਟਾਕੇ ਰਵਾਇਤੀ ਪਟਾਕਿਆਂ ਨਾਲੋਂ ਘੱਟ ਨੁਕਸਾਨਦੇਹ ਹੁੰਦੇ ਹਨ। ਇਨ੍ਹਾਂ ਦੀ ਵਰਤੋਂ ਨਾਲ ਹਵਾ ਅਤੇ ਸ਼ੋਰ ਪ੍ਰਦੂਸ਼ਣ ਘਟਦਾ ਹੈ, ਜਿਸ ਨਾਲ ਸਾਡੇ ਆਲੇ-ਦੁਆਲੇ ਦਾ ਵਾਤਾਵਰਨ ਸਾਫ਼ ਰਹਿੰਦਾ ਹੈ।

ਸਿਹਤ ਲਈ ਬਿਹਤਰ: ਦੀਵਾਲੀ ’ਤੇ ਪਟਾਕਿਆਂ ਤੋਂ ਪੈਦਾ ਹੋਣ ਵਾਲਾ ਧੂੰਆਂ ਬਹੁਤ ਸਾਰੇ ਲੋਕਾਂ, ਖਾਸ ਕਰਕੇ ਬੱਚਿਆਂ, ਬਜ਼ੁਰਗਾਂ ਅਤੇ ਸਾਹ ਦੇ ਮਰੀਜ਼ਾਂ ਲਈ ਸਿਹਤ ਸਮੱਸਿਆਵਾਂ ਦਾ ਕਾਰਨ ਬਣ ਸਕਦਾ ਹੈ। ਗ੍ਰੀਨ ਪਟਾਕੇ ਘੱਟ ਧੂੰਆਂ ਪੈਦਾ ਕਰਦੇ ਹਨ, ਜਿਸ ਨਾਲ ਇੱਕ ਸਿਹਤਮੰਦ ਜੀਵਨਸ਼ੈਲੀ ਨੂੰ ਉਤਸ਼ਾਹਿਤ ਕੀਤਾ ਜਾਂਦਾ ਹੈ।

ਪਟਾਕਿਆਂ ਦੀਆਂ ਨਵੀਆਂ ਕਿਸਮਾਂ: ਅੱਜ-ਕੱਲ੍ਹ ਬਾਜ਼ਾਰ ਵਿੱਚ ਕਈ ਤਰ੍ਹਾਂ ਦੇ ਗ੍ਰੀਨ ਪਟਾਕੇ ਉਪਲੱਬਧ ਹਨ, ਜਿਵੇਂ ਕਿ ਚਾਕਲੇਟ ਬੰਬ, ਫੁੱਲਝੜੀ ਅਤੇ ਹੋਰ ਰੰਗਦਾਰ ਪਟਾਕੇ। ਇਹ ਨਾ ਸਿਰਫ ਦੇਖਣ ’ਚ ਆਕਰਸ਼ਕ ਹਨ, ਸਗੋਂ ਇਨ੍ਹਾਂ ਦੀ ਆਵਾਜ਼ ਵੀ ਬਹੁਤ ਘੱਟ ਹੁੰਦੀ ਹੈ।

ਪਰਿਵਾਰ ਨਾਲ ਮਿਲ ਕੇ ਜਸ਼ਨ ਮਨਾਓ: ਗ੍ਰੀਨ ਪਟਾਕਿਆਂ ਦੀ ਵਰਤੋਂ ਕਰਦੇ ਸਮੇਂ ਪਰਿਵਾਰ ਦੇ ਮੈਂਬਰਾਂ ਨਾਲ ਮਿਲ ਕੇ ਜਸ਼ਨ ਮਨਾਉਣਾ ਇੱਕ ਵਧੀਆ ਅਨੁਭਵ ਹੋ ਸਕਦਾ ਹੈ। ਤੁਸੀਂ ਸਾਰੇ ਮਿਲ ਕੇ ਪਟਾਕੇ ਚਲਾਓ, ਇਸ ਨਾਲ ਨਾ ਸਿਰਫ ਤਿਉਹਾਰ ਦੀ ਖੁਸ਼ੀ ਵਧਦੀ ਹੈ ਸਗੋਂ ਪਰਿਵਾਰ ਵਿਚ ਏਕਤਾ ਦੀ ਭਾਵਨਾ ਵੀ ਆਉਂਦੀ ਹੈ।

ਸੁਰੱਖਿਅਤ ਬਰਨਿੰਗ: ਜਦੋਂ ਤੁਸੀਂ ਗ੍ਰੀਨ ਪਟਾਕੇ ਚਲਾਉਂਦੇ ਹੋ, ਤਾਂ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖੋ। ਪਟਾਕੇ ਹਮੇਸ਼ਾ ਖੁੱਲ੍ਹੀ ਥਾਂ ’ਤੇ ਚਲਾਓ ਅਤੇ ਯਕੀਨੀ ਬਣਾਓ ਕਿ ਆਲੇ-ਦੁਆਲੇ ਦੇ ਲੋਕ ਸੁਰੱਖਿਅਤ ਦੂਰੀ ’ਤੇ ਹੋਣ। ਪਟਾਕੇ ਸਾੜਨ ਵਿੱਚ ਬੱਚਿਆਂ ਦੀ ਮੱਦਦ ਕਰਨ ਤੋਂ ਪਹਿਲਾਂ, ਉਨ੍ਹਾਂ ਨੂੰ ਸਹੀ ਤਰੀਕੇ ਨਾਲ ਸਮਝਾਓ।

Read Also : Gold Price Today: ਸੋਨੇ ਦੀਆਂ ਕੀਮਤਾਂ ਦਾ ਤਾਜ਼ਾ ਅਪਡੇਟ, ਜਾਣੋ ਅੱਜ ਦੀਆਂ ਕੀਮਤਾਂ

Clay Lamp: ਹਜਾਰਾਂ ਸਾਲ ਪਹਿਲਾਂ ਸਾਡੇ ਪੰਜਾਬ ਤੇ ਭਾਰਤ ਵਿੱਚ ਮਿੱਟੀ ਦੇ ਦੀਵੇ ਦੀ ਖੋਜ ਹੋਈ ਸੀ। ਉਸ ਸਮੇਂ ਇਹ ਵੱਡੀ ਖੋਜ ਸੀ। ਪਹਿਲੇ ਸਮਿਆਂ ’ਚ ਬਿਜਲੀ ਨਹੀਂ ਹੁੰਦੀ ਸੀ। ਲੋਕ ਰਾਤ ਦੇ ਹਨ੍ਹੇਰੇ ’ਚ ਰੌਸ਼ਨੀ ਕਰਨ ਲਈ ਕਈ ਸਾਧਨਾਂ ਦੀ ਵਰਤੋਂ ਕਰਦੇ ਸਨ। ਪਰ ਮਿੱਟੀ ਦੇ ਦੀਵੇ ਦੀ ਖੋਜ ਨੇ ਰਾਤ ਦੇ ਹਨ੍ਹੇਰੇ ਵਿੱਚ ਵੇਖਣ ਲਈ ਬਹੁਤ ਹੀ ਯੋਗਦਾਨ ਦਿੱਤਾ। ਮਿੱਟੀ ਦੇ ਪਹਿਲਾਂ ਕੱਚੇ ਦੀਵੇ ਹੀ ਹੁੰਦੇ ਸਨ। ਹੌਲੀ-ਹੌਲੀ ਮਨੁੱਖ ਨੇ ਇਸ ਮਿੱਟੀ ਦੇ ਦੀਵੇ ਨੂੰ ਅੱਗ ’ਚ ਪਕਾ ਕੇ ਸਖ਼ਤ ਕਰ ਲਿਆ।

ਇਸ ਦੀਵੇ ਵਿੱਚ ਸਰ੍ਹੋਂ ਦਾ ਤੇਲ ਜਾਂ ਦੇਸੀ ਘਿਓ ਪਾ ਕੇ ਫਿਰ ਇਸ ਵਿੱਚ ਕਪਾਹ ਦੇ ਰੂੰ ਦੀ ਬੱਤੀ ਬਣਾ ਕੇ ਪਾਈ ਜਾਂਦੀ ਸੀ। ਇੱਕ ਛੋਟਾ ਦੀਵਾ ਵੀ ਇੱਕ ਵਾਰ ਤੇਲ ਨਾਲ ਭਰ ਕੇ ਜਗਾਉਣ ਤੋਂ ਬਾਅਦ ਘੰਟਾ- ਅੱਧਾ ਘੰਟਾ ਜਗਦਾ ਰਹਿੰਦਾ ਸੀ। ਰਾਤ ਦੇ ਹਨੇ੍ਹਰੇ ਵਿੱਚ ਇਸ ਦੀ ਕਾਫੀ ਰੌਸ਼ਨੀ ਹੁੰਦੀ ਹੈ। ਲੋਕ ਛੋਟੇ ਤੇ ਵੱਡੇ ਦੋਵੇਂ ਅਕਾਰ ਦੇ ਦੀਵੇ ਘਰਾਂ ਵਿੱਚ ਰੱਖਦੇ ਸਨ। Clay Lamp

Read Also : Diwali 2024: ਹੁਣ ਥਾਂ-ਥਾਂ ਨਹੀਂ ਵਿਕਣਗੇ ਪਟਾਕੇ, ਪ੍ਰਸ਼ਾਸਨ ਨੇ ਲਿਆ ਫ਼ੈਸਲਾ, ਦੇਖੋ ਪੂਰੀ ਡਿਟੇਲ

ਹਰ ਘਰ ਸ਼ਾਮ ਨੂੰ ਦੀਵਾ ਬਲਦਾ ਸੀ। ਲੋਕ ਹਰ ਤਰ੍ਹਾਂ ਦਾ ਕੰਮ ਇਸ ਦੀਵੇ ਦੀ ਰੌਸ਼ਨੀ ’ਚ ਹੀ ਕਰਦੇ ਸਨ। ਲੋਕ ਇਸ ਦੀਵੇ ਨਾਲ ਪੜ੍ਹਾਈ ਕਰ ਕੇ ਵੱਡੇ ਅਹੁਦਿਆਂ ’ਤੇ ਪਹੁੰਚੇ ਹਨ। ਇਸ ਦੀਵੇ ਨੂੰ ਲੋਕ ਧਾਰਮਿਕ ਸਥਾਨਾਂ, ਤੇ ਹੋਰ ਕਈ ਥਾਂ ਬਾਲਦੇ ਹਨ। ਕਈ ਤਰ੍ਹਾਂ ਦੇ ਰਸਮੋਂ-ਰਿਵਾਜ਼ ਅੱਜ ਵੀ ਇਸ ਦੀਵੇ ਨੂੰ ਬਾਲ ਕੇ ਹੀ ਪੂਰੇ ਕੀਤੇ ਜਾਂਦੇ ਹਨ। ਇਹ ਦੀਵਾ ਜਨਮ ਤੋਂ ਮੌਤ ਤੱਕ ਮਨੁੱਖ ਦਾ ਸਾਥੀ ਸੀ ਅਤੇ ਅੱਜ ਵੀ ਹੈ। ਅੱਜ ਵੀ ਬਹੁਤ ਥਾਵਾਂ ’ਤੇ ਜਨਮ ਦਿਨ ’ਤੇ ਲੋਕ ਦੀਵਾ ਬਾਲਦੇ ਹਨ।

Clay Lamp

ਮੌਤ ਸਮੇਂ ਅੱਜ ਵੀ ਇਹੀ ਦੀਵਾ-ਬੱਤੀ ਦੇਣ ਦਾ ਰਿਵਾਜ਼ ਹੈ। ਇਹ ਦੀਵਾ ਸਾਡੇ ਸੱਭਿਆਚਾਰ ਦਾ ਅੰਗ ਬਣ ਗਿਆ ਸੀ। ਹਰ ਥਾਂ ਇਹ ਦੀਵਾ ਪ੍ਰਧਾਨ ਸੀ। ਦੀਵੇ ਨੇ ਸਾਡੇ ਸਮਾਜ ਅਤੇ ਸੱਭਿਆਚਾਰ ’ਤੇ ਗਹਿਰੀ ਛਾਪ ਛੱਡੀ। ਹਰ ਧਰਮ, ਜਾਤ ਨੂੰ ਦੀਵੇ ਨੇ ਆਪਣੇ ਨਾਲ ਜੋੜ ਲਿਆ ਸੀ। ਭਗਤਾਂ, ਲੇਖਕਾਂ, ਕਵੀਆਂ ’ਤੇ ਵੀ ਦੀਵਾ ਭਾਰੀ ਰਿਹਾ ਸੀ। ਪੰਜਾਬ ਦੇ ਲੋਕ ਗੀਤਾਂ ਵਿੱਚ ਦੀਵੇ ਨੇ ਆਪਣੀ ਖਾਸ ਥਾਂ ਬਣਾ ਲਈ ਸੀ। ਇਹ ਥਾਂ ਅੱਜ ਵੀ ਬਰਕਰਾਰ ਹੈ। ਬਹੁਤ ਸਾਰੇ ਲੋਕ ਗੀਤ ਦੀਵੇ ਦੇ ਨਾਂਅ ’ਤੇ ਮਸ਼ਹੂਰ ਹੋਏ।

ਦੀਵੇ ਦੀ ਲੌਅ ਵਾਂਗ ਜਿੰਦਗੀ ਦਾ ਖੇਲ ਵੇ,
ਬੁਝ ਗਿਆ ਦੀਵਾ ਜਦੋਂ ਮੁੱਕ ਗਿਆ ਤੇਲ ਵੇ।

ਗੀਤ ਅੱਜ ਵੀ ਮਕਬੂਲ ਹੈ। ਹਿੰਦੀ ਪੰਜਾਬੀ ਲੇਖਕਾਂ ਦੀ ਕਲਮ ਵਿੱਚ ਵੀ ਦੀਵੇ ਨੇ ਖਾਸ ਥਾਂ ਬਣਾਈ ਤੇ ਅੱਜ ਵੀ ਹੈ। ਦੀਵਾਲੀ ਅਤੇ ਹੋਰ ਤਿਉਹਾਰਾਂ ’ਤੇ ਵੀ

ਦੀਵੇ ਨੂੰ ਖਾਸ ਮਾਨਤਾ ਮਿਲੀ ਹੋਈ ਹੈ। ਦੀਵੇ ਨਾਲ ਸਬੰੰਧਿਤ ਕਈ ਗੱਲਾਂ ਬਣੀਆਂ। ਕਈ ਮੁਹਾਵਰੇ ਅਤੇ ਸ਼ਬਦਾਵਲੀ ਦੀਵੇ ਤੋਂ ਬਣੀ ਜਿਵੇਂ, ਦੀਵੇ ਥੱਲੇ ਹਨੇਰਾ, ਮੁਹਾਵਰਾ ਕਾਫੀ ਮਕਬੂਲ ਹੈ। ਲੋਕ ਦੀਵੇ ਦੀ ਤੁਲਨਾ ਅਕਸਰ ਮਨੁੱਖ ਦੀ ਜ਼ਿੰਦਗੀ ਨਾਲ ਵੀ ਕਰਦੇ ਹਨ। ਲੋਕਾਂ ਦੀ ਸੋਚ ਹੈ ਕਿ ਜਿਸ ਤਰ੍ਹਾਂ ਤੇਲ ਮੁੱਕਣ ’ਤੇ ਦੀਵਾ ਬੁਝ ਜਾਂਦਾ ਹੈ, ਉਸੇ ਤਰ੍ਹਾਂ ਹੀ ਸਰੀਰ ’ਚੋਂ ਤੰਦਰੁਸਤੀ ਮੁੱਕ ਜਾਣ ’ਤੇ ਬੰਦਾ ਵੀ ਮੁੱਕ ਜਾਂਦਾ ਹੈ ਭਾਵ ਬੁਢਾਪਾ, ਬਿਮਾਰੀ ਆਉਣ ’ਤੇ ਮਨੁੱਖ ਵੀ ਮਰ ਜਾਂਦਾ ਹੈ।

Clay Lamp

ਇਹ ਵੀ ਮੁਹਾਵਰਾ ਲੋਕ ਆਮ ਵਰਤਦੇ ਹਨ ਕਿ ਦੀਵੇ ਦੀ ਲੋਅ ਰਾਤ ਭਰ..। ਇਸਦਾ ਭਾਵ ਹੈ ਕਿ ਕੁਝ ਕੰਮ ਥੋੜ੍ਹ ਦਿਨੇ ਹੀ ਹੁੰਦੇ ਹਨ। ਕਈ ਵਾਰ ਲੋਕ ਕਿਸੇ ’ਤੇ ਵਿਅੰਗ ਕੱਸਣਾ ਹੋਵੇ ਤਾਂ ਵੀ ਕਹਿੰਦੇ ਹਨ, ਚੱਲ ਦੀਵਾ ਜਿਹਾ ਨਾ ਹੋਵੇ ਤਾਂ..। ਦੀਵਾ ਸਾਡੇ ਸਮਾਜ ਦੀ ਖਾਸ ਜਰੂਰਤ ਤੇ ਪਹਿਚਾਣ ਬਣ ਗਿਆ ਪਰ ਹੁਣ ਹੌਲੀ-ਹੌਲੀ ਦੀਵਾ ਘਰਾਂ ’ਚੋਂ ਲੁਪਤ ਹੋ ਰਿਹਾ ਹੈ। ਘਰਾਂ ’ਚੋਂ ਸਰ੍ਹੋਂ ਦਾ ਤੇਲ ਤੇ ਰੂੰ ਵੀ ਖਤਮ ਹੀ ਹੋ ਗਿਆ ਹੈ। ਹੁਣ ਕੋਈ ਟਾਵਾਂ-ਟਾਵਾਂ ਹੀ ਦੀਵੇ ਬਣਾ ਕੇ ਵੇਚਦੈ। ਦੀਵਾ ਬਣਾਉਣ ਦੀ ਕਲਾ ਵੀ ਖਤਮ ਹੁੰਦੀ ਜਾ ਰਹੀ ਹੈ। ਸਾਨੂੰ ਇਹ ਵਿਰਾਸਤ ਬਚਾਉਣ ਅਤੇ ਸੰਭਾਲਣ ਦੀ ਜਰੂਰਤ ਹੈ। ਜੇਕਰ ਅਸੀਂ ਇਹ ਆਪਣਾ ਪੁਰਾਣਾ ਵਿਰਸਾ ਨਾ ਸੰਭਾਲਿਆ ਤਾਂ ਪੰਜਾਬੀ ਦੇ ਦੀਵੇ ਨਾਲ ਸਬੰੰਧਤ ਮੁਹਾਵਰੇ, ਸ਼ਬਦਾਵਲੀ ਸਦਾ ਲਈ ਲੁਪਤ ਹੋ ਜਾਣਗੇ ਤੇ ਇਹ ਸੱਭ ਨਵੀਂ ਪੀੜ੍ਹੀ ਲਈ ਮੰਦਭਾਗਾ ਹੋਵੇਗਾ।

ਹਰੇਸ਼ ਕੁਮਾਰ ਸੈਣੀ, ਪਠਾਨਕੋਟ।

‘ਬਜ਼ੁਰਗਾਂ’ ਦਾ ਆਸ਼ੀਰਵਾਦ ਵਿਅਰਥ ਨਹੀਂ ਜਾਂਦਾ? | International Elderly Day

International Elderly Day: (ਰਾਜ਼ੇਸ ਬੈਣੀਵਾਲ) ਬਜ਼ੁਰਗਾਂ ’ਤੇ ਕਿਸੇ ਪ੍ਰਸਿੱਧ ਕਵੀ ਦੁਆਰਾ ਲਿਖੀਆਂ ਇਹ ਲਾਈਨਾਂ ਉਨ੍ਹਾਂ ਦੀ ਮਹੱਤਤਾ ਨੂੰ ਦਰਸਾਉਂਦੀਆਂ ਹਨ। ਬਦਲਦੇ ਮਾਹੌਲ ਦੇ ਨਾਲ-ਨਾਲ ਪੱਛਮੀ ਸੱਭਿਆਚਾਰ ਸਾਡੇ ਦੇਸ਼ ’ਤੇ ਵੀ ਹਾਵੀ ਹੋਣ ਲੱਗਾ ਹੈ। ਬਜ਼ੁਰਗ ਜੋ ਕਦੇ ਘਰ ਦਾ ਅਨਮੋਲ ਖਜ਼ਾਨਾ ਹੁੰਦੇ ਸਨ। ਪਰਿਵਾਰਕ ਮੈਂਬਰ ਉਨ੍ਹਾਂ ਦੇ ਜੀਵਨ ਦੇ ਤਜ਼ਰਬਿਆਂ ਦਾ ਲਾਭ ਉਠਾਦਿਆਂ ਉਨ੍ਹਾਂ ਦੀ ਸਲਾਹ ਲੈਂਦੇ ਸੀ।

ਠੰਢਕ ਉੱਥੇ ਵੀ ਹੁੰਦੀ ਹੈ, ਸੁੱਕੇ ਦਰੱਖਤ ਦੀ ਛਾਂ ਜਿੱਥੇ ਹੁੰਦੀ ਹੈ

ਇੰਟਰਨੈੈੱਟ ਕ੍ਰਾਂਤੀ ਦੇ ਯੁੱਗ ’ਚ ਉਹ ਖੁਦ ਨੂੰ ਉਮੀਦ ਕਰਨ ਵਾਲੇ ਮੰਨਣ ਲੱਗੇ ਹਨ। ਹੁਣ ਜਦੋਂ ਦਾਦੀ-ਦਾਦੀ ਦੀਆਂ ਕਹਾਣੀਆਂ ਬੀਤੇ ਜ਼ਮਾਨੇ ਦੀ ਗੱਲ ਬਣ ਗਈਆਂ ਹਨ, ਦਾਦਾ-ਦਾਦੀ ਦੇ ਰਿਸ਼ਤੇ ਸਿਰਫ਼ ਕਿਤਾਬਾਂ ’ਚ ਹੀ ਰਹਿ ਗਏ ਹਨ। ਜਿਸ ਦੇਸ਼ ਵਿੱਚ ਮਹਿਮਾਨਾਂ ਨੂੰ ਵੀ ਰੱਬ ਦਾ ਦਰਜਾ ਦਿੱਤਾ ਜਾਂਦਾ ਸੀ, ਉੱਥੇ ਛੋਟੇ-ਛੋਟੇ ਕਸਬਿਆਂ ’ਚ ਖੁੱਲ੍ਹ ਰਹੇ ਬਿਰਧ ਆਸ਼ਰਮ ਸਾਡੇ ਸੱਭਿਆਚਾਰ ਦੇ ਪਤਨ ਵੱਲ ਜਾਣ ਦਾ ਸੰਕੇਤ ਦੇ ਰਹੇ ਹਨ। ਅਜਿਹੇ ’ਚ ਸਾਨੂੰ ਸਾਰਿਆਂ ਨੂੰ ਸੋਚਣ ਦੀ ਲੋੜ ਹੈ ਕਿ ਬਜ਼ੁਰਗਾਂ ਨੂੰ ਨਜ਼ਰਅੰਦਾਜ਼ ਕਰਕੇ ਅਸੀਂ ਕੀ ਹਾਸਲ ਕਰਾਂਗੇ। International Elderly Day

1990 ’ਚ ਮਨਾਇਆ ਜਾਣ ਲੱਗਾ ਅੰਤਰਰਾਸ਼ਟਰੀ ਬਜ਼ੁਰਗ ਦਿਵਸ

ਸੰਯੁਕਤ ਰਾਸ਼ਟਰ ਨੇ ਵਿਸ਼ਵ ’ਚ ਬਜ਼ੁਰਗਾਂ ਪ੍ਰਤੀ ਹੋ ਰਹੇ ਦੁਰਵਿਵਹਾਰ ਤੇ ਬੇਇਨਸਾਫ਼ੀ ਨੂੰ ਖਤਮ ਕਰਨ ਤੇ ਲੋਕਾਂ ’ਚ ਜਾਗਰੂਕਤਾ ਫੈਲਾਉਣ ਲਈ 14 ਦਸੰਬਰ 1990 ਨੂੰ ਇਹ ਫੈਸਲਾ ਲਿਆ ਕਿ ਹਰ ਸਾਲ ‘1 ਅਕਤੂਬਰ’ ਨੂੰ ‘ਅੰਤਰਰਾਸ਼ਟਰੀ ਬਜ਼ੁਰਗ ਦਿਵਸ’ ਵਜੋਂ ਮਨਾ ਕੇ ਬਜ਼ੁਰਗਾਂ ਨੂੰ ਉਨ੍ਹਾਂ ਦਾ ਸਹੀ ਸਥਾਨ ਦਿਵਾਉਣ ਦੀ ਕੋਸ਼ਿਸ਼ ਕਰਾਂਗੇ। 1 ਅਕਤੂਬਰ 1991 ਨੂੰ ਪਹਿਲੀ ਵਾਰ ‘ਅੰਤਰਰਾਸ਼ਟਰੀ ਬਜ਼ੁਰਗ ਦਿਵਸ’ ਮਨਾਇਆ ਗਿਆ, ਜਿਸ ਤੋਂ ਬਾਅਦ ਹਰ ਸਾਲ ਇਸ ਦਿਨ ਨੂੰ ਮਨਾਇਆ ਜਾਂਦਾ ਹੈ।’ International Day of Older Persons

ਇਹ ਵੀ ਪੜ੍ਹੋ: Haryana-Punjab Weather News: ਹੁਣ ਪੰਜਾਬ-ਹਰਿਆਣਾ ’ਚ ਇਸ ਤਰੀਕ ਤੋਂ ਭਾਰੀ ਮੀਂਹ ਦੀ ਸੰਭਾਵਨਾ, ਮੌਸਮ ਵਿਭਾਗ ਨੇ ਫਿਰ…

ਸਾਲ 2024 ਲਈ ਅੰਤਰਰਾਸ਼ਟਰੀ ਬਜ਼ੁਰਗ ਦਿਵਸ ਦਾ ਵਿਸ਼ਾ ਹੈ ‘‘ਸਨਮਾਨ ਦੇ ਨਾਲ ਬਜ਼ੁਰਗ ਅਵਸਥਾ: ਵਿਸ਼ਵ ਭਰ ’ਚ ਬਜ਼ੁਰਗਾਂ ਲਈ ਦੇਖਭਾਲ ਤੇ ਸਹਾਇਤਾ ਪ੍ਰਣਾਲੀਆਂ ਨੂੰ ਮਜ਼ਬੂਤ ਕਰਨ ਦੀ ਮਹੱਤਤਾ’’ ਭਾਰਤ ’ਚ ਬਜ਼ੁਰਗਾਂ, ਮਜ਼ਦੂਰ ਵਰਗ ਤੇ ਸਮਾਜ ਦੇ ਕਮਜ਼ੋਰ ਵਰਗਾਂ ਦੀ ਵਿੱਤੀ ਸੁਰੱਖਿਆ ਤੇ ਭਵਿੱਖ ਨੂੰ ਯਕੀਨੀ ਬਣਾਉਣ ਲਈ ਵੱਖ-ਵੱਖ ਪੈਨਸ਼ਨ ਸਕੀਮਾਂ ਚਲਾਈਆਂ ਜਾਂਦੀਆਂ ਹਨ।

ਅੰਤਰਰਾਸ਼ਟਰੀ ਬਜ਼ੁਰਗ ਦਿਵਸ ਮਨਾਉਣ ਦੀ ਲੋੜ ਕਿਉਂ ਪਈ? | International Elderly Day

• ਅੰਤਰਰਾਸ਼ਟਰੀ ਬਜ਼ੁਰਗ ਦਿਵਸ ਨੂੰ ਮਨਾਉਣ ਲਈ ਬਹੁਤ ਸਾਰੀਆਂ ਜ਼ਰੂਰਤਾਂ ਹਨ, ਜਿਨ੍ਹਾਂ ’ਚੋਂ ਕੁਝ ਹਨ:
• ਬਜ਼ੁਰਗਾਂ ਦੇ ਯੋਗਦਾਨ ਨੂੰ ਮਾਨਤਾ ਦੇਣੀ
•  ਬਜ਼ੁਰਗਾਂ ਦੇ ਮੁੱਦਿਆਂ ’ਤੇ ਜਾਗਰੂਕਤਾ ਨੂੰ ਵਧਾਉਣਾ
•  ਉਨ੍ਹਾਂ ਨਾਲ ਚੰਗਾ ਵਿਵਹਾਰ ਕਰਨਾ
•  ਬਜ਼ੁਰਗਾਂ ਦੀਆਂ ਜ਼ਰੂਰਤਾਂ ਨੂੰ ਧਿਆਨ ’ਚ ਰੱਖਣਾ
•  ਬਜ਼ੁਰਗਾਂ ਨਾਲ ਬੈਠ ਕੇ ਉਨ੍ਹਾਂ ਨਾਲ ਗੱਲਾਂ ਕਰਨਾ

ਅੰਤਰਰਾਸ਼ਟਰੀ ਬਜ਼ੁਰਗ ਦਿਵਸ ਦੀ ਮਹੱਤਤਾ | International Elderly Day

ਬਜ਼ੁਰਗ ਵਿਅਕਤੀ ਆਪਣੇ ਗਿਆਨ, ਤਜ਼ਰਬੇ ਅਤੇ ਸੱਭਿਆਚਾਰਕ ਯੋਗਦਾਨ ਜਰੀਏ ਸਮਾਜ ’ਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ। ਸੰਯੁਕਤ ਰਾਸ਼ਟਰ ਦੇ ਅੰਕੜਿਆਂ ਅਨੁਸਾਰ, 65 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਬਜ਼ੁਰਗਾਂ ਦੀ ਗਿਣਤੀ 1980 ’ਚ ਲਗਭਗ 260 ਮਿਲੀਅਨ ਤੋਂ ਵਧ ਕੇ 2021 ’ਚ 761 ਮਿਲੀਅਨ ਹੋ ਗਈ ਹੈ।

2021 ਤੇ 2050 ਦੇ ਦਰਮਿਆਨ, ਬਜ਼ੁਰਗ ਆਬਾਦੀ ਦਾ ਕੌਮਾਂਤਰੀ ਹਿੱਸਾ 10% ਤੋਂ ਘੱਟ ਤੋਂ ਲਗਭਗ 17% ਤੱਕ ਵਧਣ ਦਾ ਅਨੁਮਾਨ ਹੈ। ਇਸ ਦਿਨ, ਸਰਕਾਰਾਂ, ਗੈਰ-ਸਰਕਾਰੀ ਸੰਗਠਨਾਂ ਤੇ ਭਾਈਚਾਰਿਆਂ ਦੁਆਰਾ ਬਜ਼ੁਰਗ ਆਬਾਦੀ ਦਾ ਸਮਰਥਨ ਕਰਨ ਵਾਲੀਆਂ ਨੀਤੀਆਂ ਦੀ ਵਕਾਲਤ ਕਰਨ ਲਈ ਬਹੁਤ ਸਾਰੇ ਸਮਾਗਮ, ਚਰਚਾਵਾਂ ਤੇ ਮੁਹਿੰਮਾਂ ਨੂੰ ਕੀਤਾ ਜਾਂਦਾ ਹੈ।

ਪਹਿਲਾਂ ਆਮ ਲੋਕ ਇਹੀ ਗੱਲਾਂ ਕਰਿਆ ਕਰਦੇ ਸਨ ਕਿ ਲੋੜ ਕਾਢ ਦੀ ਮਾਂ ਹੁੰਦੀ ਹੈ। ਜਦੋਂ ਵੀ ਕਿਸੇ ਚੀਜ਼ ਦੀ ਲੋੜ ਪੈਂਦੀ ਹੈ ਉੁਸ ਹਿਸਾਬ ਨਾਲ ਵਿਗਿਆਨੀ ਉਹੋ-ਜਿਹੀਆਂ ਚੀਜ਼ਾਂ ਤਿਆਰ ਕਰਨ ਲੱਗ ਜਾਂਦੇ ਹਨ। ਇਹ ਗੱਲ ਤਾਂ ਬਹੁਤ ਚੰਗੀ ਹੈ ਪਰ ਇਸ ਦਾ ਦੂਜਾ ਪਾਸਾ ਇਹ ਹੈ ਕਿ ਜਿਹੜੀ ਚੀਜ਼ ਦਾ ਦਾਇਦਾ ਹੁੰਦਾ ਹੈ, ਉਸ ਦੇ ਕੁਝ ਨੁਕਸਾਨ ਵੀ ਜ਼ਰੂਰ ਹੁੰਦੇ ਹਨ। ਅੱਜ ਜੋ ਵੀ ਚੀਜ਼ਾਂ ਅਸੀਂ ਆਪਣੇ ਆਸੇ-ਪਾਸੇ ਵੇਖਦੇ ਹਾਂ ਉਹ ਸਭ ਸਾਇੰਸ ਦੀ ਕਾਢ ਹਨ। ਪਰ ਜੋ ਚੀਜ਼ ਅੱਜ ਸਾਨੂੰ ਸਭ ਤੋਂ ਜ਼ਿਆਦਾ ਨੁਕਸਾਨਦੇਹ ਸਾਬਿਤ ਹੋ ਰਹੀ ਹੈ ਉਹ ਹੈ ਮੋਬਾਈਲ। ਜੋ ਹਰ ਬੰਦੇ ਦੇ ਹੱਥ ਵਿੱਚ ਆ ਗਿਆ ਹੈ। Children Care

ਬੇਸ਼ੱਕ ਇਸ ਦੇ ਫ਼ਾਇਦੇ ਵੀ ਬਹੁਤ ਸਾਰੇ ਹਨ ਪਰ ਨੁਕਸਾਨ ਉਸ ਤੋਂ ਵੀ ਜ਼ਿਆਦਾ ਹਨ। ਸਾਡੀਆਂ ਆਉਣ ਵਾਲੀਆਂ ਪੀੜ੍ਹੀਆਂ ਲਈ ਬਹੁਤ ਜਿਆਦਾ ਹਾਨੀਕਾਰਕ ਸਾਬਿਤ ਹੋ ਰਿਹਾ ਹੈ ਇਹ ਮੋਬਾਇਲ। ਬੱਚੇ ਜੰਮਦੇ ਹੀ ਆਪਣੇ ਹੱਥ ਖਿਡੌਣਿਆਂ ਦੀ ਥਾਂ ਮੋਬਾਇਲਾਂ ਨੂੰ ਪਾ ਰਹੇ ਹਨ। ਦੂਜੇ ਪਾਸੇ ਮਾਵਾਂ ਵੀ ਆਪਣਾ ਦੁੱਧ ਪਿਲਾਉਣ ਦੀ ਥਾਂ ਬਣਾਉਟੀ ਦੁੱਧ ਨੂੰ ਪਹਿਲ ਦੇ ਰਹੀਆਂ ਹਨ। ਪਹਿਲਾਂ ਆਮ ਹੀ ਲੋਕ ਗੱਲ ਕਰਿਆ ਕਰਦੇ ਸਨ ਕਿ ਮਾਂ ਵੀ ਓਨਾ ਚਿਰ ਬੱਚੇ ਨੂੰ ਦੁੱਧ ਨਹੀਂ ਦਿੰਦੀ, ਜਿੰਨਾ ਚਿਰ ਬੱਚਾ ਰੋਂਦਾ ਨਹੀਂ। ਹੁਣ ਉਹੀ ਬੱਚਾ ਜਦੋਂ ਰੋਣ ਲੱਗ ਜਾਂਦਾ ਹੈ ਤਾਂ ਮਾਂ ਝੱਟ ਦੁੱਧ ਦੀ ਬੋਤਲ ਦੇਣ ਤੋਂ ਪਹਿਲਾਂ ਮੋਬਾਇਲ ਉਸ ਨੂੰ ਫੜਾ ਦਿੰਦੀ ਹੈ।

Children Care

ਬੱਚੇ ਵੀ ਉਸ ਨਾਲ ਖੇਡਣ ਲੱਗ ਜਾਂਦੇ ਹਨ। ਬੱਸ ਇਹੀ ਆਦਤਾਂ ਬੱਚਿਆਂ ਦਾ ਨੁਕਸਾਨ ਕਰ ਰਹੀਆਂ ਹਨ। ਜਿਸ ਕਰਕੇ ਅੱਜ-ਕੱਲ੍ਹ ਬੱਚੇ ਮਾਵਾਂ ਨਾਲੋਂ ਜ਼ਿਆਦਾ ਪਿਆਰ ਮੋਬਾਇਲਾਂ ਨੂੰ ਕਰਨ ਲੱਗ ਪਏ ਹਨ। ਜਿਸ ਦਾ ਖਮਿਆਜ਼ਾ ਬਹੁਤ ਸਾਰੇ ਲੋਕਾਂ ਨੂੰ ਭੁਗਤਣਾ ਪੈ ਰਿਹਾ ਹੈ। ਨਿੱਕੇ-ਨਿੱਕੇ ਬੱਚੇ ਐਨਕਾਂ ਲਾਉਣ ਲਈ ਮਜ਼ਬੂਰ ਹੋ ਰਹੇ ਹਨ। ਵੱਡੇ-ਵੱਡੇ ਨੰਬਰਾਂ ਦੀਆਂ ਐਨਕਾਂ ਲਾਈ ਫਿਰਦੇ ਹਨ। ਹੁਣ ਪਹਿਲਾਂ ਵਾਂਗ ਪੜ੍ਹਾਈ ਵੀ ਲਗਨ ਨਾਲ ਨਹੀਂ ਕਰਦੇ। ਵੇਖਣ ਤੇ ਸੁਣਨ ਵਿੱਚ ਇਹ ਆ ਰਿਹਾ ਹੈ ਕਿ ਸਭ ਤੋਂ ਜ਼ਿਆਦਾ ਨੈੱਟ ਦੀ ਵਰਤੋਂ ਵੀ ਬੱਚੇ ਹੀ ਕਰਦੇ ਹਨ।

Read Also : IMD Weather Update : ਕੁਦਰਤੀ ਕਰੋਪੀ, ਖਤਰਾ ਅਜੇ ਟਲਿਆ ਨਹੀਂ, ਮੌਸਮ ਵਿਭਾਗ ਦੀ ਚੇਤਾਵਨੀ, ਸੂਕਲ-ਕਾਲਜ ਕਰਨੇ ਪਏ ਬੰਦ

ਮੋਬਾਇਲ ਕੰਪਨੀਆਂ ਦੇ ਮਾਲਕ ਹਰ ਰੋਜ਼ ਲੋਕਾਂ ਨੂੰ ਭਰਮਾਉਣ ਵਾਸਤੇ ਕੁਝ ਨਾ ਕੁਝ ਲਾਲੀਪੌਪ ਦੇਣ ਵਿਚ ਕਸਰ ਨਹੀਂ ਛੱਡ ਰਹੇ। ਸਾਨੂੰ ਉਨ੍ਹਾਂ ਤੋਂ ਸੁਚੇਤ ਹੋਣ ਦੀ ਬਹੁਤ ਜਿਆਦਾ ਲੋੜ ਹੈ। ਮਾਵਾਂ ਦਾ ਫਰਜ਼ ਬਣਦਾ ਹੈ ਕਿ ਆਪਣਾ ਫਰਜ਼ ਨਿਭਾਉਣ। ਆਪਣੇ ਬੱਚਿਆਂ ਨੂੰ ਪੂਰਾ-ਪੂਰਾ ਬਣਦਾ ਪਿਆਰ ਦੇਣ। ਮੋਬਾਇਲਾਂ ਤੋਂ ਛੁਟਕਾਰਾ ਪਾਉਣ ਦੀ ਖੇਚਲ ਕਰਨ। ਨਹੀਂ ਤਾਂ ਆਪਣੀਆਂ ਆਉਣ ਵਾਲੀਆਂ ਪੀੜ੍ਹੀਆਂ ਅੰਨ੍ਹੀਆਂ ਹੋ ਜਾਣਗੀਆਂ। ਸਿਹਤ ਪੱਖੋਂ ਵੀ ਕਮਜ਼ੋਰ ਹੋ ਜਾਣਗੀਆਂ। ਅੱਜ ਲੋੜ ਹੈ ਬੱਚਿਆਂ ਹੱਥੋਂ ਮੋਬਾਇਲ ਖੋਹ ਕੇ ਉਨ੍ਹਾਂ ਨੂੰ ਖੇਡਾਂ ਵੱਲ ਉਤਸ਼ਾਹਿਤ ਕਰਨ ਦੀ।

ਸੂਬੇਦਾਰ ਜਸਵਿੰਦਰ ਸਿੰਘ

ਸਾਡਾ ਹਮੇਸ਼ਾਂ ਇੱਕ ਹੀ ਸਵਾਲ ਰਹਿੰਦਾ ਹੈ, ਉਹ ਹੈ Healthy Food Near Me?

ਸਾਡਾ ਹਮੇਸ਼ਾ ਇੱਕ ਹੀ ਸਵਾਲ ਰਹਿੰਦਾ ਹੈ, ਉਹ ਹੈ ਸਾਡੇ ਨੇੜੇ ਹੈਲਥੀ ਫੂਡ (Food) ਕਿੱਥੋਂ ਮਿਲ ਸਕਦਾ ਹੈ? ਪਰ ਇਸ ਸਵਾਲ ਦਾ ਸਭ ਤੋਂ ਸੌਖਾ ਜਿਹਾ ਜਵਾਬ ਹੈ ਕਿ ਇਹ ਫੂਡ ਸਾਨੂੰ ਸਾਡੇ ਘਰ ਵਿੱਚੋਂ ਹੀ ਮਿਲ ਸਕਦਾ ਹੈ। ਜੇਕਰ ਅਸੀਂ ਆਪਣੇ ਘਰ ਵਿੱਚ ਖੋਜ਼ ਕਰੀਏ ਤਾਂ ਬੱਚਿਆਂ ਲਈ ਪੌਸ਼ਟਿਕ ਭੋਜਨ ਦੇ ਨਾਲ ਨਾਲ ਕੁਝ ਚੀਜ਼ਾਂ ਅਜਿਹੀਆਂ ਵੀ ਮਿਲ ਜਾਂਦੀਆਂ ਹਨ ਜਿਨ੍ਹਾਂ ਦੀ ਸਾਨੂੰ ਹਮੇਸ਼ਾਂ ਲੋੜ ਰਹਿੰਦੀ ਹੈ। ਇਸ ਦੇ ਨਾਲ ਹੀ ਸਾਡਾ ਇਹ ਵੀ ਸਵਾਲ ਰਹਿੰਦਾ ਹੈ ਕਿ ਬੱਚੇ ਲਈ ਪੌਸ਼ਟਿਕ ਭੋਜਨ ਕਿਹੜਾ ਹੈ? ਇਸ ਦਾ ਜਵਾਬ ਵੀ ਸਾਨੂੰ ਸਾਡੇ ਘਰ ਵਿੱਚੋਂ ਹੀ ਮਿਲ ਸਕਦਾ ਹੈ। ਇਸ ਲੇਖ ਵਿੱਚ ਤੁਹਾਨੂੰ ਕੁਝ ਅਜਿਹਾ ਹੀ ਦੱਸਣ ਜਾ ਰਹੇ ਹਾਂ। ਤੇ ਚਲੋ ਸ਼ੁਰੂ ਕਰਦੇ ਹਾਂ…

ਦਹੀਂ : ਇਮਿਊਨ ਸਿਸਟਮ ਨੂੰ ਮਜ਼ਬੂਤ ਬਣਾਉਣ ਲਈ ਤੁਸੀਂ ਬੱਚਿਆਂ ਦੀ ਖਾਣੇ ਦੀ ਥਾਲੀ ’ਚ ਦਹੀਂ ਜ਼ਰੂਰ ਸ਼ਾਮਲ ਕਰੋ। ਇਸ ਨਾਲ ਉਨ੍ਹਾਂ ’ਚ ਨਾ ਸਿਰਫ ਕਈ ਵਿਟਾਮਿਨਸ ਅਤੇ ਮਿਨਰਲਸ ਦੀ ਪੂਰਤੀ ਹੁੰਦੀ ਹੈ, ਸਗੋਂ ਦਹੀਂ ’ਚ ਪਾਏ ਜਾਣ ਵਾਲੇ ਲੈਕਟੋਬੇਸੀਲਸ ਇਨਫੈਕਸ਼ਨ ਪੈਦਾ ਕਰਨ ਵਾਲੇ ਬੈਕਟੀਰੀਆ ਨੂੰ ਖਤਮ ਕਰਨ ’ਚ ਵੀ ਕਾਫੀ ਅਸਰਦਾਰ ਮੰਨੇ ਗਏ ਹਨ। Food

ਹਰੀਆਂ ਸਬਜ਼ੀਆਂ: ਬੱਚਿਆਂ ਦੇ ਖਾਣੇ ’ਚ ਹਰੀਆਂ ਪੱਤੇਦਾਰ ਸਬਜੀਆਂ ਵੀ ਜ਼ਰੂਰ ਸ਼ਾਮਲ ਕੀਤੀਆਂ ਜਾਣ। ਇਸ ਨਾਲ ਉਨ੍ਹਾਂ ਦੀ ਇਮਿਊਨਿਟੀ ਤੇਜ਼ੀ ਨਾਲ ਵਧਦੀ ਹੈ ਤੇ ਉਹ ਸਰਦੀ, ਜ਼ੁਕਾਮ ਤੇ ਬੁਖਾਰ ਦੀ ਚਪੇਟ ’ਚ ਨਹੀਂ ਆਉਂਦੇ ਹਨ। Food

Healthy Food Near Me?

ਡ੍ਰਾਈ ਫਰੂਟ ਅਤੇ ਬੀਜ: ਬੱਚਿਆਂ ਦੀ ਰੋਗ ਰੋਕੂ ਸਮਰੱਥਾ ਬਣਾਉਣ ਲਈ ਡ੍ਰਾਈ ਫਰੂਟਸ ਤੇ ਸੀਡਸ ਖਾਣਾ ਵੀ ਕਾਫੀ ਫਾਇਦੇਮੰਦ ਹੁੰਦਾ ਹੈ। ਅਜਿਹੇ ’ਚ, ਤੁਸੀਂ ਉਨ੍ਹਾਂ ਦੀ ਡਾਇਟ ’ਚ ਵਿਟਾਮਿਨ ਈ, ਜਿੰਕ, ਆਇਰਨ ਤੇ ਓਮੇਗਾ 3 ਫੈਟੀ ਐਸਿਡਸ ਨਾਲ ਭਰਪੂਰ ਸੀਡਸ ਤੇ ਡ੍ਰਾਈ ਫਰੂਟਸ ਨੂੰ ਸ਼ਾਮਲ ਕਰ ਸਕਦੇ ਹੋ, ਜਿਵੇਂ-ਅਖਰੋਟ, ਬਟਾਮ, ਕਾਜੂ, ਪਿਸਤਾ, ਚੀਆ ਸੀਡਸ, ਫਲੈਕਸ ਸੀਡਸ ਅਤੇ ਪੰਪਕਿਨ ਸੀਡਸ ਆਦਿ। Food

ਮੁਨੱਕਾ: ਮਨੁੱਕਾ ਵੀ ਕਈ ਅਜਿਹੇ ਗੁਣਾਂ ਨਾਲ ਭਰਪੂਰ ਹੁੰਦਾ ਹੈ, ਜੋ ਸਿਹਤ ਲਈ ਰਾਮਬਾਣ ਤੋਂ ਘੱਟ ਨਹੀਂ ਹਨ। ਆਏ ਦਿਨ ਬਿਮਾਰ ਰਹਿਣ ਵਾਲੇ ਬੱਚਿਆਂ ਦੀ ਡਾਇਟ ’ਚ ਤੁਹਾਨੂੰ ਮੁਨੱਕਾ ਵੀ ਸ਼ਾਮਲ ਕਰਨਾ ਚਾਹੀਦਾ ਹੈ, ਕਿਉਂਕਿ ਇਹ ਆਇਰਨ, ਕੈਲਸ਼ੀਅਮ, ਮੈਗਨੀਸ਼ੀਅਮ, ਬੀਟਾ ਕੈਰੋਟੀਨ ਆਦਿ ਦਾ ਖਜਾਨਾ ਹੁੰਦਾ ਹੈ। ਇਸ ਦੀ ਵਰਤੋਂ ਨਾਲ ਖੂਨ ਦੀ ਕਮੀ ਤਾਂ ਦੂਰ ਹੁੰਦੀ ਹੀ ਹੈ, ਨਾਲ ਹੀ ਹੱਡੀਆਂ ਵੀ ਮਜ਼ਬੂਤ ਹੁੰਦੀਆਂ ਹਨ। Food

Read Also : Ac ਦਾ ਬਿੱਲ ਜ਼ਿਆਦਾ ਆ ਰਿਹੈ ਤਾਂ ਅਪਣਾਓ ਇਹ ਤਰੀਕਾ, ਘੱਟ ਆਵੇਗਾ ਏਸੀ ਦਾ ਬਿੱਲ : Air conditioner

ਸ਼ਹਿਦ: ਬੱਚਿਆਂ ਨੂੰ ਤੁਸੀਂ ਸ਼ਹਿਦ ਵੀ ਜ਼ਰੂਰ ਖਵਾਓ। ਇਹ ਆਇਰਨ, ਕੈਲਸ਼ੀਅਮ, ਪੋਟਾਸ਼ੀਅਮ ਦੇ ਨਾਲ-ਨਾਲ ਵਿਟਾਮਿਨ ਏ, ਬੀ ਨਾਲ ਵੀ ਭਰਪੂਰ ਹੁੰਦਾ ਹੈ। ਅਜਿਹੇ ’ਚ, ਇਸ ਦੀ ਵਰਤੋਂ ਨਾਲ ਇਮਿਊਨਿਟੀ ਮਜ਼ਬੂਤ ਹੁੰਦੀ ਹੈ ਤੇ ਬੱਚੇ ਕਈ ਤਰ੍ਹਾਂ ਦੇ ਵਾਇਰਸ ਤੋਂ ਬਚ ਸਕਦੇ ਹਨ। ਤੁਸੀਂ ਚਾਹੋ, ਤਾਂ ਬੱਚਿਆਂ ਦੇ ਦੁੱਧ ’ਚ ਖੰਡ ਦੀ ਥਾਂ ਸ਼ਹਿਦ ਨੂੰ ਸ਼ਾਮਲ ਕਰ ਸਕਦੇ ਹੋ। Food

Air conditioner : ਹੁੰਮਸ ਭਰੀ ਗਰਮੀ ਤੋਂ ਹਰ ਕੋਈ ਪ੍ਰੇਸ਼ਾਨ ਹੈ।ਮਾਨਸੂਨ ਦੀ ਇਸ ਗਰਮੀ ’ਚ ਏਅਰ ਕੰਡੀਸ਼ਨਰ ਦਾ ਇੱਕੋ-ਇੱਕ ਸਹਾਰਾ ਹੈ, ਪਰ ਇੱਕ ਸਮੱਸਿਆ ਇਹ ਵੀ ਹੈ ਕਿ ਜੇਕਰ ਗਰਮੀ ਤੋਂ ਬਚਣ ਲਈ ਲਗਾਤਾਰ ਏਸੀ ਚਲਾਇਆ ਜਾਵੇ ਤਾਂ ਉਸ ਦਾ ਬਿੱਲ ਵੀ ਜ਼ਿਆਦਾ ਆਵੇਗਾ। ਜ਼ਿਆਦਾਤਰ ਲੋਕ ਰਾਤ ਨੂੰ ਸੌਣ ਵੇਲੇ ਏਸੀ ਚਲਾ ਕੇ ਸੌਣਾ ਪਸੰਦ ਕਰਦੇ ਹਨ।ਦਿਨ ਦੀ ਗਰਮੀ ਨੂੰ ਕਿਸੇ ਵੀ ਤਰੀਕੇ ਬਰਦਾਸ਼ਤ ਕਰ ਲਿਆ ਜਾਂਦਾ ਹੈ, ਪਰ ਰਾਤ ਨੂੰ ਜ਼ਿਆਦਾ ਗਰਮੀ ਨਾਲ ਨੀਂਦ ਨਹੀਂ ਆਉਂਦੀ। ਅਕਸਰ ਅਸੀਂ ਰਾਤ ਨੂੰ ਸੌਣ ਸਮੇਂ ਏਸੀ ਚਲਾ ਕੇ ਸੌਂ ਜਾਂਦੇ ਹਾਂ ਤੇ ਉਸ ਨੂੰ ਬੰਦ ਕਰਨਾ ਭੁੱਲ ਜਾਂਦੇ ਹਾਂ।ਫਿਰ ਸਵੇਰੇ ਜਦੋਂ ਤੱਕ ਨੀਂਦ ’ਚ ਰਹਿੰਦੇ ਹਾਂ ਏਸੀ ਚੱਲਦਾ ਰਹਿੰਦਾ ਹੈ। ਅਜਿਹੇ ’ਚ ਥੋੜ੍ਹਾ ਦਿਮਾਗ ਤੋਂ ਕੰਮ ਲੈਣ ਨਾਲ ਅਸੀਂ ਬਿਜਲੀ ਦਾ ਬਿੱਲ ਬਚਾ ਸਕਦੇ ਹਾਂ। ਆਓ! ਜਾਣਦੇ ਹਾਂ ਕੀ ਹੈ ਇਸ ਦਾ ਤਰੀਕਾ। Ac

ਟਾਈਮਰ ਲਾ ਕੇ ਸੌਂਵੋ | Air conditioner

ਜੇਕਰ ਤੁਸੀਂ ਰਾਤ ਨੂੰ ਏਸੀ ਆਨ ਕਰਕੇ ਸੌਂ ਜਾਂਦੇ ਹੋ ਤੇ ਇਸ ਨੂੰ ਬੰਦ ਕਰਨਾ ਭੁੱਲ ਜਾਂਦੇ ਹੋ ਤਾਂ ਟਾਈਮਰ ਲਾ ਕੇ ਸੌਂਵੋ। ਇਸ ਨਾਲ ਬਿਜਲੀ ਦੀ ਬੱਚਤ ਕਰਨ ’ਚ ਮੱਦਦ ਮਿਲੇਗੀ ਜਾਂ ਫਿਰ ਤੁਸੀਂ ਏਸੀ ਆਨ ਕਰਕੇ ਸੌਂ ਜਾਂਦੇ ਹੋ ਤੇ ਵਾਰ-ਵਾਰ ਉੱਠ ਕੇ ਇਸ ਨੂੰ ਆਨ-ਆਫ ਕਰਨ ਦੀ ਪ੍ਰੇਸ਼ਾਨੀ ਤੋਂ ਬਚਣਾ ਚਾਹੁੰਦੇ ਹੋ ਤਾਂ ਟਾਈਮਰ ਲਾਉਣਾ ਸਭ ਤੋਂ ਚੰਗਾ ਤਰੀਕਾ ਹੈ। ਜਦੋਂ ਤੁਸੀਂ ਏਸੀ ’ਚ ਟਾਈਮਰ ਸੈੱਟ ਕਰ ਦਿੰਦੇ ਹੋ ਤਾਂ ਇਹ ਇੱਕ ਤੈਅ ਸਮੇਂ ਤੋਂ ਬਾਅਦ ਆਪਣੇ-ਆਪ ਬੰਦ ਹੋ ਜਾਂਦਾ ਹੈ। Ac

ਪੱਖੇ ਦੀ ਵਰਤੋਂ | Air conditioner

ਏਸੀ ਨਾਲ ਪੱਖੇ ਦੀ ਵਰਤੋਂ ਕਰਨਾ ਸਹੀ ਉਪਾਅ ਹੈ।ਜਦੋਂ ਤੁਸੀਂ ਏਸੀ ਨਾਲ ਪੱਖਾ ਚਲਾਉਂਦੇ ਹੋ ਤਾਂ ਪੱਖਾ ਏਸੀ ਦੀ ਠੰਢੀ ਹਵਾ ਨੂੰ ਰੂਮ ਦੇ ਹਰ ਕੋਨੇ ਤੱਕ ਪਹੁੰਚਾ ਦੇਵੇਗਾ।ਇਸ ਨਾਲ ਤੁਹਾਡਾ ਕਮਰਾ ਛੇਤੀ ਠੰਢਾ ਹੋ ਜਾਵੇਗਾ।ਫਿਰ ਤੁਸੀਂ ਚਾਹੋ ਤਾਂ ਏਸੀ ਨੂੰ ਜਲਦੀ ਬੰਦ ਕਰ ਸਕਦੇ ਹੋ।ਅਜਿਹਾ ਕਰਨ ਨਾਲ ਬਿਜਲੀ ਦੀ ਬੱਚਤ ਹੋਵੇਗੀ। Ac

ਸਹੀ ਤਾਪਮਾਨ ਦੀ ਸੈਟਿੰਗ ਜ਼ਰੂਰੀ | Air conditioner

Home ਏਸੀ ਦੇ ਤਾਪਮਾਨ ਨੂੰ 24 ਡਿਗਰੀ ਸੈਲਸੀਅਸ ਤੋਂ 26 ਡਿਗਰੀ ਸੈਲਸੀਅਸ ਤੱਕ ਸੈੱਟ ਕਰਨਾ ਚਾਹੀਦਾ ਹੈ।ਇਸ ਤਾਪਮਾਨ ’ਤੇ ਏਸੀ ਚਲਾਉਣ ਨਾਲ ਤੁਹਾਨੂੰ ਜ਼ਿਆਦਾ ਠੰਢ ਨਹੀਂ ਲੱਗੇਗੀ ਅਤੇ ਕਮਰਾ ਵੀ ਠੰਢਾ ਰਹੇਗਾ।ਜੇਕਰ ਘੱਟ ਤਾਪਮਾਨ ’ਤੇ ਏਸੀ ਚਲਾਇਆ ਜਾਵੇ ਤਾਂ ਬਿਜਲੀ ਦੀ ਖਪਤ ਜ਼ਿਆਦਾ ਹੁੰਦੀ ਹੈ, ਇਸ ਨਾਲ ਤੁਹਾਡਾ Home ਬਿਜਲੀ ਦਾ ਬਿੱਲ ਵਧ ਕੇ ਆਵੇਗਾ। Ac

ਏਸੀ ਮੋਡ ਦੀ ਚੋਣ | Air conditioner

ਤੁਸੀਂ ਆਪਣੇ ਏਸੀ ਦੇ ਮੋਡ ਨੂੰ ਮੌਸਮ ਅਨੁਸਾਰ ਚੁਣੋ।ਜਦੋਂ ਧੁੱਪ ਹੋਵੇ ਤਾਂ ਕੂਲ ਮੋਡ ਚੁਣੋ ਤੇ ਜਦੋਂ ਬਰਸਾਤ ਹੋਵੇ ਅਤੇ ਜ਼ਿਆਦਾ ਹੁੰਮਸ ਹੋਵੇ ਤਾਂ ਡਰਾਈ ਮੋਡ ਦੀ ਵਰਤੋਂ ਕਰੋ।ਇਸ ਨਾਲ ਏਸੀ ਠੀਕ ਢੰਗ ਨਾਲ ਚੱਲੇਗਾ ਤੇ ਤੁਹਾਨੂੰ ਗਰਮੀ ਤੋਂ ਜਲਦੀ ਰਾਹਤ ਮਿਲੇਗੀ। Ac

Read Also : Monsoon Travel: ਇਸ ਮਾਨਸੂਨ ਇਨ੍ਹਾਂ ਚਾਰ ਸੈਰ-ਸਪਾਟਾ ਥਾਵਾਂ ਦੀ ਸੈਰ ਨਹੀਂ ਕੀਤੀ ਤਾਂ ਕੀ ਕੀਤਾ