ਸਰਸਾ (ਸੱਚ ਕਹੂੰ ਨਿਊਜ਼)। Saint Dr MSG: ਸੱਚੇ ਰੂਹਾਨੀ ਰਹਿਬਰ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਮੰਗਲਵਾਰ ਸਵੇਰੇ ਸ਼ਾਹ ਸਤਿਨਾਮ-ਸ਼ਾਹ ਮਸਤਾਨਾ ਜੀ ਧਾਮ ਡੇਰਾ ਸੱਚਾ ਸੌਦਾ ਸਰਸਾ ਪਧਾਰੇ। ਪੂਜਨੀਕ ਗੁਰੂ ਜੀ ਦੇ ਸਰਸਾ ਆਗਮਨ ਦੀ ਖਬਰ ਮਿਲਦੇ ਹੀ ਸਾਧ-ਸੰਗਤ ’ਚ ਖੁਸ਼ੀ ਦੀ ਲਹਿਰ ਦੌੜ ਗਈ। ਪੂਜਨੀਕ ਗੁਰੂ ਜੀ ਦੇ ਦਰਸ਼ਨਾਂ ਦੀ ਉਡੀਕ ਕਰ ਰਹੇ ਸ਼ਰਧਾਲੂਆਂ ’ਚ ਉਤਸ਼ਾਹ ਦਾ ਮਾਹੌਲ ਵੇਖਣ ਨੂੰ ਮਿਲਿਆ। ਪੂਜਨੀਕ ਗੁਰੂ ਜੀ ਦੇ ਆਗਮਨ ਦੀ ਸੂਚਨਾ ਮਿਲਦੇ ਹੀ ਵੱਡੀ ਗਿਣਤੀ ’ਚ ਸਾਧ-ਸੰਗਤ ਨੇ ਖੁਸ਼ੀ ਪ੍ਰਗਟ ਕੀਤੀ ਤੇ ਇੱਕ-ਦੂਜੇ ਨੂੰ ਵਧਾਈਆਂ ਦਿੱਤੀਆਂ। ਸ਼ਰਧਾਲੂਆਂ ਨੇ ਕਿਹਾ ਕਿ ਪੂਜਨੀਕ ਗੁਰੂ ਜੀ ਦਾ ਸਰਸਾ ਪਧਾਰਨਾ ਉਨ੍ਹਾਂ ਲਈ ਬਹੁਤ ਖੁਸ਼ੀ ਤੇ ਭਾਗਾਂ ਵਾਲਾ ਮੌਕਾ ਹੈ। Saint Dr MSG

Read Also : MSG Bhandara: ਬਰਨਾਵਾ ਤੇ ਬੂਧਰ ਵਾਲੀ ’ਚ ਗੂੰਜਿਆ ਗੁਰੂਜੱਸ

ਬਰਨਾਵਾ/ਬੂਧਰ ਵਾਲੀ (ਸੱਚ ਕਹੂੰ ਨਿਊਜ਼)। ਸੱਚੇ ਰੂਹਾਨੀ ਰਹਿਬਰ ਤੇ ਸਮਾਜ ਸੁਧਾਰਕ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦੇ ਪਵਿੱਤਰ ਐੱਮਐੱਸਜੀ ਅਵਤਾਰ ਮਹੀਨੇ ਦੀ ਖੁਸ਼ੀ ’ਚ ਅੱਜ ਐਤਵਾਰ ਨੂੰ ਉੱਤਰ ਪ੍ਰਦੇਸ਼ ਅਤੇ ਉੱਤਰਾਖੰਡ ਦੀ ਸਾਧ-ਸੰਗਤ ਨੇ ਐੱਮਐੱਸਜੀ ਡੇਰਾ ਸੱਚਾ ਸੌਦਾ ਤੇ ਮਾਨਵਤਾ ਭਲਾਈ ਕੇਂਦਰ, ਸ਼ਾਹ ਸਤਿਨਾਮ ਜੀ ਡੇਰਾ, ਬਰਨਾਵਾ, ਜ਼ਿਲ੍ਹਾ ਬਾਗਪਤ (ਉੱਤਰ ਪ੍ਰਦੇਸ਼) ’ਚ ਅਤੇ ਰਾਜਸਥਾਨ ਦੀ ਸਾਧ-ਸੰਗਤ ਨੇ ਐੱਮਐੱਸਜੀ ਡੇਰਾ ਸੱਚਾ ਸੌਦਾ ਤੇ ਮਾਨਵਤਾ ਭਲਾਈ ਕੇਂਦਰ ਮੌਜਪੁਰ ਧਾਮ, ਬੂਧਰ ਵਾਲੀ, ਜ਼ਿਲ੍ਹਾ ਸ਼੍ਰੀਗੰਗਾਨਗਰ (ਰਾਜਸਥਾਨ) ਵਿਖੇ ਪਵਿੱਤਰ ਭੰਡਾਰਾ ਮਨਾਇਆ। ਹੁੰਮਸ ਭਰੀ ਗਰਮੀ ਦੇ ਬਾਵਜੂਦ ਵੱਡੀ ਗਿਣਤੀ ’ਚ ਸਾਧ-ਸੰਗਤ ਪੁੱਜੀ। ਇਸ ਮੌਕੇ ਪੂਜਨੀਕ ਗੁਰੂ ਜੀ ਦੀ ਪਵਿੱਤਰ ਰਹਿਨੁਮਾਈ ’ਚ ਚਲਾਏ ਜਾ ਰਹੇ ਮਾਨਵਤਾ ਭਲਾਈ ਦੇ 176 ਕਾਰਜਾਂ ’ਚ ਸ਼ਾਮਲ ‘ਕਲਾਥ ਬੈਂਕ ਮੁਹਿੰਮ’ ਤਹਿਤ ਉੱਤਰ ਪ੍ਰਦੇਸ਼, ਉੱਤਰਾਖੰਡ ਅਤੇ ਰਾਜਸਥਾਨ ਦੀ ਸਾਧ-ਸੰਗਤ ਨੇ 59-59 ਲੋੜਵੰਦ ਬੱਚਿਆਂ ਨੂੰ ਕੱਪੜੇ ਵੰਡੇ।

ਸਵੇਰੇ 9 ਵਜੇ ਪਵਿੱਤਰ ਭੰਡਾਰੇ ਦਾ ਨਾਮ ਚਰਚਾ ਸਤਿਸੰਗ ਸ਼ੁਰੂ ਹੋਇਆ ਭੰਡਾਰੇ ਦੀ ਸ਼ੁਰੂਆਤ ਪਵਿੱਤਰ ਨਾਅਰਾ ‘ਧੰਨ-ਧੰਨ ਸਤਿਗੁਰੂ ਤੇਰਾ ਹੀ ਆਸਰਾ’ ਦੇ ਨਾਲ ਕੀਤੀ ਗਈ ਇਸ ਤੋਂ ਬਾਅਦ ਕਵੀਰਾਜ ਭਾਈਆਂ ਨੇ ਭਜਨਾਂ ਰਾਹੀਂ ਗੁਰੂ ਮਹਿਮਾ ਦਾ ਗੁਣਗਾਨ ਕੀਤਾ ਪਵਿੱਤਰ ਭੰਡਾਰੇ ਮੌਕੇ ਸਾਧ-ਸੰਗਤ ਨੇ ਇੱਕਚਿੱਤ ਹੋ ਕੇ ਸ਼ਬਦਬਾਣੀ ਸੁਣੀ ਅਤੇ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦੇ ਪਵਿੱਤਰ ਅਨਮੋਲ ਬਚਨਾਂ ਨੂੰ ਸਰਵਣ ਕੀਤਾ। ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਨੇ ਫ਼ਰਮਾਇਆ ਕਿ ਇਹ ਮਹੀਨਾ ਸੱਚੇ ਦਾਤਾ ਰਹਿਬਰ ਸ਼ਾਹ ਮਸਤਾਨਾ ਜੀ, ਸ਼ਾਹ ਸਤਿਨਾਮ ਜੀ ਨੇ ਐੱਮਐੱਸਜੀ ਭੰਡਾਰੇ ਵਜੋਂ ਮਨਾਇਆ, ਮਨਾ ਰਹੇ ਹਾਂ ਅਤੇ ਮਨਾਉਂਦੇ ਰਹਿਣਾ ਹੈ ਤੁਹਾਨੂੰ ਸਾਰਿਆਂ ਨੂੰ ਐੱਮਐੱਸਜੀ ਭੰਡਾਰੇ ਦੀਆਂ ਮਾਲਕ ਬਹੁਤ-ਬਹੁਤ ਖੁਸ਼ੀਆਂ ਦੇਣ ਅਤੇ ਦ੍ਰਿੜ ਵਿਸ਼ਵਾਸ ਬਖਸ਼ਣ ਸਾਰਿਆਂ ਨੂੰ ਬਹੁਤ-ਬਹੁਤ ਅਸ਼ੀਰਵਾਦ ਪਿਆਰੀ ਸਾਧ-ਸੰਗਤ ਜੀਓ, ਸਾਈਂ ਮਸਤਾਨਾ ਜੀ ਦਾਤਾ ਰਹਿਬਰ ਨੇ, ਸ਼ਾਹ ਸਤਿਨਾਮ ਜੀ ਦਾਤਾ ਨੇ ਸੱਚਾ ਸੌਦਾ ਬਣਾਇਆ, ਚਲਾਇਆ, ਸਜਾਇਆ ਅਤੇ ਉਹ ਚਲਾ ਰਹੇ ਹਨ ਇੰਨਾ ਸਿੱਧਾ ਭਾਵ ਸਰਲ, ਆਸਾਨ ਸੌਦਾ ਹੈ ਕਿ ਤੁਸੀਂ ਕਲਪਨਾ ਨਹੀਂ ਕਰ ਸਕਦੇ।

ਇਹ ਵੀ ਪੜ੍ਹੋ : Obesity Causes: ਮੋਟਾਪਾ ਇੱਕ ਵਿਸ਼ਵ-ਪੱਧਰੀ ਵੰਗਾਰ ਅਤੇ ਗੰਭੀਰ ਬਿਮਾਰੀ

ਕੀ ਤੁਸੀਂ ਕਦੇ ਸੁਣਿਆ ਹੈ ਕਿ ਦੇਣਾ ਉਹ ਹੋਵੇ ਜੋ ਖੋਟਾ ਸਿੱਕਾ ਹੋਵੇ ਅਤੇ ਬਦਲੇ ’ਚ ਉਹ ਮਿਲੇ ਜੋ ਅਰਬਾਂ ਦਾ ਕੰਮ ਕਰੇ ਸਾਈਂ ਜੀ ਨੇ ਬਚਨ ਕਰ ਦਿੱਤੇ, ਪਰਮ ਪਿਤਾ ਜੀ ਨੇ ਬਚਨ ਕਰ ਦਿੱਤੇ ਕਿ ਆਓ! ਆਪਣਾ ਖੋਟਾ ਸਿੱਕਾ ਦੇ ਜਾਓ, ਭਾਵ ਤੁਹਾਡੇ ਅੰਦਰ ਜੋ ਕਮੀਆਂ ਹਨ, ਕਾਮ-ਵਾਸਨਾ, ਕ੍ਰੋਧ, ਲੋਭ, ਮੋਹ, ਹੰਕਾਰ, ਮਨ, ਮਾਇਆ, ਨਸ਼ਾ ਕਰਦੇ ਹੋ, ਬੁਰੀਆਂ ਆਦਤਾਂ ਅਤੇ ਮਾਸਾਹਾਰ, ਜੋ ਵੀ ਬੁਰਾਈਆਂ ਤੁਹਾਡੇ ਅੰਦਰ ਹਨ, ਉਹ ਦੇ ਜਾਓ ਅਜਿਹਾ ਸੌਦਾਗਰ ਕਦੇ ਸੁਣਿਆ ਨਹੀਂ ਪਹਿਲਾਂ, ਨਾ ਹੀ ਅਜਿਹਾ ਪੜਿ੍ਹਆ ਕਿ ਇਹ ਸਭ ਦੇ ਜਾਓ ਅਤੇ ਇੱਕ ਪੈਸਾ ਦੁਨਿਆਵੀ, ਰੁਪਇਆ, ਧਨ-ਦੌਲਤ, ਕੁਝ ਨਹੀਂ ਲੈਣਾ, ਨਾ ਹੀ ਧਰਮ ਬਦਲਣਾ, ਬੱਸ ਉਸ ਓਮ, ਉਸ ਨੂੰ ਅੱਲ੍ਹਾ ਕਹੋ, ਵਾਹਿਗੁਰੂ ਕਹੋ, ਗੌਡ, ਖੁਦਾ, ਰੱਬ, ਉਸ ਦਾ ਗੁਰਮੰਤਰ, ਉਸ ਦਾ ਤਰੀਕਾ, ਉਸ ਦਾ ਮੈਥਡ ਲੈ ਜਾਓ, ਇਹ ਅਨਮੋਲ ਹੈ, ਜੋ ਇੱਕ ਸੁਆਸ ’ਚ ਤ੍ਰਿਲੋਕੀ ਪਾਰ ਕਰਕੇ ਭਗਵਾਨ ਦੇ ਦਰਸ਼ਨ ਕਰਵਾ ਸਕਦਾ ਹੈ ਇੰਨਾ ਅਨਮੋਲ ਖਜ਼ਾਨਾ ਅਤੇ ਦੇਣਾ ਕੀ ਪਿਆ।

ਆਪਣੀਆਂ ਟੈਨਸ਼ਨਾਂ ਦੇ ਗਏ, ਬੁਰਾਈਆਂ ਦੇ ਗਏ, ਇਹ ਸਭ ਛੱਡ ਗਏ ਅਤੇ ਬਦਲੇ ’ਚ ਇੰਨਾ ਵੱਡਾ ਧਨ ਲੈ ਗਏ, ਇਸੇ ਦਾ ਨਾਮ ਸੱਚਾ ਸੌਦਾ ਸਾਈਂ ਮਸਤਾਨਾ ਜੀ ਨੇ ਰੱਖਿਆ, ਸ਼ਾਹ ਸਤਿਨਾਮ ਜੀ ਨੇ ਦੱਸਿਆ ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਕਿ ਸੱਚੇ ਸੌਦੇ ’ਚ ਜਦੋਂ ਤੁਸੀਂ ਚੱਲ ਕੇ ਆਉਂਦੇ ਹੋ, ਇੱਥੋਂ ਕੁਝ ਲੈ ਕੇ ਜਾਂਦੇ ਹੋ, ਇੱਥੋਂ ਕੁਝ ਹਾਸਲ ਕਰਕੇ ਜਾਂਦੇ ਹੋ, ਖਾਲੀ ਹੱਥ ਨਹੀਂ ਜਾਂਦੇ ਅਤੇ ਚੰਗਾ ਹਾਸਲ ਕਰਕੇ ਜਾਂਦੇ ਹੋ, ਬੁਰਾਈਆਂ ਛੱਡ ਕੇ ਜਾਂਦੇ ਹੋਪੂਜਨੀਕ ਗੁਰੂ ਜੀ ਨੇ ਅੱਗੇ ਫ਼ਰਮਾਇਆ, ‘ਸੁਨ ਰੇ ਪ੍ਰਾਣੀ, ਤੂ ਰਾਮ-ਨਾਮ ਜਪ ਲੇ, ਜਪਨੇ ਸੇ ਖਤਮ ਹੋਂਗੇ ਬਹੁਤ ਸੇ ਖਤਰੇ’ ਆਦਮੀ ਸੋਚਦਾ ਹੈ ਕਿ ਮੈਂ ਰਾਮ ਦਾ ਨਾਮ ਕਿਉਂ ਜਪਾਂ? ਕੀ ਫਰਕ ਪੈਣ ਵਾਲਾ ਹੈ? ‘ਸੁਨ ਰੇ ਪ੍ਰਾਣੀ ਤੂ ਰਾਮ-ਨਾਮ ਜਪ ਲੇ’ ਕਿ ਭਾਈ ਸੁਣ, ਹੱਥ ਜੋੜ ਕੇ ਕਹਿ ਰਹੇ ਹਾਂ 1948 ਤੋਂ, ਕਿ ਰਾਮ-ਨਾਮ ਜਪ ਲਓ ਭਾਈ ਅਤੇ ਇਸ ਨਾਲ ਕੀ ਹੋਵੇਗਾ? ਆਉਣ ਵਾਲੇ ਅਤੇ ਜੋ ਚੱਲ ਰਹੇ ਅਤੇ ਜੋ ਪਿਛਲੇ ਗੁਜ਼ਰ ਗਏ, ਸਾਰੇ ਹੀ ਖ਼ਤਰੇ ਆਤਮਾ ਦੇ ਸਾਹਮਣੇ ਜੋ ਖੜੇ੍ਹ ਹਨ, ਖ਼ਤਮ ਹੋ ਜਾਣਗੇ।

ਪੂਜਨੀਕ ਗੁਰੂ ਜੀ ਨੇ ਅੱਗੇ ਫ਼ਰਮਾਇਆ ਕਿ ਕੋਈ ਪੈਸਾ ਨਹੀਂ ਲੱਗੇਗਾ, ਕੋਈ ਚੜ੍ਹਾਵਾ ਨਹੀਂ, ਕੋਈ ਧਰਮ ਨਹੀਂ ਬਦਲਣਾ, ਕੰਮ-ਧੰਦਾ ਵੀ ਨਹੀਂ ਛੱਡਣਾ ਕੰਮ-ਧੰਦਾ ਕਰਦੇ-ਕਰਦੇ ਓਮ, ਹਰੀ, ਪਰਮਾਤਮਾ ਦਾ ਨਾਮ ਲੈਂਦੇ ਰਹੋ ਹੱਥ ਕਾਰ ਵੱਲ ਅਤੇ ਧਿਆਨ ਪ੍ਰਭੂ ਯਾਰ ਵੱਲ, ਕਿ ਹੱਥਾਂ ਨਾਲ ਕੰਮ-ਧੰਦਾ, ਕਾਰਜ ਕਰਦੇ ਰਹੋ ਅਤੇ ਜੀਭਾ ਨਾਲ ਪਰਮਾਤਮਾ ਦਾ ਨਾਮ ਲੈਂਦੇ ਰਹੋ, ਦੋਵਾਂ ’ਚ ਹੀ ਬਰਕਤ ਹੀ ਬਰਕਤ, ਫਾਇਦਾ ਹੀ ਫਾਇਦਾ, ਖੁਸ਼ੀਆਂ ਹੀ ਖੁਸ਼ੀਆਂ  ਭੰਡਾਰੇ ਦੌਰਾਨ ਪੂਜਨੀਕ ਗੁਰੂ ਜੀ ਦੇ ਨਸ਼ਿਆਂ ਵਿਰੁੱਧ ਗਾਏ ਗੀਤ ‘ਮੇਰੇ ਦੇਸ਼ ਕੀ ਜਵਾਨੀ’ ਅਤੇ ਅਸ਼ੀਰਵਾਦ ਮਾਓਂ ਕਾ’ ਚਲਾਏ ਗਏ ਜਿਸ ’ਤੇ ਸਾਧ-ਸੰਗਤ ਨੇ ਨੱਚ ਕੇ ਖੁਸ਼ੀ ਮਨਾਈ ਭੰਡਾਰੇ ਦੀ ਸਮਾਪਤੀ ’ਤੇ ਸਾਧ-ਸੰਗਤ ਨੂੰ ਲੰਗਰ ਛਕਾਇਆ ਗਿਆ ਤੇ ਪ੍ਰਸ਼ਾਦ ਵੀ ਵੰਡਿਆ ਗਿਆ

ਪਵਿੱਤਰ ਅਵਤਾਰ ਦਿਹਾੜੇ ਸਬੰਧੀ ਦਿਖਾਈ ਡਾਕਿਊਮੈਂਟਰੀ | MSG Bhandara

ਪਵਿੱਤਰ ਭੰਡਾਰੇ ਦੌਰਾਨ ਪਵਿੱਤਰ ਐੱਮਐੱਸਜੀ ਅਵਤਾਰ ਦਿਹਾੜੇ ਸਬੰਧੀ ਡਾਕਿਊਮੈਂਟਰੀ ਦਿਖਾਈ ਗਈ ਡਾਕਿਊਮੈਂਟਰੀ ਵਿੱਚ ਪੂੁਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦੇ ਅਵਤਾਰ ਧਾਰਨ, ਨਾਮ-ਸ਼ਬਦ ਦੀ ਦਾਤ ਬਖਸ਼ਿਸ਼, ਗੁਰਗੱਦੀਨਸ਼ੀਨੀ, ਡੇਰਾ ਸੱਚਾ ਸੌਦਾ ਵੱਲੋਂ ਕੀਤੇ ਜਾ ਰਹੇ 176 ਮਾਨਵਤਾ ਭਲਾਈ ਦੇ ਕਾਰਜਾਂ ਅਤੇ ਭਲਾਈ ਕਾਰਜਾਂ ’ਚ ਕਾਇਮ ਕੀਤੇ ਵਿਸ਼ਵ ਰਿਕਾਰਡਾਂ ਬਾਰੇ ਭਰਪੂਰ ਜਾਣਕਾਰੀ ਦਿੱਤੀ ਗਈ

ਪਵਿੱਤਰ ਭੰਡਾਰੇ ਦੀਆਂ ਝਲਕੀਆਂ

• ਕਲਾਥ ਬੈਂਕ ਮੁਹਿੰਮ ਤਹਿਤ ਉੱਤਰ ਪ੍ਰਦੇਸ਼, ਉੱਤਰਾਖੰਡ ਅਤੇ ਰਾਜਸਥਾਨ ਦੀ ਸਾਧ-ਸੰਗਤ ਨੇ 59-59 ਅਤਿ ਲੋੜਵੰਦ ਪਰਿਵਾਰਾਂ ਦੇ ਬੱਚਿਆਂ ਨੂੰ ਵੰਡੇ ਕੱਪੜੇ।
• ਸੜਕਾਂ ’ਤੇ ਦੂਰ-ਦੂਰ ਤੱਕ ਦਿਸੇ ਸਾਧ-ਸੰਗਤ ਦੇ ਕਾਫਲੇ।
• ਪੰਡਾਲ, ਟ੍ਰੈਫਿਕ, ਸਫਾਈ, ਲੰਗਰ ਸਮੇਤ ਵੱਖ-ਵੱਖ ਸੰਮਤੀਆਂ ਦੇ ਸੇਵਾਦਾਰਾਂ ਨੇ ਬਾਖੂਬੀ ਨਿਭਾਈਆਂ ਡਿਊਟੀਆਂ।
• ਤੇਜ਼ ਗਰਮੀ ਨੂੰ ਦੇਖਦਿਆਂ ਪੀਣ ਵਾਲੇ ਪਾਣੀ ਲਈ ਜਗ੍ਹਾ-ਜਗ੍ਹਾ ਪਾਣੀ ਦੀਆਂ ਛਬੀਲਾਂ ਲਾਈਆਂ।

ਸਰਸਾ (ਸੱਚ ਕਹੂੰ ਨਿਊਜ਼/ਸੁਨੀਲ)। MSG Bhandara: ਡੇਰਾ ਸੱਚਾ ਸੌਦਾ ਦੇ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦਾ 59ਵਾਂ ਅਵਤਾਰ ਦਿਵਸ ਦੇਸ਼ ਵਿਦੇਸ਼ ’ਚ ਐਮਐਸਜੀ ਭੰਡਾਰੇ ਦੇ ਰੂਪ ’ਚ ਮਨਾਇਆ ਗਿਆ। ਹੁੰਮਸ ਭਰੀ ਗਰਮੀ ਦੇ ਬਾਵਜ਼ੂਦ ਸ਼ਾਹ ਸਤਿਨਾਮ ਜੀ-ਸ਼ਾਹ ਮਸਤਾਨਾ ਜੀ ਧਾਮ ਡੇਰਾ ਸੱਚਾ ਸੌਦਾ ਸਰਸਾ ’ਚ ਹੋਏ ਨਾਮਚਰਚਾ ਸਤਿਸੰਗ ਭੰਡਾਰੇ ’ਚ ਲੱਖਾਂ ਦੀ ਗਿਣਤੀ ’ਚ ਸਾਧ-ਸੰਗਤ ਨੱਚਦੇ ਤੇ ਗਾਉਂਦੇ ਹੋਏ ਪਹੁੰਚੀ। ਕਿਤੇ ਢੋਲ ਦੀ ਤਾਲ ’ਤੇ ਸੰਗਤ ਨੱਚ ਰਹੀ ਸੀ ਤਾਂ ਕਿਤੇ ਬੈਂਡ ਸਾਜ਼ਾਂ ਦੀ ਧੁੰਨਾਂ ’ਤੇ ਸੰਗਤ ਨੱਚ ਗਾ ਰਹੀ ਸੀ। ਖੁਸ਼ੀ ਦੇ ਨਾਲ-ਨਾਲ ਸਾਧ-ਸੰਗਤ ਨੇ ਐੱਮਐੱਸਜੀ ਅਵਤਾਰ ਭੰਡਾਰੇ ਨੂੰ ਮਾਨਵਤਾ ਦੇ ਕਾਰਜ਼ ਕਰਕੇ ਮਨਾਇਆ। ਨਾਮਚਰਚਾ ਸਤਿਸੰਗ ਪ੍ਰੋਗਰਾਮ ਦੌਰਾਨ ਕਲਾਥ ਬੈਂਕ ਮੁਹਿੰਮ ਤਹਿਤ 59 ਜ਼ਰੂਰਤਮੰਦ ਪਰਿਵਾਰਾਂ ਨੂੰ ਕੱਪੜੇ ਵੰਡੇ ਗਏ। ਨਾਮਚਰਚਾ ਸਤਿਸੰਗ ਦੌਰਾਨ ਪੂਜਨੀਕ ਗੁਰੂ ਜੀ ਨੇ ਸਭ ਤੋਂ ਪਹਿਲਾਂ ਸਮੂਹ ਸਾਧ-ਸੰਗਤ ਤੇ ਦੇਸ਼ ਵਾਸੀਆਂ ਨੂੰ ਆਜ਼ਾਦੀ ਦਿਵਸ ਦੀਆਂ ਸ਼ੁਭਕਾਮਨਾਵਾਂ ਦਿੰਦੇ ਹੋਏ ਫਰਮਾਇਆ ਕਿ ਅੱਜ ਦਾ ਦਿਨ ਸਾਡੇ ਦੇਸ਼ ਲਈ ਬਹੁਤ ਵੱਡਾ ਦਿਨ ਹੈ।

15 ਅਗਸਤ 1947 ਦਾ ਉਹ ਦਿਨ ਜਦੋਂ ਦੇਸ਼ ਆਜਾਦ ਹੋਇਆ। ਸਾਡੇ ਸ਼ੂਰਵੀਰ, ਯੋਧਿਆਂ, ਸਵਤੰਤਰਤਾ ਸੈਨਾਨੀ, ਜਿਨ੍ਹਾਂ ਨੇ ਦੇਸ਼ ਨੂੰ ਆਜ਼ਾਦ ਕਰਵਾਉਣ ਲਈ ਆਪਣੀਆਂ ਜਾਨਾਂ ਕੁਰਬਾਨ ਕਰ ਦਿੱਤੀਆਂ। ਉਨ੍ਹਾਂ ਸਾਰਿਆਂ ਨੂੰ ਅਸੀਂ ਸੈਲਿਊਟ ਕਰਦੇ ਹਾਂ। ਅਜਿਹੇ ਮਹਾਨ ਯੋਧਿਆਂ ਦੀਆਂ ਆਤਮਾਵਾਂ ਦਾ ਮਾਲਕ ਆਪਣੀ ਕ੍ਰਿਪਾ ਨਾਲ ਸ਼ਾਹ ਮਸਤਾਨਾ ਜੀ-ਸ਼ਾਹ ਸਤਿਨਾਮ ਜੀ ਦਾਤਾ, ਓਮ, ਹਰਿ ਭਲਾ ਕਰੇ। ਪੂਜਨੀਕ ਗੁਰੂ ਜੀ ਨੇ ਅੱਗੇ ਫਰਮਾਇਆ ਕਿ ਸਾਡਾ ਦੇਸ਼ ਤਰੱਕੀ ਕਰ ਰਿਹਾ ਹੈ, ਭਵਿੱਖ ’ਚ ਹੋਰ ਜ਼ਿਆਦਾ ਤਰੱਕੀ ਕਰੇ ਤੇ ਸਾਰੇ ਸੁਖੀ ਰਹਿਣ। ਨਾਮਚਰਚਾ ਸਤਿਸੰਗ ਦੌਰਾਨ ਪੂਜਨੀਕ ਗੁਰੂ ਜੀ ਦੇ ਜਨਮ ਸਬੰਧੀ ਡਾਕਿਊਮੈਂਟਰੀ ਵੀ ਸਾਧ-ਸੰਗਤ ਨੂੰ ਦਿਖਾਈ ਗਈ। ਐੱਮਐਸਜੀ ਅਵਤਾਰ ਭੰਡਾਰੇ ਦਾ ਜਿਕਰ ਕਰਦਿਆਂ ਪੂਜਨੀਕ ਗੁਰੂ ਜੀ ਨੇ ਫਰਮਾਇਆ ਕਿ ਡੇਰਾ ਸੱਚਾ ਸੌਦਾ ਦੀ ਸਾਧ-ਸੰਗਤ ਇਸ ਦਿਨ ਨੂੰ ਐਮਐਸਜੀ ਭੰਡਾਰੇ ਦੇ ਰੂਪ ’ਚ ਮਨਾਉਂਦੀ ਹੈ ਕਿਉਂਕਿ ਇਹ ਐਮਐਸਜੀ ਭੰਡਾਰਾ ਖੁੱਦ ਸ਼ਾਹ ਸਤਿਨਾਮ ਜੀ ਮਹਾਰਾਜ਼ ਨੇ ਸ਼ੁਰੂ ਕੀਤਾ। ਇਸ ਤੋਂ ਪਹਿਲਾਂ ਸਮੂਹ ਸਾਧ-ਸੰਗਤ ਨੇ ਪਵਿੱਤਰ ਨਾਅਰਾ ਬੋਲਕੇ ਪੂਜਨੀਕ ਗੁਰੂ ਜੀ ਨੂੰ ਅਵਤਾਰ ਦਿਵਸ ਦੀਆਂ ਵਧਾਈਆਂ ਦਿੱਤੀਆਂ।

ਇਹ ਵੀ ਪੜ੍ਹੋ : Faridkot Tree Plantation: ਫਰੀਦਕੋਟ ਜ਼ਿਲ੍ਹੇ ’ਚ ਡੇਰਾ ਸੱਚਾ ਸੌਦਾ ਦੀ ਸਾਧ-ਸੰਗਤ ਵੱਲੋਂ 6595 ਪੌਦੇ ਲਾਏ

ਪੂਜਨੀਕ ਗੁਰੂ ਜੀ ਨੇ ਫਰਮਾਇਆ ਕਿ ਆਪਣੇ ਸਤਿਗੁਰੂ ਦੇ ਪਰੋਪਕਾਰਾਂ ਦਾ ਕਰਜ਼ਾ ਨਹੀਂ ਚੁਕਾਇਆ ਜਾ ਸਕਦਾ। ਪਰਮਾਤਮਾ ਦਾ ਨਾਮ ਅਨਮੋਲ ਹੈ, ਕਬੀਰ ਜੀ ਦੇ ਸਮੇਂ ਤਾਂ ਪ੍ਰੀਖਿਆ ਲਈ ਜਾਂਦੀ ਸੀ, ਫਿਰ ਜਾ ਕੇ ਗੁਰੂਮੰਤਰ ਮਿਲਦਾ ਸੀ। ਪਰ ਇਸ ਕਲਿਯੁੱਗ ’ਚ ਕੋਈ ਪ੍ਰੀਖਿਆ ਨਹੀਂ, ਬਸ ਆ ਕੇ ਸਤਿਸੰਗ ’ਚ ਬੈਠ ਜਾਓ ਤੇ ਰਾਮ-ਨਾਮ ਦਾ ਜਾਪ ਕਰੋ। ਰਾਮ-ਨਾਮ ਦਾ ਜਾਪ ਕਰਨ ਨਾਲ ਚੁਟਕਿਆਂ ’ਚ ਨਸ਼ਾ ਤੇ ਹੋਰ ਬੁਰਾਈਆਂ ਛੁੱਟ ਜਾਂਦੀਆਂ ਹਨ। ਪੂਜਨੀਕ ਗੁਰੂ ਜੀ ਨੇ ਫਰਮਾਇਆ ਕਿ ਰਾਮ-ਨਾਮ ਜਪਣ ਨਾਲ ਆਤਮਬਲ ਜਾਗਦਾ ਹੈ ਤੇ ਓਮ, ਹਰੀ, ਅੱਲ੍ਹਾ, ਗੌਡ ਦੇ ਦਰਸ਼ਨਾਂ ਦੇ ਲਾਇਕ ਬਣ ਜਾਓਗੇ। ਜੋ ਬਚਨਾਂ ’ਤੇ ਅਮਲ ਕਰਦਾ ਹੈ, ਉਹ ਓਮ ਦੇ ਨਜ਼ਾਰੇ ਲੂਟਦਾ ਹੈ। ਡੇਰਾ ਸੱਚਾ ਸੌਦਾ ਦੀ ਸਾਧ-ਸੰਗਤ ਨੂੰ ਹਮੇਸ਼ਾ ਹੀ ਇੱਕ ਗੱਲ ਸਿਖਾਈ ਜਾਂਦੀ ਹੈ ਕਿ ਸੱਚ ਹੀ ਬੋਲਣਾ ਹੈ, ਕਦੇ ਝੂਠ ਨਹੀਂ ਬੋਲਣਾ। ਡੇਰਾ ਸੱਚਾ ਸੌਦਾ ਇੱਕ ਅਜਿਹਾ ਦਰ ਹੈ, ਜਿੱਥੇ ਜਾਤ-ਪਾਤ ਦਾ ਕੋਈ ਮਤਲਬ ਨਹੀਂ ਹੈ।

ਇੱਥੇ ਹਰ ਕੋਈ ਮਿਲਕੇ ਇੱਕਠੇ ਰਹਿੰਦਾ ਹੈ ਤੇ ਸਾਰੇ ਧਰਮਾਂ ਦਾ ਸਨਮਾਨ ਕਰਨਾ ਸਿਖਾਇਆ ਜਾਂਦਾ ਹੈ

ਇੱਥੇ ਧਰਮ ਤੇ ਜਾਤ-ਪਾਤ ਦਾ ਕੋਈ ਚੱਕਰ ਹੀ ਨਹੀਂ ਹੈ ਕਿਉਂਕਿ ਸਾਰੇ ਇੱਕ ਮਾਲਕ ਦੇ ਬੱਚੇ ਹਨ। ਡੇਰਾ ਸੱਚਾ ਸੌਦਾ ਦਾ ਇੱਕ-ਇੱਕ ਸੇਵਾਦਾਰ ਮਾਨਵਤਾ ਨੂੰ ਸਮਰਪਿਤ ਹੈ। ਸਾਧ-ਸੰਗਤ ਪਰਹਿਤ ਪਰਮਾਰਥ ਕਰਕੇ ਦੀਨ-ਦੁਖੀਆਂ ਦੀ ਮੱਦਦ ਕਰਦੀ ਹੈ। ਜਿਸ ਕੋਲ ਘਰ ਨਹੀਂ ਹੈ, ਉਸ ਨੂੰ ਘਰ ਬਣਾ ਕੇ ਦਿੰਦੀ ਹੈ, ਜਿਸ ਕੋਲ ਖਾਣ ਨੂੰ ਨਹੀਂ ਹੈ, ਉਸ ਨੂੰ ਰਾਸ਼ਨ ਦਿੰਦੀ ਹੈ। ਇਸ ਤਰ੍ਹਾਂ ਸਾਧ-ਸੰਗਤ 176 ਮਾਨਵਤਾ ਭਲਾਈ ਦੇ ਕਾਰਜ਼ਾਂ ’ਚ ਲਗਾਤਾਰ ਲੱਗੀ ਹੋਈ ਹੈ। ਡੇਰਾ ਸੱਚਾ ਸੌਦਾ ’ਚ ਸਾਧ-ਸੰਗਤ ਨੂੰ ਤਨ-ਮਨ-ਧਨ ਨਾਲ ਪਰਹਿਤ ਪਰਮਾਰਥ ਕਰਨ ਦੀ ਸਿੱਖਿਆ ਦਿੱਤੀ ਜਾਂਦੀ ਹੈ। ਦੱਸ ਦੇਈਏ ਕਿ 14 ਅਗਸਤ ਨੂੰ ਪੂਜਨੀਕ ਗੁਰੂ ਜੀ ਦੇ ਪਵਿੱਤਰ ਅਵਤਾਰ ਦਿਵਸ ਦੀ ਖੁਸ਼ੀ ’ਚ ਦੇਸ਼-ਵਿਦੇਸ਼ ’ਚ ਪੌਧਾ ਰੋਪਣ ਅਭਿਆਨ ਚਲਾਇਆ ਗਿਆ, ਜਿੱਥੇ ਕਰੋੜਾਂ ਸਾਧ-ਸੰਗਤ ਨੇ ਪੌਧੇ ਲਾ ਕੇ ਵਾਤਾਵਰਨ ਸੰਭਾਲ ਦਾ ਸੰਦੇਸ਼ ਦਿੱਤਾ ਤੇ ਪੌਦਿਆਂ ਦੀ ਸੰਭਾਲ ਦੀ ਜ਼ਿੰਮੇਵਾਰੀ ਵੀ ਖੁੱਦ ਸੰਭਾਲੀ। MSG Bhandara

Saint Dr. MSG: 15 ਅਗਸਤ ਦੇ ਦਿਨ ਦਾ ਜਿੱਥੇ ਭਾਰਤ ਦੇ ਇਤਿਹਾਸ ਵਿੱਚ ਬਹੁਤ ਮਹੱਤਵ ਹੈ ਕਿਉਂਕਿ ਇਸ ਦਿਨ ਭਾਰਤ ਗੁਲਾਮੀ ਦੀਆ ਜੰਜੀਰਾਂ ਤੋਂ ਮੁਕਤ ਹੋਇਆ ਅਤੇ ਭਾਰਤ ਵਾਸੀਆਂ ਨੇ ਅਜ਼ਾਦੀ ਦੀ ਫਿਜ਼ਾ ਦਾ ਅਨੰਦ ਮਾਣਿਆ ਉੱਥੇ ਹੀ ਇਹ ਮੁਕੱਦਸ ਦਿਨ ਰੂਹਾਨੀਅਤ ਵਿੱਚ ਵੀ ਉੱਚ ਦਰਜੇ ਦਾ ਸਥਾਨ ਰੱਖਦਾ ਹੈ ਇਸ ਦਿਨ (15 ਅਗਸਤ 1967) ਨੂੰ ਦੁਨੀਆ ਨੂੰ ਰੂਹਾਨੀਅਤ ਦੀ ਉਹ ਜੋਤ ਮਿਲੀ ਜਿਸ ਨੇ ਸੰਸਾਰ ਵਿੱਚ ਅਗਿਆਨਤਾ, ਅੰਧਵਿਸ਼ਵਾਸ, ਜਾਤਪਾਤ, ਨਫ਼ਰਤ ਭਰੀ ਸੰਪਰਦਾਇਕਤਾ ਦੇ ਹਨ੍ਹੇਰੇ ਨੂੰ ਖ਼ਤਮ ਕਰਕੇ ਇਨਸਾਨੀਅਤ ਦਾ ਅਜਿਹਾ ਪ੍ਰਕਾਸ਼ ਕੀਤਾ ਜਿਸ ਨਾਲ ਸਮੁੱਚੀ ਮਾਨਵਤਾ ਦਾ ਕਲਿਆਣ ਹੋ ਰਿਹਾ ਹੈ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਨੇ 15 ਅਗਸਤ 1967 ਨੂੰ ਸ੍ਰੀ ਗੁਰੂਸਰ ਮੋਡੀਆ ਜ਼ਿਲ੍ਹਾ ਸ੍ਰੀ ਗੰਗਾਨਗਰ (ਰਾਜਸਥਾਨ) ਦੀ ਪਵਿੱਤਰ ਧਰਤੀ ’ਤੇ ਪੂਜਨੀਕ ਪਿਤਾ ਨੰਬਰਦਾਰ ਮੱਘਰ ਸਿੰਘ ਜੀ ਅਤੇ ਪੂਜਨੀਕ ਮਾਤਾ ਨਸੀਬ ਕੌਰ ਜੀ ਦੇ ਘਰ ਅਵਤਾਰ ਧਾਰਨ ਕੀਤਾ ਆਪ ਜੀ ਆਪਣੇ ਮਾਤਾ-ਪਿਤਾ ਦੀ ਇਕਲੌਤੀ ਸੰਤਾਨ ਹਨ ਪੂਜਨੀਕ ਬਾਪੂ ਜੀ ਪਿੰਡ ਦੇ ਨੰਬਰਦਾਰ ਅਤੇ ਬਹੁਤ ਵੱਡੇ ਜ਼ਿੰਮੀਦਾਰ ਸਨ। Saint Dr. MSG

ਘਰ ਵਿੱਚ ਦੁਨਿਆਵੀ ਚੀਜ ਦੀ ਕੋਈ ਘਾਟ ਨਹੀਂ ਸੀ ਬਹੁਤ ਵੱਡਾ ਘਰਾਣਾ, ਖੁੱਲ੍ਹੀ ਜਮੀਨ ਜਾਇਦਾਦ, ਹਰ ਸੁਖ ਸਹੂਲਤ ਦੇ ਸਾਧਨ ਮੌਜੂਦ ਸਨ ਪਰ ਇੰਨੇ ਵੱਡੇ ਘਰਾਣੇ ’ਚ ਜੇਕਰ ਕੋਈ ਘਾਟ ਸੀ ਤਾਂ ਉਹ ਸੀ ਖਾਨਦਾਨ ਦੇ ਵਾਰਿਸ ਦੀ ਘਰ ਵਿੱਚ ਸਭ ਕੁਝ ਸੀ ਪਰ ਔਲਾਦ ਨਾ ਹੋਣ ਦੀ ਚਿੰਤਾ ਆਦਰਯੋਗ ਬਾਪੂ ਜੀ ਅਤੇ ਮਾਤਾ ਜੀ ਨੂੰ ਸਤਾਉਂਦੀ ਰਹਿੰਦੀ ਪੂਜਨੀਕ ਬਾਪੂ ਜੀ ਦਾ ਪਿੰਡ ਦੇ ਸੰਤ ਤ੍ਰਿਵੈਣੀ ਦਾਸ ਜੀ ਨਾਲ ਬਹੁਤ ਸਹਿਚਾਰ ਸੀ ਬਾਪੂ ਜੀ ਨੇ ਆਪਣੀ ਚਿੰਤਾ ਉਨ੍ਹਾਂ ਅੱਗੇ ਜਾਹਿਰ ਕੀਤੀ ਤਾਂ ਉਨ੍ਹਾਂ ਨੇ ਪੂਰਾ ਹੌਸਲਾ ਦਿੰਦੇ ਹੋਏ ਕਿਹਾ ਤੁਸੀਂ ਫਿਕਰ ਨਾ ਕਰੋ ਆਪ ਜੀ ਦੇ ਘਰ ਕੋਈ ਆਮ ਬੱਚਾ ਜਨਮ ਨਹੀਂ ਲਵੇਗਾ ਸਮਾਂ ਆਉਣ ’ਤੇ ਖੁਦ ਪਰਮ ਪਿਤਾ ਪਰਮਾਤਮਾ ਆਪਣਾ ਸਵਰੂਪ ਤੁਹਾਡੇ ਘਰ ਭੇਜੇਗਾ।

18 ਸਾਲ ਦੀ ਲੰਬੀ ਉਡੀਕ ਤੋਂ ਬਾਅਦ ਆਪ ਜੀ ਨੇ ਪੂਜਨੀਕ ਮਾਤਾ-ਪਿਤਾ ਜੀ ਦੇ ਘਰ ਇਕਲੌਤੀ ਔਲਾਦ ਦੇ ਰੂਪ ’ਚ ਅਵਤਾਰ ਧਾਰਨ ਕੀਤਾ ਜਦੋਂ ਆਪ ਜੀ 4-5 ਸਾਲ ਦੇ ਸਨ ਤਾਂ ਸੰਤ ਤ੍ਰਿਵੈਣੀ ਦਾਸ ਜੀ ਨੇ ਆਪ ਜੀ ਦੇ ਪਵਿੱਤਰ ਕਰ ਕਮਲਾਂ ਤੋਂ ਕਹੀਂ ਦਾ ਟੱਕ ਲਵਾ ਕੇ ਪਿੰਡ ਵਿੱਚ ਬਣਨ ਵਾਲੀ ਪਾਣੀ ਦੀ ਡਿੱਗੀ ਦਾ ਮਹੂਰਤ ਕਰਵਾਇਆ ਅਤੇ ਕਿਹਾ ਇਨ੍ਹਾਂ (ਪੂਜਨੀਕ ਹਜੂਰ ਪਿਤਾ ਜੀ) ਬਾਰੇ ਅਜੇ ਤੁਹਾਨੂੰ ਕੁਝ ਵੀ ਪਤਾ ਨਹੀਂ, ਸਮਾਂ ਆਉਣ ’ਤੇ ਪਤਾ ਚੱਲੇਗਾ ਕਿ ਇਹ ਕਿੰਨੀ ਮਹਾਨ ਹਸਤੀ ਹਨ ਪੂਜਨੀਕ ਬਾਪੂ ਜੀ ਆਪ ਜੀ ਨਾਲ ਬਹੁਤ ਪਿਆਰ ਸਤਿਕਾਰ ਕਰਦੇ ਆਪ ਜੀ ਦੀ ਕਹੀ ਕੋਈ ਗੱਲ ਨਹੀਂ ਮੋੜਦੇ ਸਨ ਪਿਆਰ ਇੰਨਾ ਕਿ ਆਪ ਜੀ ਨੂੰ ਮੋਢਿਆਂ ’ਤੇ ਬਿਠਾ ਕੇ ਖੇਤ ਲੈ ਜਾਂਦੇ।

ਇਹ ਵੀ ਪੜ੍ਹੋ : Tree Plantation: ਪੂਜਨੀਕ ਗੁਰੂ ਸੰਤ ਡਾ. ਐੱਮਐੱਸਜੀ ਦੇ ਅਵਤਾਰ ਦਿਵਸ ’ਤੇ ਧਰਤੀ ਨੂੰ ਹਰਿਆਲੀ ਦਾ ਤੋਹਫਾ

ਸਤਿਗੁਰੂ ਨਾਲ ਮਿਲਾਪ

ਪੂਜਨੀਕ ਗੁਰੂ ਜੀ ਨੇ 5-6 ਸਾਲ ਦੀ ਉਮਰ ਵਿੱਚ ਹੀ ਪੂਜਨੀਕ ਪਰਮ ਪਿਤਾ ਸ਼ਾਹ ਸਤਿਨਾਮ ਸਿੰਘ ਜੀ ਮਹਾਰਾਜ ਤੋਂ ਨਾਮ ਦੀ ਅਨਮੋਲ ਦਾਤ ਪ੍ਰਾਪਤ ਕੀਤੀ ਆਪ ਜੀ ਆਦਰਯੋਗ ਬਾਪੂ ਜੀ ਨਾਲ ਡੇਰਾ ਸੱਚਾ ਸੌਦਾ ਸ਼ਾਹ ਮਸਤਾਨਾ-ਸ਼ਾਹ ਸਤਿਨਾਮ ਜੀ ਧਾਮ ਸਰਸਾ ਆਏ ਜਦੋਂ ਪੂਜਨੀਕ ਪਰਮ ਪਿਤਾ ਸ਼ਾਹ ਸਤਿਨਾਮ ਸਿੰਘ ਜੀ ਮਹਾਰਾਜ ਤੇਰਾਵਾਸ ’ਚੋਂ ਨਾਮ ਸ਼ਬਦ ਵਾਲੇ ਪੰਡਾਲ ’ਚ ਬਿਰਾਜਮਾਨ ਹੋਏ ਤਾਂ ਆਪ ਜੀ ਨੂੰ ਅਵਾਜ ਦੇ ਕੇ ਅੱਗੇ ਬੁਲਾਇਆ ‘ਕਾਕਾ ਅੱਗੇ ਆ ਜਾ’ ਆਪਣੇ ਪਾਸ ਬਿਠਾ ਕੇ ਆਪ ਜੀ ਨੂੰ ਭਰਪੂਰ ਪਿਆਰ ਦਿੱਤਾ ਤੇ ਨਾਮ ਦੀ ਅਨਮੋਲ ਦਾਤ ਦਿੱਤੀ ਆਪ ਜੀ ਨੇ 7-8 ਸਾਲ ਦੀ ਉਮਰ ਵਿੱਚ ਟ੍ਰੈਕਟਰ ਚਲਾਉਣਾ ਸ਼ੁਰੂ ਕਰ ਦਿੱਤਾ ਸੀ।

ਉਨ੍ਹਾਂ ਦਿਨਾਂ ਵਿੱਚ ਕਿਸੇ ਖਾਸ ਘਰ ਕੋਲ ਹੀ ਟ੍ਰੈਕਟਰ ਹੁੰਦਾ ਸੀ ਇਸੇ ਉਮਰੇ ਹੀ ਆਪ ਜੀ ਨੇ ਖੇਤੀ ਸਾਂਭ-ਸੰਭਾਲ ਦਾ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਇਸ ਤੋਂ ਪਹਿਲਾਂ ਪੂਜਨੀਕ ਬਾਪੂ ਜੀ ਅਪਣੀ ਜਮੀਨ ਠੇਕੇ ’ਤੇ ਦਿੰਦੇ ਸਨ ਆਪ ਜੀ ਦੇ ਕਹਿਣ ’ਤੇ ਪੂਜਨੀਕ ਬਾਪੂ ਜੀ ਨੇ ਆਪ ਜੀ ਨੂੰ ਖੇਤੀ ਕਰਨ ਦੀ ਇਜਾਜ਼ਤ ਦੇ ਦਿੱਤੀ ਉਸ ਸਾਲ ਵਰਖਾ ਸਹੀ ਸਮੇਂ ’ਤੇ ਹੋਈ ਤੇ ਛੋਲਿਆਂ ਦੀ ਭਰਪੂਰ ਫਸਲ ਹੋਈ 9 ਸਾਲ ਦੀ ਉਮਰ ’ਚ ਆਪ ਜੀ ਨੇ ਖੇਤੀਬਾੜੀ ਦੇ ਨਾਲ-ਨਾਲ ਖੇਤੀ ਦਾ ਹਿਸਾਬ-ਕਿਤਾਬ (ਆੜ੍ਹਤੀਆ ਨਾਲ ਲੈਣ-ਦੇਣ) ਵੀ ਸੰਭਾਲ ਲਿਆ।

ਇਤਿਹਾਸਕ ਪਲ : ਪਵਿੱਤਰ ਗੁਰਗੱਦੀ ਦੀ ਬਖਸ਼ਿਸ਼ | Saint Dr. MSG

ਰੂਹਾਨੀਅਤ ਵਿੱਚ ਪਵਿੱਤਰ ਗੁਰਗੱਦੀ ਦੀ ਬਖਸ਼ਿਸ਼ ਇੱਕ ਅਹਿਮ ਸਥਾਨ ਰੱਖਦੀ ਹੈ ਸਤਿਗੁਰੂ ਨੇ ਸਤਿਗੁਰੂ ਨੂੰ ਜਾਹਰ ਕਰਨਾ ਹੁੰਦਾ ਹੈ  ਪੂਜਨੀਕ ਪਰਮ ਪਿਤਾ ਸ਼ਾਹ ਸਤਿਨਾਮ ਸਿੰਘ ਜੀ ਮਹਾਰਾਜ ਨੇ ਹਜੂਰ ਪਿਤਾ ਜੀ ਨੂੰ ਨਾਮ ਸ਼ਬਦ ਦੀ ਅਨਮੋਲ ਦਾਤ ਬਖਸ਼ਣ ਮੌਕੇ ਅਥਾਹ ਪਿਆਰ ਬਖਸ਼ਦੇ ਹੋਏ ਆਪਣੇ ਕੋਲ ਬਿਠਾ ਕੇ, ਗੱਲਾਂ ਬਾਤਾਂ ਕਰਕੇ ਉਸੇ ਦਿਨ ਤੋਂ ਹੀ ਆਪਣਾ ਵਾਰਿਸ ਬਣਾ ਲਿਆ ਸੀ 23 ਸਤੰਬਰ 1990 ਨੂੰ ਪੂਜਨੀਕ ਪਰਮ ਪਿਤਾ ਸ਼ਾਹ ਸਤਿਨਾਮ ਸਿੰਘ ਜੀ ਮਹਾਰਾਜ ਨੇ ਆਪ ਜੀ (ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ) ਨੂੰ ਸਾਧ-ਸੰਗਤ ਦੇ ਸਾਹਮਣ ਆਪਣੇ ਨਾਲ ਸਟੇਜ ’ਤੇ ਬਿਰਾਜਮਾਨ ਕਰਕੇ ਆਪ ਜੀ ਨੂੰ ਗੁਰਗੱਦੀ ਬਖਸ਼ਿਸ਼ ਕੀਤੀ।

ਸਾਧ-ਸੰਗਤ ਨੂੰ ਬਚਨ ਫ਼ਰਮਾਏ, ‘‘ਅੱਜ ਤੋਂ ਇਹ ਸਾਡਾ ਹੀ ਰੂਪ ਹਨ, ਜੋ ਜੀਵ ਇੰਨ੍ਹਾਂ ਨਾਲ ਪ੍ਰੇਮ ਕਰੇਗਾ, ਇੰਨ੍ਹਾਂ ਦਾ ਹੁਕਮ ਮੰਨੇਗਾ, ਇੰਨ੍ਹਾਂ ’ਤੇ ਵਿਸ਼ਵਾਸ ਕਰੇਗਾ ਉਹ ਮੰਨੋ ਸਾਡਾ ਹੁਕਮ ਮੰਨੇਗਾ’’ ਪੂਰੀ ਸਾਧ-ਸੰਗਤ ਨੂੰ ਪਰਮ ਪਿਤਾ ਜੀ ਦਾ ਗੁਰਗੱਦੀ ਰਸਮ ਦਾ ਪਵਿੱਤਰ ਹੁਕਮਨਾਮਾ ਪੜ੍ਹ ਕੇ ਸੁਣਾਇਆ ਗਿਆ ਪੂਜਨੀਕ ਪਰਮ ਪਿਤਾ ਜੀ ਨੇ ਆਪ ਜੀ ਨੂੰ ਆਪਣਾ ਰੂਪ ਬਖਸ਼ਿਆ ਅਤੇ ਬਚਨ ਫ਼ਰਮਾਏ, ‘‘ਅਸੀਂ ਸਾਂ, ਅਸੀਂ ਹਾਂ, ਅਸੀਂ ਹੀ ਰਹਾਂਗੇ’’ ਪੂਜਨੀਕ ਪਰਮ ਪਿਤਾ ਜੀ ਅਤੇ ਹਜੂਰ ਪਿਤਾ ਜੀ ਲੱਗਭੱਗ ਸਵਾ ਸਾਲ ਇਕੱਠੇ ਸਟੇਜ ’ਤੇ ਬਿਰਾਜਮਾਨ ਹੁੰਦੇ ਰਹੇ ਆਪਣੇ ਮੁਰਸ਼ਿਦੇ ਕਾਮਲ ਪਰਮ ਪਿਤਾ ਸ਼ਾਹ ਸਤਿਨਾਮ ਸਿੰਘ ਜੀ ਦਾ ਪਵਿੱਤਰ ਨਾਮ ਅਤੇ ਪ੍ਰਭੂ ਪਰਮਾਤਮਾ ਨੂੰ ਮਿਲਣ ਦਾ ਤਰੀਕਾ ਦੁਨੀਆ ਦੇ ਕੋਨੇ-ਕੋਨੇ ਵਿੱਚ ਪੁੱਜੇ।

ਸੰਸਾਰ ਵਿੱਚੋਂ ਜਾਤੀ ਪ੍ਰਥਾ ਅੰਧਵਿਸ਼ਵਾਸ, ਸੰਪਰਦਾਇਕਤਾ, ਨਫਰਤ, ਨਸ਼ਾ ਰੂਪੀ ਕੋਹੜ ਖਤਮ ਹੋਵੇ ਇਹੀ ਆਪ ਜੀ ਦਾ ਨਿਸ਼ਾਨਾ ਹੈ ਆਪ ਜੀ ਨੇ ਸਾਢੇ ਸੱਤ ਕਰੋੜ ਤੋਂ ਵੱਧ ਜੀਵਾਂ ਦੀਆਂ ਬੁਰਾਈਆਂ, ਨਸ਼ੇ ਆਦਿ ਛੁਡਵਾ ਕੇ ਪਰਮਾਤਮਾ ਦੇ ਨਾਮ ਨਾਲ ਜੋੜਨ ਦਾ ਤਰੀਕਾ ਦੱਸਿਆ ਆਪ ਜੀ ਨੇ ਕੰਨਿਆ ਭਰੂਣ ਹੱਤਿਆ, ਵੇਸਵਾਪੁਣਾ, ਸਮਲਿੰਗਤਾ, ਦਾਜ ਪ੍ਰਥਾ ਆਦਿ ਬੁਰਾਈਆਂ ਵਿਰੁੱਧ ਅਜਿਹੀ ਜਨ ਚੇਤਨਾ ਲਹਿਰ ਚਲਾਈ ਜਿਸ ਦਾ ਪ੍ਰਭਾਵ ਦੁਨੀਆ ਦੇ ਕੋਨੇ-ਕੋਨੇ ਵਿੱਚ ਪਿਆ ਆਪ ਜੀ ਦਾ ਹਰ ਪਲ ਮਾਨਵਤਾ ਭਲਾਈ ਨੂੰ ਸਮਰਪਿਤ ਹੈ ਇਸ ਧਰਤੀ ’ਤੇ ਰਹਿੰਦਿਆਂ ਮਨੁੱਖ ਦਾ ਜੀਵਨ ਸੁਖੀ ਅਤੇ ਖੁਸ਼ਹਾਲ ਹੋਵੇ, ਇਸ ਲਈ ਆਪ ਜੀ ਨੇ 176 ਮਾਨਵਤਾ ਭਲਾਈ ਕਾਰਜ ਚਲਾਏ ਹਨ ਜਿਵੇਂ ਲੋੜਵੰਦਾਂ ਲਈ ਫੂਡ ਬੈਂਕ, ਕਲਾਥ ਬੈਂਕ, ਬਿਮਾਰਾਂ ਦਾ ਇਲਾਜ, ਗਰੀਬ ਜ਼ਰੂਰਤਮੰਦਾਂ ਨੂੰ ਮਕਾਨ ਬਣਾਕੇ ਦੇਣਾ, ਖੂਨਦਾਨ, ਦਿਹਾਂਤ ਉਪਰੰਤ ਅੱਖਾਂ ਦਾਨ-ਸਰੀਰ ਦਾਨ, ਬੂਟੇ ਲਾਉਣ, ਸਫਾਈ ਅਭਿਆਨ, ਨਸ਼ਾ ਛਡਵਾਉਣ ਲਈ ਡੈੱਪਥ ਮੁਹਿੰਮ ਆਦਿ। Saint Dr. MSG

ਕੁਦਰਤੀ ਆਫਤਾਂ ’ਚ  ਕੀਤੀ ਬੇਮਿਸਾਲ ਮੱਦਦ

ਆਪ ਜੀ ਦੇ ਪਵਿੱਤਰ ਦਿਸ਼ਾ-ਨਿਰਦੇਸ਼ਾਂ ਵਿੱਚ ‘ਸ਼ਾਹ ਸਤਿਨਾਮ ਜੀ ਗ੍ਰੀਨ ਐੱਸ ਵੈੱਲਫੇਅਰ ਕਮੇਟੀ ਦਾ ਗਠਨ ਸੰਨ 2001 ਵਿੱਚ ਕੀਤਾ ਗਿਆ ਇਸ ਕਮੇਟੀ ਦੇ ਮੈਂਬਰਾਂ (ਸੇਵਾਦਾਰਾਂ) ਨੂੰ ਰਾਹਤ ਤੇ ਬਚਾਅ ਕਾਰਜਾਂ ਲਈ ਪੂਰੀ ਤਰ੍ਹਾਂ ਸਿਖਲਾਈ ਦਿੱਤੀ ਜਾਂਦੀ ਹੈ ਜਿਵੇਂ ਡੁੱਬ ਦਿਆਂ ਨੂੰ ਬਚਾਉਣ, ਅੱਗ ’ਚ ਘਿਰੇ ਵਿਅਕਤੀਆਂ ਨੂੰ ਬਾਹਰ ਕੱਢਣ, ਭੂਚਾਲ, ਸੁਨਾਮੀ ਤੇ ਹੜ੍ਹ ਤੋਂ ਬਚਾਉਣ ਆਦਿ ਹੈ 2001 ਦੇ ਗੁਜਰਾਤ ’ਚ ਆਏ ਭੂਚਾਲ, 2004 ਵਿੱਚ ਅੰਡੇਮਾਨ ਤੇ ਨਿਕੋਬਾਰ ’ਚ ਆਈ ਸੁਨਾਮੀ, 2004 ਦੇ ਬਿਹਾਰ ਦੇ ਹੜ੍ਹ, 2005 ਦੇ ਜੰਮੂ-ਕਸ਼ਮੀਰ ’ਚ ਆਏ ਭੂਚਾਲ, 2006 ’ਚ ਬਾੜਮੇਰ ’ਚ ਪਏ ਸੋਕੇ, 2008 ’ਚ ਓਡੀਸ਼ਾ ’ਚ ਆਏ ਹੜ੍ਹ, 2009 ਵਿੱਚ ਇਟਲੀ ’ਚ ਆਏ ਭੂਚਾਲ, 2012 ’ਚ ਫਿਜੀ ’ਚੇ ਆਏ ਹੜ੍ਹ।

2012 ’ਚ ਦਾਰਜੀÇਲੰਗ ’ਚ ਲੱਗੀ ਅੱਗ, 2015 ’ਚ ਨੇਪਾਲ ’ਚ ਆਏ ਭੂਚਾਲ, 2015 ’ਚ ਸਰਸਾ ’ਚ ਘੱਗਰ ਨਦੀ ’ਚ ਆਏ ਹੜ੍ਹ, 2024 ’ਚ ਹਿਮਾਚਲ ’ਚ ਆਏ ਹੜ੍ਹ, 2025 ’ਚ ਪੰਜਾਬ ਹੜ੍ਹਾਂ ਦੌਰਾਨ ਇਸ ਕਮੇਟੀ ਦੇ ਮੈਂਬਰਾਂ ਨੇ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਮਾਨਵਤਾ ਦੀ ਭਲਾਈ ਲਈ ਜੋ ਕੰਮ ਕੀਤੇ ਉਹ ਆਪਣੇ ਆਪ ’ਚ ਬੇਮਿਸਾਲ ਹਨ ਸਾਡਾ ਭਾਰਤ ਦੇਸ਼ ਸਾਫ-ਸੁਥਰਾ ਹੋਵੇ ਕੋਈ ਵਿਦੇਸ਼ੀ ਸਾਡੇ ਦੇਸ਼ ਨੂੰ ਡਰਟੀ ਇੰਡੀਆ ਨਾ ਕਹੇ ਇਸ ਲਈ ਪੂਜਨੀਕ ਗੁਰੂ ਜੀ ਨੇ ਸਫਾਈ ਮੁਹਿੰਮ ਦੀ ਸ਼ੁਰੂਆਤ ਕੀਤੀ ‘ਹੋ ਪ੍ਰਿਥਵੀ ਸਾਫ਼, ਮਿਟੇ ਰੋਗ ਅਭਿਸ਼ਾਪ’ ਮੁਹਿੰਮ ਤਹਿਤ 36 ਸਫਾਈ ਮਹਾ ਅਭਿਆਨ ਚਲਾ ਕੇ ਸ਼ਹਿਰਾਂ ਤੇ ਮਹਾਂ ਨਗਰਾਂ ਦੀ ਸਫਾਈ ਕੀਤੀ ਆਪ ਜੀ ਦੇ ਮਾਨਵਤਾ ਭਲਾਈ ਕਾਰਜਾਂ ਕਰਕੇ ਆਪ ਜੀ ਦੇ ਨਾਂਅ ਕਈ ਵਿਸ਼ਵ ਰਿਕਾਰਡ ਹਨ।

ਹਰ ਪਾਸੇ  ਸਫਲਤਾ-ਸਰਵ ਕਲਾ ਸੰਪੂਰਨ

ਆਪ ਜੀ ਨੇ ਸਕੂਲੀ ਸਿੱਖਿਆ ਆਪਣੇ ਪਿੰਡ ਦੇ ਸਕੂਲ ਤੋਂ ਪ੍ਰਾਪਤ ਕੀਤੀ ਜਿੱਥੇ ਆਪ ਜੀ ਪੜ੍ਹਾਈ ’ਚ ਮੋਹਰੀ ਰਹਿੰਦੇ ਉੱਥੇ ਹੀ ਆਪ ਜੀ ਖੇਡਾਂ ਵਿੱਚ ਵੀ ਆਪਣੀ ਟੀਮ ਦੀ ਬਤੌਰ ਕਪਤਾਨ ਅਗਵਾਈ ਕਰਦੇ ਆਪ ਜੀ ਨੇ 32 ਨੈਸ਼ਨਲ ਖੇਡਾਂ ਖੇਡੀਆਂ ਆਪ ਜੀ ਆਪਣੇ ਖਿਡਾਰੀ ਸਾਥੀਆਂ ਦੀ ਸਿਰਫ ਖੇਡਣ ਅਤੇ ਅਗਵਾਈ ’ਚ ਹੀ ਨਾ ਸਿਰਫ ਸਹਾਇਤਾ ਕਰਦੇ ਸਗੋਂ ਖੁਰਾਕ, ਆਰਥਿਕ ਅਤੇ ਖੇਡਾਂ ਦਾ ਸਮਾਨ ਲਿਆਉਣ ’ਚ ਵੀ ਵਿੱਤੀ ਸਹਾਇਤਾ ਕਰਦੇ ਆਪ ਜੀ ਘਰੇਲੂ ਜ਼ਿੰਮੇਵਾਰੀਆਂ ਨਿਭਾਉਂਦੇ ਹੋਏ ਡੇਰਾ ਸੱਚਾ ਸੌਦਾ ਵਿਖੇ ਚੱਲ ਰਹੀ ਸੇਵਾ ਵਿੱਚ ਵਧ-ਚੜ੍ਹ ਕੇ ਹਿੱਸਾ ਲੈਂਦੇ ਆਪ ਜੀ ਦਾ ਵੱਡਾ ਘਰ ਹੋਣ ਕਰਕੇ ਕਈ ਵਾਰ ਨਾਲ ਵਾਲੇ ਸੇਵਾਦਾਰ ਆਪ ਜੀ ਨੂੰ ਹੱਥੀਂ ਸੇਵਾ ਕਰਨ ਦੀ ਬਜਾਏ ਸੇਵਾ ਦੀ ਨਿਗਰਾਨੀ ਕਰਨ ਲਈ ਕਹਿੰਦੇ ਪਰ ਆਪ ਜੀ ਹਮੇਸ਼ਾ ਹੱਥੀ ਸੇਵਾ ਜਿਵੇਂ ਭਾਰਾ ਸਮਾਨ, ਕਣਕ ਦੀਆਂ ਬੋਰੀਆਂ ਆਦਿ ਚੁੱਕਣ ਨੂੰ ਤਰਜੀਹ ਦਿੰਦੇ ਅਤੇ ਆਪਣੀ ਜੀਪ ਸਮਾਨ ਢੋਹਣ ਲਈ ਦੇ ਦਿੰਦੇ ਅਤੇ ਨਾਲ ਵਾਲੇ ਸੇਵਾਦਾਰਾਂ ਦਾ ਚਾਹ ਪਾਣੀ ਦਾ ਪ੍ਰਬੰਧ ਵੀ ਆਪਣੇ ਖਰਚ ’ਤੇ ਕਰਦੇ।

ਭਲਾਈ ਦੇ ਕਦਮ, ਬਣੇ ਵਿਸ਼ਵ ਰਿਕਾਰਡ

ਸਰਵਕਲਾਂ ਸੰਪੂਰਨ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਇੱਕ ਅਧਿਆਤਮਕ ਗੁਰੂ, ਸਮਾਜ ਸੁਧਾਰਕ, ਲੇਖਕ ਅਤੇ ਮਾਨਵਤਾ ਦੇ ਰਖਵਾਲੇ ਹਨ ਆਪ ਜੀ ਨੂੰ ਵਾਤਾਵਰਨ, ਸਿੱਖਿਆ, ਸਿਹਤ, ਕਲਾ, ਸੰਗੀਤ, ਯੋਗਾ, ਨਸ਼ਾ ਮੁਕਤੀ, ਸਫਾਈ ਅਭਿਆਨ ਦੇ ਬੇਮਿਸਾਲ ਯੋਗਦਾਨ ਲਈ ਰਾਸ਼ਟਰੀ ਅਤੇ ਅੰਤਰ ਰਾਸ਼ਟਰੀ ਸੰਸਥਾਵਾਂ ਨੇ ਅਨੇਕ ਪੁਰਸਕਾਰ ਅਤੇ ਉਪਾਧੀਆਂ ਭੇਂਟ ਕੀਤੀਆਂ ਹਨ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਨੂੰ ਉਨ੍ਹਾਂ ਦੀਆਂ ਮਨੁੱਖੀ ਭਲਾਈ ਸੇਵਾਵਾਂ ਲਈ ਹੁਣ ਤੱਕ ਪੰਜ ਮਾਨਕ ਡਾਕਟਰੇਟ ਉਪਾਧੀਆਂ ਦਿੱਤੀਆਂ ਗਈਆਂ ਹਨ ਸਯੁੰਕਤ ਰਾਸ਼ਟਰ ਸੰਘ ਵਿਸ਼ਵ ਭਰ ਦੀਆਂ ਸਮਾਜ ਸੇਵੀ ਸੰਸਥਾਵਾਂ ਨੂੰ ਮਾਰਗਦਰਸ਼ਨ ਤੇ ਸਮਰਥਨ ਪ੍ਰਦਾਨ ਕਰਦਾ ਹੈ ਸ਼ਾਹ ਸਤਿਨਾਮ ਜੀ ਗ੍ਰੀਨ ਐੱਸ ਵੈੱਲਫੇਅਰ ਕਮੇਟੀ ਨੂੰ ਪੂਜਨੀਕ ਗੁਰੂ ਜੀ ਦੇ ਪਵਿੱਤਰ ਦਿਸ਼ਾ-ਨਿਰਦੇਸ਼ਾਂ ਤਹਿਤ 176 ਮਾਨਵਤਾ ਭਲਾਈ ਕਾਰਜਾਂ ਦੇ ਸੰਚਾਲਨ ਲਈ ਸਯੁੰਕਤ ਰਾਸ਼ਟਰ ਸੰਘ (ਯੂਐੱਨਓ) ਦੁਆਰਾ ਸਪੈਸ਼ਲ ਕੋਨਸੱਲਟਿਸ ਸਟੇਟਸ (ਵਿਸ਼ੇਸ਼ ਸਲਾਹਕਾਰ ਦਰਜਾ) ਪ੍ਰਦਾਨ ਕੀਤਾ ਗਿਆ ਆਪ ਜੀ ਦੁਆਰਾ ਦੇਸ਼ ਭਗਤੀ ਪ੍ਰਤੀ ਅਤੇ ਨਸ਼ਿਆ ਵਿਰੁੱਧ ਗਾਏ ਗੀਤ ਨੌਜਵਾਨਾਂ ਦੀ ਪਸੰਦ ਬਣੇ।

ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦੀ ਰਹਿਨੁਮਾਈ ’ਚ ਡੇਰਾ ਸੱਚਾ ਸੌਦਾ ਮਾਨਵਤਾ ਭਲਾਈ ਦੇ ਕੰਮਾਂ ’ਚ ਨਵੇਂ ਮੀਲ ਪੱਥਰ ਸਥਾਪਿਤ ਕਰ ਰਿਹਾ ਹੈ ਆਪ ਜੀ ਦੇ ਅਵਤਾਰ ਦਿਹਾੜੇ ’ਤੇ ਪੂਜਨੀਕ ਗੁਰੂ ਜੀ ਦੇ ਚਰਨਾਂ ’ਚ ਲੱਖ-ਲੱਖ ਸਿਜਦਾ।

-ਡਾ. ਰਾਜਿੰਦਰ ਸਿੰਘ ਭਾਈਰੂਪਾ, ਬਠਿੰਡਾ

• 22 ਗਿੰਨੀਜ਼ ਬੁੱਕ ਆਫ ਰਿਕਾਰਡਜ਼,
• 45 ਏਸ਼ੀਆ ਬੁੱਕ ਆਫ ਰਿਕਾਰਡਜ਼, 
• 9 ਇੰਡੀਆ ਬੁੱਕ ਆਫ ਰਿਕਾਰਡਜ਼, 
• 3 ਲਿਮਕਾ ਬੁੱਕ ਆਫ ਰਿਕਾਰਡਜ਼,
• 2 ਅਸਮ ਬੁੱਕ ਆਫ਼ ਰਿਕਾਰਡ

MSG Bhandara: ਸਰਸਾ (ਸੱਚ ਕਹੂੰ ਨਿਊਜ਼)। ਸੱਚੇ ਰੂਹਾਨੀ ਰਹਿਬਰ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦੇ ਪਵਿੱਤਰ ਅਵਤਾਰ ਦਿਹਾੜੇ ’ਤੇ 15 ਅਗਸਤ ਸ਼ਨਿੱਚਰਵਾਰ ਨੂੰ ਸ਼ਾਹ ਸਤਿਨਾਮ-ਸ਼ਾਹ ਮਸਤਾਨਾ ਜੀ ਧਾਮ ਡੇਰਾ ਸੱਚਾ ਸੌਦਾ, ਸਰਸਾ ’ਚ ਸਵੇਰੇ 9 ਵਜੇ ਤੋਂ ‘ਐੱਮਐੱਸਜੀ ਅਵਤਾਰ’ ਭੰਡਾਰਾ ਮਨਾਇਆ ਜਾਵੇਗਾ। ਭੰਡਾਰੇ ਸਬੰਧੀ ਸਾਧ-ਸੰਗਤ ’ਚ ਭਾਰੀ ਉਤਸ਼ਾਹ ਹੈ ਪਵਿੱਤਰ ਐੱਮਐੱਸਜੀ ਭੰਡਾਰੇ ਸਬੰਧੀ ਟ੍ਰੈਫਿਕ, ਪੀਣ ਵਾਲੇ ਪਾਣੀ, ਪੰਡਾਲ, ਲੰਗਰ ਸਮੇਤ ਵੱਖ-ਵੱਖ ਸੰਮਤੀਆਂ ਦੇ ਸੇਵਾਦਾਰਾਂ ਨੇ ਆਪਣੀਆਂ ਡਿਊਟੀਆਂ ਸੰਭਾਲ ਲਈਆਂ ਹਨ। ਜ਼ਿਕਰਯੋਗ ਹੈ ਕਿ ਸੱਚੇ ਰੂਹਾਨੀ ਰਹਿਬਰ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ (ਐੱਮਐੱਸਜੀ) ਨੇ 15 ਅਗਸਤ 1967 ਨੂੰ ਪਵਿੱਤਰ ਧਰਤੀ ਸ੍ਰੀਗੁਰੂਸਰ ਮੋਡੀਆ, ਜ਼ਿਲ੍ਹਾ ਸ੍ਰੀਗੰਗਾਨਗਰ (ਰਾਜਸਥਾਨ) ’ਚ ਅਵਤਾਰ ਧਾਰਨ ਕੀਤਾ। ਸਾਧ-ਸੰਗਤ ਇਸ ਪੂਰੇ ਮਹੀਨੇ ਨੂੰ ਪਵਿੱਤਰ ਐੱਮਐੱਸਜੀ ਭੰਡਾਰੇ ਵਜੋਂ ਮਾਨਵਤਾ ਭਲਾਈ ਦੇ 176 ਕਾਰਜ ਕਰਕੇ ਮਨਾ ਰਹੀ ਹੈ। 

ਇਹ ਵੀ ਪੜ੍ਹੋ : Body Donation Punjab: ਬਲਾਕ ਲਹਿਰਾਗਾਗਾ ਦੇ 36ਵੇਂ ਸਰੀਰਦਾਨੀ ਬਣੇ ਮਾਤਾ ਗੁਲਸ਼ਨ ਦੇਵੀ ਇੰਸਾਂ

ਦੱਸ ਦੇਈਏ ਕਿ ਪੂਜਨੀਕ ਗੁਰੂ ਜੀ ਦੀ ਪਵਿੱਤਰ ਰਹਿਨੁਮਾਈ ’ਚ ਡੇਰਾ ਸੱਚਾ ਸੌਦਾ ਦੀ ਸਾਧ-ਸੰਗਤ ਹੁਣ ਤੱਕ 35 ਕਰੋੜ, 7 ਲੱਖ, 92 ਹਜ਼ਾਰ ਤੋਂ ਵੱਧ ਬੂਟੇ ਲਾ ਚੁੱਕੀ ਹੈ, ਜੋ ਅੱਜ ਵਿਸ਼ਾਲ ਰੁੱਖ ਬਣ ਕੇ ਸ੍ਰਿਸ਼ਟੀ ਨੂੰ ਸਾਫ ਹਵਾ ਦੀ ਸੌਗਾਤ ਦੇ ਰਹੇ ਹਨ ਬੂਟੇ ਲਾਉਣ ਦੇ ਖੇਤਰ ’ਚ ਡੇਰਾ ਸੱਚਾ ਸੌਦਾ ਦੇ ਨਾਂਅ 15 ਅਗਸਤ 2009 ਨੂੰ  ਸਿਰਫ਼ 8 ਘੰਟਿਆਂ ’ਚ 68 ਲੱਖ, 73 ਹਜ਼ਾਰ, 471 ਬੂਟੇ ਲਾਉਣ ਸਮੇਤ ਕਈ ਰਿਕਾਰਡ ਦਰਜ ਹਨ।

ਸਲਾਬਤਪੁਰਾ (ਸੁਖਜੀਤ ਮਾਨ)। ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦੇ ਪਵਿੱਤਰ ਐੱਮਐੱਸਜੀ ਅਵਤਾਰ ਮਹੀਨੇ ਦੀ ਖੁਸ਼ੀ ’ਚ ਪੰਜਾਬ ਦੀ ਸਾਧ-ਸੰਗਤ ਵੱਲੋਂ ਅੱਜ ਐੱਮਐੱਸਜੀ ਡੇਰਾ ਸੱਚਾ ਸੌਦਾ ਤੇ ਮਾਨਵਤਾ ਭਲਾਈ ਕੇਂਦਰ ਸ਼ਾਹ ਸਤਿਨਾਮ ਜੀ ਰੂਹਾਨੀ ਧਾਮ ਡੇਰਾ ਰਾਜਗੜ੍ਹ ਸਲਾਬਤਪੁਰਾ ਵਿਖੇ ਪਵਿੱਤਰ ਭੰਡਾਰਾ ਮਨਾਇਆ ਜਾ ਰਿਹਾ ਹੈ। ਪਵਿੱਤਰ ਭੰਡਾਰੇ ਦਾ ਪ੍ਰੋਗਰਾਮ ਸ਼ੁਰੂ ਹੋ ਚੁੱਕਾ ਹੈ।  

ਜ਼ਿੰਮੇਵਾਰ ਸੇੇਵਾਦਾਰਾਂ ਨੇ ਦੱਸਿਆ ਕਿ ਭਲਕੇ ਮਨਾਏ ਜਾ ਰਹੇ ਪਵਿੱਤਰ ਐੱਮਐੱਸਜੀ ਭੰਡਾਰੇ ’ਤੇ ਵੱਡੀ ਗਿਣਤੀ ’ਚ ਸਾਧ-ਸੰਗਤ ਪਹੁੰਚ ਰਹੀ ਹੈ, ਜਿਸ ਨੂੰ ਮੱਦੇਨਜ਼ਰ ਰੱਖਦਿਆਂ ਵੱਖ-ਵੱਖ ਸੰਮਤੀਆਂ ਦੇ ਸੇਵਾਦਾਰਾਂ ਵੱਲੋਂ ਪਿਛਲੇ ਦਿਨ ਤੋਂ ਹੀ ਆਪਣੀਆਂ ਡਿਊਟੀਆਂ ਸੰਭਾਲ ਲਈਆਂ ਸਨ। ਸਾਧ-ਸੰਗਤ ਦੇ ਬੈਠਣ ਲਈ ਪੰਡਾਲ ਅਤੇ ਵਾਹਨਾਂ ਲਈ ਪਾਰਕਿੰਗ ਆਦਿ ਦੇ ਮੁਕੰਮਲ ਇੰਤਜ਼ਾਮ ਕੀਤੇ ਗਏ ਹਨ ਤਾਂ ਜੋ ਸਾਧ-ਸੰਗਤ ਨੂੰ ਕਿਸੇ ਵੀ ਤਰ੍ਹਾਂ ਦੀ ਕੋਈ ਮੁਸ਼ਕਲ ਨਾ ਆਵੇ। ਮੁੱਖ ਪੰਡਾਲ ਨੂੰ ਮਨਮੋਹਕ ਤਰੀਕੇ ਨਾਲ ਸਜਾਇਆ ਗਿਆ ਹੈ।

ਦੱਸਣਯੋਗ ਹੈ ਕਿ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਨੇ 15 ਅਗਸਤ 1967 ਨੂੰ ਅਵਤਾਰ ਧਾਰਨ ਕੀਤਾ ਸੀ। ਡੇਰਾ ਸੱਚਾ ਸੌਦਾ ਦੀ ਦੇਸ਼-ਵਿਦੇਸ਼ਾਂ ’ਚ ਵਸਦੀ ਸਾਧ-ਸੰਗਤ ਇਸ ਪੂਰੇ ਮਹੀਨੇ ਨੂੰ ਪੂਰੇ ਚਾਵਾਂ ਤੇ ਖੁਸ਼ੀਆਂ ਨਾਲ ਮਾਨਵਤਾ ਭਲਾਈ ਦੇ ਕਾਰਜ ਕਰਕੇ ਮਨਾਉਂਦੀ ਹੈ। ਪੂਜਨੀਕ ਗੁਰੂ ਜੀ ਦੀ ਪਵਿੱਤਰ ਅਗਵਾਈ ’ਚ ਸਾਧ-ਸੰਗਤ ਮਾਨਵਤਾ ਭਲਾਈ ਦੇ 176 ਕਾਰਜ ਕਰ ਰਹੀ ਹੈ।

ਸੱਚੇ ਰੂਹਾਨੀ ਰਹਿਬਰ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਫ਼ਰਮਾਉਂਦੇ ਹਨ ਕਿ ਉਸ ਪਰਮ ਪਿਤਾ ਪਰਮਾਤਮਾ ਦਾ ਨਾਮ ਜਿਸ ਦੇ ਦਿਲੋ-ਦਿਮਾਗ ’ਚ ਛਾਇਆ ਰਹਿੰਦਾ ਹੈ, ਉਹ ਇਨਸਾਨ ਪਲ-ਪਲ ਅਸੀਮ ਸ਼ਾਂਤੀ, ਪਰਮਾਨੰਦ, ਲੱਜ਼ਤ ਪ੍ਰਾਪਤ ਕਰਦਾ ਰਹਿੰਦਾ ਹੈ। ਉਹ ਦੁਨੀਆ ਦੀ ਗੰਦਗੀ ਵੱਲ ਨਹੀਂ ਦੌੜਦਾ, ਉਹ ਦੁਨੀਆ ਦੀ ਗੰਦਗੀ ’ਚ ਨਹੀਂ ਗੁਆਚਦਾ, ਸਗੋਂ ਪਰਮ ਪਿਤਾ ਪਰਮਾਤਮਾ ਦਾ ਪਿਆਰ, ਉਸ ਦੀ ਮੁਹੱਬਤ ਪ੍ਰਾਪਤ ਕਰਕੇ ਉਹ ਸਾਰੀਆਂ ਖੁਸ਼ੀਆਂ, ਲੱਜ਼ਤਾਂ ਪ੍ਰਾਪਤ ਕਰਦਾ ਹੈ, ਜਿਸ ਨੂੰ ਲਿਖ-ਬੋਲ ਕੇ ਨਹੀਂ ਦੱਸਿਆ ਜਾ ਸਕਦਾ।

Read Also : ਰੂਹਾਨੀਅਤ: ਦੀਨਤਾ ਨਿਮਰਤਾ ਧਾਰਨ ਨਾਲ ਮਿਲਣਗੀਆਂ ਮਾਲਕ ਦੀਆਂ ਖੁਸ਼ੀਆਂ

ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਜੇਕਰ ਤੁਸੀਂ ਪਰਮ ਪਿਤਾ ਪਰਮਾਤਮਾ ਦੀ ਦਇਆ-ਮਿਹਰ ਨੂੰ ਪ੍ਰਾਪਤ ਕਰਨਾ ਚਾਹੁੰਦੇ ਹੋ, ਤਾਂ ਤੁਸੀਂ ਮਾਲਕ ਦੇ ਨਾਮ ਦੇ ਨਾਲ ਜੁੜ ਜਾਓ। ਨਾਮ ਜਪਣਾ ਨਾ ਪਵੇ, ਸਗੋਂ ਆਪਣੇ-ਆਪ ਚੱਲਦਾ ਰਹੇ, ਅਜਿਹਾ ਉਦੋਂ ਹੁੰਦਾ ਹੈ ਜਦੋਂ ਆਦਮੀ ਰੁਚੀ ਨਾਲ, ਸੱਚੀ ਭਾਵਨਾ ਨਾਲ, ਤੜਫ਼ ਨਾਲ ਲਗਾਤਾਰ ਸਿਮਰਨ ਕਰਦਾ ਰਹਿੰਦਾ ਹੈ। ਉਦਾਹਰਨ ਵਜੋਂ ਜਿਵੇਂ ਤੁਹਾਨੂੰ ਕੋਈ ਗੀਤ ਚੰਗਾ ਲੱਗਦਾ ਹੈ, ਤੁਸੀਂ ਦਿਲੋ-ਦਿਮਾਗ ’ਚ ਉਸ ਨੂੰ  ਬਿਠਾ ਲੈਂਦੇ ਹੋ, ਕਿਤੇ ਮੌਸਮ ਚੰਗਾ ਹੈ, ਕਿਤੇ ਵੈਸੇ ਜਗ੍ਹਾ ਆ ਗਈ, ਤੁਸੀਂ ਖੁਸ਼ ਹੋਏ ਤਾਂ ਐਟੋਮੈਟਿਕਲੀ ਤੁਹਾਡੀ ਜ਼ੁਬਾਨ ’ਤੇ ਉਹ ਸ਼ਬਦ, ਉਹ ਗੀਤ ਗੂੰਜਣ ਲੱਗਦਾ ਹੈ। ਉਸੇ ਤਰ੍ਹਾਂ ਪਰਮ ਪਿਤਾ ਪਰਮਾਤਮਾ ਦੇ ਨਾਮ ਨੂੂੰ, ਗੁਰੂਮੰਤਰ ਨੂੰ ਤੁਸੀਂ ਆਪਣੀ ਜ਼ੁਬਾਨ ’ਤੇ ਚੜ੍ਹਾ ਲਓ। 

ਸਰਸਾ। ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਨੇ ਸਮੂਹ ਸਾਧ-ਸੰਗਤ ਲਈ ਗੁਰੂ ਪੁਨਿੰਆ ਦੇ ਪਵਿੱਤਰ ਦਿਹਾੜੇ ’ਤੇ ਅਨਮੋਲ ਬਚਨ ਭੇਜੇ ਹਨ। ਅੱਜ ਗੁਰੂ ਪੁੰਨਿਆ ਦਾ ਸ਼ੁੱਭ ਦਿਹਾੜਾ ਹੈ ਇਸ ਮੌਕੇ ਸਾਧ-ਸੰਗਤ ਨੇ ਇਹ ਅਨਮੋਲ ਬਚਨ ਪ੍ਰਾਪਤ ਕਰਕੇ ਦੁੱਗਣੀਆਂ-ਚੌਗੁਣੀਆਂ ਖੁਸ਼ੀਆਂ ਪ੍ਰਾਪਤ ਕੀਤੀਆਂ। 

ਪੂਜਨੀਕ ਗੁਰੂ ਜੀ ਨੇ ਫਰਮਾਇਆ ਹੈ ਕਿ:
‘‘ਦ੍ਰਿੜ੍ਹ ਯਕੀਨ ਰੱਖੋ, ਸਿਮਰਨ ਕਰਦੇ ਰਹੋ ਮਾਲਕ ਖੁਸ਼ੀਆਂ ਦੇਣਗੇ।
ਜਾਇਜ ਮੰਗ ਸਤਿਗੁਰੂ ਜਲਦ ਤੋਂ ਜਲਦ ਜ਼ਰੂਰ ਸੁਨਣਗੇ।’’

ਅੱਜ ਸਵੇਰੇ ਸ਼ਾਹ ਸਤਿਨਾਮ ਸ਼ਾਹ ਮਸਤਾਨਾ ਜੀ ਧਾਮ ਡੇਰਾ ਸੱਚਾ ਸੌਦਾ ਸਰਸਾ ਵਿਖੇ ਹੋਏ ਨਾਮ ਚਰਚਾ ਸਤਿਸੰਗ ਦੌਰਾਨ ਪੂਜਨੀਕ ਗੁਰੂ ਜੀ ਵੱਲੋਂ ਭੇਜੇ ਗਏ ਇਹ ਅਨਮੋਲ ਬਚਨ ਸਾਧ-ਸੰਗਤ ਨੂੰ ਪੜ੍ਹ ਕੇ ਸੁਣਾਏ ਗਏ। 

Read Also : ਸੇਵਾ ਤੇ ਸਿਮਰਨ ਸਤਿਸੰਗੀ ਦੇ ਅਨਮੋਲ ਗਹਿਣੇ ਹਨ: ਪੂਜਨੀਕ ਗੁਰੂ ਜੀ

(ਸੱਚ ਕਹੂੰ ਨਿਊਜ਼) ਸਰਸਾ। Saint Dr MSG: ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਫਰਮਾਉਦੇ ਹਨ ਕਿ ਸੇਵਾ ਤੇ ਸਿਮਰਨ ਦੋ ਅਜਿਹੇ ਗਹਿਣੇ ਹਨ ਕਿ ਜੋ ਵੀ ਮਨੁੱਖ ਇਨ੍ਹਾਂ ਨੂੰ ਪਹਿਨ ਲੈਂਦਾ ਹੈ, ਜਿਉਦੇ-ਜੀਅ ਉਸ ਦੇ ਸਾਰੇ ਗ਼ਮ, ਚਿੰਤਾ, ਪ੍ਰੇਸ਼ਾਨੀਆਂ ਦੂਰ ਹੋ ਜਾਂਦੀਆਂ ਹਨ ਤੇ ਦੇਹਾਂਤ ਉਪਰੰਤ ਜਨਮ-ਮਰਨ ਦਾ ਚੱਕਰ ਜੜ੍ਹੋਂ ਖ਼ਤਮ ਹੋ ਜਾਂਦਾ ਹੈ।

ਪੂਜਨੀਕ ਗੁਰੂ ਜੀ ਫ਼ਰਮਾਉਦੇ ਹਨ ਕਿ ਸੇਵਾ ’ਚ ਸਭ ਤੋਂ ਜ਼ਰੂਰੀ ਗੱਲ ਇਹ ਹੁੰਦੀ ਹੈ ਕਿ ਜੇਕਰ ਇਨਸਾਨ ਪੂਰੀ ਤਰ੍ਹਾਂ ਤੰਦਰੁਸਤ ਹੈ ਤਾਂ ਉਹ ਆਪਣੀ ਸੇਵਾ ਘੱਟ ਕਰਵਾਏ ਸਗੋਂ ਦੂਜਿਆਂ ਦੀ ਸੇਵਾ ਬਾਰੇ ਸੋਚੇ ਦੂਜੀ ਗੱਲ, ਉਹ ਸੇਵਾ ਦੀ ਸ਼ੁਰੂਆਤ ਆਪਣੇ ਘਰ ਤੋਂ ਕਰੇ ਆਪਣੀ ਮਾਂ, ਆਪਣੇ ਬਜ਼ੁਰਗ ਬਾਪ, ਦਾਦਾ, ਪੜਦਾਦਾ, ਕੋਈ ਵੀ ਹੈ ਜੇਕਰ ਉਹ ਅਸਮਰਥ ਹਨ ਤਾਂ ਉਨ੍ਹਾਂ ਦੀ ਮੱਦਦ ਕਰੋ ਜੇਕਰ ਤੁਹਾਡਾ ਤਾਲਮੇਲ ਨਹੀਂ ਬੈਠਦਾ, ਆਪਸ ’ਚ ਲੜਾਈ-ਝਗੜਾ ਰਹਿੰਦਾ ਹੈ ਤੇ ਉਹ ਵੱਖ ਹੋ ਜਾਂਦੇ ਹਨ ਤਾਂ ਉਨ੍ਹਾਂ ਦੀ ਕਦੇ ਨਿੰਦਿਆ ਨਹੀਂ ਕਰਨੀ ਚਾਹੀਦੀ।

ਪੂਜਨੀਕ ਗੁਰੂ ਜੀ ਫ਼ਰਮਾਉਦੇ ਹਨ ਕਿ ਜੇਕਰ ਇਨਸਾਨ ਆਪਣੇ ਪਰਿਵਾਰ ਤੋਂ ਵੱਖ ਹੋ ਜਾਵੇ ਤੇ ਪਰਿਵਾਰ ਦੇ ਆਪਸ ’ਚ ਵਿਚਾਰ ਨਹੀਂ ਮਿਲਦੇ ਤਾਂ ਤੁਸੀਂ ਸਿਮਰਨ ਕਰਦੇ ਰਹੋ, ਕਿਉਕਿ ਉਹ ਤੁਹਾਡੇ ਜਨਮਦਾਤਾ ਹਨ, ਉਨ੍ਹਾਂ ਦਾ ਕਰਜ਼ਾ ਇਨਸਾਨ ਕਦੇ ਨਹੀਂ ਉਤਾਰ ਸਕਦਾ ਇਸ ਲਈ ਗੱਲ ਇਹ ਹੁੰਦੀ ਹੈ ਕਿ ਜੇਕਰ ਇਨਸਾਨ ਪੂਰੀ ਤਰ੍ਹਾਂ ਤੰਦਰੁਸਤ ਹੈ ਤਾਂ ਉਹ ਆਪਣੀ ਸੇਵਾ ਘੱਟ ਕਰਵਾਏ ਸਗੋਂ ਦੂਜਿਆਂ ਦੀ ਸੇਵਾ ਬਾਰੇ ਸੋਚੇ ਦੂਜੀ ਗੱਲ, ਉਹ ਸੇਵਾ ਦੀ ਸ਼ੁਰੂਆਤ ਆਪਣੇ ਘਰ ਤੋਂ ਕਰੇ ਆਪਣੀ ਮਾਂ, ਆਪਣੇ ਬਜ਼ੁਰਗ ਬਾਪ, ਦਾਦਾ, ਪੜਦਾਦਾ, ਕੋਈ ਵੀ ਹੈ ਜੇਕਰ ਉਹ ਅਸਮਰਥ ਹਨ ਤਾਂ ਉਨ੍ਹਾਂ ਦੀ ਮੱਦਦ ਕਰੋ ਜੇਕਰ ਤੁਹਾਡਾ ਤਾਲਮੇਲ ਨਹੀਂ ਬੈਠਦਾ, ਆਪਸ ’ਚ ਲੜਾਈ-ਝਗੜਾ ਰਹਿੰਦਾ ਹੈ ਤੇ ਉਹ ਵੱਖ ਹੋ ਜਾਂਦੇ ਹਨ ਤਾਂ ਉਨ੍ਹਾਂ ਦੀ ਕਦੇ ਨਿੰਦਿਆ ਨਹੀਂ ਕਰਨੀ ਚਾਹੀਦੀ। Saint Dr MSG

ਸਾਰਿਆਂ ਦਾ ਸਤਿਕਾਰ ਕਰਨਾ ਸਿੱਖੋ

ਪੂਜਨੀਕ ਗੁਰੂ ਜੀ ਫ਼ਰਮਾਉਦੇ ਹਨ ਕਿ ਜੇਕਰ ਇਨਸਾਨ ਆਪਣੇ ਪਰਿਵਾਰ ਤੋਂ ਵੱਖ ਹੋ ਜਾਵੇ ਤੇ ਪਰਿਵਾਰ ਦੇ ਆਪਸ ’ਚ ਵਿਚਾਰ ਨਹੀਂ ਮਿਲਦੇ ਤਾਂ ਤੁਸੀਂ ਸਿਮਰਨ ਕਰਦੇ ਰਹੋ, ਕਿਉਕਿ ਉਹ ਤੁਹਾਡੇ ਜਨਮਦਾਤਾ ਹਨ, ਉਨ੍ਹਾਂ ਦਾ ਕਰਜ਼ਾ ਇਨਸਾਨ ਕਦੇ ਨਹੀਂ ਉਤਾਰ ਸਕਦਾ ਇਸ ਲਈ ਇਨਸਾਨ ਨੂੰ ਉਨ੍ਹਾਂ ਦੀਆਂ ਬੁਰਾਈਆਂ ਨੂੰ ਨਹੀਂ ਦੇਖਣਾ ਚਾਹੀਦਾ ਜੇਕਰ ਤੁਸੀਂ ਆਪਣੇ ਮਾਂ-ਬਾਪ ਦੀਆਂ ਬੁਰਾਈਆਂ ਨੂੰ ਗਾਉਦੇ ਹੋ ਤਾਂ ਤੁਸੀਂ ਕਿਵੇਂ ਭਲੇ ਮਾਨਸ ਬਣ ਜਾਵੋਗੇ ਤੇ ਜੋ ਮਾਂ-ਬਾਪ ਹਨ ਉਹ ਵੀ ਆਪਣੀ ਸੰਤਾਨ ਦੀਆਂ ਬੁਰਾਈਆਂ ਨੂੰ ਨਾ ਗਾਉਣ, ਕਿਉਕਿ ਉਹ ਵੀ ਤੁਹਾਡਾ ਹੀ ਖੂਨ ਹੈ ਅਜਿਹਾ ਕਰਨ ਨਾਲ ਤੁਸੀਂ ਵੀ ਤਾਂ ਬੁਰੇ ਬਣ ਜਾਵੋਗੇ ,ਕਿਉਕਿ ਉਹ ਵੀ ਤਾਂ ਤੁਹਾਡਾ ਹੀ ਖੂਨ ਹੈ ਇਸ ਲਈ ਸਾਰਿਆਂ ਦਾ ਸਤਿਕਾਰ ਕਰਨਾ ਸਿੱਖੋ।

Malout Naam Charcha News: (ਮਨੋਜ) ਮਲੋਟ। ਬਲਾਕ ਮਲੋਟ ਦੀ ਬਲਾਕ ਪੱਧਰੀ ਭਾਈਆਂ ਦੀ ਨਾਮ-ਚਰਚਾ ਜੋਨ ਨੰਬਰ 5 ਦੀ ਸੱਚੀ ਪ੍ਰੇਮੀ ਸੰਮਤੀ ਅਤੇ ਸਮੂਹ ਸਾਧ-ਸੰਗਤ ਭਾਈਆਂ ਵੱਲੋਂ ਸ਼੍ਰੀ ਕ੍ਰਿਸ਼ਨਾ ਧਰਮਸ਼ਾਲਾ ਵਿੱਚ ਕਰਵਾਈ ਜੋ ਕਿ ਸ਼ਰਧਾ ਅਤੇ ਅਨੁਸ਼ਾਸ਼ਮਈ ਢੰਗ ਨਾਲ ਸੰਪੰਨ ਹੋਈ। ਜਿਸ ਵਿੱਚ ਬਲਾਕ ਮਲੋਟ ਦੇ ਭਾਈਆਂ ਨੇ ਭਾਰੀ ਗਿਣਤੀ ਵਿੱਚ ਪਹੁੰਚ ਕੇ ਗੁਰੂ ਜੱਸ ਸਰਵਣ ਕੀਤਾ। ਬਲਾਕ ਪ੍ਰੇਮੀ ਸੇਵਕ ਅਨਿਲ ਕੁਮਾਰ ਇੰਸਾਂ ਨੇ ਪਵਿੱਤਰ ਸ਼ਾਹੀ ਨਾਅਰਾ ਲਾ ਕੇ ਨਾਮ-ਚਰਚਾ ਦੀ ਸ਼ੁਰੂਆਤ ਕਰਨ ਤੋਂ ਬਾਅਦ ਵੱਖ-ਵੱਖ ਕਵੀਰਾਜ ਵੀਰਾਂ ਨੇ ਸ਼ਬਦਬਾਣੀ ਸੁਣਾਈ। 

ਇਹ ਵੀ ਪੜ੍ਹੋ: ਪੂਜਨੀਕ ਗੁਰੂ ਜੀ ਨੇ ਸਾਲ 2026 ’ਚ ਕਰਵਾਏ ਇਹ ਪ੍ਰਣ, ਹਰ ਸ਼ਰਧਾਲੂ ਨੂੰ ਇਨ੍ਹਾਂ ਬਚਨਾਂ ਦੀ ਹੋਣੀ ਚਾਹੀਦੀ ਹੈ ਜਾਣਕਾਰੀ

ਇਸ ਮੌਕੇ ਭਾਈਆਂ ਨੇ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਦੇ ਰਿਕਾਰਡਿਡ ਬਚਨਾਂ ਨੂੰ ਵੀ ਸ਼ਰਧਾਪੂਰਵਕ ਸਰਵਣ ਕੀਤਾ। ਇਸ ਮੌਕੇ ਸੱਚੇ ਨਮਰ ਸੇਵਾਦਾਰ ਰਾਹੁਲ ਇੰਸਾਂ ਨੇ ਡੇਰਾ ਸੱਚਾ ਸੌਦਾ ਦੀਆਂ ਚੱਲ ਰਹੀਆਂ ਮਾਨਵਤਾ ਭਲਾਈ ਦੀਆਂ ਗਤੀਵਿਧੀਆਂ ਬਾਰੇ ਹਾਜ਼ਰ ਭਾਈਆਂ ਨੂੰ ਵਿਸਤਾਰ ਸਹਿਤ ਜਾਣਕਾਰੀ ਦਿੱਤੀ ਅਤੇ ਸੇਵਾ ਕਾਰਜਾਂ ਵਿੱਚ ਵੱਧ ਚੜ੍ਹ ਕੇ ਹਿੱਸਾ ਲੈਣ ਲਈ ਪ੍ਰੇਰਿਤ ਕੀਤਾ।

ਇਸ ਮੌਕੇ ਸੱਚੇ ਨਮਰ ਸੇਵਾਦਾਰ ਬਲਰਾਜ ਸਿੰਘ ਇੰਸਾਂ, ਬਲਵਿੰਦਰ ਸਿੰਘ ਇੰਸਾਂ, ਰਿੰਕੂ ਇੰਸਾਂ ਤੋਂ ਇਲਾਵਾ ਜੋਨ 4 ਦੇ ਪ੍ਰੇਮੀ ਸੇਵਕ ਡਾ.ਇਕਬਾਲ ਇੰਸਾਂ, ਜੋਨ 5 ਦੇ ਪ੍ਰੇਮੀ ਸੇਵਕ ਬਲਵੰਤ ਇੰਸਾਂ ਤੋਂ ਇਲਾਜ ਜੋਨ 5 ਦੀ ਸੱਚੀ ਪ੍ਰੇਮੀ ਸੰਮਤੀ ਦੇ ਸੇਵਾਦਾਰ ਗੋਪਾਲ ਇੰਸਾਂ, ਸੋਹਣ ਲਾਲ ਇੰਸਾਂ, ਸੁਨੀਲ ਫੁਟੇਲਾ ਇੰਸਾਂ, ਅੰਸ਼ ਇੰਸਾਂ, ਤਾਰਾ ਚੰਦ ਇੰਸਾਂ, ਗੋਲਡੀ ਇੰਸਾਂ ਤੋਂ ਇਲਾਵਾ ਜੋਨ 5 ਦੇ ਸੇਵਾਦਾਰ ਅਨਿਲ ਕੁਮਾਰ ਇੰਸਾਂ, ਹਨੀ ਇੰਸਾਂ, ਭੋਲਾ ਇੰਸਾਂ, ਗੰਗਾ ਸਿੰਘ ਇੰਸਾਂ, ਡਾ.ਬਲਜੀਤ ਇੰਸਾਂ, ਮਲਕੀਤ ਇੰਸਾਂ, ਸੁਨੀਲ ਬਿੱਟੂ ਇੰਸਾਂ, ਸੁਨੀਲ ਇੰਸਾਂ, ਮਦਨ ਲਾਲ ਇੰਸਾਂ, ਹਰਸ਼ ਇੰਸਾਂ, ਸੁਨੀਲ ਸੇਠੀ ਇੰਸਾਂ, ਬਿੱਟੂ ਸੋਨੀ ਇੰਸਾਂ, ਰਾਜਾ ਇੰਸਾਂ, ਬਬਲਾ ਇੰਸਾਂ, ਜੱਸਾ ਸ਼ਰਮਾ ਇੰਸਾਂ ਆਦਿ ਮੌਜ਼ੂਦ ਸਨ।

ਸਰਸਾ। ਜੀਵਨ ’ਚ ਅਸਲੀ ਬਦਲਾਅ ਸਿਰਫ਼ ਵਿਚਾਰਾਂ ਨਾਲ ਨਹੀਂ, ਸਗੋਂ ਸੰਕਲਪਾਂ ਨਾਲ ਆਉਂਦਾ ਹੈ। ਇਸੇ ਸੰਦੇਸ਼ ਨੂੰ ਅੱਗੇ ਵਧਾਉਂਦੇ ਹੋਏ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਨੇ ਸਾਲ 2026 (ਜਨਵਰੀ-ਫਰਵਰੀ, ਮਈ-ਜੂਨ) ’ਚ ਸਾਧ-ਸੰਗਤ ਨੂੰ ਅਜਿਹੇ ਪ੍ਰਣ ਕਰਵਾਏ, ਜੋ ਵਿਅਕਤੀ ਦੇ ਚਰਿੱਤਰ ਨਿਰਮਾਣ ਦੇ ਨਾਲ-ਨਾਲ ਸਮਾਜ ’ਚ ਪ੍ਰੇਮ, ਭਾਈਚਾਰਾ, ਸੇਵਾ ਤੇ ਸਦਭਾਵਨਾ ਨੂੰ ਮਜ਼ਬੂਤ ਕਰਨ ਦਾ ਸੰਦੇਸ਼ ਦਿੰਦੇ ਹਨ। ਜੇਕਰ ਇਨ੍ਹਾਂ ਸੰਕਲਪਾਂ ਨੂੰ ਜੀਵਨ ’ਚ ਅਪਣਾਇਆ ਜਾਵੇ, ਤਾਂ ਇੱਕ ਬਿਹਤਰ ਸਮਾਜ ਦਾ ਨਿਰਮਾਣ ਸੰਭਵ ਹੈ। ਆਓ! ਜਾਣਦੇ ਹਾਂ ਇਸ ਸਾਲ ਪੂਜਨੀਕ ਗੁਰੂ ਜੀ ਨੇ ਕਿਹੜੇ-ਕਿਹੜੇ ਪ੍ਰਣ ਕਰਵਾਏ ਅਤੇ ਉਨ੍ਹਾਂ ਦਾ ਕੀ ਮਹੱਤਵ ਹੈ।

1. 5 ਜਨਵਰੀ 2026 ਦਾ ਪ੍ਰਣ: ਅਸੀਂ ਇਹ ਤਲਬ ਨਹੀਂ ਰੱਖਾਂਗੇ ਕਿ ਮੈਨੂੰ ਸਭ ਕੁਝ ਪਤਾ ਹੋਣਾ ਚਾਹੀਦਾ ਹੈ ਕਿ ਕੀ ਹੋ ਰਿਹਾ ਹੈ। ਡੇਰੇ ’ਚ ਆਪਣੀ ਸੇਵਾ ਨਾਲ ਮਤਲਬ ਰੱਖਾਂਗੇ, ਮੇਰਾ ਬੰਦਾ ਤੇਰਾ ਬੰਦਾ ਨਹੀਂ ਕਰਾਂਗੇ, ਗੁੱਟਬਾਜੀ ਨਹੀਂ ਬਣਾਵਾਂਗੇ।
ਬਚਨ: ਮਾਲਕ ਤੁਹਾਨੂੰ ਖੁਸ਼ੀ-ਸ਼ਾਂਤੀ, ਖੁਸ਼ਨਸੀਬੀ ਵੱਲ ਲੈ ਕੇ ਜਾਵੇ ਅਤੇ ਤੁਹਾਡੀ ਹਰ ਜਾਇਜ਼ ਮੰਗ ਸਤਿਗੁਰੂ ਜ਼ਲਦੀ ਤੋਂ ਜ਼ਲਦੀ ਪੂਰੀ ਕਰੇ।
2. 8 ਜਨਵਰੀ 2026 ਦਾ ਪ੍ਰਣ : ਬੇਸ਼ੱਕ ਕੋਈ ਸਾਡੇ ਨਾਲ ਈਰਖਾ ਕਰੇ, ਅਸੀਂ ਕਿਸੇ ਨਾਲ ਈਰਖਾ ਨਹੀਂ ਕਰਾਂਗੇ। ਸਿਰਫ਼ ਗੁਰੂ ਦੇ ਬਣ ਕੇ ਰਹਾਂਗੇ।
ਬਚਨ : ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਕਿ ਕੋਈ ਵੀ ਖੇਤਰ ਈਰਖਾ ਤੋਂ ਬਚਿਆ ਨਹੀਂ ਹੈ ਇੱਥੋਂ ਤੱਕ ਕਿ ਰੂਹਾਨੀਅਤ ’ਚ ਵੀ ਲੋਕ ਇੱਕ-ਦੂਜੇ ਨਾਲ ਈਰਖਾ ਕਰਦੇ ਹਨ। ਕਈ ਵਾਰ ਕੁਝ ਅਜਿਹਾ ਕਰ ਦਿੰਦੇ ਹਨ ਜੋ ਬਿਲਕੁਲ ਗਲਤ ਹੁੰਦਾ ਹੈ।
3. 9 ਜਨਵਰੀ 2026 ਦਾ ਪ੍ਰਣ: ਆਪਣੀ ਗਲਤੀ ਨੂੰ ਲੁਕਾਉਣ ਲਈ ਝੂਠ ਨਹੀਂ ਬੋਲਾਂਗੇ।
ਬਚਨ : ਮਾਲਕ ਤੁਹਾਨੂੰ ਗਲਤੀ ਨਾ ਕਰਨ ਦੀ ਤਾਕਤ ਦੇਵੇ ਤਾਂ ਕਿ ਝੂਠ ਬੋਲਣ ਦਾ ਚੱਕਰ ਹੀ ਨਾ ਪਵੇ। ਤੁਸੀਂ ਚੰਗਿਆਈ ਕਰਦੇ ਜਾਓ ਪਰ ਅਜਿਹਾ ਨਹੀਂ ਹੁੰਦਾ ਕਿ ਗਲਤੀ ਨਹੀਂ ਹੁੰਦੀ। ਇਨਸਾਨ ਗਲਤੀ ਕਰਦਾ ਹੈ, ਗਲਤੀ ਕਰਕੇ ਮੰਨਣਾ ਕੋਈ ਛੋਟੀ ਗੱਲ ਨਹੀਂ ਹੈ। ਬੱਚੇ ਤਾਂ ਮੰਨ ਲੈਂਦੇ ਹਨ ਵੱਡੇ ਜ਼ਲਦੀ ਨਹੀਂ ਮੰਨਦੇ।
4. 11 ਜਨਵਰੀ 2026 ਦਾ ਪ੍ਰਣ : ਸਤਿਗੁਰੂ ਦੀ ਗੱਲ ਨੂੰ ਦਿਲੋਂ ਸੁਣਾਂਗੇ ਤੇ ਮੰਨਾਂਗੇ। ਬਚਨਾਂ ਨੂੰ ਕਦੇ ਅਣਗੌਲਿਆ ਨਹੀਂ ਕਰਾਂਗੇ।
ਬਚਨ: ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਕਿ ਅਜਿਹਾ ਕਰਨ ਨਾਲ ਮਾਲਕ ਵੀ ਤੁਹਾਨੂੰ ਖੁਸ਼ੀਆਂ ਦੀ ਕੋਈ ਕਮੀ ਨਹੀਂ ਛੱਡੇਗਾ।
5. 15 ਜਨਵਰੀ 2026 ਦਾ ਪ੍ਰਣ: ‘‘ਮਾਲਕਾ ਤੇਰਾ ਸ਼ੁਕਰ ਐ! ਅੱਜ ਮੈਂ ਜਿਉਂਦਾ ਹਾਂ।’’ ਇਹ ਸੋਚ ਕੇ ਦਿਨ ਦੀ ਸ਼ੁਰੂਆਤ 5-10 ਮਿੰਟ ਸਿਮਰਨ ਕਰਕੇ ਪੂਰੇ ਜੋਸ਼ ਨਾਲ ਕਰਾਂਗੇ।
6. 16 ਜਨਵਰੀ 2026 ਦਾ ਪ੍ਰਣ : ਲੰਗਰ ਸਤਿਗੁਰੂ ਦੀ ਨਿਆਮਤ ਮੰਨ ਕੇ ਪੂਰੀ ਸ਼ਰਧਾ ਨਾਲ ਗ੍ਰਹਿਣ ਕਰਾਂਗੇ, ਵੇਸਟਜ ਨਹੀਂ ਕਰਾਂਗੇ। ਤਾਂ ਕਿ ਸਤਿਗੁਰੂ ਨਾਲ ਆਸ਼ਕੀ ਵਧੇ।
ਬਚਨ : ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਜਿੰਨਾ ਲੰਗਰ ਖਾਧਾ ਹੈ ਓਨੀ ਸੇਵਾ ਵੀ ਰੋਜ਼ਾਨਾ ਕਰਾਂਗੇ।
7. 17 ਜਨਵਰੀ 2026 ਦਾ ਪ੍ਰਣ: ਵਿਹਾਰ ਤੇ ਲੈਣ-ਦੇਣ ਦੇ ਸੱਚੇ ਤੇ ਇਮਾਨਦਾਰ ਬਣਾਂਗੇ।
ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਕਿ ਇੱਕ ਸਤਿਸੰਗੀ ਨੂੰ ਹਮੇਸ਼ਾ ਹੀ ਆਪਣੇ ਵਿਹਾਰ ਅਤੇ ਲੈਣ-ਦੇਣ ਦਾ ਸੱਚਾ ਤੇ ਇਮਾਨਦਾਰ ਹੋਣਾ ਚਾਹੀਦਾ ਹੈ।
8. 18 ਜਨਵਰੀ 2026 ਦਾ ਪ੍ਰਣ : ਆਪਣੇ ਗਿਆਨ ਦਾ ਹੰਕਾਰ ਨਹੀਂ ਕਰਾਂਗੇ ਤੇ ਨਿਮਰਤਾ ਪੂਰਵਕ ਦੂਜਿਆਂ ਦੇ ਨਾਲ ਆਪਣਾ ਗਿਆਨ ਵੰਡਾਂਗੇ।
ਬਚਨ: ਅੰਦਰੂਨੀ ਖੁਸ਼ੀ ਨਹੀਂ ਵੰਡਣੀ ਹੈ। ਤੁਹਾਨੂੰ ਜੋ ਚੰਗਾ ਗਿਆਨ ਹੈ ਜਿਸ ਨਾਲ ਕਿਸੇ ਦਾ ਭਲਾ ਹੋ ਜਾਵੇ ਉਹ ਗਿਆਨ ਵੰਡਣਾ ਚਾਹੀਦਾ ਹੈ ਪਰ ਗਿਆਨ ਉਸ ਜਗ੍ਹਾ ਵੰਡਣਾ ਚਾਹੀਦਾ ਹੈ ਜਿਸ ਜਗ੍ਹਾ ਕਦਰ ਹੋਵੇ। ਭੈਂਸ ਕੇ ਆਗੇ ਬੀਨ ਬਜਾਏ, ਭੈਂਸ ਬੈਠੀ ਪਗੁਰਾਏ। ਕਿਤੇ ਤੁਸੀਂ ਪੰਗਾ ਲੈ ਲੋ ਅਤੇ ਕਿਸੇ ਨੂੰ ਦੱਸੋ ਤਾਂ ਉਹ ਕਹੇ ਮੇਰਾ ਤਾਂ ਨੁਕਸਾਨ ਕਰਵਾ ਦਿੱਤਾ। ਉਸ ਜਗ੍ਹਾਂ ਦੱਸੋ ਜਿਸ ਜਗ੍ਹਾ ਕੋਈ ਸੁਣਨ ਵਾਲਾ ਹੋਵੇ। ਇੱਕ ਬੰਦੇ ਨੇ ਕਿਸੇ ਖੇਤ ਵਾਲੇ ਨੂੰ ਦੱਸਿਆ ਕਿ ਤਾਊ, ਇਹ ਕੰਮ ਇਸ ਤਰ੍ਹਾਂ ਨਹੀਂ ਹੁੰਦਾ। ਉਹ ਕਹਿਣ ਲੱਗਾ ‘‘ਓਏ! ਤੂੰ ਕਿੰਨਾ ਪੜਿ੍ਹਆ ਹੈਂ? ਉਸ ਨੇ ਕਿਹਾ ਕਿ ਮੈਂ ਬੀ.ਏ. ਹਾਂ। ਤਾਊ ਹੱਸ ਪਿਆ। ਉਸ ਨੇ ਕਿਹਾ ‘ਹੱਸੇ ਕਿਉਂ?’ ਤਾਊ ਨੇ ਕਿਹਾ, ‘ਭਾਈ! ਦੋ ਅੱਖਰ ਪੜ੍ਹੇੇ ਉਹ ਵੀ ਪੁੱਠੇ। ਏ, ਬੀ ਹੁੰਦਾ ਹੈ ਬੀ, ਏ ਨਹੀਂ ਹੁੰਦਾ।’ ਤਾਂ ਅਜਿਹਾ ਪੰਗਾ ਨਾ ਲੈ ਲਿਓ ਭਾਈ ਇਸ ਲਈ ਇਹ ਅਸੀਂ ਨਾਲ ਲਾ ਦਿੱਤਾ ਕਿ ਗਿਆਨ ਜ਼ਰੂਰ ਦਿਓ ਪਰ ਜਿਸ ਜਗ੍ਹਾ ਲੈਣ ਵਾਲਾ ਹੋਵੇ।
9. 20 ਜਨਵਰੀ 2026 ਦਾ ਪ੍ਰਣ: ਗੁੱਸਾ ਕਿਸੇ ਹੋਰ ’ਤੇ ਕੱਢਣ ਦੀ ਬਜਾਏ ਆਪਣੇ ਪਿੱਲੋ (ਸਰ੍ਹਾਣੇ) ’ਤੇ ਕੱਢਾਂਗੇ।
ਬਚਨ: ਪੂਜਨੀਕ ਗੁਰੂ ਜੀ ਨੇ ਫਰਮਾਇਆ ਕਿ ਤੁਸੀਂ ਇਕੱਲੇ ਏਕਾਂਤ ’ਚ ਜਾ ਕੇ ਆਪਣੀ ਭੜਾਸ ਕੱਢ ਸਕਦੇ ਹੋ ਜਿਵੇਂ ਬਾਥਰੂਮ ’ਚ, ਸਰ੍ਹਾਣੇ ’ਤੇ ਮੁੱਕੇ ਮਾਰ ਕੇ ਕੱਢ ਲਿਆ ਕਰੋ।
10. 21 ਜਨਵਰੀ 2026 ਦਾ ਪ੍ਰਣ: ਸੇਵਾ ਦੇ ਦੌਰਾਨ ਇਹ ਧਿਆਨ ਰੱਖਾਂਗੇ ਕਿ ਡੇਰੇ ਦੇ ਇੱਕ ਪੈਸੇ ਦਾ ਵੀ ਨੁਕਸਾਨ ਨਾ ਹੋਵੇ।
ਬਚਨ: ਅਸੀਂ ਚਾਹਾਂਗੇ ਕਿ ਤੁਸੀਂ ਘਰ ’ਚ ਵੀ ਧਿਆਨ ਰੱਖੋ ਕਿ ਤੁਹਾਡੇ ਘਰ ਦਾ ਨੁਕਸਾਨ ਨਾ ਹੋਵੇ ਅਤੇ ਡੇਰੇ ਦਾ ਵੀ ਨੁਕਸਾਨ ਨਾ ਹੋਵੇ ਕਿਉਂਕਿ ਘਰ ’ਚ ਵੀ ਤੁਸੀਂ ਜੇਕਰ ਸਹੀ ਤਰੀਕੇ ਨਾਲ ਚੱਲੋਗੇ ਤਾਂ ਬਰਕਤਾਂ ਹੀ ਬਰਕਤਾਂ ਅਤੇ ਤਨ, ਮਨ, ਧਨ ਨਾਲ ਤੁਸੀਂ ਸੇਵਾ ਕਰ ਸਕੋਗੇ।
11. 22 ਜਨਵਰੀ 2026 ਦਾ ਪ੍ਰਣ: ਜਿੰਨਾ ਹੋ ਸਕੇ ਆਪਣਾ ਕੰਮ ਖੁਦ ਕਰਾਂਗੇ।
ਬਚਨ: ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਕਿ ਅਸੀਂ ਤਾਂ ਸ਼ੁਰੂ ਤੋਂ ਹੀ ਆਪਣੇ ਸਾਰੇ ਕੰਮ ਖੁਦ ਕਰਦੇ ਹਾਂ।
12. 24 ਜਨਵਰੀ 2026 ਦਾ ਪ੍ਰਣ: ਘਰ ’ਚ ਖਾਣਾ ਤੇ ਡੇਰੇ ’ਚ ਲੰਗਰ ਸਿਮਰਨ ਕਰਦੇ ਹੋਏ ਬਣਾਵਾਂਗੇ।
ਬਚਨ: ਜੇਕਰ ਤੁਸੀਂ ਅਜਿਹਾ ਕਰ ਲਓ ਤਾਂ ਵਾਰੇ-ਨਿਆਰੇ ਹੋ ਜਾਣਗੇ। ਇਹ ਬਹੁਤ ਵੱਡੀ ਗੱਲ ਹੈ ਤੁਸੀਂ ਜ਼ਰੂਰ ਕਰਿਓ। ਭਗਵਾਨ ਕਰੇ ਇਸ ’ਚ ਬਰਕਤ ਆਵੇ, ਤੁਹਾਡੇ ’ਚ ਕ੍ਰੋਧ ਘੱਟ ਹੋ ਜਾਵੇ, ਟੈਨਸ਼ਨ ਘੱਟ ਹੋ ਜਾਵੇ ਜੋ ਨੱਕ ਚੜਿ੍ਹਆ ਰਹਿੰਦਾ ਹੈ ਉਹ ਲੈਵਲ ’ਤੇ ਆ ਜਾਵੇ ਭਾਵ ਜਿਸ ਦੇ ਗੁੱਸਾ ਨੱਕ ’ਤੇ ਰਹਿੰਦਾ ਹੈ ਨੱਕ ਤੋਂ ਉੱਡ ਜਾਵੇ।
13. 25 ਜਨਵਰੀ 2026 ਦਾ ਪ੍ਰਣ: ਖੁਦ ਦਾ ਮਨ ਸੇਵਾ-ਸਿਮਰਨ ’ਚ ਲਾਵਾਂਗੇ ਤੇ ਜੇਕਰ ਕਿਸੇ ਦੂਜੇ ਦਾ ਮਨ ਹਾਵੀ ਹੈ ਤਾਂ ਉਸ ਦੀ ਗਲਤਫਹਿਮੀ ਦੂਰ ਕਰਕੇ ਮਾਲਕ ਨਾਲ ਜੋੜਨ ਦੀ ਕੋਸ਼ਿਸ਼ ਕਰਾਂਗੇ।
ਬਚਨ: ਪੂਜਨੀਕ ਗੁਰੂ ਜੀ ਨੇ ਫਰਮਾਇਆ, ਅਸ਼ੀਰਵਾਦ! ਮਾਲਕ ਤੁਹਾਨੂੰ ਖੁਸ਼ੀਆਂ ਨਾਲ ਨਵਾਜੇ। ਇੱਕ ਵਿੱਛੜੇ ਨੂੰ ਮਾਂ ਨਾਲ ਮਿਲਾਉਣ ਜਿਹਾ ਕੋਈ ਹੋਰ ਪੁੰਨ ਨਹੀਂ ਹੈ।
14. 29 ਜਨਵਰੀ 2026 ਦਾ ਪ੍ਰਣ: ਕਿਸੇ ਵੀ ਗੱਲ ’ਤੇ ਤੁਰੰਤ ਗੁੱਸੇ ’ਚ ਰਿਐਕਟ ਨਹੀਂ ਕਰਾਂਗੇ। ਹੌਸਲੇ ਨਾਲ ਜਵਾਬ ਦੇਵਾਂਗੇ।
15. 30 ਜਨਵਰੀ 2026 ਦਾ ਪ੍ਰਣ: ਸੇਵਾ ਵਧ-ਚੜ੍ਹ ਕੇ ਕਰਾਂਗੇ। ਸੇਵਾ ਨੂੰ ਆਪਣੇ ਜੀਵਨ ਦਾ ਹਿੱਸਾ ਬਣਾਵਾਂਗੇ।
ਬਚਨ: ਜ਼ੋਰ-ਸ਼ੋਰ ਨਾਲ ਸੇਵਾ ਕਰਨਾ ਭਗਵਾਨ ਮੇਵਾ ਦੇਵੇਗਾ। ਘਰ-ਪਰਿਵਾਰ ’ਚ ਖੁਸ਼ੀਆਂ ਆਉਣਗੀਆਂ ਅਤੇ ਕੰਮ-ਧੰਦੇ ’ਚ ਤਰੱਕੀ ਹੋਵੇਗੀ।
16. 31 ਜਨਵਰੀ 2026 ਦਾ ਪ੍ਰਣ: ਕਦੇ ਇਹ ਨਹੀਂ ਸੋਚਾਂਗੇ ਕਿ ਮੈਂ ਬਹੁਤ ਕੰਮ ਕਰ ਲਿਆ, ਮੈਂ ਥੱਕ ਗਿਆ ਸਗੋਂ ਇਹ ਸੋਚਾਂਗੇ ਕਿ ਅਜੇ ਤਾਂ ਹੋਰ ਕੰਮ ਕਰਨਾ ਹੈ ਤਾਂ ਕਿ ਕਦੇ ਥਕਾਵਟ ਹੀ ਨਾ ਆਵੇ।
ਬਚਨ: ਪ੍ਰਣ ’ਤੇ ਅਮਲ ਕਰਨਾ। ਕਈ ਲੋਕਾਂ ਦੀ ਆਦਤ ਹੈ ਇੱਥੋਂ ਮਜਲਿਸ ’ਚੋਂ ਉੱਠਦੇ ਹੀ ਅਜਿਹਾ ਕਹਿਣ ਦੀ। ਕਈ ਤਾਂ ਬੈਠੇ-ਬੈਠੇ ਠੰਢ ਨਾਲ ਜੁੜ ਜਾਂਦੇ ਹਨ। ਹੁਣੇ ਪਤਾ ਲੱਗ ਜਾਵੇ ਕਿ ਕਿੰਨਾ ਅਮਲ ਕਰਦੇ ਹੋ। ਮਜਲਿਸ ’ਚੋਂ ਉੱਠਦੇ ਸਮੇਂ ਕਹੋ ਕਿ ਆਹਾ! ਮਜ਼ਾ ਆ ਰਿਹਾ ਹੈ। ਆਪਣੇ-ਆਪ ਨੂੰ ਹੁਣੇ ਤੋਂ ਬਦਲਣਾ ਹੋਵੇਗਾ। ਬੁੱਲੇ ਸ਼ਾਹ ਵਾਲੀ ਗੱਲ ਹੀ ਯਾਦ ਆਉਂਦੀ ਹੈ ਕਿ ‘‘ਮਨ ਦਾ ਕੀ ਸਮਝਾਉਣਾ, ਇੱਧਰੋਂ ਪੁੱਟ ਕੇ, ਉੱਧਰ ਲਾਉਣਾ।’’ ਹਮੇਸ਼ਾ ਪਾਜ਼ਿਟਿਵ ਰਹੋ।
17. 4 ਫਰਵਰੀ 2026 ਦਾ ਪ੍ਰਣ: ਕੋਈ ਵੀ ਨੇਕ ਕੰਮ ਲਈ ਟਾਲ-ਮਟੋਲ ਨਹੀਂ ਕਰਾਂਗੇ, ਕੰਮ ਸਮੇਂ ’ਤੇ ਤੁਰੰਤ ਕਰਾਂਗੇ।
18. 5 ਫਰਵਰੀ 2026 ਦਾ ਪ੍ਰਣ: ਜਦੋਂ ਵੀ ਪਰਿਵਾਰ ’ਚ ਕੋਈ ਸਾਡੇ ’ਤੇ ਗੁੱਸਾ ਕਰੇ ਤਾਂ ਅਸੀਂ ਉਲਟਾ ਉਸ ’ਤੇ ਗੁੱਸਾ ਹੋਣ ਦੀ ਬਜਾਇ ਪਿਆਰ ਨਾਲ ਦੀਨਤਾ ਨਾਲ ਹੱਥ ਜੋੜ ਕੇ ਨਾਅਰਾ ਬੋਲਾਂਗੇ।
ਬਚਨ: ਜੇਕਰ ਤੁਸੀਂ ਇਸ ਤਰ੍ਹਾਂ ਗੁੱਸਾ ਕਰ ਬੈਠੇ, ਕੋਈ ਗੱਲ ਨਹੀਂ ਜਿਵੇਂ ਹੀ ਤੁਹਾਡੇ ’ਤੇ ਕੋਈ ਗੁੱਸਾ ਹੋਣਾ ਸ਼ੁਰੂ ਹੋਇਆ ਅਤੇ ਤੁਸੀਂ ਕਿਹਾ, ‘‘ਧੰਨ ਧੰਨ ਸਤਿਗੁਰੂ ਤੇਰਾ ਹੀ ਆਸਰਾ’’ ਹੋ ਸਕਦਾ ਹੈ ਇਸ ਨਾਲ ਸਾਹਮਣੇ ਵਾਲੇ ਦਾ ਗੁੱਸਾ ਹੀ ਟਲ਼ ਜਾਵੇ।
19. 6 ਫਰਵਰੀ 2026 ਦਾ ਪ੍ਰਣ: ਬੱਚਿਆਂ ਨੂੰ ਸਮਝਾਉਣ ਲਈ ਖੁਦ ਉਦਾਹਰਨ ਬਣ ਕੇ ਪੇਸ਼ ਆਵਾਂਗੇ।
20. 8 ਫਰਵਰੀ 2026 ਦਾ ਪ੍ਰਣ: ਜੇਕਰ ਕੋਈ ਸਾਨੂੰ ਸਾਡੀ ਗਲਤੀ ਦੱਸਦਾ ਹੈ ਤਾਂ ਅਸੀਂ ਉਸ ਦਾ ਬੁਰਾ ਨਹੀਂ ਮੰਨਾਂਗੇ ਸਗੋਂ ਗਲਤੀ ਨੂੰ ਸੁਧਾਰਾਂਗੇ।
21. 27 ਮਈ 2026 ਦਾ ਪ੍ਰਣ: ਜਦੋਂ ਵੀ ਇੱਕ-ਦੂਜੇ ਨੂੰ ਮਿਲਾਂਗੇ ਤਾਂ ਉਨ੍ਹਾਂ ਤੋਂ ‘‘ਸੇਵਾ-ਸਿਮਰਨ ਤੇ ਮਾਲਕ ਨਾਲ ਪਿਆਰ ਕਿਵੇਂ ਹੈ?’’ ਜ਼ਰੂਰ ਪੁੱਛਾਂਗੇ।
ਬਚਨ: ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਕਿ ਜੇਕਰ ਤੁਸੀਂ ਅਜਿਹਾ ਪੁੱਛੋਗੇ ਤਾਂ ਦੂਜੇ ਨੂੰ ਦੱਸਣ ਲਈ ਤੁਸੀਂ ਖੁਦ ਵੀ ਸਿਮਰਨ ਕਰਨ ਲੱਗੋਗੇ।
22. 28 ਮਈ 2026 ਦਾ ਪ੍ਰਣ: ਜੇਕਰ ਕਿਸੇ ਅਤਿ ਜ਼ਰੂਰਤਮੰਦ ਗਰੀਬ ਨੂੰ ਉਧਾਰ ਦਿੱਤਾ ਹੈ, ਤਾਂ ਪੈਸਾ ਵਾਪਸ ਲੈਂਦੇ ਸਮੇਂ, ਵਿਆਜ ਛੱਡ ਕੇ ਸਿਰਫ਼ ਮੂਲ ਵਾਪਸ ਲਵਾਂਗੇ ਤਾਂ ਕਿ ਉਸ ’ਤੇ ਬੋਝ ਨਾ ਪਵੇ।
ਬਚਨ: ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਕਿ ਲਗਭਗ 1974-75 ’ਚ ਪੂਜਨੀਕ ਬਾਪੂ ਜੀ ਅਤੇ ਅਸੀਂ ਸੂਰਾਂਵਾਲੀ ਪਿੰਡ ਦੇ ਇੱਕ ਗਰੀਬ ਪਰਿਵਾਰ ਦੀ ਲੜਕੀ ਦੇ ਵਿਆਹ ’ਚ 200 ਰੁਪਏ ਦੀ ਆਰਥਿਕ ਮੱਦਦ ਕੀਤੀ ਜੋ ਉਸ ਦੇ ਵਾਪਸ ਕਰਨ ’ਤੇ ਵੀ ਨਹੀਂ ਲਏ।
23. 29 ਮਈ 2026 ਦਾ ਪ੍ਰਣ: ਸੇਵਾ ਦੇ ਦੌਰਾਨ ਡਿਊਟੀ ਠੋਕ ਕੇ ਦੇਵਾਂਗੇ। ਗੁੱਸਾ ਨਹੀਂ ਕਰਾਂਗੇ, ਮਿੱਠਾ ਬੋਲਾਂਗੇ। ਅਕੜੂਚੰਦ, ਮਕੜੂਨਾਥ, ਆਗੜੇ ਤੇ ਬਾਘੜੇ ਨਹੀਂ ਬਣਾਂਗੇ।
ਬਚਨ: ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਕਿ ਹੁਣ ਸਾਰੇ ਖਾਸਕਰ ਬੱਚੇ ਇਨ੍ਹਾਂ ਸੇਵਾਦਾਰਾਂ ਨੂੰ ਇਸ ਤਰ੍ਹਾਂ ਦੇਖਣਗੇ ਕਿ ਹਾਂ, ਇਹ ਉਹ ਹਨ ਭਾਵ ਆਗੜੇ, ਬਾਘੜੇ ਹਨ ਜਾਂ ਫਿਰ ਅਕੜੂਚੰਦ, ਮਕੜੂਨਾਥ ਹਨ।
24. 30 ਮਈ 2026 ਦਾ ਪ੍ਰਣ: ਪੰਛੀਆਂ ਲਈ ਦਾਣਾ ਤੇ ਪਾਣੀ ਦੇ ਕਟੋਰੇ ਰੱਖਾਂਗੇ ਤੇ ਉਸ ’ਚ ਰੋਜ਼ਾਨਾ ਪਾਣੀ ਪਾਇਆ ਕਰਾਂਗੇ।
ਬਚਨ: ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ, ਇਹ ਬਹੁਤ ਦਇਆ-ਭਾਵਨਾ ਦਾ ਕੰਮ ਹੈ। ਅਸੀਂ ਵੀ ਤੇਰਾਵਾਸ ’ਚ 36 ਕਟੋਰੇ ਰਖਵਾਏ ਹਨ।
25. 31 ਮਈ 2026 ਦਾ ਪ੍ਰਣ: ਜਦੋਂ ਤੱਕ ਬਹੁਤ ਜ਼ਿਆਦਾ ਜ਼ਰੂਰੀ ਨਾ ਹੋਵੇ, ਨਾਮ ਚਰਚਾ ਸਤਿਸੰਗ ’ਚ ਇੱਕ-ਦੂਜੇ ਨਾਲ ਗੱਲ ਨਹੀਂ ਕਰਾਂਗੇ। ਚੁੱਪ ਰਹਿ ਕੇ ਅਨਮੋਲ ਬਚਨ ਤੇ ਸ਼ਬਦਬਾਣੀ ਸੁਣਾਂਗੇ।
ਬਚਨ: ਸਤਿਸੰਗ ’ਚ ਚੁੱਪਚਾਪ ਬੈਠ ਕੇ ਸਤਿਸੰਗ ਸੁਣੋਗੇ ਤਾਂ ਬਹੁਤ ਕੁਝ ਪ੍ਰਾਪਤ ਕਰੋਗੇ।
26. 2 ਜੂਨ 2026 ਦਾ ਪ੍ਰਣ: ਵਾਕਿੰਗ ਤੇ ਰਨਿੰਗ ਕਰਦੇ ਸਮੇਂ ਨਾਲ-ਨਾਲ ਸਿਮਰਨ ਕਰਾਂਗੇ।
ਬਚਨ: ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਕਿ ਪੁੰਨ ਦਾ ਪੁੰਨ ਨਾਲ ਹੀ ਫਲੀਆਂ। ਐਕਸਰਸਾਈਜ਼ ਵੀ ਹੋ ਜਾਵੇਗੀ ਤੇ ਸਿਮਰਨ ਵੀ ਬਣੇਗਾ।
27. 4 ਜੂਨ 2026 ਦਾ ਪ੍ਰਣ: ਅਸੀਂ ਡੇਰੇ ਦੇ ਆਫੀਸ਼ੀਅਲ ਚੈਨਲਾਂ ਨੂੰ ਹੀ ਫਾਲੋ ਕਰਾਂਗੇ। ਡੇਰੇ ਤੇ ਹੋਰ ਨਾਂਅ ਤੋਂ ਬਣੇ ਫੇਕ ਪੇਜ ਤੇ ਚੈਨਲਾਂ ਨੂੰ ਅਨਫਾਲੋ ਕਰਾਂਗੇ ਤੇ ਉਸ ਦੀ ਜਾਣਕਾਰੀ ਨੂੰ ਕਿਸੇ ਨਾਲ ਸ਼ੇਅਰ ਨਹੀਂ ਕਰਾਂਗੇ।
ਬਚਨ: ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ, ਫਾਲੋ ਕਰਦੇ ਹੀ ਸਤਿਸੰਗ ਵਰਗੀਆਂ ਖੁਸ਼ੀਆਂ ਦਾ ਅਹਿਸਾਸ ਤੁਹਾਨੂੰ ਹੋਣਾ ਸ਼ੁਰੂ ਹੋ ਜਾਵੇਗਾ।
28. 6 ਜੂਨ 2026 ਦਾ ਪ੍ਰਣ: ਦੂਜਿਆਂ ਨੂੰ ਸਲਾਹ ਦੇਣ ਤੋਂ ਪਹਿਲਾਂ ਖੁਦ ਨੇਕ-ਚੰਗੇ ਕਰਮ ਕਰਾਂਗੇ ਤੇ ਉਦਾਹਰਨ ਬਣਾਂਗੇ।
ਬਚਨ: ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ, ਜ਼ਰੂਰਤ ਪੈਣ ’ਤੇ ਸਲਾਹ ਵੀ ਜ਼ਰੂਰ ਦੇਣੀ ਚਾਹੀਦੀ ਹੈ ਜੇਕਰ ਤੁਹਾਨੂੰ ਤਜ਼ਰਬਾ ਹੈ। ਅਸੀਂ ਤਾਂ ਤੁਹਾਨੂੰ ਸਲਾਹ ਦਿੰਦੇ ਹੀ ਰਹਿੰਦੇ ਹਾਂ। ਤੁਸੀਂ ਕਿੰਨੀ ਮੰਨਦੇ ਹੋ ਤੁਹਾਡੇ ’ਤੇ ਨਿਰਭਰ ਕਰਦਾ ਹੈ। ਜਿਸ ਜਗ੍ਹਾ ਜ਼ਰੂਰੀ ਹੋਵੇ ਉਸ ਜਗ੍ਹਾ ਸਲਾਹ ਦੇ ਵੀ ਸਕਦੇ ਹੋ।
29. 7 ਜੂਨ 2026 ਦਾ ਪ੍ਰਣ: ਜਿਸ ਤਰ੍ਹਾਂ ਰੋਜ਼ਾਨਾ ਸਵੇਰੇ ਬਾਹਰ ਦੀ ਸਫ਼ਾਈ ਕਰਦੇ ਹਾਂ ਉਸੇ ਤਰ੍ਹਾਂ ਰੋਜ਼ ਰਾਤ ਨੂੰ ਦਿਲ ਦੀ ਸਫ਼ਾਈ ਕਰਾਂਗੇ। ਜੇਕਰ ਕਿਸੇ ਨੇ ਸਾਡੇ ਨਾਲ ਬੁਰਾ ਕੀਤਾ ਹੈ ਤਾਂ ਉਸ ਨੂੰ ਭੁਲਾ ਕੇ ਹਰ ਰੋਜ਼ ਨਵਾਂ ਦਿਨ ਸ਼ੁਰੂ ਕਰਾਂਗੇ।
ਬਚਨ: ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਇੱਕ ਬੱਚੇ ਨੇ ਸ਼ੇਅਰ ਸੁਣਾਇਆ ਸੀ - ‘‘ਮੈਨੇ ਆਪ ਜੀ ਕਾ ਬਚਨ ਮਾਨਕਰ ਕਿਸੀ ਸੇ ਮਾਫ਼ੀ ਮਾਂਗੀ ਔਰ ਕਿਸੀ ਕੋ ਮਾਫ਼ ਕਰ ਦੀਆ। ਵਾਹ! ਮਾਲਿਕ ਯਹ ਤੋ ਆਪ ਜੀ ਨੇ ਮੇਰੀ ਜ਼ਿੰਦਗੀ ਕੋ ਬੜਾ ਆਸਾਨ ਕਰ ਦੀਆ॥’’
30. 11 ਜੂਨ 2026 ਦਾ ਪ੍ਰਣ: ਆਪਸ ’ਚ ਕਿੰਨੀ ਵੀ ਵੱਡੀ ਗੱਲ ਕਿਉਂ ਨਾ ਹੋ ਜਾਵੇ, ਇੱਕ-ਦੂਜੇ ਨੂੰ ਨਾਅਰਾ ਜ਼ਰੂਰ ਲਾਵਾਂਗੇ।
ਬਚਨ: ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਕਿ ਨਾਅਰਾ ਲਾਉਣਾ ਚਾਹੀਦਾ ਹੈ। ਇੱਕ-ਦੂਜੇ ਨੂੰ ਮਿਲਦੇ ਹੋਏ ਜੋ ਪਹਿਲਾਂ ਨਾਅਰਾ ਲਾਉਂਦਾ ਹੈ ਸਤਿਗੁਰੂ ਦਾ ਮੂੰਹ ਉਸ ਵੱਲ ਹੁੰਦਾ ਹੈ ਸੋ ਨਾਅਰਾ ਜ਼ਰੂਰ ਲਾਇਆ ਕਰੋ। ਮਾਲਕ ਤੁਹਾਨੂੰ ਖੁਸ਼ੀਆਂ ਦੇਵੇ। ਨਾਅਰੇ ਦੀਆਂ ਖੁਸ਼ੀਆਂ ਵੱਖਰੀਆਂ ਮਿਲਣ।
31. 12 ਜੂਨ 2026 ਦਾ ਪ੍ਰਣ: ਸਤਿਸੰਗ-ਸੇਵਾ-ਸਿਮਰਨ (SSS) ਦਾ ਸਿਮ ਕਾਰਡ ਯੂਜ ਕਰਦੇ ਹੋਏ ਮਨ ਦਾ ਮੁਕਾਬਲਾ ਕਰਾਂਗੇ।
ਬਚਨ: ਪੂਜਨੀਕ ਗੁਰੂ ਜੀ ਨੇ ਫਰਮਾਇਆ ਕਿ ਮਾਲਕ ਤੁਹਾਡੇ ਘਰ ਤੇ ਸਰੀਰ ’ਚ ਖੁਸ਼ੀਆਂ ਤੇ ਨਵੀਂ ਊਰਜਾ ਦੇਵੇ।
32. 14 ਜੂਨ 2026 ਦਾ ਪ੍ਰਣ: ਥੈਲੇਸੀਮੀਆ ਦੇ ਮਰੀਜ਼ਾਂ ਲਈ ਜ਼ਰੂਰਤ ਅਨੁਸਾਰ ਜਿੱਥੇ ਵੀ ਜ਼ਰੂਰਤ ਹੋਵੇਗੀ ਨਿਯਮਿਤ ਰੂਪ ’ਚ ਖੂਨਦਾਨ ਕਰਾਂਗੇ।
ਬਚਨ: ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਕਿ ਖੂਨਦਾਨ ਮਹਾਂਦਾਨ। ਕਿਸੇ ਵੀ ਬਿਮਾਰ ਦੀ ਸਹਾਇਤਾ ਕਰਨ ਨਾਲ ਮਾਲਕ ਖੁਸ਼ੀਆਂ ਨਾਲ ਮਾਲਾਮਾਲ ਕਰ ਦਿੰਦਾ ਹੈ।
33. 16 ਜੂਨ 2026 ਦਾ ਪ੍ਰਣ: ਅਸੀਂ ਏਆਈ ਟੈਕਨਾਲੋਜੀ ਤੇ ਸੋਸ਼ਲ ਮੀਡੀਆ ਦੀ ਵਰਤੋਂ ਸਿੱਖਿਆ, ਜਾਗਰੂਕਤਾ ਤੇ ਸਮਾਜ ਕਲਿਆਣ ਲਈ ਕਰਾਂਗੇ, ਨਾ ਕਿਸੇ ਨੂੰ ਨੁਕਸਾਨ ਪਹੁੰਚਾਉਣ ਤੇ ਗੁੰਮਰਾਹ ਕਰਨ ਲਈ।
ਬਚਨ: ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਮਾਲਕ ਤੁਹਾਡੇ ਧਿਆਨ ਨੂੰ ਹੋਰ ਵਧਾਵੇ, ਤੁਸੀਂ ਤਰੱਕੀ ਕਰੋ।
34. 17 ਜੂਨ 2026 ਦਾ ਪ੍ਰਣ: ਸੁਖਦੁਆ ਸਮਾਜ ਨੂੰ ਸਨਮਾਨ ਦੇਵਾਂਗੇ ਤੇ ਉਨ੍ਹਾਂ ਨੂੰ ਕੋਈ ਗਲਤ ਸ਼ਬਦ ਨਹੀਂ ਕਹਾਂਗੇ।
ਬਚਨ: ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ, ਸੁਖਦੁਆ ਸਮਾਜ ਵੀ ਗਾਲ੍ਹਾਂ ਜਾਂ ਅਜਿਹੀ ਚੀਜ਼ ਨਹੀਂ ਕਰੇਗਾ, ਤੁਸੀਂ ਵੀ ਸੁਖਦੁਆ ਸਮਾਜ ਦੇ ਲੋਕਾਂ ਨੂੰ ਗਾਲ੍ਹਾਂ ਨਹੀਂ ਦਿਓਗੇ, ਗਲਤ ਸ਼ਬਦ ਨਹੀਂ ਕਹੋਗੇ। ਪਰਿਵਾਰ, ਜਿੱਥੇ ਉਹ ਜਾਂਦੇ ਹਨ, ਉਹ ਵੀ ਗਲਤ ਨਾ ਬੋਲਣ ਅਤੇ ਜਾਣ ਵਾਲੇ ਵੀ ਉਨ੍ਹਾਂ ਨੂੰ ਗਲਤ ਨਾ ਬੋਲਣ।
35. 19 ਜੂਨ 2026 ਦਾ ਪ੍ਰਣ: ਕਿਸੇ ਵੀ ਨੇਕ ਕਾਰਜ ਲਈ ‘‘ਮੈਂ ਕਰ ਨਹੀਂ ਸਕਦਾ’’ ਕਦੇ ਨਹੀਂ ਬੋਲਾਂਗੇ। ‘‘ਮੈਂ ਕਰ ਲਵਾਂਗਾ, ਕਰਕੇ ਛੱਡਾਂਗਾ’’ ਇਹ ਸ਼ਬਦ ਬੋਲਾਂਗੇ। ਨੈਗੇਟੀਵਿਟੀ ਛੱਡ ਕੇ ਜਨੂੰਨ ਨਾਲ ਅੱਗੇ ਵਧਾਂਗੇ।
36. 20 ਜੂਨ 2026 ਦਾ ਪ੍ਰਣ: ਦੁਨੀਆਂ ਵੱਲੋਂ ਅੰਨ੍ਹੇ, ਬੋਲੇ, ਗੂੰਗੇ ਹੋ ਕੇ ਸੱਚੇ ਮੁਰੀਦ ਬਣ ਕੇ ਰਹਾਂਗੇ। ਸਤਿਗੁਰੂ ਜੋ ਦਿਖਾਵੇ ਉਹ ਦੇਖਾਂਗੇ, ਜੋ ਸੁਣਾਵੇ ਉਹ ਸੁਣਾਂਗੇ, ਜੋ ਬੁਲਾਵੇ ਉਹ ਬੋਲਾਂਗੇ।
ਬਚਨ: ਪੂਜਨੀਕ ਗੁਰੂ ਜੀ ਨੇ ਫਰਮਾਇਆ ਕਿ ਤੁਸੀਂ ਇਹ ਪ੍ਰਣ ਨਾਅਰਾ ਲਾ ਕੇ ਕਰਦੇ ਹੋ ਤਾਂ ਮਾਲਕ ਤੁਹਾਨੂੰ ਜ਼ਲਦੀ ਤੋਂ ਜ਼ਲਦੀ ਉਹ ਖੁਸ਼ੀਆਂ, ਜੋ ਪੂਰਨ ਮੁਰੀਦ ਨੂੰ ਮਿਲਦੀਆਂ ਹਨ, ਤੁਹਾਡੀ ਝੋਲੀ ’ਚ ਵੀ ਪਾਵੇ।
37. 21 ਜੂਨ 2026 ਦਾ ਪ੍ਰਣ: ਹਮੇਸ਼ਾ ਸਟੂਡੈਂਟ ਬਣੇ ਰਹਾਂਗੇ। ਦੂਜਿਆਂ ਤੋਂ ਗਲਤ ਆਦਤਾਂ ਗ੍ਰਹਿਣ ਨਹੀਂ ਕਰਾਂਗੇ ਸਗੋਂ ਚੰਗੇ ਗੁਣਾਂ ਨੂੰ ਅਪਣਾਵਾਂਗੇ।
ਬਚਨ: ਪੂਜਨੀਕ ਗੁਰੂ ਜੀ ਨੇ ਫ਼ਰਮਾਇਆ ਕਿ ਤੁਹਾਡੇ ਅੰਦਰ ਮਾਲਕ ਦੇ ਦਰਸ਼ਨਾਂ ਦਾ ਗੁਣ ਐਡ ਹੋ ਜਾਵੇ, ਨੂਰੀ ਦਰਸ਼ਨ ਜਾਂ ਸਾਦੇ ਦਰਸ਼ਨ ਕੋਈ ਵੀ।
38. 24 ਜੂਨ 2026 ਦਾ ਪ੍ਰਣ: ਰੋਜ਼ਾਨਾ ਸਿਮਰਨ ਤੋਂ ਪਹਿਲਾਂ ਸਤਿਗੁਰੂ ਦੀ ਤੰਦਰੁਸਤੀ ਤੇ ਡੇਰੇ ਦੀ ਤਰੱਕੀ ਲਈ ਅਰਦਾਸ ਕਰਾਂਗੇ।

ਸੱਚੇ ਰੂਹਾਨੀ ਰਹਿਬਰ ਪੂਜਨੀਕ ਗੁਰੂ ਸੰਤ ਡਾ. ਗੁਰਮੀਤ ਰਾਮ ਰਹੀਮ ਸਿੰਘ ਜੀ ਇੰਸਾਂ ਫ਼ਰਮਾਉਂਦੇ ਹਨ ਕਿ ਮਨ ਇੱਕ ਅਜਿਹੀ ਬੁਰੀ ਬਲਾ ਹੈ, ਜੋ ਜਲਦੀ ਨਾਲ ਕਾਬੂ ਵਿੱਚ ਨਹੀਂ ਆਉਂਦਾ। ਜਿਨ੍ਹਾਂ ਲੋਕਾਂ ਨੂੰ ਮਨ ਦੀ ਖ਼ੁਰਾਕ ਮਿਲਣੀ ਸ਼ੁਰੂ ਹੋ ਜਾਂਦੀ ਹੈ, ਉਹ ਸਾਰੀਆਂ ਹੱਦਾਂ ਪਾਰ ਕਰਕੇ ਮਨ ਦੀ ਖ਼ੁਰਾਕ ਲੈਣ ਕਿਤੇ ਵੀ ਪਹੁੰਚ ਜਾਂਦੇ ਹਨ। ਨਿੰਦਿਆ, ਦੂਜਿਆਂ ਦੀ ਬੁਰਾਈ ਕਰਨਾ, ਆਪਣੇ-ਆਪ ਨੂੰ ਸਮਝਦਾਰ ਅਤੇ ਬਾਕੀ ਸਾਰਿਆਂ ਨੂੰ ਬੇਵਕੂਫ਼ ਸਮਝਣਾ, ਲੜਾਈ-ਝਗੜਾ, ਨਫ਼ਰਤ ਕਰਨ ਵਾਲੇ ਲੋਕਾਂ ਦਾ ਸਾਥ ਕਰਨਾ ਇਹ ਸਭ ਮਨ ਦੀ ਖ਼ੁਰਾਕ ਹੈ।

ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਮਨ ਅਜਿਹੀ ਜ਼ਾਲਮ ਚੀਜ਼ ਹੈ ਜੋ ਇਨਸਾਨ ਨੂੰ ਤਿੱਗੜੀ ਨਾਚ ਨਚਾਉਂਦਾ ਰਹਿੰਦਾ ਹੈ। ਜੇਕਰ ਤੁਸੀਂ ਕਹਿੰਦੇ ਹੋ ਕਿ ਮੇਰੇ ਕੋਲ ਬਹੁਤ ਤਾਕਤ ਹੈ, ਮੇਰੇ ਮਾਂ-ਬਾਪ ਬੜੇ ਪਾਵਰਫੁੱਲ ਹਨ, ਮੇਰੇ ਭਰਾ ਦੀ ਉੱਪਰ ਤੱਕ ਪਹੁੰਚ ਹੈ, ਤੁਹਾਡੇ ਕੋਲ ਧਨ-ਦੌਲਤ ਬਹੁਤ ਹੈ ਅਤੇ ਤੁਸੀਂ ਇਹ ਕੋਸ਼ਿਸ਼ ਕਰੋ ਕਿ ਇਸ ਸਭ ਦੀ ਧੌਂਸ ਦਿਖਾ ਕੇ ਮਨ ਨੂੰ ਰੋਕ ਦੇਈਏ ਤਾਂ ਇਹ ਅਸੰਭਵ ਹੈ ਕਿਉਂਕਿ ਮਨ ਬਹੁਤ ਬੁਰੀ ਬਲਾ ਹੈ। ਮਣ 40 ਕਿੱਲੋ ਨੂੰ ਵੀ ਕਹਿੰਦੇ ਹਨ ਪਰ ਇਹ ਮਨ ਤਾਂ ਟਨ ਤੋਂ ਵੀ ਜ਼ਿਆਦਾ ਭਾਰੀ ਹੈ।

Read Also : ਨਿਯਮ ਬਣਾ ਕੇ ਕੀਤੇ ਗਏ ਅੱਧਾ ਘੰਟਾ ਜਾਂ ਘੰਟਾ ਸਵੇਰੇ-ਸ਼ਾਮ ਲਗਾਤਾਰ ਸਿਮਰਨ ਨਾਲ ਬਣਦੇ ਨੇ ਇਸ ਤਰ੍ਹਾਂ ਦੇ ਕਰਮ

ਮਨ ਇਨਸਾਨ ਨੂੰ ਸੌਂਦਿਆਂ-ਜਾਗਦਿਆਂ, ਉੱਠਦਿਆਂ- ਬੈਠਦਿਆਂ ਕਿਤੇ ਵੀ ਨਹੀਂ ਛੱਡਦਾ। ਮਨ ਆਦਮੀ ਨੂੰ ਅਜਿਹਾ ਨਚਾਉਂਦਾ ਹੈ ਕਿ ਆਦਮੀ ਕਠਪੁਤਲੀ ਬਣ ਕੇ ਰਹਿ ਜਾਂਦਾ ਹੈ। ਗੁਰੂ ਦੇ ਹੁਕਮ ਵਿੱਚ ਨਾ ਰਹਿੰਦੇ ਹੋਏ ਮਨਮਤੇ ਲੋਕਾਂ ਦਾ ਸਾਥ ਜ਼ਿਆਦਾ ਕਰੋਗੇ ਤਾਂ ਪਤਾ ਨਹੀਂ ਇਹ ਕਦੋਂ ਫੱਟੀ ਪੋਚ ਦੇਵੇ, ਇਸਦਾ ਕੋਈ ਭਰੋਸਾ ਨਹੀਂ ਹੈ। ਇਸ ਲਈ ਕਿਤੇ ਜਾਓ ਤਾਂ ਹੁਕਮ ’ਚ, ਚੱਲੋ ਤਾਂ ਹੁਕਮ ’ਚ, ਖਾਓ ਤਾਂ ਹੁਕਮ ’ਚ।

ਕਿਸੇ ਨੂੰ ਗਲਤ ਨਹੀਂ ਬੋਲਣਾ | Dera Sacha Sauda

ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਇੱਕ ਮੁਰੀਦ ਨੂੰ ਅੰਨ੍ਹਾ, ਬੋਲ਼ਾ, ਗੂੰਗਾ ਹੋਣਾ ਚਾਹੀਦਾ ਹੈ ਭਾਵ ਗੁਰੂ ਦੀਆਂ ਅੱਖਾਂ ਨਾਲ ਦੇਖੋ, ਗੁਰੂ ਜਿਹੋ-ਜਿਹੇ ਬਚਨ ਕਹਿਣ ਉਵੇਂ ਹੀ ਮਿੱਠਾ ਤੇ ਪ੍ਰੇਮ-ਪਿਆਰ ਨਾਲ ਬੋਲਣਾ ਚਾਹੀਦਾ ਹੈ। ਕਿਸੇ ਨੂੰ ਗਲਤ ਨਹੀਂ ਬੋਲਣਾ, ਜੋ ਗੁਰੂ ਕਹੇ ਉਹ ਸੁਣੋ। ਜੇਕਰ ਤੁਹਾਨੂੰ ਕਿਸੇ ਤੋਂ ਮਜ਼ਬੂਰੀ ਵਿੱਚ ਕੁਝ ਗਲਤ ਸੁਣਨਾ ਪੈ ਜਾਵੇ ਤਾਂ ਸਿਮਰਨ ਕਰੋ ਤੇ ਉੱਥੋਂ ਚੱਲਦੇ ਬਣੋ। ਤਾਂ ਭਾਈ! ਜਿੰਨੀ ਕੋਈ ਮਨਮਰਜ਼ੀ ਕਰੇਗਾ ਓਨਾ ਹੀ ਉਹ ਦੁਖੀ, ਪਰੇਸ਼ਾਨ ਰਹੇਗਾ। ਜੇਕਰ ਗੁਰੂ ਦਾ ਕਿਹਾ ਮੰਨ ਲਿਆ ਤਾਂ ਗੁਰਮੁੱਖ ਅਤੇ ਮਨ ਦੀ ਮੰਨਦਾ ਹੈ ਤਾਂ ਮਨਮੁੱਖ।

ਪੂਜਨੀਕ ਗੁਰੂ ਜੀ ਫ਼ਰਮਾਉਂਦੇ ਹਨ ਕਿ ਰੂਹਾਨੀਅਤ ਵਿੱਚ ਜੋ ਡੁੱਬਦੇ ਹਨ ਉਹੀ ਡੁੱਬ ਕੇ ਤੈਰ ਜਾਂਦੇ ਹਨ। ਦੀਨਤਾ-ਨਿਮਰਤਾ, ਅਣਖ਼, ਗੈਰਤ ਦੇ ਨਾਲ ਜੋ ਚੱਲਦਾ ਹੈ ਉਹ ਮਨ ਦਾ ਮੂੰਹ ਮੋੜ ਸਕਦਾ ਹੈ। ਜੋ ਸਤਿਸੰਗੀ ਹੈ ਭਾਵੇਂ ਉਸਨੇ ਥੋੜ੍ਹਾ ਹੀ ਅਭਿਆਸ ਕੀਤਾ ਹੈ ਉਹ ਜਾਣਦਾ ਹੈ ਕਿ ਮਨ ਦੀ ਅਵਾਜ਼ ਕਿਹੜੀ ਹੈ ਅਤੇ ਆਤਮਾ ਦੀ ਅਵਾਜ਼ ਕਿਹੜੀ ਹੈ। ਪਰ ਮਨ ਇੰਨਾ ਹਾਵੀ ਹੋ ਜਾਂਦਾ ਹੈ ਕਿ ਇਹੀ ਸੋਚਦਾ ਹੈ ਕਿ ਦੇਖਿਆ ਜਾਵੇਗਾ। ਜਦੋਂ ਰਗੜਿਆ ਜਾਵੇਗਾ ਫਿਰ ਦੇਖਦੇ ਰਹਿਣਾ। ਇਸ ਲਈ ਗੁਰਮੁੱਖ ਬਣੋ, ਰਾਮ-ਨਾਮ ਦਾ ਜਾਪ ਕਰੋ। ਪ੍ਰਭੂ ਦੀ ਭਗਤੀ ਕਰੋਗੇ ਤਾਂ ਮਨ ਕਾਬੂ ਵਿੱਚ ਆਵੇਗਾ ਅਤੇ ਮਾਲਕ ਦੇ ਦਰਸ਼ਨ ਕਣ-ਕਣ, ਜ਼ਰ੍ਹੇ-ਜ਼ਰ੍ਹੇ ਵਿੱਚ ਜ਼ਰੂਰ ਕਰ ਸਕੋਗੇ।